ÅRSMELDING FOR KOMMUNALT RÅD FOR FUNKSJONSHEMMA 2013.

Transkript

1 LUSTER KOMMUNE Rådmannen servicetorget ÅRSMELDING FOR RÅDET ÅRSMELDING FOR KOMMUNALT RÅD FOR FUNKSJONSHEMMA Rådet for valperioden : Medlemmer: Kåre Øvregard, Gaupne Selmer Tverberg, Marifjøra Ellen Havellen, Solvorn Hildegunn Øygard Hansen, Gaupne Odd Atle Stegegjerdet Personlege varamedlemer: Ingeborg Nybø, Gaupne Marit Johanne Nyhus, Skjolden Thorleiv Hurthi, Marifjøra Anne Marie Bolstad, Skjolden Nils Einar Thune Leiar: Hildegunn Øygard Hansen Nestleiar: Ellen Havellen Sekretær: Karin Leirdal. Kommunalt råd for funksjonshemma har i 2013 hatt 6 møte, og handsama 25 saker. Rådet skal vera eit samarbeids- og rådgjevande organ for kommunen i saker som vedkjem dei funksjonshemma sine behov og interesser. Rådet skal arbeida for størst mogeleg grad av integrering av funksjonshemma på alle område. Rådet skal arbeida for full likestilling for dei funksjonshemma i Luster kommune. Rådet har hatt fylgjande saker. 1. Årsmelding for kommunalt råd for funksjonshemma Årsmeldinga vart handsama i Rådet i møte den sak nr. 9/13 og lagt fram for kommunestyret i møte den sak nr. 41/13. Kommunestyret sitt vedtak: Kommunestyret tek Årsmelding 2012 for Rådet for funksjonshemma til orientering.

2 2. Budsjett 2014, økonomiplan , Planleggingsprogram Rådmann Jarle Skartun orienterte i fellesmøte med Eldrerådet og Brukarutvalet. Framlegg til budsjett 2014, økonomiplan, planleggingsprogram Deretter hadde råda møte kvar for seg. Rådet for personar med nedsett funksjonsevne gjorde slikt vedtak: (Møte den 2. desember 2013 sak nr. 24/13.) «Rådet er positive til framlegg til investeringsprogram i økonomiplanen og planleggingsprogrammet for Luster Rådet vil særleg peike på trongen for bustader og at det er viktig med satsing og prioritering innan dette området. Utbygging og ferdigstilling av byggefelt må halda fram i tillegg til finansiering og kjøp av gjennomgangsbustader. Rådet vill få koma med fylgjande innspel til budsjett, økonomiplan og planleggingsprogram Rådgjeving for kjøp av eigen bustad Rådet ber Luster kommune vurdera å etablera rådgjeving for personar som ønskjer å kjøpa eigen bustad. Målgruppa vil vera funksjonshemma, personar med rus- og psykiske vanskar og andre som har vanskar med å kjøpa eigen bustad. System for styrka læring, spes. ped. organisering og opplegg Rådet vil på det sterkaste oppmode om at det ikkje blir sparing og ned prioritering innan dette området. Trong for spes.ped. tiltak er aukande. Dess tidlegare svake og/eller vanskelegstilte blir «fanga opp» og får eit godt system for læring og trivsel i barnehage og skule, dess lettare kan desse få hjelp til personlege problem og uønska handlingar. Alt arbeid med førebygging innan rus og kriminalitet er avgjerande for framtida til mange, og det vil spare kostnader på sikt. Organisering av møteaktivitet Rådet syner til vedtak i møte den sak nr Organisering av Råda må halda fram etter same modellen som den er i dag. Rådet vil presisera at i tillegg til politikarar må ein representant frå arbeidsgjevar fortsatt vere vald som medlem i Rådet. Det er arbeidsgjevar-representanten som kjenner best situasjonen for personar med nedsett funksjonsevne og behova desse har for å kunne ha eit godt og tilpassa liv i samfunnet. Internt offentleg transportmiddel Rådet syner til vedtak i møte den sak nr. 6/13. Intern transport i kommunen er ei utfordring. Å koma frå stad til stad er vanskeleg utan bil. I høve til folkehelse og sosial utjamning er dette eit viktig element. Forslag: Etablere «Lustrabussen.»

3 3. Reguleringsplanar. Kommuneplanen - samfunnsdelen Møte den Torunn Løne Vinje orienterte i møte saman med Eldrerådet. Kommuneplan for Luster Generell del. Grunngjeving for framlegg til tiltak i handlingsdelen. Råda hadde deretter møte og gjorde vedtak kvar for seg. Rådet for funksjonshemma viser til møte den og sak 19 og 24/12. Rådet vil koma med fylgjande innspel: Transport innad i kommunen Intern transport i kommunane er ei utfordring. Å koma frå stad til stad er vanskeleg utan bil. I høve til folkehelse og sosial utjamning er dette eit viktig element. Forslag: Etablere «Lustrabussen». Lokalisering Rådet ser at tilrettelagde tilbod i Luster i stor grad må gjerast i kommunesenteret. Det er der dei fleste funksjonshemma ynskjer å busetja seg og det er i kommunesenteret ein har størst mogelegheit til å etablera berekraftige tilbod over tid. Etablere nok tilrettelagde bustader både for personar med nedsett funksjonsevne og vanskelegstilte. Det er eit aukande tal personar som treng slike bustader. Arbeid for alle Rådet viser til vedtak i møte den sak nr. 14/12. Tilrettelagt og individuelt tilpassa arbeid er viktig både for personar som har sjukdom, skade eller lyte, men også personar som har vanskar med å meistra livet sitt i vidare forstand. Varig tilrettelagde arbeidsplassar er stor trong for då mange står utan eit tilbod og dei bør difor aukast monaleg. Det er viktig å jobba for godkjenning av varig tilrettelagde arbeidsplassar i kommunen med statstøtte (VTA). Luster har mange yrkeshemma som i dag ville ha hatt sin naturlege plass i ei slik verksemd. Rådet meiner vidare at arbeid for ei sterkare integrering av yrkeshemma i ordinert arbeidsliv også er viktig av omsyn til den einskilde og samfunnet si utvikling. Ein må ha fokus på yrkeshemma sine mogelegheiter til å få arbeid og det må større innsats til for å prøva ut ulike modellar. Fritidsaktivitetar Personar med nedsett funksjonsevne er ei svært samansett gruppe og treng å få tilrettelagt tenester og tilbod slik at dei kan gjere seg nytte av det. Det gjeld også for å kunne delta i fritidsaktivitetar. Tilbodet til kulturaktivitetar, sosiale møteplassar, treningsplassar, friluftstilbod bør vere så individuelt som mogeleg. Det må kunne gjevast ressursar og støtte til lag og organisasjonar for betre å kunna integrera personar med nedsett funksjonsevne i ulike aktivitetar.

4 Rådet føreset at personar med nedsett funksjonsevne og universell utforming blir ivareteke i alle deler av kommuneplanarbeidet. Reguleringsplan Verket 2 Plan ID Reg. føresegner m/kart. Rådet er positive til at det blir planlagt fleire byggefelt i Gaupne og at «Verket» blir godt utnytta med plass til mange bustader. Rådet ser at det er planlagt mange små tomtar, ned til 50m2, med tett plassering. Rådet føreset at det blir tilrettelagt for universell utforming, og med framkomelegheit for alle. Dette også om vinteren mår feltet må ryddast for snø. Reguleringsplan Bolstadmoen Plan ID Reg. føresegner m/kart Rådet har ikkje merknad til reguleringsendring for Bolstadmoen, men føreset at området så godt som mogeleg vert universelt utforma. Reguleringsplan tursti mellom Nymoen og Vadøyane Plan ID Reg.føresegner m/kart Rådet er positive til planframlegget, men rådet vil likevel presisera at heile stien bør utformast universelt, at det blir ein trygg og god veg både for friske og menneske med nedsett funksjonsevne. Det bør særleg leggjast vekt på fylgjande: - Type dekke at stien blir dekka med stødig, «fin» grus som set seg fast. - Vegsikring - tydleg skilje mellom vegbane og skulder slik at svaksynte ikkje går utfor vegen. - Kvilestader at det ikkje blir for langt mellom kvileplassane. - Stigning at stien ikkje blir for bratt og at det ikkje blir nytta trappetrinn. Kommuneplanen sin arealdel Planprogram Kommuneplannemnda sitt framlegg til ny arealbruk. - Kommuneplanen sin arealdel Planprogram. - Kommuneplannemnda sine framlegg til ny arealbruk.

5 «Det må tilretteleggjast for menneske med funksjonsnedsetjing på alle samfunnsområde. Universell utforming kjem alle til gode, - det er ikkje eit gode kun for personar med ei eller anna form for nedsett funksjonsevne. Rådet for funksjonshemma vil her peika på nokre fokusområde ein meinar er viktige for arealdelen av kommuneplanen. Bustader: Nye bustadområde må leggjast til rette for rørslehemma, synshemma og andre med funksjonsnedsetjing. Bustadområde bør liggja sentralt i kommunesenter /bygdasenter/ bygda. Det er aukande spurnad etter mindre bustader med universell utforming, og Luster kommune må spela ei aktiv rolle i tilrettelegging for slike bustader. Rådet vil også understreka behovet for god arealutnytting, særleg i sentrumsområda i kommunen. Vegar og stiar: Vegar og stiar må så langt råd er vera universelt utforma. Dette inneber at stigningstilhøve ikkje må overstiga 1:20, dekket må vera fast, skille mellom vegbane og skulder må vera tydeleg og det må vera kvileplassar med høvande mellomrom. Det er ønskjeleg at alle vegar og stiar kunne tilretteleggjast slik. Med avgrensa ressursar til rådvelde meiner rådet at ein først må prioritera dei vegar og stiar som kan tilretteleggjast med minst ressursinnsats. Eksempel på turvegar som kan tilretteleggast med relativt liten innsats er tursti langs Engjadalselva frå Tandle til sjøen, tursti rundt Hafslovatnet og tursti mellom Nymoen og Vadøyane, jmf. forslag til reguleringsplan» Andre saker til uttale: 1. Organisering for medverknad. Drøfting om skiping av felles råd. Rådet for personar med nedsett funksjonsevne drøfta saka først i sitt møte den og gjorde slikt Før kommunen kan ta stilling til samanslåing av Rådet for funksjonshemma og Eldrerådet, evt. og saman med kommunalt brukarutval for samhandlingsreforma, må desse verta høyrde. Det skal leggjast vekt på kva organisasjonane og sitjande råd meiner, jf. Orientering frå administrasjonen. Rådet for funksjonshemma arbeider for å ivareta interessene til menneske med nedsett funksjonsevne. Rådet legg difor opp til ei grundig drøfting før det blir teke avgjerd i uttale om samanslåing til felles råd. Saka blir å ta opp att til hausten. Fellesmøte med Eldrerådet og Brukarutvalet. Eldrerådet, Kommunalt råd for personar med nedsett funksjonsevne samt Lokalt brukarutval for samhandlingsreforma i Luster kommune hadde felles møte den 4. september 2013: John Olav Røhme orienterte.

6 Råda og utvalet gjorde felles samrøystes vedtak: «Organisering / drift av Eldrerådet, Kommunalt råd for personar med nedsatt funksjonsevne og Lokalt brukarutval for samhandlingsreforma i Luster kommune. Det blei halde fellesmøte 4. september 2013 for å drøfte gjennom korleis organiseringa og arbeidet i råda / utvalet kan gjennomførast på ein tenleg måte. Bakgrunnen er at det frå politisk hald er stilt spørsmål ved den praksis som delvis er brukt i kommunen. Felles for råda og utvalet er at dei er oppretta for at brukarane skal ha ein sterk posisjon for å ivareta dei mange ulike oppgåvene som skal behandlast og gjevast uttale i. Frå vår side er dette sentrale punkt: Båe råda og utvalet er lovfesta, og fellesmøte vil derfor hevde på det sterkaste at den organiseringa som er i dag også må halde fram etter den same modellen. Ivareta brukarane sine lovfesta rettar for medverknad på ein god måte. Sikre at dei sentrale arbeidsoppgåvene blir handsama korrekt. Organiseringa må vere ryddig, korrekt og effektiv. Effektiv bruk av ressursane. Fellesmøtet samla seg om denne tilrådinga som ei prøveordning ut noverande valperiode: 1. Begge råda og utvalet legg opp ein møteplan for å fange opp felles informasjon frå kommunen. 2. Første delen av kvart møte er felles, der vil aktuell informasjon vere det sentrale punktet. 3. Etter fellesbolken held kvart råd / utval separate møter der dei handsamar dei sakene som er spesifikke for kvart av råda / utvalet. Me vonar at ved å gjennomføre denne prøveperioden vil det kunne haustast nyttig erfaring for bruk i framtida.» 2. Stortingsvalet Fastsetjing av røystelokale og opningstider. Forslag til vallokale og opningstid på vallokala den 9. sept vart lagt fram. (Saksutgreiing og vedtak i Valstyret) Rådet har ikkje merknad til oppsett liste over planlagde vallokale og opningstider for Stortingsvalet Rådet vil likevel peike på fylgjande: Rådet viser til vedtak i sak om tilrettelegging for stemmegiving ved Fylkesting og kommunestyrevalet 2011:

7 1. Rådet vil peike på at stemmelokala i Luster kommune, så langt råd er, skal ha universell utforming. 2. I bygder i kommunen der vallokalet ikkje er universelt utforma vil rådet føreslå å vurdera andre universelt utforma lokale. 3. Som ein generell oppfatning er ein del av stemmeavluka i kommunen små, og dermed ikkje godt nok eigna for rørslehemma (t.d. rullestolbrukarar). 4. Til slutt vil rådet stille spørsmål om det er teke omsyn til forhold som angår synsog høyrslehemma ved val av stemmelokala i kommunen. Saker rådet har teke opp: 1. Tildeling av opphold i sjukeheimane. Brev frå medlem Kåre Øvregard vart teke opp som sak i eldrerådet og rådet for funksjonshemma. Saka gjalt uheldige situasjonar som har oppstått der pleietrengande som må ha omsorgsplass ikkje har fått tilfredstillande tilbod. Nokon har vorte flytta frå eit omsorgsenter til eit anna og ektepar har måtta bu kvar for seg. Knut Cotta Schønberg orienterte. Kort samandrag: I kommmunen er det 3 omsorgsenter, og alle desse må nyttast for å få nok sengeplassar. Men situasjonen er slik at veldig mange ynskjer opphald i Gaupne. Mange vil klare seg betre i Gaupne med nærleik til sentrum, og ein blir mindre isolert. Såleis er det aldri ledige omsorgsbustader i Gaupne. Tildeling av sjukeheimsplassar vert føreteke av eit tildelingsteam med representant frå sjukeheimstenesta, heimetenesta samt kommunelegen. Plassane vert tildelt etter individuelt behov, men ekstra pleietrengande må få tilbod først. I tillegg må det vernast om korttidsavdelinga for å kunna ta i mot utskrivingsklare pasientar frå sjukehusa. I høve til brevet frå Kåre Øvregard hadde kommunelegen sterk uttale i det han la fram om rutinane for tildeling av omsorgsplassar. Han insisterte på at uttalt mål er å tildele plassar så godt som mogeleg etter brukar og pårørande sit ynskje. Målet er absolutt ikkje å måtta skilje ektepar ved tildeling av omsorgsplassar. Dei strekker seg langt for å hindre at uynskte situasjonar oppstår. Bl.a. blir ekstraseng innført på rom dersom ektepar ynskjer å bu saman. Kommunelegen bekrefta at det har skjedd uheldig flytting av pasientar, men at vedkommande fekk flytte tilbake så snart plass var ledig. Råda hadde deretter møte og gjorde vedtak kvar for seg. Rådet tek uttale frå kommunelege Knut Cotta Schønberg om tildeling av omsorgsplassar til orientering. Rådet er svært nøgde med det kommunelegen presiserer at: tildeling av omsorgsplassar blir gjeve i dialog og etter best mogeleg ynskje for brukar og pårørande

8 det er ei uttalt målsetjing ikkje å skilje ektepar som vil bu saman utan høgst naudsynt. Rådet viser til kommunelegen sin uttale om at det er eit sterkt ynskje i alle deler av kommunen å få omsorgsplass og omsorgsbustad i Gaupne. Rådet ber om at dette vert teke omsyn til ved seinare utbygging. 2. Uttalar i Sogn Avis 23. mai Utdrag av oppslag i Sogn Avis 23. mai med fylgjande tekst: «Politikarane i Luster er ikkje heilt nøgde med arbeidet til Rådet for funksjonshemma og Eldrerådet. Dei meiner dei blandar seg inn i for mange politiske saker.» «Ordførar Ivar Kvalen og resten av politikarane i formannskapet i Luster har fått nok av at Eldrerådet og Rådet for funksjonshemma blandar seg inn i saker dei ikkje har noko med.» Utdrag av leiaren i Sogn Avis sitt innlegg den 25. mai med fylgjande tekst: «Dette er latterleg, på grensa til tragisk. «Kommunen, både dei folkevalde og administrasjonen burde jubla over at dei har oppegåande, engasjerte og aktive medlemar i desse råda..» Rådet tok opp uttalelsane til drøfting i eiga sak i møtet. Rådet for funksjonshemma er forundra over formannskapet si haldning til arbeidet Rådet for funksjonshemma og Eldrerådet gjer, jf. avisoppslag torsdag 23. mai. Rådet gjer eit viktig arbeid for å ivareta menneske med nedsett funksjonsevne sine interesser på ulike samfunnsområde. Dette i tråd med nasjonale føringar og lokale reglement. Ein stiller seg uforståande til påstandar om at Rådet uttalar seg i saksområde som er Rådet uvedkommande. Viser til kommunestyrevedtak sak 90/09 om Reglement for Rådet for funksjonshemma i Luster. Utdrag av reglementet lyder slik: 5 Oppgåver: Rådet held seg orientert om aktuelle saker for funksjonshemma som er under arbeid i kommunen. Etatane samarbeider med Rådet om saker som er av interesse for dei funksjonshemma, og som etatane har eller skal ha til handsaming. Rådet arbeider med og får seg førelagt saker som gjeld: Tiltak der dei funksjonshemma er ei spesiell målgruppe Ålmenne tiltak, planar og tenester som også vil gjelda dei funksjonshemma I saker av prinsipiell interesse skal rådet få gje uttale på ein tidleg fase i sakshandsaminga Rådet skal gje utale om saker som kommunale organ legg fram for det Rådet tek opp og utgreier saker på eige initiativ Rådet skal drive informasjonsarbeid i kommunen, ovanfor organisasjonane m.m Rådet tek initiativ til å bedra samarbeid og samordning i saker som er av interesse for dei funksjonshemma innan offentlege etatar i kommunen.

9 3. Offentleg toalett i kommunesenteret Gaupne. Det er ikkje tilgjengeleg toalett i kommunesenteret etter at butikkar og andre offentlege bygningar er stengde for dagen. Parken får eit tilskot, men der er stengt om vinteren. Rådet handsama saka i to møte: Samrøystes vedtak i møte den , sak nr. 18/13. Rådet for funksjonshemma ber om at det blir lagt til rette for offentleg toalett i Gaupne. Toalettet bør vere plassert i sentrum, vere godt skilta og ope 24 timar i døgeret året rundt. Samrøystes vedtak i møte den , sak nr. 22/13. Rådet viser til vedtaket sitt i sak nr. 18/13. Rådet viser og til kommunestyresak nr. 19/13 om tilskot til drift av offentlege toalett i kommunen. Rådet ber om at sak om tilfredstillande offentlege toalett-tilhøve i kommunesenteret blir lagd fram for politiske organ for handsaming. Andre orienteringar: Rådet ynskte å få ei orientering om offentleg støtte i samband med prosjekt for folkehelse og førebyggjande helsearbeid. Leikanger, Sogndal og Luster fekk nyleg støtte frå Helsedirektoratet til å vidareføre folkehelseprosjektet. Prosjektet har som mål å bidra til ei samfunnsutvikling som fremmar folkehelsa og utjamnar sosiale skilnader i helse. Britt Veum Hauge orienterte i møte den Rapport Etablere/vidareutvikle frisklivsentral i Leikanger, Sogndal og Luster. Utstyrsentral for barn/ungdom og enkeltpersonar i prosjektkommunane. Kort samandrag: Frisklivsentral Eit av delområda i prosjektet er å greie ut omkring etablering av Frisklivsentral i prosjektkommunane. Målgruppa er vaksne personar (18 67 år) som har auka risiko for eller har sjukdom/liding og som kan ha nytte av auka aktivitet, endra kosthald og/eller røykeslutt. Organisering: 40% stilling i Luster. 60% stilling i Sogndal (20% i Leikanger.) Utstyrssentral for barn/ungdom og enkeltpersonar i prosjektkommunane Ein utstyrssentral er ein stad der skular, barn, ungdom og enkeltpersonar kan låne sport- eller friluftsutstyr. Føremålet er at manglande utstyr ikkje skal vere til hinder for at ein skal kunne delta i aktivitet og friluftsliv og at det skal kunne utjamne sosiale skilnader og føre til god helse og inkludering.

10 Det ynskjeleg at sentralen også er ein stad som tek i mot utstyr som ein ikkje treng. Dette særleg med tanke på dei som har lita råd. Alle skal få mogelegheit til sunn aktivitet, både sommar og vinter. Rådet ynskte å få ei orientering om planane for nytt kulturbygg i Parken. Rådet er kjende med at ungdomshuset i Gaupne, Soltun er forelda og svarar ikkje til dagens standard. Heile bygget er gamalt, særleg toalett og kjøkken tilhøva er dårlege. I tillegg er ikkje bygget universelt utforma. Det er uråd for funksjonshemma t.d. rullestolbrukarar å kome seg inn og kunne bruke bygget. Dermed står ein utan eit godt nok tilbod til å kunne ha ein sosial møteplass og drive med fritidsaktivitetar. I tillegg treng bygda eit stort nok forsamlingshus til å arrangere samlingar med mange menneske til stades. Kirsten Vikdal og Geir Hauge presenterte om planar for nytt kulturbygg i Parken. 3. (Referatsak) Teikningar/skisser Rådet gjorde Sak om planlegging av nytt kulturbygg i Gaupne blir å ta opp på neste møte som eiga sak. Saka er særleg viktig for funksjonshemma sitt tilbod, med tanke på utføring av fritidsaktivitetar og å oppnå eit godt fellesskap med gode sosiale tilhøve. Andre framlagde skriv og meldingar. Bladet Utvikling, årgang 1,2,3 og 4. Bladet Nordvestnytt Medlemsblad for NHF i Nord Vest. FFO Sogn og Fjordane Innkalling til open debatt 4. september ved Funksjonshemmedes informasjonssenter i Førde. Skriv frå HLF i Sogn og Fjordane «Elektronisk tilgjengelegheit for hørselshemmede og døve på legesenter i Sogn og Fjordane.» NAV Temadag 24. april 2013 i Førdehuset. Aktivitetshjelpemiddel for barn og unge sommar. Møtereferat frå møte i Brukarutvalet Sogn og Fjordane Retningsliner m.m. Skriv frå Ergoterapitenesta v/kari Ødegård. Skriv frå «Selvhjelp Norge». «Selvorganisert selvhjelp en mulighet når livert er vanskelig.»