Hei! Eg har gleda av å invitere 2. og 6. klasse til gudsteneste før påske. Me har sett opp gudstenester fylgjande dag og tider; Nysæter kyrkje: 2.trinn: tysdag 19. mars kl 09.30 6.trinn: tysdag 19. mars kl 11.00 Nedanfor finn de gongen i gudstenesta, ei oversikt over oppgåvefordelinga til dei ulike skulane og tekstane som skal lesast. Vedlagt finn de og ark med songane me syng i gudstenesta. Fint om de brukar tekstane me sender ved. Gudstenesta vert slik den har vore dei siste åra. Noko som gjer at det vert ein del meir tekstlesing. Oppsettet for gudstenesta vert lik for 2. og 6. klasse. Men deltakinga vert noko ulik. Nedanfor finn de oversikt over gudstenesta. Og oversikt over elevdeltaking. Er det noko de lurar på er det berre ta kontakt. Helsing Brynhild Meyer Stautland kyrkjelydspedagog
Oppgåvefordeling i Nysæter kyrkje 6.klasse (Eg synet de som er lærarar sjølv kan bestemma kor mange som skal dela på lesinga.) Gudstenesteledd Oppgåve Skule Prosesjon Bera inn Vaskefat, druer, brød, krukke med salve, prosesjonskors, Sagvåg blomen på alteret, 2 elevar ber inn lys og tenner alterlysa. (8 elevar) Palmesøndag Tekstlesing Sagvåg Skjærtorsdag Tekstlesing Sagvåg Langfredag Tekstlesing Sagvåg Forbøn 3 elevar les bøna Litlabø 3 elevar tenner lys under forbøna Påskemorgen Tekstlesing 2 elevar ber fram sola 1 elev med kubbelys 2 elevar med lys som dei tenner i kubbelyset og vidare tenner alterlys Litlabø 2. klasse Gudstenesteledd Oppgåve Skule Prosesjon Bera inn Vaskefat, druer, brød, krukke med salve, prosesjonskors, Sagvåg blomen på alteret, 2 elevar ber inn lys og tenner alterlysa. (8 elevar) Palmesøndag 10 Palmegreiner Sagvåg Forbøn 3 elevar tenner lys under forbøna Litlabø Påskemorgen 2 elevar ber fram sola 1 elev med kubbelys 2 elevar med lys som dei tenner i kubbelyset og vidare tenner alterlysa Litlabø
Påskegudsteneste 2. og 6. klasse Innleiing * Velkommen og presentasjon av gudstenesta * S97 105 Så pyntar vi vårt hus til fest: * Elevane ber inn: Vaskefat, druer, brød, krukke med salve, blom, lys og prosesjonskors * Nådehelsing * Gloria Inntoget i Jerusalem * Tekstlesing: Mark 11,1-10 * Litt om palmesøndag * NoS 137 Hosianna syng for Jesus. Elevar står i midtgangen og viftar med palmegreiner (berre 2.trinn) Skjærtorsdag * Tekstlesing: Luk 22,14-16 og Matt 26,26-28 * Litt om skjærtorsdag * Truvedkjenninga Langfredag * Tekstlesing: Luk 22,39-42; 23,32-34; 23,44-46 * Etter tekstlesinga vert alterlysa sløkt. Blomen vert teken vekk i frå alteret. Ei tornekrone vert lagt på alteret. Lyset i kyrkjerommet vert sløkt. Medan dette hender vert det spelt forspel til Han gikk den tunge veien. * NoS 133 Han gikk den tunge veien * Forbøn * Fadervår Påskemorgen * Kyrkjerommet er mørkt. Ein elev kjem fram med eit tent kubbelys. Bak kjem to elevar med ei sol som vert festa framme i kyrkja. Så kjem to elevar som får lys i frå kubbelyset og tenner lysa på alteret. Blomen på alteret vert sett på plass og tornekrona fjerna frå korset. Lyset i kyrkjerommet vert tent. Medan dette hender vert det spelt forspel til Påskemorgen. * NoS 184 Påskemorgen slukker sorgen * Tekstlesing: Matt 28.1-8 * Litt om påskemogon Avslutning * NoS 187 Deg være ære * Velsigning * 3x3 klokkeslag * Postludium
Palmesøndag Mark 11,1-10 Då dei nærma seg Jerusalem og var komne til Betfage og Betania ved Oljeberget, sende Jesus to av læresveinane i veg og sa til dei: «Gå bort i den landsbyen som ligg framfor dykk! Straks de kjem inn der, finn de ein eselfole som står bunden, og som det aldri har sete nokon på. Løys han og kom hit med han. Og er det nokon som spør: Kva er det de gjer? skal de svara: Herren har bruk for han og sender han straks tilbake.» Så gjekk dei og fann folen, som stod bunden ute i gata attmed ei dør, og dei løyste han. Nokre av dei som stod der, sa til dei: «Kva er det de gjer? Løyser de folen?» Dei svara så som Jesus hadde sagt, og då fekk dei gå. Så kom dei til Jesus med folen og la kappene sine på han, og Jesus sette seg oppå. Mange breidde kappene sine på vegen, andre strødde friske greiner som dei hadde hogge ute på markene. Både dei som gjekk føre, og dei som følgde etter, ropa: «Hosianna! Velsigna er han som kjem i Herrens namn! Velsigna er vår far Davids rike som kjem! Hosianna i det høgste!» Skjertorsdag Luk 22,14-16 Då tida kom, gjekk Jesus til bords og apostlane med han. Og han sa til dei: «Eg har lengta inderleg etter å eta dette påskemåltidet i lag med dykk før eg skal lida. For eg seier dykk: Aldri meir skal eg eta påskemåltidet før det har vorte fullenda i Guds rike.» Matt 26,26-28 Medan dei heldt måltid, tok Jesus eit brød, takka og braut det, gav det til læresveinane og sa: «Ta imot og et! Dette er min kropp.» Og han tok eit beger, takka, gav dei og sa: «Drikk alle av det! Dette er mitt blod, paktblodet, som blir utrent for mange så syndene blir tilgjevne.
Langfredag Luk 22,39-42 Så gjekk han ut og tok vegen til Oljeberget som han hadde for vane, og læresveinane følgde han. Då han kom dit, sa han til dei: «Be at de ikkje må koma i freisting!» Han sleit seg frå dei så langt som eit steinkast, fall på kne og bad: «Far, om du vil, så ta dette begeret frå meg! Men lat det bli som du vil, ikkje som eg vil!» Luk 23,32-34 To andre forbrytarar vart òg førte bort og skulle avrettast saman med Jesus. Og då dei kom til den staden som heiter Hovudskallen, krossfeste dei både han og forbrytarane, den eine på høgre sida hans, den andre på venstre. Men Jesus sa: «Far, tilgjev dei, for dei veit ikkje kva dei gjer.» Luk 23,44-46 Det var alt kring den sjette timen. Då fall det mørker over heile landet, og mørkret låg til den niande timen, for sola lyste ikkje lenger. Forhenget i tempelet rivna midt i to, og Jesus ropa med høg røyst: «Far, i dine hender gjev eg mi ånd!» Med desse orda anda han ut. Påskemorgen Matt 28,1-8 Då sabbaten var til ende og det tok til å lysna første dagen i veka, kom Maria Magdalena og den andre Maria for å sjå til grava. Då kom det brått eit kraftig jordskjelv, for ein Herrens engel steig ned frå himmelen, gjekk fram til grava, rulla steinen ifrå og sette seg på han. Han var som eit lyn å sjå til, og kleda hans var kvite som snø. Vaktmennene skalv av redsle for han og vart liggjande som døde. Men engelen tala til kvinnene og sa: «Ver ikkje redde! Eg veit at de leitar etter Jesus, den krossfeste. Han er ikkje her; han er stått opp, som han sa. Kom og sjå staden der han låg! Skund dykk av stad og sei til læresveinane hans: Han er stått opp frå dei døde, og no går han føre dykk til Galilea; der skal de få sjå han. No har eg sagt det til dykk.» Då skunda dei seg bort frå grava, redde, men jublande glade; og dei sprang av stad for å fortelja det til læresveinane.
Forbøn Prest: Lat oss alle be Elev 1: Me tenner eit lys i glede, og takkar deg, Gud, for at du er glad i oss. Hjelp oss å dela vår glede med alle menneske. Hjelp dei som har det vanskeleg til å kjenne glede. Elev 2: Tenner lys. Elev 3: Me tenner eit lys for håp. Jesus, du levde slik at menneske fekk håp. Lat lyset ditt skina i mørket. Hjelp oss å leva slik at andre menneske får håp. Elev 4: Tenna lys Elev 5: Me tenner eit lys for fred. Me ber for dei som styrer og bestemmer i verda. Hjelp dei til å bruke makta til å skape fred. Hjelp oss til å halda fred med kvarandre. Elev 6: Tenna lys Prest: Det bed vi deg om vår Gud og Far