Saman. vil vi ære den treeinige Gud, ved å forkynne Kristus, byggje kyrkjelyd og fremje rettferd

Transkript

1 Saman vil vi ære den treeinige Gud, ved å forkynne Kristus, byggje kyrkjelyd og fremje rettferd Årsmelding for Landro sokn 2018

2 2 Årsmelding for Landro sokn 2018 Saman vil vi ære den treeinige Gud, ved å forkynne Kristus, byggje kyrkjelyd og fremje rettferd Visjonen til Landro sokneråd har gitt retninga på arbeidet vårt også i 2018 og alle planane våre byggjer på denne visjonen. Planane våre er basis for arbeidet vårt, og soknerådet har gjort ulike prioriteringar i forhold til kva som skulle leggjast vekt på i året som har gått. Denne årsmeldinga er utarbeidd med utgangpunkt i følgjande planar: Plan for barn og unge Plan for kyrkjemusikk Plan for diakoni Plan for rekruttering og oppfølging av frivillige medarbeidarar I tillegg har vi teke med ein del om gudstenesteliv (med statistikk) og litt om økonomi. Delar av arbeidet vårt vert utført i samarbeid med Fjell sokn og Foldnes sokn særleg gjeld dette innanfor arbeid blant barn og unge.

3 1. Barn, unge og familiar 3 1. Barn, unge og familiar Eige arbeid med barn, unge og familiar i Landro kyrkje. Nordre Fjell er eit område med stor tilflytting av småbarnsfamiliar, men vi klarar framleis ikkje å fange dei opp i forhold til gudstenestene våre. Vi har framleis rimeleg god oppslutning om T-dagane. Søndagsskule under gudstenesta vart reetablert hausten Tilsaman vart det arrangert 6 søndagsskular i haust, og er planlagt 6 våren Oppmøtet har vore bra, og dette tiltaket er viktig for å møte barna sitt behov i tilknytning til gudstenestene. Det er tre søndagsskuleleiarar som deler på ansvaret. Søndagsskulen er meldt inn i søndagsskuleforbundet, og abonnerar på «Sprell levande». Barne- og tweenskoret Eit viktig arbeid inn mot barn og unge, er barneog tweenskoret. I haust har vi hatt ein gledeleg auke i talet på koristar. I tillegg til at koret har vore med på ulike gudstenester og arrangement, har grupper frå koret vore forsongarar på gudstenester. Dette arbeidet ønskjer soknerådet å prioritere enda høgare i tida som kjem. Ressurssituasjonen er framleis anstrengt, vi har ikkje fått ein fast medarbeidar til å støtte kantor i dette arbeidet. Barne- og tweenskoret har vore vertskap for felles barnekorsamling også denne våren. Fjell tweenskor, Foldnes barnegospel og Stjerne- og Betweenskoret frå Sund var med på korseminar og konsert med Ragnhild Hiis Aanestad (Soul Children) i april «Hallo Ven» I 2018 fortsette vi tradisjonen med «Hallo Ven». Dette er eit alternativ til den nye halloween-feiringa som har vakse fram dei seinare åra, eit alternativ der vi legg vekt på vennskap og å vere saman på ein trygg og positiv måte. Arrangementet vart halde i Ågotneshallen og det var ca 500 deltakarar. «Hallo Ven» er eit samarbeid mellom kyrkjelyden i Landro og Metodistkirken på Sotra. Barnekoret «Lyskastaren» deltok også på arrangementet. Landro sokn, Metodistkyrkja, komiteen for «Hallo Ven», dei frå staben som deltok og alle dei frivillige medarbeidarane gjorde ein utmerka innsats og var med og gjere dette til eit flott arrangement! Tacofredag Vi har også i år fortsatt med å invitere til tacofredag to til tre gonger i semesteret. Oppslutninga har variert ein del, men det har vore kjekke samankomstar.

4 4 Årsmelding for Landro sokn 2018 Kyrkjemiddag I 2018 hadde vi fire kyrkjemiddagar straks etter gudstenesta. Vi serverte middag før soknemøtet, tidleg på hausten og i samband med T3-dagen (første søndag i advent). Mellom 40 og 50 frammøtte tek vi som eit signal om at dette er eit populært tiltak (sjølv om det ikkje gir god økonomisk avkastning). Før sommarferien inviterte vi til grilling etter gudstenesta. Vêret var grått og tenleg, og det var ein fin gjeng med kyrkjefolk som var med. Vi fikk servert god grillmat, kaffi og kake. Julefest Som tradisjonen har vore, vart det arrangert julefest i kyrkja første laurdag i januar. Med rundt hundre frammøtte, vart det ei hyggeleg stund og ei flott markering på avslutninga av juletida. Dette er eit godt arrangement for å knyte kontakt med lokalmiljøet. Barne- og ungdomsarbeid som vi har felles med dei andre sokna i Fjell T-dagane Kyrkjelyden samarbeidar med Fjell og Foldnes sokn om trusopplæring. Trusopplæringa, eller T-dagane, er eit tilbod som blir gitt til barn og unge frå dei er 0 til 18 år. Gjennom breiddetiltaka og dei kontinuerlege møtepunkta i kyrkjelyden har T-dagane også i 2018 hatt mange gode samlingar med små og store menneske I planen som no gjeld ( ) er det skissert at det i T- dagen «skal jobbast for ein tydelegare heilskap med gudstenesta og det kontinuerlege arbeidet for barn og unge i kyrkjelyden. Det skal også vere eit endå tydelegare fokus på samarbeidet med heimane...» (Om mål og visjon for trusopplæringa, sjå Plan for Barn og Unge.) I 2018 arrangerte vi kyrkjemiddag etter T3-dagen, noko som førte til mange nye, glade fjes i kyrkjelydssalen.

5 1. Barn, unge og familiar 5 Vi opplever at samarbeidet med heimane har blitt ein stadig større del av fokuset hos oss som jobbar i T-dagen, og at samanhengen mellom breiddetiltaka og det kontinuerlege arbeidet er blitt tydelegare ved at vi jobbar målretta for at fleire barn, unge og familiar skal finne ein naturleg plass i eit kristent fellesskap i kyrkja. Vi ynskjer også å styrkje denne målsetninga framover. Heilskapen med gudstenesta er eit område vi ikkje har klart å prioritere så høgt som var vi skulle ønskje, og som er eit uttalt mål i Plan for barn og unge. T-dagane for babyar/1-åringar, 2-, 3-, 4-, og 6-åringar (i tillegg til T14, som er ein del av konfirmanttida) er eigne arrangement i Landro kyrkje (og tilsvarande i Fjell og Foldnes). Dei andre T- dagane er felles-samlingar med Fjell og Foldnes sokn, og blir arrangerte i ein av kyrkjelydane. Statistikken viser at oppslutninga på T-dagane dei siste åra har ein gjennomsnittleg frammøte på rundt 30% (deltakartal i prosent fordelt på medlemstal). Inn i desse tala ligg jo også T14 og T15 med prosentvis oppmøte på rundt 80% av dei døypte, så det betyr at frammøtet for dei meir «vanlege» T- dagene ligg noko lågare. Vi ønskjer å bruke statistikken aktivt i arbeidet med å utvikle trusopplæringa i Fjell sokn. Vi er glade og takksame over alle frivillige i kyrkjelyden som tar del i trusopplæringsarbeidet, både på T-dagane og i det kontinuerlege arbeidet blant barn, unge og familiar. T-dagen har òg stor glede og nytte av samarbeidet med kantor Eline OIsen og Nordre Fjell barne-og tweenskor! Konfirmasjon Talet på konfirmantar ligg ganske stabilt, og i konfirmantåret 2017/2018 var det 50 konfirmantar i Landro sokn. Vi reknar med eit konfirmanttal på +/- 50 framover. For 2018/2019 har vi 52 konfirmantar. Konfirmantarbeidet skjer i tett samarbeid med Fjell og Foldnes sokn, og mykje av arbeidet skjer på tvers av soknegrensene. Konfirmasjonsundervisninga vert gjennomført av soknepresten og ungdomsarbeidar Eivind Kausland Lie. Undervisning: Konfirmantundervisninga går føre seg klassevis i 9 samlingar fordelt utover konfirmantåret. I tillegg kjem dei såkalla interessegruppene som konfirmantane skal delta på. Interessegruppene gjer konfirmanten høve til å velje profil på året sitt. Typiske grupper er: Ten Sing Lukas, Landroklubben, lysmessegruppe, konfirmantleir, hobbygruppe, golfgruppe m.m. I tillegg til dette kjem arrangement som T14 og T15. I forlenginga av T15 kjem Fasteaksjonen, som er kyrkjelyden si årlege innsamling til Kirkens nødhjelp.

6 6 Årsmelding for Landro sokn 2018 Arrangement: T14 er ei felles oppstartssamling for konfirmantar og foreldre/føresette. Der får dei møte konfirmantlærarane, og dei får nødvendig informasjon om konfirmantåret. T15 er ei felles samling i fastetida. Alle konfirmantane blir samla i Foldnes kyrkje. Her får dei blant anna informasjon om fasteaksjonen, som kjem i forlenginga av T15. Wrap Up er siste samling med konfirmantane før konfirmasjon. Her ser ein tilbake på konfirmantåret og gjer informasjon om vidare tilbod. Det skal skje i ei triveleg ramme med god servering m.m. Skule kyrkje og barnehage kyrkje: Dette er eit samarbeid vi har på tvers av alle tre sokn, og er eit arbeid vi kan vere stolte av og takknemlege for! Det er i dag ikkje sjølvsagt at ein har eit så godt samarbeid med skulane og barnehagane som ein har her i Fjell. Evalueringar frå skulane og barnehagane viser at dei er svært nøgde med desse møtepunkta. Dette samarbeidet er noko staben arbeidar tverrfagleg med, svært mange er involverte og engasjerte i desse verdifulle møtepunkta. Til Landro kyrkje kom det i 2018 heile 1300 barnehage- og skulebarn på adventsgudstenester i desember. Dei siste to åra har også Tranevågen ungdomsskule kome til kyrkja for å delta på adventsgudsteneste. Tidlegare var desse samlingane lagt til Tranevågen, og soknepresten hadde gudsteneste der. Alle 3.klassane i soknet var ein skuledag i kyrkja på «kyrkjevandring» i januar/februar (3 timar). Dei fleste barnehagane kom til påskevandring i kyrkja før påske, alle førsteklassane kom på «Zippy»-vandring på kyrkjegarden i mai/juni. Alle femteklassane får bibelboka «Bibelen den store forteljinga» i gåve frå kyrkjelyden i løpet av skuleåret. Denne blir utdelt til elevane i ein tematime om Bibelen vi har i alle 5.-klassane i kommunen. Nesten alle femteklassane har hatt kurset «Vandring gjennom Bibelen», som er eit «Bli-kjent-med-Bibelen-opplegg» tilpassa målgruppa og boka dei får frå kyrkjelyden. Kurset er på fire skuletimar, og det er prestar og pedagogar ved kyrkjekontoret som er kurshaldarar. I 2018 har vi hatt samarbeid med skulane om desse tiltaka: Zippy-vandring ( Frå og med i år blir dette lagt til 2. klasse. Tidlegare har dette vore gjennomført i 1. klasse) 3.-klasse besøk i kyrkjene Utdeling av Bibel til 5.-klasse med timeopplegg på skulane Vandring gjennom Bibelen (for dei 5.klassene som ynskjer det) Adventsgudstenester for alle barneskulane i tillegg til Tranevågen ungdomsskule Adventsgudsteneste for spesialklassen frå Tranevågen ungdomsskule

7 1. Barn, unge og familiar 7 Felles tilbod til FjellUngdomen i Kyrkja (FUNK) FUNK er namnet på alt tweens-og ungdomsarbeidet vi har i Fjell, Foldnes og Landro sokn. Deira visjon er «Vi vil at unge i Fjell skal få bli kjent med Jesus og vokse i troen på ham». Anna arbeid som også mange unge i Fjell sokn tek del i er: TenSing Lukas (mandagar i Foldnes kyrkje) Ungdomslørdag (annankvar laurdag i Foldnes kyrkje) Landroklubben (annankvar fredag i Landro kyrkje) bibelgrupper middagssamlingar kvar torsdag på kyrkjekontoret med bibel, song og bøn Ung Messe Viktige samarbeidspartnarar for FUNK er Fjell KFUK/M, KRIK og dei lokale forsamlingane som også har tilbod til ungdom i kommunen; Imf-Ung med Straume Forum og Fjell-ly/Basement, samt NLM med Tremorkirken. Adventsfest og sommarfest: Det har blitt ein tradisjon å arrangere sommarfest og adventsfest for ungdommane i sokna. Begge festane var svært godt besøkte. Det er tydeleg at desse markeringane er noko ungdomane ser fram til. Ungdomslaurdag: Ungdomslaurdag er ein samlingsstad for ungdom i Foldnes kyrkje, der alle frå 9. klasse og oppover er inviterte. Gjennom kvelden har vi eit måltid, nokre leikar eller konkurransar og ei andakt. Etter andakta sit vi i Vestfløyen, der vi pratar og har det kjekt. Konseptet skal vere lavterskel og gøy for dei som deltek. Ungdomslaurdag blir arrangert annakvar helg. Ungdomslaurdag har hatt varierande oppslutning i Det er Ungdomsteamet saman med MILK arar som i praksis har ansvar for dei ulike samlingane. Landroklubben: I Landroklubben har vi det siste året hatt ein konfirmantklubb ungdommar har vore med på ein typisk klubbkveld. Det er god atmosfære og eit trygt miljø. MILK (MiniLeiarKurs) og LED (leiarkurs): Det har vore arrangert MILKkurs (leiarkurs for fjorårskonfirmantar) og LEDkurs (eit leiarkurs for vidarekomne leiarar). Kursa er ikkje lagt til Landro kyrkje, men ungdom frå Landro får tilbod om å vere med. MILK og LED startar med ein leiarweekend på Wallemtunet i aug/sept kvart år, dei har månadlege kurssamlingar, praksis i T-dagen, tweensklubben, eller på Ungdomslørdag i Foldnes kyrkje, og avslutning med utdeling av kursbevis i ei av kyrkjene. Ungdomsrådet: Ungdomsrådet består av engasjerte ungdommar frå kyrkjene våre. Dei er med i planlegginga av Ung Messe og andre arrangement, dei er med på å drøfte retninga på arbeidet og setje tema for semesteret.

8 8 Årsmelding for Landro sokn 2018 Ung Messe: Om lag ein søndag i månaden har det vore Ung Messe i kommunen. No er Ung Messe lagt fast til Fjell kyrkje. Her deltek ungdommar frå heile kommunen. Tidlegare vart det arrangert ung messe i alle kyrkjene. Men for å bygge miljøet har ein no lagt dette til ei kyrkje. Ung Messe er ei gudsteneste med ungdommane sitt uttrykk, deltaking og planlegging. Ung Messe har blitt ein møtestad mellom ungdommane som går fast i kyrkjelyden og konfirmantane som høyrer til i kyrkjene våre. Ung Messe er ei gudsteneste for alle, ikkje berre for ungdom. Derfor vil vi understreke at det er ønskjeleg om kyrkjegjengarar i alle aldrar finn vegen til Ung Messe. Det betyr mykje for ungdommane å kunne sjå at vaksne støttar opp om det dei er med på, og det kan vere positivt for vaksne å få oppleve ei gudsteneste med ein ungdommeleg «vri». Punktvise arrangement i ungdomsarbeidet: IMPULS: I januar reiste ca 45 ungdommar frå Askøy, Sund og heile Fjell for å delta på IMPULS i IMI-kirken i Stavanger. Dette blei ei flott helg der ungdommane fekk god undervisning og blei kjent med ungdommar frå dei nærliggande kyrkjelydane. 2. Kyrkjemusikk I gudstenester vart det i 2018 nytta forsongarar, kor, band, einskilde blåsarar/blåsegrupper og songsolistar. Barne- og tweenskoret var i 2018 gode aktørar og medspelarar i samband med familie- og T-dagsgudstenester. Dei deltok også på Halloven. Det har vore fleire konsertar i kyrkja i løpet av året. Kulturskulen har brukt kyrkja til konsert. Vidare har vi hatt fleire jazzkonsertar i kyrkja i Gospelkvelden (onsdagssamling) den 17. oktober med Askøy Gospelkor var vellukka, og mange sit att med gode minne etter barnekorseminar og konsert der Ragnhild Hiis Aanestad/Soul Children òg var med. Ved arrangementet «Vi syng jula inn» deltok eit vaksen-prosjektkor og barne-og tweenskoret. Barne- og tweenskoret har hatt eit godt år i Omlag 30 barn har vore med. Vi er velsigna med ein kantor som både er dyktig i sitt fag, og god på å inkludere andre i arbeidet sitt.

9 3. Diakoni 9 3. Diakoni Føremiddagstreff: Det vert arrangert føremiddagstreff i Landro kyrkje, ein gong i månaden. På kvart arrangement kjem det ca. 20 menneske. Dette er viktige tiltak som fungerer som både ein sosial treffstad og ein stad der ein får høyra Guds ord forkynt. Ellen Ebbesvik er leiar for dette, og ho har med seg ein del frivillige som hjelper til med det praktiske. Fellesskapsgruppe: Ein gong i månaden er det fellesskapsgruppe i kyrkjekjellaren. Det har vore frå 2 til 8 deltakarar som samlast til samtale, bibellesing og bønn. Gruppa er open for alle, uansett om du kan være med kvar gong eller berre ein gong iblant. Onsdagsmøte: Annakvar onsdag er det onsdagsmøte i Landro kyrkje. Det er ei samling med tale, lovsong og sosialt samvere. Møta er opne for alle som vil vere med i eit godt fellesskap. Torbjørn Fjøren, som har leia desse samlingane i rundt 20 år, avslutta dette engasjementet før nyttår. Vi takkar Torbjørn for det store og viktige arbeidet han har utført i alle desse åra. Onsdagsmøta skal halde fram, om enn med færre møte kvart semester. Soknemøtet våren 2018 peika på at det var ønskjeleg at nokre av onsdagssamlingane skulle vere temakveldar. Ein onsdagskveld i haust sette vi av til song- og musikkmøte og da hadde vi besøk av Askøy Gospelkor. Det vart ein minnerik kveld! Fasteaksjonen: Ein innsamlingsaksjon til inntekt for Kirkens Nødhjelp. Konfirmantane har dette som ein del av sin konfirmantundervisning, men vi ønskjer at heile kyrkjelyden skal få eigarskap til dette. Ein søndagsettermiddag i fastetida samlast konfirmantar og andre frivillige i kyrkja. Vi har eit godt organisert sekretariat som tek imot og registrerer bøsseberarane, og som tel opp bøssene i etterkant. Det er kakao og bollar/kake etter endt innsats, og ein kjekk og samlande ettermiddag.

10 10 Årsmelding for Landro sokn 2018 Misjonsprosjektet: Landro sokn har fornya misjonsavtalen med NMS, der vi har forplikta oss til blant anna å samle inn kr i året til arbeidet i Thailand. Resultatet for 2018 viser at vi har samla inn over kr, så stor takk til alle som støtter misjonsprosjektet vårt. Besøksteneste/sjelesorg/samtalar: Både soknediakonen og diakoniarbeidaren og soknepresten driv med besøksteneste og samtalar. Dette dreier seg om samtale med eldre einsame, sørgjande, sjuke, sjelesorg og samtale med menneske i ulike krisar. Desse samtalane har funne stad både på kontoret, heimebesøk og på institusjonane. Det er ein aukande etterspurnad etter samtalar, noko som kan ha samanheng med soknediakonen sitt engasjement i palliativt team. Arbeid retta mot utviklingshemma: I dette arbeidet har vi samlingar i Foldnes kyrkje 3 gonger i semesteret. Soknediakonen er leiar av dette i samarbeid med eit styre på 3 frivillige. Sokneprest Terje Aannerød deltok også i dette arbeidet i mange år. Basecamp: Saman med Fjell og Foldnes er Landro sokn med å drive ungdomsdiakonitiltaket Basecamp på Sartor Storsenter. Godhet 2018: Landro sokn var med på aksjonen Godhet 2018 saman med Fjell sokn og metodistkyrkja. Dette er ein aksjon der folk kan melde inn behov for større eller mindre jobbar dei ønskjer hjelp til. Ei arbeidsgruppe vurderer jobbane og fordeler til dei frivillige som har meldt seg. Vi deltok i oppgåver saman med dei andre under felles leiing. Medarbeidarsamlingar: Dei frivillige medarbeidarane våre er blant dei aller viktigaste ressursane vi har. I byrjinga av kvart semester har vi difor ei samling der medarbeidarane kan få litt påfyll til inspirasjon og glede. Samtidig er dette eit flott høve til å fordele semesterprogramma for utdeling i postkassane i soknet. Legg vi til at det er anledning til å ta på seg oppgåver ved gudstenester og andre arrangement (samt å få kaffi/te og kake), skulle vi ha nemnt det meste.

11 4. Gudstenesta Gudstenesta Målsetjing for gudstenesteliv: Eit rikt og variert gudstenesteliv der Gud og menneske møtest 1. Generelle trekk Gudstenesta er kyrkjelyden si hovudsamling. Her skjer eit møte mellom Gud og menneske, og menneske i mellom. Det er ei veksling mellom høgmesser, Ung messe og familiegudstenester. Tema for gudstenestene vert styrt av kyrkjeåret. Nokre gonger i året vert det feira gudsteneste utanfor kyrkjene våre. I 2018 gjeld dette friluftsgudstenester på Fjell festning og Langøy. Desse er felles gudstenester for heile Fjell. I tillegg til dei ordinære søndagsgudstenestene, er det skule- og barnehagegudstenester i samband med jul, og konfirmasjonsgudstenester i mai. Jamleg er det også institusjonsgudstenester (dvs. andaktar med nattverd) på Kvednatunet. Her er det i tillegg andaktar annankvar veke. Ved særskilde høve har vi også andre samlingar med gudstenesteleg karakter i kyrkjene (nokre T-dagar o.l) 2. Statistikk Totalt vart det feira 65 gudstenester i 2018 med eit totalt frammøte på 6324 (63 gudstenester i soknet i 2017 frammøte: 5875). Dette inkluderar skule og barnehagegudstenester m.m. Tala for søndags- og helgedagsgudstenester i Landro fordeler seg slik for 2018: Gudstenester antal nattverd dåp Totalt søn/helg 46 (2017: 45) 4316 (2017:3935) 1468 (2017:1468) 41 (2017: 41) Totalt søn/helg - utan konf.gudst. 45 (2017: 44) 3968( 2017:3621) (NB: skule/barnehagegudstenester er ikkje med. Heller ikkje gudstenester på Kvednatunet) Konfirmanttalet er stabilt. Likeeins er dåpstalet stabilt frå Likevel er det ein svak stigning i dåpstalet for Landro sokn over tid. Framleis blir ein del av dei som høyrer til i Landro sokn døypt i Fjell kyrkje. Frammøte på konfirmasjonsgudstenestene gjekk noko fram frå 877 i 2017 til 963 i Frammøtetala for gudsteneste viser ein auke. Dette kan ikkje tilskrivast fleire dåp eller konfirmantar, ettersom desse tala er jamne. Auken har vore på dei ordinære nattverdsgudstenestene og familiegudstenestene. Oppmøtet i snitt pr. gudsteneste (utanom konf. gudst) gjekk fram frå 78 i 2016 til 82 i 2017 og til 88 i Det er viktig å fortsette arbeidet med å inkludere barn i gudstenesta, og å rekruttere nye som kan komme til kyrkje.

12 12 Årsmelding for Landro sokn Økonomi Soknerådet sine inntekter Inntektene våre er det vi klarar å samle inn gjennom offer ved gudsteneste, kollekt ved ulike arrangement og deltakarbetaling. I år har vi teke med inntekter/utgifter for Landroklubben og HalloVen. Totale inntekter i 2018 var på kroner, dette inkluderer òg gåver til lydanlegg, kollekt på onsdagssamlingane, billettinntekter og gjevarteneste. Soknerådet har vedteke at 1/3 av innsamla offer skal gå til eige arbeid. Totale offerinntekter var på , av dette er gått til eksterne og til soknerådet sitt arbeid. I løpet av 2018 vart det arbeidd noko med å rekruttere gjevarar, men dette arbeidet må intensiverast framover. Inntektene frå gjevartenesta i 2018 var litt over kroner. Soknerådet sine utgifter Totale utgifter i 2017 var på I tillegg har vi sett av gåvene til lydanlegg (19.200) på øyremerka fond. Landroklubben gjekk med underskòt på som dei har dekka frå sitt fond. Eigne kostnader (i tusen kroner) er om lag: Undervisningsmateriell (andel av felles): 27 Biblar til 5. klassingane «Bli kjent i kyrkja»-bok 3. kl Øvrige materiell skule/barnehage Ungdomsarbeid år (andel av felles) 5 Diakonalt arbeid (andel av felles) 5 Kyrkjemusikalt arbeid (andel av felles) 11 Innsamla til misjonsprosjekt utanom kyrkjeoffer 17 Andre kostnader (kyrkjemiddag, kor etc) 19 Ein del av dei faste arrangementa vi har, går i hovudsak i balanse økonomisk (tacofredag, HalloVenn, ungdomsklubben). På onsdagssamlingane har vi kollekt til misjonsprosjektet. Korrigert for bruk og avsetning til fond, hadde soknerådet i 2018 eit underskòt på 49 kroner. Fond 2018 mot Landroklubben 8 934, ,85 Hallo Venn , ,12 Lydanlegg Landro ,00 Soknerådet sitt disposisjonsfond , ,74 TOTAL , ,71