Fylkesmannen i Telemark Miljøvernavdelinga Sakshandsamar, innvalstelefon Elisabeth Hammerli, 35 58 61 36 Kontrollrapport Kontrollrapport nummer: 2013.021.I.FMTE Saksnummer: 2013/1556 Dato for kontroll: 24.04.2013 Informasjon om kontrollert verksemd: Navn: Dalen Mekaniske Produksjon as Bedriftsnr.: 973096516 Foretaksnr. (morselskap): 911608103 Postadresse: Postboks 24, 3886 Dalen Tlf./e-post: 35077213/ hermann@dalen-mekaniske.no Besøksadresse: Åse Stålekleivs gate 8, 3880 Dalen Kommunenr / kommune.: 0833 / Tokke Bransjenr. (NACE-kode): 25.620 Bearbeiding av metaller Anleggsnr.: 0833.0006.01 Til stades under kontrollen: Frå verksemda: Hermann Betten Magne Brendeland Frå Fylkesmannen: Guri Ravn Elisabeth Hammerli Kontrollomfang: Kontrollen er ikkje ein uttømmande kontroll innan Fylkesmannens tilsynsområde, men er avgrensa til: Handtering av farleg avfall (lagring, merking, deklarering etc.) Handtering av kjemikaliar Forureiningar frå anlegg for kjemisk/elektrolytisk overflatebehandling Oppfølging av desse temaa i verksemda sin internkontroll. Innhaldet i kontrollrapporten: Rapporten beskriv dei avvika og merknadene som blei konstatert under kontrollen knytt til: Avfallsforskrifta Internkontrollforskrifta Produktkontrollova Forureiningsforskrifta Forureiningslova Resultat frå kontrollen Fylkesmannen avdekka 4 avvik* under kontrollen. Det er ikkje gitt merknader. Se nærare omtale i rapporten. Oppfølging etter kontrollen Vi syner til fristar for tilbakemelding i oversendingsbrevet til denne rapporten. Skien 30.05.2013 Elisabeth Hammerli sted dato Fylkesmannen i Telemark (etter fullmakt, rapporten er godkjent elektronisk og har derfor inga underskrift) * Avvik og merknad er definert på side 2 i rapporten
Definisjon - avvik: Brot på av krav fastsett i eller i medhald av helse-, miljø- og sikkerheitslovgivinga (til dømes brot på krav i forureiningslova og/eller produktkontrollova og/eller forskrifter heimla i desse eller krav og vilkår fastsett i utsleppsløyvet.) Definisjon - merknad: Eit forhold som tilsynsetatane meiner det er naudsynt å peike på for å ta vare på helse, miljø og sikkerheit, men som ikkje omfattast av definisjonen for avvik. Informasjon om kontrollgebyr: Fylkesmannen kan fastsetje gebyr for arbeid med løyver og kontroller, jf forureiningsforskriftas kapittel 39. Nærare informasjon om dette kan fåast via http://lovdata.no/for/sf/md/td-20040601-0931- 103.html. Se vedtak om gebyr i oversendingsbrevet. Informasjon om vedtak om tvangsmulkt: Dersom Fylkesmannen ikkje mottar den skriftlege tilbakemeldinga innan den fristen som er fastsett, har vi moglegheit til å fatte vedtak om tvangsmulkt. Vedtak om tvangsmulkt blir fatta med heimel i forureiningslova 73 og/eller produktkontrollova 13. Ein eventuell tvangsmulkt kan fastsetjast som eit eingongsgebyr eller eit løpande dagsgebyr som gjeld så lenge ei tilbakemelding som godtgjer at avvik kan lukkast, ikkje er mottatt. Stort farepotensial ved stoffer som blir brukt ved overflatebehandling Stoffa som brukast ved overflatebehandling har eit stort farepotensial, både for helse og miljø. Derfor er det viktig at alle som arbeider med slike prosessar overheld regelverket. Utslipp til vatn Prosessvatn inneheld restar av metall og kjemikaliar som ikkje må sleppast direkte til kloakk. Skyljevatn skal reinsast før det kan førast til kommunalt leidningsnett. Handtering av farleg avfall Avfall frå overflatebehandling er som regel farlig avfall og må handterast forsvarleg og leverast til godkjent innsamlar eller mottak. Farleg avfall er blant anna brukte bad, botnslam frå bad, slam frå reinseanlegg og kjemikalieavfall. Aktuelt regelverk: Aktuelle heimlar for avvik som blir avdekt gjennom kontrollen finst i følgjande regelverk: Forskrift om systematisk, helse-, miljø- og sikkerhetsarbeid i virksomheter (internkontrollforskrifta), av 6. desember 1996 med seinare endringar Forskrift om gjenvinning og behandling av avfall (avfallsforskrifta), kapittel 11 Farlig avfall, av 1. juni 2004, med seinare endringar Lov om kontroll med produkt og forbrukertjenester (produktkontrollova) av 9. januar 1977 med seinare endringar, kap 3 og 3a Forskrift om begrensning av forurensning (forureiningsforskrifta) av 1. juni 2004 med seinare endringar, kap. 28 Lov om forurensninger og om avfall (forureiningslova) 7 om plikten til å unngå forurensninger. Sjå lover og forskrifter på Klima- og forurensningsdirektoratet (tidlegare Statens forurensningstilsyn, SFT) si heimeside www.klif.no eller via www.regelhjelp.no.
Avvik Følgjande avvik blei funne under Fylkesmannens kontroll: Avvik 1: Handteringa av farleg avfall er ikkje tilfredsstillande. Avvik frå: Avfallsforskriftas 11-5, forsvarleg oppbevaring, 11-8, leveringsplikt og 11 12, deklarasjonsplikt Grunnlag for avviket: a) Verksemda si oppbevaring av farleg avfall er ikkje fullt ut tilfredsstillande. b) Verksemda har ikkje overhalde leveringsplikta som seier at alt farleg avfall må leverast til godkjent avfallsmottak minst ein gong per år. c) Verksemda har deklarasjonsskjema for levert farleg avfall, men fleire av desse er ikkje fullstendig fylt ut. Kommentarar a) Verksemda lagrar det farlege avfallet inne og i ein låst container ute, men nokre av avfallsbehaldarane er ikkje merka med innhald. Det er ikkje satt opp behaldarar for sprayboksar og oljehaldeg avfall som oppsugingsmatter, filler og liknande. b) Verksemda har levert det farlege avfallet til godkjent mottak, men alt farleg avfall er ikkje levert kvart år. c) Deklarasjonsskjema er ikkje alltid tilfredsstillande utfylt det manglar EAL-kode på fleire skjema. Verksemda har sjølv ansvar for at deklarasjonsskjemaa alltid er riktig utfylt. Fylkesmannen vil presisere at det ikkje er naudsynt å deklarere det avfallet som vert levert til Jens Gundersen as for gjenvinning av sølv etc., men det må dokumenterast kva og kor mykje som vert levert. Fylkesmannens forventningar til oppfølging og tilbakemelding frå verksemda: Dokumentasjon (t.d. bilete) på at alt farleg avfall vert oppbevart i eigne merkte behaldarar må sendast Fylkesmannen. Verksemda må levere alt farleg avfall til godkjent mottak minst ein gong i året, og deklarasjonsskjema må oppbevarast som dokumentasjon. Det farlege avfallet som ikkje er levert det siste året, må leverast no, og kopi av deklarasjonsskjema må sendast Fylkesmannen. Verksemda må passe på at alle deklarasjonsskjemaa er fullstendig utfylt, og at dokumentasjon på avfall som vert levert til gjenvinning hos Jens Gundersen as også vert oppbevart. Avvik 2:. Handtering av kjemikaliar i verksemda er ikkje tilfredsstillande Avvik frå: Produktkontrollova 3a og internkontrollforskrifta 5, 2. ledd, pt 6 og 7 Grunnlag for avviket: a) Verksemda har ikkje tilstrekkeleg oversikt over dei kjemikalia som er i bruk. b) Det finst ikkje oppdaterte sikkerheitsdatablad på alle kjemikaliar. b) Verksemda har ikkje dokumenterte substitusjonsvurderingar for helse- og miljøfarlege kjemikaliar, og har ikkje rutine for substitusjon av desse i internkontrollen. Kommentarar a) Verksemda har ei innhaldsliste over sikkerheitsdatablad, men ho er ikkje fullstendig det manglar datablad på nokre produkt. b) Ikkje alle datablada er oppdatert. Sikkerheitsdatablad skal pr. d.d. ikkje vere eldre enn frå 2008. Datablada skal vere på norsk og eventuelt andre språk om det er naudsynt.
c) Verksemda har ikkje vurdert og dokumentert om nokre av dei helse- og miljøfarlege kjemikalia dei brukar kan skiftas ut/er skifta ut med mindre helse- og miljøfarlege kjemikaliar, og har ikkje rutine for substitusjonsvurderingar i sitt internkontrollsystem. Fylkesmannens forventningar til verksemdas tilbakemelding: Følgjande dokumentasjon skal sendast Fylkesmannen: Kopi av fullstendig liste over sikkerheitsdatablad. Stadfesting av at datablada er oppdaterte. Dokumentasjon på at substitusjonsplikta er overheldt. Kopi av rutine for substitusjonsvurderingar. Avvik 3: Verksemda har mangelfull internkontroll Avvik frå: Forskrift om systematisk helse-, miljø- og sikkerheitsarbeid i verksemder (internkontrollforskrifta), 5, andre ledd punkt. 6 og 7. Grunnlaget for avviket er skildra nedanfor (avviket er ikkje basert på ein fullstendig gjennomgang av internkontrollen). a) Verksemda har ikkje skriftlege rutinar for handtering av farleg avfall. b) Verksemda har manglar i sine rutinar for handsaming av avvik. c) Verksemda har ikkje utarbeida ei skriftleg miljørisikoanalyse. Kommentarar a) Verksemda har manglar i dei skriftlege rutinane som sikrar at farleg avfall handterast i tråd med gjeldande regelverk. Det finst ein rutine for handsaming av cyanidavfall, men ikkje for anna farleg avfall. Rutinane skal blant anna sikre at: - verksemda har oversikt over alle typar farleg avfall som oppstår, og må i samband med dette vurdere kva for produktrestar og restar frå bad, evt. skyljevatn osv. som må handterast som farleg avfall. - alt farleg avfall vert lagra i dertil egna og merka behaldarar. - alt farleg avfall vert lagra slik at lekkasje eller søl ikkje medfører forureining - alt farleg avfall er sikra mot tilgang frå uvedkommande - alt farleg avfall vert levert til godkjent mottak minst ein gong i året - alt farleg avfall vert deklarert på standard deklarasjonsskjema ved levering til godkjent mottak. b) Verksemda har eit elektronisk avvikshandsamingssystem, men det er ikkje tilpassa avvik knytt til ytre miljø. Rutine for avvikshandsaming skal sikre at verksemda avdekkjer, retter opp og førebyggjer brot av krav satt i lovverk knytt til forureining av ytre miljø. c) Det er ikkje gjennomført nokon risikoanalyse av verksemda i høve til ytre miljø. Ein miljørisikoanalyse skal m.a. omfatte ei risikovurdering av potensielle hendingar som kan medføre ein forureiningsfare og risikohandtering (handlingsplan for å redusere risiko) for dei ulike hendingane. Det finst ulike metodar for gjennomføring av miljørisikoanalyse. Forureiningsmyndigheita forventar at ein miljørisikoanalyse som eit minimum må omfatte følgjande tilhøve: - fare for forureining til omgjevnadene. - om farleg avfall kan komme på avvege. Vidare vert det forventa at verksemda har utarbeidd ein handlingsplan for å redusere risiko og gjennomført tiltak for å redusere risiko.
Fylkesmannens forventningar til tilbakemelding frå verksemda: Følgjande dokumentasjon skal sendast Fylkesmannen: Kopi av rutinar for handtering av farleg avfall. Kopi/utskrift av rutine for avvikshandsaming som kan nyttast på avvik knytt til ytre miljø. Kopi av resultat frå miljørisikoanalyse inkludert utarbeidd tiltaks-/ handlingsplan. Avvik 4: Journalføringa i verksemda er mangelfull Avvik frå: Forskrift om begrensning av forurensning(forureiningsforskrifta) kap. 28-6 Grunnlag for avviket: Verksemda fører ikkje journal over mengde og type kjemikaliar som blir brukt og mengde og type avfall som oppstår i samband med galvaniseringsprosessen. Kommentarar: Det er ikkje ført nokon journal over mengde og type kjemikaliar brukt i galvaniseringsprosessen og forbehandlinga til denne. Verksemda fører ikkje journal over mengde og type avfall frå galvaniseringsprosess inkludert forbehandling og korleis dette er disponert. Fylkesmannens forventningar til tilbakemelding frå verksemda: Følgjande dokumentasjon skal sendast Fylkesmannen: Dokumentasjon på at journalføring av mengde og type kjemikaliar brukt i galvaniseringsprosessen og forbehandlinga er sett i gang. Dokumentasjon på at verksemda har sette i gang journalføring av mengde og type avfall frå prosessen og forbehandlinga til denne, og disponering av avfallet. ANNEN NYTTIG INFORMASJON: Informasjon om farleg avfall og kjemikaliar Farleg avfall inneheld helse- og miljøfarlege kjemikaliar som ikkje skal handterast saman med forbruksavfall fordi det kan medføre alvorlige forureiningar eller fare for skade på menneske eller dyr. Farleg avfall på avvegar kan føre til at miljøgifter spreiast og hopar seg opp i naturen. Spreiinga kan skje gjennom forureina sigevatn frå deponi eller gjennom utslipp av forureina avgassar, slagg eller oske frå forbrenningsanlegg. Dersom farleg avfall kjem ut i avløpsnettet, kan det føre til at kloakkreinseanlegga ikkje fungerer som de skal slik at meir forureining kjem ut i sjø og vassdrag. Forskrift om gjenvinning og behandling av avfall (avfallsforskrifta) har i kapittel 11 regler for farleg avfall. Her er det regler for forsvarlig oppbevaring med vidare av farleg avfall ( 11-5), krav om løyve ( 11-6 og 11-7), leveringsplikt ( 11-8), deklarering ( 11-12) og tilsyn ( 11-15). I tillegg finst regelverk knytt til bestemte typar farleg avfall. Dette gjeld blant anna for batteri, spillolje, oljehaldig avløpsvatn, PCB-holdig avfall som kondensatorar og isolerglasvindauge og liknande. Informasjon om kva for kjemikaliar som er regulerte/ forbodne finst i Forskrift om begrensning i bruk av helse- og miljøfarlige kjemikalier og andre produkter (produktforskrifta). Reguleringar finst blant anna på bromerte flammehemmarar, kortkjeda klorparafiner, kadmiumforbindelsar, nonyl- og oktylfenol og deira etoksilatar. Det finst lenker til aktuelle lover og forskrifter på Klima- og forurensningsdirektoratets heimeside www.klif.no eller via www.regelhjelp.no
Informasjon om internkontroll (HMS) Internkontroll (HMS) er eit system med oversikter, rutinar og dokumentasjon som skal sikre og dokumentere at verksemda overheld krava som er satt i helse-, miljø og sikkerheitslovgivinga. Ved utarbeiding av eit slikt system skal verksemda systematisk gå igjennom alle ledd av drifta og kartlegge risikoen i forhold til dei tilsette si helse og tryggleik samt påverknaden på ytre miljø. Innan forureiningsområdet vil det mellom anna gjelde oppbevaring av alle typar avfall og farleg avfall, levering av avfall og farleg avfall til godkjent mottak, eventuelle utslipp frå verksemda til jord, luft og vatn, samt støy og lukt, innkjøp, oppbevaring og bruk av kjemikaliar. Det systematiske helse-, miljø- og sikkerheitsarbeidet skal tilpassast tilhøva i verksemda, og omfanget vil følgjeleg variere frå verksemd til verksemd. Viktige faktorar her er risikobiletet og talet på tilsette. Informasjon om substitusjonsplikta Helse- og miljøfarlege stoff og produkt kan føre til skade på naturen og på helsa til menneske. Brukarar av kjemikaliar/kjemiske produkt til bruk i eit yrke har plikt til å finne ut om det finst alternative kjemikaliar som kan nyttast, som fører til mindre skade på naturen og helsa til menneske. Denne plikta gjeld både for brukarar i privat og offentleg sektor, i produksjonsverksemder og i tenesteytande verksemder. Informasjon om nokre av pliktene som produksjons- eller tenesteytande verksemd har når det gjeld handtering av kjemikaliar, avfall og farleg avfall: Verksemder skal ha oversikt over kva for kjemikaliar/kjemiske produkt som nyttast. Verksemda skal ha oppdaterte HMS-datablad for alle kjemikaliar/kjemiske produkt som nyttast. Verksemda skal dokumentera at det systematisk gjerast vurderingar av kjemikaliane/kjemiske produkta dei bruker med tanke på å bytte ut helse- og miljøfarlege kjemikaliar/kjemiske produkt med mindre farlege kjemikaliar og kjemiske produkt jf. produktkontrollova. Verksemda skal levere farleg avfall til godkjent mottak. Verksemda skal levere farleg avfall til godkjent mottak minst ein gong kvart år når den totale mengda farleg avfall overstiger 1 kg pr. år Verksemda skal ved levering av farleg avfall fylle ut deklarasjonsskjema og oppbevare dette skjemaet som dokumentasjon på at avfallet er deklarert og levert til godkjent mottak. Verksemda skal oppbevare farleg avfall på ein sikker måte, med sikring mot uvedkommande (barn, dyr etc.) og ytre påverknad som vær og vind og med moglegheit for oppsamling ved ev. uhell og spill. Avfallet skal vere synleg merka.