1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 1 NAMN OG FØREMÅL a) Ungdom mot EU skal samla ungdom og studentar til kamp mot norsk EUmedlemskap, driva folkeopplysing om EU og kjempa mot snikinnmelding i EU. b) Ungdom mot EU er ein landsomfemnande, tverrpolitisk og antirasistisk organisasjon. Det politiske grunnlaget er slege fast i Politisk Plattform. c) Ungdom mot EU er ungdomsorganisasjonen til Nei til EU og skal samarbeida med Nei til EU om å oppfylla organisasjonsføremålet. 2 MEDLEMSKAP a) Ungdom og studentar som er t.o.m. 30 år, stør føremålet og godtek lovene og plattforma, kan vera medlemar av Ungdom mot EU. Tillitsvalde i Ungdom mot EU som fyller 30 år i den perioda dei har tillitsverv, kan vera medlem av organisasjonen til perioden deira er omme. b) Medlemane er knytt til Ungdom mot EU gjennom lag. Om det ikkje finst eit lag er ein knytt direkte til sentralt. Skal ein reknast for medlem, må ein betala medlemspengane. c) Personar som driv med rasistisk eller nazistisk aktivitet eller argumentasjon, kan ikkje vera medlemar, støttemedlemar eller på anna måte vera tilknytt Ungdom mot EU. d) Medlemar av Ungdom mot EU representerar i Ungdom mot EU-samanheng ikkje dei andre organisasjonane dei er eller har vore aktive i. e) Sympatisørar over 30 år blir gjevne høve til å vera støttemedlemar. Støttemedlemar har ikkje røysterett i Ungdom mot EU sine organ, og kan ikkje ha tillitsverv. 3 LANDSMØTE a) Landsmøtet er det høgste organet i Ungdom mot EU. Det skal haldast kvart år. b) Landsstyret kallar inn til landsmøtet. Innkallinga skal vera laga i hende seinast 8 veker før landsmøtet. Landsmøtet skal òg kunngjerast i medlemsbladet. c) I innkallinga skal det opplysast om når og kvar landsmøtet skal haldast, dei fristane som gjeld og kva hovudsaker som skal takast opp. Landsstyret dreg opp retningslinene for dei sakspapira sentralstyret sender ut. Sakspapira og årsmeldinga frå sentralstyret skal sendast ut seinast fire veker før landsmøtet til laga. Sakspapira og årsmeldinga skal vera utsendingane i hende seinast 2 veker før landsmøtet. d) Framlegg som lag eller medlemar vil ha opp som eiga sak på landsmøtet, må vera sende inn til landsstyret seinast 6 veker før landsmøtet. Framlegg som kjem inn for seint, må ha 2/3 fleirtal for å kunna takast opp. 1
52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 e) Landsmøtet skal handsama: 1. Årsmelding 2. Revidert rekneskap 3. Sats for medlemspengar for neste år 4. Arbeidsplan 5. Politisk plattform annakvart år 6. Budsjett 7. Lover annakvart år 8. Andre saker som det er gjort framlegg om 9. Val av: - Leiar - Nestleiar - Generalsekretær - Sentralstyre med 4-6 medlemar utanom leiar, nestleiar og generalsekretær - Landsstyre med 14-16 medlemar - Inntil 6 vara til landsstyret - Valnemnd med 2 vara for neste landsmøte - Representantar og vararepresentantar til Nei til EU sitt råd - Revisor - Kontrollkomité med tre medlemar f) Til kvart landsmøte skal det velgjast møteleiing, fullmaktsnemnd og to protokollunderskrivarar. g) Landsmøtet handsamar Politisk plattform og Lover annakvart år, slik at berre eitt av desse dokumenta vert handsama på kvart landsmøte; Politisk plattform i oddetalsår og Lover i partalsår. Om det er ynskje for det, kan 2/3 av delegatane på landsmøtet aktivt stemme for å handsama det dokumentet som ikkje er varsla som sak til landsmøtet. h) Det skal kallast inn til eit omframt (ekstraordinært) landsmøte dersom 2/3 av landsstyret eller lag som representerer 1/3 av medlemane krev det. I innkallinga skal det opplysast om dei sakene som skal takast opp. Val og fristar gjeld som ved vanlege landsmøte. Omframme landsmøte handsamar berre dei sakene som er nemnde i innkallinga. 4 UTSENDINGSRETT OG RETTAR PÅ LANDSMØTET a) Utsendingane til landsmøtet skal fordelast mellom laga. Medlemstalet for året før landsmøtet skal leggjast til grunn. Landsstyret vedtek ein nykjel som gjev laga utsendingar etter kor mange medlemar dei har. Landsstyret kan òg innføra eit maksimumstal og minimumstal på utsendingar frå kvart fylke. Landsstyret gjer vedtak om denne nykjelen seinast 3 månader før landsmøtet. Utsendingane møter med tale-, framleggs- og røysterett. Alle laga i fylket blir samde seg i mellom om fordelinga av fylket sine utsendingar. Ved usemje avgjer Sentralstyret fordelinga etter nøye høyring av alle involverte partar. 2
103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 b) Årsmøtet eller eit valmøte i laga vel utsendingar til landsmøtet. Der det ikkje er lag eller laga ikkje finn nok utsendingar, kan landsstyrerepresentantar frå fylket vere utsending til landsmøtet. I tillegg har sentralstyret høve til å godkjenne utsendingar som ikkje er valt frå lag, der dette ikkje finst. c) Utsendingane må ha betala kontingent for inneverande år for å ha rettar på landsmøtet. d) Leiaren av Ungdom mot EU møter alltid med tale-, framleggs- og røysterett på landsmøtet. Medlemane i sentralstyret og landsstyret møter med tale- og framleggsrett om dei ikkje er valt som utsending på annan måte. Landsmøtet kan òg gje talerett til gjestar, sekretariatet, medlemar av landsmøteførebuande nemnder og kandidatar til dei verva som står på val. e) Landsmøtet er i utgangspunktet ope for alle, men kan med simpelt fleirtal lukkast for andre enn utsendingane, sentralstyret, landsstyret og andre landsmøtet eksplisitt vil ha der. 5 VALNEMND a) Valnemnda vert valt av Landsmøtet kvart år. Ho har til oppgåve å finna kandidatar til dei verva som står på val til Landsmøtet, med unnatak av den påtroppande valnemnda. b) Nemnda skal ta omsyn til kjønnsfordeling, geografisk spreiing og politisk breidd i samansetjinga av organa i Ungdom mot EU. c) Valnemnda skal ha 5 medlemar og 2 vara. Fleirtalet i valnemnda kan ikkje ta attval til valnemnda. Medlemar i nemnda kan ikkje sitje i sentralstyret eller stille til val i sentralstyret. Det skal ikkje vera fleirtal av medlemar frå landsstyret i nemnda. 6 LANDSSTYRET a) Landsstyret er det øvste organet i Ungdom mot EU mellom landsmøta. Landsstyret samordnar arbeidet i organisasjonen i landsmøteperioda, og ut frå vedtaka på landsmøtet dreg det opp hovudlinene for arbeidet til sentralstyret. b) Landsstyret vert valt av landsmøtet og står ansvarleg overfor landsmøtet. I landsstyret sit leiar, nestleiar, generalsekretær og 14-16 andre medlemar som er valte på landsmøtet. Dei andre sentralstyremedlemane møter med tale og framleggsrett. Vara til landsstyret møter med tale- og framleggsrett, og blir gjevne røysterett når nokon av dei faste medlemane ikkje er til stades. Sekreteriatet har møterett i landsstyret og kan bli gjevne talerett i saker som vedgår dei. Landsstyret har følgjande oppgåver: - Fatta politiske og organisatoriske vedtak - Ha overoppsyn med økonomien - Representera organisasjonen - Oppretta sentrale stillingar, trekkje opp hovudinnhaldet - Innstilla til valkomité for neste landsmøte 3
154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 c) Landsstyret skal ha minst 4 møter i landsmøteperioda. Landsstyret kan òg kallast saman når leiaren eller 1/3 av landsstyremedlemane krev det. d) Innkallinga, saklista og sakspapira skal vera landsstyremedlemane i hende seinast 2 veker før landsstyremøtet. e) Landsstyret er vedtaksført når minst halvparten av talet røysteføre er til stades. 7 SENTRALSTYRET a) Sentralstyret er det høgaste organet i Ungdom mot EU mellom landsstyremøta. I sentralstyret sit leiar, nestleiar, generalsekretær og 4-6 sentralstyremedlemar. Sentralstyret står ansvarleg overfor landsstyret. b) Sentralstyret har ansvar for den daglege leiinga av organisasjonen og skal setja politikken til Ungdom mot EU ut i livet i samsvar med vedtaka frå landsmøtet og landsstyret. Sentralstyret kan fatta vedtak i sakar som hastar. Vidare har sentralstyret følgjande oppgåver: - Førebu og kalla inn til landsstyremøte - Koma med innstillingar ovenfor Landsstyret. - Ha tilsyn med at budsjettet blir fylgt. - Fylja opp vedtak frå landsstyret - Hjelpa laga i deira arbeid og syta for best mogeleg samordning av verksemda. - Ha arbeidsgjevaransvaret for sekretariatet - SST er etter loddtrekning vara til Nei til EU sitt råd om UmEU sine faste representantar og ordinære varaar skulle melde forfall. - SST er etter loddtrekning vara til LS dersom leiar, nestleiar eller generalsekretær skulle melde forfall. c) Sentralstyret er vedtaksført når minst halvparten av sentralstyremedlemane er til stades. d) Dersom eit sentralstyremedlem trekk seg før perioden er omme, kan sentralstyret supplerast. Gjeldande valkomité innstiller på ein kandidat som velgjast på førstkommande landsstyremøte. e) Dersom leiar trekk seg før perioden er over, rykker nestleiar opp som leiar f) Dersom generalsekretær trekk seg før perioden er over, kan landsstyret og sentralstyret i samarbeid tilsetja ein fungerande generalsekretær fram til neste landsmøte. 8 SEKRETARIATET Sentralstyret tilset folk til dei stillingane landsstyret har vedteke å oppretta. Stutte vikariat kan tilsetjast når sentralstyret finn det høveleg. 4
205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 Sentralstyret har arbeidsgjevaransvaret, medan generalsekretæren er den daglege overordna i sekretariatet, i samsvar med arbeidsmiljølova og avtaleverk. 9 KONTROLLKOMITEEN Kontrollkomiteen har tre medlemar og er kontrollorganet til landsmøtet. Komiteen skal føra kontroll med dei styrande organa og den daglege leiinga i organisasjonen, og skal avlegge rapport til landsmøtet. Komiteen skal følgje drifta av organisasjonen, og sjå at styret og den daglege leiinga verkar i samsvar med lovene og gjeldande vedtak gjort av landsmøtet, landsstyret og sentralstyret. Kontrollkomiteen skal samarbeide med revisor og få innsyn i revisjonsprotokollen og andre dokument i samband med økonomistyringa i organisasjonen. Halvvegs i året skal komiteen ha eit møte med sentralstyret, der status for økonomistyring og oppfølging av landsmøte- og landsstyrevedtak vert handsama. Komiteen har elles rett til å sjå alle dokument som trengs for å gjera jobben som kontrollkomité, og skal få alle referat frå landsstyre- og sentralstyremøte tilsende. Arbeidet i komiteen skal resultera i ein skriftleg rapport som leggast fram for landsmøtet. 10 FYLKESLAGA/KRINSLAGA a) Fylkeslaga/Krinslaga er samanslutningar av lokallag og/eller studentlag. Fylkeslaga kan skipa regionale krinslag av Ungdom mot EU der det høver. For å få status som fylkeslag, må ein ha avhalde årsmøte. b) Det skal haldast årsmøte i fylkeslaga/krinslaga minst kvart anna år. Det skal sendast ut innkalling til lokallaga seinast 3 veker før årsmøtet. For å ha rettar på årsmøtet må ein ha betala medlemspengar for inneverande år. c) Framlegg som lokallaga eller medlemar vil ha opp som eiga sak på årsmøtet i fylkeslaget/krinslaget, må vera sende inn til fylkesstyret/krinsstyret innan den fristen som styret har sett, og som det vert opplyst om i innkallinga. d) Årsmøtet i fylkeslaga/krinslaga skal handsama: 1. Årsmelding og rekneskap 2. Arbeidsplan og budsjett 3. Lover 4. Andre saker som det er gjort framlegg om 5. Val av: - Leiar og økonomiansvarleg - Styre - Valnemnd for neste årsmøtet - Revisor 5
255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 I alle sakene så nær som valet kjem fylkesstyret/krinsstyret med innstilling overfor fylkesårsmøtet/krinsårsmøtet. e) Styret i fylkeslaget/krinslaget vert valt for eitt år av gongen. Styret skal sameina arbeidet i lokallaga i fylket/krinsen, og er ansvarleg for økonomien til laget. Styret kan ta avgjerder når minst halvparten av styremedlemane er tilstades. f) Omframt årsmøte i fylkeslaget/krinslaget kan kallast inn når styret eller minst halvparten av lokallaga krev det. Fristar gjeld som ved vanleg årsmøte. Eit omframt årsmøte kan berre handsama saker som er nemnde i innkallinga, og ikkje vedta oppløysing av laget. g) Fylkeslaget/krinslaget kan utforma eigne lover. Desse lovene må ikkje stri mot prinsippa i lovene til Ungdom mot EU. 11 LAGA a) Medlemane i Ungdom mot EU kan vera tilslutta organisasjonen gjennom lag. Eit lag må ha styre, lover og budsjett. For å få status som lag, må ein ha avhalde årsmøte. b) Laga kan utforma sine eigne lover. Desse lovene må ikkje stri mot prinsippa i lovene til Ungdom mot EU. Om laga ikkje har vedteke eigne lover, gjeld sentralt sine lover. c) Laga skal godkjennast av sentralstyret. Avgjersla kan av det søkande lag eller eit mindretal i sentralstyret klagast inn til landsstyret. I så fall er laget ikkje godkjend som lag før landsstyret har handsama klaga. d) Årsmøtet er det øvste organet i laget. Det skal haldast årsmøte kvart år. Innkallinga til årsmøtet skal sendast ut seinast 3 veker før møtet. På årsmøtet har alle medlemane som har betala medlemspengar for det året ein då er inne i, røysterett. e) Framlegg som medlemane vil ha opp som ei eiga sak på årsmøtet, må vera sende inn til styret innan den fristen som styret har sett og som det vert opplyst om i innkallinga. f) Årsmøtet skal handsama: 1. Årsmelding og rekneskap 2. Arbeidsplan og budsjett 3. Lover 4. Andre saker som det er gjort framlegg om 5. Val av: - Leiar - Kassastyrar - Andre styremedlemar - Revisor g) Omframt årsmøte skal haldast dersom styret eller halvparten av medlemane krev det. Fristar gjeld då som ved vanleg årsmøte. Omframt årsmøte kan berre handsama dei sakene som er nemnde i innkallinga, og kan ikkje vedta oppløysing av laget. 6
306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 h) Styret i laget, med leiar, kassastyrar og andre styremedlemar, vert valt for eit år av gongen. Styret samordnar arbeidet i laget og er ansvarleg for økonomien til laget. Styret kan ta avgjerder når minst halvparten av styremedlemane er til stades. i) Oppløysing av laget kan vedtakast av eit samrøystes årsmøte som er lovleg kalla inn. Vidare kan lag som ikkje har vald styre på to år reknast som oppløyst, etter avgjerd frå Sentralstyret. Avgjersla kan av einskildmedlemmar eller mindretal i Sentralstyret klagast inn for Landsstyret. Laget blir då ikkje oppløyst før Landsstyret har handsama klaga. Når lag er oppløyst, går eiga til Ungdom mot EU. 12 RØYSTEREGLAR a) Når røystetala står likt på landsmøtet, skal det haldast ny røysting. Dersom røystetala står likt for andre gong når berre eitt framlegg er fremda, skal framlegget reknast for vraka. Står røystetala likt for andre gong når to framlegg er sette opp mot kvarandre, skal saka avgjerast ved loddtrekking. b) Når røystetala står likt i landsstyret og sentralstyret, skal det haldast ny røysting. Om røystetala står likt ved den andre røystinga, avgjer røysta til leiaren. 13 KJØNNSKVOTERING Båe kjønna skal vera representerte med minst 40 % i alle organ i Ungdom mot EU. Dersom det er praktisk umogeleg, kan det gjerast unnatak frå denne regelen. 14 INHABILITET Ein er å rekne som inhabil i ein styresamanheng i Ungdom mot EU dersom ein har økonomiske og/eller familiære interesser i saka, herunder å bidra til same hushaldning. Dette gjeld både i tilsetjings- og innkjøpssaker. 15 RUSMIDDEL Det er forbod mot alle former for alkohol og/eller narkotika på møte og arrangement som Ungdom mot EU eller laga av Ungdom mot EU står bak. Dette gjeld gjennom heile arrangementet. Personar som er påverka av alkohol og/eller narkotika, skal visast vekk frå møte og arrangement i Ungdom mot EU. Studentar mot EU kan ha arrangement på stader der det vert servert alkohol, men kan ikkje sjølve stå for slikt sal. Medlemar av Ungdom mot EU eller Studentar mot EU som formelt representerar laget ved denne type arrangement skal ikkje sjølve konsumera alkohol. 16 DISIPLINÆRTILTAK 7
355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 Ved grov utruskap eller alvorlege brot på lovene til Ungdom mot EU, kan organisasjonen setja i verk disiplinærtiltak mot medlemar og tillitsvalde. Tiltaka kan vera: a) Attendekalling av tillitsvalde. Landsstyret eller forsamlingar som vel tillitsvalde i Ungdom mot EU, kan kalla dei attende. b) Suspensjon. Styre på alle nivå kan suspendera medlemar eller tillitsvalde som er mistenkte for grov utruskap. Suspensjonar på lågare nivå skal godkjennast av landsstyret. Suspensjonar kan ikkje gjelda for meir enn eitt år. Innan eitt år skal suspensjonen anten dragast attende, eller føra til eksklusjon. c) Eksklusjon. Eksklusjon av medlemer skal gjerast med 2/3 fleirtal i landsstyret og må godkjennast av landsmøtet med 2/3 fleirtal. Den eller dei som får retta krav om disiplinærtiltak mot seg, har tale- og framleggsrett i alle organ som handsamar saka. Det skal innhentast innstilling frå det eventuelle laget til vedkomande før saka vert avgjord. 17 LOVENE a) Lovene vert vedtekne på landsmøtet. Landsmøtet kan med 2/3 fleirtal vedta å gjera endringar i desse lovene. Ei lovendring tek til å gjelda når landsmøtet er slutt om ikkje anna vert vedteke med 2/3 fleirtal. b) Framlegg til lovendringar må vera landsstyret i hende seinast 6 veker før landsmøtet. c) Landsstyret tolkar lovene i landsmøteperioden. Lovtolkingar kan klagast inn for landsmøtet. 18 OPPLØYSING Oppløysing av Ungdom mot EU kan berre gjerast ved 2/3 fleirtal på eit lovleg innkalla landsmøte. Landsmøtet gjer vedtak om korleis eiga til organisasjonen skal nyttast. 8