Radøy kommune. Møtebok for Formannskapet i Radøy. Møtedato: Møtested: Møtetid: Kommunestyresalen 09.00

Transkript

1 Radøy kommune Møtedato: Møtested: Møtetid: Kommunestyresalen Møtebok for Formannskapet i Radøy Møtedeltakarar Parti Rolle Jon Askeland SP Ordførar Jostein Borlaug AP Varaordførar Anne Berit Bø Palmesen SP Medlem Kirsti Gjetle Floen AP Medlem Else Marie Skartveit Dale KRF Medlem Kenneth Taule Murberg H Medlem Roy Bø FRP Varamedlem Forfall Parti Møtande varamedlem Christel Villanger Håland H Roy Bø - FRP Andre møtande: Rådmann Jarle Landås, leiar kultur- og sørvistorget Anne Dahle Austrheim i sak 113, møtesekretær Arthur Kleiveland Underskrifter: Jon Askeland Ordførar Arthur Kleiveland møtesekretær

2 Sakliste Saknr Tittel 110/2016 Drøftingssak - aktuelle samferdselssaker 111/2016 Drøftingssak - Plan for næring- og tettstadutvikling 112/2016 Drøftingssak - reglement for kommunal byggenemnd 113/2016 Høyring - endringar i valforskrifta 114/2016 Meldingar og referatsaker

3 Radøy kommune Saksframlegg Saknr Utval Type Dato 110/2016 Formannskapet i Radøy PS Sakshandsamar Arkivsaknr.: Dokumentnr.: Arthur Kleiveland 16/ /15552 Drøftingssak - aktuelle samferdselssaker Saksopplysingar: Ordføraren varsla i eit tidlegare formannskapsmøte at han ville invitera til ei samferdsledrøfting i formannskap og kommunestyre. Radøy har ei rad samferdslesaker som må løysast framover. Sakene er av ulik karaktèr, der nokre er langsiktige, andre må løysast på kortare sikt. Nokre saker har vedtekne planar, medan andre manglar dette. Utanom Soltveit Marås er også finansieringsspørsmålet for dei fleste vegspørsmåla ikkje på plass. Nokre prosjekt (særleg arm til Manger frå ny FV565) har vedteken plan, men der det er somme som meiner at plan og trasè må vurderast på nytt. Enkelte saker ligg utanfor kommunen, og bør løysast saman med andre. I andre tilfelle gjeld det å få sett igang planarbeid, for på den måten å koma i posisjon for finansiering og Regional Transportplan (RTP). Ordførar viser til at det var ein god debatt om vegspørsmål i valkampen i 2015, og denne debatten bør førast inn i kommunestyresalen, slik at det vert avklart korleis kommunen skal prioritera i sakene. Ordførar legg fram presentasjon i formannskapsmøtet, som vert ein verkstad for korleis formannskapet vil leggja fram sak for kommunestyret. Rådmannen sitt framlegg til vedtak: Saka vert lagt fram til drøfting. Formannskapet i Radøy - 110/2016 FS - handsaming: Ordførar Jon Askeland presenterte eit notat om "Samferdsletiltak i Radøy", som han har utarbeidd som grunnlag for ei vidare drøfting av samferdselssaker i formannskapet og kommunestyret. I formannskapet si drøfting vart aktuelle vegprosjekt og samferdsletiltak løfta fram, og ulike måtar å jobba vidare med ulike prosjekt vart drøfta. Ordførar Jon Askeland meiner det kan vera fornuftig å engasjera konsulent til å koma med ei kort fagleg utgreiing om moglege løysingar på aktuelle utfordringar på samferdselssektoren i Radøy. Den faglege utgreiinga skal danna grunnlag for vidare drøfting og mogleg vedtak i formannskapet og kommunestyret.

4 Ordføraren sette fram følgjande framlegg: Radøy kommune engasjerer konsulent til å koma med ei kort fagleg utgreiing om moglege løysingar på aktuelle utfordringar på samferdselssektoren. Formannskapet vedtok samrøystes ordførar Jon Askeland sitt framlegg til vedtak. FS - vedtak: Radøy kommune engasjerer konsulent til å koma med ei kort fagleg utgreiing om moglege løysingar på aktuelle utfordringar på samferdselssektoren.

5 Radøy kommune Saksframlegg Saknr Utval Type Dato 111/2016 Formannskapet i Radøy PS Sakshandsamar Arkivsaknr.: Dokumentnr.: Lisbeth Toppe Alvær 16/ /15637 Drøftingssak - Plan for næring- og tettstadutvikling Saksopplysingar: I verbalpunkta i budsjettet for 2016 heiter det at: «Kommunestyret bed rådmannen utarbeida sak om korleis Radøy best får auka innsats på næringstilrettelegging (også turisme, camping/bubilfasilitetar) og bustadutvikling. Dette skal sjåast i samanheng med Fylkeskommunal plan for areal og transport i Bergensregionen, BRBs strategiske næringsplan, interkommunal nærings- og samfunnsplan m.m.( )» På denne bakgrunn inviterte rådmannen til anbodskonkurranse for utarbeiding av «ein lokalt tilpassa og handlingsorientert plan for nærings- og bustadsutvikling for Radøy kommune». Det var ein føresetnad at planen skulle utarbeidast med utgangspunkt i relevante næringsplanar for regionen: Strategisk næringsplan for Bergensregionen ( ), Regional næringsplan for Hordaland og Interkommunal nærings- og samfunnsplan region Nordhordland ( ). Anbodet gjaldt både utarbeiding og ferdigstilling av sjølve dokumentet, samt deltaking i arbeidsprosessen gjennom møte med kommune og andre relevante aktørar. Konkurransegrunnlag vart sendt til tre firma, og kommunen mottok eitt tilbod pålydande kr ,- eks. mva. Radøy kommune har også nyleg vedteke å støtta Industriutvikling Vest (IUV) sitt målretta arbeid for å stimulere næringsutviklinga dei neste 5 åra. På denne bakgrunn ønskjer rådmannen ei politisk drøfting om vidare prosess for nærings-, bustadsog samfunnsutvikling. Ulike alternativ til drøfting i formannskapet: - Rådmannen inngår avtale med aktuelt firma, og startar arbeidet med plan for nærings- og bustadsutvikling i kommunen. - Rådmannen tek kontakt med aktuelt firma og undersøker muligheitene for å redusera omfang av oppdraget, med føremål år redusera pris. - Alternativ bruk av midlar til nærings-, bustads- og tettstadsutvikling. Rådmannen sitt framlegg til vedtak: Saka vert lagt fram til drøfting utan framlegg til vedtak.

6 Formannskapet i Radøy - 111/2016 FS - handsaming: Rådmann Jarle Landås orienterte om aktuelle problemstillingar og alternativ knytt til oppfølginga av den politiske bestillinga om korleis Radøy best får auka innsats på næringstilrettelegging og bustadutvikling. Rådmannen er usikker på om det er rett å bruka kroner på ein handlingsplan. Kenneth Taule Murberg (H) meiner det vil vera meir fornuftig å bruka pengane på å framskunda planprosessen for områdeplanen for Manger. Ordførar Jon Askeland meinte at anbodskonkurransen bør avlysast. og viste til at kommunen har vedteke næringssatsing gjennom støtte til Industriutvkling Vest. Han støtta utspelet til Kenneth Taule Murberg, men viste også til Muligheitsstudiet for Manger og budsjettvedtaket sine punkt om tettstadutvikling på Manger. Ordføraren sette fram følgjande framlegg: Anbodskonkurransen vert avlyst. Rådmannen vert oppmoda om å koma attende med sak. Formannskapet vedtok samrøystes ordføraren sitt framlegg. FS - vedtak: Anbodskonkurransen vert avlyst. Rådmannen vert oppmoda om å koma attende med sak til formannskapet.

7 Radøy kommune Saksframlegg Saknr Utval Type Dato 112/2016 Formannskapet i Radøy PS Sakshandsamar Arkivsaknr.: Dokumentnr.: Arthur Kleiveland 16/ /15643 Drøftingssak - reglement for kommunal byggenemnd Saksopplysingar: Kommunestyret vedtok Politisk reglement i møte 8. desember Det vedtekne reglementet omfattar ikkje kommunal byggenemnd. Gjeldande reglement for byggjenemnd er frå 2006, og er ikkje heilt i samsvar med dagens praksis. Rådmannen ser behovet for eit tydelege reglement og vil koma tilbake med ei eiga sak om dette. Reglementet for byggenemnda vil etter politisk handsaming bli sett inn i det politiske reglementet. Rådmannen legg i denne omgang opp til ei generell drøfting i formannskapet om byggenemnda si rolle generelt - og konkret inn mot oppfølging av politisk innspel om endra rolle. Rådmannen tar sikte på å leggja fram sak med framlegg til endring i reglementet for byggenemnda i formannskapet i januar og deretter i kommunestyret. Rådmannen sitt framlegg til vedtak: Saka vert lagt fram for drøfting utan framlegg til vedtak. Formannskapet i Radøy - 112/2016 FS - handsaming: Rådmann Jarle Landås peika på at det utfrå dagens krav og praksis vil vera nødvendig å gjera nokre endringar i reglement for kommunal byggenemnd. Rådmannen ønskjer også ei prinsipiell avklaring av kva kva rolle og ansvar byggenemnda skal ha. I gjeldande reglement heiter det m.a. at "byggenemnda skal stå for den praktiske og økonomiske gjennomføringa av alle bygg og ombyggingar over 1 mill. kroner i kommunen etter godkjende planar". Rådmannen konstaterer på bakgrunn av denne formuleringa at byggenemnda dermed fullt og heilt har ansvar for den praktiske og økonomiske gjennomføringa av byggeprosjekt med ei kostnadsramme på over 1 million kroner. Formannskapet støtta rådmannen i at byggenemnda ikkje kan fullt og heilt ansvar, og understreka at etter vedtak i formannskap og kommunestyre må i det minste budsjettansvaret liggja hjå rådmannen.

8 Ordførar Jon Askeland sette fram følgjande framlegg til vedtak: Rådmannen kjem tilbake med eit notat med framlegg om å gjera byggenemnda om til styringsgruppe. Formannskapet vedtok samrøystes ordføraren sitt framlegg til vedtak. FS - vedtak: Rådmannen kjem tilbake med eit notat med framlegg om å gjera byggenemnda om til styringsgruppe. Vedlegg: Reglement for byggenemnd i Radøy kommune

9 Radøy kommune Saksframlegg Saknr Utval Type Dato 113/2016 Formannskapet i Radøy PS Sakshandsamar Arkivsaknr.: Dokumentnr.: Anne Dahle Austrheim 16/ /15565 Høyring - endringar i valforskrifta Saksopplysingar: Bakgrunn Kommunal- og moderniseringsdepartementet har sendt på høyring forslag til endringar i valforskrifta. Endringane som gjeld elektronisk avkryssing i manntalet på valdagen og endra frist for godkjenning av førehandsstemmer, er oppfølgjing etter forslag til endringar i vallova fremja i Prop. 73 L ( ). Forslaga vart vedtekne i Stortinget, og departementet føl no opp lovendringane med tilhøyrande endringar i valforskrifta. Elektronisk avkryssing i manntalet på valdagen Stortinget vedtok 13. juni at alle kommunar kan nytta seg av elektronisk avkryssing i manntalet på valdagen frå og med stortingsvalet Kommunane som nyttar elektronisk avkryssing i manntalet er sjølve ansvarlege for å setja seg inn i risikoen med ordninga og må sjølve ta initiativ til risikoførebyggjande tiltak. Som varsla i Prop. 73 L ønskjer departementet å forskriftsfesta ein beredskapsprosedyre. Dette er allereie gjort for førehandsstemmegjevings-perioden, der veljarane i alle kommuner vert kryssa av i det elektroniske manntalet. Prosedyren sikrar at veljarane får gjeve førehandsstemme utan for mykje bruk av tid. Beredskapsprosedyren skal tre i kraft umiddelbart ved straumbrot eller kommunikasjonsbrot med det elektroniske manntalet. I slike tilfelle vil det ikkje vera mogleg å kryssa av veljaren i det elektroniske manntalet, og ein må difor følgja prosedyren for beredskap. Det vert difor foreslått ein ny 31a i valforskrifta:

10 For seint innkomne førehandsstemmer Stortinget vedtok den 13. juni å flytta fristen for godkjenning av førehandsstemmer frå valgdagen kl. 21 til tysdag etter valgdagen kl Som ein konsekvens av denne endringa vart også fristen for å søkja seg inn i manntalet flytta tilsvarande. Vallova 2-7 (3) lyder: Valgforskrifta 2 inneheld ein bestemmelse om oppdatering av manntalet. Denne bestemmelsen må endrast slik at den er i samsvar med nemde bestemmelse i vallova. Departementet foreslår følgjande endring i 2:

11 Stemmesetlar Valgforskrifta 19 omhandlar krav til utforming av stemmesetel. Forskrifta slår fast mellom anna farge og storleik på stemmesetel og tekst, samt stiller krav til rettleiing og stempelfelt på stemmesetelen. Departementet har motteke gode tilbakemeldingar på stemmesetelen sin utsjånad og funksjonalitet, og vil ikkje foreslå nokon endringar på dette. Departementet ønskjer å endra plasseringa av stempelfeltet på stemmesetelen, for å etterkoma innspel i evalueringa av stemmesetelen i etterkant av valet i Å minska stempelfeltet noko, og flytta det opp, vil i endå større grad sikra at prinsippet om hemmeleg val vert ivareteke. Dette fører ikkje til nokon realitetsendringar i forskrifta si 19, men krev oppdatering av bileta av stemmesetelen si innside og utside. Departementet vil følgja opp forskriftsendringa med oppdaterte bilete av stemmesetlar for kommunestyreval og fylkestingsval i forkant av valet i Departementet har følgjande forslag til endring i forskrifta si 19b:

12 Vurdering Elektronisk avkryssing i manntalet på valdagen Radøy kommune har delteke i forsøk med elektronisk avkryssing i manntal på valdagen ved valet i 2011, 2013 og Vår erfaring er at elektronisk avkryssing både forenklar og kan vera med og auka kvaliteten ved valgjennomføringa. For å trygga valgjennomføringa er det viktig at det er på plass gode beredskapsrutinar og forslag til ny 31a i valforskrifta er med å trygga dette. For seint innkomne førehandsstemmer Då Endring i vallova var på høyring i starten på 2016 og formannskapet i Radøy gav sitt svar på dette sak 001/2016, var dette tilbakemeldinga til departementet: Når no vallova vart endra og fristen for godkjenning av førehandsstemmer er sett til tysdag etter etter valdagen kl. 17, er det ein naturleg konsekvens at valforskrifta vert endra for å samsvara med lova. Stemmesetlar Endringane som er foreslått i valforskrifta når det gjeld stemmesetlar gjeld i hovudsak å sikra at prinsippet om hemmeleg val vert ivareteke. Dette er gjort med å forminska og flytta stempelfelt lenger opp på stemmesetelen. Hemmeleg val er eit viktig prinsipp og ein må gjera det ein kan for å leggja til rette for at dette kan ivaretakast på best mogleg måte. Konklusjon Radøy kommune støttar Kommunal- og moderniseringsdepartementet sine framlegg til endringar i valforskrifta. Rådmannen sitt framlegg til vedtak: Radøy kommune støttar Kommual- og moderniseringsdepartementet sine framlegg til endringar i valforskrifta.

13 Formannskapet i Radøy - 113/2016 FS - handsaming: Leiar for kultur- og sørvistorget, Anne Dahle Austrheim orienterte om forslaget til endringar i valforskrifta, som no er ute på høyring. Formannskapet vedtok samrøystes rådmannen sitt framlegg til vedtak. FS - vedtak: Radøy kommune støttar Kommunal- og moderniseringsdepartementet sine framlegg til endringar i valforskrifta. Vedlegg: Høyringsbrev - Endringar i valforskrifta Høring - Endringer i valgforskriften(428222)(2) Utkast til høringsnotat om endringer i valgforskriften(427307)

14 Radøy kommune Saksframlegg Saknr Utval Type Dato 114/2016 Formannskapet i Radøy PS Sakshandsamar Arkivsaknr.: Dokumentnr.: Arthur Kleiveland 16/ /15432 Meldingar og referatsaker Saksopplysingar: Det vert lagt fram følgjande meldingar og referatsaker: a. Dialogsamling vidareføring av Etablerersenteret og Invest in Bergen. b. Reguleringsplan Fv565 Tolleshaug-Marås ny TS-revisjon c. Reguleringsplan Fv565 skisse rundkjøring Marås d. Vest politidistrikt sin struktur for tenestestad og tenesteeining høyring regionrådet e. Ladeinfrastruktur status og behov - notat f. Orientering v/rådmannen g. Orientering v/ordføraren Rådmannen sitt framlegg til vedtak: Meldingar og referatsaker vert tekne til orientering Formannskapet i Radøy - 114/2016 FS - handsaming: Hjelp til Syria: Else Marie Skartveit Dale (KrF) tok opp spørsmålet om kommunalt bidrag til hjelpearbeidet i det krigsherja Syria. Formannskapet slutta seg samrøystes til forslaget, og gjorde følgjande vedtak: Radøy kommune gir eit tilskot på ca kroner til det humanitære hjelpearbeidet i det katastroferamma Syria. Kapasitet i Radøyhallen: Kenneth Taule Murberg (H) har også fått reaksjonar på lag og organisasjonar si treningstid blir innkorta på grunn av andre aktivitetar/arrangement i hallen. Rådmannen sjekkar ut kva som er realitetane i saka. Parkerings-problem: Kenneth Taule Murberg (H) tok opp reaksjonar som har kome på stenging av parkeringsplassen like forbi inngangspartiet til Radøyhallen. Ønskeliste: Roy Bø (Frp) stilte spørsmål ved praksis knytt til kommunale etatar sine ønskelister i budsjettarbeidet. Rådmann Jarle Landås svara at det kjem inn mange ønsker om investeringar som det ikkje er plass til i budsjettframlegget. Dersom eit behov melder seg i løpet av året, kan det

15 finansierast over posten "Mindre investeringar". Investerings-status: Rådmann Jarle Landås gav formannskapet ei oversikt over status på investeringsprosjekt på 2016-budsjettet. Nesten alle prosjekt er anten ferdig eller igangsett. Rett til opphald i sjukeheim: Rådmannen informerte om Radøy kommune skal utarbeida lokal forskrift for tildeling av langtidsopphald i sjukeheim eller tilsvarande bustad særskilt tilrettelagt for heildøgns tenester. Det skal gjennomførast høyring og forskrifta skal handsamast politisk innan 1. juni Reinseanlegg: Rådmannen orienterte om status for reinseanlegg på Manger. Ordførar Jon Askeland sette fram følgjande framlegg: Rådmannen arbeider vidare med ulike alternativ som også omfattar "Pollen" og "Skitkaien", og kjem attende med sak til formannskapet/kommunestyret. Formannskapet vedtok samrøystes ordføraren sitt framlegg. Fortau Rema - kyrkja: Statens vegvesen har gitt grønt lys for å leggja fortau frå inngangen til Rema1000-krysset og fram til inngangsporten ved Manger kyrkje. Rådmannen informerte om at STV vil overføra 1,5 mill. kroner til Radøy kommune for å gjera jobben. Formannskapet tok meldingar og referatsaker til orientering, med dei tillegg som kom fram i møtet. FS - vedtak: Meldingar og referatsaker vert tekne til orientering, med dei tillegg som kom fram i møtet. Vedlegg: Dialogsamling - vidareføring av Etablerersenteret og Invest in Bergen Reguleringsplan Fv565 Marås-Soltveit - ny TS-revisjon Fv565_Skisse rundkjøring Marås Høyringsuttale - Nærpolitirefoma - Vest politidistrikt sin tenestestads- og ten (L)(109161) Høyringsuttale - Nærpolitirefoma - Vest politidistrikt sin tenestestads- og ten (L)(109161) Ladesinfrastruktur status og behov