Tilleggsinnkalling til Bystyret

Transkript

1 Tilleggsinnkalling til Bystyret Møtedato: Møtestad: Flora samfunnshus Møtetid: 17:00 - Den som har lovleg forfall, eller er ugild i nokon av sakene, må melde frå så snart råd er, tlf , eller til organisasjonogpersonal@flora.kommune.no, slik at varamedlem kan bli innkalla. Varamedlemar møter etter nærare innkalling. Alternative framlegg til vedtak i nokon av sakene kan du sende på epost til framlegg@flora.kommune.no. Flora kommune Ola Teigen ordførar Arne Schei kst.formannskapssekretær

2 Saknr. Tittel Sakliste 080/15 Utviding av Solbakken asylmottak med ny avdeling, t.d. i Florø sjukehus

3 Saksframlegg Saksnr Utvalg Type Dato 080/15 Bystyret PS Sakshandsamar Arkiv ArkivsakID Arild Melvær K2 - F30 15/309 Utviding av Solbakken asylmottak med ny avdeling, t.d. i Florø sjukehus Framlegg til vedtak: 1. Innvandrarsenteret kan forhandle med UDI om drift av ei ny avdeling på Solbakken asylmottak, lagt til sjukehusbygget frå Talet på faste plassar i sjukehusbygget skal ikkje overstige Innvandrarsenteret kan utvide kapasiteten på Solbakken med 110 plassar frå eller så fort som praktisk råd etterpå, gjennom ei avtale med Efinorgruppa. Bystyret føreset at minst 60 av desse plassane blir overførte til sjukehusbygget etter Styret for Innvandrarsenteret får fullmakt til å godkjenne tilleggsavtalene, men det er ein føresetnad at Flora kommune blir sikra eit rimeleg overskot.

4 Saksopplysingar: Kva saka gjeld: Formannskapet vedtok følgjande i sak 47/15, 27. oktober: "Rådmannen får fullmakt til i samarbeid med Innvandrarsenteret å undersøke vidare om det er mogleg å opprette eit mellombels asylmottak i Flora kommune, drifta av Innvandrarsenteret." UDI er svært interessert i at Solbakken asylmottak blir utvida med så mange plassar som råd, slik at dei mange og dyre akuttplassane på hotell og liknande kan avviklast. Denne saka drøftar mulig bruk av Florø sjukehus, og/eller ev. bruk av sengeplassar hos Efinor jobbhotell/krokane camping. Innleiing: Arkitekt Kjell Hareide, i samarbeid med Tenesta bygg og eigedom og Innvandrarsenteret, har no gått grundig gjennom sjukehuset og vurdert korleis bygget kan gjerast om til eit mellombels asylmottak. Hareide meiner at det er forsvarleg å plassere inntil 296 personar i bygget, av desse 26 barn. Hareide har tatt utgangspunkt i eksisterande rom og vist korleis desse relativt lett kan utvidast eller gjerast om til soverom, kjøkken, bad/dusjrom, vaskerom og toalett, og tatt med fellesrom som opphaldsrom, leikerom, kontor m.m. Det er lagt til grunn at bebuarane skal lage sin eigen mat og vaske sine eigne rom. Vi har også vore i dialog med eigarane i Efinor/Krokane camping, og fått tilbod om 110 sengeplassar i deira system fram til 1.mai 2016, fordelt medom lag 50 i Efinor jobbhotell og om lag 60 på Krokane camping. Vurdering: Hareide har gjort eit svært grundig og godt utgreiingsarbeid for sjukehusbygget. Dei samanliknar bygget med eit bykvartal, der dei har laga naturlege basar eller "nabolag" i kvar etasje, samla rundt felles kjøkken og opphaldsrom. Tenesta bygg og eigedom har ikkje hatt tid til å rekne nøye på nødvendige investeringar, så i det vidare er det lagt til grunn same overslag som i formannskapsaka, 8 mill. kr til bygget og 4 mill. kr til inventar og utstyr. Det er grunn til å tru at planløysingane som Hareide foreslår, i alle fall ikkje fordyrar ei ev. ombygging. Innvandrarsenteret vil av drifts- og miljømessige grunnar helst redusere talet på asylantar i bygget til rundt 200, sjølv om Hareide viser at det kan gå greitt med nesten 300. Vanlegvis innheld driftsavtalane eit visst tal faste plassar, og så eit tal tilleggsplassar eller stykkprisplassar, som blir betalte etter bruk per person per døgn. Vidare ser Innvandrarsenteret føre seg at vi kan flytte dei fem kontora som i dag er plasserte i det gamle Norsksenteret, til sjukehuset. Då slepp vi ev. å tilsette mange fleire miljøarbeidarar, samtidig som kontorfasilitetane blir betre. Styret for Innvandrarsenteret diskuterte denne saka i styremøtet Det blei ikkje gjort vedtak, men meiningane er delte om bruk av sjukehuset. Efinor sitt tilbod treng ikkje lang tid før det er operativt, fordi både senger og anna utstyr alt er på plass. Innvandrarsenteret må truleg tilsette to-tre miljøarbeidarar for å drifte ei slik avdeling, og det tar litt tid å få dei på plass. Elles ser eigarane føre seg at dei kan leige ut om lag 110 senger fram til 1.mai, då ei ev. ombygging av sjukehuset kan vere ferdig. Etter 1.mai vil dei kunne leige ut om lag 50 plassar, men resten må reserverast til turistar og andre. Økonomiske konsekvensar: Dersom bystyret meiner at dette er interessant å gå vidare med, må Innvandrarsenteret forhandle med

5 UDI om talet på plassar, pris og lengde på kontrakten. Uansett kva bystyret meiner at sjukehusbygget/ -tomta skal brukast til på sikt, anten det skal bli rådhus, omsorgsbustader eller anna, er det urealistisk å tru at det blir riving/bygging av noko nytt innan tre-fem år. Etter at det er tatt avgjerd om framtidig bruk, må det til m.a. omregulering, detaljplanlegging og finansiering. I mellomtida kostar det årleg nær 1,4 mill. kr netto å drifte bygget, som er tomt bortsett frå drifta av KF Kjøkkenservice, gravkapell og nokre kursrom i kjellaretasjen. Ei ev. driftsavtale med UDI må då kunne ha ei ramme på 3 år, ev. med opsjon på eit år eller to til. Driftsavtalen med Solbakken går ut , men med opsjon på tre års forlenging. Alle avtalene har ei gjensidig oppseiingstid på tre månader. Ei tilleggsavtale med 200 plassar i sjukehusbygget vil gi ei årleg inntekt på nær 15 mill. kr, dersom vi legg prisane i eksisterande avtale for Solbakken til grunn. Ei treårig avtale vil då gi ei inntekt på om lag 45 mill. kr. Dersom vi trekk i frå investeringar på 12 mill. kr, har vi igjen 33 mill. kr til drift og leige, dvs. om lag 11 mill. kr i året. Vi ser for oss at det minimum må vere ein vaktmeister, nattevakter og reinhaldarar, pluss miljøarbeidarar. Dette vil kanskje koste til saman 5 mill. kr i året. Strømutgiftene åleine blir truleg minst 2 mill. kr i året. Då er det igjen 4 mill. kr til aktivitetar og miljøarbeid, ev. styrking av andre kommunale tenester som t.d. helse og vaksenopplæring (grunnskulebarn løyser ut ekstra tilskot frå fylkesmannen), og netto forteneste på utleige av bygget. Drift i Efinor sine lokale vil i utgangspunktet vere 110 personar frå tidlegast , men berre 50 frå 1.mai. Dette vil kunne dekke utgiftene til aktivitetar, ekstra transport og kanskje to nye miljøarbeidarar, men ikkje generere særleg overskot. 32T Asylmottak i Florø sjukehus, Hans Blomgate 32

6 Saksframlegg Saksnr Utvalg Type Dato 047/15 Formannskapet PS Sakshandsamar Arkiv ArkivsakID Arild Melvær K2 - F30 15/309 Asylmottak i Florø sjukehus, Hans Blomgate 32 Framlegg til vedtak: Rådmannen får fullmakt til å undersøke vidare om det er mulig å opprette eit mellombels asylmottak i Florø sjukehus, drifta av Innvandrarsenteret. Frå Ap ved Bente Frøyen Steindal: 1. Det vert ikkje gått vidare med Sjukehuset som eit mogeleg alternativ til midlertidig Asylmottak.2. Rådmannen undersøker mogeleg løysing for midlertidig asylmottak med kommunal drifting i private lokaler. Frå SL ved Jacob Nødseth: 1. KF Innvandrarsenteret sitt styre skal saman med berørte tenester i kommunen ta stilling til kor mange asylsøkjarar det er forsvarleg å ta i mot utover det som allereie er vedteke. 2. Dersom det vert aktuelt å ta i mot fleire på bakgrunn av vurderinga i punkt 1, vert desse å huse spreidd i heile kommunen. Fleire bygg vil vere tenleg til dette føremålet, mellom desse nedlagte skulebygg, grendahus, andre bustadhus som står tomme m.v. 3. KF Innvandrarsenteret og berørte tenester sine vurderingar i denne saka vert å legge fram for bystyret, slik at bystyret kan ta endeleg stilling til saka i møte 10. november Florø sjukehus skal planleggast vidare som ein arena for eldreomsorg, med snarleg realisering. Frå Frp ved Frank Willy Djuvik Flora kommune søkjer ikkje om utviding av asylplassar i kommunen, og varslar nasjonale styresmakter om at bruk av sjukehusbygget i Flora er uaktuell til innkvartering av asylsøkjarar. Frå Venstre ved Jan Henrik Nygård: Rådmannen får fullmakt til å undersøke vidare om det er mulig å opprette eit mellombels asylmottak i Flora kommune, drifta av Innvandrarsenteret.

7 Formannskapet - 047/15 FORM - handsaming: Ap trekte sitt framlegg etter at Venstre la fram sitt framlegg. Røysting: Det vart først røysta over Frp og Venstre sine framlegg. Venstre sitt framlegg vart vedteke mot ei røyst (Djuvik). Det vart så røysta punktvis over Samlingslista sitt framlegg: Punkt 1: falt mot tre røyster. punkt 2: falt mot 1 røyst, punkt 3: falt mot 4 røyster og punkt 4: falt mot 2 røyster. Tillegg til Venstre sitt framlegg:...fullmakt til "i samarbeid med innvandrarsenteret" å undersøke... FORM - vedtak: Rådmannen får fullmakt til i samarbeid med Innvandrarsenteret å undersøke vidare om det er mogleg å opprette eit mellombels asylmottak i Flora kommune, drifta av Innvandrarsenteret.

8 Saksopplysingar: Kva saka gjeld: Det store talet asylsøkarar som kjem til landet for tida, gjer at UDI har trong for mange fleire plassar i asylmottak landet over. Grunna det store presset på mottakssystemet, har staten sett det ordinære anbodssystemet til side, og UDI har derfor løyve til å kjøpe plassar utan konkurranseutsetting. Siste veke måtte alle kommunar melde inn til fylkesmannen om ledige lokale som kan brukast som asylmottak. Flora kommune melde inn at Florø sjukehus kanskje kan brukast for å hyse personar, og i tillegg har Efinor as tilbydd Efinor jobbhotell og Krokane camping til det same føremålet. Efinor vil helst at Innvandrarsenteret skal drive eit ev. asylmottak i deira lokale, dersom det blir aktuelt. UDI ser gjerne at Innvandrarsenteret opnar ei avdeling av Solbakken asylmottak på Florø sjukehus, sidan dette er ein etablert organisasjon som har lang erfaring med drift av asylmottak. Det er ikkje bestemt kva Flora kommune vil bruke bygget til i framtida, og dette kan vere eit høve til å tene litt pengar på utleige fram til det er klart kva som skal skje med eigedommen på lenger sikt. Vurdering: etasje i bygget har stått ubrukt sidan Sokkeletasjen er i bruk og ikkje aktuell å leige ut til ev. asylmottak. Organisatorisk er det Florø bygg og eigedom (FBE) som forvaltar eigedommen i dag, og vurderingane knytte til bygget er i hovudsak gjort av denne tenesta. FBE ser det som fordelaktig at bygget i størst mulig grad blir nytta som det er, framfor å starte større ombyggingsarbeid. Nødvendig ombygging vil vere knytt til å lage til fleire bad/dusjar og fleire kjøkken asylmottak er basert på at bebuarane skal lage eigen mat og klare seg sjølve, med såkalla nøktern standard. For dei einslege vaksne på Solbakken som deler kjøkken, er det t.d. slik at det er maksimum 10 personar som skal bruke same komfyr. All erfaring tilseier derfor at det må vere minst 20 komfyrar tilgjengeleg dersom det skal bu 200 menneske i sjukehusbygget. Det er store flater i sjukehusbygget 1. og 2. etasje er kvar på ca m2, 3. etasje ca 900 m2. Bygget er tungdrive, noko som betyr at det er kostbart å drifte. Det går mykje energi til oppvarming og drift av ventilasjonsanlegg. Med tanke på dei store areala som er i bygget, må det vere bemanning på bygget døgnet rundt. I tillegg må det på plass byrå for dagleg reinhald, sjølv om hovudregelen for asylmottak er at bebuarane skal vaske sjølve. Det vil også vere naturleg at det blir knytt ein eigen driftsteknikar til bygget. Endra bruk av bygget føreset bruksendring. FBE har også tatt opp spørsmål om brann og rømmingstryggleik i bygget med brannvesenet. Her ventar FBE på tilbakemelding og må ta alle mulige atterhald om tiltak som huseigar måtte bli pålagt. Ut frå Innvandrarsenteret sine krav til kjøkken- og baderomsfasilitetar m.v., har FBE gjort nokre kostnadsoverslag knytt til nødvendig påkost av bygget for å dekke behova til bruken, samt sikre bygningsmassen på ein tilfredsstillande måte. FBE sine overslag tilseier ein påkost på bygget i størrelsesorden 7,5 mill.kr. inkl. mva. Her må FBE ta alle atterhald, da det kan komme uføresette utgifter som FBE ikke kjenner til. Investeringen vil ikjke ha rett til mva.komp. Som huseigar har vi avgrensa erfaring med drift av bygget, men berre straumutgiftene vil komme opp i 1,5 mill.kr. pr. år. Blir det aktuelt å leige ut bygget, legg FBE til grunn at investeringane som må gjerast i bygget blir dekka over leigeperioden, i tillegg til ordinær leige. Ved at bygget blir nytta som asylmottak, aukar også huseigar sin eigendel ved t.d. brann til kr ein risiko som leigetakar må ta på seg. Kor mange sengeplassar bygget kan romme, har FBE ikkje sett på, men kapasiteten er størst i 2. etasje.

9 FBE har berekna at det vil ta ca. 4 månader å klargjere bygget, føresett at vi kan starte arbeidet utan anbodskonkurransar, og at bruksendring og avklaring med Brannvesenet om bygget sitt brann/rømmings-tryggleik blir raskt avklart. Det er førebels ikkje vurdert om det er mulig med delvis innflytting straks, for så å auke talet på bebuarar etter kvart som bygget blir klargjort for fleire. Økonomiske konsekvensar: Dersom vi tar utgangspunkt i eit bebuartal på 150, vil dette kunne medføre utgiftsdekking til drift og leige på om lag 12 mill. kr i året, dersom vi tar utgangspunkt i satsane for vertskommunetilskot og normale satsar som UDI har fullmakt til å betale fram til no. Eit bebuartal på 200 vil kunne gi nær 15 mill. kr i utgiftsdekking. Dette blir sjølvsagt eit forhandlingsspørsmål. Organisatorisk vil dette vere ei avdeling under Solbakken asylmottak. Det må sjølvsagt tilsettast folk til å drifte bygget i samarbeid med FBE, og miljøarbeidarar som skal ta seg av bebuarane. Det må også vurderast om det bør føre til auka bemanning i helsevesenet, i grunnskulen og i vaksenopplæringa. Både grunnskulebarn og elevar ved vaksenopplæringa løyser ut eigne tilskot som vil dekke utgiftene her. UDI dekker også utgifter til barnehage for 4 og 5 åringar på mottaket, men her er det vel mangel på plassar som ev. blir problemet. All mat, klede og vanlege kvardagsutgifter skal dekkast av eigne tilskot til kvar bebuar. Dette er noko som staten betaler i tillegg. Dersom vi reknar med at det skal vere drift i 3 år (noko som også er den mest vanlege avtaleprioden for asylmottak), vil dette gi ei samla inntekt på mill. kroner. Investeringane vil kanskje vere 8 mill. kr i bygget og 4 mill. kr til inventar og utstyr. Dette kan fordelast over 3 år, dvs. 4 mill. kr i året. Dersom vi seier at vi vil trenge til saman 7 årsverk for å drifte bygget og dei som bur der, vil det kanskje koste om lag 4,5 mill. kr årleg. Med straumutgifter på 1,5 mill kr, kjem kostnadane opp i 10 mill. kr i året. I tillegg må det brukast kanskje ein halv million til miljøarbeid og diverse aktivitetar. I kva grad nye innbyggar i sentrumsområdet vil prege bybilet, gjenstår å sjå. Samarbeid med frivilliige organisasjonar og tilrettelegging for meiningsfylte aktivitetar for bebuarane vil vere viktig. Med alle atterhald vil dette kunne bety at Flora kommune kan rekne med ei årleg leigeinntekt på 1,5 4,5 mill. kr i året. Då er alle utgifter dekka, bortsett frå eigedomsskatt og kommunale avgifter.