REFERAT FRÅ MØTE I PROSJEKTGRUPPA FOR NY KOMMUNEREFORM I SUNNHORDLAND FREDAG 12. DESEMBER 2014 KL. 09.00-11.30 Desse møtte: Ordførar Renate Klepsvik, Austevoll kommune (frå sak 18/14) Liv Bente Storebø, Austevoll kommune Ordførar Odd Harald Hovland, Bømlo kommune Inge Reidar Kallevåg, Bømlo kommune Roar Gundegjerde, Etne kommune Siri Klokkerstuen, Etne kommune Ordførar Wenche Tislevoll, Fitjar kommune Harald Rydland, Fitjar kommune Ordførar Synnøve Solbakken, Kvinnherad kommune Peder Sjo Slettebø, Kvinnherad kommune Ordførar Liv Kari Eskeland, Stord kommune Sigbjørn Framnes, Stord kommune Ordførar Kjetil Hestad, Tysnes kommune Tore Atle Humlevik, Tysnes kommune Odd Henry Dahle, prosjektleiar Reidun Rykkje, adm. i Samarbeidsrådet SAKER: Sak 16/14 Sak 17/14 Sak 18/14 Sak 19/14 Sak 20/14 Sak 21/14 Godkjenning av referat frå møta 7. november og 14. november Sluttrapporten frå ekspertutvalet Planlegging av folkemøta i kommunane Gjennomgang av svara frå kommunane og vidare arbeid Tillitsvalte - representasjon i prosjektgruppa? Ymse a) Orientering om vedtak i Stord kommune b) Framdriftsplan endring c) Møte 9. januar endring av møtetidspunkt Sak 16/14 Godkjenning av referat frå møta 7. november og 14. november Det var ingen merknader til referata. Sak 17/14 Sluttrapporten frå ekspertutvalet Prosjektleiar gjekk kort gjennom rapporten. Sluttrapporten er eit grunnlag for det vidare arbeidet og prosjektgruppa avventer til stortingsmeldinga kjem i løpet av våren 2015. Under denne saka kom ein også inn på nokre framlegg som ikkje ligg i sluttrapporten: - StorBergen / Resten av Hordaland som det blei uttalt skepsis til. - Region / Vestlandsregion som det blei utrykt støtte til. Regionrådet for kommunane Austevoll, Bømlo, Etne, Fitjar, Kvinnherad, Stord, Sveio og Tysnes A Postboks 444, 5403 Stord T 53 45 67 90 Orgnr. 971 492 910 E firmapost@samarbeidsraadet-sunnhordland.no W samarbeidsraadet-sunnhordland.no
Sak 18/14 Planlegging av folkemøta i kommunane OVERSIKT PLANLAGTE FOLKEMØTER KOMMUNAR TID STAD Austevoll Torsdag 19. februar kl. 1800? Bømlo Onsdag 18 februar kl. 18.00 Bømlo kulturhus Etne Tysdag 10. februar kl. 18.00 Skakke senteret Fitjar Onsdag 11. februar kl. 18.00 Fitjar Kultur og idrettsbygg Kvinnherad Torsdag 29 januar kl. 18.00 Kulturhuset Husnes Stord Onsdag 21. januar kl. 18.00 Stord Kulturhus Tysnes Tysdag 3. februar kl. 18.00? Det var til møte lagt fram forslag til program for folkemøta. I møte var ein samde om at fylkesmann Lars Sponheim må vera med på alle møta. Dato for alle folkemøta er oversendt til fylkesmannen og ein venter på tilbakemelding på at tidspunkta høver. Det vart i møte bestemt at kommunane utarbeider eigne program til folkemøta. I møte kom det fram ulike forslag til tema som kan belysast på folkemøte: Status og utfordringar i kommunane Inntektssystemet Vestlandsregion Oppgåvefordeling Ulike modellar Kommunane vel møteleiar/ordstyrar og set saman panelet. Etter kvart som programma i dei ulike kommunane er ferdige kan dei sendast til prosjektgruppa til orientering. Sak 19/14 Gjennomgang av svara frå kommunane og vidare arbeid Alle kommunane utanom Austevoll har oversendt svar på spørjeskjemaet. Det vart i møte føreslått at prosjektgruppa får oversendt svara frå alle kommunane til orientering. Desse ligg ved referatet. Prosjektleiar vil til møte 9. januar laga ei samanstilling av alle svara. Sak 20/14 Tillitsvalte - representasjon i prosjektgruppa? Ein var i møte samde om å invitere 2 representantar + to vararepresentantar frå fagforeiningane i Sunnhordland til å delta i prosjektgruppa. Prosjektleiar tek kontakt med dei ulike fagforeiningane og ber dei peika ut desse. Representantane bør koma frå ulike kommunar.
Sak 21/14 Ymse Det vart i starten av møte ikkje meldt inn saker under ymse. Under møte vart det likevel drøfta ulike saker som referent har valt å sette under ymse. a) Orientering om vedtak i Stord kommune Ordførar Liv Kari Eskeland orienterte om at Stord kommune har gjort følgjande vedtak: Referansegruppa ønskjer at Stord kommune gjer vedtak om mogelege endringar i kommunestrukturen innanfor reformperioden, mai 2016. Referansegruppa er positive til å innleia drøftingar med nabokommunar som er interesserte i samanslåing, og ber ordførar invitera til slike drøftingar. Referansegruppa i Stord kommune føreset at kommunereforma fokuserer meir på ei styrking av det kommunale sjølvstyret og mindre på sentralisering gjennom kommunesamanslåing. Kommunane må få større økonomisk spelerom til dømes gjennom lokal fastsetjing av skattøyret, og meir demokratisk spelerom gjennom ei kraftig avgrensing av fylkesmannen, fylkeskommunen og ulike direktorat sine høve til å overprøva og styra kommunale vedtak. Formannskapet legg til grunn at kommunesamanslåing ikkje i seg sjølv vil medføra at kommunane set ut tenester i større omfang og at det skal oppretthaldast eit godt offentleg tenestetilbod. Prosjektgruppa drøfta vedtaket i Stord og er positive til at ordføraren i Stord inviterer nabokommunar til drøftingar. Det vart likevel peika på at det er viktig at ein ikkje køyrer to ulike prosesser. b) Framdriftsplan endring Det vart i møte drøfta framdrifta i prosessen med ny kommunereform i Sunnhordland. Prosjektgruppa er samde om å framskunde prosessen slik at rapporten skal føreligge kommunane innan juni 2015. Prosjektleiar fekk i oppdrag å endra framdriftsplanen slik at dette let seg gjennomføre. Vedlagt referat ligg ny framdriftsplan. c) Møte 9. januar endring av møtetidspunkt Det vart i møte bestemt å endre møtetidspunkt frå kl. 11.30 til kl. 13.30.
Sunnhordland 15. desember 2014 Odd Henry Dahle prosjektleiar