Vi Os kyrkjelyd inviterer til Konfirmantåret 2016/2017
Os kyrkje Konfirmant? Kvifor konfirmant? Lurer du på om du skal bli konfirmert? Om du skal velja kyrkjeleg, humanistisk eller om du skal droppa heile greia? Det er mange grunnar til å velja konfirmasjon. Tradisjonen, festen og gåvene er viktig for mange, ein vil delta i fellesskapet i konfirmanttida, det er ønskje om å læra meir om den kristne trua, om Bibelen. Uansett grunn er det viktigaste at du vel dette fordi du sjølv ønskjer det. Du er hjarteleg velkomen til oss! KVA ER KONFIRMASJON? Konfirmera = å bekrefte. Dåp og konfirmasjon heng saman. I konfirmasjonsgudstenesta vert dåpsløftet om Guds omsorg og kjærleik til deg bekrefta gjennom forbøn. Er du døypt, men likevel i tvil om du vil verta konfirmert? Du kan velja å delta i konfirmantopplegget og så ta eit val utifrå det. Er du ikkje døypt, men ønskjer å konfirmerast? Du kan delta på konfirmantopplegget, få ein kristen dåp i løpet av året og så bli konfirmert. Velkomen til ein spanande og utfordrande konfirmanttid! Os Vil du vera Kyrkjelyd konfirmant i Os kyrkjelyd? Me kan tilby eit variert og spanande opplegg som me trur vil falla i smak hos mange! Ta ein kikk og sjå om dette er noko for deg.
Undervisning Konfirmantopplegget i Os kyrkje går frå september til mai og er variert og innhaldsrikt. Vi har undervisningssamvær, gruppeaktivitet, gudstenester, sjølvstudium på nett, turar og leir. Presentasjon av konfirmantane, haust 2016 Alle konfirmantar vert presenterte for kyrkjelyden på ei presentasjonsgudsteneste: Os kyrkje, 28. august og 18.september kl. 11.00 Nore Neset kyrkje, 11. og 25. september kl. 11.00 Søfteland bedehus, 18.september kl. 11.00 Kick Off-samling for alle konfirmantar, 20. august kl. 16.00-19.00 Oversikt over heile konfirmantåret ARBEIDSFORM ANTALL ALLE konfirmantar deltek på: 4 temasamlingar frå oktober til april, 1 PULShelg (undervisning og gudsteneste), 8 nettleksjonar og 8 gudstenester frå september til april. Gruppeaktivitetane kjem i tillegg og varierer i høve til opplegget for gruppa. (sjå omtale i brosjyra) Konfirmasjonstida er ein viktig del av trusopplæringa di. Den skal gje kunnskap og hjelp til å ta eit sjølvstendig val i høve til trua og fellesskapet du tilhøyrar gjennom dåpen. Konfirmasjonen bekreftar ditt val. Gudstenester, 8 ganger totalt: Presentasjonsgudsteneste Konfirmantane i Os sokn vert presentert PULShelg med tema - Kristent liv i praksis; Bibel, Bøn og Tru i kvardagen. Gudstenesteverkstad og medverknad på gudstenesta sundag. Gudsteneste med gruppa di Andre gudstenester Konfirmanten vel sjølv tid, stad og type gudsteneste Konfirmasjonsgudstenester: Os - laurdag 06.mai og sundag 14.mai / Nore Neset - sundag 07. mai og laurdag 13. mai. Trusopplæring Temasamlingar med variert undervisning (2-3 timar pr.gong) 4 Nettkonfirmant Nettbasert undervisning som sjølvstudium. Eitt tema pr.mnd. 8 Aktivitetsgruppe du kan velje mellom gruppene som er presentert her i brosjyra Fasteaksjonen Infosamling veke 13. Innsamlingsaksjon 4. april 2 Foreldremiddag hyggjeleg samling for konfirmant og foreldre med mat, prat og info 1 Leir eller weekend-turar Eit tilbod for nokre av gruppene (sjå info i brosjyra.) Øving og kappeprøving førebuing og test, onsdag før konfirmasjonen 1 1 1 2 3 1
Konfirmantgrupper 2016/2017 Join Us SONG BAND - DANS DRAMA TEKNIKK Eit ungt og supert kormiljø med ca 40 medlemmar. Her får du oppleva godt vennskap, kjekke aktivitetar, medansvar, mykje moro som kan utvikla og inspirera deg. Øving kvar onsdag kl. 19.00-21.00, konsertar, to helgeturar + Nattcup m.m. Opplegget krev at du gjer ein innsats, men gir deg veldig mykje tilbake. Årets høgdepunkt er eit vårshow med imponerande konsertrigg. Join Us-konfirmantane er med på KFUK-KFUM sin Vinterfestivalen på Voss: Pris kr. 1200,- (opphald og reise) 19.-23.mars 2016 Storleir for konfirmantar! Ved påmelding skriv i kommentarfeltet: 1. Kva du likar best å være med på av song, dans, drama, teknisk, band 2. Kva du kan/har erfaring med av dette (instrument, kurs, prosjekt) Eit konsentrert og superbra opplegg! Passar for alle, men ekstra godt for dei som har stor aktivitet på fritida. 5 dagar fullspekka med aktivitet og fellesskap saman med ca 400 konfirmantar! KonfCamp-gruppa i Os har i tillegg til leiren 3-4 samlingar gjennom året. Pris på leiren opphald og reise er kr.3000,- Skikort/skileige kjem i tillegg.
Konfirmantgrupper 2016/2017 Saman FORandre VIL DU VERE MED OG BETY EIN FORSKJELL FOR NOKON? Vi er med å skapa kjekke arrangement for folk i Os; pensjonistar, innvandrarar, born m.fl. Frivillig innsats og hjelp til dei som treng det er ein viktig del av kyrkja si oppgåve. samanforandre-gruppa vil bidra til at alle skal ha det bra i Os. TT gruppa TT STÅR FOR «TIL TENESTE» Kyrkjelyden treng mange villige hender til små og store oppgåver. Konfirmantane i TT gruppa kan velja blant mange ulike oppgåver som t.d.: gudstenestemedhjelpar, hjelpeleiar i barnearbeidet (Tårnagenter og Lys Vaken), juleverkstad, kyrkjekaffi, TV-aksjonen, levera ut dåpshelsing og kyrkjeblad osv. K; Tune In KREATIVITET, INITIATIV OG FEST! Tune In er kyrkjelyden sin ungdomsklubb. Denne gruppa blir ein viktig del av Tune In miljøet og deltek på klubbkveldar og klubbmøter ca. 2 gonger pr. månad (okt.- april) Gruppa får ansvar for å arrangere ein temafest i klubben i løpet av våren. Dette blir kjekt og lærerikt og du får utvikle deg på fleire måter (pynting, lyd, lys,p.r., mat, program og mykje meir). Gruppa reiser på Vinterfestivalen på Voss saman med Join Us: Pris kr. 1200,- (opphald og reise) Desse gruppene reiser saman på ein overnattingstur frå laurdag til søndag: Pris kr. 600,-
Konfirmantgrupper 2016/2017 KRIK Golf Vil du prøve å ta ein tee off, bruke eit handicap, slå birdie eller bogey, ta en wedge og lære å putta? Då er KRIK Golf gruppa eit godt val for deg. Samlingane har vi i klubbhuset til Bjørnefjorden golfklubb. Du får delta på eit helgekurs som gjev deg «Grønt kort» (Golfkortet). Det vert om lag ei samling kvar månad. KRIK explore UTFORSK LIVET - NATUREN - TRUA! Denne gruppa legg vekt på å prøva mange ulike aktivitetar. For det meste er vi utandørs. Du kan få prøva t.d. kanopadling, fjelltur, skyting, fisking, ski, curling, klatring m.m. Du treng ikkje vera supersprek for å vera med, men det er viktig at du er open for å prøva noko nytt. Det blir garantert flotte opplevingar og gode samtaler. Vi har 5-6 gruppesamlingar frå okt- april pluss ein overnattingstur.
Konfirmantgrupper 2016/2017 Nettprat SPØRSMÅL? SAMTALE... SVAR! FELLESSKAP OG MAT :) Dette er gruppa for deg som ønskjer eit enkelt opplegg. Gruppa har ei samling pr.mnd og jobbar med tema og spørsmåla som vi finn i opplegget for Nettkonfirmant. Samlingane består av måltid og samtale om tema. Det vert lagt opp til ein opplevingstur for gruppa i løpet av året. M&M-gruppa VERDSFOKUS, MÅLTID, PRAT, FELLESSKAP Denne gruppa er for deg som vil læra meir om Bibelen og kristen tru. Spesielt vil vi retta fokus på temaet misjon. Kva er misjon? Kvifor driv kyrkja med misjon? M&M står for Middag og Misjon. På samlingane lagar vi middag saman. Menyen er inspirert av rettar frå Estland, England, Brasil, Madagaskar og Kenya. (Os kyrkjelyd sine misjonsprosjekt). Vi inviterer gjestar som kjenner til landa vi fokuserer på. Det vert undervisning og samtalar.
Konfirmantavgift for dei ulike tilboda Oversikt over prisar for materiell, utstyr m.m. JOIN US K;TUNE IN Undervisning og konfirmasjon 0 0 0 0 0 0 0 0 0 TT-GRUPPA SAMAN FOR ANDRE KONFCAMP KRIK EXPLORE KRIK GOLF NETTPRAT M&M-GRUPPA saman I KONFIRMANTARBEIDET I OS MØTER VI KVARANDRE: høfleg, audmjukt og med respekt Felles utgifter, dekkjer:, undevisningsmateriell leige av konfirmant-kappe, enkel bevertning på ulike samlinger. 900,- 900,- 900,- 900,- 900,- 900,- 900,- 900,- 900,- Medlemskap organisasjon (KFUK/M, KRIK, NMS U) 200,- 200,- 100,- 100,- 100,- Matvarer til middag 250,- Konf-Camp deltakeravgift inkl. reise 3000,- Helgetur inkl reise +deltakaravgift 1200,- 1200,- 600,- 600,- 600,- SUM 2300,- 2300,- 1500,- 1500,- 3900,- 1600,- 1000,- 900,- 1250,- Kostnad kjem i tillegg på evt. andre turar og leirar med gruppene. Betaling: Giro vert utsendt i oktober med betalingsfrist 1. november. Ved behov for annan ordning/avtale er de velkomne til å ta kontakt med kyrkjekontoret! SAMAN vil vi alle gjera vårt for å få til ei flott konfirmant tid. Dette krev di tid og heilhjarta innsats. Vi har mange tilsette og frivillige som bruker tid og krefter for å gje deg eit godt tilbod. Det er viktig at vi møter kvarandre med respekt og forståing og følgjer opp opplegg og avtalar. Ditt ansvar er: Å delta aktivt og ta omsyn til dei andre Å møte på samlingane, vera presis Å vera oppmerksam og til stades i heile undervisningstida Ved mykje fråvær og /eller gjentekne regelbrot vil konfirmantlærar kontakte dei føresette. Respektlaus åtferd og stort fråvær kan føra til utsetjing av konfirmasjonen. Ved påmelding skriv konfirmant, føresett og konfirmantlærar under på ei forventningsavtale.
INFORMASJON TIL DEI FØRESETTE Velkomen til samarbeid! De som er foreldre/ føresette er våre viktigaste medspelarar under konfirmantførebuinga! Vi inviterer til informasjonsmøter: Før påmelding blir det foreldresamling med informasjon om opplegg og forventningar for konfirmasjonstida i Os, tysdag 7.juni: Os kyrkje, kl. 18.00-19.00 Nore Neset kyrkje, kl. 19.30-20.30 Haust: Vår: Første gruppesamling i september for konfirmantar og foreldre/føresette Foreldremiddag med info i januar for konfirmantar og foreldre/føresette Vi treng hjelp til: PULShelga servering av mat laurdag og laga til kyrkjekaffi søndag Fasteaksjonen 4.april, sjåfør, bøsseberar m.m Vaksen støtte ved større arrangement og turar (LAN, nattcup, turar og leirar) Vaksen støtte på nokre gruppesamlingar, klubbkveldar og korøvingar Dette ber vi dykk ta medansvar for: Meld frå om særskilde behov (t.d. lesevanskar, allergiar, funksjonshemming og anna) slik at vi kan leggja til rette så godt som mogeleg utifrå behova Hjelp konfirmanten til å møta på de samlingane dei skal Meld frå skriftleg ved sjukdom eller anna nødvendig fråvær Hjelp konfirmanten å prioritera konfirmantsamvera framfor fritidsaktivitetar. Sjå til at konfirmanten lærer kjernestoffet som dei får tildelt Motivere til å arbeide med Nettkonfirmant-oppgåvene.
Påmelding www.os.kyrkja.no www.os.kyrkja.no Påmeldinga til konfirmantåret skjer via internett. Fyll inn all informasjon vi ber om og klikk på «send» for å verte påmeld. Gå til www.os.kyrkja.no. Finn linken «konfirmantpåmelding». Du får ei stadfesting om at påmelding er motteke på e-post. Kontakt oss om du ikkje har motteke bekreftinga, tlf. 56572400. Påmelding innan 18. juni - då vert alle likt vurdert i fordeling av gruppene. Påmeldte etter dette vert plassert ut ifrå ledig kapasitet i gruppene. Konfirmant og føresette vert innkalla til ein PÅMELDINGSSAMTALE og innlevering av forventnings-avtala på kyrkjetunet eller i Nore Neset kyrkje i juni eller august. VIKTIG! Ved påmelding må du ha klar: E-postadressa til både konfirmant og foreldre Mobilnummer til både konfirmant og foreldre Bilde av konfirmant (jpg-format mindre enn 500kb) Dåpsdato, dåpskyrkje for konfirmanten Vi møtest til hausten!
Har du spørsmål? Ring 56 57 24 00 eller send ein e-post til: post@os.kyrkja.no Du er óg velkomen innom kontoret for ein prat på Kyrkjetunet, Øyro 49..