START Det matematisknaturvitskaplege

Haust 2012 STUDIE- START Det matematisknaturvitskaplege fakultet

Velkommen Velkommen til Universitetet i Bergen. Vi er glade for at du har valt å studere hos oss! Dette informasjonsheftet fortel deg om ein del av dei praktiske gjøremåla du må gjennom den første tida som student. Vi håpar vi kan gi deg ein god start på studia ved UiB på ein praktisk, sosial og fagleg måte. Lykke til!

Innhald Sjekkliste 4 1. Velkommen til studiestart 6 Oppmøteplan for den første veka...7 2. Første veka 8 Mottaksdagar...8 Fagdag...9 Undervisninga startar...9 Bruktbokdag... 10 Fritak for emne... 10 Årsstudium i naturvitskaplege fag...11 Informasjon om fag og emne...11 3. Offisiell opning av det akademiske året 12 Program den 14. august...12 4. Praktisk informasjon 14 Betale semesteravgift... 14 Stadfeste utdanningsplanen på StudentWeb.. 14 Opprette brukarkonto... 15 Ta i bruk nettsida Mi side... 16 Skaffe deg studentkort på Kortsenteret... 16 Søkje stipend og lån til utdanning hos Lånekassen... 16 5. Informasjons- og rettleiingstenester 18 Informasjonssenteret ved fakultetet... 18 Informasjonssenteret ved Studieadministrativ avdeling... 20 Studentsamskipnaden i Bergen... 20 Studentprestane... 21 6. IKT-tenester 22 uib.no/utdanning... 22 Brukarstøtte... 22 Eiga e-postadresse... 22 PC-stover... 23 7. Universitetsbiblioteket 24 8. Fadderordninga 26 9. Det første semesteret ved UiB 28 10. Romoversikt Realfagbygget, U.et. 30

Sjekkliste Før studiestart: takke «ja» til studieplassen, svare Samordna opptak innan 26. juli melde deg på til undervisning på igang.uib.no innan 26. juli notere deg den tilsende PIN-koden og hente ut studentnummeret frå StudentWeb betale semesteravgifta til Studentsamskipnaden i Bergen (SiB) søkje om studielån bli kjend med uib.no 6. 10. august: delta på oppfriskingskurs i matematikk studentar på adjunkt- og lektorutdanning: skaffe politiattest Ved studiestart: delta på velkomstmøtet for fakultetet i Grieghallen måndag13. august delta på velkomstseremonien på Muséplass og bli kjend med studentorganisasjonane på Studentsenteret tysdag 14. august stadfeste utdanningsplanen din på StudentWeb opprette brukarkonto delta på programmøte onsdag 15. august (obligatorisk oppmøte) studentar på adjunkt- og lektorutdanning: levere politiattest innan 17. august i Infosenteret for realfagsstudenter logge deg inn på Mi side hente studentkortet ditt på Kortsenteret delta på fadderveke ta med deg denne brosjyren når du møter til studiestart! 4

1. Velkommen til studiestart Semesteret startar med eit oppfriskingskurs i matematikk i veka før den ordinære semesterstarten. Dette er eit godt høve til å bli kjend med andre studentar og til å komme på plass før det for alvor brakar laust. Vi rår alle til å delta på dei siste dagane i kurset, sidan undervisninga i matematikkemna vil starte rett på sak i første forelesing. Sjå meir informasjon om oppfriskningskurset i matematikk på uib.no/math. I semesterstartveka bør du vere innstilt på lange dagar for å få eit optimalt utbyte! Det vil bli mange inntrykk å ta inn og mykje informasjon å fange opp. Bruk gjerne litt tid før semesterstarten til å lese dette heftet og kikke på nettstaden uib.no. I semesterstarten vil du bli kjend med mange studentar. Fakultetet tek imot ca. 600 nye studentar, og kring 80 av dei er internasjonale studentar. Mottak i klasser Ved Det matematisk-naturvitskaplege fakultet blir dei fleste nye studentane tekne imot i klassar på 20 30 personar. Dette gjer vi for å sikre eit best mogleg læringsmiljø i det første semesteret. Mottaksklassen din er i regelen sett saman av studentar som du vil møte igjen i undervisninga utover i semesteret. Fordelinga blir gjort på bakgrunn av dei tilbakemeldingane du gir i påmeldinga til undervisninga. Påmeldinga gjer du på nettsida igang.uib.no. I semesterstarten er fokuset retta mot å skape eit godt sosialt miljø og å bli kjend med universitetet! 6

Oppmøteplan for den første veka Når Kva Kvar 6. 10. august Oppfriskingskurs i matematikk. Kurset er tilrådd for alle nye studentar Måndag 13.8 Kl. 09.00 Velkomst for realfag Grieghallen Tysdag 14.8 Kl. 10.00 15.00 Mottak i klassar Ulike stader Kl. 15.00 Første møte med faddergruppa Realfagbygget, U.et. Kl. 18.00 Opning av fadderveka Realfagbygget, Aud 1 Kl. 09.00 10.00 Hjelp til semesterregistrering PC-stove (Datalab 1001) Realfagbygget 1. et. Kl. 10.00 13.00 Mottak i klassar Ulike stader Kl. 13.00 14.00 UiB Velkomstseremoni Muséplass Kl. 14.00 16.00 Studenttorg Studentsenteret Onsdag 15.8 Kl. 10.15 11.00 Forelesing i MAT101 Realfagbygget, Aud 1 Kl. 11.15 12.00 Forelesing i MAT111 Realfagbygget, Aud 1 Kl. 12.00 13.00 Lunsj med mottaksklassen Bli einige på tysdag Kl. 13.00 15.00 Velkomst på studieprogram, møtet er obligatorisk for alle!* Stad vil bli annonsert Torsdag 16.8 Torsdag 16.8 Fredag 17.8 Kl. 10.15 eller kl. 11.15 Smarte val Realfagbygget, Aud 1 Kl. 12.15 eller kl. 14.15 Forelesing i ex.phil. Realfagbygget, Aud 1 HMS-kurs i KJEM110. Kurset er obligatorisk. * Det er obligatorisk oppmøte på studieprogrammøtet (Onsdag 15. august kl. 13.00) for alle, også om du har utdanning frå før. Vi planlegg undervisninga utifrå oppmøtetala. Dersom du ikkje møter opp, vil du risikere å miste plassen din. 7

2. Første veka Mottaksdagar Måndag 13. august 09.00 Velkomst for dei nye realfagsstudentane i konsertsalen i Grieghallen. Leiinga ved fakultetet ønskjer velkommen. Det blir gitt praktisk informasjon, og klassane blir presenterte. 10.00 15.00 Klassemottak. Du får vite kvar dei ulike klassane skal møte på velkomstmøtet i Grieghallen kl. 09.00. I klassen vil det bli delt ut timeplanar for hausten, og det blir gitt informasjon om stadfesting av utdanningsplan, tilgang til universitetet sitt dataanlegg, bruk av lesesalar, bibliotek og undervisningsrom. Problemstillingar som vert diskuterte, er mellom anna: Kva blir forventa av deg som student? Kva må gjerast denne veka, og kva kan du vente med å tenkje på? Det er obligatorisk oppmøte i klassane! Dersom du ikkje møter opp, mister du plassen din i klassen. Tysdag 14. august 09.00 10.00 Treng du litt hjelp med Studentweb eller brukarkontoen? Møt gjerne opp på Datalab 1001 i Realfagbygget 1. et. Her vil det vere personar du kan spørje dersom du står fast. 10.00 13.00 Mottaket i klassar held fram. Klassen skal mellom anna jobbe med arbeidsplan og sjå nærare på effektiv læring. Utfordringar knytte til tidsplanlegging skal også diskuterast. 13.00 14.00 Felles velkomstseremoni på Muséplass for alle nye og gamle studentar ved UiB. 11.00 16.00 Studenttorg på Studentsenteret der alle studentorganisasjonane ved UiB står på stand. Timeplanar blir delt ut i klassen på måndag 13. august. 8

Fagdag Onsdag 15. august 10.15 12.00 Oppstart av matematikkundervisninga MAT101, kl. 10.15 11.00 MAT111, kl. 11.15 12.00 På den første forelesinga vil det bli gitt informasjon om pensum, forelesingsplanen for semesteret, tilbod om gruppeundervising, krav og forventingar til studentane samt gjennomgang av nokre matematikkoppgåver. 12.00 13.00 Lunsj saman med mottaksklassa. 13.00 15.00 Velkomstmøte på bachelorprogrammet. Her vil du møte dei fagleg ansvarlege for bachelorprogrammet ditt og få ein gjennomgang av planane for det vidare studiet. Ulike program vil ha ulike opplegg som kan variere frå forelesingar til laboratoriearbeid. Det er obligatorisk oppmøte på velkomstmøtet til bachelorprogrammet for alle studentar, også om du har høgare utdanning frå før. Dersom du ikkje møter opp, risikerer du å miste studieplassen din. Undervisninga startar Torsdag 16. august 10.15 12.00 Smarte val. Studentlivet er ei fri og fin tid for de aller fleste. Gjer du smarte val vil du enklare oppnå gode resultat. Vi har samla fleire ekspertar som vil gje deg ulike tips. 12.15 16.00 Første forelesing i emna ex.phil. Kl. 12.15 14.00 alternativ 1 Kl. 14.15 16.00 alternativ 2 På første forelesinga vil det bli gitt informasjon om pensum, forelesingsplanen for semesteret, seminargruppene, krav og forventingar til studentane, samt gjennomgang av noko filosofipensum. Fredag 17. august Skal du ta KJEM110 må du delta på HMSkurs heile fredagen. Sjå meir informasjon på www.uib.no/kj/utdanning/obligatorisk-hmskurs 9

Bruktbokdag Tysdag 21.august Bruktbokdag i Realfagbygget. Kanskje du er heldig og kjøper bøkene dine for ein rimelig penge? 14.00 16.00 Presentasjon av studentorganisasjonane ved fakultetet, i Auditorium 1. Fritak for emne Har du emne/utdanning frå andre lærestader, kan du få fritak for emne i ein bachelorgrad hjå oss. Du må då sende inn ein søknad om å få emna godkjende/innpassa i det studieprogrammet du har søkt opptak til. Behandlinga av søknader om godkjenning er ein tidkrevjande prosess. Har du ikkje søkt endå, bør du sende inn ein søknad om innpassing snarast. Søknadsskjema finn du på nettstaden uib.no/matnat/utdanning/ ny-student. Dersom du ikkje har fått svar på søknaden innan semesterstart, må du snakke med ein studierettleiar (sjå lista over kontaktpersonar lenger bak) for å få råd om kva emne du bør velje i haust. Berre ex.phil.? Dersom du har teke eksamen i ex.phil. tidlegare, treng du ikkje søkje om innpassing, men du må registrere emnet ved Informasjonssenteret ved Studieadministrativ avdeling (Langesgt. 1). Usikker på emnekombinasjonen? Dersom du er usikker på kva emne du skal velje hausten 2012, er det viktig å snakke med rettleiaren din, helst før 13. august. Fristen for oppmelding til undervisninga er ved midnatt 16. august for dei som ikkje skal følgje eit ordinært førstesemester på programmet. Undervisningsoppmeldinga er ein del av eksamensoppmeldinga, og du gjer dette på StudentWeb. Du vil få meir informasjon på orienteringsmøtet i Auditorium 1, Realfagbygget, måndag 13. august kl. 10.00. Dette møtet er for dei som ikkje deltek i klassemottaket. 10

Årsstudium i naturvitskaplege fag Opptak til årsstudium i naturvitskaplege fag gir deg studierett i eitt år. Du vel sjølv kva for emne du vil studere, og planlegg korleis du vil studere. Alle realfagsemne på lågare grad er på 10 studiepoeng. Ein fulltidsstudent tek eksamen i tre emne kvart semester (30 studiepoeng). Bruk gjerne tida fram mot semesterstart til å kikke på emneoversikta vår på www.uib.no/matnat/utdanning/ ny-student NB! Det er ikkje alltid kapasitet til alle studentane som ønskjer å ta eit spesielt emne. Studentar som er tekne opp til eit bachelorprogram, går føre andre på emne som er obligatoriske på programmet. Merk deg at du sjølv må passe på å velje emne der undervisning og eksamen ikkje kolliderer. Informasjon om fag og emne Det er viktig at du bruker Mi side aktivt for å få den informasjonen du treng. All emneinformasjon finn du på uib.no/ matnat/utdanning/emner og Mi side. Mi side viser emneskildringane, pensumlister og timeplanar. Når du har oppretta ein brukarkonto, kan du logge deg inn på Mi side. Her finn du: Aktuelle meldingar frå lærarar og studierettleiar, di eiga timeplan veke for veke, oversikt over dei andre studentane på emnet og anna informasjon du treng. Når lærestaden sender ut viktig e-post, blir denne send til den e-postadressa du får frå UiB. Du må sjekke Mi side og e-posten din dagleg. Orienteringsmøte Det blir eit eige orienteringsmøte i Auditorium 1, Realfagbygget, måndag 13. august kl. 10.00 for dei som ikkje deltek på klassemottaket. Etter møtet er det eit rettleiartorg, der du vil få generell hjelp med å velje emne. Dersom du ikkje møter opp, minkar sjansane dine for å få plass på dei emna du ønskjer å ta.

3. Offisiell opning av det akademiske året Tysdag 14. august blir ein hendingsrik dag for alle nye og gamle studentar, for då blir den offisielle opninga av det akademiske året ved Universitetet i Bergen arrangert. Det blir ein dag med liv og røre, talar, pomp og prakt, med underhaldning og med sal av god mat. Programmet denne dagen speglar det mangfaldige studentlivet og gir deg innsyn i kva aktivitetar som finst. Program den 14. august 11.00 13.00 Studenttorg i Studentsenteret Her finn du rundt 100 studentorganisasjonar alt frå politiske og idealistiske organisasjonar til kor, korps, idrettslag og studentmedia. Her har du ein eineståande sjanse til å finne ut kva du vil drive med på fritida. Ikkje nøl med å ta kontakt! 13.00 14.00 Velkomstseremoni på Muséplass Velkomstseremonien blir arrangert på Muséplass, midt i hjartet av det tradisjonsrike og ærverdige Universitetet i Bergen, med Naturhistorisk museum som naturleg kulisse. Program Akademisk prosesjon - høgtideleg og tradisjonsrik Tale ved rektor - Sigmund Grønmo ønskjer deg velkommen Studentersangforeningen og Arme Riddere - høgtidsstemt korsong Tale ved ordføraren i Bergen - velvalte ord frå den fremste offentlege representanten for Bergen Gjestetaler - Overrasking! Musikalsk innslag - innovativt frå studentar ved Griegakademiet Tale ved leiaren av Studentparlamentet - lytt til ein erfaren og engasjert student Prosesjon og fanfare - trompetistar frå Griegakademiet spelar fanfare medan gjestane forlet scenen i prosesjon. 14.00 16.00 Studenttorg i Studentsenteret Etter velkomstseremonien held det fram med studenttorg i Studentsenteret. Dersom du blir svolten etter seremonien, vil SiB vere på plass i Studentsenteret med freistande mat og drikke til ein billig penge. 12

4. Praktisk informasjon Når du kjem til Universitetet i Bergen og skal begynne på studiane dine, er det nokre ting du må gjere med ein gong du kjem, andre kan du vente litt med. Det er eit tett program den første veka og det er mykje å hugse på. Difor har vi laga ei oversikt over kva du må gjere og i kva for rekkjefølgje: Dette gjer du før du kjem: 1. Betale semesteravgift Alle som skal studere ved UiB må betale semesteravgift til Studentsamskipnaden i Bergen. Vi tilrår deg å betale så tidleg som mogleg for å unngå forseinking. Du må sjølv hente ut nødvendig betalingsinformasjon frå StudentWeb og betale avgifta innan fristen 1. september. For å logge deg på studentweb.uib.no treng du fødsels- og personnummeret ditt og ein personleg PIN-kode. Den personlege PIN-koden din finn du i brevet frå UiB med tilbod om studieplass. Dersom du ikkje har motteke PIN-kode kan du anten kontakte Informasjonssenteret på fakultetet ditt eller Informasjonssenteret ved Studieadministrativ avdeling. Vel Betaling på StudentWeb for å få fram nødvendig betalingsinformasjon som KID, kontonummer og beløp, og betal avgifta via nettbank. Innbetalinga må gjerast innan fristen 1. september. På StudentWeb finn du også studentnummeret ditt, som du treng for å opprette ein brukarkonto. Meir informasjon om semesteravgifta finn du på uib.no/utdanning. Dette gjer du dei første to dagane: 2. Stadfeste utdanningsplanen på StudentWeb I tillegg til å betale den obligatoriske semesteravgifta må du kvart semester stadfeste utdanningsplanen din. Dette gjer du på studentweb.uib.no så snart som mogleg, og seinast innan 1. september. Når du loggar deg inn på Studentweb, skal du: melde deg til undervisning og vurdering stadfeste at utdanningsplanen din er riktig for dette semesteret hente ut betalingsopplysingar slik at du kan betale semesteravgifta registrere adressa di Fristen er 1. september 2012. 14

Semesterkort Når du har betalt semesteravgifta og stadfesta utdanningsplanen på StudentWeb, vil du få tilsendt ei semesterkvittering i posten. På denne kvitteringa finn du semesterkortet ditt. Ta vare på semesterkortet, det er naudsynt for at studentkortet skal vere gyldig. På semesterkortet finn du også studentnummeret ditt.. 3. Opprette brukarkonto Som student ved UiB må du ha tilgang til datatenester for å kunne gjennomføre studia dine. For å kunne nytte deg av desse tenestene må du opprette ein eigen brukarkonto ved UiB. Brukarkontoen gir deg: personlege sider (Mi side), der du mellom anna har tilgang til nettbaserte læringsressursar og relevant undervisningsinformasjon eiga e-postadresse tilgang til PC-stover og utskrifts- og kopieringstenester tilgang til UiB sitt nett frå eigen PC personleg lagringsområde på nett, med backup etter UiB sine backup-rutinar Korleis skaffe deg brukarkonto? Når du har teke imot tilbodet om studieplass og stadfesta utdanningsplanen din på StudentWeb, må du opprette ein brukarkonto. Det gjer du ved å gå inn på sebra.uib.no og følgje instruksjonane der. For å opprette brukarkonto, treng du: fødselsnummer studentnummer (frå StudentWeb) PIN-koden (blir oppgitt i brev frå UiB) Merk deg at det kan ta inntil ein time frå du har stadfesta utdanningsplanen din til du kan opprette brukarkonto. 15

Dette kan du gjere litt seinare i studiestartveka: 4. Ta i bruk nettsida Mi side Miside.uib.no er ei personleg nettside med samla tilgang til blant anna kalender med timeplaninformasjon, pensum, emneinformasjon, meldingsteneste, personleg fillager og diskusjonsgrupper. For å få tilgang til desse ressursane må du logge deg på Mi side. Svært mykje av den faglege og administrative informasjonen blir formidla via Mi Side, og UiB forventar at du tek denne tenesta i bruk. Merk at du må skaffe deg brukarkonto før du får tilgang til Mi side. 5. Skaffe deg studentkort på Kortsenteret Alle studentar ved UiB må ha eit studentkort. Studentkortet fungerer som: identitetskort nøkkelkort lånekort ved Universitetsbiblioteket inngangskort til Studentsamskipnaden sine treningssenter betalingskort ved utskrift og kopiering Fotografering og henting av studentkortet, ordnar du ved Kortsenteret på Studentsenteret, sjå adressa under. Merk deg at du må vise gyldig legitimasjon ved fotografering. Du må også ha stadfesta utdanningsplanen din og ha oppretta brukarkonto seinast dagen før du kan hente studentkortet. Kortsenteret har utvida opningstider dei to første vekene av studiestarten. Opningstida vil vere frå 09.00 17.00 kvar dag. Adresse: Studentsenteret, Parkveien 1 Opningstid: 09.00 14.00 (09.00 15.00 veke 33 35) E-post: kortsenteret@eia.uib.no Telefon: 55 58 99 07 6. Søkje stipend og lån til utdanning hos Lånekassen Søknadsinformasjon og søknadsskjema finn du på Lånekassen si nettside, lanekassen.no. Her finn du også informasjon om regelverket og om korleis du kan opprette «Dine sider» med din personlege kundeinformasjon. Utbetaling av lånebeløp vert ikkje gjort før UiB melder frå til Lånekassen om at du har betalt semesteravgifta og stadfesta utdanningsplanen din. 16

5. Informasjons- og rettleiingstenester Informasjonssenteret ved fakultetet I Infosenteret finn du skranke og rettleiingskontor. Til skranken kan du komme med små og store spørsmål, for vi i skranken er der for å hjelpe deg med å finne fram i kvardagen som student! Studierettleiarane på studieprogramma (sjå lista under) gir rettleiing i Infosenteret på faste vekedagar. Du bestiller rettleiingstime i skranken. Infosenteret for realfagsstudentar Realfagbygget, Allégaten 41 (Infosenteret ligg i U.etasje i Realfagbygget, rett ved hovudinngangen) Opningstid: 09.00 15.00 E-post: studierettleiar@mnfa.uib.no Rettleiingstelefon: 55 58 30 30 Kontaktpersonar på studieprogramma Vi gjer merksam på at ferieavviklinga kan gjere det vanskeleg å komme i kontakt med nokre av studiekonsulentane våre i slutten av juli. Frå og med 6. august skal alle vere tilbake og vil begynne å svare på e-postar igjen. Biologi Beate Ulrikke Rensvik studiekonsulent på Institutt for biologi tlf. 55 58 22 41 Datateknologi Inger Nilsen studiekonsulent på Institutt for informatikk tlf. 55 58 40 93 Datavitskap Inger Nilsen studiekonsulent på Institutt for informatikk tlf. 55 58 40 93 Fiskehelse Tommy Strand studiekonsulent på Institutt for biologi tlf. 55 58 44 09 Fysikk Hanne Israelsen studiekonsulent på Institutt for fysikk og teknologi. tlf. 55 58 27 66 18

Geovitskap (geologi og geofysikk) Heidi Rohde Rafto studiekonsulent på Institutt for geovitskap tlf. 55 58 35 19 Havbruksbiologi Tommy Strand studiekonsulent på Institutt for biologi tlf. 55 58 44 09 Informatikk-matematikk-økonomi (IMØ) Steinar Heldal studiekonsulent på Institutt for informatikk tlf. 55 58 40 25 Kjemi Guro Kristin Øvsthus studiekonsulent på Kjemisk institutt tlf. 55 58 34 45 Integrert adjunktutdanning i matematikk og naturfag (4 år) Marianne Jensen koordinator for lærarutdanninga tlf. 55 58 28 41 Integrert lektorutdanning med master i naturvitskap eller matematikk (5 år) Marianne Jensen koordinator for lærarutdanninga tlf. 55 58 28 41 Matematiske fag Kristine Lysnes studiekonsulent på Matematisk institutt tlf. 55 58 28 34 Molekylærbiologi Marielle Ryste Hauge studiekonsulent på Molekylærbiologisk institutt. tlf. 55 58 45 29 Meteorologi og oseanografi Gunhild Brubakken studiekonsulent på Geofysisk institutt tlf. 55 58 26 04 Nanoteknologi Hege Ommedal koordinator på Kjemisk institutt tlf. 55 58 34 46 Petroleum- og prosessteknologi Terje Finnekås studiekonsulent på Institutt for fysikk og teknologi tlf. 55 58 28 64 Miljø- og ressursfag Beate Ulrikke Rensvik studiekonsulent på Institutt for biologi tlf. 55 58 22 41 19

Informasjonssenteret ved Studieadministrativ avdeling Informasjonssenteret ved Studieadministrativ avdeling er ansvarleg for ei rekkje tenester du nyttar gjennom semesteret. Adresse: Langes gate 1 3 Opningstid: måndag fredag 09.00 13.00, torsdag 10.00 15.00 (veke 33/34 måndag fredag 09.00 15.00) E-post: infosenter@sa.uib.no Telefon: 55 58 21 40 Generelle tenester hjelp til å bruke StudentWeb karakterutskrift namneendringsregistrering studentstadfestingar endring av eksamensmelding registrering av ekstern utdanning tilrettelegging til eksamen Utveksling Har du lyst til å studere i utlandet eit semester eller to? Her kan du få rettleiing om delstudium i utlandet søknadsrettleiing søkje om delstudium i utlandet Studentsamskipnaden i Bergen Studentlivet er meir enn studia, difor finst Studentsamskipnaden. Når du har betalt semesteravgifta til SiB, kan du nytte alle SiB sine tilbod. SiB gir deg positive kvardagsopplevingar! På Studentsenteret har vi samla dei fleste av SiB sine tilbod under eitt tak: Studia Dette er studentane sin eigen fagbokhandel. Her finn du pensumbøker og alt du treng til studia. Studentrådgivinga Her får du individuelle råd og rettleiingstimar, og tilbod om ei rekkje spennande og nyttige kurs i mellom anna eksamensmeistring, å ta ordet eller stressmeistring. Heilt gratis. Ta kontakt på studentradgivningen@sib.no Studentane si psykiske helseteneste (SPH) Gratis psykologtilbod til studentar. Kort ventetid. Besøk oss på Studentsenteret eller bestill time på telefon 55 54 51 45. Refusjon av legeutgifter SiB refunderer legeutgiftene dine når dei overstig 350 kr i løpet av eit år. Dersom du har vore til lege, kan du gå til sib.no/helse, 20

der du finn søknadsskjema og informasjon om kvar du får pengane tilbake. Dersom du har større utgifter til kiropraktor, fysioterapi og liknande, kan du søkje om støtte frå Helsefondet. Les meir om retningslinjer på sib.no/helse. Legene på Høyden På Vektertorget finn du eit eige legetilbod for studentar. Tenesten er eit fastlegetilbod, men tilbyr også akutt-timar for studentar som ikkje har fastlegen sin i Bergen. Sjå sib.no/no/helse/lege for meir informasjon. Tannhelseteneste Studentane har fått ei eiga tannhelseteneste på Årstad. Her får du tannundersøkingar og tannbehandling til prisar på linje med offentlege satsar. Telefon 55 20 64 58/59. Helsestasjon SiB og Engen Helsestasjon samarbeider om å gi eit gratis helsetilbod med fokus på studentar si seksuelle helse. På Engen Helsestasjon får du gratis reseptar og kondom, test av kjønnssjukdommar og råd om sex og samliv. Ope måndag, tysdag, onsdag 15.30 18.00. Inga timebestilling, trekk kølapp når du kjem. Karrieresenteret Lurer du på kva du skal bruke utdanninga di til? Kom gjerne på Karrieresenteret tidleg i studia og drøft det med ein karriererettleiar. Senteret hjelper deg òg med CV, jobbsøknader, intervjutrening og tips om arbeidsmarknaden. Karrieresenteret driv traineeprogrammet Trainee vest, som kvar vår lyser ut traineestillingar. Les meir om tilboda på sib.no Studentprestane Når livet blir for stort eller for lite Treng du ein å dele tankane dine med, har studentprestane tid. Du bestemmer kva vi skal snakke om. Vårt tilbod er for alle studentar uavhengig av livssyn. Studentprestane er tilsette av Den Norske Kyrkja. Adresse: Studentsenteret, Parkveien 1 Kontakt: Kan treffast etter avtale Telefon: 55 58 47 14 Inge Høyland 55 58 94 45 Marie Grindheim E-post: inge.hoyland@prest.uib.no marie.grindheim@prest.uib.no Nettside: www.studentprest.no 21

6. IKT-tenester uib.no/utdanning På nettsida uib.no/utdanning finn du mellom anna oversikter over fagtilbod, studieplanar, delstudium i utlandet og rettleiings- og velferdstenester. Brukarstøtte På it.uib.no finn du oversikt over PC-stover, brukarrettleiing for oppkopling av heime- PC, oversikt over tilrådd utstyr og annan nyttig brukarinformasjon. Vi rår deg til å gjere deg kjend med innhaldet på desse sidene. PC-vakter UiB har pc-vakter som gir generell hjelp og brukarstøtte til studenter, hovudsakleg på UiB sine tenester. PC-vakt har arbeidsplass rett ved datalabene i Realfagbygget og Høgteknologisenteret. Dei er tilgjengelege kl. 08.00 18.00. Eiga e-postadresse Når du har oppretta ein brukarkonto, får du automatisk ei eiga, personleg tilpassa e-postadresse; vanlegvis namn.etternamn@ student.uib.no. Det er denne e-postadressa UiB bruker for å sende ut e-post til deg personleg. På webmail.uib.no kan du lese og sende e-post frå ein vanleg nettlesar. Webmail.uib.no har god lagringskapasitet i tillegg til spam- og viruskontroll. Ein del av e-posten du får frå UiB, inneheld store vedlegg med forelesingsnotat, tekstar og artiklar osv. Hugs å lese e-posten din dagleg! Oppkopling til UiB frå eigen PC Alle som har ein brukarkonto, kan kople seg opp mot UiB heimanfrå med eigen PC eller Mac. I tillegg kan du bruke din eigen berbare PC på universitetsområdet og kople deg til UiB sitt nett, anten i trådlause soner eller på faste punkt plasserte rundt om på universitetsområdet. Dersom du ønskjer å ta i bruk desse tenestene, kan du finne meir informasjon om dette på it.uib.no/ikt_for_studenter. Studentbustadene til Studentsamskipnaden i Bergen har gratis oppkopling til UiB. Sjå www.sib.no/no/bolig/beboer/internet for meir informasjon. 22

Skal du bruke eigen PC, må du sjå til at han er fri for virus. Maskiner som er virusinfiserte, blir utestengde frå UiB sitt nettverk. På internett kan ein laste ned virusvern gratis frå kjende leverandørar. PC-vaktene kan rettleie ved installasjon av virusvern og oppkopling mot UiB sine tenester, men gir ikkje generell brukarstøtte på private maskiner. Universitetet i Bergen har ein rammeavtale for breiband slik at alle studentar kan få dette til gunstige prisar. Detaljane om dette finn du på it.uib.no/adsl PC-stover Alle fakulteta har eigne PC-stover og plassar for oppkopling av eigen PC. I tillegg kan du nytte deg av tenestene ved læringssentra til Universitetsbiblioteket. Fellesteneste for utskrift, kopiering og skanning (Pullprint) Dette er ei betalingsbasert teneste der du betaler for kvar kopi eller utskrift. Skanning er gratis. For å få tilgang til tenesta må du ha ein brukarkonto og gyldig studentkort, som fungerer som betalingskort. I tillegg må du fylle pengar på utskriftskontoen via ei webteneste der du kan betale med kredittkort (Visa/Mastercard). Ver merksam på at det kan ta opptil ei veke før du kan ta tenesta i bruk, avhengig av kor raskt du klarer å opprette brukarkonto og skaffe deg studentkort. Les meir her: it.uib.no/pullprint Det matematisk-naturvitskaplege fakultetet har følgande PC-stover: 4 PC-stover i 1. etasje på Realfagbygget 4 PC-stover i 1. etasje i datablokka på Høgteknologisenteret (HIB). Realfagbygget og HIB er opne frå 08.00 til 20.00. 23

7. Universitetsbiblioteket Universitetsbiblioteket (UB) er eit moderne læringssenter, og er ein del av det faglege og pedagogiske tilbodet ved UiB. UB har bibliotekavdelingar ved alle fakulteta. Biblioteket tilbyr arbeidsplassar med Internett tilgang til store boksamlingar tilgang til elektroniske tidsskrift, oppslagsverk og annan faglitteratur på nettet kurs og rettleiing i informasjonssøking og støtte til oppgåveskriving Det meste av det som finst av både trykt og elektronisk materiale ved UB, kan du søkje fram via UB sin elektroniske katalog BIBSYS eller Bibliotekportalen. Studentkortet fungerer òg som lånekort ved UB. Bruk det aktivt! Du er velkommen som lånar ved Universitetsbiblioteket. Bli betre kjend med UB gjennom våre informasjonsfilmar «UB din kilde til informasjon» og «Et plagieringseventyr», sjå uib.no/ub. Bibliotek for realfag Adresse: Johannes Bruns gt. 12 Opningstid i semesteret: Måndag + onsdag fredag: kl. 08.30 19.00 Tysdag: kl. 09.00 19.00 24

8. Fadderordninga Sjølv om fadderveka ikkje tek til før i august, har ei stor gruppe studentar brukt heile våren på å planleggje eit program spekka med arrangement og opplevingar som skal gi deg ein introduksjon til det å vere student i Bergen. Målet med fadderveka er at du skal bli kjend med dine nye medstudentar, med Bergen som studieby, universitetet og alt det spennande du kan engasjere deg i på fritida. Fadderveka er lagd opp slik at ho skal gi deg ein smakebit på det store spekteret av tilbod som finst for studentar. Fadderprogramma for dei ulike fakulteta finn du på våre nettsider uib.no/utdanning Vi ønskjer deg ein god start på studietida! Årets fadderleiarar ved UiB (frå venstre): Hege Solheim, Ragnhild Hanch-Hansen, Josef Flatlandsmo, Eva Michelet Berntsen, Nina Wilborn og Lisa Røgelstad. 26

9. Det første semesteret ved UiB 13. 17. august: Oppstartveke Bli kjend med medstudentar, studieprogram og Universitetet i Bergen. Få på plass alle formalitetane. Noko undervisning startar. Kort sagt: Legg grunnlaget for eit vellykka studium! Startar du på eit bachelorprogram, bør du ikkje bruke tid på langsiktige studieplanar dei første vekene. Det tek vi opp i full breidde under informasjonsveka i oktober. Då kan du i ro og mak setje deg inn i andre studieprogram og eventuelle fag du vil velje inn i fagkrinsen. Det er fullt mogleg å skifte program etter nyttår dersom det er ledige plassar! 20. august Undervisninga startar for fullt. Førebu deg og delta aktivt frå første stund det er lett å kome på etterskot. Eit vellykka fulltidsstudium krev at du bruker minst 40 timar per veke til studia. Du har ikkje tid til å ordne praktiske ting og formalitetar no, det bør du allereie ha gjort unna i oppstartsveka. 1. september Siste frist for registrering og oppmelding til eksamen. Men dette bør du allereie ha gjort i oppstartsveka. 16. 19. oktober (Veke 42) «PÅ VEI». Denne veka gir deg høve til å planleggje studiet ditt vidare. Du skal blant anna setje opp din eigen studie- og karriereplan og delta på eit programmøte for ditt studieprogram der fagtilbodet for vårsemesteret blir presentert. Du vil få informasjon om studium i utlandet, lærarutdanninga og du får presentert yrkesmoglegheiter som studia leier fram mot. Målet er at informasjonsveka skal gi deg eit godt utgangspunkt for å leggje opp din eigen langsiktige studieplan. 28

Desember Eksamen JULEFERIE! Han kjem før du anar! Ta deg ein velfortent pust i bakken og lad opp til vårsemesteret. 14. januar 2013 Oppstart av vårsemesteret 2013.

10. Romoversikt Realfagbygget, U.et. Hovedinngang Infosenteret Lesesal Auditorium 2 Auditorium 1 Seminarrom 1 Aud. 3 Møterom 1 Grupperom 1 6 Ikonenes betydning: Inngang Dør Heis Trapp WC Damer WC Herrer

Redaksjon Studieadministrativ avdeling, UiB Grafisk design og utforming Kommunikasjonsavdelingen, UiB Foto Studieadministrativ avdeling: s. 26 Paul-Erik Rosenbaum: forside, s. 27 Marianne Røsvik: s. 17, 25 Thor Brødreskift: s. 27 istock: s. 5, 27 Paul S. Amundsen: s. 13, 27 Åse Johanne Roti Dahl: s 27 Silje Gripsrud: s 27 MILJØMERKET Trykk Bodoni 241 Trykksak 699

Informasjonssenteret for realfagstudenter Realfagbygget, Allégaten 41, U.etasje studierettleiar@mnfa.uib.no 55 58 30 30