Bli kjent med Bergetippen barnehage

Bli kjent med Bergetippen barnehage

Velkommen til Bergetippen barnehage Vi ynskjer dykk velkomne til Bergetippen barnehage! Bergetippen barnehage ligg i Julsundet i Aukra kommune og er ein kommunal heildagsbarnehage med fem avdelingar. Vi har tre småbarnsavdelingar - Maurtua, Furukongla og Revehiet, og to storbarnsavdelingar Nisseberget og Trollberget. Personalet Vi er litt over 20 personar i personalet, med styrar, assisterande styrar, merkantil, pedagogiske leiarar, fagarbeidarar, assistentar og lærling. Styrar: Berit Drejer Berit.drejer@aukra.kommune.no 71 17 14 88 Assisterande styrar: Monika Sætre Monika.saetre@aukra.kommune.no 71 17 14 85 Maurtua Tlf: 41 69 50 49 Furukongla Tlf: 99 26 55 11 Nisseberget Tlf: 90 71 20 83 Besøksadresse Vollskaret 4, 6409 Molde Postadresse Bergetippen barnehage, Aukraringen 25, 6480 Aukra Trollberget Tlf: 90 71 81 63 Revehiet Tlf: 99 31 96 19 1

Heimeside www.aukra.kommune.no, i menyen klikkar du på barnehage. Opningstider Barnehagen er open frå 07.00 til 16.30. Barna må hentast innanfor opningstida. Dørene blir låst kl. 16.30. Kl. 07.00 barnehagen opnar Kl. 08.15-08.45 frukost Kl. 09.30-14.30 kjernetid Kl. 11.00 lunsj Kl. 14.00 ettermiddagsmat Kl. 16.30 barnehagen stenger Levering og henting Når de leverar og hentar barnet, må de alltid gje beskjed til ein i personalet på avdelinga. Dersom andre enn foreldre/føresette skal hente barnet, må personalet få vite det på førehand. Vedkomande må vise legitimasjon ved henting om vedkomanda ikkje er kjent for personalet. Ferie Barna skal ha fem veker ferie gjennom året. Føresette må melde frå om tre veker samanhengande ferie for barnet i perioden frå og med 1. juni til og med 14. august med frist 1. mai. Den fjerde veka kan vere jul/påske/vinterferie. Barnehagen er stengt jule- og nyttårsaften. Onsdag før skjærtorsdag er barnehagen stengt frå kl. 12.00. Føresette må melde frå om barna kjem i barnehagen i romjula og påskeveka. Dei 5 studie- og planleggingsdagane gjennom året vert rekna som den 5. ferieveka. (Henta frå vedtektene til Aukra barnehagane) Planleggingsdagar Vi har fem planleggingsdagar i løpet av eit barnehageår, og då er barnehagen stengt. Det er følgjande dagar: - Nytt barnhageår startar 15. august, og startar alltid med to planleggingsdagar. - Måndag i haustferien er personalet på Romsdalsk barnehagestevne. - Fredag etter Kristi himmelfartsdag - Den siste planleggingsdagen varierer 2

Årsplana vår består av tre delar: Bli kjent med Bergetippen barnehage, er det dokumentet du nå les, og inneheld praktiske opplysningar om barnehagen. Årsplan Bergetippen barnehage, den inneheld blant anna det gjennomgåande innhaldet vi arbeider med heile året, som til dømes er vennskap, likeverd, omsorg, leik, kjensler, konfliktløysing, ansvar, etikk, kvardagssituasjonar og fagområde frå Rammeplanen. Dette er likt for alle avdelingane. Når FAU har godkjent årsplanen på hausten blir den lagt ut på heimesida. Samarbeid FAU og SU For å sikre samarbeidet mellom barnehagen og heimane, skal barnehagen ha eit foreldreråd (FAU) og eit samarbeidsutval (SAMU). Val av Foreldreråd blir valt på foreldremøte om hausten. Slik har foreldra høve til medverknad på innhaldet i barnehagearbeidet. Månadsplan, avdelingane lagar månadsplan som blir sendt på e-post. Det periodebestemte innhaldet følgjer årstidene, høgtider og tema som vi arbeider med i avgrensa periodar. Dette finn de i månadsplanen. Elles vil det kome ulik informasjon til ei kvar tid, slik at alle føresette må følgje med på e-post, oppslagstavler og dører på sine avdelingar. 3

Tilknyting og tilvenning Barnehagelova slår fast at kvalitet handlar om korleis den enkelte barnehagen legg til rette for omsorg, leik, læring og danning. Vi meiner at ei god og trygg tilvenning vil fremje læring og utvikling, som igjen har nær samanheng med kvaliteten. Kvalitet er avgjerande for om barnehagen blir ein ressurs eller ei belasting for barnet. Dei yngste barna Tilknyting er ein livsnødvendig prosess som resulterer i eit band mellom barnet og omsorgspersonen. Tilknyting er nødvendig for å sikre eigen tryggleik og overleving. Dei fleste barn har utvikla ei trygg tilknyting til ein eller to omsorgspersonar når dei startar i barnehagen som 1åring. Viktige kjenneteikn på trygg tilknyting er omsorgspersonen si evne til å roe ned og trøste barnet, og barnet si eiga evne til å ta imot trøyst, bli roleg og bruke tida si på leik og utforsking. Tilknytingspersonen si hovudoppgåve er å fungere som ei sikker hamn, dvs. ta imot barnet når det har behov for trøyst og omsorg, og å vere ein trygg base for barnet si utforsking, leik og læring. Tryggleikssirkelen illustrerer korleis dei vaksne i barnehagen kan vise godheit og skape tryggleik, korleis dei kan regulere barna sine kjensler og hjelpe til i leik og venskap. I tråd med Bowlby sitt omgrep «trygg base», fungerer den vaksne som ein base for tryggleik og støtte, noko som motiverer barnet til å utforske omgivnadane. Når barnet treng trøyst, omsorg og nærleik, fungerer den same vaksne som ei sikker hamn. Vi vektlegg kor viktige dei føresette er for barnet si tilvenning. Dei føresette er til stades med barnet i minst tre heile dagar i barnehagen. Med tre heile dagar meiner vi at barnet og føresette kjem i barnehagen ca kl. 9.00 og avsluttar dagen ca kl. 14.30 Her har dei føresette ansvaret for barnet medan det blir stelt, søv, leikar, ved måltid og under aktivitetar. 4

Tilknytingspersonen i barnehagen er til stades saman med den føresette, og tilknytingspersonen observerer korleis barnet reagerer, og likeins korleis dei føresette møter barnet. Etter kvart vert barnet kjend med tilknytingspersonen, og denne overtar meir og meir omsorga for barnet. Den føresette er fortsatt med, men trekker seg litt tilbake. Slik får barnet tryggleik både frå den føresette og tilknytingsperson. På denne måten blir den føresette også meir kjend med barnehagen si organisering, og oppnår meir realistiske forventningar og større grad av tryggleik. Det kan få store positive ringverknader for det vidare samarbeidet, noko som igjen fører til større tryggleik for barna. Tilknytingsperson for dei største barna, òg. Alle barna i Bergetippen barnehage får ein tilknytingsperson når dei byrjar i barnehagen. Det vil seie at ein primær vaksen har det spesielle ansvaret for oppfølging av barnet. Slik sikrar vi at nokon følgjer opp kontakt, kommunikasjon og samspel med kvart enkelt barn. Spesielt er tilknytingspersonen viktig når barnet tar til i barnehagen, som ein trygg person å vende tilbake til når det etter kvart utforskar meir og meir omkring seg. I mange situasjonar kan det vere godt å vite at barnet har sin primære vaksen som følgjer det opp. Det er trygt å vite for foreldra, og for barnet sjølv, samt for personalet som skal prøve å sikre at alle barn blir sett og får nær vaksenkontakt kvar dag. Her skal det stå noko om samtale mellom føresette og pedagogisk leiar før oppstart. 5

Kosthald og god helse «Godt kosthald og god veksling mellom aktivitet og kvile er av betyding for å utvikle ein sunn kropp» Rammeplanen kapittel 3.2 Vi i Bergetippen barnehage legg vekt på eit sunt og variert kosthald. Deler av personalet har gjennomført kurset «Fiskesprell», og vi har som mål at heile personalet på sikt skal gjennomgå kurset. Avdelingane har ofte varmlunsj, der det ofte blir brukt fisk. Bergetippen barnehage er også ein 5-om dagen barnehage. Det vil seie at vi serverer opp kutta frukt og grønsaker kvar dag, og bursdagar blir feira med fruktfest eller smoothie. Vi får levert variert og god frukt frå Astero. Ny forsking viser at barn får i seg dobbelt så mykje salt som dei skal ha, og alt for mykje sukker. Mykje av saltet kjem frå kjøpebrød, kjøttprodukt og ferdigmat. Ved å bruke mykje grønsaker og fisk, og lage maten frå grunnen av, får vi betre balanse i kosten. Barn må få smake dei same grønsakene ofte for å bli kjende med dei. Måltida i barnehagen Barna har med matpakke til frukost og ettermiddagsmat. Vi oppmodar foreldra til å sende med barna sunne matpakkar, utan sjokoladepålegg, kjeks og søte saker. Barna i dag får i seg for mykje sukker. I barnehagen ynskjer vi å motverke dette. Kostpengar Kvar månad betalar de foreldre 300 kr i kostpengar. Denne betalinga kjem i tillegg til betaling for plassen, og blir betalt saman med barnehageopphaldet. 6

Klede og utstyr Ta med: - Innesko, tøflar eller sklisokkar - Regntøy og støvlar - 2 3 skift - Parkdress, evt utetøy - Ullklede/fleece Husk å namne alt tøy, matboksar, vogner og anna som blir tatt med til barnehagen! Barnehagen er ikkje erstatningspliktig for bortkomme tøy, men namna tøy er lettare å halde orden på. Ta ein sjekk kvar veke for å sjå om barnet ditt har det som trengst og om utstyret er i orden. Kvar fredag må det ryddast i hyllene dersom det skal bli vaska. Vi ber også om at de tek med regnklede og anna yttertøy kvar fredag. Sjukdom Det er viktig at barnehagen får beskjed ved sjukdom. Husk at smittefaren er stor i ein barnehage og at ved f.eks oppkast og diare skal barna vere heime 48 timar etter at dei er symptomfrie. Ved sjukdom må borna haldast heime til dei er friske nok til å ta del i uteleiken. Dersom allmenntilstanden til barnet vert dårleg i løpet av dagen, tek personalet kontakt med foreldre/føresette og ber om at barnet blir henta. Når det gjelder medisinering, skal dette helst bli gitt av føresette. Om det er behov for at barnet skal ha medisin i løpet av tida i barnehagen, må avtale skrivast med styrar og ulike skjema fylles ut. Ta kontakt med barnehagen for å få dette. Det er blant anna eit skjema som lege må fylle ut. Foreldra til bleiebarn held sjølv bleier og evt. salver. Dei som har med vogn til soving, må sjå etter at denne er i orden kvar morgon. Alle skal ha fempunktssele i vogna, og myggnetting og regntrekk til ei kvar tid. 7

Delte plassar Eit barn kan ha 60, 80 eller 100 % plass i barnehagen. Når barnet har redusert plass, får det fullt tilbod dei dagane det er i barnehagen, på linje med dei som er på full plass. Barn på delt plass får det tilbodet som er i barnehagen den dagen. Det er også høve til å kjøpe enkeltdagar etter nærare avtale med personalet på avdelinga. På spesielle dagar som Luciadag, nissefest, temafest og avslutningstradisjonar, inviterer vi også dei med delt plass til å delta i eit avgrensa tidsrom, dersom dei ikkje har plass den dagen. Bursdagsfeiring Barnehagen lagar fruktfat eller smoothie. Vi syng bursdagssang og lagar krone, og avdelinga set opp flagg ute. Dersom foreldre ønskjer å legge invitasjonar i hyllene i barnehagen, kan de invitere: - alle barna på avdelinga - alle på avdelinga som er fødd same år som bursdagsbarnet - alle jentene eller gutane på avdelinga, eller - alle jentene eller gutane på avdelinga, som er fødd same året. Leiker Det er ikkje lov å ha med eigne leiker i barnehagen, fordi ein må rekne med at leikene blir brukt av mange og kan få hard medfart. Barna kan ha med pute eller eit kosedyr som kan brukast i kvilestunda. 8