Plassering av tang til klippekortet er markert med blå prikk på karta.

Transkript

1 Ti Turar i Time

2

3 Oversikt turar 1. Bursfjell 2. Brusaknuten 3. Melsvatnet 4. Njåskogen 5. Ulvarudlå 6. Synesvarden 7. Låglia 8. Karten 9. Sælandsskogen 10. Rundtur på Lyefjell Plassering av tang til klippekortet er markert med blå prikk på karta. Påminningar Her og der kan det vera husdyr på beite. Derfor tek me med tre små, men viktige påminningar for at alle skal ha glede av turtilbodet: Respekter bandtvangen. Lukk eventuelle grinder. Ta avfallet med heim att. HUGS SKIKKELEG FOTTØY! God tur i jærsk natur! Foto forside: Oddgeir Teigen Ti turar i Time 3

4 1. Bursfjell Fottur, 5 km, middels, 2-3 timar Tilkomst Turen startar ved Eikeland skule, der er det parkering. For å koma dit tek du av Ålgårdsvegen ved busshaldeplassen (rute 56), der tilvisingsskiltet er. Turinformasjon Bursfjell ligg i Time, og grensar til Gjesdal. Toppen er 365 moh., så om vêret er med deg, kan du nyta ei imponerande utsikt frå toppunktet. Turen til Bursfjell er ei rundløype, så du kan velja om du vil gå medurs mot Riset, eller moturs mot Ødegård. Turen er merka frå begge desse gardsbruka. 4 Ti turar i Time

5

6 2. Brusaknuten Fottur, 6 km, middels, 2-3 timar Dyr på beite heile året Tilkomst Turen startar frå Ognedalsstølen. Det er skilta til parkering frå fv. 504, Buevegen, mellom Oslandsvatnet og Mellomstrandsvatnet. Turinformasjon Turen er ein topptur til Brusaknuten, som er den høgste toppen på Jæren (432 moh.). Turen kan kombinerast med ein rundtur til Karten. Karten er omtalt seinare i boka. Turen startar på gardsveg og held fram i terreng. Det kan vera blaute parti undervegs. 6 Ti turar i Time

7

8 3. Melsvatnet Fottur, 4 km, enkel, 1 time Dyr på beite heile året Denne turen er mogleg med rullestol og barnevogn Tilkomst Denne turen kan du starta på ein av dei tre parkeringsplassane rundt Melsvatnet. Parkering er skilta frå Ålgårdsvegen mellom Lye og Ålgård. Turinformasjon Dette er eit populært område, der du òg finn fleire badeplassar. Og ja, det er fin fisk i vatnet! Turen går på godt underlag gjennom vekslande terreng. Stien er solid og godt fundamentert, med slake opp- og nedoverbakkar, stort sett med godt overblikk over vatnet. Fleire flotte utsiktspunkt undervegs på turen, mellom andre den godt merka Brunshammaren (179 moh.) like ved gangbrua i den austre enden. 8 Ti turar i Time

9

10 4. Njåskogen Fottur, 2,3 4,5 km, enkel, passar for folk flest Denne turen er mogleg med rullestol og barnevogn Tilkomst Kjem du i bil parkerer du på parkeringsplassen ved innkjøringa til skogen frå Kvernelandsvegen. Avgift på 20 kroner. Buss 53 har haldeplass ved Njåskogen. Turinformasjon Der er fleire turalternativ i Njåskogen. Alle turane går på skogsveg med grusbelegg. Med parkeringsplassen som utgangspunkt kan du velja ein kort (2,3 km) eller ein lang rundtur (4,5 km). Du kan òg bruka lysløypa (2,7 km, sjå kartet), som har noko av det finaste av det som det varierte terrenget i området har å by på. Det går an å sykla gjennom skogen. Følg skilta som viser kor sykkelruta går. 10 Ti turar i Time

11

12 5. Ulvarudlå Fottur, 6 km, middels, 2-3 timar Tilkomst Du kan starta turen både på Tjåland og på Aurenes. Det er skilta til parkering begge stadene frå fv. 201, Sikvalandsvegen. For å koma til parkeringsplassen på Tjåland må du passera gjennom grinda. Hugs å lukka grinda. Turinformasjon Rundturen via Ulvarudlå er om lag 6 km og tek 3 timar. Frå Tjåland er det mogleg å gå til Fiskelaustjødn med barnevogn. Turen går på gardsveg og i terreng. I dette landskapet møter du både sauer og geiter som er ein viktig del av skjøtselen av kystlyngheiområda våre. 12 Ti turar i Time

13

14 6. Synesvarden Fottur, 4 km, middels, 1 time, passar for alle Tilkomst Frå Undheim kjører du mot sør på fv Etter Storamos og Litlamos svinger du til høgre mot Brusand. Turen startar frå parkeringsplassen (avgift) ved Topdalsvegen (fv. 133). Turinformasjon Turen er ein topptur til Synesvarden (359 moh.). Herifrå kan du sjå sju kyrkjesokn! Turen tek om lag ein time. Du kan òg ta ein fin rundtur mellom Synesvarden, Steinkjerringa og Holmavatnet. Området rundt Synesvarden er eit flott eksempel på gammal kulturmark og viser korleis mykje av Jæren såg ut for meir enn 50 år tilbake. Området er verna. Formålet med vernet er å ta vare på eit større jærsk hei-, myr- og utmarksbeitelandskap med eit særmerkt dyre- og planteliv, kulturminne, kvartærgeologiske landskapsformer og område med stor verdi for naturoppleving. 14 Ti turar i Time

15

16 7. Låglia Fottur, 5 km, middels, 2-3 timar Tilkomst Frå Undheim fylgjer du fv. 201, Sikvalandsvegen, forbi Knudaheio mot Sikvaland. Det er skilta parkeringsplass på høgre side av vegen, omlag 400 m etter Tjålandsbakken. Vis omsyn når du parkerer, slik at du ikkje stenger for nokon. Turinformasjon Turstien følgjer jordbruksvegar første delen, og deretter godt merka stiar i terrenget. Nokre plassar er det ganske bratt, men ikkje over lange strekk. Låglia er ein gammal buplass, der folka budde og levde året rundt. Det var ikkje nettopp noko lettvint liv dei hadde! Men «steinauga» hadde dei. Sjå sjølv og vert imponert, ikkje minst av steinarbeidet deira. Ver merksam på at det er storfe på beite store delar av året i dette området. Dei er stort sett snille og greie, men kan vera lettskræmde og forvitne på framande hundar! 16 Ti turar i Time

17

18 8. Karten Fottur, 5 km, middels, 3 timar Tilkomst Turen startar frå parkeringsplass ved fv. 504, Buevegen, mellom Husavatnet og Mellomstrandsvatnet. Turinformasjon Turen er ein topptur til Karten, som er 421 meter høg. Utsikten frå toppen er flott. For ein gongs skuld ser du vindmøllene ovanfrå! Sjølv om det er ei viss stigning på denne turen, er det relativt lett og greitt terreng, stort sett på gode og tørre traktorvegar og grasunderlag. Turen kan kombinerast med rundtur til Brusaknuten. 18 Ti turar i Time

19

20 9. Sælandsskogen Fottur, 6,5 km, middels, 3 timar Tilkomst Denne turen begynner på parkeringsplassen i sørenden av Sælandsskogen, på Sælandsvegen mellom Undheim og Eikeland. Turinformasjon Turen er ein rundtur rundt Sælandsfjellet. Turen går først gjennom Sælandsskogen, deretter vidare langs Taksdalsvatnet. Etter nokre hundre meter langs vatnet kjem du til utløpet til Uråna. Nå går du oppover langs elva til du kjem til kjelda, som er Engjavatnet. I bakkane sør for vatnet ligg den gamle husmannsplassen Bjødnaliå. Her er det flott å ta ein pause og kanskje eit garantert kjøleg bad? Ta grusvegen på andre sida av vatnet tilbake til p-plassen. Vegen går til Sjelset og ned til Kleiva. Følg skilta tilbake til p-plassen. Urådalen er verna. Formålet med vernet er å ta vare på det eigenarta natur- og kulturlandskapet i Urådalen. 20 Ti turar i Time

21

22 10. Rundtur på Lyefjell Fottur 5 km, middels, 1-2 timar Tilkomst Utgangspunktet for denne turen er enten på parkeringsplassen ved Monsanut barnehage på toppen av Lyefjell, eller på parkeringsplassen i Åsen, ved Åsvatnet. Turinformasjon Turen er ein rundtur som stort sett følgjer skogsvegar og grusvegar. Turen kan kombinerast med ein topptur til Varden. Turen går over flott kulturlandskap og passerar store myrareal som er dei finaste myrane me har i Time. Rådyr er vanleg i området så her er det viktig å halda hundar i band. Ved Ulvatjørn er der ein fin rasteplass. Ver merksam på at vatnet bør kokast før drikking. 22 Ti turar i Time

23

24 Har du lyst å gå fleire turar? Sjå Jæren turlag si nettside. Her finn du oversikt over turar med turleiar. Nærturar - Gå på tur der du bur! I samarbeid med Jæren Turlag har kommunen merka åtte nærturar. Sjå Postboks 38, 4349 Bryne h Tlf h Faks h E-post: post@time.kommune.no h