ALVER KOMMUNE VELKOMEN UT PÅ TUR! Foto: Silje Andvik Hoaas / Syltaneset 15 TURAR I ALVER

Transkript

1 ALVER KOMMUNE VELKOMEN UT PÅ TUR! 15 TURAR I ALVER Foto: Silje Andvik Hoaas / Syltaneset 1

2 15 TURAR I ALVER VELKOMEN UT PÅ TUR! Det er svært mange turglade menneske i dei tre kommunane våre. Alle kommunane byr på mange flotte turmål og opparbeidde turstiar, som det ligg solid dugnadsinnsats bak. Om mindre enn to år er me Alver kommune, og me held på med mange tiltak for å gjera oss betre kjende med kvarandre. Denne turbrosjyra er eitt av dei første tiltaka der me inviterer deg til å utforska nye område. Tur er «ufarleg», og gjer godt for helsa, så me håpar at nettopp det å invitera til å gå turar i nye område gjev deg gode opplevingar, samstundes som det stadfestar at det er vakkert også utanfor våre noverande grenser. Det kan vera eit godt grunnlag for nye fellesskap, men også tryggleik for det lokalsamfunnet me bur i både no og i framtida. Me innbyr til å gå turane, skriva inn kodane og levera inn skjema på siste side i brosjyra, slik at du er med i trekninga. La det gå sport i det å utforska den nye kommunen vår! Beste helsingar frå ordførarane i Lindås, Meland og Radøy Astrid, Øyvind og Jon BLI MED PÅ FOTOKONKURRANSE I samband med 15 turar i Alver arrangerer me ein fotokonkurranse på Instagram. For å delta legg du ut bileta du ynskjer skal vera med i konkurransen og merkar dei med #15turarialver. Bruk gjerne #mittalver og #aktivalver i tillegg. For å delta i konkurransen må instagramprofilen din vera open. Vinnar av fotokonkurransen vert kåra etter 20. oktober. 2

3 Foto: Silje Andvik Hoaas / Syltaneset 3

4 TURSKILDRINGAR LINDÅS 1. Kolåstoppen på Lindås (223 moh.) Køyr til Lindås senter og følg vegen til parkeringa oppe i Kolåsfeltet. Turen startar på veg som går over til brei, grusa sti. Turen er godt skilta og tilrettelagt. På toppen får du flott utsyn nordover mot Mongstad, Austrheim og Fedje, og i nordaust ligg Gulen, Austfjorden og Masfjordfjella. Det er turbok på toppen. Turen tar kring 40 minutt tur/retur. 2. Selivarden (395 moh.) Selivarden er ein av toppane på ei kring ni kilometer lang fjellrekke i Lindås kommune. Denne turen startar ved parkering ved Fjellsbø, men det er også mogleg å gå frå Vågseidet eller Reikerås. Turen kan gjerne kombinerast med tur til Skausnøya (363 moh.). Frå toppen av Selivarden kan du sjå store delar av Hordaland fylke og skriva deg inn i turboka. Turområdet er lett å gå i, og toppen på Selivarden kan nåast innan éin time frå Fjellsbø. 3. Fløyen/Haugsåsen (140 moh.) Fløyen ligg i eit godt merka turområde på Kløvheim med ei mengd med naturstiar og kulturstiar. Start frå Kløvheim skule mot Kløve, om lag 100 meter inn på skogsveg er det sett opp ei opplysningstavle om fuglar i skogen og blomstrar. Når du har gått eit lite stykke kjem du til eit utsiktspunkt der det er eit foto-oversyn med namn på det du ser. Stien har opplysningsskilt om tre, buskar, lyng, stadnamn og kulturhistorie. På Fløyen er det ei vindfløy og rasteplass med besøksbok. Rundturen tar kring éin time og er ca 2,3 km lang. 4. Velandseggjene/ Djupedalseggene (446 moh.) Velandseggjene ligg på ein «arm» som stikk ut frå Ostereidet. Turen startar på Nesbø (ta av ved Ostereidet senter og køyr langs Hindenesfjorden til Nesbø). Det er også mogleg å gå frå Ostereidet skule, der du kan parkera. Frå skulen kan du følgja vegen mot Bjørsvik og Storset før du går opp langs ein steingard til du kjem inn på sti. Turen er middels vanskeleg, ca 10 km tur/retur frå Nesbø og tar kring tre timar. 5. Gladihaug (430 moh.) Heilt sør i Lindås kommune ligg Gladihaug, som er eit av dei høgaste fjella i den låge 4

5 delen av Nordhordland. Det er eit godt utbygd løypenett i området, og ynskjer du ein noko lengre tur, kan du gå vidare frå Gladihaug til Krossane (398 moh.) Turen startar ved parkeringsplassen i Hopsdalen (ta av frå E39 mot Hillesvåg og deretter mot Hopsdal). Det er også mogleg å gå frå Knarvik, Seim, Hjelmås og Leiknes. Turen til Gladihaug tar kring éin time éin veg frå Hopsdal. Det er lagt ut turbok på toppen av Gladihaug. Foto: Aud Taranger Nesbø / Fløyen 5

6 TURSKILDRINGAR MELAND 6. Håøytoppen (171 moh.) Turen startar ved innfartsparkeringa på Flatøy, ved betongblandeverket. Stien startar i søre del av parkeringa, og går gjennom lett terreng. Etter ein kilometer når du friområdet på Håøya, der du går vidare til toppen på ein gamal veg frå den tida då Håøya var eit kystfort. Posten er plassert på Håøytoppen. Det er mange krigsminne på staden. Turen tar kring to timar tur/retur, og er merka med skilt. 7. Brakstadfjellet (318 moh.) Til Brakstadfjellet kjem du frå mange kantar, men mest vanleg er det å gå frå gamle Vestbygd skule på Vollo. Turen startar på grusveg før eldre bygdeveg mot vest ved Myrtveitskaret. Sidan er det god sti til toppen, med flott utsikt over store delar av Holsnøy og ytre Nordhordland. Parkering ved gamle Vestbygd skule. 8. Gaustadfjellet (317 moh.) Til det flotte Gaustadfjellet er det sti frå Ådlandsvegen ved Gaustad, eller du kan du gå opp frå Søre Ådland. Det kan vera vanskeleg å parkera ved startpunktet på stien, så ta gjerne buss 346 til Gaustad sør. Det er ganske bratt og vått i enkelte parti av stiane til toppen. Posten er på toppen av fjellet. Turen tar kring to timar tur/retur Gaustad, og er merka med skilt. 9. Skintveitmarka Turen startar ved parkeringa ved Rossland skule i enden av fotballbana. Skintveitmarka er eit turområde med flotte, tilrettelagte turstiar og skogsvegar. Om du går rundtur frå Skintveit via Storavatnet, Rossland, Åsebø og Skintveit tar turen kring tre timar. Men du har fleire val og området er godt merka. Posten er plassert på Skintveitfjellet, 90 moh. 10. Eldsfjellet (324 moh.) Fjellmassivet med toppane Veten og Varden er så høgt du kan koma i Meland kommune. Du kan starta turen med å gå frå Skurtveit, eller frå motorcrossbana ved Rossland. Frå fjellmassivet får du ei fantastisk panoramautsikt i alle retningar, og ei flott fjelloppleving. Posten finn du på Varden. Parkering ved motorcrossbana. Etter skuletid er det mogleg å parkera ved Rossland skule. Turen tar kring 1,5 timar tur/retur frå motorcrossbana. 6

7 Foto: Ane Bysheim / Håøy Foto: Ane Bysheim / Skintveitmarka 7

8 TURSKILDRINGAR RADØY 11. Staurevarden (164 moh.) Turen startar ved Sæbø skule, der du kan parkera. Følg gangvegen som går i bru over bilvegen eit stykke til du kjem til eit gjerdeklyv over steingarden. Deretter følgjer du blå stikker på sti/markeveg nordover til Staurevarden, der det er vid utsikt, infotavle og rastebenk. Gå same vegen tilbake, eller gå til Solheimsåsen og følg sti nedatt til gangvegen. Denne stien er ikkje merka. NB: Det er storfe på beite i periodar. Turen tur/retur Staurevarden tar kring 1,5 time. 12. Kvistefjellet (209 moh.) Turen startar i Sæbøvågen, der du kan parkera. Følg merka sti mot Kvistefjellet, som er den nest høgaste toppen på Radøy. Herifrå har du panoramautsikt i alle retningar. Frå Sæbøvågen tar turen kring tre timar tur/retur. Det er også mogleg å ta kortversjonen frå Kviste til Kvistefjellet, som tar kring 50 minutt tur/retur. 13. Morkefjellet (217 moh.) Turen til Morkefjellet, som er det høgaste punktet på Radøy, startar på Solendfjellet og følgjer merka sti gjennom flott kulturlandskap over Lifjellet og Nøttveitveten og vidare til Morkefjellet. Parkering langs vegen på Solendfjellet (høgaste punktet på bilvegen mellom Manger og Marås). Turen tar kring 1,5 time tur/retur. Det er også mogleg å starta turen på Morken. 14. Storufshøyen Følg merka sti frå Sætre grendahus, der du kan parkera, mot Storufshøyen. Storufshøyen er ikkje høg, berre kring 70 meter, men du ser likevel vidt i alle retningar over det låglendte landskapet ikring. Du kan gå vidare på merka stiar til Lometjørna og over Hjartåsen tilbake til utgangspunktet. Tur/retur Storufshøyen tar kring 40 minutt. Går du heilt til Lometjørna, tar turen kring to timar. 15. Syltaneset Turen startar ved sankeplassen i enden av grusvegen mot Syltaneset, der du kan parkera. Følg stien nordover på vestsida av Syltaneset, gjennom eit låglendt landskap med kystlyngheier som framleis vert svidd og beita. Posten ligg i postkassen ved benken på eit lite høgdedrag heilt nord på neset. Turen tilbake kan du gå på austsida av neset, slik at det vert ein rundtur. Turen tar kring 2,5 timar. 8

9 Foto: Bente K. Hervik / Nøttveitveten 9

10 15 TURAR I ALVER STARTPUNKT MEIR INFORMASJON OM TURANE OG TURKART FINN DE PÅ UT.NO KOLÅSTOPPEN PÅ LINDÅS (223 MOH.) 11 STAUREVARDEN (164 MOH.) 2 SELIVARDEN (395 MOH.) 12 KVISTEFJELLET (209 MOH.) 3 FLØYEN/HAUGSÅSEN (140 MOH.) 13 MORKEFJELLET (217 MOH.) 4 VELANDSEGGJENE/DJUPEDALSEGGENE (446 MOH.) 14 STORUFSHØYEN 5 GLADIHAUG (430 MOH.) 15 SYLTANESET 6 HÅØYTOPPEN (171 MOH.) 7 BRAKSTADFJELLET (318 MOH.) 8 GAUSTADFJELLET (317 MOH.) 9 SKINTVEITMARKA 10 ELDSFJELLET (324 MOH.) 10

11 NYTTIG INFORMASJON OM TURBROSJYREN På kvart av turmåla som er nemnd i denne brosjyren er det i perioden 9. mai 20. oktober 2018 sett ut ein post med eit kodeord. Dette kodeordet skriv du i skjemaet på siste side i heftet. Når du har gått ti turar, derav minst éin i kvar kommune, kan du klippa ut og levera inn skjemaet på siste sida i brosjyren på rådhuset i ein av dei tre kommunane, senda den per post til Radøy kommune, Radøyvegen 1690, 5936 Manger eller skanna den og senda den på e-post til postmottak@radoy.kommune.no. FERDSEL I NATUREN Når du ferdast i naturen må du ta omsyn til dyre- og planteliv! Hugs reglar for bandtvang, og at der det er dyr på beite må hundar haldast i kort line. Det er forbod mot opptenning av eld i eller i nærleiken av skog eller anna utmark 15. april 15. september utan løyve frå kommunen. Det er likevel lov å gjera opp eld der det ikkje kan medføra brann. Rydd opp etter deg og ikkje legg frå deg boss i naturen! Informasjon om turopplegget er lagt ut på kommunane si heimeside. Der kan du også lasta ned denne brosjyren. Skildring av alle turane finn du på PREMIAR Alle frå 13 år og oppover som har gått minst ti turar, derav minst éin tur i kvar av dei tre kommunane er med i trekninga av fine premiar frå Sparebanken Vest og Knarvik senter. Det same gjeld born til og med 12 år som har gått minst sju turar og derav minst éin tur i kvar kommune. Alle born som leverer inn turhefte kan henta diplom og ei lita gåve frå Sparebanken Vest på eit av rådhusa. Foto: Ane Bysheim 11

12 BLI MED I KONKURRANSEN! Skriv inn kodeorda, klipp ut og lever inn skjema, slik at du er med i trekninga. La det gå sport i det å utforska den nye kommunen vår! For meir informasjon om konkurransen og kvar du kan levera inn skjemaet, sjå førre side. FYLL UT KODEORDA KOLÅSTOPPEN PÅ LINDÅS (223 MOH.) SELIVARDEN (395 MOH.) FLØYEN/HAUGSÅSEN (140 MOH.) VELANDSEGGJENE/DJUPEDALSEGGENE (446 MOH.) GLADIHAUG (430 MOH.) HÅØYTOPPEN (171 MOH.) BRAKSTADFJELLET (318 MOH.) GAUSTADFJELLET (317 MOH.) SKINTVEITMARKA ELDSFJELLET (324 MOH.) STAUREVARDEN (164 MOH.) KVISTEFJELLET (209 MOH.) MORKEFJELLET (217 MOH.) STORUFSHØYEN 15 SYLTANESET KONTAKTOPPLYSNINGAR Namn: Adresse E-post: Telefonnr: Alder: 12