Sogn og Fjordane Sau og Geit

Transkript

1 Medlemsinfo juli 2018 STYRET I SOGN OG FJORDANE SAU OG GEIT 2018: Leiar: Ragnhild Sæle, Stranda 57, 6847 Vassenden Tlf e-post: ragnhild.saele@enivest.net Nestleiar: Odd-Jarle Øvreås, Dalsfjordvegen 2505, 6982 Holmedal Tlf e-post: odd-jar@online.no Sekretær: Solgun Haugen, Lærdalsvegen 3460, 6888 Borgund Tlf e-post: solgunh@hotmail.com Kasserar: Jo Risløv, Rislågvegen 95, 6893 Vik i Sogn Tlf e-post: jo.rislov@gmail.com Styremedlem: Thomas Manseth Bjørhovde, Bjørhovde, 6770 Nordfjordeid Tlf e-post: thomasbjorhovde@hotmail.com Vara: 1. Jostein Flatland, Sogndal 2. Margrethe Garlid, Stryn 3. Vidar Sandal, Breim Valde utsendingar til årsmøtet i NSG 2018: Vara: 1. Jo Risløv, Vik i Sogn 1. Jostein Flatland, Sogndal 2. Odd-Jarle Øvreås, Holmedal 2. Margrethe Garlid, Stryn 3. Thomas Manseth Bjørhovde, Nordfjordeid 3. Vidar Sandal, Breim 4. Solgun Haugen, Lærdal 4. Tom Idar Kvam, Hafslo Ragnhild Sæle møtte som ordførar i representantskapet. Styret har fordelt representasjon i grupper og utval slik: Geitegruppa: Jo Risløv, leiar Gjetarhundnemnda: Odd-Jarle Øvreås, leiar Avlsutvalet: Thomas Manseth Bjørhovde, nestleiar Solgun Haugen og Ragnhild Sæle skal ha ekstra fokus på rovdyr. ÅRSMØTE I NSG MARS 2018 Jo Risløv, vart etter benkeframlegg vald som direkte vald geiterepresentant, i staden for Atle Aronsen. Ragnhild Sæle, Jølster, vart vald som ordførar i Representantskapet. Som ordførar vert ein innkalla til alle styremøte i NSG, der ein har uttalerett, men ikkje stemmerett.

2 Som følgje av at leiar i SFSG, er ordførar i Representantskapet, vil nestleiar representere SFSG på Representantskapsmøte. Sigurd Vikesland er styremedlem, og stod ikkje på val. Etter årsmøtet har der vore litt «støy», som i alle fall dei som les Nationen har fått med seg. Årsaka til «støyen» er eit benkeframlegg under valet, som resulterte i at ein av styremedlemane rauk ut av styret. Som følgje av dei påstandane som har komme fram i Nationen m.m., vart det kalla inn til ekstraordinært representantskapsmøte 3. juli. Der møtte alle fylkeslaga med unntak av eitt, som måtte melde forfall. Representantskapsmøtet var lukka, då det omhandla personalsaker. Agendaen for møtet var å gå gjennom og drøfte skuldingar retta mot årsmøtet 2018 og tillitsvalde i leiinga i NSG. Eit samrøystes representantskapsmøte vedtok ein uttale frå møtet. Uttalen finn de mellom anna på heimesida til NSG. Her er nok dei som ikkje nøgde med uttalen. Dei vil ha meir opplysningar om kva som kom fram på representantskapsmøtet, men representantskapsmøtet har gjort eit vedtak og det må følgjast. GEITEGRUPPA I følgje vedtektene for «Geitegruppa», skal gruppa utnemnast etter kvart årsmøte. Leiaren av gruppa skal komme frå styret i SFSG, og er for 2018 Jo Risløv frå Vik. Dei andre i Geitegruppa er: Ragnvald Søgnesand, Sigurd Vikesland og Rune Myklebust. Har ein saker ein vil ta opp i høve geita, så ta kontakt med medlemane i Geitegruppa. I 2018 vert det ikkje arrangert «Geitedagar». I staden vert det «Geitehelg» på Thon Hotel Skei 24. og 25. november. Set av helga! BESTE GEIT I SOGN OG FJORDANE Sogn og Fjordane Sau og Geit har sett opp vandrepokal for beste geit. For 2016 var det Sigurd Vikesland som fekk fyrste napp i pokalen, og for 2017 fekk Rune Myklebust eit napp. Deltakinga har vore låg, men ser ut til å bli litt betre i Me vil difor oppfordra dei som framleis ikkje har kåra bukkekjea sine i år, om å delta med ei geit med fint jur, god kropp og indeks på 110 eller betre. Ho må i tillegg ha kjea minst 2 gonger. Statuttar og deltakarskjema ligg på heimesida til Sogn og Fjordane Sau og Geit under emnet Geit i venstre meny.

3 AVLSUTVALET FOR SAU Styret i SFSG har på styremøte valt avlsutval for 2017 og Leiar : Tom Idar Kvam, Hafslo Nestleiar: Thomas Manseth Bjørhovde, (Representant frå styret i SFSG) Kåringsansvarleg: Einar Helge Haugstad Bruksbesetning: Kjell Olav Kusslid Nortura: Johannes Nedrebø (eller den som Nortura vel) Vara: 1. Leif Tore Kårstad 2. Egil Ove Helleland GJETARHUNDNEMNDA Gjetarhundnemnda er samansett av leiarane i dei 3 ulike gjetarhundlaga i fylket. I tillegg skal ein frå styret i SFSG vere med og den som er frå styret i SFSG skal leie nemnda. Medlemane i Gjetarhundnemnda for 2018 er: Jan Kåre Ravnøy - Sunnfjord og Ytre Sogn Gjetarhundlag Kurt Magne Fardal Indre Sogn Gjetarhundlag Knut Alsaker Nordfjord Gjetarhundlag Odd-Jarle Øvreås SFSG. Han er og leiar. Det er dei ulike gjetarhundlaga som organiserer treningar, kurs, prøver osv. Gjetarhundnemnda har overordna ansvar og svarer på uttalar, høyringar, sender inn søknader osv. til NSG. Ansvaret for å arrangere fylkesmeisterskapen går på rundgang mellom laga og i år er det Sunnfjord og Ytre Sogn som er arrangør. Fylkesmeisterskapen vert i år på Lunde i Gaular 6. og 7. oktober. Velkomen både som deltakar og tilskodar. Dette ein flott stad å få sjå flinke hundar og førarar i fylket i aksjon. Nordfjord Gjetarhundlag vil arrangere landsprøve (Norgesserien) i Stryn 20. og 21. oktober. Her vert det også masse flott gjetarhundarbeid å sjå. Ta kontakt med oss i nemnda om det er saker du vil ta opp. AMMEGEITGRUPPE Styret har vedteke å oppretta ei eiga gruppe for ammegeit for å få auka fokus på denne produksjonen. Thomas Manseth Bjørhovde har fått ansvaret for gruppa og jobbar med å rekruttera medlemmer.

4 APOTEKAVTALE Omsider klarte vi å få til ei apotekavtale med Vitus Apotek og Apotek 1, slik som dei mellom anna har hatt i Rogaland og Hordaland i fleire år. Vi har fått tilbakemelding på at vi òg burde ha fått avtale med Sunnfjord Apotek. Dei ligg etter det vi får opplyst, lågare i pris på einskilde produkt enn det vi har klart å få i apotekavtalane. Vi prøver å få avtale med dei òg i Dei har utsal i Florø og Førde. KRAV TIL ORGANISASJONSNUMMER M.M. Me viser til tidlegare utsendt informasjon om dette. Alle lokallag av Sau og Geit pliktar å registrere seg i Brønnøysundregisteret som foreining. I tillegg må dei som har «Sau- og Geitalslag» i namnet endre det til «Sau og Geit». Av 39 lokallag er det 26 lag som no har fått på plass organisasjonsnummer. Av desse er det endå 5 som har namnet «Sau- og Geitalslag». No må dei laga som ikkje har fått på plass organisasjonsnummer og rett namn, få dette på plass. INNSPEL TIL JORBRUKSTINGINGANE Me har fått tilbakemelding frå NSG sentralt, om at det som kjem frå SFSG, som innspel til jordbrukstingingane er det som er best gjennomarbeida, av det dei får inn. Styreleiar seier han brukar SFSG som døme, når han er på besøk hjå andre fylkeslag. Stor takk til alle lokallaga som legg ned arbeid, når det gjeld «Innspel til jordbrukstingingane». NY DYREHELSE FORSKRIFT Frå 1. juli 2018 trer ei ny dyrehelseforskrift i kraft. I følgje Mattilsynet inneber den nye forskrifta at husdyreigar får auka ansvar for å ivareta dyrehelsa. Frå 1. januar 2020 vert det og krav om at dyreeigar skal ha gjennomført eit kurs i dyrehelse (kravet gjeld ikkje dersom dyreeigar kan dokumentere kompetanse på agronomnivå eller høgare). Det vert jobba med å utvikle eit e-læringsbasert tilbod, i regi av mellom anna Animalia. Ein oppmodar alle medlemane, til å gjere seg kjend med den nye forskrifta. BEITE/BEREDSKAP Ingen år er like med tanke på vêrmessige utfordringar. I fjor var det mykje regn som var utfordringa. I år er det tørken. Mange er uroa for om dei får nok fôr til dyra sine, eller om dei må redusere dyretalet. Tørken verkar òg inn på beite og beitekvaliteten, så det vert spennande å sjå korleis vektene er på lamma når dei vert sanka.

5 Ei anna stor utfordring er rovdyr. Vi har nok ein gong fått ulv inn i Sogn og Fjordane, som skal vere rovdyrfritt. Som i 2014 er det i Naustdal ein har fått «besøk». Fylkesmannen v/hermund Mjelstad har gitt tidsavgrensa skadefellingsløyve. Dette løyve vil verte utvida både i tid og areal, dersom det vert dokumentert nye skadar av ulv. Ein oppmodar alle dyreeigarar til å ha auka tilsyn med beitedyra sine, og om å melde frå til SNO dersom ein finn kadaver/skada dyr som ein trur skuldast freda rovdyr. Rovviltnemnda har vedteke kvote på skadefellingsløyve på jerv, bjørn, ulv og gaupe for beitesesongen. Desse løyva vert administrert av Fylkesmannen v/hermund Mjelstad. Dersom ein finn kadaver og SNO har dokumentert at desse er tekne av freda rovvilt, kan ein søkje om skadefellingsløyve. Dei som kan søkje er fortrinnsvis kommunen eller beitelag/sankelag. Korkje SFSG eller lokallag vil få løyve. Oversikt over rovviltkontaktar finn ein i årsmeldinga til SFSG. Får ein skadefellingsløyve kan ein nytte seg av fylkesfellingslaget. I følgje overordna styresmakter, skal rovdyra fortrinnsvis takast ut via lisensjakt, noko som krev løyve frå grunneigar. Då er det viktig at ein har på plass slikt løyve, skriftleg. Slik jakt føregår som regel over store område. SFSG vil oppmode alle lokallaga til å gjere ein jobb, når det gjeld å innhente skrifteleg løyve frå grunneigarane, og i tillegg organisere lokale jaktlag. No har vi ulv i fylket igjen. Vi veit ikkje kor lenge den vert verande eller kor tid her kjem nye rovdyr, så ein bør vere føre var. SFSG har i enkelte områder, etter oppmoding frå næringa, fått til ei koordinering, når det gjeld observasjonar av spor, felles sporing og til å skaffe jegerar dersom nokon treng assistanse utanfrå. Dei lokale jaktlaga kan og hjelpe fylkesfellingslaget med å felle rovdyr på skadefellingsløyve, om det vert trong for det. Ein bør og oppmode alle hjortejegerar til å registrere seg som lisensjeger. Dersom det vert aktuelt at lokale jegerar vert med, er det krav om å ha papira i orden, skyteprøve og betalt jegeravgift. Jaktåret vert rekna frå 1/4-31/3. SAMLING FOR TILLITSVALDE Det vert samling for tillitsvalde fredag og laurdag Oppmøte fredag kl. 17:00. Endeleg program er ikkje klart, men fredag får vi med oss Anders Huus, og då vil vi ha fokus på jordbrukstingingane. ÅRSMØTE 2019 Årsmøte vert på Thon Hotel Skei fredag 1. mars med påfølgjande fagdag 2. mars.

6 DET SKJER KALENDAR Styret i SFSG ber om at alle lokallaga tek i bruk aktivitetskalendaren som ligg på heimesida til fylkeslaget. Her ønskjer vi å få lagt inn alle arrangement/aktivitetar som vert arrangert av fylkeslaget, avlsutval sau, gjetarhundnemnda og lokallag. Send informasjon til jonny@lofnes.no. Jonny Lofnes er ansvarleg for oppdatering av aktivitetskalendaren og resten av heimesida. På heimesida ligg det no informasjon om Fjelltur 18. august, arrangert av Årdal Sau og Geit. YMSE Vi vil oppmode lokallaga til å nytte seg av plakatane som ein kan få kjøpt hos NSG, når det gjeld bandtvang og tilsyn. Det verkar som om laushundar vert eit større problem for kvart år som går. Dei flest kommunane har vedteke utvida bandtvang, og bør òg ta tak i problemet. Styret i SFSG ønskjer God Sommar til alle medlemene våre! For SFSG Ragnhild Sæle -leiar-