Regelverk for tilskot til samlivstiltak 2015 (kap. 841 post 70)

Transkript

1 POSTADRESSE: Postboks 2233, 3103 Tønsberg Rundskriv Sentralbord: bufdir.no 16 / 2015 Regelverk for tilskot til samlivstiltak 2015 (kap. 841 post 70)

2 Innhald 1. Føremål Opplysningsplikt Generelle definisjonar Nærare om tilskotsordninga Tilskot til lokale samlivskurs Kven kan søkje? Kva kan tilskotsmidla nyttast til ti? Krav til kursinnhald m.m Utmåling av tilskotet Tilskot til utviklingstiltak på samlivsområdet Kven kan søkje? Kva kan tilskotsmidla nyttast til ti? Utmåling av tilskotet Verksemder og føremål som ikkje vert stødd Krav til søknaden Lokale samlivskurs Utviklingstiltak på samlivsområdet Søknadsfristar Opplysning om vedtak Bruk av tilskotet Rapportering Kontroll Sanksjoner ved brot på regelverket Høve til å klaga

3 Innleiing Tilskot til samlivstiltak er løyvd over kap post 70 på statsbudsjettet. Midlane blir forvalta av Barne- ungdoms- og familiedirektoratet (Bufdir). Midlane frå tilskotsordninga skal nyttast til to type tiltak: 1) lokale samlivskurs/samlingar for par, og 2) utviklingstiltak i samlivsarbeidet. Tilskotsordninga er oppretta med sikte på eit breitt spekter av søkjarar. Barne- likestillings- og inkluderingsdepartementet ynskjer å oppretthalde engasjementet hjå dei som arbeider på dette området. 1. Føremål Det overordna målet med ordninga er å stø opp om samlivet i parforhold. Tiltak som kan styrkje samlivet kan vere viktige i eit samla førebyggjande familie- og samlivsarbeid. Målet er å utvikle og halde ved like eit godt samliv i parforhold, både for ektepar og sambuarar, og slik stø opp om ein varig og stabil familiesituasjon. Eit viktig mål med dette er å skape ein trygg og stabil oppvekst for barna. I ei tid med eit utvida familieomgrep og auka grad av nye familie- og samlivsformer, vil tilskotsordninga vera særleg viktig. Det er også rom for å gje stønad til tiltak som er retta mot familiar med høgt konfliktnivå mv. Tilskotsordninga skal bidra til at organisasjonar kan utvikla og/eller gjennomføra tiltak som kan vere med på å: styrkje samlivsforhold med sikte på å skape gode relasjonar, førebyggje familie- og samlivsoppløysing, nå nye familie- og samlivsformer som til dømes likekjønna par og ekspartnarar med felles barn, nå nye målgrupper som til dømes par med innvandrarbakgrunn, gje par som ynskjer å arbeide med forholdet sitt tilbod om kurs/tiltak som er relevante for målgruppa og har høg kvalitet, gje rask og tidlig hjelp som kan hindre problemutvikling i «vanlege» og i utsette familiar generere kunnskap. 2. Opplysningsplikt Tilskotsordninga er bygd på innbyrdes tillit mellom tilskotsforvaltar og -mottakar. Tilskotsmottakar skylder uoppmoda å gje tilskotsforvaltar alle opplysningar som gjeld søknaden og tilskotet, anten det er utbetalt eller ikkje. 3. Generelle definisjonar I dette regelverket betyr: a) direktoratet: Barne-, ungdoms- og familiedirektoratet, og b) tilskotsår: det kalenderåret søknaden gjeld for og tilskotet blir utbetalt i. 3

4 4. Nærare om tilskotsordninga 4.1. Tilskot til lokale samlivskurs Midlane skal nyttast på ein høveleg og økonomisk fornuftig måte, slik at dei kjem flest mogleg brukarar til gode. Det er difor viktig at dei administrative utgiftene til kursa vert haldne på eit lågt nivå. Det er eit mål at deltakarane sin private økonomi ikkje skal utelukke mindre haldne grupper frå å delta på kursa. Arrangøren skal difor velje kursstad som ikkje inneber store utgifter til reise og opphald, sidan dette er utgifter som tilskota ikkje dekker. Tilskot til kursopplegg til par som har barn skal prioriterast Kven kan søkje? Frivillige organisasjonar og andre som har som målsetjing å stø opp om, hjelpe og styrkje familie og parforhold, kan søkje om midlar. Kommunar og liknande institusjonar som vil ta opp samliv som tema kan søkje, gjerne i samarbeid med frivillige organisasjonar. For å nytte ressursane best mogeleg og for å opprette nettverk i lokalmiljøet, vil søkjarar som samarbeider lokalt verta prioriterte Kva kan tilskotsmidla nyttast til ti? Tilskotet kan brukast til å dekkje administrative utgifter som honorar, reise og opphaldsutgifter til kursleiarar, innkjøp av kursmateriell, annonsering og leige av lokale. Midlane kan ikkje brukast til godtgjersle eller tilskot til kursdeltakarane sine utgifter til samlivskurs (reise, opphald, servering, gåver, utgifter til barnepass e.l.). Slike utgifter må dekkjast anten av søkjaren/arrangøren eller av kursdeltakarane sjølve Krav til kursinnhald m.m. kursa skal ha eit førebyggjande siktemål, og skal ikkje ha karakter av behandling, kursa skal appellere til både menn og kvinner, og begge kjønn skal ha nytte av kursa, det er ei målsetjing at samlivskursa er av høg kvalitet, det er ei målsetjing at samlivskursa vert haldne av kvalifiserte kursleiarar, og det er ei målsetjing at samlivskursa vert tilpassa flest mogeleg brukargrupper Utmåling av tilskotet Storleiken på tilskota vert fastsett etter ei heilskapleg og skjønsmessig vurdering. I vurderinga legg vi vekt på kor mange aktive kurstimar kurset har. Kor mykje pengar som er sett av til tilskotsordninga og kor mange søknader vi får inn har også verknad Tilskot til utviklingstiltak på samlivsområdet Siktemålet med utviklingsarbeidet er å styrkje den faglege kvaliteten på samlivskursa og auke kunnskapen om gode samlivstiltak. Prosjekta må gje ny kunnskap/røynsle på samlivsfeltet. Resultata av utviklingsarbeidet bør ha overføringsverdi, slik at dei kan medverka til fagleg og/eller organisatorisk utvikling av samlivsarbeidet Kven kan søkje? Organisasjonar og institusjonar med kompetanse på samlivsarbeid og utviklingsarbeid kan søkje om midlar til utviklingsprosjekt. 4

5 Kva kan tilskotsmidla nyttast til ti? Prosjekta kan dreie seg om ulike sider av samlivsarbeidet, som t.d. skolering av kurshaldarar, utvikling av program/materiell for samlivskurs, organisering og samarbeid om samlivstiltak lokalt o.a. Tiltak som tek sikte på å få til ei god organisering/spreiing av tilbodet, og som kan medverke til at samlivstiltak vert ein integrert og etablert del av det lokale førebyggjande familiearbeidet, vil verte prioriterte Utmåling av tilskotet Storleiken på tilskota vert fastsett etter ei heilskapleg og skjønsmessig vurdering. Kor mykje pengar som er sett av til tilskotsordninga og kor mange søknader vi får inn har også verknad. 5. Verksemder og føremål som ikkje vert stødd Tiltak som primært fell inn under andre statlege stønadsordningar, t.d. midlar til samlivsrettleiing til foreldre med funksjonshemma barn vil ikkje verte prioriterte her. Det same gjeld for tiltak som i hovudsak dreier seg om foreldrerettleiing og oppsedingsspørsmål. Det vert ikkje gjeve midlar til statleg finansierte familievernkontor eller til privatpersonar eller tiltak som er drivne på forretningsmessig basis. 6. Krav til søknaden Søknader om tilskot sendast til direktoratet på fastsette skjema. Krav til innhald i søknaden går fram av søknadsskjemaet. Direktoratet kan krevje ytterlegare dokumentasjon om det vert sedd å vera naudsynt for å vurdere søknaden. Om det søkjast om stønad frå andre statlege tilskotsordningar må dei førast opp. Om søknaden ikkje er fullstendig, kan direktoratet sette en rimeleg frist for retting. Pålegget vert gjeve skriftlig saman med en orientering om at dersom tilfredsstillande retting ikkje skjer innan fristen, kan vedkommande søknad helt eller delvis avvisas, eller avgjerast på det ufullstendige grunnlaget som ligg føre Lokale samlivskurs målet for kurset må gå klart fram av søknaden, detaljert kursprogram skal leggjast ved. Programmet må vise innhaldet i effektiv kurstid og pausar, kva for kurskonsept som skal nyttast, målgruppe for kurset, namn på kursleiar/kurshaldar og deira kvalifikasjonar, tidspunkt og stad for kurset, om kurskonseptet som skal nyttast er nytt eller ukjent, må søkjar gjere greie for innhald og kva for teoriar/metodar det byggjer på, planlagde utgifter og inntekter må gå fram av eit eige budsjett. Budsjettet skal vise kva for kostnader som er rekna til desse føremåla: honorar/lønn, reise og opphaldsutgifter til kursleiarar, reise og opphaldsutgifter til kurskursdeltakarar, innkjøp av kursmateriell, annonsering, og leige av lokale 5

6 budsjettet må skilje mellom utgifter som gjeld kursleiarar og kursdeltakarar Utviklingstiltak på samlivsområdet målgruppe for tiltaket må gå fram av søknaden, namn og fagleg bakgrunn til den/de som skal gjennomføre utviklingsarbeidet, det må gjerast grundig greie for bakgrunnen for og målet med prosjektet, det må gjerast grundig greie for metoden som tiltaket byggjer på, det må gjerast grundig greie for korleis tiltaket skal gjennomførast, det må lagast ein framdriftsplan for tiltaket, det må gjerast grundig greie for kva ein ventar som resultat, om andre kan ha nytte av resultantane eventuelt korleis, om de samarbeider med andre om tiltaket eventuelt med kven, om de søker om tilskot til tiltaket frå andre eventuelt kven og kor mykje, og planlagde utgifter og inntekter må gå fram av eit eige budsjett. 7. Søknadsfristar Søknadsfrist fastsettas årleg av direktoratet. Om fristen fell på ein laurdag, søndag eller annan heilagdag, forskyvas den til næraste påfølgjande kvardag. Fullstendig søknad må vere innlevert seinast fristdagen. Søknader som vert sende etter fristen kan avvisas. 8. Opplysning om vedtak Direktoratet skal opplyse søkjar om vedtak i tilskots- eller avslagsbrev, i tråd med forvaltningslovas 27 og Bestemmelser om økonomistyring i staten. Vedtaket kan gjerast tilgjengeleg ved bruk av elektronisk kommunikasjon til den oppdaterte elektroniske adressa søkjaren har oppgjeve. Ved fordeling av tilskot skal mottakaren så snart som mulig få tilgang til oversyn over alle som mottar tilskot. 9. Bruk av tilskotet Tilskotet skal brukast innan utgangen av tilskotsåret, med mindre direktoratet etter søknad har stadfesta noko anna. Tilskot til aktiviteter som ikkje er starta opp i tildelingsåret skal returneras. Midlane i tilskotsordninga vert gjeve som årleg løyving over statsbudsjettet, difor kan det ikkje gjevast lovnad om årleg tilskot til tiltak som varer ut over eitt år. Om det vert søkt om tilskot til tiltak som går over fleire år, bør den delen av tiltaket som kan gjennomførast i tilskotssåret ha sjølvstendig nytteverdi, eller fullfinansiering bør sikrast på annen måte. Tilskotsforvaltar kan for det enkelte tilskot stille strengare rapporteringskrav. 10. Rapportering Fristen for å sende inn rekneskap og rapport vert bestemt av direktoratet, og gjort greie for i tilskotsbrevet. Om fristen fell på ein laurdag, søndag eller annan heilagdag, forskyvas den til næraste påfølgande kvardag. Rekneskapen skal vere revidert. For organisasjonar som får tilskot på kroner eller meir skal rekneskapet vere attestert av statsautorisert eller registrert revisor. Om organisasjonen 6

7 mottar fleire tilskot frå Bufdir, gjeld denne revisjonsplikta når samla tilskot er på kroner eller meir. Om tilskotet eller summen av tilskota er lågare enn kr , er det nok med en intern revisor. Det vil ikkje bli gjort ny tildeling om rapport og rekneskap ikkje ligg føre innan fristen. 11. Kontroll Direktoratet skal syte for naudsynt kontroll med alle som får tilskot. Direktoratet utøvar kontrollen sjølv eller ved representant, t.d. revisor. Ved kontroll plikter tilskotsmottakar å samarbeide med direktoratet og deira representantar, medrekna å hente inn og systematisere alt materiale som er relevant for saken eller sakene om tilskot. 12. Sanksjoner ved brot på regelverket Om en tilskotsmottakar eller nokon på vegne av tilskotsmottakar gjev ufullstendige eller ukorrekte opplysningar i forbindelse med søknad om tilskot, og dette medfører at tilskot ikkje vert rettkome utbetalt eller med for stor sum, kan tilskotet heilt eller delvis krevjast tilbake. Også den delen som i utgangspunktet var rettkome tilskot kan krevjast tilbake. Om tilskotet ennå ikkje er utbetalt, kan det verte heilt helt eller delvis halde tilbake og/eller falle bort. Om tilskotet ikkje brukast etter føresetnadane i søknaden, kan tilskotet heilt eller delvis krevjast tilbake. Rente kan fastsettas etter forsinkingsrentelova (lov om renter ved forsinket betaling m.m. av 17. desember 1976 nr. 100). Tilbakebetalingskrav mot tilskotsmottakar etter de føregåande ledd kan ikkje reisast for utbetalingar som er utført lengre tilbake enn tre år rekna frå 1. januar i det kalenderåret kravet vert sett fram skriftleg. Erstatningskrav mot enkeltpersoner kan reisast i tillegg til eller i staden for krav mot tilskotsmottakar når den/desse enkeltpersoner har opprådd slik at det kan føra til erstatningsansvar. For slike krav gjeld dei alminnelege reglane om forelding av erstatningskrav. En tilskotsmottakar som gjentekne gonger har bråte regelverket, kan heilt eller delvis utplukkas frå tilskotsordninga for opptil fem år etter ei nærare vurdering. Ved denne vurderinga skal det leggjast vekt på om tilskotsmottakar fleire gonger har tileigna seg eller forsøkt å tileigna seg ikkje rettkome tilskot, størrelsen på dei ikkje rettkomne summane og skyldgraden. 13. Høve til å klaga Enkeltvedtak gjort av direktoratet kan klagast på til departementet. 7