Velkomen til minifolkehøgskule i Nordfjord Kjære foreldre, føresette, søsken og vener! I 8 månader har de fått rapport etter rapport frå Nordfjordeleven dykkar. Om flotte fjelltoppar. Store bølgjer. Hav av laussnø. Havregraut på bål. Varme neter i sovepose. Kalde neter i sovepose. Store opplevingar. Sist oppdatert 16.april 2009, 12:55 Og all erfaring tilseier at de, innerst inne, er litt misunnelege på det dei 100 ungdomane har fått oppleve. Men gratulerer! De er med dette inviterte til eit minifolkehøgskuleår frå 3.-5.mai 2007. Vi skal gjere det vi kan for å komprimere eit folkehøgskuleår inn på desse to dagane, og håpar vi kan gje dykk opplevingar for livet! Kva Frå torsdag ettermiddag til laurdag morgon skal de få sjå og oppleve noko av det same som elevane har fått opplevd dette året. Vi skal prøve samarbeidsløypa til skulen, lage god mat ute, overnatte i gapahuk og lavvo, gå på ski (kanskje i shorts?) på vårsnøen i Nordfjordfjella, padle kajakk og ro gamle Nordfjordbåtar. I mai er Nordfjord på sitt beste. Snøen ligg i fjella, grønfargen sprett fram, og det er gode forhold for flott friluftsliv! Kvar og når Turen startar torsdag 3. mai om ettermiddagen på Nordfjord folkehøgskule, og sluttar når det er på tide å pynte seg til avslutningsfesten laurdag 5.mai. Om du ikkje kan vere med på turen heilt frå starten, er det høve til å hoppe på undervegs! Alle aktivitetane blir rundt Gloppefjorden, altså i nærområdet til skulen. Vi kjem ikkje til å vere på skulen i særleg grad, for dei siste dagane på folkehøgskule er både intense og tårevåte. Og det er i grunnen best om elevane får vere for seg sjølve, utan innblanding frå alle oss andre. Kven kan vere med? Svaret er alle. Vi har ingen aldersgrenser, og turane blir tilpassa dei som er med. 1 av 7
Program Del 1 Torsdag 3.mai Kl 1540: Middag, for dei som vil, saman med elevane i matsalen på Nordfjord folkehøgskule. Kl 16.30: Samling i storklasserommet, offisiell start på minifolkehøgskulen. Vi blir litt kjent, og høyrer kva forventingar de har til turen. Vi prøvar samarbeidsløypa. Her får vi bryne oss på ulike problem som krev samarbeid. Dette er skikkeleg kjekt! Kvelds og overnatting ute i lavvo eller gapahuk. Fredag 4.mai Fjelltur. På Vestlandet er det fantastisk å gå på ski i mai. I beste fall blir det skitur i shorts! Om de heller vil gå på beina kan de det, då går vi på tur til skulen si gamme. Del 2 Frå fjellet går vi rett til fjorden og finn fram kajakkane og dei gamle Nordfjordbåtane. Så padlar og/eller ror vi ut til Anda, lagar middag på bål og kosar oss utover kvelden. Også denne natta søv vi ute. Leirplassen ligg ikkje langt frå vegen, så det er òg mogleg å kome dit med bil. Laurdag 5.mai Etter frukost padlar/ror vi tilbake til naustet, og der serverer vi suppe på loftet. Vi er tilbake på skulen ca 1 time før avslutningsfesten tek til. Pris Det er høve til å hoppe på turen undervegs. For å gjere det enkelt har vi difor delt turen i to, og du betalar for dei delane du er med på. Om du ikkje har høve til å vere med på heile turen, oppmodar vi deg likevel til å kome fredag kveld. Minifolkehøgskulen er ei flott oppleving! Pris heile turen: 700,- Pris kun del 2: 400,- 2 av 7
Utstyr Du vil trenge utstyr til overnatting ute: Sovepose, liggeunderlag og varme kle. Ei god hue og varme sokkar er eit varmt triks når du skal sove ute! Til skituren treng du fjellski, helst med stålkantar og fellar. Om du ikkje har fellar, kan du låne av elevar eller av skulen. Elles treng du kle for å vere ute i all slags ver. Vi håpar på sol og varme, men Vestlandet har òg ei våt og kald side som kan dukke opp Du treng med andre ord både shorts, noko vasstett og noko vindtett, varme kle når du skal sitte stille, og ikkje så varme kle når du skal vere i aktivitet. Vi ordnar med hus (dvs telt, lavvo eller gapahuk), stormkjøkken, mat, kajakkar, båtar og flytevestar. Om du treng utstyr for å gjennomføre turen, er det berre å spørje elevane eller skulen. Vi lånar gjerne ut! Vi gler oss til å vise fram naturen vår! Håpar vi ser deg! Beste helsing Nordfjord folkehøgskule v/rektor Hallgeir Hansen 3 av 7
Velkomne til avslutningsfest Vi har starta på april, og no er det berre ein månad att av folkehøgskuleåret. Dermed er det på sin plass å invitere til avslutningsfest på Nordfjord folkehøgskule laurdag 5.mai. Alle er hjarteleg velkomne, både foreldre, føresette, søsken, besteforeldre og vener. Festen tek til klokka 13.00, og rett etter festen blir det eit godt måltid mat for alle saman før turen går heimover. Vi reknar med å ha avslutta måltidet her ca klokka 16.00. Når festen og måltidet er ferdig, er skuleåret 2006/2007 over. Tusen takk for at vi har fått låne elevane dette året! Vi ser fram til å sjå dykk her i mai - hjarteleg velkomne både til minifolkehøgskuleår og avslutningsfest! Alle foreldre får invitasjon med påmeldingsskjema i posten.send påmeldingsskjemaet til Nordfjord folkehøgskule, Vereide, 6823 Sandane. Eller sende påmelding på epost: kontor@friluftslivskulen.no. Om de brukar epost, så hugs å skrive inn alle opplysningane vi treng. 4 av 7
Påmelding til avslutningsfest Eg/vi kjem på avslutningsfesten. Namn: Antal perssonar: Evt diettar/allergiar vi bør vite om: Eller send mail med: Eg/vi vil gjerne vere med på minifolkehøgskuleåret! Tidspunkt for når vi kjem til skulen: Blir med på heile turen: Blir med frå fredag til laurdag: Telefon: Mobil Epost 5 av 7
6 av 7
7 av 7