Konf irmant Informasjonshefte om konf irmasjon i Foldnes, Landro og Fjell kyrkjer.

Transkript

1 Konf irmant 2018 Informasjonshefte om konf irmasjon i Foldnes, Landro og Fjell kyrkjer.

2 Velkommen til konfirmasjonstida i Fjell ! Det nærmar seg konfirmasjonstid for dykk som er fødde i Vi i kyrkja held på å planlegge konfirmantåret, og er glad for at du vil vere med! Kva er konfirmasjon eigentleg? Konfirmasjonstida heng saman med dåpen. I dåpen fekk du trua som gåve, og i konfirmasjonen får du moglegheit til å stadfeste at du vil leve i denne trua. Gud ønskjer også å stadfesta at han har omsorg for deg og elskar deg. Det vil vi snakke mykje om i konfirmasjonstida. Konfirmanttida er ei spennande tid der du får vere med på mykje gøy, får anledning til å samtale og grunne på dei store spørsmåla i livet, og moglegheit til å bli kjend med mange nye ungdommar og vaksne. Konfirmantåret er eit år du seint vil gløyma! Individuell tilrettelegging Vi vil gjere det mogleg for alle som ønskjer det, å vere konfirmant. Det kan vere mange årsaker til at det kan vere vanskeleg å følgje det ordinære opplegget som er sett opp. Om det er funksjonshemmingar, sosiale vanskar, sjukdom, eller anna som gjer det utfordrande for konfirmanten å følgje opplegget, ønskjer vi svært gjerne å kome i kontakt med foreldre/føresette og konfirmanten slik at vi saman finn ei god løysing for di konfirmasjonstid.

3 Undervisningssamlingar Alle konfirmantane får undervisning i den kyrkja dei tilhøyrer, og blir fordelte etter skule og barneskulekrins. Undervisninga er som regel rett etter skuletid. Har de spesifikke ønskje om kva gruppe konfirmanten skal gå i, eller kven han/ho skal gå saman med, kan ein sende dette på e-post til Beate Sørhus (beate.sorhus@fjell.kommune.no). Etter fristen 20. juni er det ikkje sikkert at vi kan innfri desse ønskja. Undervisninga tek til i september. Interessegrupper Alle konfirmantane er med i ei interessegruppe i tillegg til undervisningssamlingane. I desse gruppene får konfirmantane vere ein del av ungdomsarbeidet og andre aktivitetar i kyrkja. Etter T14-dagen vil konfirmantane kunne registrere kva interessegrupper dei helst vil vere med i. I tillegg til nye interessegrupper vil desse gruppene vere Leir, TenSing Lukas, KRIK, Basement, Landroklubben, Lysmesse, Bibelgruppe m.m. Det kjem meir informasjon om desse gruppene på T14-dagen.

4 Gudstenester Gudstenesta er kyrkjelyden si storsamling. Gud møter oss, vi møter Gud og vi møter kvarandre. Konfirmantane skal delta på minimum åtte gudstenester i tillegg til konfirmasjonsgudstenesta i mai. På kvar gudsteneste skal konfirmantane fylle ut eit gudstenesteark for å registrere frammøte. Dette arket skal leverast til presten eller kyrkjevertane når gudstenesta er slutt. Vi oppfordrar foreldre/føresette til å slå følgje med konfirmanten til gudstenestene. Ung messe I løpet av året vil det bli arrangert fleire Ung Messe i alle tre kyrkjene. Dette er gudstenester spesielt tilpassa ungdom, og vi vil anbefale desse for konfirmantane. Ungdom er med i planlegging og gjennomføring av gudstenesta, noko som gjer at all musikk, forkynning og liturgi er meir ungdommeleg enn det vil vere på ei alminneleg gudsteneste. Lysmesse Søndag 10. desember skal nokre av konfirmantane vere med på å lage lysmesser i alle tre kyrkjene. Dette er stemningsfulle gudstenester der alle konfirmantar og foreldre er særskild velkomne. Vi tenner lys i mørkret og les tekstar som fortel om frelsaren som kjem. Ei flott adventsgudsteneste for heile familien.

5 Presentasjonsgudsteneste I september skal alle konfirmantane presenterast for kyrkjelyden i den kyrkja dei høyrer til. Alle konfirmantar må møte på si presentasjonsgudsteneste. Dette er ei heilt vanleg gudsteneste, men som ein del av forbøna blir alle konfirmantane lest opp og bedt for. På presentasjonsgudstenesta vil alle konfirmantane òg få utdelt sin konfirmantbibel. Fjell kyrkje: Søndag 3. september kl : Ekerhovd, Tellnes og Kolltveit. Søndag 17. september kl : Skålevik (Algrøy/Syltøy), Knappskog og Ulveset. Foldnes kyrkje: Søndag 10. september kl : Brattholmen og Hjelteryggen. Søndag 17. september kl : Foldnes, Bjorøy og Liljevatnet. Landro kyrkje: Søndag 10. september kl : Spjeld, Landro, Misje og Ågotnes. Konfirmasjonsgudsteneste Det vil bli to konfirmasjonsgudstenester på kvar av datoane (kl og kl.12.30). Kva krins som kjem tidleg og seint på dagen, vil bli bestemt etter at konfirmantane er påmeldt og vi kan sjå kor stort konfirmantkullet er. Dette gjer det lettare for oss å fordele gruppene likt, slik at det blir best mogleg plass til familie og gjester i kyrkja på konfirmasjonsdagen. Fjell kyrkje: Laurdag 5. mai Søndag 6. mai Foldnes kyrkje: Torsdag 10. mai Laurdag 12. mai Søndag 13. mai Landro kyrkje: Laurdag 12. mai Søndag 13. mai Knappskog Tellnes Skålevik (Algrøy/Syltøy) Ulveset Kolltveit Ekerhovd Foldnes (Kr.himmelfartsdag) Hjelteryggen Liljevatnet Brattholmen Bjorøy Landro Misje Spjeld Ågotnes

6 Fasteaksjonshelga: mars T15 Storsamling Laurdag 17. mars blir det ei storsamling i Foldnes kyrkje for alle konfirmantane i Fjell! Denne kvelden er det kick-off til Kirkens Nødhjelp sin fasteaksjon som skal vera dagen etter. Kvelden blir fylt med underhaldning, viktig info om Fasteaksjonen, konsert, kiosk og god stemning! Arrangement T14 Kick-off! Onsdag 30. august kl i alle tre kyrkjene Konfirmantåret startar med ei høgtideleg og festleg samling i kyrkja di. Denne dagen er for både konfirmantane og foreldre. På T14 vil du få info om konfirmantåret og om alle dei ulike interessegruppene. Fasteaksjonen Fasteaksjonen er Kirkens Nødhjelp sin årlege innsamlingsaksjon. Alle konfirmantane er med på å gå med bøsse i sitt nærområde søndag 18. mars. Til Fasteaksjonshelga treng vi hjelp frå foreldre både på laurdag og søndag til mellom anna baking, praktisk hjelp og vakthald. Meir info om dette kjem på foreldresamlinga i januar. T15 Wrap-up! Omlag ei veke før konfirmasjonen er det Wrap-up for alle konfirmantar og konfirmantlærarar i kyrkjene. Det blir underhaldning, kake og brus, og ein sjanse til å sjå tilbake på konfirmantåret. På slutten av kvelden inviterer vi alle foreldre/føresette til ei kort infosamling om konfirmasjonsdagen. Under denne infosamlinga vil konfirmantane få utdelt kappane dei skal bruke under konfirmasjonen.

7 Kontakt med heimen Foreldresamlingar Det blir nokre samlingar med foreldre/føresette i konfirmasjonstida: T14 Kick-off 30. august. Fokus på interessegruppene. Tema- og informasjonssamling i januar. Fokus på T15-Fasteaksjonen T15 Wrap-up i april. Kappeutdeling og info om konfirmasjonsdagen. Informasjon De vil få tilsendt viktig informasjon i Konfirmantposten som Kyrkjekontoret sender ut 2 til 4 gonger. På nettsida vår ( skal det alltid ligge oppdatert informasjon. Semesterplan for undervisingsgruppene blir sendt ut til konfirmantar og foreldre/ føresette i august og desember. Informasjonen vil hovudsakleg bli sendt ut via e-post, men påminning om viktige samlingar kan òg kome på sms direkte til konfirmanten og foreldre/føresette. Praktisk informasjon Økonomi Alle konfirmantane betalar ein kontingent på kr. 750,- Dette dekkjer utgifter i samband med undervisning og arrangement, og reingjering av konfirmantkappene. I tillegg til kontingenten kjem utgifter til interessegruppene. Prisen på desse vil variere. Dei som ikkje betalte ved påmelding vil få faktura i starten av konfirmantåret. Dåpsattest Er konfirmanten døypt andre stader enn i Fjell (Fjell, Foldnes eller Landro kyrkje), må de sende kopi av dåpsattest til oss, slik at det formelle er i orden. Dersom du ikkje har dåpsattesten tilgjengeleg, kan du bestille ein kopi frå kyrkja der konfirmanten er døypt. Dåpsattesten kan sendast som brev eller e-post, eller leverast til konfirmantlærar.

8 Ansvarlege for konfirmasjonstida Sokneråda er ansvarleg for konfirmantopplegget, og har vedteke konfirmantplanen for Fjell, Foldnes og Landro. Kateketen, kyrkjelydspedagogen, prestane og andre tilsette har saman ansvar for konfirmantundervisninga. Har de noko å utsetje på opplegget, så ta gjerne kontakt med ansvarleg konfirmantlærar eller Kyrkjekontoret så vi kan ta ein prat om det du tenkjer på. Vi håpar dette informasjonsheftet gir svar på det meste omkring konfirmasjonstida som kjem, og inviterer til eit godt samarbeid mellom heim og kyrkje. Har de spørsmål: ver frimodige og ta kontakt! Venleg helsing konfirmantteamet i Fjell Rannveig Vestbøstad Vik, Terje Aannerød, Bjarte Nese, Vetle Karlsen Eide, Jon Andreas Tjentland, Håkon Syrstadeng og Beate Sørhus Ta kontakt dersom det er noko du lurar på! Kyrkjelydspedagog Beate Sørhus Tlf: / E-post beate.sorhus@fjell.kommune.no Besøksadresse: Temahuset, Tytebærbrekko 2, Straume. (2.etg., over Jysk) Opningstider: Måndag-fredag, kl