2 av 18 SAKLISTE Saker til handsaming på møtet Sak nr. Arkivsak Sakstittel Merknad 005/14 006/14 007/14 14/142 13/157 13/ /14 09/ /14 12/4

Transkript

1 1 av 18 SAMNANGER KOMMUNE MØTEINNKALLING Utval: Møtedato: Møtetid: Møtestad: Formannskapet :00 Kommunehuset Varamedlem skal ikkje møta utan nærare innkalling Forfall til møtet eller ugildskap må meldast snarast råd til ekspedisjonen (tlf eller e-post ), som vil kalla inn varamedlem. Leiar av utval

2 2 av 18 SAKLISTE Saker til handsaming på møtet Sak nr. Arkivsak Sakstittel Merknad 005/14 006/14 007/14 14/142 13/157 13/ /14 09/ /14 12/475 Faste saker Personalsak - Tingingar med arbeidstakar Oppfølging av rapport om barnevernet i Samnanger Bustadhus Hagamulen SOLLI gnr 27,bnr 64. Tilleggsløyvingar reparasjon av kai på Ytre-Tysse Oversikt faste saker Godkjenning av innkalling og sakliste Eventuelle merknader til protokoll frå førre møte Delegerte vedtak/referatsaker Utvalet sitt kvarter U Ikkje offentleg

3 3 av 18 SAMNANGER KOMMUNE SAKSFRAMLEGG Arkivsaksnr: 14/142 Sakstype: Politisk sak Løpenr: 14/777 SAKSGANG Møtedato Saksnr /14 Styre, utval, komité m.m. Formannskapet Saksbeh. TR FASTE SAKER Oversikt faste saker: Godkjenning av innkalling og sakliste Eventuelle merknader til protokoll frå førre møte Delegerte vedtak/referatsaker Utvalet sitt kvarter Oversikt delegerte vedtak/referatsaker som er meldt opp til møtet: Arkivsak Dok.dato Dok.type Avs./mott. Tittel/innhald 13/ N Marit Aksnes Budsjett uavklara tilhøve Aase Rådmannen sitt framlegg til vedtak: Møteinnkallinga og saklista vert godkjent Delegerte vedtak/referatsaker vert tekne til orientering

4 4 av 18 Sak 006/14 Personalsak-Tingingar med arbeidstakar er sendt ut på papir

5 5 av 18 SAMNANGER KOMMUNE SAKSFRAMLEGG Sakshandsamar: Tone Ramsli Arkivsaksnr: 13/849 Sakstype: Politisk sak Styre, utval, komité m.m. Formannskapet Arkivkode: FA-F47 Løpenr: 14/767 SAKSGANG Møtedato Saksnr /14 Saksbeh. TR Oppfølging av rapport om barnevernet i Samnanger Rådmannen sitt framlegg til vedtak: Kommunestyret legg til grunn at det kjem på plass eit godt og tenleg internkontrollsystem når Samnanger kommune inngår i eit interkommunalt samarbeid om barnevernet. I påvente av det skal kontoret har ekstra merksemd på lover og forskrifter, og sjå til at dei vert følgt opp. Dette gjeld særleg på område Samnanger kommune har hatt negativt avvik, m.a. å overhalda lovmessig tidsfristar. Kommunestyret er samd i at ved å få på plass eit system for tverrfagleg samarbeid for barn og unge vil ein ha eit godt reiskap som sikrar godt samarbeid både internt i kommuneorganisasjonen og med eksterne samarbeidspartar. Dokument som ikkje er vedlagt: Granskingsrapport 1

6 6 av 18 Kva saka gjeld: Formannskapet fatta i møte fylgjande vedtak: FORM-002/14 Vedtak: Rådmannen førebur sak for formannskapet/kommunestyret der følgjande tema skal sjåast på med tanke på å avslutta sak knytt til gransking og granskingsrapporten av barnevernet: Internkontrollsystem med tilhøyrande skildring av rutinar. Samhandling og samarbeid med brukarar og i og mellom ulike omtala faginstansar og einingar. Som del av saksførebuinga skal interkommunalt barnevernsamarbeid avklarast og ny organisasjonsplan for tenestene som i dag ligg til sosial og helseeininga presenterast. Arbeidet med ny organisasjonsplan er føresett gjennomført innan utgangen av januar. Som del av dette skal det søkjast avklara kva arbeidsforhold personalet i barnevernet vårt i framtida skal ha til Samnanger kommune. Internkontroll I fylgje lovverket skal det vera utarbeidd skriftlege rutinar for arbeidet i barnevernet. 4 andre ledd omtalar kva internkontrollen minst skal innehalda. a) Skildring av verksemda si organisering, oppgåver og mål. Her skal det m.a. gå fram kven som har ansvar for kva. b) Sikra tilgang til lovverk og forkrifter c) Kompetanse d) Medverknad frå dei tilsette og frå andre som gjer oppdrag for barnevernet e) Bruka erfaringane og tilbakemeldingane frå barn og foreldre f) Gjennomføra risikovurderingar Eit internkontrollsystem for barnevernet vil innehalde rutineskildring for mange oppgåver. Skildringa skal i detalj gjera greie for korleis ein skal handtera bestemte oppgåver. Det kan t.d. vera handtering av bekymringsmeldingar. Sjølv om det ytre regelverket er likt for alle, vil organiseringa på kontoret, sakshandsamingsverktøy, postrutinar m.m. gjera at rutinane ikkje er likt frå det eine kontoret til det andre. Barnevernstenesta i Samnanger har starta på arbeidet med ei rutinehandbok skisse vart utarbeidd i 2012, men arbeidet stansa opp. Vurderingar: Med utgangspunkt i at ein internkontroll skal skildra rutinane ved kontoret relativt detaljert, ser rådmannen for seg at det ikkje har noko føremål å sette i gang dette arbeidet no når barnevernet i løpet av relativt kort tid vert interkommunalt. Inntil så skjer, må kontoret vera svært merksam på lover og forskrifter, og sjå til at dei vert følgt opp. Dette gjeld særleg på område me har hatt negativt avvik, m.a. å overhalda lovmessig tidsfristar. 2

7 7 av 18 Samhandling og samarbeid med brukarar og i og mellom ulike omtala faginstansar og einingar. Med rapporten har me fått ei påpeiking på område der me klart må forbetra oss samhandling og samarbeid. Dette er teke tak i av dei som i dag arbeider i/gjer oppdrag for barnevernstenesta i Samnanger. Samhandling vil og vera eit sentralt tema i internkontrollsystemet. Rapporten peiker på at det er manglar i samhandling og samarbeid mellom barnevernet og einignar/avdelingar/personar i kommunen og også med instansar utanføre kommunen. Når det gjeld samhandling og samarbeid i og mellom ulike faginstansar og einingar, er det starta opp eit arbeid/prosjekt som har som føremål å betra på dette. Dette var planlagt starta opp i 2013, men var ikkje mogleg å prioritera. I budsjettet for 2014 er det sett som mål å få etablert eit tverretatleg samarbeid rundt barn og unge innan utgangen av året. Ass. rådmann, som er ansvarleg for prosjektet, har starta opp arbeidet og det er alt kome inn innspel for fleire konstruktive innspel frå medarbeidarane våre. Vurderingar: Gjennom etablering av eit tverretatleg samarbeid for barn og unge vil me sette eit ekstra lys på kor viktig samarbeid er. Det bør i seg sjølv innebera at alle i organisasjonen får dette inn under huden. Gjennom prosjektet vil ein og finna fram til kva som skal gjerast organisatorisk, skal dette ansvaret leggjast til ein person, skal me ha faste fora/møteplassar m.m. Samhandling med barn og foreldre og på kva måte det skal skje på vil vera eit sentralt tema i internkontrollhandboka som etter kvart vil koma på plass. I påvente av interkommunalt samarbeid, vil det for rådmannen vera viktig å få kommunisert til dei som arbeider i barnevernet vårt om kor viktig det er at dette vert teke på alvor. Framtidig organisering Rådmannen har sidan vedtaket vart fatta gjennomført fleire interne møte for å få informera om vedtaket og arbeidet. Det har vore møte med tilsette i sosial- og helseeininga og med representantar for plo leiar, psykiatrisk sjukepleiar og avd.leiar funksjonshemma. Det har og vore samtaler med einingsleiar for sosial og helse. I tillegg har det vore drøftingar internt hjå rådmannen. Det har vore gode og konstruktive møte. Fleire ga klare tilbakemeldingar om kva dei ønskte som framtidig organisering. Nokre diskusjonar gjekk i retning av at det gjerne var tida for å sjå nærare på heile den administrative organiseringa. Det var prinsipielle diskusjonar m.a. om kva som er ein robust organisasjon og om ulike problemstillingar knytt til samanblanding av forvaltning og drift. Gjennom arbeidet har rådmannen etter kvart konkludert med at det er tid for å sjå på heile organisasjonen. Dette slutta formannskapet seg til i møte Formannskapet stør at rådmannen vurderer heile den administrative organiseringa i Samnanger kommune. Formannskapet ønskjer å vera ein aktiv medspelar i dette arbeidet. Rådmannen kjem attende med eiga sak som også inkluderer opplegg, organisering og framdriftsplan. Interkommunalt samarbeid 3

8 8 av 18 Det vert no arbeidd med ein avtale med Kvam herad om at dei tek ansvaret for barnevernet. Rådmannen var i møte med heradet torsdag , og det vart då presentert ei skisse til avtale. Fleire spørsmål må finne si avklaring, m.a. om tilsettingstilhøve og økonomi. Den skisserte framdrifta tilseier oppstart av samarbeidet før sommaren. Kvam ser for seg ei handsaming av avtalen anten i kommunestyremøte i april eller mai. 4

9 9 av 18 SAMNANGER KOMMUNE SAKSFRAMLEGG Sakshandsamar: Tone Ramsli Arkivsaksnr: 09/354 Sakstype: Politisk sak SAKSGANG Styre, utval, komité m.m. Formannskapet Arkivkode: FE-614 Løpenr: 14/761 Møtedato Saksnr /14 Saksbeh. TR BUSTADHUS HAGAMULEN SOLLI GNR 27,BNR 64. Rådmannen sitt framlegg til vedtak: Samnanger kommune startar førebuingane med sal av kommunal eigedom i Hagamulen. Som del av dette arbeidet skal leigetakarane få god informasjon, og før salet må dei vera tilbydd alternativ bustad. Kommunen kan, dersom det ikkje vert oppnådd akseptabel pris, fortsetta å eiga eigedomen. Kostnadene med salet vert finansiert ved salssummen. Dersom kommunen vel å behalda eigedomen, vil ein koma attende til finansiering av kostnadene. Kva saka gjeld: Samnanger kommune har ein bustadeigedom i Hagamulen med to husvære. Det er NAV sosial som disponerer eigedomen. For eit av husværa har leigetilhøve av ulike grunnar vore for korte periodar. Delar av eigedomen fekk ei oppgradering for nokre år sidan, men den har ein del manglar som er vanskeleg å løysa. Dette går først og fremst på fukt. T.d. er kjellaren svært fuktig, og det er truleg ein del skader på bygningen som skuldast dette. Bygget har på oppsida lite klaring til terrenget rundt. 1

10 10 av 18 Samnanger kommune har få kommunale utleigebustader. I realiteten har me f.t. desse to i Hagamulen og bustaden på Lønnebakken. I tillegg kjem bustader øyremerkja bestemte grupper omsorgsbustader og aldersbustader. Dei tidlegare utleigebustadane på Reistad er stilt til disposisjon for pleie- og omsorgseininga og er del av tilbodet til funksjonshemma. Bustad på Haga er også disponert av plo i samband med innleiga av personell. Kommunane har ei plikt til å hjelpa vanskelegstilte med husvære. SAFA a.s. har med sine mange utleigebustader gjort det mogleg for kommunen å oppfylle kravet om hjelp til bustad utan at me har måtte hatt eigne husvære. Her har kommunen inngått leigeavtale direkte, og det er også mogleg for kommunen å formidla kontakt som gjer at det vert inngått avtale der kommunen ikkje er part. Kommunestyret i Samnanger har ved ulike budsjetthandsamingar bedt om at det vert vurdert å selja kommunale eigedomar. Denne saka må også sjåast i lys av det. Vurderingar og konsekvensar: NAV opplyser at bustadane i Hagamulen er til stor hjelp for dei når dei må hjelpa folk med å skaffa husvære. Inngåtte leigeavtalar er som oftast ikkje tidsavgrensa, dvs. at det stort sett vil vera leigetakaren som avgjer kor ofte husvære er tilgjengeleg for utleige. Med så få husvære tilgjengeleg vil løysinga for kommunen måtte vera å ha tilgang til private utleigehusvære. Rådmannen ser det av den grunn ikkje som noko stort problem å selja dei to husværa, men det bør vurderast om ein då skal inngå leigeavtalar med private for eit eller to husvære som erstatning. Kommunen har ved fleire høve vurdert å selja Hagamulen, og då ut frå den same problemstillinga med omfattande vedlikehald. Me har tidlegare konkludert med å behalda eigedomen, men me vurderer det no slik at vass-/fuktproblema er av ein slik karakter at det ikkje er rett for kommunen å gå laus på dei. Desse problema vil sjølvsagt ha betydning for salsummen, men private aktørar kan vurdera kost/nytte på ein annan måte enn det kommunen kan. Det vil derfor vera meir interessant eint økonomisk for private å investera i ei oppgradering/utbetring enn det vil vera for kommunen. Hagamulen har vore nyttig for kommunen for å løysa problemstillingane for dei vanskelegstilte i bustadmarknaden. Det er to grunnar til at me vurderer sal. Det eine er det som er nemnd over med vedlikehald. Det andre er å få frigjort kapital. Det bør derfor vera av betyding for om me skal selja eller ikkje at me oppnår ein viss sum for eigedommen.. Men me må leggja til grunn at dersom me beheld Hagamulen må me i nær framtid bruka pengar på opprustinga dersom me fortsett skal leiga den ut. Begge husværa er i dag leigd ut. Dersom me vel å leggja eigedomen ut for sal, er det viktig at leigetakarane vert godt ivaretekne. God informasjon og alternativ bustad må til. 2

11 11 av 18 SAMNANGER KOMMUNE SAKSFRAMLEGG Sakshandsamar: Tone Ramsli Arkivsaksnr: 12/475 Sakstype: Politisk sak SAKSGANG Styre, utval, komité m.m. Formannskapet Arkivkode: FE-153 Løpenr: 14/748 Møtedato Saksnr /14 Saksbeh. TR TILLEGGSLØYVINGAR REPARASJON AV KAI PÅ YTRE-TYSSE Rådmannen sitt framlegg til vedtak: Det vert løyvd inntil kr til reparasjon av stigar på betongkaia på Ytre-Tysse og til oppsett av ein redningsstige på same kaianlegget samt til sikring av trekai. Summen vert finansiert ved bruk av næringsfondet. Det vert ikkje løyvd ytterlegare midlar til reparasjonar m.m. av kai på Ytre-Tysse. Det inneber at trekaia må sikrast og stengjast av både frå landsida og sjøsida. Dokument som er vedlagt: Reperasjon av kai Ytre Tysse.docx Kva saka gjeld: Teknisk eining søkjer om tilleggsløyving på kr til reparasjon av kai på Ytre-Tysse. Dette gjeld reparasjon av trekaia. I tillegg er det og meldt inn behov for midlar til å erstatta to stigar på 1

12 12 av 18 betongkaia og til innkjøp og oppsett av ein redningsstige. Alle skadane skjedde som fylgje av isgang vinteren 2013/14. Eininga hadde reparasjon av kaianlegg på Ytre-Tysse med som tiltak i budsjettframlegget sitt for Men tiltaket vart ikkje prioritert. Av søknaden frå teknisk eining les me: Vinteren var det mykje isgang som påførte kaien store skadar på konstruksjon som står ned i sjøen. Slike vêrforhold som det var denne vinteren vil ikkje gamle tre kaiar stå mot Stolpar som kaien er bygd opp av er gamle og prega av mange år i sjøen. Kaien kan bevarast med å skifte ut brekte,sletne delar og forsterke konstruksjonen der som ein ser at det trengst. Dette arbeide må i gang setjast snarast for å sikra almen ferdsel. Viss dette ikkje blir prioriter må kaien avstengjast fysisk for all bruk. Etter synfaring og innhenting av prisar vil reperasjonen av kommunal kai påføre kommunen kostnader på kr moms. Vurderingar og konsekvensar: Fleire oppsitjarar, besøkjande og andre har påpeika manglar ved kaianlegget. Dei har vist til at det ikkje er mogleg å koma på land utan frå store båtar. Dette skuldast først og fremst at stigane på betongkaia har vore øydelagde. Desse kan reparerast, men teknisk har ikkje det med i planane sine. I tillegg bør det monterast ein redningsstige som kan takast opp om vinteren. Den gamle trekaia er vesentleg for miljøet på Ytre-Tysse. Dersom kommunen ikkje finn midlar til reparasjonen, må kaia stengast av. Manglande vedlikehald no kan føra til ytterlegar skader, men truleg medfører det ikkje dei store ekstra kostnader. Tilkomst frå mindre båtar på Ytre-Tysse skal i fylgje vedtekne planar skje via ein marina med landgang til trekaia. Det låg fram til 2012 ei mindre gjestebryggje/flytebryggje med landgang her. Teknisk eining fjerna denne fordi dei vurderte at dei ikkje kunne gå god for at anlegget var sikkert nok. Dette gald særleg tilkomsten til land. Tiltaket med redningsstige på betongkaia vil til ein viss grad hjelpa til at personar frå mindre båtar kjem seg på land, men det er ikkje noko god løysing for desse. Først ved utlegging av marina med landgang vil me få til ein god og sikker tilkomst. Marinaen er tenkt løyst gjennom eit samarbeid mellom private og kommunen. Kommunen har ikkje sett av midlar til kommunen sin del av arbeidet, men har vore open for å starta planlegging gitt at det kjem innspel frå private som vil engasjera seg. Reparasjon av trekaia var sett fram som tiltak av eininga i budsjettdebatten, men vart ikkje prioritert. Det er slik sett vanskeleg å fremja sak om tilleggsløyving så straks etter budsjetthandsaminga. Det vert likevel gjort sidan det har vore eit press på kommunen for å ordna opp. Den økonomiske situasjonen er ikkje betre i dag, men rådmannen vel likevel å presentera saka m.a. for å sikra at det er klart kva som vert resultatet dersom det ikkje vert stilt midlar til disposisjon. Dersom det er mogleg å prioritera tiltaket med midlar, vil rådmannen først prioritera betongkaia (stigar). For ein relativt liten sum kan me då sikra at me får nytte av den store investeringa som er gjort her. Dvs. at eksisterande stigar vert reparerte og at det vert plassert ut ein redningsstige. Det vert løyvd inntil kr til dette tiltaket. Delar av denne summen skal brukast til å stenga av trekaia. 2

13 13 av 18 Rådmannen har ikkje funne rom for å løyve midlar til reparasjon av trekaia. Det vert derfor tilrådd at den vert sikra og sperra av. 3

14 14 av 18 Reperasjon av kai Ytre Tysse. Viser til tidligare omtale og tiltak( kai Ytre Tysse reperasjon isgang pri. 1. nr 72.) spela inn i budsjettet for Vinteren var det mykje isgang som påførte kaien store skadar på konstruksjon som står ned i sjøen. Slike vêrforhold som det var denne vinteren vil ikkje gamle tre kaiar stå mot Stolpar som kaien er bygd opp av er gamle og prega av mange år i sjøen. Kaien kan bevarast med å skifte ut brekte,sletne delar og forsterke konstruksjonen der som ein ser at det trengst..

15 15 av 18 SAMNANGER KOMMUNE Rådmannskontoret Notat Til: Marit Aksnes Aase Frå: Tone Ramsli BUDSJETT UAVKLARA TILHØVE Saknr/Journalnr 13/340/14/722/ASK/TR Arkivkode FE-151 Dato: Bakgrunnen for dette notatet er kommunelova 47 nr 2 Skjer det endringer i løpet av budsjettåret som kan få betydning for de inntekter og utgifter som årsbudsjettet bygger på, skal administrasjonssjefen, kommunerådets leder eller fylkesrådets leder gi melding til kommunestyret eller fylkestinget. I kommentar til paragrafen står m.a. at administrasjonssjefen har rettslig plikt til å sørge for at det straks blir fremmet sak om de nødvendige justeringer i årsbudsjettet. Det må likevel være adgang til å se situasjonen litt an før man slår alarm. (mi understreking). Rådmannen vil med dette skrivet informera formannskapet om nokre postar i budsjettet for 2014 der me alt no ser at det vil verta negativt avvik. Me er i innspurten med rekneskapsavslutninga, noko som gjer at me ikkje har full oversikt over fond m.m. Mykje tilseier at me får eit underskot i 2013, og ut frå regelverket vil evt. midlar på driftsfond (t.d. disposisjonsfond) brukast til å dekkja delar av forventa underskot. Det tilseier at overskridingar på postar i budsjettet for 2014 må dekkjast inn ved omdisponeringar på driftsbudsjettet, fortrinnsvis innan eige ansvarsområde. Dei negative avvika me tek opp i notatet er av ein slik storleik at det ikkje utan vidare lar seg gjera å finna dekking innan eige ansvarsområde. Rådmannen har f.t. ikkje forslag til korleis me skal løysa dette, og det er grunnen til at me legg fram eit notat og ikkje ei sak der det vert invitert til å fatta vedtak. Brannsamarbeid Formannskapet vedtok 19. desember 2013 avtale om brannvernsamarbeid med Bergen som gjer at utgiftene på dette området vert høgare enn budsjettert. I vedtaket vart rådmannen bedt om å koma attende med finansiering. Sidan nokre tenester vil verta fakturert etter medgått tid, veit me ikkje eksakt kor stor meirkostnaden vert. Ut frå det som er avtala og det som er sagt i drøftingane legg rådmannen til grunn ein forventa meirkostnad på kr i

16 16 av 18 Finansiering Fylkesmannen har nokre skjønsmidlar som m.a. skal brukast til omstilling. Brannsamarbeid har tidlegare vore eit prioritert område for desse midlane. Samnanger fekk for nokre år tilbake ein sum i samband med samarbeidet med Fusa. Rådmannen har vore i kontakt med fylkesmannen med førespurnad om tilskot til samarbeidet med Bergen. Fylkesmannen opplyser på telefon at det er ein søknadsfrist på midlane (enda ikkje fastsett) og at det ikkje er aktuelt å gje tilskot utanføre den prosessen som dei har lagt opp. Rådmannen har tru på at me får midlar sjølv om kommunesamanslåing er prioritert område for midlane. Det er vanskeleg å meina noko om storleik og om fylkesmannen vil sette føringar på kva midlane skal brukast til opplæring, felles øvingar m.m. Det er sjukefråvær i teknisk eining der det ikkje er sett inn vikar. Heile eller delar av sjukepengerefusjon er tenkt brukt til delfinansiering av meirkostnaden på brannområdet. Legevaktsamarbeid Samnanger kommune har ein avtale med Os kommune om legevaktsamarbeid. Tenesta og utgiftene er del av kommuneoverlegen sitt ansvarsområdet. Avtalen tilseier ei årleg prisjustering. Det har til dels vore diskusjonar mellom partane om storleiken på rekninga. Os kommune har meint at Samnanger skulle betala meir enn det som er nedfelt i avtalen. Det er imidlertid heilt klart at avtalt sum skal indeksregulerast kvart år i høve til ein sats rekna ut frå gjennomsnittleg lønsauke i KS-området. Melding om denne reguleringa kjem seint på året gjerne etter at eininga har presentert sitt budsjett. I samband med årsavslutning for 2013 oppdaga me at summen i budsjettet for 2013 er for låg i høve til kravet. Budsjettsummen er prisjustert, men utgangspunktet har vore for lågt. I 2013 manglar kroner. I 2014 er det ikkje føreteke prisjustering. Med eit utgangspunkt på vel 2 mill. kroner, medfører det eit avvik mellom budsjett og forventa kostnad på minst kroner. Merknad Rådmannen er svært frustrert over denne type avvik. Her er det mange ledd som skal handtera budsjettframlegg også rådmannen -, og denne type feil burde vore oppdaga. Som nemnd innleiingsvis har rådmannen ikkje midlar som kan omdisponerast, så dersom budsjettet skal salderast no må det skje ved omdisponering. Innan eining for sosial og helse er det f.t. ikkje mogleg å finna så mykje midlar. Vassforsyning I budsjettet for 2014 er det budsjettert med eit overskot på kr Vassforsyning er eit sjølvkostområde, dvs. at det ikkje er lov å la dette området subsidiera andre tenester. Samnanger kommune har hatt underskot på dette området frå år til anna. Når me har hatt overskot t.d. i har me grunngjeve det med underskota frå tidlegare år. Med til dels store overskot i 2012 og i 2013 må me sjå nærare på om det er akseptabelt/lovleg å leggja opp til eit så pass stort overskot som kr i Avsluttande kommentar Rådmannen vil til møtet i kommunestyret i mai legge fram sak om revisjon av budsjettet for I den grad det vert behov for omfattande endringar i budsjettet, vil me leggja opp til ein prosess som involverer einingsleiarar, tillitsvalde og formannskapet.

17 17 av 18

18 18 av 18 Dette arbeide må i gang setjast snarast for å sikra almen ferdsel. Viss dette ikkje blir prioriter må kaien avstengjast fysisk for all bruk. Etter synfaring og innhenting av prisar vil reperasjonen av kommunal kai påføre kommunen kostnader på kr moms. Mvh Endre