VEDTEKTER FOR BARNEHAGANE I BREMANGER KOMMUNE

Transkript

1 VEDTEKTER FOR BARNEHAGANE I BREMANGER KOMMUNE Kapittel 1. Drift, eigartilhøve og verkeområde 1-1 Bremanger kommune eig og driv barnehagen. Barnehagen skal drivast i samsvar med «Barnehagelova, Lov av nr. 64: Lov om barnehager, føresegner og retningsliner frå Kunnskapsdepartementet og i tråd med kommunale vedtak, samt plan for den einskilde barnehage. 1-2 Barnehagen ligg administrativt under rådmannen ved kommunalsjef for oppvekst. Myndet er delegert vidare til driftssjefen for barnehagen. 1-3 Verkeområdet er alle barnehagane i Bremanger kommune. Det vil seie også private barnehagar. Kapittel 2. Føremål 2-1 Barnehagen skal gje barn under opplæringspliktig alder gode høve til utvikling og aktivitet i nær forståing og samarbeid med heimen. Barnehagen skal gje born eit godt miljø med vekt på leik, samvere og utvikling saman med andre born og vaksne. Barnehagen skal formidle grunnleggande verdiar som fellesskap, omsorg og medansvar og representere eit miljø som byggjer opp om respekt for menneskeverd og retten til å vere ulike.(rpl.s.10) Saman med heimen skal barnehagen medverke til å gje borna eit miljø som sikrar dei individuell og gruppevis omsorg og støtte, stimulering, utfalding, læring og etiske rettleiing. Lov og rammeplan gjev forpliktande mål som barnehagen skal arbeide i retning av. Barna og deira føresette har rett til å forvente at barnehagen arbeider i retning av dei måla som er sette. Kapittel 3. Innhald 3-1 Barnehagen skal vere ei pedagogisk verksemd. Departementet har fastsett ein rammeplan for barnehagen. Rammeplanen gjev retningsliner for innhaldet i og oppgåvene til barnehagen. Eigaren av barnehagen kan tilpasse rammeplanen til lokale tilhøve. Samarbeidsutvalet for kvar barnehage skal fastsetje ein årsplan for den pedagogiske verksemda (Barnehagelova 2) 3-2 Rammeplanen gjev forpliktande mål som barnehagen skal arbeide i retning av, krav til kvalitet i det sosiale samspelet i kvardagen og sju fagområde som alle barnehagar skal arbeide med i løpet av barnehageåret. Barna og deira føresette har rett til å forvente at alle barnehagar arbeider i retning av dei måla som er sette. 1

2 Kapittel 4. Barn og foreldre sin medverknad 4-1 Barn sin medverknad. Borna skal ha høve til å uttrykke seg om og påverke alle sider av livet i barnehagen. Kor omfattande medverknaden er, og korleis retten til medverknad blir praktisert, er avhengig av alder og funksjonsnivå. 4-2 Samarbeidsutval og foreldreråd. For å sikre samarbeidet med barna sin heim, skal kvar barnehage ha eit foreldreråd og eit samarbeidsutval. Foreldrerådet er samansett av foreldra/dei føresette til alle borna i barnehagen. Kommunen har skipa til felles samarbeidsutval for oppvekstsentra. Samansetnaden til samarbeidsutvala følgjer av opplæringslova 11-1: To representantar for elevane, ein for undervisningspersonalet, ein for andre tilsette i skulen, to for dei tilsette i barnehagen, to for foreldrerådet i skulen og to for foreldrerådet i barnehagen. Driftssjef har møte, tale og framleggsrett. Eigaren av barnehagen har ein representant i samarbeidsutvalet. Kapittel 5. Barnehageåret 5-1 Barnehageåret varer f.o.m t.o.m Opningstidene kan variere mellom dei ulike barnehagane. Sommartilbodet i barnehagane skal leggast til rette ved at barnehagane samarbeider. Barnehagane kan stenge i inntil 4 veker om sommaren for å avvikle ferie for born og personale. 5-2 Ferie. I løpet av barnehageåret skal alle barn ha 4 veker ferie. Minst 3 av vekene skal takast samanhengande i tidsrommet mellom 15.juni og 14.august. Den siste veka skal og takast ut som ei heil veke i løpet av barnehageåret. Dersom barnet skal ha meir enn 4 veker fri, er det høve til å søkje betalingsfri sommarpermisjon i skulen sin sommarferie. Fastsetjing av ferie og permisjon må avtalast med den einskilde barnehage i god tid og innan 1.mai. 5-3 Planleggings-/kursdagar. I løpet av barnehageåret har barnehagane 5 planleggingsdagar (jfr.barnehageruta og hovudtariffavtalen). Desse dagane er barnehagane stengde. 5-4 Barnehagane er stengde jule- og nyttårsaftan og onsdag før skjærtorsdag. Kapittel 6. Tilbod 6-1 Barnehagane kan ha følgjande tilbod: 100% 5 dagar i veka 80% 4 dagar i veka 60% 3 dagar i veka 6-2 Tilbodet kan variere mellom barnehagane. Det er opp til driftssjef å organisere dagane i barnehagen. Opphaldstid pr. veke er 42,5 timar. 6-3 Utvida/endra tilbod kan avtalast for einskilde barn som kriseløysingar i avgrensa periodar. Slike kriser kan til dømes vere alvorleg sjukdom/dødsfall i familien til barnet eller andre uventa vanskar. Ein nyttar her individuell vurdering. 2

3 6-4 Dei ulike barnehagane i kommunen har desse tilboda: Barnehage: Opningstid: Avdelingar: Plassar: Areal m 2 (inne): Svelgen (+9) 340 Langeneset Stasjonen Kalvåg Davik Kolset Ålfoten Kapittel 7. Opptak 7-1 Det er hovudopptak av barn til kommande barnehageår ein gong i året. Søknadsfrist er 1.mars. Kunngjering skjer på Bremanger kommune si heimeside og i lokalpressa. Alle barn som har fylt eitt år innan utgangen av august har rett til barnehageplass frå august, dersom det er søkt om barnehageplass innan fristen for hovudopptaket. (Jfr. Lov om barnehagar 12a.) Opptak skjer innanfor fastsett utnyttingsgrad og bemanningsplan. Etter hovudopptaket frå 15.august kan nye opptak bli gjort med verknad frå 1. januar og 1. mars. Det kan gjerast unntak frå regelen ved flytting internt eller til kommunen. 7-2 Opptaket til barnehagen vert gjort av driftssjef. 7-3 Barnehagetilbodet i kommunen er for barn i alderen 1 6 år. Barn som etter søknad har fått utsett skulestart, vert rekna som barn i barnehagealder. Dei eldste søkjarane blir prioriterte ved inntak dersom det ikkje ligg føre særskilde omsyn. 7-4 Søknad om plass eller utvida plass i barnehagen skal gjerast elektronisk på Bremanger kommune si heimeside: Oppseiing av plass skal gjerast skriftleg. Melding om delvis oppseiing av plass skal gjerast elektronisk.(sjå 8-5) Barn som får tildelt plass, er som regel sikra plass til barnet tek til å skulen eller plassen vert oppsagt. Varig plass gjeld i praksis berre den plassen som ein har inngått avtale for. Dersom ein ynskjer å utvide plassen, må ein søkje ekstra for dei dagane det gjeld. 7-5 Friplass: Det vert ikkje gjeve friplassar i barnehagane. 7-6 Ved opptak skal det først og fremst takast omsyn til det behovet det einskilde barnet har for å komme i barnehage. Det skal spesielt takast slike omsyn i gradert orden: A-1 Funksjonshemma barn som kan ha nytte av opphald i vanleg barnehage. Dokumentasjon: Skriftleg attest frå lege, psykolog, PP-tenesta eller fagpersonar ved sosiale/medisinske institusjonar. A-2 Barn som blir omfatta av vernetiltak (til dømes barn i fosterheim), eller andre barn som treng barnehageplass i samband med førebyggjande barnevern. Dokumentasjon: Utskrift av møteboka (barnevernssak), skriftleg attestasjon frå barnevernet. A-3 Barn med sosiale behov som ikkje blir dekte i heimen. Dokumentasjon: Skriftleg fråsegn frå PPT, barnevern og/ eller helsestasjon. 3

4 A-4 Barn med særlege behov (t.d. språkutvikling, emosjonelle problem m.m.). Dokumentasjon: Fråsegn frå PPT eller andre faglege instansar i samråd med PP-tenesta. B-1 Barn av einslege forsytarar eller når berre den eine av foreldra over lenger tid har eineansvar for barnet. C-1 Barn som bur i strok der det er særleg farleg for barn å ferdast ute. C-2 Barn som bur slik til at dei manglar høve til leik med andre barn i førskulealder. D-1 Andre opplysningar. Der føresette meiner å ha særlege opplysningar som ikkje vert ivaretekne gjennom dei andre punkta i opptakskriteria, kan dei legge desse fram under dette punktet. 7-7 Søkjarar som får tildelt plass, må skriftleg stadfeste at dei tek imot plassen. Dersom slikt svar ikkje er motteke innan fristen, og det ikkje ligg føre sakleg grunn for å overskride fristen, vil søkjaren miste den tildelte plassen. 7-8 Venteliste. Dei søkjarane som ikkje får plass ved opptak, vert sette på venteliste. Fram til neste opptak skal dei som står på venteliste ha rett til eventuelle ledige plassar i barnehagen. 7-9 Klage. Klage på opptak skal sendast via driftssjef i barnehagen til rådmannen for endeleg klagehandsaming. Kapittel 8. Foreldrebetaling og oppseiing. 8-1 Foreldre/føresette betaler for 11 månader i året. Foreldrebetalinga vert sett til ein fast sum pr. månad på bakgrunn av nasjonalt vedteken maksimalpris, opphaldstid, syskenmoderasjon og betalingsordning. Dei føresette betaler fullt ut for den plassen barnet har fått tildelt. Kommunestyret avgjer for kvart år satsane for foreldrebetaling. Det er høve til å kjøpe ekstra dagar dersom barnehagen har kapasitet til det. 8-2 Syskenmoderasjon. Det barnet som har lengst opphaldstid, betaler full pris. Det er 30% syskenmoderasjon for barn nummer to og 50% for dei påfølgjande sysken. Moderasjonen gjeld sjølv om barna er i ulike barnehagar. 8-3 Betaling skal skje innan fastsett betalingsfrist. 8-4 Dersom føresette hentar barna etter barnehageslutt/avtalt tid, skal dei føresette, etter driftssjef si vurdering og pålegg, betale 250 kr for kvar påbegynt time. 8-5 Oppseiing. Barnehageplass kan seiast opp frå den 1. i kvar månad med minst ein månads oppseiingstid. 8-6 For søknad om auke eller reduksjon av tilbod i barnehagen i løpet av barnehageåret, gjeld dei same reglane som ved oppseiing. Kapittel 9. Helse m.m. 9-1 Før barn byrjar i barnehage, skal det leggast fram fråsegn om barnet si helse. Dersom barnet har møtt til dei ordinære undersøkingane på helsestasjonen, kan slik fråsegn gjevast av barnet sine føresette (bhl. 23). 4

5 Personalet i barnehagen har plikt til å gjennomgå tuberkulosekontroll etter gjeldande regelverk. (bhl. 23). 9-2 Forsikring. Alle barn i barnehagen er skadeforsikra. 9-3 Teieplikt. Dei generelle reglane om teieplikt gjeld etter forvaltningslova 13. Sjå og 20, 21 og 22 i bhl. 9-4 Krav om politiattest. Den som skal arbeide i barnehage skal legge fram tilfredsstillande attest. Attesten skal ikkje vere eldre enn 3 månader. Med den som skal arbeide i barnehage meiner vi alt barnehagepersonale som har ulike arbeidsoppgåver i barnehagen, personer som har langvarige vikariat, vikarar knytt til ei meir etablert vikarordning og sivilarbeidarar. Kapittel 10. Personalet og areal 10-1 Personalet skal vere i samsvar med barnehagelova og forskrifter til denne, samt gjeldande bemanningsplan for barnehagar i Bremanger kommune. Driftssjef er ansvarleg for den daglege drifta, samstundes som driftssjef er arbeidsleiar for dei tilsette Areal: Leike- og opphaldsareal pr. barn skal vere minst 4 m 2 inne og minst dobbelt så stort ute. Uteleikeplassen skal vere spesielt tilrettelagt for dei ulike aldersgruppene i barnehagane. For barn under 3 år er leike- og opphaldsarealet pr. barn 5,4 m 2 inne. Med leike- og opphaldsareal meiner ein det areal som faktisk står til rådvelde for barna. 5