ORDENSREGLAR FOR TONNING SKULE

ORDENSREGLAR FOR TONNING SKULE Tonning skule sitt ordensreglement byggjer på forskrift om ordensreglement for grunnskulen i Stryn kommune, vedteke av Skule- og kulturutvalet 04.02.14, gjeldande frå 01.08.2014 I tillegg til dette reglementet, har Tonning skule utforma nokre tilleggsreglar under 8.1 og 8.2. Tilleggsreglar for Tonning skule vart vedteke i Samarbeidsutvalet i møte 26.01.2016, gjeldande frå 08.02.2016. Vedlegg til ordensreglementet, tilråding i høve sykling til skulen, vart vedteke i Samarbeidsutvalet i møte 15.10.2015. I Innleiing. 1. Heimel. Forskrift om ordensreglement for grunnskulane i Stryn kommune vert fastsett av Skule- og kulturutvalet med heimel i Opplæringslova 2 9 og lov av 17.juli 1998 nr.61 om grunnskulen og den vidaregåande skulen. I tillegg til dei kommunale reglane, skal den enkelte skule utarbeide utfyllande reglar tilpassa dei lokale tilhøva. Dei kommunale reglane er overordna dei lokale reglane som kvar skule vedtek. Ordensreglane bør sjåast i samanheng med arbeidet skulane gjer for å sikre den enkelte eleven eit godt psykososialt læringsmiljø. 2. Formål. Ordensreglementet skal gje elevane trygge og forutsigbare rammer å halde seg til. Saman med førebyggjande arbeid skal ordensreglementet nyttast til å skape eit godt skule- og læringsmiljø. Reglementet skal og bidra til å utvikle elevane sine sosiale ferdigheiter, vere inkluderande og bygge trygge og positive relasjonar mellom elevar, mellom elevar og tilsette og mellom elevar og heim. 3. Verkeområde. Forskrifta gjeld for alle dei kommunale skulane i Stryn kommune. Ordensreglane gjeld på skulevegen, i skuletida, arrangement på kveldstid, ved alle arrangement (leirskule, studie- /tematurar, ekskursjonar) i skulen sin regi og som skulen har ansvaret for. Ordensreglar for Tonning skule 1

4. Ansvar. 4-1. Generelt ansvar for elevar, tilsette og foreldre. Både elevar, tilsette og foreldre har ansvar for å skape eit godt skule- og læringsmiljø. Det er viktig at alle bryr seg om kvarandre, har respekt for kvarandre og tek avstand frå mobbing, diskriminering, vold og hærverk. 4-2. Spesielt ansvar for dei tilsette. 4-2-1. Opplysningsplikt. Ordensreglane skal gjerast kjende for elevar og foreldre ved starten av kvart skuleår. Ordensreglementet skal takast opp som eige tema i klassane ved skulestart i august, og på første foreldremøte kvar haust. Rektor og kontaktlærarane er ansvarlege for at dette vert gjort. 4-2-2. Handlingsplikt. Handlingsplikta for dei tilsette er fastsett i Opplæringslova 9a-3, 2. ledd: Dersom nokon som er tilsett ved skulen, får kunnskap eller mistanke om at ein elev vert utsett for krenkjande ord eller handlingar som mobbing, diskriminering, vald eller rasisme, skal vedkomande snarast undersøkje saka og varsle skuleleiinga, og dersom det er nødvendig og mogeleg, sjølv gripe direkte inn. 5. Elevane sine generelle rettar og plikter. Som elev har du rett til: Eit skulemiljø som gjev deg tryggheit og sosial tilhøyre Å verte lytta til i saker som gjeld ditt eige tilhøve på skulen Å få forklare deg før det vert teke avgjerd om sanksjonar Som elev har du plikt til: Å følgje vanlege normer for folkeskikk og oppførsel Å følgje ordensreglementet og klassereglane Å rette deg etter anvisningar og pålegg frå rektor, lærarar eller andre som arbeidar ved skulen 6. Elevar og foreldre sin rett til å be om tiltak. Opplæringslova 9a-3, 3. ledd gir elevar og foreldre rett til å be skulen sette i verk tiltak som vedkjem det psykososiale skulemiljøet: Dersom ein elev eller forelder ber om tiltak som vedkjem det psykososiale miljøet, deriblant tiltak mot krenkjande åtferd som mobbing, diskriminering, vald eller rasisme, skal skolen snarast mogleg behandle saka etter reglane om enkeltvedtak i forvaltningslova. Om skolen ikkje innan rimeleg tid har teke stilling til saka, vil det likevel kunne klagast etter føresegnene i forvaltningslova som om det var gjort enkeltvedtak. Kontakt/melding frå elevar og foreldre treng ikkje vere skriftlege, sjølv om ein rår til dette med tanke på seinare dokumentasjon/etterprøving. Alle tilsette må vere merksame på at kontakt om tiltak kan kome som f.eks e-post til den tilsette si e-post-adresse på skulen, gjennom e-post- Ordensreglar for Tonning skule 2

systemet som skulen/kommunen nyttar, eller munnleg ved samtale med elev eller foreldre. (sjå prosedyrar i Kvalitetslosen) E-post er å rekne som offentleg og skal journalførast og arkiverast på eleven si mappe. 7. Grunnlaget for vurdering i orden og åtferd. Alle elevar har rett til vurdering. Grunnlaget for vurdering i orden og åtferd er gjeve i forskrift til Opplæringslova 3 5: Grunnlaget for vurdering i orden og i åtferd er knytt til i kva grad eleven opptrer i tråd med ordensreglementet til skolen. Grunnlaget for vurdering i orden er knytt til om eleven er førebudd til opplæringa, og korleis arbeidsvanane og arbeidsinnsatsen til eleven er. Det inneber mellom anna om eleven er punktleg, følgjer opp arbeid som skal gjerast, og har med nødvendig læremiddel og utstyr. Grunnlaget for vurdering i åtferd er knytt til korleis eleven oppfører seg overfor medelevar, lærarar og andre tilsette i og utanfor opplæringa. Det inneber mellom anna om eleven viser omsyn og respekt for andre. II Ordensreglar: 8-1A Generelt Tonning skule si opningstid er kl 08.45 for born som ikkje har skuleskyss eller er tilmeldt morgontilbod på SFO eller morgontilbodet på leksehjelp. Skulen har ei vakt ute frå kl 08.30 for tilsyn med busselevane. Skulen sitt vaktsystem startar kl 08.45. 8-1B Reglar knytt til orden. (Fellesreglar for skulane i Stryn) 1. Møt presis til timane og andre avtalar 2. Ha med bøker og det utstyr du treng til kvar skuledag 3. Gjer ferdig skulearbeidet til fastsett/avtalt tid 4. Ta godt vare på skulebøker, undervisningsmateriell og andre eigendelar som skulen eig. 5. Juks på prøver eller anna innleveringsarbeid, er forbode. 6. Alle er på skulen sitt område heile skuledagen, frå dei kjem om morgonen til dei går frå skulen etter skuleslutt, så sant noko anna ikkje er bestemt. Dette gjeld også pausar og friminutt. 7. Alle har ansvar for å halde heile skuleområdet reint og ryddig. 8. Søk fri så tidleg som mogeleg dersom du veit at du skal vere borte frå skulen. Permisjonar vert gjevne i tråd med til ei kvar tid gjeldande kommunale prosedyrar. 9. Ved sjukdom eller anna uventa fråvær skal heimen/dei føresette, gje kontaktlærar melding om årsak til fråværet så snart som råd. 10. Personlege verdigjenstandar har du som elev i utgangspunktet ansvar for sjølv, og tek dei med til skulen på eige ansvar. Ordensreglar for Tonning skule 3

8-2 Reglar knytt til åtferd. (Fellesreglar for skulane i Stryn. Tillegg for Tonning skule under pkt 15 og 16) 11. Vis god folkeskikk, vær høfleg og syn respekt for alle andre ved skulen. Tenk godt over språkbruken din og måten du snakkar om og til andre på. 12. Vi startar skuledagen på ein måte som oppmuntrar til ro og motivasjon for skulearbeidet 13. Det skal vere arbeidsro i timane. 14. Bruk av skulen sitt IKT-utstyr, og all bruk av Internett, skal skje i samsvar med skulen sine reglar for nettvett. 15. Den enkelte skule kan avgjere grenser for leik som kan vere farefull eller som vert oppfatta som ubehageleg av andre, slik som f.eks snøballkasting. «På Tonning skule er snøballkasting berre tillate på oppsette blinkar». «Det er ikkje tillate å bruke rullesko, rullebrett, rulleskøyter eller sparkesykkel på Tonning skule sitt område i skuletida». 16. Utstyr / gjenstandar som kan uroe undervisninga, eller som kan føre til skade eller ubehag for andre, skal ikkje takast med på skulen. «Har elevar med seg mobiltelefon til Tonning skule, skal denne ligge i sekken og vere avslått til skuledagen er slutt og elevane har forlate skulen sitt område. Det er heller ikkje høve til å ta med mobil på uteskule. Ved brot på regelen, vert mobiltelefonen teken vare på av lærar fram til skuledagen er slutt. I enkelte tilfelle kan det gjerast unntak frå reglane om mobilbruk viss lærar bestemmer at mobiltelefonen skal nyttast i undervisningsføremål 17. Alle former for hærverk, vold, mobbing, rasistiske utsegn eller handlingar og all form for sjikane, krenking eller trakassering, er forbode. 18. Å ha med og/ eller nytte tobakk og snus, er forbode. 19. Å ha med og/eller bruke rusmiddel, er forbode. 20. Å ha med og/eller bruk av farlege gjenstandar f.eks kniv, slagvåpen er forbode. III Tiltak som kan nyttast ved regelbrot. 9. Generelt om bruk av tiltak. Ein kan følgje opp brot på ordensreglementet på ulike måtar alt etter - Grad av alvor - Kor ofte det har skjedd - Eleven sin føresetnader Ordensreglar for Tonning skule 4

Alle sanksjonar bør vere slik at eleven kan forstå kva for regel/reglar som er brotne og kvifor skulen må reagere på dette. Det kan ofte vere tilstrekkelig med tilsnakk, rettleiings-samtaler som del av undervegs-vurdering av orden / åtferda til eleven, eller hyppigare kontakt med foreldra til eleven enn minstekravet. Alvorlege regelbrot skal dokumenterast skriftlig. Ein kan då nytte sanksjonane som er nemnde i 10. Kollektiv straff, fysisk straff eller krenkjande straff kan ikkje under noko omstende nyttast. (Sjå 11 for å måtte gripe inn fysisk for å stanse ei hending) Det kan i alvorlege tilfelle vere aktuelt å melde saka til politiet. 10. Tiltak som kan eller skal nyttast som sanksjon for brot på ordensreglementet. Ein sanksjon skal alltid kome så nær regelbrotet som muleg, men likevel ikkje før kvar sak er godt nok kartlagt/undersøkt og handsama. 1. Munnleg åtvaring 2. Skriftleg åtvaring 3. Pålegg om å møte / vere på skulen før eller etter skuletid for samtale med kontaktlærar, rektor eller den rektor gjev mynde til å snakke med eleven. 4. Pålegg om å måtte rette opp den skaden eleven har påført skulen sin eigedom til dømes rydde opp søppel, vaske golv eller fjerne tagging. 5. Pålegg om å erstatte skade jf. lov om skadeserstatning (Skadeerstatningslova) 1 1 og 1-2. 6. Retningsliner for bruk av skulen sine datamaskinar, sjå kommunen sine reglar for nettvett. 7. Elevar kan få særleg tilsyn i friminutta. Det kan vere gjennom opphald på avgrensa område og/eller tilsyn av vakt. 8. Eleven kan ha friminutt / pause til andre tider enn andre elevar. 9. Eleven kan verte vist bort frå undervisninga for enkelttimar eller resten av dagen (Opplæringsloa 2 10) 10. Ungdomsskuleelevar kan visast bort frå skulen inntil tre skuledagar etter alvorlege eller fleire brot på ordensreglementet (Opplæringslova 2 10) 11. For eksamen gjeld eige reglement jf. Forskrift til Opplæringslova 3-36. 12. Mellombels eller permanent flytting til annan klasse eller basisgruppe. 13. Flytting til annan skule når omsynet til dei andre elevane krev det, og andre tiltak allereie er prøvd jf. Opplæringslova 8-1, 3.ledd. Dette bør berre nyttast ved særlege tilhøve. 14. Mellombels inndraging av mobiltelefon resten av skuledagen dersom skulen sine reglar for bruk av mobiltelefon ikkje vert følgt. 15. Dersom elevar nyttar mobiltelefon/ipad til fotografering/filming eller gjer lyd-opptak av andre elevar lærarar/assistentar utan samtykke frå vedkomande, skal mobiltelefon/ipad inndragast. Ved mistanke om at slik aktivitet/fotografering og/eller lyd-opptaket er krenkjande, skal mobiltelefonen leverast til politiet. Foreldra til eleven skal i slike tilhøve alltid varslast av skulen uavhengig av om politiet også tar kontakt med dei. Ordensreglar for Tonning skule 5

16. Rusmiddel og farlige gjenstandar skal alltid inndragast. Foreldra til mistenkt(e) elev(ar) skal i slike tilhøve alltid kontaktast av skulen. Alvorlege saker kan og meldast til politiet. 17. Grove brot på straffelova for eksempel grov vald, grove truslar, eldpåsetting, bruk av eksplosivar, grovt hærverk eller grovt tjuveri skal normalt meldast til politiet. Foreldra til mistenkt elev skal i slike tilhøve alltid varslast av skulen uavhengig av om politiet også tar kontakt med dei. (Jfr. Prosedyre om vald og truslar Kvalitetslosen) 11. Bruk av fysisk makt for å stanse vold, slåstkamp, hærverk osv. Tilsette har plikt til å prøve å stanse vold, slåsskamp, hærverk osv. Så sant det er forsvarleg, skal den tilsette gripe inn med ein gong. 12. Vurdering med karakter i orden og åtferd. Ungdomsskuleelevar skal ha eigne karakterar både i orden og åtferd i tråd med 3-5 i Opplæringslova. Dersom ein elev får ein annan karakter enn den beste, skal dette ikkje vere ei form for straff eller sanksjon. Karakteren skal fortelje eleven og foreldra i kva grad eleven opptrer i tråd med skulen sitt ordensreglement, og korleis elevane forheld seg til velkjende, aksepterte normer for god framferd og folkeskikk.. Vurderinga skal ta omsyn til dei føresetnadane eleven har. (Forskrift til Opplæringslova, 3 5) IV Sakshandsamingsreglar ved bruk av sanksjonar. 13. Krav til skriftleg notat. Dersom det vert sett i verk tiltak mot ein elev etter 10, skal skulen lage eit skriftleg notat som dokumentasjon og grunnlag for reaksjonen, eventuelt fatte enkeltvedtak. Det må kome klart fram kva elev tiltaket er retta mot, kva for tiltak som er nytta, kva for ordensregel som er broten, tidspunkt for brotet, tidspunkt for gjennomføring av tiltaket, forklaringa til eleven og kva foreldra til eleven har sagt. Eleven/foreldra skal ha ein kopi eller bli kjent med retten til å få innsyn i dokumenta i saka. (Bruk elektronisk elevmappe, sikker sone) 14. Eleven sin rett til å forklare seg. Før avgjerd vert teke om å nytte eit av tiltaka i 10, skal eleven få forklare seg for kontaktlærar, rektor eller den rektor gjev mynde til dette jf. Opplæringslova 2 9, 4.ledd: Før det blir teke avgjerd om refsing, blant anna om bortvisning, skal eleven ha høve til å forklare seg munnleg for den som skal ta avgjerda. For at saka skal vere så godt opplyst som mulig jf. Forvaltningslova 17, 1. ledd må det vere vurdert å innhente opplysningar frå andre enn eleven sjølv. Dette kan vere frå elevar/ tilsette som var vitne til brotet på ordensreglane, frå dei lærarane som kjenner eleven best kontaktlæraren er særleg viktig. Ordensreglar for Tonning skule 6

15. Sanksjonar som berre rektor kan sette i verk. a) Rektor avgjer om det skal krevjast økonomisk erstatning frå elev og/eller foreldre ved skadeverk gjort av (forårsaka) av elevar. Rektor tek avgjerda i samråd med leiar for bygg og anlegg og/eller skule- og kultursjef. b) Rektor har rett til å gje lærarar mynde til å ta avgjerd om bortvisning av elev(ar) frå læraren sine undervisningstimar jf. Opplæringslova 2 10, siste ledd. c) Å vise ein ungdomsskuleelev bort frå skulen for ein heil dag eller meir, er eit enkeltvedtak og skal handsamast etter reglane i forvaltningslova kap. IV, V og VI samt Opplæringslova 2-10, 2.ledd. Sjølv om Opplæringslova ikkje gjev pålegg om å varsle foreldra til ungdomsskuleelevar før vedtak om bortvisning vert fatta, stiller Forvaltningslova 16 krav om førehandsvarsel før enkeltvedtak kan fattast. Dette gjeld i dei tilfella ein part ikkje allereie har fått uttale seg gjennom søknad eller på annan måte. For å oppnå nærleik i tid mellom brotet på ordensreglane og bortvisinga, kan ein avvike frå hovudregelen om at eit førehandsvarsel skal gjevast skriftleg. Av dette varselet skal det under alle omstende, klart og tydeleg kome fram kva for brot på ordensreglane det vert reagert på, og kva sanksjon som vert vurdert nytta. Foreldra sin frist til å uttale seg kan vere kort. Når det vert fatta vedtak om bortvising, skal det kome fram av saksutgreiinga til rektor korleis eleven har forklart seg, kva som er kome fram i samrådinga med lærarane til eleven, kva for andre hjelpe- eller refsingstiltak som er vurdert og kvifor desse ikkje vert nytta. d) Bortvising frå eksamen er enkeltvedtak som skal handsamast etter Forvaltningslova kap. IV, V og VI, og forskrift til Opplæringslova 3 36: e) Å flytte ein elev til ein annan klasse eller basisgruppe er eit enkeltvedtak, og skal handsamast etter reglane i Forvaltningslova kap. IV, V og VI. 16. Sanksjonar som berre kan fattast av skuleeigar. a) Å flytte ein elev til ein annan skule er eit enkeltvedtak som krev handsaming i samsvar med Forvaltningslova kap. IV, V og VI, og Opplæringslova 8 1, 3. ledd. b) Det er rådmann som kan melde ei sak til politiet etter tilråding frå rektor 17. Nedsett karakter for ungdomsskuleelevar i orden og/eller åtferd. For at ein ungdomsskuleelev skal ha annan karakter enn den beste i orden og åtferd, skal det vere gjeve førehandsvarsel i så god tid før karakterfastsetting, at eleven har høve å forbetre karakteren sin jf. forskrift til Opplæringslova 3 7, 2. og 3. ledd: Eleven og foreldra skal også varslast skriftleg dersom det er fare for at eleven i halvårsvurdering med karakter eller standpunktkarakter kan få karakteren nokså god (Ng) eller lite god (Lg) i orden eller åtferd. Varselet skal givast utan ugrunna opphald. Varselet skal (.) gi eleven høve til å forbetre karakteren i orden eller åtferd. Det kan skje at brot på ordensreglementet skjer så seint på skuleåret og er av så alvorleg karakter, at karakteren vert sett ned utan at eleven reelt sett har muligheit til å forbetre den. Ordensreglar for Tonning skule 7