MED HJARTA FOR HEILE KVINNHERAD

Transkript

1 Foto: Hans Kristian Thorbjørnsen Peder Sjo Slettebø Ordførarkandidat MED HJARTA FOR HEILE KVINNHERAD Kortversjon av kommunevalprogram for Høgre

2 Kortversjon av kommunevalprogram for Høgre i Kvinnherad MED HJARTA FOR HEILE KVINNHERAD Stem Høgre 14. september! Kvinnherad kommune har ved dette valet fire valkrinsar. Her er oversikt over vallokale valdagen: Hatlestrand Oppvekstsenter, Rosendal samfunnshus, Kulturhuset Husnes og Øyatun ungdomsskule.

3 3 Foto: KB Hus Levande bygder Kvinnherad er samansett av små og mellomstore lokalsamfunn der folk opplever det som trygt og triveleg å bu. Høgre vil føra ein politikk som sikrar at det blir slik også i framtida! Kvinnherad har store område som kan tilretteleggast for langt meir bygging av bustader, hytter og naust. Kommunen må få fart på arbeidet med tilrettelegging av byggeland i alle delar av kommunen. Folk må i større grad få bygga hus der dei ynskjer. Høgre vil respektera og forsvara den private eigedomsretten og vil arbeida for å fjerna eigedomsskatten. Kvinnherad er ein langstrakt kommune, og Høgre vil oppretthalda eit godt tenestetilbod i dei ulike delane av kommunen. For Høgre er det viktig at innbyggarane får tilgong til flest mogleg tenester utan å reisa ut av kommunen. Høgre vil difor utvikla Husnes som eit sterkt regionsenter. - arbeida for levande bygder, vekst og utvikling i heile kommunen - legga betre til rette for bygging av bustader, hytter og naust - at folk i størst mogleg grad må få bygga der dei sjølv ynskjer - respektera og forsvara den private eigedomsretten, og arbeida for å fjerna eigedomsskatten - sikra eit godt tenestetilbod i bygdene - utvikla Husnes som eit sterkt regionsenter

4 4 Næringsliv For at Kvinnherad skal vera ein attraktiv plass å bu, må vi ha eit sterkt næringsliv med varierte arbeidsplassar. Høgre meiner difor at Kvinnherad kommune må føra ein langt meir offensiv næringspolitikk enn i dag. Høgre vil arbeida aktivt for at nasjonale og internasjonale selskap skal investera og satsa i Kvinnherad. Høgre vil styrka Kvinnherad Næringsservice slik at dei kan arbeida meir med å yta service til etablerarar, og med å finna bedrifter som kan vera interesserte i å etablera seg i Kvinnherad. Det er viktig for næringslivet at kommunen blir ein betre medspelar for dei som ynskjer å få til noko. Høgre vil difor korta ned på sakshandsaming, stilla enklare krav til byggesaker og reguleringsplanar, og fornya kommuneadministrasjonen. Den kraftforedlande industrien er særs viktig for Kvinnherad, og Høgre vil difor arbeida for gode og føreseielege vilkår for kraftforedlande industri. Kommunen må alltid ha klar tilrettelagd og rimeleg næringsareal. - at kommunen må føra ein langt meir offensiv næringspolitikk - styrka Kvinnherad Næringsservice og bruka Næringsservice til å søka aktivt etter bedrifter som kan vera aktuelle for Kvinnherad - arbeida for at nasjonale og internasjonale selskap skal investera og satsa i Kvinnherad - korta ned på sakshandsamingstid og forenkla krav til byggesak og regulering - fornya kommuneadministrasjonen - arbeida for gode vilkår for kraftforedlande industri - at kommunen alltid må ha tilrettelagd og rimeleg næringsareal

5 5 Skule Eit godt skuletilbod er avgjerande for å sikra like moglegheiter for alle. Høgre meiner nærskulane har ein viktig funksjon i lokalsamfunnet. Høgre vil difor ta vare på nærskulane og fokusera på innhald og kvalitet i skulen. Lærarane må få tilbod om etter- og vidareutdanning. Den enkelte elev må få opplæring tilpassa sitt behov. Orden og god disiplin i klasserommet er viktig for læringsmiljøet. Høgre vil difor gje lærarane gode verkemiddel for å skapa ro og orden i skulekvardagen. Kvinnherad Høgre har store ambisjonar for elevane våre, og vil arbeida aktivt for at elevar i Kvinnherad skal nå over landssnittet for nasjonale prøvar. Høgre vil difor etablera eit frivillig tilbod om ekstra undervisning i basisfag som norsk, matematikk og engelsk. Her ynskjer Høgre å nytta lærarkrefter som har særleg god kompetanse i fag og pedagogikk. Ved einskilde skular har ein over tid hatt lærarstudentar frå USA på utveksling. Dette har gjeve gode resultat i engelsk ved skulane som har hatt denne ordninga. Høgre vil difor vidareføra og utvida dette. Kvar enkelt elev er unik og har krav på respekt. Høgre er difor svært opptekne av å bekjempa mobbing i eikvar form. Dersom ei mobbesak i ytterste konsekvens fører til skulebyte, meiner Høgre det er mobbaren, og ikkje mobbeofferet, som skal byta skule. Eit godt og næringsrikt måltid er til god hjelp for motivasjon og læringsvilje. Høgre vil difor prøva ut ordning med skulekantiner. - prioritera kunnskap og kvalitet i skulen - ta vare på nærskulane - sikra ro og disiplin i skulen - at opplæringa skal vera tilpassa den enkelte elev sitt behov - arbeida aktivt for at elevar i Kvinnherad skal nå over landssnittet i nasjonale prøvar - at foreldra skal få størst mogleg innsyn i den enkelte skule sitt faglege resultat - auka innsatsen mot mobbing, og at mobbaren og ikkje mobbeofferet skal byta skule dersom skulebyte vert naudsynt - tilby ekstra undervisning i basisfag som norsk, matematikk og engelsk med særleg kvalifiserte lærarar - utvida ordninga med framandspråklege utvekslingsstudentar - prøva ut ordning med skulekantiner

6 6 Barn og unge Kvinnherad treng fleire barnefamiliar for å få framtidig vekst i kommunen. Høgre vil prioritera gode vilkår for barnefamiliar for å gjera kommunen meir attraktiv for desse. Høgre meiner trygge og levande lokalsamfunn med rimelege bustader og tomter, gode barnehagar og skular, trygge vegar og eit variert idretts- og fritidstilbod er noko av det viktigaste kommunen kan bidra med for barnefamiliane. - satsa særleg på barnefamiliane - tilrettelegga rimelege tomter og bustadfelt i alle delar av kommunen - legga til rette for bygging av fleire rimelege tomannsbustader - at barnehagetilbodet må vera av høg kvalitet og i rimeleg avstand til arbeidsplass og/eller heim - prioritera trygge skulevegar - starta planlegging av ny idrettshall på Husnes med byggestart i perioden - rusta opp idrettsanlegget i Rosendal - at kommunale basseng skal vera opne for familiebading i helgane

7 7 Helse og omsorg Kvinnherad har ei god eldreomsorg med engasjerte og dyktige medarbeidarar. Kommunen har behov for raskare utbygging av eit tilstrekkeleg tal institusjonsplassar. Høgre vil difor fullføra utviding av Rosendalstunet i perioden, og starta planlegging av framtidig utviding av Husnestunet. Høgre vil i perioden gjennomføra bygging av omsorgsbustader for eldre i tilknyting til institusjonane. For at flest mogleg eldre skal kunna bu i eigen heim så lenge som mogleg, er det viktig med eit godt avlastningstilbod. Høgre vil i perioden auka talet på avlastningsplassar. Livskvalitet i kvardagen for eldre og pleietrengande er ei hjartesak for Høgre. Høgre meiner difor kommunen i større grad må samarbeida med frivillige for å skapa aktivitet og livsglede på institusjonane. God og næringsrik mat er av stor betydning for livskvaliteten. Høgre meiner difor matproduksjon til institusjonane bør føregå lokalt. Når eit menneske vert avhengig av pleie og omsorg frå det offentlege, er det viktig at kommunen så langt det let seg gjera er imøtekommande ovanfor den enkelte sine ynskje og behov. Stadig fleire unge slit med psykiske plager og rusproblem. Høgre vil difor sikra eit godt apparat for å førebygga helseproblem blant unge, og sikra god oppfølging av unge med helseproblem. Høgre meiner førebygging innan rus og psykisk helse må prioriterast særleg dei kommande åra. Høgre vil som ein del av dette etablera eit sterkare helsesøstertilbod i skulen. - at Kvinnherad må få på plass eit tilstrekkeleg tal institusjonsplassar i perioden, og sikra at dekninga av sjukeheimsplassar for eldre over 80 år er tilnærma lik i alle sonene - fullføra utbygging av Rosendalstunet, starta planlegging av framtidig utviding av Husnestunet og gjennomføra bygging av omsorgsbustader i tilknyting til institusjonane - samarbeida med frivillige for å skapa aktivitet og livsglede for eldre - at matproduksjon til institusjonane bør føregå lokalt - at kommunen skal vera imøtekommande og løysingsorientert i møte med den enkelte - stilla seg positive til private intiativ - prioritera førebygging av helseproblem blant unge

8 8 Foto: Kristian Hus Samferdsle For at Kvinnherad skal kunna få til vekst, er det avgjerande med betydeleg betring av infrastruktur internt i kommunen og betre kommunikasjonar inn og ut av kommunen. Høgre vil ha oppstart av «Kvinnheradpakken for vegar og trafikksikring» i perioden. Kvinnheradpakken må innehalda utbygging av gul midtstripe frå Mauranger til Utåker, trafikksikring der dette er naudsynt og løysingar for effektive kommunikasjonar mot E39 og E134. Høgre vil arbeida aktivt for fast samband mellom E39 og E134 via Kvinnherad. - starta arbeidet med å gjennomføra «Kvinnheradpakken for vegar og trafikksikring» i perioden - at det må byggast gul midtstripe frå Mauranger til Utåker - realisera innkorting av ferjesambandet Kvinnherad Stord - realisera nytt ferjestø på Skjelnesodden - arbeida aktivt for fast samband mot E39 og påkopling mellom E39 og E134 via Kvinnherad - legga press på styresmaktene for strengare krav til ferjemateriell - styrka snøggbåtsambanda

9 9 Foto: KB Hus Økonomi Ein sunn kommuneøkonomi er nøkkelen til eit godt og stabilt tenestetilbod til innbyggarane. Høgre vil i perioden arbeida aktivt for å redusera kommunen sine driftskostnadar og betra organiseringa innanfor alle tenesteområde. Høgre ynskjer meir føreseieleg forvaltning av kraftfondet. Høgre ynskjer reduksjon av administrasjonskostnadar, og er opne for privat intiativ på drift og vedlikehald der dette kan gje innsparing. Å eiga sin eigen bustad er for mange eit viktig tryggleiksnett. Høgre er difor negativ til eigedomsskatt, og vil arbeida aktivt for å unngå slik skatt. Dersom kommunen likevel ikkje kjem utanom eigedomsskatt for å sikra eit forsvarleg tenestetilbod, meiner Høgre denne må vera på lågast mogleg nivå. - etablera ein sunn kommuneøkonomi - sikra føreseieleg forvaltning av kraftfondet - redusera kostnadar til og omfang av administrasjon - opna for privat intiativ på kommunal drift og vedlikehald - arbeida for å fjerna eigedomsskatten

10 10 Landbruk Eit levedyktig landbruk er svært viktig for Kvinnheradsamfunnet. Landbruket tek vare på kulturlandskapet, og skapar ei rekke fellesgode både for fastbuande og tilreisande. Høgre ynskjer å støtta opp om gardbrukarar som vil tenka nytt og skapa ny næring, og kommunen må difor vera fleksibel og imøtekommande i forvaltningssaker som vedkjem landbruket. Tilgong på landbruksareal er viktig for å sikra grunnlaget for landbruket i Kvinnherad. Høgre vil difor i størst mogleg grad bevara dyrka mark. Høgre vil arbeida for at samfunnsnyttige vasskraftverk vert realisert, og arbeida for auka lokal råderett i konsesjonssaker. Høgre ynskjer ei sterk marin næring i Kvinnherad, og er positive til etablering av ny verksemd. Høgre vil arbeida for at arealavgift for oppdrettsanlegg skal tilfalla kommunen. - oppretthalda eit levedyktig landbruk i Kvinnherad - at kommunen skal legga til rette for gardbrukarar som vil skapa ny næring - i størst mogleg grad bevara dyrka mark - at kommunen må vera fleksibel i forvaltningssaker - at samfunnsnyttige vasskraftverk vert realisert - vidareutvikla den marine næringa i Kvinnherad og regionen elles

11 11 Kultur og reiseliv Kvinnherad har stort potensiale innanfor kultur og reiseliv, og bør ha ambisjon om å vera mellom dei leiande kulturkommunane i Hordaland. Ein aktiv kulturpolitikk er viktig for å sikra eit levande kulturliv som gjer Kvinnherad attraktivt for alle. Høgre vil støtta opp om lokale kulturarrangement med tilrettelegging og økonomiske garantiar, med særleg vekt på årvisse og større arrangement. Høgre meiner Baroniet Rosendal og Festidalen på kvar sin måte er spydspissar i det lokale kulturlivet, og kommunen må vera aktiv støttespelar for å vidareutvikla disse. Kulturskulesenteret på Husnes må nyttast aktivt som kulturarena i både privat og offentleg regi. Rosendal og området rundt er av stor nasjonal verdi, og har potensiale til å verta eit av dei fremste reisemål i Noreg. Høgre vil styrka marknadsføringa av Rosendal som destinasjon. Folgefonna nasjonalpark har stort potensiale for opplevingar og auka verdiskaping. Høgre meiner nasjonalparken i større grad må kunna takast i bruk til opplevingar som kan verta ein viktig del av reiselivstilbodet i Kvinnherad, og vil arbeida for at lokale styresmakter må få fullmakt til å gje løyve til tiltak i nasjonalparken. Kyrkjene våre er av stor verdi både menneskeleg og historisk. Høgre vil difor styrka vedlikehald og sikring av kyrkjene. - at Kvinnherad skal vera mellom dei leiande kulturkommunane i Hordaland - at kommunen skal vera aktiv støttespelar for lokale kulturarrangement - arbeida aktivt for at Rosendal skal verta eit av dei fremste reisemål i Noreg - at Folgefonna nasjonalpark i større grad må takast i bruk til opplevingar og verdiskaping - sikra vedlikehald og brannsikring av kyrkjene

12 Valliste for Kvinnherad Høgre Peder Sjo Slettebø Sæbøvik Foto: Hans Kristian Thorbjørnsen Foto: Vidar Alfarnes 2. Leif Sverre Enes Ænes Foto: Vidar Alfarnes Foto: Kristian Hus 3. Marit Bakke Dimmelsvik Foto: Vidar Alfarnes Foto: Vidar Alfarnes 4. Øyvind Lernes Rosendal 5. Jan B. Ingvaldsen Husnes 6. Stig Håvik Ølve 7. Ingrid Koløy Eide...Halsnøy Kloster 8. Bjarne Berge... Herøysund 9. Oddbjørn Kroka... Uskedalen 10. Erlingur Nielsson...Dimmelsvik 11. Lars Emil Berge...Åkra 12. Sølvi Ulvenes...Ølve 13. Stig Rusten...Valen 14. Knut Johannes Helvik... Rosendal 15. Arne Bjørnevik...Høylandsbygd 16. Kari Bruntveit...Sunde 17. Kristin Isdal Eide...Halsnøy Kloster 18. Ellen Charlotte Aakre... Herøysund 19. Øyvind Utne... Rosendal 20. Ann Helen Skogseth...Sunde 21. Andreas Tarberg... Uskedalen 22. Hogne Gjuvsland... Husnes 23. Hanne Kristensen...Sæbøvik 24. Steinar Kroka... Uskedalen 25. Mette Eide Hvidevold...Sæbøvik 26. Nils Arne Fosse...Fjelberg 27. Jarle Hvidevold...Sæbøvik 28. Leif Tore Nedrevåg...Seimsfoss 29. Norolf Eide Tvedten...Sæbøvik 30. Per Ove Kviteberg...Høylandsbygd 31. Anne Helen Ripel...Sunde 32. Esben Zimmer... Uskedalen 33. Audhild Hesjedal...Høylandsbygd 34. Georg Røssland...Sunde 35. Hilde Lande Eikeland...Dimmelsvik 36. Eivind Tvedt...Dimmelsvik 37. Roald Teigen... Husnes 38. Einar Holsvik... Rosendal 39. Herlaug Skjelnes...Seimsfoss 40. Arne Presthus...Ølve