TILLEGGSINNKALLING Utval: Formannskapet Møtestad: Kommunetunet Møtedato: 31.05.2017 Tid: kl.10:00 Forfall eller inhabilitet: Grunngjeve forfall til møtet, eller inhabilitet, må meldast snarast råd til post@fusa.kommune.no eller ekspedisjonen tlf. 56 58 01 00. Administrasjonen kallar inn varamedlem. Varamedlemmer møter berre etter særskild innkalling. Dokumenta ligg til offentleg ettersyn på heimesida www.fusa.kommune.no og på biblioteket, Kommunetunet, Eikelandsosen. Eikelandsosen, 31.05.2017 Atle Kvåle Ordførar Gunn Sissel Teigen Ansvarleg sekretær
Sakliste Sak nr. Tittel 048/2017 Søknad om kommunalt skjenkeløyve frå 23.06.2017-30.09.2020
Sakshandsamar: Gunn Sissel Teigen Arkivsaksnr: 17/901 Journalpostnr: 17/6265 Styre, råd, utval Sak nr Møtedato Formannskapet 048/2017 31.05.2017 Kommunestyret Søknad om kommunalt skjenkeløyve frå 23.06.2017-30.09.2020 - MS EPOS AS - SØKNAD OM NY SKJENKESTAD - MS WHITE LADY Rådmannen sitt framlegg til vedtak: Med heimel i alkohollova gjev Fusa kommune skjenkeløyve til MS Epos AS org nr 915114806 på følgjande vilkår: Adresse: Vinnes, 5641 Fusa Tidsrom for løyvet: 23.06.2017 og med 30.09.2020 Serveringsstaden sitt namn/skjenkelokale: MS White Lady Styrar: Svein Ivar Vinnes f. 17.12.68 Avløysar: Bodil Helen Lepsøe f. 25.07.66 Forretningskonsept: Charter-verksemd turist-, konferanse- og firmaturar. Skjenkelokale sitt areal: Ute- og inneservering i samsvar med søknad Alkoholvare og skjenketid: Skjenking av alkoholhaldig drikk gruppe 1 og 2 kan skje frå kl. 08.00-01.30. På sun-, heilag- og offentlege høgtidsdagar er skjenketida for alkoholhaldig drikk gruppe 1 og 2 frå kl. 13.00 til kl. 01.30. Fortæringstid: 30 min etter at skjenketida er slutt. Skjenking av alkoholhaldig drikk gruppe 3 kan skje frå kl. 13.00-00.30, med fortæringstid til kl. 01.00. Skjenking av alkoholhaldig drikk gruppe 3 er forbode på stemmedagen for stortingsval, fylkestingsval, kommunestyreval og folkeavstemning vedteke ved lov. Fortæringstid gruppe 3: 30 minuttar etter at skjenketidafor gruppe 3 er slutt.
Lukketid: 30 minuttar etter at skjenketida er slutt. jf. elles alkohollova 4-4 og kommunale retningslinjer i ruspolitisk handlingsplan. Omfang: Alminneleg løyve Løyvegebyr: Vert fastsett i samsvar med forskrift heimla i alkohollova 7-1 Skjenkeløyvet vert gitt under føresetnad av at nødvendig godkjenning frå offentlege instansar til ei kvar tid føreligg. Vandelskrava i alkohollova er vesentleg skjerpa f.o.m. 01.01.98. Dette vil m.a. kunna føra til at løyve vert inndrege dersom vilkåra i 1-7 b ikkje lenger er oppfylt, eller dersom løyvehavar ikkje oppfyller sine plikter etter alkohollova eller reglar gitt med heimel i den. Dersom løyvehavar ynskjer å endra driftskonseptet, må han innhenta godkjenning av kommunen. Sluttar styrar og/eller avløysar for styrar, må løyvehavar straks søkja om godkjenning av ny styrar/avløysar. Løyvet skal utøvast i samsvar med vilkår og gjeldande regelverk, jfr. alkohollova 4-7 med forskrifter. Jf. også retningslinjer i rusmiddelpolitisk handlingsplan. Ein gjer for ordens skuld merksam på at skjenkeløyve føreset at skjenkestaden har serveringsløyve og at skjenkeløyve difor føreset at serveringsløyve til ei kvar tid gjeld. Løyvet vil og kunne inndragast dersom andre godkjenningar for verksemda ikkje lengre gjeld. Løyvehavar må også til ein kvar tid oppfylla vilkåra i kommunestyrevedtak, gjeldande lov, forskrift og retningslinjer. Grunngjeving: Vedtaket er gjort i samsvar med retningslinjene i ruspolitisk handlingsplan. Saksframstilling: Vedtaksmynde: Saksdokument:
Vedlegg: Sjå nederst i saka Ikkje vedlegg: Søknad om skjenkeløyve av 30.05.2017. Informasjon i kommunestyresak nr 67/2012 og kommunestyre sak nr 90/2016. Faktiske opplysningar: Søkjar er MS Epos A/S som no eig to båtar. Svein Ivar Vinnes eig 100% av aksjane i A/S Vinnes skyssbåtservice som eig 100% i M/S Epos A/S. Det vart for perioden 01.07.2016 30.09.2020 gitt skjenkeløyve til MS Epos A/S med den eine båten MS Epos som skjenkelokale. Dette skjenkeløyvet vert ikkje nytta; noko løyvehavar har gitt melding om og han har no sagt ifrå seg dette løyvet. Svein Ivar Vinnes har sendt inn følgjande om den nye båten som skjenkestad/skjenkelokale. Utdrag: «MS Epos AS har gått til anskaffelse av MS White Lady» «White Lady har samme kapasitet og størrelse som Epos med plass til 100 passasjerer. Vil bli benyttet i charter markedet og med samme konsept som vi brukte Epos til i tidlegare søknader. Samme styrer og stedfortreder.» Informasjon frå tidlegare søknad om forretningskonseptet til søkjar: Båten er sertifisert for 100 passasjerar, der kundegruppa i hovudsak er firma og turistar - chartervirksomhet. Operasjonsområde er Bjørnefjorden med einskilde turar elles i Hordaland. Vi har bedt om litt meir utfyllande informasjon om konseptet: På sommerhalvåret går vi på chartermarkedet d.v.s kortere turer med folk som har bestilt på forhand. På noen av oppdragene er det også servering av mat. Håper dette er litt oppklarende Sidan det er nytt skjenkelokale/skjenkestad (ny båt) må det søkjast om nytt skjenkeløyve
noko søkjar vart orientert om. MS Epos AS v/svein Ivar Vinnes har så sendt inn ny søknad som er motteke 30.05.2017: Det opplyst at totalt skjenkeareal for inneservering og uteservering er følgjande MS White Lady: Areal: Inne 68 kvadratmeter, ute 55 kvadratmeter. Styrar er Svein Ivar Vinnes. Avløysar er Bodil Helen Lepsøe. Det føreligg dokumentasjon på godkjent kunnskapsprøve. Dei har søkt om å få skjenketid i samsvar med ruspolitisk handlingsplan. Korkje politiet eller sosialtenesta har merknad til søknaden om nytt skjenkeløyve. Det er ikkje merknader frå skatteoppkrevar. Evt. merknader frå andre offentlege instansar vert lagt fram i møta. Utdrag frå gjeldande retningslinjer i ruspolitisk handlingsplan i Fusa: «Fusa kommune vil leggja til rette slik at alkohol kan omsetjast, men at nytinga fører til minst mogelege negative resultat. Alkoholpolitikken skal spegla dette synet. Reiskapen her er streng kontroll og opplysningsverksemd i samband med den.» «Det vert ikkje sett tak for faste skjenkeløyve.» Vurdering: Med bakgrunn i opplysningane i saka finn rådmannen at løyvehavar, styrar og andre sentrale personar nemnt i alkohollova 1-7b og 1-7c oppfyller lova sine vandelskrav. Søkjar har ikkje rettskrav på å få skjenkeløyve. Det vil vera i samsvar med retningslinjene i ruspolitisk handlingsplan å gje skjenkeløyve i samsvar med søknad. Rådmannen rår difor til at skjenkeløyvet vert gitt slik det går fram av forslag til vedtak. Kommunen føreset at løyvehavar er kjent med lova, forskriftene og retningslinjer i rusmiddelpolitisk handlingsplan og dei plikter som fylgjer av desse. Dersom søknaden ikkje vert heilt i møtekome er det klagerett til fylkesmannen, jf. alkohollova 1-16. Fylkesmannen kan prøva om vedtaket er innhaldmessig lovleg, er gjort av rett organ og om der er blitt til på lovleg måte. Klagefristen er tre veker frå melding om vedtaket er kome fram til parten.