Møtebok. Forfall/møtte ikkje Frå Følgjande varamedlem møtte Frå Kent Øystein Hjelle SP Ola Henning Ommedal SP Mariel Eikeset Koren MDG Ingen

Transkript

1 Gloppen kommune Utval MULTEK-utvalet Møtestad Gloppen heradshus Dato Tid Kl. 09:00-12:00 Møtebok Følgjande medlemar møtte Arnar Hans Kvernevik Audun Mundal Solveig Lien Gusdal Edgar Roald Kvernevik Jan Asle Rustøen Frå AP KRF SP SD H Forfall/møtte ikkje Frå Følgjande varamedlem møtte Frå Kent Øystein Hjelle SP Ola Henning Ommedal SP Mariel Eikeset Koren MDG Ingen Andre som møtte Kjell Petter Solhaug, teknisk sjef Jan-Kjetil Øygard, kultursjef i sak 114/18 Torbjørn Brandsæter, rådgjevar i sakene 115/18-118/18 Ugilde Sak Følgjande varamedl. Merknad møtte Audun Mundal 115/18 Ingen Heimelen for inhabilitet er 6,1e i forvaltningslova. Møteleiar: Arnar Hans Kvernevik Underskrift: Arnar Kvernevik

2 Sakliste Sak nr. Sakstittel 113/18 Godkjenning av møteprotokoll, innkalling og sakliste 114/18 Referat og orienteringssaker 115/18 Dispensasjon frå byggegrense - lagerbåsar 116/18 Klage - dispensasjon frå reguleringsplan for Åsen bustadfelt 117/18 Endring av gitt løyve - mur på bustadtomt 118/18 Årsbudsjett økonomiplan fram til 2022 Side 2

3 Gloppen kommune Arkiv: FE-033 JournalpostID: 18/14677 Saksbehandlar: Jan Kåre Fure Saksnr. Utval Møtedato 113/18 MULTEK-utvalet Godkjenning av møteprotokoll, innkalling og sakliste Vedlegg i saka: Protokoll - MULTEK-utvalet Utvalsleiar si tilråding: 1. MULTEK-utvalet godkjenner møteboka frå sitt møte den 8. november MULTEK-utvalet godkjenner innkallinga og saklista til møtet den 15. november Møteboka frå siste møtet blir lagt fram til godkjenning. Samstundes ber utvalsleiar om godkjenning av innkallinga og saklista til dette møtet. MULTEK-utvalet KULT- 113/18 Vedtak 1. MULTEK-utvalet godkjenner møteboka frå sitt møte den 8. november MULTEK-utvalet godkjenner innkallinga og saklista til møtet den 15. november Vedtaket var samrøystes. Side 3

4 Gloppen kommune Arkiv: FE-033 JournalpostID: 18/14754 Saksbehandlar: Jan Kåre Fure Saksnr. Utval Møtedato 114/18 MULTEK-utvalet Referat og orienteringssaker Rådmannen legg ikkje fram tilråding i saka. Referatsaker Tittel Endring av gitt løyve - løfteplattform Løyve til del av tiltak - terrengendring Løyve til tiltak - bustadhus Løyve til tiltak - Etablering av sluk Løyve til tiltak - garasje Løyve til tiltak - hallar i Eidsmona Løyve til tiltak - oppføring av natursteinsmur Løyve til tiltak - plass for sykkelparkering og sykkeloverbygg med sykkelstativ på Firda vidaregåande skule Løyve til tiltak - riving av stabbur Løyve til tiltak - salsbod Løyve til tiltak - garasje med takterasse Løyve til tiltak - riving av gamal del av bustadhus Avsendar/mottakar AHDA v/geirmund Kvamme Olav Hjelmeset AS Byggevaren ByrkjeloByggevaren Byrkjelo AS Audun Mundal hjå HjelmesetOlav Hjelmeset AS Prosjekt Systemer AS Hjelmeset Eigedom AS Ahda AS Sogn og Fjordane fylkeskommunesogn og fjordane fylkeskommune Bjarne Henry Hole Re-Bygg AS Ahda AS Nordfjord Skifer AS Rådmannen ber om at eventuelle spørsmål til referatsakene blir stilte i forkant av møtet. Orienteringssaker: Økonomirapporten for 3. kvartal er ikkje klar på grunn av sjukdom. Ordet fritt... MULTEK-utvalet På slutten av møtet vart utvalet orienterte om innkomne framlegg til kulturprisvinnarar i Under denne orienteringa vart møtet lukka i medhald av kommunelova 31, nr 5. KULT- 114/18 Vedtak Det vart ikkje gjort vedtak i saka. Side 4

5 Gloppen kommune Arkiv: GBNR-76/128, FA-L42 JournalpostID: 18/14581 Saksbehandlar: Torbjørn Brandsæter Saksnr. Utval Møtedato 115/18 MULTEK-utvalet Dispensasjon frå byggegrense - lagerbåsar Vedlegg i saka: Teikning lagerbåsar/gapahuk Beplantingsplan Situasjonsplan rev Søknad om dispensasjon frå byggegrense Rådmannen si tilråding Med heimel i plan- og bygningslova 19-1 gjev MULTEK-utvalet dispensasjon frå plan og bygningsloven 29-4 andre ledd for oppføring av lagerbåsar nærmare nabogrense enn 4 meter på gnr. 76 bnr Saksutgreiing Bakgrunn for saka Gloppen kommune har motteke søknad frå Olav Hjelmeset AS om dispensasjon frå plan- og bygningslova 29-4 andre ledd for oppføring av lagerbåsar nærmare nabogrense enn 4 meter på gnr. 76 bnr Fakta i saka Gjeldande plangrunnlag er reguleringsplan for Mona næring og kulturminnepark, vedteken Omsøkt eigedom ligg i område avsett til forretning/kontor/industri og vegetasjonsskjerm. Det er ikkje angitt avstand til nabogrense i plan. Plan og bygningslova 29-4 andre ledd: «Hvis ikke annet er bestemt i plan etter kapittel 11 eller 12, skal byggverk ha en avstand fra nabogrense som angitt i forskrift eller som minst svarer til byggverkets halve høyde og ikke under 4 meter.» Kommunen kan tillate oppføring nærmare nabogrense utan dispensasjon viss det ligg føre skriftleg samtykke frå nabo. Det ligg ikkje føre samtykke frå naboar. Tiltaket skal plasserast nærmare enn 4 meter frå grense mot eigedom 76/97 eigd av Knut Fjellestad og mot teigane regulert til kulturminnepark eigd av Gloppen kommune. Det er søkt om dispensasjon etter pbl frå denne føresegna, slik at lagerbåsar kan oppførast slik som vist i situasjonsplanen. Søknaden er grunngjeven med: «Bakgrunn for søknad er at vi ønsker å opparbeide eit meir tenleg område på eigedom 76/128 med bant anna lagerbåsar for rør, betongvarer og småmaskiner. Med å bruke ein del av den planlagde vegetasjonsskjermen til lagerbåsar i betong vil dette føre til at ein får ei meir effektiv bruk av tomta Side 5

6 og ein vil få ei mykje betre skjerming for lyd og støy frå 3 bedrifter austover mot kulturområde og bustadområdet enn ein vil gjere med ein vanleg vegetasjonsskjerm.» Lågerbåsane skal utførast i betong med takkonstruksjon i stål og tekking utført som Q-dekke i stål. Tiltakshaver har ansvaret for krav til branntrygging og sikring mot brannsmitte fastsatt i teknisk forskrift Lagerbåsen skal oppførast 1 meter frå nabogrensa. Lagerbåsen er 97 meter lang og 5 meter djup. Regulert vegetasjonsskjerm er 5 meter bred. Det skal fyllast masse langs baksiden av lagerbåsen som skal vere 1 meter høg og 1 meter djup. Det skal plantast busker/hekk i fyllinga. Dispensasjonen er nabovarsla i medhald av pbl til heimelshavarar til nabo- og gjenbuareigedomane. Det er motteke merknad frå nabo Knut Fjellestad som protesterer mot at tiltaket er søkt oppført i vegetasjonsskjerm og viser til merknad frå Gloppen Sogelag. Gloppen sogelag er ikkje nabo, men har interesse for ar arealet avsett til kulturminnepark. Gloppen sogelag skriv at det må krevjast dispensasjon frå vegetasjonsformålet i reguleringsplanen. Dei påpeikar at tiltaket vil hindre sikt og kveldssol til kulturminneparken. Sogelaget har ei oppfatning av at vegetasjonsskjermen skal tilhøyra kulturminneparken. Økonomiske konsekvensar for kommunen Ingen direkte. Rådmannen si vurdering Rådmannen har vurdert at tiltaket er innanfor formålet i reguleringsplanen. Utklipp frå reguleringsplanen: «Området skal nyttast som støy- og visuell skjerm mellom næringsarealet og park/busetnad. Det kan også førast opp støyskjerm i form av gjerde, dersom dette er naudsynt for å oppnå tilfredsstillande tilhøve.» Tiltaket vil gi en god støy- og visuell skjerming mot industriområdet er betydeleg betre enn ein rein vegetasjonsskjerm. Tett hekk langs lagerbåsanes bakside vil skjule veggen. Omsøkt dispensasjon omhandlar avstand frå nabogrensa. Dispensasjonssøknader skal vurderast ut frå krava i pbl. 19-2: 1. Dispensasjon kan ikke gis dersom hensynene bak bestemmelsen det dispenseres fra, eller hensynene i lovens formålsbestemmelse, blir vesentlig tilsidesatt. 2. I tillegg må fordelene ved å gi dispensasjon være klart større enn ulempene etter en samlet vurdering Fomålet til vegetasjonsskjermen er støy- og visuell skjerming mellom industriområdet, kulturminneparken og bustader. Tiltaket gir god støy- og visuell skjerming. Det er ein stor fordel for tiltakshaver å få nytte arealet på eigen tomt avsett til vegetasjonsskjerm. Arealet er eigd av tiltakshaver og har aldri vore ment å skulle overdragast til kulturminneparken. Bygget vil gi ulemper i form av skjerming mot sol og utsyn frå kulturminneparken. Målet med visuell skjerming er å hindre utsyn til industriområdet. Det er tenkt at den visuelle forureininga industriområdet gir er verre enn tapet av utsyn. Lagerbåsane vil føre til skuggar frå den låge kveldssola. Dei høgare bygga på industriområdet og vegetasjonsskjerm vil gi minst like stor skyggelegging. Det er lovleg for tiltakshaver å for eksempel føre opp lagerbåsane i seksjonar på 10 meter med 1 meter mellomrom utanfor vegetasjonsskjermen utan å søke om løyve og dispensasjon. Ei slik løysing vil gi kommunen mindre kontroll på tiltaket og tiltaket vil ikkje få same nytta som skjerming. Side 6

7 Rådmannen vurderer at eit slikt forslag vil gi dårlegare skjerming utan å gi nemneverdig betre utsyn og solforhold. Det er opplagt at kulturminnepark og industriområde på same område vil føre til utfordringar og motstridande interesser. Det er regulert inn vegetasjonsskjerm for å dempe dei negative konsekvensane, men det er ikkje mogleg å få til ein god støy- og visuell skjerming utan å tape utsyn og sol. Rådmannen meiner at omsøkt løysing gir den mest tenelege løysinga for å sikre god skjerming. Fordelane ved dispensasjon er vurdert å vere klart større enn ulempene. MULTEK-utvalet Det var synfaring. Rådgjevar Torbjørn Brandsæter var til stades under behandling av saka. Utvalet vedtok samrøystes at Audun Mundal er inhabil i saka i medhald av 6, 1e i forvaltningslova. Framlegg frå Arnar Kvernevik (Ap): Saka blir utsett for å få avklart: Kva vil vere minimums avstand for plassering av lagerbås (køyreareal) for at arealet mot sør kan nyttast som omsøkt? Type vegetasjon som blir nytta i vegetasjonsskjerm (naturleg vegetasjon) Materialval på taket (takpapp, torv, etc,) på gapahuk Forhold til kommunestyrevedtaket i 2005, og kva tenkjer Gloppen kommune om oppfølging av dette vedtaket? Er omsøkt tiltaket for stort til å bli teke som ein dispensasjon? Ved alternativ avrøysting mot rådmannen si tilråding, vart framlegget frå Arnar Kvernevik samrøystes vedteke. KULT- 115/18 Vedtak MULTEK-utvalet utset saka for å få avklara: Kva vil vere minimums avstand for plassering av lagerbås (køyreareal) for at arealet mot sør kan nyttast som omsøkt? Type vegetasjon som blir nytta i vegetasjonsskjerm (naturleg vegetasjon) Materialval på taket (takpapp, torv, etc,) på gapahuk Forhold til kommunestyrevedtaket i 2005, og kva tenkjer Gloppen kommune om oppfølging av dette vedtaket? Er omsøkt tiltaket for stort til å bli teke som ein dispensasjon? Vedtaket var samrøystes. Side 7

8 Gloppen kommune Arkiv: GBNR-77/160, FA-L42 JournalpostID: 18/14105 Saksbehandlar: Ann Mari Bjørlo Saksnr. Utval Møtedato 116/18 MULTEK-utvalet Klage - dispensasjon frå reguleringsplan for Åsen bustadfelt Vedlegg i saka: Klage pa dispensasjon gitt av MULTEK - utvalet Rådmannen si tilråding MULTEK-utvalet tek ikkje til følgje klage frå Siren Toen, Paul-Rune Daviknes og Marit Lysholm over vedtak av i sak 100/18 om å gje dispensasjon frå reguleringsplan for Åsen bustadfelt (Åsen B) til oppføring av ein etasje til på bustadhus på gbnr. 77/160. Saka vert sendt Fylkesmannen i Sogn og Fjordane for endeleg avgjerd. Saksutgreiing Bakgrunn for saka Siren Toen, Paul-Rune Daviknes og Marit Lysholm (heretter «klagarane») klagar over MULTEK-utvalet sitt vedtak av i sak 100/18 om å gje dispensasjon frå reguleringsplan for Åsen bustadfelt (Åsen B). Dispensasjonen gjeld løyve til oppføring av ein etasje til på bustadhus på gbnr. 77/160. Fakta i saka Ahda AS søkte på vegne av Arnfinn Øren den om dispensasjon frå reguleringsplan for Åsen bustadfelt (Åsen B) vedteken Dispensasjonen gjaldt føresegnene 3 som har følgjande ordlyd: «Bygningane skal førast opp med 1 etasje eller 1 etasje + sokkel. Maksimumshøgd til rafta for 1- etasjes hus er 3,5 m. For hus med 1 etashe + sokkel er maksimumshøgd på sokkelsida 5,5 m. Høgd til rafta vert målt eller byggeføresegner av 1. august 1969, 26:20.» Det aktuelle bygget er ført opp i 1968 med ein etasje med sokkel. Søkjar ønskjer å føre opp eit påbygg slik at dette får to etasjer. Grunngjevinga er at det skal etablerast hyblar i sokkeletasjen og at det difor er naudsynt med meir areal for eige bruk til familien. MULTEK-utvalet avslo søknad om dispensasjon i sak 041/18 den Det var i det høve gjennomført ei synfaring av tiltaket. Søkjar gjorde justeringar på tiltaket og søkte på nytt om dispensasjon på endra grunnlag den Justeringane gjaldt reduksjon av samla BYA på omsøkt påbygg, og at dette vert trekt vekk frå naboeigedomane. Gesimshøgda er uendra. Ny søknad om dispensasjon handsama av MULTEK-utvalet i sak 100/18 den , som då fann at vilkåra for dispensasjon var oppfylt. Grunngjevinga var som følgjer: «MULTEK-utvalet viser til at ein dispensasjon frå reguleringsplanen for påbygging av ein ny etasje på Side 8

9 bustadhuset på gbnr. 77/160 i bustadfelt Åsen ikkje vil ha allmenne negative konsekvensar eller vil vere i konflikt med statlege eller regionale rammer og mål. I bustadfeltet Åsen er det oppført fleire bustader med to etasjar, pluss sokkel, med byggehøgd som ikkje stettar reguleringsføresegnene sin 3. Reguleringsplanen for Åsen er ein eldre plan og har ikkje teke opp i seg endringar i blant anna byggeskikk, bu-former og behov som er oppstått etter at den gamle planen vart vedteken. Det talar for at reguleringsplanen for Åsen bør endrast, men det føreligg ingen kommunal plan om slik snarleg prosess for Åsen. Med tanke på at planendring tek tid og at ein ny reguleringsplan med stort sannsyn vil opne for fortetting og endra maksimums- og gesimshøgd, vil det etter MULTEK-utvalet si vurdering vere uforholdsmessig at gbnr. 77/160 blir nekta dispensasjon i påvente av ei slik framtidig planendring.» Klagarane sender klage på vedtaket ved brev av Klagen er grunngjeve med at det er irrelevant å vise til tidlegare dispensasjonssaker som eit argument for å gje dispensasjon. Klagarane meiner at det avgjerande må vere dei negative konsekvensane denne påbygginga får for deira eigedomar, og viser til tidlegare merknader til nabovarsel. Merknadene og søkjar sine kommentarar til desse er attgjeve i saksutgreiingane i sak 041/08 og 100/18. Klagarane meiner vidare at det ikkje kan leggast vekt på at det er behov for ny reguleringsplan for området. Økonomiske konsekvensar for kommunen Ingen. Rådmannen si vurdering Klagar har rettsleg klageinteresse, jf. forvaltningslova av 10. februar 1967 kapittel VI 28 første ledd. Klagen er rettidig, jf. forvaltningslova 29. Spørsmålet er om vedtaket i sak 100/18 skal opphevast eller endrast på grunnlag av klagen av , jf. forvaltningslova 33. Klagegrunnane viser i det vesentlege til merknadene som er fremja tidlegare, og som vart teke stilling til i sak 100/18. Ut frå dette kan ikkje rådmannen sjå at det er kome nye moment i saka. MULTEK-utvalet Rådgjevar Torbjørn Brandsæter var til stades under behandling av saka. Framlegg frå Solveig Lien Gusdal (Sp): MULTEK-utvalet tek klagen frå Siren Toen, Paul-Rune Daviknes og Marit Lysholm over vedtak av i sak 100/18 om å gje dispensasjon frå reguleringsplan for Åsen bustadfelt til følgje. Framlegget fekk ei røyst og fall. KULT- 116/18 Vedtak MULTEK-utvalet tek ikkje til følgje klage frå Siren Toen, Paul-Rune Daviknes og Marit Lysholm over vedtak av i sak 100/18 om å gje dispensasjon frå reguleringsplan for Åsen bustadfelt (Åsen B) til oppføring av ein etasje til på bustadhus på gbnr. 77/160. Saka vert sendt Fylkesmannen i Sogn og Fjordane for endeleg avgjerd. Side 9

10 Vedtaket vart gjort mot ei røyst. Side 10

11 Gloppen kommune Arkiv: GBNR-100/128, FA-L42 JournalpostID: 18/14400 Saksbehandlar: Torbjørn Brandsæter Saksnr. Utval Møtedato 117/18 MULTEK-utvalet Endring av gitt løyve - mur på bustadtomt Vedlegg i saka: Bilde Tverrprofil Søknad om endring av gitt løyve Situasjonsplan 4,5 meter mur Løyve til tiltak - bustadhus Byggesøknadsteikningar Rådmannen si tilråding MULTEK-utvalet avslår søknad om oppføring av 4,5 meter høg mur med grunngjeving av at det bryt med eksisterande landskap og ikkje er naudsynt for utnytting av tomta til bustad. Saksutgreiing: Viser til søknad motteke Eigedom: Gbnr. 100/128 Tiltakshavar: Odd Stian Reed og Anita Åmot Ansvarleg søkjar:byggevaren Byrkjelo AS v/ Nils Kåre Fossheim. Det vart gjeve løyve til bustadhus med garasje og opparbeiding av tomt Murhøgda i gitt løyve skal følgje høgda på murar på naboeigedommar. Høgda på muren kan justerast inntil +20 cm for å tilpassast naturlege variasjonar i steinen. Omsøkt endring omhandlar endring av murhøgde på støttemur frå ca. 3 meter i gitt løyve til 4,5 meter. Grunngjevinga for endring av murhøgde er å få større del av tomta flat. Eigedommen er 1481 m2. Utklipp frå søknaden. «Tomta er i seg sjølv ganske stor, men det er i hovudsak breidda som er grunnen til. Djupna på tomta er ikkje meir enn den treng og vere for å kunne plassere huset og ha avstand til veg på andre sida. Det ein ønsker å oppnå med høgare mur er å få den naturlege delen av tomta med tanke på solforhold flatast mulig.» Gjeldande plangrunnlag er arealdel i Kommuneplan for Gloppen, Eigedomen er regulert til bustadformål. Tiltaket vart nabovarsla med omsøkt murhøgde 4,5 meter. Tiltaket er nabovarsla i medhald av pbl til heimelshavarar til nabo- og gjenbuareigedomane, og det er ikkje motteke merknader innan fristen på to veker. Tiltaka er søknadspliktig etter pbl bokstav k) med krav om ansvarlege føretak jf. pbl Det er motteke erklæringar om ansvarsrettar som dekkjer dei aktuelle ansvarsområder innanfor riktige tiltaksklasser. Side 11

12 Det vart gjennomført synfaring Søknaden er handsama etter plan- og bygningslova (pbl.) av 27. juni 2008 nr. 71, jf På grunnlag av mottekne opplysningar finn kommunen at tiltaket er i samsvar med plan- og bygningslova med forskrifter, gjeldande plangrunnlag og særlover som gjeld for tiltaket, herunder naturmangfaldlova Løyvet fell bort dersom arbeidet ikkje er sett i gang innan 3 år. Det same gjeld dersom arbeidet stoggar i lengre tid enn 2 år, jf. pbl Ansvarleg søkjar er ansvarleg for at opplysningane som vert gjeve i samband med søknaden er korrekte, jf pbl Vert det gjort endringar av tiltaket etter at løyve er gjeve, må det søkjast om endring av gjeve løyve pbl bokstav d). Tiltakshavar er ansvarleg for å framskaffe nye ansvarlege føretak ved opphøyr eller endringar i ansvarsrettane. Tiltaket skal avsluttast med søknad om ferdigattest, jf. pbl Økonomiske konsekvensar for kommunen Ingen. Rådmannen si vurdering Eigedomen grensar direkte mot Breimsvatnet. Det er naturleg bratt skråning frå tomta som gir ein relativt stor andel flat tomt. Eksisterande murar på naboeigedommar hindrar ålmenta tilgjenge til strandsona. Omsøkt tiltak vil derfor ikkje hindre bruk, men tiltaket understreker privatisering av strandsona. Breimsvatnet eroderer strandsona og det kan derfor vere hensiktsmessig med noko mur. Det vart derfor ved delegert mynde gjeve løyve til mur med same høgde som eksisterande murar. Eksisterande murar langs Breimsvatnet er synlege frå lang avstand. Ein ytterlegare 50% auke av høgda vil utgjere ein markert visuell forskjell. Murarar er eit unaturleg element i landskapet. Rådmannen vurderer at fordelane med auke andel flat tomt for eigar ikkje oppvegar dei negative visuelle og landskapsmessige effektane av ein 4,5 meter høg mur. Og at det ikkje skal tillatast høgare murar enn eksisterande murar på naboeigedommane. MULTEK-utvalet Rådgjevar Torbjørn Brandsæter var til stades under behandling av saka. KULT- 117/18 Vedtak MULTEK-utvalet avslår søknad om oppføring av 4,5 meter høg mur med grunngjeving av at det bryt med eksisterande landskap og ikkje er naudsynt for utnytting av tomta til bustad. Vedtaket var samrøystes. Side 12

13 Gloppen kommune Arkiv: FE-151 JournalpostID: 18/14323 Saksbehandlar: Jan Kåre Fure Saksnr. Utval Møtedato 034/18 Helse- og omsorgsutvalet /18 Oppvekstutvalet /18 MULTEK-utvalet /18 Rådet for menneske med nedsett funksjonsevne /18 Eldrerådet /18 Helse- og omsorgsutvalet /18 Oppvekstutvalet /18 MULTEK-utvalet Årsbudsjett økonomiplan fram til 2022 Vedlegg i saka: Pris- og gebyrhefte første utkast Årsbudsjett øk.plan rådmannen sitt framlegg med sektorbudsjett Rådmannen si tilråding Rådmannen kjem ikkje med noko tilråding i saka i denne fasen av budsjettarbeidet. Saksutgreiing Bakgrunn for saka På kommunestyremøtet den 31. oktober i år la rådmannen fram endeleg framlegg til rammer for 2019-budsjettet og investeringsprogram for perioden fram til I etterkant av møtet vart presentasjonen og budsjettdokumentet sendt ut så langt dette var klart 31. oktober. I løpet av veke 44 vil eit fullstendig framlegg til årsbudsjett frå rådmannen vere klart, og dette vil bli sendt ut så fort som råd. I tillegg er no rådmannen sitt framlegg til kommunale prisar og gebyr i 2019 klart. Her manglar NoMil-styret sitt framlegg til renovasjonsgebyr og betaling for tøming av slam. Dei delane av prisheftet som er avhengig av statlege satsar er heller ikkje klare. Dette går fram av det vedlagde heftet. Det er formannskapet som kjem med framlegg til kommunestyret om årsbudsjett for neste år og økonomiplanen. Som vanleg er det lagt opp til at råda og hovudutvala kjem med uttale til framlegget før formannskapet gjer vedtak om utlegging til offentleg gjennomsyn. I praksis betyr dette no at utvala kjem med framlegg til budsjett for sine område. Fakta i saka Rådmannen skriv dette om fastsetting av rammene for sektorane: «( ) Etter framlegget til statsbudsjett som vart lagt fram 8. oktober, kan Gloppen kommune rekne med ein samla vekst i skatt på inntekt og formue og rammetilskot på 2,9 %. Dette er 0,1 % over den Side 13

14 såkalla deflatoren, som er eit uttrykk for kor mykje staten reknar med at lønns- og prisveksten blir frå 2018 til I kroner utgjer samla auke i skatt og rammetilskot ,- frå 2018 til talet er då den statlege utrekninga av skatt og ramme. Denne er litt lavare enn det vi har budsjettert med. Auken frå vårt 2018-budsjett blir derfor litt mindre. Brukar vi vårt budsjett-tal, er auken Skatt og rammerammetilskot er hovudinntekta som gjev grunnlag for sektorane sin aktivitet, men fleire postar kjem i tillegg eller til frådrag. Summen av desse avgjer kva ramme sektorane kan få. Med unnatak av inntektene frå mottak og busetting av flyktningar held føresetnadene for dei førebelse rammene sånn noko lunde. Inntektene på mottak av flyktningar er store, med 2017 som eit toppår. Inntektene var då 33,2 millionar. I 2018-budsjettet er dette redusert til vel 28,1 mill. Det er sjølvsagt talet på busette som avgjer kor store desse inntektene er. Slik det no ser ut, meiner NAV Gloppen som er rådmannen sin kompetanse på dette området at vi ikkje kan rekne med å motta meir enn 15 nye flyktningar i 2019, medrekna busetting av familie til dei som alt bur her. Dette vil gje oss 21 millionar i tilskot i 2019, altså over 7 mill. mindre enn tidlegare rekna med. Også på dei andre områda på finansieringskapitlet er det nokre endringar, både i pluss og minus, men ingen av desse gjev slike utslag som tilskotet til flyktningar. Dette er omtala nærare i dette kapitlet.» Det betyr at vi har nesten 403 millionar til fordeling på sektorane. Dette gjev desse rammene, med same fordelingsprosent sektorane imellom som i 2018 (2018-tala er avrunda): Rekneskap Revidert %-vis Ramme Auke i kr 2017 budsjettet del budsjett Formannskapet , Oppvekstutvalet , Helse- og omsorgsutvalet , MULTEK-utvalet teknisk , og landbruk MULTEK-utvalet kultur , og idrett Sum sektorane , Finansiering Balanse Om investeringsbudsjettet (kap. 6 i framlegget) skriv rådmannen: «Det er ikkje råd å gjennomføre alle investeringsbehov/-ønskje i eit slikt tempo som nokre av oss ser føre seg. Vi kan ikkje handtere ei lånegjeld som er mykje høgare enn dagens utan at dette går vesentleg ut over drifta. Rådmannen vil derfor sterkt mane til måtehald. Investeringsbudsjettet er delt opp i tre kategoriar: 6.1 Bustader og bustadfelt 6.2 VAR-området (VAR = Vatn, Avløp og Renovasjon) 6.3 Andre investeringar. Det store investeringstiltaket i denne perioden er bygging av nytt omsorgsbygg. Det går fram av omtalen av prosjekta kva som ligg til grunn for det budsjetterte beløpet. Ingen prosjekt som skal lysast ut er kostnadsrekna på andre måtar enn ved bruk av erfaringstal og statistikk. Derfor er det grunn å streke under at mange av tiltaka i budsjettet må kostnadsreknast på nytt når planarbeidet er kome lenger, jfr kap. 7 i kommunen sitt økonomireglement. Tiltak som vi Side 14

15 ikkje har konkrete planar for, er stort sett berre lagt inn med planleggingsmidlar. Det er lagt vekt på å vere realistisk i oppstartingstids-punkt og framdrift. Vi er inne i ein periode med stor byggeaktivitet i Gloppen. Dette pressar prisane opp og i tillegg fører det til at lokale verksemder ikkje får høve til å konkurrere om dei kommunale oppdraga. Også dette er noko vi bør ta omsyn til.» Økonomiske konsekvensar for kommunen Heile saka gjeld kommunen sin økonomi. Rådmannen si vurdering Rådmannen sine vurderingar og framlegg går fram av sjølve budsjettdokumentet. Noko eiga vurdering i saka blir ikkje lagt fram no. Helse- og omsorgsutvalet Helse- og omsorgssjefen orienterer om detaljane i budsjettet. Følgjande skal undersøkjast og framleggast til neste utvalsmøte. -Kor mange sjukepleiarar som er tilsett på fast vikarlønn og om utgiftene har auka som konsekvens av dette. -Det skal undersøkjast oppseiingstid på "inn på tunet". og reel innsparing for Kva som blir det reelle kuttet ved å legge ned Hyblane og reel innnsparing for Kva som er den reelle prisauken på middager? om det gjeld for alle under og over 2 G, og om det gjeld sjølvkost. -Ei utvida liste for kuttforslag vil bli tilsendt før neste utvalsmøte. -Det vil bli lagt til i budsjett ei auke i kommunalt drifttilskot for private fysioterapeuter som er politisk vedteke, denne vil og bli satt opp på lista over kuttforslag. HOU- 034/18 Vedtak Helse-og omsorgsutvalet tok saka til orientering. Oppvekstutvalet Oppvekstsjefen orienterte om detaljane i oppvekstutvalet sitt budsjettet. Oppvekstsjefen sender ut oppdatert budsjettnotat til utvalsmedlemmane. OPP- 036/18 Vedtak Oppvekstutvalet tok saka til orientering MULTEK-utvalet Kultur og Idrett Kulturskulen, framlegg frå Arnar Hans Kvernevik, Arbeidarpartiet MULTEK-utvalet ber kommunestyret om at kulturskulen ikkje vert svekka i neste års budsjett. Kutt i budsjettet for kulturskulen kan få uønska verknader i samband med kostnadsfordelinga mellom fylke/region og kommune. Det er ein uviss situasjon no med tanke på at vi går inn i ein ny region frå MULTEK-utvalet ber om at ramma for Kultur og idrett blir auka med slik at ein kan få delfinansiert eit folkemusikktilbod på kulturskulen. Budsjettet alle områder, framlegg frå Arnar Hans Kvernevik, Arbeidarpartiet Side 15

16 MULTEK-utvalet ber om at rådmannen, som ei kontinuerleg øving, og særleg i samband med 2019 budsjettet gjer fortløpande vurderingar om vakante stillingar skal lysast ut, eller om det er mogeleg å dekke personell- og kompetansebehov ved interne omdisponeringar og opplæring med tanke på å bremse auke i stillingsheimlar. Begge framlegga frå Arnar Kvernevik vart samrøystes vedtekne. Einingsleiarane Per Ove Fossheim, Odd Arne Kolseth og Runar Kleppe var til stades under behandling av saka. KULT- 112/18 Vedtak 1. MULTEK-utvalet ber kommunestyret om at kulturskulen ikkje vert svekka i neste års budsjett. Kutt i budsjettet for kulturskulen kan få uønska verknader i samband med kostnadsfordelinga mellom fylke/region og kommune. Det er ein uviss situasjon no med tanke på at vi går inn i ein ny region frå MULTEK-utvalet ber om at ramma for kultur og idrett blir auka med slik at ein kan få delfinansiert eit folkemusikktilbod på kulturskulen. 2. MULTEK-utvalet ber om at rådmannen, som ei kontinuerleg øving, og særleg i samband med budsjettet, gjer fortløpande vurderingar om vakante stillingar skal lysast ut, eller om det er mogeleg å dekke personell- og kompetansebehov ved interne omdisponeringar og opplæring med tanke på å bremse auken i stillingsheimlar. 3. MULTEK-utvalet ber om ei avklaring knytt til korleis vi fører kostnader på prosjekt innanfor sjølvkostområda. 4. MULTEK-utvalet er einig i at arbeidet med å få ei full oversikt over gebyr for plan, oppmåling og byggesak skal fortsette og når denne oversikta er klar, skal dette fremjast i ei eiga sak. 5. MULTEK-utvalet meiner at det skal budsjetterast med reelle straumutgifter. Vedtaket var samrøystes. Rådet for menneske med nedsett funksjonsevne RAD- 025/18 Vedtak Rådet for menneske med nedsett funksjonsevne tek saka til orientering. Vedtaket var samrøystes. Eldrerådet Helse- og omsorgssjef Gunhild Gimmestad orienterte om budsjett 2019 og økonomiplanarbeidet, og Side 16

17 om sektoren sitt forslag til naudsynte kutt for å kome ned på råma. Fokus i debatten var knytt til kuttforslaget om å legge ned hyblane ved Gloppen omsorgssenter, og kva for konsekvensar det vil få for arbeidsmengde i heimetenestene og for ventelister til heildøgns omsorgsplass. ELD- 025/18 Vedtak Eldrerådet tek saka til orientering, men er bekymra for konsekvensane av dei føreslegne kutta i sektoren. Helse- og omsorgsutvalet Helse og omsorgsutvalet tilrår formannskapet å gjere følgjande vedtak, framlegg frå Per Ståle Husevåg, Kristeleg Folkeparti Forslag frå KrF Arnfinn Jørgen Brekke Tiltak for å ta ned drifta : Legge ned dagtilbodet «Inn på tunet». Dette gjev ei innsparing på Legge ned 5 omsorgsbustader med bemanning deler av døgnet. Dette gjev ei innsparing på 3 årsverk, tilsvarande ca Reduksjon i ressursane i miljøarbeidartenesta tilsvarande 2,5 årsverk. Effekten vil vere ca 1,6 mill. Auke prisen på middag med kr 15,- per middag. Dette vil gje auka inntekter på ca Opplæring og kurs innsparing ,- Driftstilskot til Firda Fysikalsk medisinske senter KrF viser til kommunestyrevedtak i sak 98/16, Endeleg behandling av årsbudsjett for 2017, pkt nr 9: 9. Kommunestyret viser til søknad frå Firda fysikalsk-medisinsk senter om auka driftstilskot og ber rådmannen innarbeide dette i økonomiplanen for , med ei høvesvis opptrapping i planperioden. Fra 1. juli 2018 er fullt driftstilskudd kr per år. I tråd med tidlegare vedtak føresler vi at ein i 2019 aukar driftstilskotet til Firda Fysmed senter med ytterlegare eit heilt driftstilskot, fordelt mellom fyseoterapeutane Kaale, Leirgul og Nesgård stort kr Inndekning for kravet finn ein gjennom innsparingskrav fordelt på heile helse og omsorgssektoren sitt budsjett med om lag 0,3% av totalt driftsbudsjett. Dagtilbod for demente Kommunestyret forventar at Inn på Tunet vert avløyst av eit nytt dagtilbod for demente, og ber om at HOU i løpet av første halvår 2019 får framlagt ei sak om korleis Rådmannen tenkjer å organisere eit dagtilbod for demente i henhold til nye lovkrav frå Frivilleg arbeid Stortingsmelding 15 ( ) «Leve hele livet» legg føringar for at eldre kan mestre livet lenger, ha tryggleik for at dei får god hjelp når dei treng det, at pårørande og frivillege kan bidra utan at dei blir utslitne og at tilsette kan bruke sin kompetanse i tenestene. Gloppen kommune sin vedtekne Helse og omsorgsplan seier at vi skal halde fram med å utvikle det gode samarbeidet mellom Gloppen kommune, frivillige og Gloppen frivilligsentral. For å vidareutvikle det etablerte samarbeidet og kartlegge potensiale for auka samarbeid skal det etablerast ei arbeidsgruppe samansatt av tilsette innan Helse- og omsorgssektoren, Frivilligsentralen og Side 17

18 representant(ar) frå Helse- og omsorgsutvalet. Arbeidsgruppa vert etablert på HOU sitt første møte i Forslag frå SP, Ap og H, framlegg frå Anniken Rygg, Høgre Ramma for helse og omsorgssektoren vert sett til tkr Ramma inkluderar; - 0,5 % i generelt overskot i sektoren - Plassane på hyblene på omsorgssenteret vert vidareført som ein del av tenestene ved senteret Driftstilskot til fysiterapi på kr Demenstilbodet vêr utgreia med eit tenestetilbodet innanfor dagens rammer Vidare utvikling av samarbeid med frivillig sektor Det vart røysta alternativt mellom - framlegget frå Per Ståle Husevåg, som fekk to røyster og - framlegget frå Anniken Rygg, som fekk fem røyster. HOU- 037/18 Vedtak Innanfor driftsramma for helse- og omsorgssektoren på kr vedtek helse- og omsorgsutvalet desse tiltaka/føringane: - 0,5 % i generelt overskot i sektoren - Plassane på hyblene på omsorgssenteret vert vidareført som ein del av tenestene ved senteret - Driftstilskotet til fysiterapi vert auka med kr Demenstilbodet vert utgreia med eit tenestetilbodet innanfor dagens rammer - Vidare utvikling av samarbeid med frivillig sektor. Vedtaket vart gjort med fem røyster. Oppvekstutvalet Budsjettnotat for oppvekstutvalet sitt budsjettområde 2019 ligg til grunn for behandlinga og framlegg til rammer for dei ulike ansvarsområda. Notatet var gjennomgått i møte, saman med statistikk frå KOSTRA. OPP- 039/18 Vedtak Innanfor driftramma til Oppvekstutvalet på kr for oppvekstsektoren vert følgjande kutt vedteke for dei ulike ansvar. Sjå tabell. Det vert jobba vidare med å konkretisere dei ulike tiltaka på kvart ansvar. Konsekvensane av endeleg uttrekning av barnehagetilskotet vil verte konkretisert når det er klart. Ansvar Eining Sum 2000 Oppvekstsjefen Nordstranda skule Breim skule Gloppen ungdomsskule Hyen skule og barnehage Sandane skule Breim barnehage Mona barnehage Barnevern Helsestasjon Side 18

19 2303 PPT Gloppen opplæringssenter Sum tiltak MULTEK-utvalet KULT- 118/18 Vedtak MULTEK-utvalet viser til sitt vedtak i sak 112/18 om delfinansiering av ei ny distriktsmusikarstilling i folkemusikk ved kulturskulen. Følgjande tiltak blir iverksett for å få rom til dette og å kome ned på tildelt budsjettramme: Fjerning av vakant stilling på uteseksjonen kr ,- Overlapp på driftsleiar, reinhald kr ,- Energinettverket i Nordfjord kr ,- Auke i gebyr, byggesak og oppmåling kr ,- 20 % av lønn til Ola Førde ført på adresseprosjekt kr ,- 10 % (60 % totalt) av lønn Odd Arne Kolseth på prosjektet kr ,- Reduksjon av posten på 1,3 mill. for å komme i mål kr ,- Sum innsparing for å nå budsjettramma. kr ,- MULTEK-utvalet viser elles til sitt vedtak i sak 112/18. Vedtaket var samrøystes. Side 19