Vi byggjer NYE ØYGARDEN KOMMUNE. Informasjon til innbyggjarane i Sund, Fjell og Øygarden.

Transkript

1 Vi byggjer NYE ØYGARDEN KOMMUNE Informasjon til innbyggjarane i Sund, Fjell og Øygarden.

2 Innhald Helsing frå leiar i fellesnemnda Marianne Sandahl Bjorøy og prosjektrådmann Rune Lid Her er den administrative leiinga Ivrar for Øygardsgenseren Kystpass 2019 Kulturkalender Elevane engasjerar seg for Nye Øygarden kommune Vi feirar Nye Øygarden kommune Politisk styring fram til januar 2020 VAL 2019 Fakta om Nye Øygarden kommune Ofte stilte spørsmål Lesedugnad på biblioteka i sommar Copyright Nye Øygarden kommune Trykk: Molvik grafisk AS Opplag: Redaktør: Vigleik Brekke Grafisk utforming: Monica Hovland Foto: Kjell Andersland, Jøran Ingvaldsen, Silvia Haugland, Andreas Fiske, Ingunn Teigen, Vigleik Brekke, Monica Hovland, Pixabay og Colourbox. Biletet er frå opninga av Øygarden lokalmedisinske senter den 29. mars Frå venstre; ordførar i Fjell, Marianne Sandahl Bjorøy, dagleg leiar av senteret, Tonje Tangen Alvsvåg, og fylkesordførar Anne Gine Hestetun.

3 Det er eit felles mål at det skal vera godt å bu og arbeida i Nye Øygarden kommune. Den nye kommunen skal setja innbyggjarane først. Leiar i fellesnemnda: -OM EIT HALVT ÅR ER VI EÍN KOMMUNE Det har vore jobba mykje og hardt det siste året. Lange dagar og seine kveldar har prega prosjektleiinga. Prosjektleiinga har brukt mykje tid på å byggja den nye kommunen administrativt. No startar det spennande arbeidet med å utforma tenestene som vi skal yta til innbyggjarane våre. Fusjons- og omstillingsprosessar krev mykje av den enkelte, men eg opplever at vi no er inne i ein periode der utforminga av kommunen er i ein kreativ fase og som gjer at entusiasmen for Nye Øygarden stig til nye høgder. Om ikkje det er nok med ei kommunesamanslåing, skal det også gjennomførast eit kommune- og fylkestingsval denne hausten. Valdagen er 9. september, men hugs at du kan førehandsrøysta allereie frå 10. august. Alle partia i dei tre kommunane har slått seg saman slik at alle listeframlegga har representantar frå alle dagens tre kommunar. Om du ønskjer å sjå dei ulike listene, finn du dei på nyeoygardenkommune.no/val. På nettsida nyeoygardenkommune. no/kulturkalender finn du oppdatert kulturkalender der fellesarrangementet for dei tre kommunane vert marknadsført. Der kan du følgja med på kva arrangement du kan delta på det siste halvåret. Ordførarane vil også i fellesskap invitera til felles sundagsturar i løpet av hausten. Bak i denne informasjonsbrosjyren er det også ein kulturkalender med oversyn over ein del av arrangementa utover sommaren og hausten. Vi planlegg også ei veke i starten av januar 2020, der overgangen til ny kommune vert markert stort. Eg kan nemna at vi planlegg ein stor folkefest i Sotra Arena, eiga markering med vardebrenning og ei felles gudsteneste i Sotra Arena første sundag i Statsminister Erna Solberg har stadfesta at ho vert med på den store opningsfesten den 4. januar. Som leiar i fellesnemnda er det mitt mål at vi klarer å skapa ei begeistring for den nye kommunen gjennom felles arrangement og opplevingar saman. Dette siste halvåret før vi vert ein stor og flott kommune, vert spennande. Det skal skje mykje, og eg håpar å sjå deg på eitt eller fleire av arrangementa våre. Eg ønskjer alle ein riktig fin sommar! Marianne Sandahl Bjorøy leiar i fellesnemnda

4 Som tilsette i Nye Øygarden kommune må vi aldri gløyma at vi er til for innbyggjarane. Oppgåva vår er å forvalta skattepengane til innbyggjarane på best mogleg måte. Sommaren nærmar seg, og mange av dei tilsette i Fjell, Sund, og Øygarden kommunar kan sjå tilbake på ei tid som har vore prega av omstillingsarbeid. Dei tilsette i Fjell, Sund og Øygarden leverer gode tenester i dag. I samband med etableringa av den nye kommunen, har vi ein eineståande moglegheit til levera tenester som vert betre enn tenestene i dag og som innbyggjarane vil oppleva som effektive og framtidsretta. Eit viktig bidrag for å få dette til, er å organisera oss på ein god måte. Det gjer vi ved å nytta medarbeidarane og teknologien på ein best mogleg måte. Målet er å Prosjektrådmann Rune Lid: -VI ØNSKJER Å LEVERA TENESTER MED HØG KVALITET levera best mogleg kvalitet i tenestene. Kommuneorganisasjonane Fjell, Sund og Øygarden gjer mykje likt, men og ein del ulikt. I samband med bygginga av den nye kommunen har vi lagt vinn på å trekkja ut dei beste erfaringane frå dei tre kommunane. Framover må vi arbeida med harmonisering av tenestetilbodet i den nye kommunen. Dette vert ei viktig oppgåve for å sikra likt tenestetilbod uavhengig av kvar ein bur. Som tilsette i Nye Øygarden kommune må vi aldri gløyma at vi er til for innbyggjarane. Oppgåva vår er å forvalta skattepengane til innbyggjarane på best mogleg måte. I skrivande stund opplever vi ein krevjande økonomisk situasjon. Eg har stor tru på at ved å ta krevjande, men nødvendige grep no, så vil dette leggja grunnlaget for ein framtidsretta organisasjon. Nye Øygarden kommune har store moglegheiter. Infrastrukturen vert endra, det er auka aktivitet i næringslivet, det er vekst i folketalet og arbeidsløysa flatar ut, for å nemna noko. Ein retteleg god sommar til alle!

5 Leiarteamet. Frå venstre; Sissel Iren Nesse, Åse Vik, Rune Lid, Råmund Skjold, Anne-Merete Vabø Haugane, Line Barmen og Anne Erdal. Her er den ADMINISTRATIVE LEIINGA Prosjektadministrasjonen for Nye Øygarden kommune er lokalisert på Skjenet på Straume. Prosjektrådmann Rune Lid har fem kommunalsjefar med seg i leiarteamet. Dette er: Kommunalsjef for Helse og velferd Line Barmen Kommunalsjef for Oppvekst, Anne-Merete Vabø Haugane Kommunalsjef for Kultur og samfunn, Råmund Skjold Kommunalsjef for Organisasjon og digitalisering, Sissel Iren Nesse Kommunalsjef for Økonomi, Anne Erdal I tillegg er det tilsett fem assisterande kommunalsjefar Tove Helleland, Helse og velferd Marita Hilleren, Helse og velferd Jon Erik Egeland, Oppvekst Anne Nesje Nes, Oppvekst Rune Landro, Kultur og samfunn Åse Vik er tilsett som assisterande prosjektrådmann. - for ungdom i Sund, Fjell og Øygarden Aktivitetar Sotra Villmarksenter Synth workshop SUP (Stand up padling) Camp Hitsøy Rap/Hip hop med Selim Mutic Fotokurs LAN-party Påmeldinga opna 7. juni. Førstemann til mølla! Informasjon, påmelding og pris finn du på nettsida:

6 Jogeir Sognnæs er så langt den einaste vi kjenner til av menn som har strikka Øygardsgenseren. - Eg har ikkje strikka på 30 år, men dette var eit kult prosjekt eg måtte kasta meg over, seier Jogeir som så langt ikkje har observert andre menn som strikkar denne genseren. Ivrar for ØYGARDSGENSEREN Elna Nybakk møter gladleg opp saman med Jogeir for å visa seg i Øygardsgenseren. Elna elskar å strikka og måtte berre engasjera seg i dette og Facebook-gruppa for «Dei som likar Øygardsgenseren». - Eg strikkar heile tida, og eg måtte jo strikka denne genseren. Eg må vedgå at eg ikkje trudde han ville verta så fin som han no er etter at han er ferdigstrikka. Eg har bestillingar på fleire, og det er god sjanse for at eg strikkar eit par genserar til, seier Elna og legg til at det er eit lett mønster å strikka etter. Jogeir støttar Elna i dette, men ikkje alt er like lett. - Fletteborda er litt knotete. Eg tok video av Astrid Tellnes for å sjå korleis det skal flettast. Denne videoen er lagt ut på Facebookgruppa. For meg er strikking mentalisering, og eg har strikka både på flytoget og på konferansar. Folk tykkjer det er kult at eg som mann strikkar genseren, seier Jogeir som til dagleg er nestleiar hjå Skulesjefen og leiar av pedagogisk psykologisk teneste i Fjell. Han er også politikar i Sund. Elna Nybakk har hatt sitt virke på Coast Center Base og mange års røynsle som politikar i Fjell. Fem hundre ikledd genser på Fjell festning i desember Elna har god strikkeerfaring, medan Jogeir må seiast å ha noko mindre erfaring og strikkar noko fastare enn Elna. Dei meiner genseren er flott og ikkje særleg vanskeleg å strikka. Dei slår eit slag for at Øygardsgenseren verkeleg må verta ein slager. - Vi føreslår at i desember samlar vi minst fem hundre personar på Fjell

7 festning der alle har på seg Øygardsgenseren. Difor er det viktig at det vert ein ekstra giv med strikkinga i haust slik at mange kan få varma seg i genseren til vinteren, seier dei to. Elna og Jogeir lurer litt på kvifor det stort sett berre er kvinner som strikkar denne genseren. Sjølv starta Jogeir med strikking i årsalderen, men la det på hylla når familielivet vart for hektisk. - Eg må jo seia at det er overraskande mange kvinner som ikkje strikkar i det heile tatt. Og til mennene vil eg seia; kom ut av strikkeskapet, seier Jogeir. - Det er vel kanskje slik at ikkje alle menn vågar å seia at dei strikkar, legg Elna til. Ramsalte turar i Fjell, Sund og Øygarden KYSTPASS 2019 Kystpasset er eit turhefte med til saman 30 turar frå nord til sør i kommunane Fjell, Sund og Øygarden. Her finn du mange flotte turopplevingar og nye løyper for store og små, med ulik vanskegrad. Det er ein fantastisk moglegheit til å verta kjent med nye område i dei tre kommunane. Ta med deg klippekortet du finn i heftet, og klipp deg inn framme på turdestinasjonane. Då vert du med i trekninga av fine premiar. Kystpasset er gratis, og kan hentast på biblioteka og rådhusa i Sund, Fjell og Øygarden.

8 Aktuelle arrangement i dei tre kommunane KULTURKALENDER Dato Tid Arrangement 22. juni Strilaman paddle, frå sund til sund, Sund 22. juni Steinslandsdagen med mellom anna kassabilløp, Sund 22. juni Hellesøydagen, Øygarden 10. august Strilaman triathlon på Glesvær, Sund august Hamnedagane på Kleppesjøen, Sund 25. august Ordførarane inviterer til sundagstur 27. august Trellevikstemne, Sund 31. august Strilaman swimrun på Glesvær, Sund 31. august Utekonsert med Vamp på Kystmuseet, Øygarden 1. september Landsnotkast i Kjereidet, tur frå Telavåg kl og Kallestad kl september Kor kjem strilen frå? Aktivitetssenteret i Skogsskiftet, Sund 25. september Føredrag Luca Dalen Espseth, kjønnsmangfald og kjønnsidentitet i Fjell folkeboksamling, Fjell 26. september Forteljarkveld på Kystmuseet, Øygarden 3. oktober Debatt i biblioteka. Tema: Sentrum/periferi. Øygarden bibliotek 17. oktober Debatt i biblioteka. Tema: Transport og samferdsel i den nye kommunen. Fjell folkeboksamling 24. oktober Debatt i biblioteka. Tema: Tema: Strilekultur. Sund folkebibliotek 24. oktober Føredag om engstelege barn, Fjell folkeboksamling, Fjell 27. oktober Glesværløpet, Sund 31. oktober Forteljarkveld på Kystmuseet i Øygarden 5. november Forfattartreff med Hans Olav Lahlum i Sund folkebibliotek 21. november Forfattarbesøk Vigdis Hjorth i Fjell folkeboksamling 23. november Juleverkstad på Kystmuseet i Øygarden 23. november MOT til å glede-dagen 28. november Forteljarkveld på Kystmuseet i Øygarden Oppdatert kulturkalender finn du på heimesida til Nye Øygarden kommune.

9

10 Det er oppretta ei arbeidsgruppe samansett av pedagogar og representantar frå elevråda som skal arbeida fram undervisningsopplegg som engasjerer elevane fram mot 1. januar Elevane engasjerar seg for NYE ØYGARDEN KOMMUNE Skulane i dei tre kommunane er inviterte til å delta i undervisningsopplegg og arrangement hausten I slutten av april var 90 elevrådsrepresentantar og vaksenkontaktar på alle skulane i Sund, Fjell og Øygarden samla på Fjell rådhus for å inspirera kvarandre til engasjement for den nye kommunen. Samlinga var startskotet for tiltaket Elev i Nye Øygarden. Ei arbeidsgruppe sett saman av pedagogar og elevrådsrepresentantar har utarbeidd undervisningsopplegg i fleire fag for hausten 2019 der eit gjennomgåande tema er framtida for den nye kommunen. Skulane i dei tre kommunane vert inviterte til å verta venskapsklasse med ein annan klasse (på same trinn) og å delta i konkurransar. Det vert gjeve transportstøtte dersom venskapsklassane arrangerer fellessamling. Fellesnemnda har sett av 300 tusen kroner i budsjettet til dette skuletiltaket. Les meir om tiltaket på elevnyeoygardenkommune.no

11 Bli med og hei fram NEST-SOTRA! Dato Tid Arrangement 23. juni Nest-Sotra - Jerv 21. juli Nest-Sotra - Notodden 4. august Nest-Sotra - KFUM 18. august Nest-Sotra - Kongsvinger 25. august Nest-Sotra - Sandefjord 15. septbember Nest-Sotra - Tromsdalen 22. september Nest-Sotra - Skeid 20. oktober Nest-Sotra - Sandnes Ulf 3. november Nest-Sotra - Ålesund Vi feirar NYE ØYGARDEN KOMMUNE Nye Øygarden kommune inviterer lag og organisasjonar til å delta i feiringa av at Sund, Fjell og Øygarden vert ein ny kommune frå januar I tida fram til nyttår oppmodar vi våre gode lokale kulturressursar til å gjennomføra arrangement og andre tiltak i lys av at vi byggjer ein ny kommune saman. Kontakt oss og send inn dykkar forslag til tiltak til leiar av fellesnemnda og programkomitéen, Marianne Sandahl Bjorøy: ordforar@fjell.kommune.no

12 Den 9. september er det kommune- og fylkestingsval der innbyggjarane i Sund, Fjell og Øygarden kan velja mellom 12 lister for Nye Øygarden kommune. POLITISK STYRING fram til januar 2020 Den 24. oktober skal det nyvalde kommunestyret for (Nye) Øygarden kommune konstituerast med val av ordførar, varaordførar, formannskap, komitéar og kontrollutval. Ifølgje inndelingslova skal dei eksisterande kommunestyra halda fram med funksjonstida til og med 31. desember Dei eksisterande kommunestyra er framleis ansvarlege for den daglege drifta i kommunen og for tenestetilbodet fram til 1. januar. Samstundes understrekar kommunal- og moderniseringsdepartementet at kommunane er i ein avslutningsfase og at ansvar for fullmakter er avgrensa til det som er «nødvendig for å avslutta verksemda». Dei eksisterande kommunane skal dermed unngå å fatta inngripande vedtak som bind den nye kommunen i unødvendig grad. Den viktigaste saka for det nyvalde kommunestyret er å vedtak budsjett og økonomiplan for den nye kommunen.

13 Det skal veljast 45 representantar til kommunestyret i Nye Øygarden kommune. 12 parti/ partigrupper stiller liste til kommunestyrevalet. Det skal også veljast 65 representantar til Nye Vestland fylke. Her er det 17 parti/partigrupper som stiller liste. Den ordinære førehandsrøysteperioden startar måndag 12. august på følgjande stader: Rådhusa i dei tre noverande kommunesentera, Straume, Skogsskiftet og Rong og på biblioteket på Sartor Storsenter. Det er også høve til å førehandsrøysta på helse- og omsorgsinstitusjonane og på Sotra vidaregåandre skule. Tidspunkta for dette vert annonsert seinare. På heimesida til Nye Øygarden kommune under Val 2019: finn du oppdatert og detaljert informasjon. Fakta om NYE ØYGARDEN KOMMUNE Kommunestyra i Sund, Fjell og Øygarden har vedteke at dei tre kommunane skal byggja ein ny kommune med verknad frå januar Den nye kommunen vil ha om lag 39 tusen innbyggjarar frå januar 2020 og dermed verta den nest største kommunen i Nye Vestland fylke. Den nye kommunen skal heita Øygarden kommune. Fram til den nye kommunen er ein realitet, nyttar vi namnet Nye Øygarden kommune. Overordna mål Løfta fram viktige verdiar som felles kultur, språk og identitet Byggja på nærtenesteprinsippet ved å tilby tenestene så nær brukarane som mogleg Vera eit regionalt og nasjonalt fyrtårn innan teknologi, energi og marine næringar Utfordringar Nye Øygarden kommune har mange utfordringar framover: Kva skal til for å utvikla eit levande lokalsamfunn og ta heile den nye kommunen i bruk? Kva skal til for å levera tenester av høg kvalitet til beste for innbyggjarane? Korleis skal vi vera ein attraktiv bu- og arbeidsregion i bergensområdet. Dette inviterer vi deg som innbyggjar til å vera med og utvikla.

14 Ofte stilte SPØRSMÅL Kva skjer med nivået på gebyr, avgifter og eigenbetalingar i den nye kommunen? Det er i dag ulike typar eigedomsskatt i dei tre kommunane. Kven skal betala eigedomsskatt i den nye kommunen frå 2020? I intensjonsavtalen godkjent av dei tre kommunestyra går det fram at i den nye kommunen skal det vera eigedomsskatt på verk, bruk og næring. Det vert dermed ikkje eigedomsskatt på hus og hytter. Konsekvensane av eigedomsskatt på næring skal utgreiast. Får alle tilsette i dei tre kommunane jobb i den nye kommunen? Ifølgje intensjonsavtalen skal prisnivået på kommunale tenester og gebyr harmoniserast i løpet av dei fire første åra. Kven vert ordførar i den nye kommunen? Ja. Alle dei tilsette har rett på jobb i den nye kommunen og skal ikkje få redusert løna si. Ein del medarbeidarar vil få nye oppgåver og ny arbeidsstad. Ein omstillingsavtale sikrar rettane til dei tilsette i prosessen med å byggja den nye kommunen. Det nyvalde kommunestyret for Nye Øygarden kommune skal ha konstituerande møte den 24. oktober. Då vert det mellom anna val av ordførar for den nye kommunen. Kva skal noverande kommunehus/rådhus i Skogsskiftet (Sund) og Rong (Øygarden) nyttast til frå 2020? Dei to rådhusa skal fungera som kommunedelsenter. Etter planen skal bruken av dei to kommunedelsentera vera avklart hausten Korleis skal overgangen til den nye kommunen markerast? Det vert gjennomført fleire arrangement den første veka i januar Det vert mellom anna arrangert vardebrenning, konsert og fellesgudsteneste. Den 4. januar er det offisiell opning med stor folkefest i Sotra Arena. Statsminister Erna Solberg har stadfesta at ho vert til stades på opningsfesten.

15 Lesedugnad på BIBLIOTEKA I SOMMAR Sommarles er ein lesekonkurranse for barn, og konkurransen er open i heile sommar. Sidan skulen er stengt i ferien, er det biblioteka og foreldra som følgjer opp denne lesedugnaden. Det viktigaste er deltakarane - ungane som les papirbøker, e-bøker eller høyrer lydbøker. Høgtlesing er også lov. Ungane kan les teikneseriar eller vitsebøker, krimbøker eller fotballbøker. Det viktigaste er at dei les, åleine eller saman med andre. På nettsida sommarles.no ligg ei spennande historie som også er eit spel. Her får lesaren digitale trofé etter kvart som han eller ho registrerer leste bøker. Deltakarane avanserer i nivå og etter kvart kan ein vinne premiar. Dei kan hentast på biblioteket. Då kan ein samstundes få med seg kodeord til eit nytt kapittel i den digitale forteljinga, og fylla på med nye bøker. Kodeorda er dei same på bibliotek over heile landet. Slik gjer du Barna, med hjelp frå føresette, registrerer seg digitalt på Her opprettar ein sin eigen brukar der ein registrerer alle bøker ein les i ferien. Sommarles varer frå 1. juni til 31. august. Når sommaren er over, vert alle deltakarane inviterte på sommarlesfest. I år vert festen på Hjeltefjorden Arena på Rong. Meir informasjon og opningstider finn du på heimesida til Biblioteka i Vest

16 Kontaktinformasjon NYE ØYGARDEN KOMMUNE Rune Lid, prosjektrådmann Tlf.: E-post: Marianne Sandahl Bjorøy, ordførar Fjell/leiar av fellesnemnda Tlf.: E-post: Kari-Anne Landro, ordførar Sund Tlf.: E-post: Børge Haugetun, ordførar Øygarden Tlf.: E-post: Nye Øygarden kommune Skjenet 2, 5354 Straume NYE ØYGARDEN KOMMUNE