ØRSTA KOMMUNE SAKSFRAMLEGG Sakshandsamar: Arnstein Nupen Arkivsak: 2014/2443 Løpenr.: 3044/2015 Utvalsaksnr. Utval Møtedato Ørsta formannskap Saka gjeld: GALLERI BJØRK - SØKNAD OM VARIG SKJENKELØYVE FOR LUKKA SELSKAP TILRÅDING TIL VEDTAK: Ørsta formannskap har vurdert søknaden om alminneleg skjenkeløyve frå Galleri Bjørk Marita Bett Jensen (org.nr. 993 842 303) motteke 27.11.2014 og fråsegnene som er mottekne i saka. Formannskapet gjev varig løyve for skjenking i lukka selskap i røykstova og i kunstgalleriet i Bakketunet. Det vert vidare gitt løyve for skjenking utandørs for lukka selskap ved kunstnarbustaden og på uteplassen. Områda er avmerka på vedlagde kartutsnitt. Løyvet gjeld alkohol i varegruppe 1, 2 og 3. Skjenkeløyvet for alkohol inn til 22 vol. % innandørs gjeld mellom kl. 11.00 og 01.00, men med løyve til skjenking til 02.00 natt til laurdag og søndag. Det vert gjeve løyve til å utvide skjenkinga til kl. 02.00 i romjula, med unnatak for natt til 1. juledag og natt til 2. juledag. Generell utviding til kl. 02.00 gjeld også for påskeveka, så nær som natt til langfredag og natt til 2. påskedag. Skjenkeløyvet for brennevin, varegruppe 3, innandørs gjeld mellom kl 13.00 og kl 24.00 alle dagar. På uteareala gjeld løyvet for alkohol inn til 22 vol % mellom kl. 11.00 og 01.00, men med løyve til skjenking til 02.00 natt til laurdag og søndag. Skjenkeløyve for brennevin, varegruppe 3, gjeld mellom 13.00 24.00. Konsum av alkohol på dei omtalte areala skal vere slutt seinast 30 minutt etter at skjenketida er ute. Løyve gjeld for perioden 15. mars 2015 30. juni 2016. Marita Bett Aarke vert godkjent som styrar for skjenkeløyvet, og Torbjørn Hoel Saure vert
godkjent som vara for skjenkestyrar. Det vert sett som vilkår at styrar må ha avlagt godkjent kunnskapsprøve innan 15. mars 2015. Ørsta formannskap minner om at forskrift om omsetning av alkohol pålegg alle sals- og skjenkestadar å utarbeide eit internkontrollsystem, med sikte på systematisk opplæring av tilsette og oppfølging av lovverk og vilkår for løyve. Vedtaket er heimla i alkohollova 1-6 1-7c, 1-10, og 4-1 4-4, rusmiddelpolitisk plan kapittel 7 og delegeringsreglement for Ørsta kommune.
Saksvedlegg: Søknad om varig løyve for lukka selskap. Uttale frå skattestyresmaktene Uttale frå lensmannen i Volda/Ørsta Uttale frå levekårsutvalet Uprenta saksvedlegg: Samandrag av saka: Saksopplysningar: Firmaet Galleri Bjørk Marita Bett Jensen har søkt om å få varig skjenkeløyve for lukka grupper i Bakketunet på Bjørke. Søknaden er for alkoholhaldig drikk i gruppe 1, 2 og 3. Konseptet for drifta er å gi grupper eit heilskapleg tilbod med kunst, kulturhistorie og matkultur som innhald. Ein del av tanken bak er å gi tilbod om å bestille drikkepakkar saman med menyen. Det vert opplyst at det spesielt vil bli lagt vekt på ølbryggingstradisjonar. Det vert søkt om skjenkeløyve både for innandørs servering og for uteservering. Innandørs vert det søkt om servering i den freda røykstova i gardstunet og i det som tidlegare var kufjøset, men som no er kunstgalleri. Det vert opplyst at areal innendørs er ca. 50 m² med plass til 75 gjestar. Det vert vidare søkt om utendørs skjenking. Dette er ved kunstnarbustaden og på uteplassen. Områda er avmerka på vedlagde kartutsnitt. Arealet her er oppgitt å vere ca. 150 m²med ca. 400 gjesteplassar. Det vert søkt om maksimaltidene for skjenking, både for inne- og uteservering. Etter gjeldande rusmiddelpolitisk handlingsplan er normal skjenketid innendørs for varegruppe 1 og 2 (opp til 22 vol% alkohol) mellom kl. 11 og 01.00 søndag til torsdag og mellom kl. 11.00 og kl. 02.00 fredag og laurdag. For varegruppe 3 (alkohol opp til 60 vol%) er normal skjenketid innendørs mellom kl. 11.00 og 24.00 alle dagar. For servering utendørs er skjenketida avgrensa til kl. 24.00 alle dagar. Det er høve til å utvide det til same tid som for utendørs skjenking utanfor tettstadsområdet og på stader der naboar ikkje vert sjenert. Ansvarleg for skjenkeløyvet er oppgitt å vere Marita Bett Aakre og stedfortredar er oppgitt å vere Torbjørn Saure Hoel. Ansvarleg for skjenkeløyvet vil avlegge kunnskapsprøve for alkoholomsetning i første del av mars. Stedfortreder har avlagt kunnskapsprøve for alkoholomsetning.
Saka har vore sendt på høyring med skatteoppkrevaren i Ørsta, Skatt Midt-Norge, lensmannen i Ørsta og levekårsutvalet i Ørsta. Skatteoppkrevaren i Ørsta har ingen merknader til søknaden. Det har heller ikkje levekårsutvalet. Dei andre har så langt ikkje uttalt seg. Vurdering og konklusjon: I følgje rusmiddelpolitisk plan, kapittel 7.4.2. og delegeringsreglementet for Ørsta kommune er det formannskapet som har kompetanse til å handsame søknader om alminneleg skjenkeløyve på grunnlag av reglane i alkohollova og dei rammene som er sett i rusmiddelpolitisk plan. Bakketunet på Bjørke har vore i drift i nokre år. Konseptet har vore å gi eit tilbod med kunst, opplevingar og kultur for besøkande. Staden har ope til bestemte tider. Rådmannen kan difor ikkje sjå at det vil gje nemnande ruspolitiske konsekvensar at det vert gjeve vanleg skjenkeløyve for slutta lag (grupper). Levekårsutvalet hadde ingen merknader til at det vert gitt løyve. Skatteoppkrevaren i Ørsta si fråsegn inneheld ikkje noko som tilseier at dei ansvarlege juridiske personane som er knytt til verksemda per i dag ikkje oppfyller krava til vandel. Som det går fram av saksopplysningane, har søkjar dokumentert at vara for skjenkestyrar styrar har klart kunnskapsprøva om alkohollova. Styrar vil ta slik prøve og resultatet vil liggje føre før handsaminga i formannskapet. Dei formelle kunnskapskrava etter alkoholloven for desse vil såleis bli oppfylt. Jamfør 1-7 c. Galleri Bjørk Marita Bett Jensen har søkt om alminneleg løyve for alkohol inn til 60 vol. % etter dei maksimaltider som gjeld i Ørsta kommune. Rusmiddelpolitisk plan fastset normal skjenketid for alkohol inn til 22 vol % til mellom kl 11.00 og kl 01.00 søndag torsdag og mellom kl 08.00 og kl 02.00 fredag og laurdag. Det er også høve til å gje generelt utvida skjenketid for øl og vin i romjula og i påskeveka, med unnatak for kveldar mellom to heilagdagar. Det er høve til å utvide skjenketida i samband med særskilde, einskilde høve. Rusmiddelpolitisk plan fastset normal skjenketid for alkohol inn til 60 vol.% til mellom kl 13.00 og kl 24.00. Det er høve til å ha lenger skjenketid på ein stad som Bjørke. Det vert likevel ikkje tilrådd å gjere det ut frå at ein bør avgrense dette så langt råd her. Dette bygg i hovudsak ut frå kva konsept ein vil drive etter her, med vekt på opplevelsespakkar. Normaltida kan utvidast i samband med einskilde høve, etter søknad. Konsum av alkohol for dei omtalte areala skal vere slutt seinast 30 minutt etter at skjenketida er ute. Løyvet bør gjerast gjeldande fram til 30. juni 2016, då formannskapet skal handsame alle løyve i høve ny rusmiddelpolitisk plan for perioden 2016-2020. Løyvet bør gjevast med atterhald om at det er avlagt kunnskapsprøve for og styrar. Heimelsgrunnlaget er å finne i alkohollova 1-6 1-7c, 1-10, og 4-1 4-4, rusmiddelpolitisk plan og delegeringsreglement for Ørsta kommune.
Ut frå gjeldande plan skal alle skjenkestader ha eit internkontrollsystem, med sikte på systematisk opplæring av tilsette og oppfølging av lovverk og vilkår for løyve. Slikt system skal ligge føre innan ein månad etter at løyvet er tildelt. Vidare er det eit vilkår at den ansvarlege for skjenkestaden skal avlegge eit kurs i ansvarleg vertskap dersom kommunen tilbyr slikt kurs. Skulle det vere arrangement med behov for ordensvakter må desse vere godkjende. Ørsta, 04.03.2015 Wenche Solheim rådmann Arnstein Nupen Konst. stabsleiar plan- og utvikling