SAMNANGER KOMMUNE 1 av 10 MØTEPROTOKOLL Utval: Naturutvalet Møtedato: 17.06.2014 Møtetid: 15:00-17:50 Møtestad: Kommunehuset Av 7 medlemmer møtte 5, inkludert varamedlemmer. Desse medlemene møtte ikkje: Heidi Gjerde (Ap) Bodil H Øpstebø (Krf) Jon Magne Bogevik (Frp) I staden møtte: Gunnveig Loe Andre som var til stades på møtet: Ordførar, einingsleiar for teknisk, planleggjar og rådmann. Konsulent Nåmdal i sak 42/14 Møteleiar: Møtesekretær: Øyvind Strømmen Tone Ramsli Merknader: Dokument utlevert i møtet Notat knytt til vassforsyninga i Rolvsvåg sak 40/14 Orienteringar/meldingar: Notat knytt til forureining
2 av 10 Underskrift frå utvalsleiar og møtesekretær: Tysse, 26.06.2014 Underskrift utvalsleiar Underskrift møtesekretær
3 av 10 Desse sakene vart handsama: SAKLISTE Saker til handsaming på møtet Sak nr. Arkivsak Sakstittel Merknad 037/14 14/471 Faste saker 038/14 14/327 Søknad om frådeling av fallrettar i Samnanger kommune 039/14 14/305 Jarlshaug kraftverk - Uttale til Småkraftpakke Samnanger, Fusa, Kvam 040/14 14/305 Sandelva kraftverk - Uttale til Småkraftpakke Samnanger, Fusa, Kvam 041/14 14/305 Dukebotn kraftverk - Småkraftpakke - Samnanger, Fusa, Kvam 042/14 09/160 Kommunedelplan for småkraftverk
4 av 10 SAKNR. 037/14 FASTE SAKER Møteinnkallinga og saklista vert godkjent Delegerte vedtak/referatsaker vert tekne til orientering Rådmannen sitt framlegg til vedtak vart samrøystes vedteke. NAT-037/14 VEDTAK: Møteinnkallinga og saklista vert godkjent Delegerte vedtak/referatsaker vert tekne til orientering SAKNR. 038/14 SØKNAD OM FRÅDELING AV FALLRETTAR I SAMNANGER KOMMUNE Samnanger kommune gjev BKK løyve til å overta fallrettane i Kvernelva frå kote 200 og ned til Kvernelvas utløp i Storelva. Fallrettane gjeld gbnr. 30/1, 30/4, 30/6, 30/16, 29/2, 29/8 og 29/13. Vedtaket har heimel i Jordlova 12 21.05.2014 NATURUTVALET Leiaren sette fram framlegg om at saka vert utsett sidan det var ein del uklare pkt. Saka vart utsett mot 1 røyst (Monica Tjønna (Sp)). NAT-034/14 VEDTAK: Saka vert utsett. MØTE I NATURUTVALET 17.06.2014 Rådmannen har vore i samtale med ein av grunneigarane og vil i møtet informera om hans syn på avtalen og kva som gjorde at dei valde å inngå avtale med BKK.
5 av 10 Rådmannen orienterte om samtale med ein av grunneigarane. Framlegg til vedtak vart samrøystes vedteke. NAT-038/14 VEDTAK: Samnanger kommune gjev BKK løyve til å overta fallrettane i Kvernelva frå kote 200 og ned til Kvernelvas utløp i Storelva. Fallrettane gjeld gbnr. 30/1, 30/4, 30/6, 30/16, 29/2, 29/8 og 29/13. SAKNR. 039/14 JARLSHAUG KRAFTVERK - UTTALE TIL SMÅKRAFTPAKKE SAMNANGER, FUSA, KVAM Samnanger kommune har ikkje merknader til søknaden om utbygging av Jarlshaug kraftverk. Monica Tjønna (Sp) sette fram slikt framlegg til vedtak: Samnanger kommune stiller seg positiv til det omsøkte småkraftprosjektet. Det vart røysta alternativ over framlegget frå rådmannen og framlegget frå Tjønna. Utvalet røysta samrøystes for framlegget frå Tjønna. NAT-039/14 VEDTAK: Samnanger kommune stiller seg positiv til det omsøkte småkraftprosjektet. SAKNR. 040/14 SANDELVA KRAFTVERK - UTTALE TIL SMÅKRAFTPAKKE SAMNANGER, FUSA, KVAM Tilråding i saka vert lagt fram i møtet. I møtet vart det levert ut eit notat som viste til konsekvensar for vassforsyninga. Rådmannen ga ikkje tilråding i saka men peika på at konsekvensane for vassforsyninga burde kommenterast i kommunen sin uttale.. Øyvind Strømmen (Bl) sette fram slikt framlegg: Samnanger kommune stiller seg kritisk til det omsøkte Sandelva kraftverk. Kommunen understrekar følgjande moment: - Rolvsvåg vassverk har i dag Sandelva som vasskjelde. Retten til uttak av drikkevatn skal oppretthaldast for framtida, og må prioriterast framfor andre eventuelle uttak frå elva.
6 av 10 Kommunen si planlagde utbygging av industriområde i tillegg til eksisterande forbrukarar av drikkevatn vil vera avhengig av sikker vassforsyning. - I konsesjonssøknaden heiter det at eksisterande vassverk skal fasast ut i løpet av 2014. Dette er feil. Årsak til flytting av inntak er regulering av industriområde, og at inntak må flyttast oppstraums frå dette. - Kvaliteten på vatnet er i konsesjonssøknaden skildra som dårleg. Dette er ikkje riktig. - Verknadene av tiltaket for grunnvatn er særs dårleg handsama, og vert skildra som uvesentlege. I pkt 3.3. i konsesjonssøknaden er det omtalt tre fjellbrønnar, men den store grunnvassførekomsten i lausmassar langs Sandelva sin nedre del er ikkje nemnt. Heller ikkje dei store grunvasskjeldene sør for Sandelva er kommentert. Asplan Viak har på oppdrag frå kommunen kartlagt ein betydeleg grunnvassførekomst i lausmassar, og det er etablert to rørbrunnar for ny vasskjelde til Rolvsvåg vassverk. - Ein reduksjon av vassføringa ned mot 10 l/s vil få store konsekvensar for grunnvassførekomsten og dei etablerte lausmassebrunnane. Redusert vassføring vil gje redusert nydanning av grunnvatn og vil redusert brunnkapasitet. - Ei eventuell utbygging vil gje vesentleg fåre for ureining i Sandelva, noko som også kan gje dårlegare grunnvasskvalitet. - Vassverket har også eit elveinntak som vil vera sårbart ved utbygging, særleg når det gjeld vasskvalitet. - Utbygginga vil gje eit tap av INON-sone 2 på 0,68 km2. - Turstien som går langs elva er ein gamal by- og driftsveg frå Våga. Den er i dag merka som tursti med internasjonal merking. I kommunen sin kommunedelplan for kulturminne (2012-2020) heiter det: "Den gamle vegen har gjennom mange hundre år vore viktig for samningane, og såleis er han i dag eit viktig kulturminne". Om det likevel skulle verta gjeve konsesjon til Sandelva kraftverk må følgjande tiltak gjerast: 1. Den naturlege grunnvasstanden i brunnområde må oppretthaldast, ved m.a. å auka minstevassføring og at det vert bygd. tersklar i elveløpet forbi brunnane. Dette opprettheld ein høg elvevasstand og dermed ei viss mengd infiltrasjon til grunnvassmagasinet. Vassnivået i kulpen oppstraums må oppretthaldast. 2. Tiltak for å hindra ureining ved utbygging; a. restriksjonar på behandling av drivstoff, olje osv. b. tiltak for å redusera slaminnhald i elva. Samnanger kommune føreset at tiltak som skildra her vert planlagt i samråd med vassverkeigar, og at det er utarbeida ei endeleg avtale om tiltak før iverksetjing. Anja Marken (Bl) sette fram framlegg om fylgjande tillegg til Strømmen sitt framlegg: Dersom prosjektet får konsesjon, må det gjerast avbøtande tiltak som fremjar god og rask revegetering av anleggsvegen, og krav om ein inntaksdam som føyer seg godt inn i landskapet. Det er planen at anleggsvegen etter anleggsperioden skal gjerast smalare og berre brukast til ATV-køyring ved tilsyn av inntaket. Dette må bli eit krav i ein eventuell konsesjon. Utvalet røysta samrøystes for framlegget frå Strømmen. Tillegget frå Marken vart vedteke mot 1 røyst (Tveiterås (Ap)). NAT-040/14 VEDTAK: Samnanger kommune stiller seg kritisk til det omsøkte Sandelva kraftverk. Kommunen understrekar følgjande moment: - Rolvsvåg vassverk har i dag Sandelva som vasskjelde. Retten til uttak av drikkevatn skal oppretthaldast for framtida, og må prioriterast framfor andre eventuelle uttak frå elva. Kommunen si planlagde utbygging av industriområde i tillegg til eksisterande forbrukarar av
7 av 10 drikkevatn vil vera avhengig av sikker vassforsyning. - I konsesjonssøknaden heiter det at eksisterande vassverk skal fasast ut i løpet av 2014. Dette er feil. Årsak til flytting av inntak er regulering av industriområde, og at inntak må flyttast oppstraums frå dette. - Kvaliteten på vatnet er i konsesjonssøknaden skildra som dårleg. Dette er ikkje riktig. - Verknadene av tiltaket for grunnvatn er særs dårleg handsama, og vert skildra som uvesentlege. I pkt 3.3. i konsesjonssøknaden er det omtalt tre fjellbrønnar, men den store grunnvassførekomsten i lausmassar langs Sandelva sin nedre del er ikkje nemnt. Heller ikkje dei store grunvasskjeldene sør for Sandelva er kommentert. Asplan Viak har på oppdrag frå kommunen kartlagt ein betydeleg grunnvassførekomst i lausmassar, og det er etablert to rørbrunnar for ny vasskjelde til Rolvsvåg vassverk. - Ein reduksjon av vassføringa ned mot 10 l/s vil få store konsekvensar for grunnvassførekomsten og dei etablerte lausmassebrunnane. Redusert vassføring vil gje redusert nydanning av grunnvatn og vil redusert brunnkapasitet. - Ei eventuell utbygging vil gje vesentleg fåre for ureining i Sandelva, noko som også kan gje dårlegare grunnvasskvalitet. - Vassverket har også eit elveinntak som vil vera sårbart ved utbygging, særleg når det gjeld vasskvalitet. - Utbygginga vil gje eit tap av INON-sone 2 på 0,68 km2. - Turstien som går langs elva er ein gamal by- og driftsveg frå Våga. Den er i dag merka som tursti med internasjonal merking. I kommunen sin kommunedelplan for kulturminne (2012-2020) heiter det: "Den gamle vegen har gjennom mange hundre år vore viktig for samningane, og såleis er han i dag eit viktig kulturminne". Om det likevel skulle verta gjeve konsesjon til Sandelva kraftverk må følgjande tiltak gjerast: 1. Den naturlege grunnvasstanden i brunnområde må oppretthaldast, ved m.a. å auka minstevassføring og at det vert bygd. tersklar i elveløpet forbi brunnane. Dette opprettheld ein høg elvevasstand og dermed ei viss mengd infiltrasjon til grunnvassmagasinet. Vassnivået i kulpen oppstraums må oppretthaldast. 2. Tiltak for å hindra ureining ved utbygging; a. restriksjonar på behandling av drivstoff, olje osv. b. tiltak for å redusera slaminnhald i elva. Samnanger kommune føreset at tiltak som skildra her vert planlagt i samråd med vassverkeigar, og at det er utarbeida ei endeleg avtale om tiltak før iverksetjing. Dersom prosjektet får konsesjon, må det gjerast avbøtande tiltak som fremjar god og rask revegetering av anleggsvegen, og krav om ein inntaksdam som føyer seg godt inn i landskapet. Det er planen at anleggsvegen etter anleggsperioden skal gjerast smalare og berre brukast til ATV-køyring ved tilsyn av inntaket. Dette må bli eit krav i ein eventuell konsesjon. SAKNR. 041/14 DUKEBOTN KRAFTVERK - SMÅKRAFTPAKKE - SAMNANGER, FUSA, KVAM Tilråding vert lagt fram i møte.
8 av 10 Rådmannen informerte om at administrasjonen ikkje har ei klar meining om saka, og at det derfor ikkje vart lagt fram tilråding. Øyvind Strømmen (Bl) sette fram slikt framlegg: Saka vert oversendt kommunestyret utan tilråding. Monica Tjønna (Sp) sette fram slikt framlegg til vedtak: Samnanger Kommune er negativ til den omsøkte utbygginga då det kjem inngrep i friluftsområdet og at minstevassføringa er sett lågt. Det kjem ein annleggsveg som vil vera eit inngrep i naturen. Omsøkt område er mykje brukt til friluftsliv, og me meiner at me som kommune har råd til å la området vera. Me stiller følgjande krav: - dersom det vert gitt konsesjon må minstevassføringa aukast til minimum 160l/s - mogleg hekking til Fjellvåk i området MÅ takast omsyn til. 2 røysta for framlegget frå Strømmen (Strømmen og Loe) og 3 for framlegget frå Tjønna (Tjønna, Marken og Tveiterås). NAT-041/14 VEDTAK: Samnanger Kommune er negativ til den omsøkte utbygginga då det kjem inngrep i friluftsområdet og at minstevassføringa er sett lågt. Det kjem ein annleggsveg som vil vera eit inngrep i naturen. Omsøkt område er mykje brukt til friluftsliv, og me meiner at me som kommune har råd til å la området vera. Me stiller følgjande krav: - dersom det vert gitt konsesjon må minstevassføringa aukast til minimum 160l/s - mogleg hekking til Fjellvåk i området MÅ takast omsyn til. SAKNR. 042/14 KOMMUNEDELPLAN FOR SMÅKRAFTVERK Framlegg til kommunedelplan for småkraftverk del 1 og 2 vert lagd ut til høyring. Øyvind Strømmen (Bl) sette fram slikt framlegg til vedtak: Planen vert etter korrekturlesing lagt ut til høyring med følgjande endring: Dersom meir enn ein kategori har skår på 5, vert området også gjeve raud farge. Dette vil tyda at delområdet 10 vert flytta frå gult til raudt. Endringa vert innarbeidd i tekst og kartgrunnlag. I tillegg vert det teke inn presisering av avgrensinga i høve det verna området. Ved røysting alternativt over framlegga frå Strømmen og rådmannen. 3 røysta for framlegget frå Strømmen (Strømmen (Bl), Marken (Bl) og Tjønna (Sp)) og 2 for rådmannen sitt framlegg til vedtak (Tveiterås (Ap) og Loe (Ap)).
9 av 10 NAT-042/14 VEDTAK: Planen vert etter korrekturlesing lagt ut til høyring med følgjande endring: Dersom meir enn ein kategori har skår på 5, vert området også gjeve raud farge. Dette vil tyda at delområdet 10 vert flytta frå gult til raudt. Endringa vert innarbeidd i tekst og kartgrunnlag.
10 av 10 10