VEDTEKTER FOR SKULEFRITIDSORDNING I NAUSTDAL KOMMUNE 6
Vedteke i K-sak 020/13 den 02.05.2013 Heimel for skulefritidsordninga Skulefritidsordninga er heimla i Opplæringslova i kap 13, 13-7 og i forskrift til Opplæringslova i kap 23, 23. Opplæringslova 13-7. Skolefritidsordninga: «Kommunen skal ha eit tilbod om skolefritidsordning før og etter skoletid for 1.-4. årstrinn, og for barn med særskilte behov på 1.-7. årstrinn. Skolefritidsordninga skal leggje til rette for leik, kultur- og fritidsaktivitetar med utgangspunkt i alder, funksjonsnivå og interesser hos barna. Skolefritidsordninga skal gi barna omsorg og tilsyn. Funksjonshemma barn skal givast gode utviklingsvilkår. Areala, både ute og inne, skal vere eigna for formålet. Skolefritidsordninga skal ha vedtekter om a. eigarforhold b. kven som er opptaksmyndigheit c. opptakskriterium d. opptaksperiode og oppseiing av skolefritidsplassen e. foreldrebetaling f. leike- og opphaldsareal g. dagleg opphaldstid og årleg opningstid h. bemanning og leiing Når skolefritidsordninga er knytt til skolar, skal rektor til vanleg vere leiar. Departementet kan gjere unntak frå kravet. Kommunen kan krevje utgiftene til skolefritidsordninga dekte gjennom eigenbetaling frå foreldra. Kommunen kan nytte andre til å oppfylle plikta til å ha eit tilbod om skolefritidsordning, dersom dei elles oppfyller vilkåra i denne paragrafen. Kommunen fører tilsyn med private skolefritidsordningar. Departementet kan gi nærmare forskrifter om skolefritidsordninga.» 1 EIGARTILHØVE Naustdal kommune eig og driv skulefritidsordninga ved skulane. 2 MÅL FOR SKULEFRITIDSORDNINGA I NAUSTDAL KOMMUNE 7
Skulefritidsordninga skal vere ein del av skulen si samla verksemd. Det skal vere heilskap og samanheng mellom skule og fritidsdel. Det skal vere fleksibel bruk av lokalitetar/rom og personale mellom skule og skulefritidsordninga slik at skulefritidsordninga inngår som ein fullverdig del av borna sitt totale skuletilbod. Tilbod som ligg til krinsskule med barnehage, skal samordne tilbodet både med skulen og med barnehagen. Skulefritidsordninga i Naustdal kommune skal ha eit syn på barnet som kompetente menneske og borna skal ha ein reell innverknad på eigen kvardag. Glede, vekst og utvikling for alle barn skal stå sentralt i arbeidet. Dei overordna utviklingsmåla for gode oppvekstvilkår i Naustdal kommune er og styrande for Skulefritidsordninga si verksemd. Skulefritidsordninga skal så langt det er praktisk mogleg imøtekomme foreldra sitt behov for å gi borna ein trygg stad å vere før og etter skuletid. Plassane skal tilpassast behova så langt dette er mogleg. 3 MÅLGRUPPE Skulefritidsordninga i Naustdal kommune skal gje eit tilbod til born på 1.-4. årsstega og for born med funksjonshemmingar på 1.-7.årsstega. Dersom det ikkje er tilbod ved den skulen barnet går, kan foreldra nytte tilbodet ved ein annan skule. 4 LOKAL TILPASSING Den einskilde skulefritidsordninga kan ha ei lokal utforming på innhald og organisering. Med utgangspunkt i lokale tilhøve vert det lagt opp til leik, eigne prosjekt og aktivitetar, organiserte kulturtilbod og deltaking i nærmiljøet. Med utgangspunkt i Naustdal kommune sine mål for skulefritidsordninga og overordna kommunale mål for oppveksttilhøve i Naustdal, kan den einskilde skulefritidsordninga utarbeide lokale målsetjingar. 5 OPPTAKSMYNDE OG KRITERIUM Opptak vert gjort ved den einskilde skule. Alle bom som melder seg på skal så langt det er mogleg få tilbod om plass, men dersom det er avgrensa tal plassar vil det vere følgjande priorientering: - 1. klassingar - funksjonshemma born - under elles like vilkår, har 2. klassingar førerett framfor 3. og 4. klassingar 6 INNSØKING 8
Naustdal kommune nyttar Extens som administrasjonsprogram for oppvekst. IST barnehage/sfo er eit web-basert administrasjonsprogram med grunndata frå Extens. Alle skulane har tilgang til IST barnehage/sfo. Føresette må sende søknad gjennom føresette sin nettportal. Naustdal kommune tek imot alle søknader om SFO-plass gjennom nettportalen og overfører desse til søkjarlista i IST barnehage/sfo. Søkjarane blir fordelt til ventelista til den skulen dei har søkt om plass. Naustdal kommune kvalitetssikrar søkjarlista. 7 OPPTAK OG OPPSEIING Det kan søkjast om opptak heile året. Den einskilde skulen sender skriv om opptak og kan også orientere om frist for påmelding og lokale reglar, t.d om opphald på elevfrie dagar. I feriane kan tilbodet bli samordna til ein skule og tilbod i feriane vil bli gitt særskild. Prisen vil også då vere noko høgare. Oppseiingsfristen er på l månad. Skriftleg oppseiing skal sendast gjennom føresette sin nettportal. Den aktuelle skulen/skulefritidsordninga sender stadfesting på oppseiinga. Oppseiinga gjeld frå den 1.i påfølgjande månad. Det vil ikkje vere høve å seie opp plassen med verknad etter 31.mars. 8 OPPHALDSTID OG OPNINGSTID Skulefritidsordninga har 2 tilbod: A-tilbod tilsvarar heil plass og gjeld også i elevfrie dagar i skuleåret B-tilbod tilsvarar bruk i 10 timar pr veke til faste tider. SFO er open alle kvardagar unnateke julafta og nyttårsafta. Onsdag før skjærtorsdag held SFO open til kl.12.00. Opningstida for SFO er i tidsrommet kl. 07.00 til kl. 16.30. Total opningstid i veka for skulefritidsordninga i skuleåret er på 26,75 timar og i skulefrie veker er opningstida på 45 timar. Det skal vere 5 planleggingsdagar i løpet av året. Skulefritidsordninga følgjer skuleruta, men kan lage eigne opplegg/sommartilbod i ferien. Sommartilbod vert gjeven ved Naustdal barne-og ungdomsskule og er open for alle i aktuell søkjargruppe. Dette tilbodet kjem i tillegg til vanleg SFO. Særskilt søknadsskjema vert å få ved den einskilde skule. Sommartilbodet vert stengt 3 veker i månadsskiftet juli-august. Dette vert tidfesta på søknadsskjemaet. Dagleg opningstid vert som i den ordinære SFO-ordninga. 9
9 BETALING Satsane for foreldrebetaling vert bestemt og kan endrast av kommunestyret. Drifta av SFO vert finansiert etter «Lov og forskrifter for skolefritidsordning» og etter retningsliner som blir vedtekne av kommunestyret. Nye satsar for foreldrebetaling vert lagt fram for FAU i SFO til uttale. Gjeldande satsar står som informasjon på kommunen si heimeside. Foreldra skal betale for 10 månader for tilbod i skuleåret. Betaling for eventuelt ferietilbod vert fastsett av rådmannen/kommunestyret og kravd inn på førehand. Faktura vert sendt ut frå økonomikontoret. Ved misleghald av betaling i 2 månader vert plassen sagt opp dersom ikkje anna er avtalt. 10 BEMANNING OG LEIING Rektor ved skulen er administrativ leiar ved SFO. For SFO-ordninga ved Naustdal barne-og ungdomsskule skal det vere tilsett eigen dagleg leiar. Dagleg leiar si stilling i SFO bør vere av ein storleik som gjer at han/ho kan vere tilstades ein stor del av opningstida. I tillegg til dagleg leiar vert det tilsett fagarbeidarar/ assistentar i eit tal som vert vurdert ut frå tal born, aktivitetsnivå, budsjettgrunnlag og problemkompleksitet. Det er ønskjeleg med sambruk av bemanning med skulen ut frå omsyn til elevane og personalet. Det er ikkje innført statleg norm for bemanning i SFO, men bemanninga skal vere forsvarleg. I SFO-ordninga skal det i tillegg til administrativt personale vere ei bemanninga av fagarbeidarar (barne- og ungdomsarbeider) / assistentar. Totalressurs vert berekna etter følgjande norm: * 1-10 barn - 1 person * 11-25 barn - 2 personer * 26-40 barn - 3 personer * 41-60 barn - 4 personer Bemanning utover dette skal i særlege høve drøftast med rådmannen. Dette gjeld m.a. born med spesielle behov. Vurdering av slike behov og tilrettelegging for det einskilde barn, gjerast i samarbeid med andre etatar/institusjonar, eksempelvis helseog sosialtenesta og PP-tenestena. 11 POLITIATTEST Dei som skal arbeide i SFO, må legge frem tilfredsstillande politiattest. Attesten skal vise om vedkomande er sikta, tiltalt eller dømt for seksuelle overgrep mot barn. 10
12 TEIEPLIKT Alle som arbeider i SFO har teieplikt etter forvaltningslova 13. 13 SAMARBEID MED HEIMEN Det skal haldast foreldremøte kvart år. Dagleg leiar samarbeider med rektor og kallar inn til møtet. SFO kan etter behov delta på skulen sine klassemøte og på konferansetimar. Føresette gjev melding til SFO når eleven ikkje skal være i SFO til avtalt dag og tid. Samarbeidsutvalget (SU) ved skulen er rådsorgan for SFO. FAU ved SFO vel eigen representant til SU. 14 ÅRSPLAN OG ÅRSMELDING Rektor i samarbeid med daglig leiar utarbeider ein årsplan for verksemda. Planen skal synleggjere mål, organisering og innhald for drifta. Årsmeldinga skal vere ein del av skulen si årsmelding. 15 LEIKE OG OPPHALDSAREAL SFO nyttar skulen sine lokaliteter til verksemda etter nærare avtale. Brukarar av lokale og utstyr må gjensidig ta omsyn til kvarandre og bidra til at både skulen og SFO kan drivast best mogleg. Eit nært samarbeid mellom skulen og SFO er nødvendig. Areala ute og inne skal vere tilpassa den aktivitet som skal drivast. 11