Del 1; FITJAR VIDAREGÅANDE SITT SKULEREGLEMENT: Gjeld for alle elevar og i alle bygg som er ein del av Fitjar vidaregåande skule.

Transkript

1 Del 1; FITJAR VIDAREGÅANDE SITT SKULEREGLEMENT: Gjeld for alle elevar og i alle bygg som er ein del av Fitjar vidaregåande skule. A) Fitjar vidaregåande skule har eit informasjonssystem. Ein del av dette er oppslagstavlene, som er plassert i gongen til «nybygget». Andre del av dette er Facebook, der vil elevane finna viktig informasjon, reglement, prosedyrar som har med skolekvardagen å gjera. Dei vil og finna informasjon om dei ulike faga på Itsl./Fagsider. Elevane må sjølv ta ansvar for å lesa på oppslagstavlene, Facebook og ITSl kvar dag. Tredje del av informsajonssystemet er heimesida ( til skulen, den gjev nyttig informasjon til alle elevar og føresette. Kontaktlærar vil informera og læra elevane å finna fram i informasjonssystemet. B) Skulen sin visjon er ein god plass å vera og ein god plass å læra. Opplæringslova 9a-3. Skolen skal aktivt og systematisk arbeide for å fremje eit godt psykososialt miljø, der den enkelte eleven kan oppleve tryggleik og sosialt tilhør. Dersom nokon som er tilsett ved skolen, får kunnskap eller mistanke om at ein elev blir utsett for krenkjande ord eller handlingar som mobbing, diskriminering, vald eller rasisme, skal vedkommande snarast undersøkje saka og varsle skoleleiinga, og dersom det er nødvendig og mogleg, sjølv gripe direkte inn. Desse tema vert tekne i klassen opp av kontaktlærar og elevrådet ved starten av skuleåret og gjennom heile skuleåret. Skulen har ein handlingsplan som tek opp desse tema på elevsida. Dersom ein elev eller forelder ber om tiltak som vedkjem det psykososiale miljøet, deriblant tiltak mot krenkjande åtferd som mobbing, diskriminering, vald eller rasisme, skal skolen snarast mogleg behandle saka etter reglane om enkeltvedtak i forvaltningslova. Om skolen ikkje innan rimeleg tid har teke stilling til saka, vil det likevel kunne klagast etter føresegnene i forvaltningslova som om det var gjort enkeltvedtak. C) Jamfør Opplæringslova 11-, 9a-5. Fitjar vidaregåande skule vil i løpet av av første månad i opplæringsåret danna eit elevråd. Elevrådet skal blant anna arbeide for læringsmiljøet, arbeidsforholda og velferdsinteressene til elevane. Elevrådet blir valt ved skriftleg røysting, og det er ein representant pr.klasse. Elevinspektør informerer om elevråd i starten av skuleåret i alle klassar. Det vert halde eit opplæringsseminar for alle representantar når elevrådet er valt. Elevrådet har eige reglement. Elevrådet vel sjølv eige styre. Elevrådet vel og 2 representantar til eit skulemiljøutval. Dette skal invareta elevane sine interesser i saker som har med skulemiljøet å gjera. Dei deltek i planlegging og gjennomføring av helse-miljø og tryggingsarbeid. Informasjon om elevråd og skulemiljøutval vert gjeve på elevsida på Itsl. D) Dei tilsette ved skulen har teieplikt. Utan hinder av teieplikta skal personalet av eige tiltak gi opplysningar til barnevernstenesta når det er grunn til å tru at eit barn blir mishandla i heimen eller når det ligg føre andre former for alvorleg omsorgsvikt eller når barnet har vist vedvarande alvorlege åtferdsvanskar. (Sosialtenesteloven) E) Eleven har plikt til å møta presis, opptre roleg, høfleg og merksamt og delta aktivt i undervisnings og læringssituasjonen. Banning og grove uttrykk skal ikkje brukast. Eleven skal retta seg etter pålegg frå personalet ved skulen. Lærar gjev signal når eleven kan pakka saman og forlata rommet. Eting skal ikkje skje i undervisningssituasjonen dersom dette ikkje er særskilt for faget eller er avtalt med faglærar på førehand. Krus er tilgjengelege for elevane ved kaffiautomaten i gongen i nybygget. Elevar må avklara på førehand med faglærar om dei kan ha med born, vener eller andre i undervisningssituasjonen. Elevar skal ikkje sitja i vindaugekarmar eller andre plassar som gjer gongar tronge å ferdast i. F) Eleven har ansvar for skade på skulen sitt bygg, utstyr og inventar når skaden skuldast aktløyse eller er tilsikta. Alt utstyr og materiell elevar låner og nyttar er elevane ansvarlege for. Ved tap må dette erstattast av eleven. Skulen har ikkje ansvar for eleven sine personlege eigedelar. Elevar som treng garderobeskap, skal bruka eigen hengelås til sitt skap. Dette gjeld i garderobe og i klasserom. Elevane kan låne skap mot eit depositum på kr 100. (Lever pengane til kontoret). Klasserom skal ryddast og luftast etter kvar time. Det skal tørkast av tavle og pultar, og stolar skal ryddast saman med boss og anna etter kvar time. Det skal vera ordenspersonliste for kvar klasse. Kvar klasse ryddar uteområdet for boss etter oppsett liste. Tomflasker skal setjast tilbake i eigne kassar som er plassert i klasserom, gongar og kantina. Mat og servise skal ikkje takast ut av kantina, med unntak av dersom det er for lite sitjeplassar i kantina. Eleven må sjølv rydda etter seg. I kantina finn du informasjon om opningstider og prisar. G) På alle kjøken heng eigne uniforms- og ordensreglement som skal følgjast. Under praktiske leksjonar på kjøkken og helseavdeling skal eleven bruka godkjent og velstelt uniform. Ved manglande uniform skal faglærar visa eleven bort frå avdelinga for resten av leksjonen. 1

2 H) Elevar som er sjuke og eller kan medføra smittefare, må ikkje opphalda seg i undervinsinga. Lege vil bli kontakta av tilsette på skulen dersom det er akutt fare for liv og helse for eleven herunder akutt fare for eleven si fysiske og psykiske helse. Kontaktlærer, faglærar, rådgjevar, elevinspektør eller andre tilsette vil følgja eleven til lege eller ber lege koma på skulen. Hordaland Fylkeskommune har særskilte reglar utarbeidd med omsyn til medikamenthandtering i skulen. Dersom eleven vert lagt inn på sjukehus eller er dokumentert langvarig sjuk og ikkje kan koma på skulen og ikkje mottar sjukehusundervisning, har kontaktlærar ansvar for å senda oppgåver og anna til eleven. Faglærar har eit fagleg ansvar for oppgåvene og leverer desse til kontaktlærar. I) Elevan kan skriva og senda søknad til rektor innan 1.juni om fråtrekk av fråvær frå opplæringa, jamfør 7 felles ordensreglement. Dersom ein elev er borte 20 min eller meir frå ein time, vert dette fråværet rekna som ein undervisningstime. Dersom det ikkje er kome ein lærar til timen innan 15 min, skal ein representant frå klassen kontakta kontoret eller avdelingsleiar. Samtale med helsesyster, ppt, elevinspektør og rådgjevar skal ikkje førast som fråvær. Eleven får med seg stadfesting på at han/ho har vore til samtale, og denne skal leverast til faglærar. Fråvær må søkjast kompensert ved eigen innsats av eleven sjølve. J) Elevar som ikkje kan følgje den ordinære opplæringa i den praktiske delen av kroppsøvingsfaget må så snart som mogleg ta kontakt med kroppsøvingslærar. K) Frist for søknad om tilrettelegging av eksamen er 1.april. (Eige skjema/søknad på Itsl/elevsida). Lever søknaden til sosialrådgjevar. L) Eksamensreglementet vert lese av kontaktlærar/adm. før eksamen. Informasjon om eksamen heng og tilgjengeleg på oppslagstavlene og på elevside på Its learning.. M) Det er ikkje tillate å opne for kommersielle maknadsføring- og salsframstøytar retta mot elevane ved skulen. N) Eleven pliktar å retta seg etter skulen sin branninstruks. Denne er å finna i alle klasserom. Det vert brannøving minst ein gong pr. termin. O) Elevar som er under 18 år og som skal delta på ekskursjonar og/eller turar arrangert av skulen, må ha skriftleg godkjenning av foreldre/føresette. Elevar må ha skriftleg godkjenning av føresette dersom dei skal sitja på i privatbil til lærar. P) Elevar som er russ, skal samarbeida med rektor/elevinspektør og utarbeida ein avtale om russefeiringa. Q) Bruk av IKT er mest retta mot undervisning. Brukarar av IKT er lærarar og elevar ved skulen. Rektor Leif Helge Engelsen er overordna mynde for bruk av IT. Rolf Atle Rolfsnes er skulen sin IKT konsulent. Ved skulestart får alle elevar eit eige hefte om Pc og Pc-bruk som dei må lesa. Skulen har IKT knytt til arbeidsrom, undervisningsrom og bibliotek. Bruk av IKT medfører kostnader for skulen som utstyr, programvare, vedlikehald, nettleige og papir. I tillegg til norsk lov, m.a. om undervisning; åndsverk, kjøp og sal av tenester og telekommunikasjon gjeld Fitjar vidaregåande skule sine eigne reglar for bruk av IKT og IKT reglement frå opplæringsavdelinga. R) Bilete som er teke på skulen og i skulesituasjonar av personalet, kan brukast internt på skulen og i marknadsføringssamanheng. Elevar kan få gratis ID kort på kontoret. Kortet er gyldig i 3 år dersom eleven set på nytt klistremerke. Elevar har ikkje høve til å ta bilete av lærarar/ tilsette eller ta opp undervinsing på mp3-spelar eller liknande eller bruka lærarar/tilsette sitt namn i nokon samanheng på internett utan at det vert gjeve samtykke av lærar/tilsette på førehand. 2

3 Del2; FELLES ORDENS- OG ÅTFERDSREGLEMENT VED DEI VIDAREGÅANDE SKOLANE I HORDLAND FYLKESKOMMUNE Formål 1 Den vidaregåande opplæringa skal ta sikte på å utvikle dugleik, forståing og ansvar i forhold til fag, yrke og samfunn, og hjelpe elevane, lærlingane og lærekandidatane i deira personlege utvikling. Opplæringa skal fremje menneskeleg likeverd og likestilling, åndsfridom og toleranse, økologisk forståing og internasjonalt medansvar. Det skal leggjast vekt på å skape gode samarbeidsformer mellom skole og elevar, mellom skole og heim, og mellom skole og arbeidsliv. Skolen skal arbeide for å hindre at elevar kjem til skade eller blir utsette for krenkjande ord eller handlingar. Formålet med ordensreglementet er å skape eit godt klima for samarbeid, trivsel, respekt og medansvar for alle elevar og tilsette i skolesamfunnet og danne grunnlaget for vurdering i orden og åtferd. (Jf. Oppl.lova 1-1, 3-7, f ) Virkeområde 2 Reglementet gjeld for alle heiltids, deltids- og utvekslingselevar og lærlingar/lærekandidatar under opplæring ved skolen og, så langt det høver, også for vaksenopplæringa sine elevar, hospitantar og andre når opplæringa er i skolen sin regi.reglementet gjeld i timane, friminutta, på veg til og frå skolen og ved opplæringsformer og aktivitetar i skolen sin regi utanfor skolen sitt område (til dømes ekskursjonar og elevreiser). Plikter og ansvar 3 Elevane har plikt til å rette seg etter lover, reglement og instruksar som gjeld. Elevane skal møte skolen sine tilsette og medelevar med tillit og respekt. 1. Elevane er pliktig til å møte presis til opplæringa og delta i all opplæring Eleven skal snarast mogeleg ta kontakt med faglærar for å avtale korleis læringsarbeidet kan følgjast opp dersom han/ho ikkje kan følgje opp arbeid til avtalt tid. 2. Elevane skal vere aktivt med i opplæringa i den form lærarane tilrettelegg og gjennomfører opplæringa i samsvar med læreplanane. (Oppl.l. 3-4,2.ledd) Elevane pliktar å delta aktivt i opplæringa slik at læraren får grunnlag for å vurdere eleven sin kompetanse i faget. (f. 3-3, 3. ledd) Stort fråvær eller andre særlege grunnar kan føre til at grunnlaget for halvårsvurdering med karakter eller standpunktkarakter manglar. (f. 3-3, 3.ledd) 3. Alt utstyr som nyttast i læringsarbeidet må brukast på ein slik måte at undervisninga eller læringsarbeidet ikkje blir forstyrra, eller at elevar, lærarar og andre blir utsett for mobbing og sjikane. Elevane har sjølve ansvar for sine personlege eigedelar. Syner elles til Vilkår for bruk av berbar elev-pc 4. Elevane skal følgje verne- og tryggleiksreglar og bruke dei arbeidsklede og verneutstyr som det vert sett krav til og/ eller som er påbode av Arbeidstilsynet. 5. Teieplikt. Elevar som gjennom sitt arbeid, oppdrag eller verv i samband med vidaregåande opplæring blir kjend med spesielle opplysningar, har teieplikt. Dette må ikkje være til hinder for å varsle om ulovlege tilhøve.teieplikta gjeld også etter at eleven har avslutta vidaregåande opplæring. (Fvl.l. 13-c) 6. Ekskursjonar/reiser i regi av skolen. Alle som deltek på ekskursjonar og reiser i skolens regi, skal vise omsorg og respekt for dei andre deltakarane. Tidsrommet mellom avreise og heimkomsten er å sjå på som skoletid, og ordensreglementet gjeld. Eleven skal følgje instruksar frå reiseleiarar og skal ta del i det oppsette programmet for turen. Brot på ordensreglane ved ekskursjonar /reiser i regi av skolen kan føre til heimsending for eigen kostnad. Forbod 4 1. Vald, tjuveri, mobbing, rasistiske utsegn og handlingar, seksuell trakassering, sjikane pga seksuell legning, religion eller livssyn og anna krenkjande åtferd er ikkje tillate 2. Elevane skal ikkje laste ned, lagre eller spreie pornografisk, rasistisk eller anna materiale som kan verke krenkande og/eller er i strid med norsk lov. 3. Det er forbode å ha farlege gjenstandar og våpen på skolen sitt område og ved all aktivitet i skolen sin regi. 4. Å vere påverka av, bruke eller oppbevare ulovleg rusmiddel er forbode på skolen sitt område og ved all aktivitet i skolen sin regi. 5. Det er ikkje tillate å vere påverka av alkohol eller bruke alkohol, tobakk/snus på 3

4 skolen sitt område og ved all aktivitet i skolen sin regi. Brot på desse reglane vert handsama etter reglane i 12, 13 og 14 i ordensreglementet. 5 Hærverk Skolen sin eigedom, læremiddel og utstyr skal brukast med omtanke. Hærverk og skade fører til erstatningsansvar (jf Skadeserstatningslova). Døme på refsingstiltak: -Elevar kan gis høve til å utbetre skadane sjølv dersom dette er føremålstenleg. -Elevar som har gjort hærverk, kan påleggast å rydde opp etter seg/utbetre skadar som er gjort når oppryddinga er arbeid eleven har føresetnad for å klare, og arbeidet står i rimelig forhold til brotet på regelverket (rydde søppel, vaske golv, fjerne tagging o.l.) -Eleven kan også bli erstatningsansvarleg etter erstatningsrettslege reglar. (Udir ) Frammøte og fråvær 6 Rutinar 1. Alt fråvær skal registrerast i Skolearena 2. Eleven må melde frå til faglærar eller kontaktlærar dersom han/ho må forlate opplæringa i løpet av skoledagen. 3. Skolen skal ha beskjed om fråvær allereie frå første dag. 4. Ved gjentatt fråvær og/eller forseintkomingar skal skolen sikre tett oppfølging av eleven det gjeld og eventuelt ta kontakt med heimen for å få eleven til å møte slik han/ho skal. 7 Fråvær (Jamfør forskrift oppl.lov 3-47) Alt fråvær skal førast på vitnemålet og kompetansebeviset. Fråvær skal førast i dagar og enkelttimar. Enkelttimar kan ikkje konverterast til dagar. Rektor kan avgjere om fråvær for den som er deltidselev, skal førast i dagar og timar eller berre i timar. For elevar som skal ha kompetansebevis, skal fråvær førast på kompetansebeviset. Eleven kan krevje at årsaka til fråværet blir ført på eit vedlegg til vitnemålet eller kompetansebeviset, dersom han eller ho legg fram dokumentasjon på årsaka til fråværet. Dersom det er mogleg, skal eleven leggje fram dokumentasjon av fråværet frå opplæringa på førehand. For inntil samanlagt 10 skoledagar i eit opplæringsår, kan ein elev krevje at følgjande fråvær ikkje blir ført på vitnemålet eller på kompetansebeviset dersom det kan dokumenterast at fråværet skyldast: a) helse- og velferdsgrunnar b) arbeid som tillitsvald c) politisk arbeid d) hjelpearbeid e) lovpålagt oppmøte f) representasjon i arrangement på nasjonalt og internasjonalt nivå. For at fråvær som skyldast helsegrunnar etter bokstav a ikkje skal førast på vitnemålet eller på kompetansebeviset, må eleven leggje fram ei legeerklæring som dokumenterer dette. Fråvær som skyldast helsegrunnar må vare meir enn tre dagar, og det er berre fråvær frå og med fjerde dagen som kan strykast. Ved dokumentert risiko for fråvær etter bokstav a på grunn av funksjonshemming eller kronisk sjukdom, kan fråvær strykast frå og med første fråværsdag. Organisert studiearbeid og skoleadministrative gjeremål etter avtale med faglæraren eller rektor, skal ikkje reknast som fråvær. Innanfor ramma av 10 skoledagar kan elevar som er medlemmer av andre trussamfunn enn Den norske kyrkja, krevje at inntil to dagar fråvær som er knytt opp mot ei religiøs høgtid, ikkje blir ført på vitnemålet eller på kompetansebeviset. I forskrift 23. juni 2006 nr. 724 til opplæringslova blir det gjort følgende endringer: Endringene i pkt. I og II trer i kraft 4. august tredje ledd skal lyde: Eleven, lærlingen og lærekandidaten skal møte fram og delta aktivt i opplæringa slik at læraren og instruktøren får grunnlag til å vurdere eleven, lærlingen og lærekandidaten sin kompetanse i faget. Læraren og instruktøren skal leggje til rette for at han eller ho får eit tilstrekkeleg grunnlag for å vurdere kompetansen til eleven, lærlingen og lærekandidaten, slik at den retten eleven, lærlingen og lærekandidaten har etter 3-1, blir oppfylt. Stort fråvær eller andre særlege grunnar kan føre til at læraren ikkje har tilstrekkeleg grunnlag for å gi halvårsvurdering med karakter eller standpunktkarakter. 4

5 4-3 tredje ledd skal lyde: Deltakaren skal møte fram og delta aktivt i opplæringa slik at læraren får grunnlag til å vurdere deltakaren sin kompetanse i faget. Læraren skal leggje til rette for at han eller ho får eit tilstrekkeleg grunnlag for å vurdere kompetansen til deltakaren, slik at den retten deltakaren har etter 4-1, blir oppfylt. Stort fråvær eller andre særlege grunnar kan føre til at læraren ikkje har tilstrekkeleg grunnlag for å gi halvårsvurdering med karakter eller standpunktkarakter. 2. Velferdspermisjon innanfor ramma på 10 skoledagar Dokumentert tid til tannlege, lege, psykolog, fysikalsk behandling, OT/PPT, gravferd, lovpålagt oppmøte i rettssak og liknande skal ikkje førast som fråvær på dokumentasjon. Dette gjeld og dokumentert fråvær på grunn av avsluttande køyretest for sertifikat til køyring av personbil/motorsykkel. Køyretimar kjem ikkje inn under denne fråværsordninga. 3. Sjølvstendig studiearbeid Eleven kan etter tilråding frå faglærar søkje rektor om å få utføre organisert eller sjølvstendig studiearbeid, for eitt eller fleire avgrensa tidsrom. Skolen må følgje opp arbeidet til eleven slik at det vert grunnlag for vurdering av det sjølvstendige skolearbeidet, og at det vert grunnlag for karakter i faga. Tida som vert nytta til sjølvstendig studiearbeid, skal ikkje førast som fråvær. (f. 3-47, 6. ledd). Feriereiser kjem ikkje inn under omgrepet sjølvstendig studiearbeid. Varsling 9 Eleven og foreldra skal varslast skriftleg dersom det er tvil om eleven kan få halvårsvurdering med karakter eller standpunktkarakter i eitt eller fleire fag fordi det ikkje er grunnlag for fastsetjing av karakter. (f. 3-7, 1.ledd) Eleven og foreldra skal også varslast skriftleg dersom det er fare for at eleven i halvårsvurdering med karakter eller i standpunktkarakter kan få karakteren nokså god (Ng) eller lite god (Lg) i orden eller i åtferd. (f. 3-7, 2.ledd) Varselet skal givast utan ugrunna opphald. Varselet skal gi eleven høve til å sikre at det finst grunnlag for halvårsvurdering med karakter og standpunktkarakter, eller gi eleven høve til å forbetre karakteren i orden eller åtferd. (f. 3-7, 3.ledd). Etter at eleven har fylt 18 år, skal foreldra ikkje varslast. (f. 3-7, 4.ledd). Elevar over 18 år kan gi samtykke til at føresette varslast. Reaksjonsmåtar ved fusk ved eksamen 10 Eksamen i eit fag kan annullerast dersom eleven har fuska eller forsøkt å fuske ved eksamen. Dette gjeld også dersom det er sensorane som oppdagar fusk eller forsøk på fusk. Spørsmålet om annullering av eksamen i faget skal avgjerast av rektor sjølv. Eleven skal ha høve til å uttale seg munnleg før rektor fattar enkeltvedtak om annullering av eksamen. Eleven har likevel rett til å fullføre eksamen på eksamensdagen. (f. 3-37, 4.ledd) Enkeltvedtak om annullering av eksamen kan påklagast til Fylkesmannen. For elevar som får eksamen annullert på grunn av fusk eller forsøk på fusk, fell standpunktkarakteren bort. (f. 3-37,5.ledd). Dersom eksamen blir annullert på grunn av fusk eller forsøk på fusk, kan kandidaten gå opp til eksamen i faget som privatist, tidlegast eitt år etter den annullerte eksamen. (f. 3-37, 6.ledd). Skolen skal informere eleven, og dei føresette til elevar under 18 år, om klageretten. Fusk eller forsøk på fusk på eksamen vil få konsekvensar for karakteren i åtferd. Bortvising frå eksamen 11 Elevar skal ikkje hindre eller forstyrre gjennomføringa av eksamen. Dersom åtferda til ein elev er i strid med dei retningslinene som Utdanningsdirektoratet / Fylkeskommunen har for eksamen, kan eleven, etter å ha blitt åtvara, visast bort. Bortvising skal avgjerast av rektor sjølv og er eit enkeltvedtak som kan påklagast til Fylkesmannen. Eleven skal ha høve til å uttale seg munnleg for rektor før rektor eventuelt fattar enkeltvedtaket om bortvising. (f. 3-36, 1. ledd) Reaksjonar ved brot på orden- og åtferdsreglementet 12 Alle refsingstiltak skal registrerast i Skolearena. Andre tiltak enn dei typiske refsingstiltaka kan vere meir formålstenlege ved brot på ordensreglement eller andre normer for elevåtferd. Skolen skal i slike situasjonar freiste å finne årsaka til problema, om nødvendig i samarbeid med OT/PPT-tenesta. Dessutan skal skolen vurdere om ein kan endre forhold som er årsak til problema. Skolen må freiste å bruke dei ressursane og hjelpemidla skolen rår over, tiltak som til dømes rådgiving, spesialpedagogiske tiltak, skolemekling og tilbod om overflytting til ein annan klasse.berre refsingstiltak som går fram av ordensreglementet kan brukast for elevar som handlar i strid med reglementet. Fysisk refsing eller anna krenkjande behandling må ikkje nyttast. (Oppl.l. 3-7, 3.ledd). Nødrett og nødverje gir ein viss rett for personalet på skolen til å stoppe basketak og slåsting mellom elevar med fysisk makt og til å verje seg sjølv mot elevar som er trugande eller valdelege, jf. 47 og 48 i straffelova. Det kan ut frå forholda vere lovleg å bruke fysisk makt for å hindre at elevane skader seg sjølv eller andre, eller skader eigedommen til skolen eller eigedommen til andre. Skolepersonalet har dessutan ei særleg plikt til å ha omsorg for elevane på skolen. Personalet har såleis ikkje berre rett, men også plikt til å gripe inn for å hindre at elevar skader eller plagar andre eller skader seg sjølv eller skoleeigedommen. I tillegg til refsingstiltaka. 1. Avgrensa og mellombels avstenging av tilgang til spesielle aktivitetar. 5

6 2. Brot på ordensreglane ved ekskursjonar/reiser (jf 9) kan føre til heimsending for eigen kostnad. 3. Ved skade eller tilgrising på skolen sin eigedom kan fylkeskommunen krevje istandsetjing jf. 5, eller erstatning etter reglane i Skadeerstatningslova. 4. Lovbrot vil resultere i varsling og melding til Politiet. Alle typar straffbare forhold som skjer på skolens område bør meldast til politiet ved skolens rektor. Politiet må deretter på sjølvstendig grunnlag finne ut om vilkåra for strafferettslig forfølging, eventuelt ransaking og beslag er tilstede. (Udir ) Vurdering i orden- og åtferd Brot på ordensreglementet kan føre til nedsett halvårsvurdering og/eller standpunktkarakter i både orden og i åtferd. Formålet med vurdering i orden og åtferd er å bidra i sosialiseringsprosessen til eleven, skape eit godt psykososialt miljø og gi informasjon om eleven sin orden og åtferd. (f. 3-2, 4.ledd) Grunnlaget for vurdering i orden og i åtferd er knytt til i kva grad eleven opptrer i tråd med orden- og åtferdsreglementet ved skolen. (f. 3-5, 1.ledd) Grunnlaget for vurdering i orden er knytt til om eleven er førebudd til opplæringa, korleis arbeidsvanane og arbeidsinnsatsen til eleven er. Det inneber mellom anna at eleven er punktleg, følgjer opp arbeid som skal gjerast, og har med nødvendig læremiddel og utstyr. (f. 3-5, 2. ledd). Grunnlaget for vurdering i åtferd er knytt til korleis eleven oppfører seg på skoleområdet overfor medelevar, lærarar og andre tilsette og korleis elevane ter seg mot kvarandre på skolevegen. Det inneber mellom annan om eleven viser omsyn og respekt for andre. (f. 3-5, 3. ledd). I fastsetjinga av karakterane i orden og i åtferd skal det takast omsyn til føresetnadene eleven har. Til vanleg skal det ikkje leggjast avgjerande vekt på enkelthendingar; unntaket er dersom enkelthendinga er særleg klanderverdig eller grov. (f. 3-5, 5.ledd). Fråvær kan føre til nedsett karakter i anten orden eller åtferd. (f. 3-5, 5.ledd). Hovudgrunnlaget for fastsetjing av standpunktkarakterar i orden og i åtferd skal vere orden og åtferd hos eleven det siste halve skoleåret. Det er berre standpunktkarakteren i orden og i åtferd (som førast på dokumentasjonen) som reknast som enkeltvedtak og løyser ut klagerett. 13 Refsingstiltak utan klagerett 1. Munnleg eller skriftleg påtale frå ein av dei tilsette ved skolen 2. Merknader 3. Gjenstandar som blir brukt til å forstyrre undervisninga kan beslagleggjast. Beslaglagde gjenstandar kan leverast attende til eleven etter skoletid 4. Ulovlege og/eller farlege gjenstandar skal beslagleggjast, og kan overleverast til politiet. 5. Ulovleg rusmiddel vert beslaglagt og om naudsynt overlevert politiet 6. Bortvising frå den aktuelle timen/aktiviteten for resten av arbeidsøkta etter vedtak fatta av faglærar. NB! Skolen har framleis tilsynsansvar for eleven. 7. Bortvising frå resten av skoledagen etter vedtak fatta av rektor 14 Refsingstiltak med klagerett Følgjande er enkeltvedtak og skal handsamast etter Forvaltningslova: 1. Annullering av eksamen etter vedtak fatta av rektor sjølv 2. Bortvising frå eksamen etter vedtak fatta av rektor sjølv 3. Bortvising for ein heil skoledag - og inntil fem skoledagar etter vedtak fatta av rektor 4. Vedtak fatta av fylkeskommunen v/opplæringsdirektøren om pålagt skifte av skole etter sak om vald eller mobbing 5. Vedtak fatta av fylkeskommunen v/opplæringsdirektøren om bortvising for resten av skoleåret 6. Vedtak fatta av fylkeskommunen v/opplæringsdirektøren om bortvising for resten av skoleåret med tap av rett til vidaregåande opplæring 7. Når ein elev vedvarande har vist ei framferd som i alvorleg grad går ut over orden og arbeidsro på skolen, eller når ein elev alvorleg forsømmer pliktene sine, kan eleven visast bort for resten av skoleåret. I samband med eit vedtak om bortvising for resten av skoleåret kan fylkeskommunen også vedta at eleven skal miste retten til vidaregåande opplæring etter 3-1. (Oppl.l. 3-8) Sakshandsaming ved reaksjonar på brot på orden- og åtferdsreglementet der eleven har klagerett 15 Før det vert sett i verk tiltak mot elevar som bryt ordensreglementet skal eleven få høve til å forklare seg munnleg for den som skal ta avgjerda. I grunngjevinga frå rektor skal det visast til dei faktiske forholda vedtaket byggjer på og kva for reglar som vert nytta. Ved brot på ordensreglementet som kan føre til bortvising for meir enn resten av skoledagen, skal vedtaket grunngjevast i eige brev til eleven. Eleven og dei føresette har rett til opplysningar om klagerett, klagefrist og rett til å sjå eventuelle dokument i saka. (Fvl. 27,3 6

7 ledd). Vedtaket kan setjast i verk umiddelbart og har ingen betyding for klageretten. Eleven skal også få orientering om at det i spesielle høve kan søkast om utsetting av sjølve bortvisinga til handsaminga av ein eventuell klage er sluttført. (Fvl 27, 3.ledd) Klagehandsaming 16 Ein klage skal vera skriftleg og grunngjeven. I klagen må det gjerast greie for dei tilhøva det vert klaga over, og klagen skal sendast til den instansen som har fatta vedtaket innan klagefristen til vanleg 3 veker etter mottak. 17 Klagen skal sendast til den som har gjort vedtaket Klage over bortvising inntil 5 dagar skal sendast til rektor Klage over annullering og bortvising frå eksamen skal sendast rektor Klage over bortvising for resten av skoleåret, eventuelt tap av opplæringsretten, skal sendast direkte til opplæringsdirektøren. Dersom rektor opprettheld bortvisingsvedtaket og ikkje tek klaga til følgje, skal rektor sende klagen med si utgreiing og grunngjeving for dette vedtaket til opplæringsdirektøren som klageinstans. Dersom rektor opprettheld vedtaket om annullering av eksamen eller bortvising frå eksamen, skal rektor sende klagen vidare til Fylkesmannen. Eleven som har klaga på enkeltvedtaket, skal få kopiar av oversendingsbrevet og rektor eventuelt opplæringsdirektøren si utgreiing og grunngjeving når klagesaka vert sendt vidare til klageinstansen. Klageinstansar Ved vedtak om annullering av eksamen ved fusk eller forsøk på fusk som er fatta av rektor sjølv, er klageinstans Fylkesmannen.Ved vedtak om bortvising av eksamen som er fatta av rektor sjølv, er klageinstansfylkesmannen. Ved vedtak om bortvising for inntil 5 dagar som er fatta av rektor, er opplæringsdirektøren klageinstans. Ved vedtak om bortvising for resten av skoleåret som er fatta av opplæringsdirektøren i medhald av delegasjonsfullmakt, er klageinstansen den fylkeskommunale klagenemnda.ved vedtak om tap av opplæringsrett som opplæringsdirektøren har fullmakt til å fatte, er klageinstansen Fylkesmannen. Tillegg til orden- og åtferdsreglementet For spesielle forhold som ikkje er dekte av orden- og åtferdsreglementet eller andre felles reglar som alt er gjevne av departementet eller fylkeskommunen, kan rektor fastsette tilleggsreglar. Desse kan ikkje vere i staden for, eller i strid med reglementet. Dette kan gjelde: -Reglar for kantina -Internatreglement -Reglar for skolekjøkken og verkstader -Ordensteneste -Reglar for skoleavis - Eventuelle andre spesielle tilhøve 7