I nnhald Sjekkliste 4 1. Velkomen til studiestart 6 Oppmøteplan for den første veka............. 7 2. Første veka 8 Fritak for emne.............................. 10 Årsstudium i naturvitskaplege fag......................... 10 Orienteringsmøte............................ 11 Informasjon om fag og emne................ 11 3. Offisiell opning av det akademiske år 12 Program den 17. august...................... 12 4. Praktisk informasjon 14 Betaling av semesteravgift................... 14 StudentWeb................................. 14 Brukarkonto................................. 15 Mi side...................................... 15 Semesterkort................................ 16 Studentkort................................. 16 Studielån.................................... 16 5. Informasjons- og rettleiingstenester 18 Informasjonssenteret ved fakultetet.......... 18 Informasjonssenteret ved Utdanningsavdelinga........................ 20 Studentsamskipnaden i Bergen.............. 20 Studentprestane............................. 21 6. IKT-tenester 22 uib.no/utdanning............................ 22 Brukarstøtte................................. 22 PC-stover.................................... 23 7. Universitetsbiblioteket 24 8. Det første semesteret ved UiB 26 9. Fadderprogrammet for Det matematisk-naturvitskaplege fakultet 27 10. Romoversikt Realfagbygget, U.etg. 28
Sjek k liste Før studiestart: takke «ja» til studieplassen. Svar Samordna opptak innan 26. juli melde deg på til undervisning på igang.uib.no innan 26. juli notere deg den tilsende PIN-koden og hente ut studentnummeret frå StudentWeb betale semesteravgifta til Studentsamskipnaden i Bergen (SiB) søkje om studielån søkje om bustad bli kjent med uib.no 9. 13. august delta på oppfriskingskurs i matematikk studentar på adjunkt- og lektorutdanning: Skaffe politiattest Ved studiestart: delta på velkomstmøtet for fakultetet i Grieghallen 16. august delta på velkomstseremonien på Muséplass og bli kjent med studentorganisasjonane på Studentsenteret 17. august delta på programmøte 18. august (obligatorisk oppmøte) studentar på adjunkt- og lektorutdanning: Levere politiattest innan 20. august på Infosenteret for realfagsstudenter semesterregistrere deg på StudentWeb opprette brukarkonto logge deg inn på Mi side bestille studentkort delta på fadderveke ta med deg denne brosjyra når du møter til studiestart! 4
1. Velkomen til studiestar t Semesteret startar med eit oppfriskingskurs i matematikk i veka før den ordinære semesterstarten. Dette er eit godt høve til å bli kjent med andre studentar og til å kome på plass før det for alvor brakar laust. Vi rådar alle til å delta på dei siste dagane i kurset, sidan undervisninga i matematikkemna vil starte rett på sak i første forelesing. Sjå meir informasjon om oppfriskningskurset i matematikk på math.uib.no/forkurs. I semesterstartveka bør du vere innstilt på lange dagar for å få eit optimalt utbyte! Det vil bli mange inntrykk å ta inn og mykje informasjon å fange opp. Bruk gjerne litt tid før semesterstarten til å lese dette heftet og kike på nettstaden uib.no. I semesterstarten vil du bli kjent med mange studentar. Fakultetet tek imot ca. 600 nye studentar, og kring 80 av dei er internasjonale studentar. Mottak i grupper Ved Det matematisk-naturvitskaplege fakultet, blir dei fleste nye studentar tekne imot i klasser på 20 30 personar. Dette gjer vi for å sikre eit best mogleg læringsmiljø i det første semesteret. Gruppa di er i regelen sett saman av studentar som du vil møte igjen i undervisninga utover i semesteret. Fordelinga blir gjort på bakgrunn av dei tilbakemeldingane du gir i påmeldinga til undervisninga. Påmeldinga gjer du på nettsida igang.uib.no. I semesterstarten er fokuset retta mot å skape eit godt sosialt miljø og å bli kjent med universitetet! Innhaldet i heftet Som ny student må du registrere deg som brukar på mange ulike tenester. I dette heftet vil du få ei oversikt over alle registreringane du må gjere for å vere klar til studiane. Det første du må gjere er å melde deg på undervisninga i første semester via nettsida igang.uib.no. Møt så opp i Grieghallen 16. august kl 09.00, og delta vidare på alle arrangementa (sjå oversikt på neste side), da er du sikker på at du får gjort alt til rett tid. 6
Oppmøteplan for den første veka Når Kva Kvar 9. 13. august Oppfriskingskurs i matematikk. Kurset er tilrådd for alle nye studentar Måndag 16.8 Kl. 09.00 Velkomst for realfag Grieghallen, Konsertsalen Tysdag 17.8 Kl. 10.00 15.00 Mottak i klassar Ulike stader Kl. 15.00 Første møte med faddergruppa Realfagbygget, U.et. Kl. 18.00 Opning av fadderveka Realfagbygget. Aud 1 Kl. 09.00 11.00 Hjelp til semesterregistrering PC stove (FakLab 1001) Realfagbygget 1. et. Kl. 10.00 13.00 Oppmøte i klassar Ulike stader Kl. 13.00 14.00 UiB Velkomstseremoni Muséplass Kl. 14.00 18.00 Studenttorg Studentsenteret Onsdag 18.8 Kl. 10.15 Forelesing i MAT101 Realfagbygget, Aud 1 Kl. 11.15 Forelesing i MAT111 Realfagbygget, Aud 1 Kl. 12.00 13.00 Lunsj med mottaksklassen Bli einige på tysdag Kl. 13.00 Velkomst på studieprogram, møtet er obligatorisk for alle!* Stad vil bli annonsert Torsdag 19.8 Kl. 13.00 Undervisninga startar i ex.phil., og MNF140 Fredag 20.8 HMS kurs i KJEM110 * Det er obligatorisk oppmøte på studieprogrammøtet (Onsdag 18. august kl. 13.00) for alle, også om du har utdanning frå før. Vi planlegg undervisninga utifrå oppmøtetala. Dersom du ikkje møter opp, vil du risikere å miste plassen din. 7
2. Første veka Måndag 16. august 09.00 Velkomst for dei nye realfagsstudentane i konsertsalen i Grieghallen. Leiinga ved fakultetet ønskjer velkomen. Det blir gitt praktisk informasjon og klassane blir presenterte. 10.00 15.00 Klassemottak. Du får vite kvar dei ulike klassane skal møte på velkomstmøtet i Grieghallen kl. 09.00. I klassen vil det bli delt ut timeplanar for hausten, og det vil bli gitt informasjon om semesterregistrering, tilgang til universitetet sitt dataanlegg, bruk av lesesalar, bibliotek og undervisningsrom. Problemstillingar som vert diskuterte er mellom anna: Kva blir forventa av deg som student? Kva må gjerast denne veka, og kva kan du vente med å tenkje på? Det er obligatorisk oppmøte i klassane! Dersom du ikkje møter opp, vil du miste plassen din i klassen. Tysdag 17. august 09.00 11.00 Før du går i klassen, kan du semesterregistrere deg på StudentWeb. Møt gjerne opp på PC stove (FakLab 1001) Realfagbygget 1. et. Her vil det være personar du kan spørje, om du treng hjelp med semesteregistreringa. 11.00 13.00 Klassemottak fortsetter. Klassen skal mellom anna jobbe med arbeidsplan, og sjå nærare på effektiv læring. Utfordringar knytta til tidsplanlegging skal også diskuterast 13.00 14.00 Felles velkomstseremoni på Muséplass for alle nye og gamle studentar ved UiB. 14.00 18.00 Studenttorg på Studentsenteret der alle studentorganisasjonane ved UiB står på stand. Du får utdelt timeplanen din for første veka, i klassen måndag 16. august. 8
Onsdag 18. august 10.00 12.00 Oppstart av matematikkundervisninga (MAT101, kl. 10.15 og MAT111, kl. 11.15) i Auditorium 1, Realfagbygget. På denne forelesinga vil det bli gitt informasjon om pensum og gruppeundervisinga, forelesingsplanen for semesteret, forventingar til studentane og nokre matematikkoppgåver. Torsdag 19. august Undervisninga startar Innføringsundervisning startar for dei fleste emna i ex.phil. og MNF140. Fredag 20. august Skal du ta KJEM110 må du delta på HMS-kurs heile fredagen. Sjå meir informasjon på www.uib.no/kj/ utdanning/obligatorisk-hms-kurs 12.00 13.00 Lunsj Klassane frå tysdag møtast att. 13.00 15.00 Velkomstmøte på bachelorprogrammet (du får informasjon om kvar du skal møte opp i klassen din på tysdagen). Her vil du møte dei fagleg ansvarlege for bachelorprogrammet ditt og få ein gjennomgang av planane for det vidare studiet. Ulike program vil ha ulike opplegg som kan variere frå forelesingar til laboratoriearbeid. Det er obligatorisk oppmøte på velkomstmøtet i bachelorprogrammet for alle studentar, også om du har utdanning frå før. Dersom du ikkje møter opp, risikerer du å miste studieplassen din. 9
Fritak for emne Har du emne/utdanning frå andre lærestadar kan du få fritak for emne i ein bachelorgrad hjå oss. Du må då sende inn ein søknad om å få emna godkjent/innpassa i det studieprogrammet du har søkt opptak til. Behandlinga av søknader om godkjenning er ein tidkrevjande prosess. Har du ikkje søkt endå, bør du sende inn ein søknad om innpassing snarast. Søknadsskjema finn du på nettstaden uib.no/matnat/utdanning/ ny-student. Dersom du ikkje har fått svar på søknaden innan semesterstart, må du snakke med ein studierettleiar (sjå lista over kontaktpersonar lenger bak) for å få råd om kva emne du bør velje i haust. Usikker på emnekombinasjonen? Dersom du er usikker på kva emne du skal velje hausten 2010 er det viktig å snakke med rettleiaren din, helst før 16. august. Fristen for påmelding til undervisninga er ved midnatt 19. august for dei som ikkje skal følgje eit ordinært førstesemester på programmet. Undervisningspåmeldinga er ein del av eksamenspåmeldinga, og du gjer dette på StudentWeb. Du vil få meir informasjon på orienteringsmøtet i Auditorium 1, Realfagbygget, måndag 16. august kl 10.00. Møtet er for dei som ikkje deltek i klassemottaket. Berre ex.phil.? Dersom du har teke eksamen i ex.phil. tidligare, treng du ikkje å søkje om innpassing, men du må registrere emnet ved Informasjonssenteret ved utdanningsavdelinga (i Langes gt 1). 10
Årsstudium i naturvitskaplege fag Opptak til årsstudium i naturvitskaplege fag gir studierett i eitt år ved fulltidsstudium. Du vel sjølv kva for emne du vil studere og planlegg korleis du vil studere. Alle realfagsemne på lågare grad er på 10 studiepoeng. Ein fulltidsstudent tek eksamen i tre emne kvart semester (30 Studiepoeng). Bruk gjerne tida fram mot semesterstart til å kikke på emneoversikta vår på www.uib.no/matnat/utdanning/ ny-student NB! Det er ikkje alltid kapasitet til alle studentane som ønskjer å ta eit spesielt emne. Studentar som er tekne opp til eit bachelorprogram går føre andre på emne som er obligatoriske på programmet. Merk deg at du sjølv må passe på å velje emne der undervisning og eksamen ikkje kolliderer. Dersom du er usikker på om du vil gå vidare på eit bachelorprogram på eit seinare tidspunkt, rår vi deg til å starte på eit bachelorprogram no. Overgang til bachelorprogram les du meir om i IGANGheftet. Orienteringsmøte Det blir eit eige orienteringsmøte i Auditorium 1, Realfagbygget, måndag 16. august kl. 10.00 for dei som ikkje deltek på klassemottaket. Etter møtet er det eit rettleiartorg, der du vil få generell hjelp med å velje emne. Dersom du ikkje møter opp, minkar sjansane dine for å få plass på dei emna du ønskjer å ta. Informasjon om fag og emne Det er viktig at du bruker Mi side aktivt for å få den informasjonen du treng. All emneinformasjon finn du på uib.no/matnat/ utdanning/emner og Mi side (du får tilgang når du har oppretta brukarkonto). Mi side viser emneskildringane, pensumlister og timeplanar. Når du har oppretta ein brukarkonto, kan du logge deg inn på Mi side. Her finn du: Aktuelle meldingar frå lærarar og studierettleiar, din eigen timeplan veke for veke, oversikt over dei andre studentane på emnet og annan informasjon som du treng. Når lærestaden sender ut viktig e-post, blir denne send til den e-postadressa du får frå UiB. Du må sjekke Mi side og e-posten din dagleg. Meir informasjon om korleis du gjer dette i praksis finn du i kapitlet Praktisk informasjon.
3. O ffisiell opning av det akademiske år Tysdag 17. august blir ein hendingsrik dag for alle nye og gamle studentar, for då blir den offisielle opninga av det akademiske år ved Universitetet i Bergen arrangert. Det blir ein dag med liv og røre, talar, pomp og prakt, med underhaldning og med sal av god mat. Programmet denne dagen speglar det mangfaldige studentlivet og gir deg innsyn i kva aktivitetar som finst. Program den 17. august 11.00 13.00 Studenttorg i Studentsenteret Her finn du rundt 100 studentorganisasjonar alt frå politiske og idealistiske organisasjonar til kor, korps, idrettslag og studentmedia. Her har du ein eineståande sjanse til å finne ut kva du vil drive med på fritida. Ikkje nøl med å ta kontakt! 13.00 14.00 Velkomstseremoni på Muséplass Velkomstseremonien blir arrangert på Muséplass, midt i hjartet av det tradisjonsrike og ærverdige Universitetet i Bergen, med Naturhistorisk museum som naturleg kulisse. Program Akademisk prosesjon - høgtideleg og tradisjonsrik Griegakademiet - stemningsfullt frå studentar ved Institutt for musikk Tale ved rektor - Sigmund Grønmo ønskjer deg velkomen Studentersangforeningen - høgtidsstemt korsong Tale ved leiaren av Studentparlamentet - lytt til ein erfaren og engasjert student Gjestetaler - Overrasking! Musikalsk innslag - Overrasking! 14.00 18.00 Studenttorg i Studentsenteret Etter velkomstseremonien held det fram med studenttorg i Studentsenteret. Dersom du blir svolten etter seremonien, vil SiB vere på plass i Studentsenteret med freistande mat og drikke til ein billig penge. 12
4. Praktisk informasjon Betaling av semesteravgift Alle som skal studere ved UiB må betale semesteravgift til Studentsamskipnaden i Bergen. Du må sjølv hente ut all nødvendig betalingsinformasjon frå StudentWeb og betale avgifta innan betalingsfristen 1. september. For å logge deg på StudentWeb treng du fødsels- og personnummeret ditt og ein personleg PIN-kode. Den personlege PIN-koden din vert gitt i samband med opptaket. Dersom du ikkje har motteke PIN-koden din kan du anten kontakte Infosenteret på fakultetet ditt eller Utdanningsavdelinga. Vel Betaling på StudentWeb for å få fram nødvendig betalingsinformasjon som KID, kontonummer og beløp, og betal avgifta via nettbank eller telegiro. Innbetalinga må gjerast uavkorta og innan fristen. På StudentWeb finn du også studentnummeret ditt, som du treng for å opprette ein brukarkonto. Meir informasjon om semesteravgifta finn du på uib.no/utdanning. StudentWeb StudentWeb er ei nettbasert teneste for alle studentar ved UiB. Tenesta krev identifisering med fødselsnummer og PINkode. Du går inn på StudentWeb via uib.no. På StudentWeb kan du: finne betalingsinformasjon for betaling av semesteravgifta fylle ut og stadfeste utdanningsplanen din melde deg til undervisning for aktuelle emne sjå vurderingsmeldingane dine sjå vurderingsresultata dine annullere/endre vurderingsmeldingar bestille karakterutskrift endre semesteradresse endre PIN-kode finne oversikt over kva UiB rapporterer til Lånekassen Vi oppmodar alle nye studentar om å vente med å registrere seg på StudentWeb til 16. august. Systemet vil vere delvis stengt frå 10. 15. august. 14
Utdanningsplan og semesterregistrering I tillegg til å betale den obligatoriske semesteravgifta må du kvart semester stadfeste utdanningsplanen din. Betalt semesteravgift og stadfesta utdanningsplan gir gyldig semesterregistrering. Du stadfester utdanningsplanen din på StudentWeb så fort som mogleg, seinast innan 1. september. Brukarkonto Som student ved UiB må du ha tilgang til datatenester for å kunne gjennomføre studia dine. For å kunne nytte deg av desse tenestene må du opprette ein eigen brukarkonto ved UiB. Brukarkontoen gir deg: personlege sider (Mi side), der du mellom anna har tilgang til nettbaserte læringsressursar og relevant undervisningsinformasjon eiga e-postadresse tilgang til PC-stover og utskrifts- og kopieringstenester oppkopling til UiB frå eigen PC Korleis skaffe deg brukarkonto? Når du har teke imot tilbodet om studieplass og registrert deg på StudentWeb må du opprette ein brukarkonto. Det gjer du ved å gå inn på sebra.uib.no og følgje instruksjonane der. Dette bør du gjere så raskt som mogleg etter at du har registrert deg. Merk deg at det kan ta inntil ein time frå du har registrert deg til du kan opprette brukarkonto. Du treng fødselsnummeret, studentnummeret og PIN-koden din for å kunne opprette ein brukarkonto. PINkoden til StudentWeb fekk du tilsend i tilbodsbrevet ditt, og på StudentWeb finn du studentnummeret ditt. OBS! Dersom du ikkje har betalt semesteravgifta innan 1. september, vil brukarkontoen automatisk bli avslutta Mi side Nettsida miside.uib.no er ei personleg side med samla tilgang til relevante faglege og administrative ressursar, til dømes kalender med timeplaninformasjon, pensum, emneinformasjon, meldingsteneste, personleg fillager og diskusjonsgrupper. For å få tilgang til desse ressursane må du logge deg på Mi side. Svært mykje av den faglege og administrative informasjonen blir formidla via Mi Side, og UiB ventar at du tek denne tenesta i bruk. Merk deg at du må ha skaffa deg brukarkonto før du får tilgang til Mi side. 15
Semesterkort Når du både har betalt semesteravgifta og registrert deg på StudentWeb, vil du få tilsend ei semesterkvittering i posten som ei stadfesting på semesterregistreringa di. Denne kvitteringa inneheld semesterkortet ditt. Du treng semesterkortet når du skal hente studentkortet. Studentkort Alle studentar ved UiB må skaffe seg eit studentkort. Studentkortet fungerer som: identitetskort nøkkelkort lånekort ved Universitetsbiblioteket inngangskort til Studentsamskipnaden sine treningssenter betalingskort ved utskrift og kopiering Fotografering og bestilling av studentkortet ordnar du ved Kortsenteret på Studentsenteret, Parkveien 1. Utlevering av studentkort skjer ved Kortsenteret om lag ei veke etter bestilling. Du må vise gyldig semesterkort når du hentar studentkortet. Adresse: Studentsenteret, Parkveien 1 Opningstid: 09.00 14.00 (09.00 15.00 veke 33 35) E-post: kortsenteret@eia.uib.no Telefon: 55 58 99 07 Studielån Søknadsinformasjon og søknadsskjema finn du på Lånekassen si nettside, www.lanekassen.no. Her finn du også informasjon om regelverket og om korleis du kan opprette «Dine sider» med din personlege kundeinformasjon. Utbetaling av lånebeløp vert ikkje gjort før UiB melder frå til Lånekassen om at du har semesterregistrert deg, det vil seie at du både har betalt semesteravgifta og registrert deg på StudentWeb, altså tidlegast i veke 33. Du må vise gyldig legitimasjon ved fotografering, og du må vere semesterregistrert seinast dagen før fotograferinga. 16
5. I nformasjons- o g rettleiingstenester Informasjonssenteret ved fakultetet Infosenteret består av to delar: ein skranke og to rettleiingskontor. I skranken kan du kome med små og store spørsmål. Skranken er der for å hjelpe deg i kvardagen som student! Studierettleiarane på studieprogramma (sjå lista under) gir rettleiing i Infosenteret på faste vekedagar med unntak av semesterstartvekene. Du bestiller rettleiingstime i skranken. Infosenteret for realfagsstudentar Realfagbygget, Allégaten 41 (Infosenteret ligg i U.et., ved hovudinngangen) Hovudopningstid: 09.00 15.00 E-post: studierettleiar@mnfa.uib.no Rettleiingstelefon: 55 58 30 30 Kontaktpersonar på studieprogramma Vi gjer merksam på at ferieavviklinga kan føre til at det er vanskeleg å kome i kontakt med nokre av studiekonsulentane våre i slutten av juli. Frå og med 9. august skal alle vere tilbake! Biologi Beate Ulrikke Rensvik studiekonsulent på Institutt for biologi tlf. 55 58 22 41 Datateknologi Steinar Heldal studiekonsulent på Institutt for informatikk tlf. 55 58 40 25 Datavitskap Steinar Heldal studiekonsulent på Institutt for informatikk tlf. 55 58 40 25 Fiskehelse Tommy Strand studiekonsulent på Institutt for biologi tlf. 55 58 44 09 Fysikk Hanne Israelsen, studiekonsulent på Institutt for fysikk og teknologi tlf. 55 58 27 66 18
Geovitskap (geologi og geofysikk) Caroline Ertsås Christie studiekonsulent på Institutt for geovitskap tlf. 55 58 35 25 Havbruksbiologi Tommy Strand studiekonsulent på Institutt for biologi tlf. 55 58 44 09 Informatikk-matematikk-økonomi (IMØ) Steinar Heldal studiekonsulent på Institutt for informatikk tlf. 55 58 40 25 Kjemi Guro Kristin Øvsthus studiekonsulent på Kjemisk institutt tlf. 55 58 34 45 Integrert adjunktutdanning i matematikk og naturfag (4 år) Marianne Jensen koordinator for lærarutdanninga tlf. 55 58 28 41 Integrert lektorutdanning med master i naturvitskap eller matematikk (5 år) Marianne Jensen koordinator for lærarutdanninga tlf. 55 58 28 41 Matematiske fag Kristine Lysnes studiekonsulent på Matematisk institutt tlf. 55 58 28 34 Molekylærbiologi Mariell Ryste Hauge studiekonsulent på Molekylærbiologisk institutt tlf. 55 58 45 29 Meteorologi og oseanografi Elin Sletbak studiekonsulent på Geofysisk institutt tlf. 55 58 28 93 Nanoteknologi Hege Ommedal koordinator på Kjemisk institutt tlf. 55 58 34 46 Petroleum- og prosessteknologi Terje Finnekås studiekonsulent på Institutt for fysikk og teknologi tlf. 55 58 28 64 Miljø- og ressursfag Beate Ulrikke Rensvik studiekonsulent på Institutt for biologi tlf. 55 58 22 41 19
Informasjonssenteret ved Utdanningsavdelinga Informasjonssenteret ved Utdanningsavdelinga er ansvarleg for ei rekkje studieadministrative tenester du nyttar gjennom semesteret. Adresse: Langes gate 1 3 Opningstid: måndag fredag 09.00 13.00, torsdag 10.00 15.00 (måndag fredag 09.00 15.00 veke 33/34) E-post: infosenter@ua.uib.no Telefon: 55 58 21 40 Generelle tenester hjelp til å bruke StudentWeb karakterutskrift namneendringsregistrering studentstadfestingar endring av eksamensmelding registrering av ekstern utdanning Studentar med funksjonsnedsetjing rådgiving om tilrettelegging av studia rettleiing av studentar med lese- og skrivevanskar (dysleksi) Utveksling Har du lyst til å studere i utlandet eit semester eller to? Her kan du få rettleiing om delstudium i utlandet søknadsrettleiing søkje om delstudium i utlandet Studentsamskipnaden i Bergen Studentlivet er meir enn studia difor finst Studentsamskipnaden. Når du har betalt semesteravgifta til SiB, kan du nytte alle SiB sine tilbod. SiB gir deg positive kvardagsopplevingar! På Studentsenteret har vi samla dei fleste av SiB sine tilbod under eitt tak: Studia Dette er studentane sin eigen fagbokhandel. Her finn du pensumbøker og alt du treng til studia. Studentrådgivningen Her får du individuelle råd og rettleiingstimar, og tilbod om ei rekkje spennande og nyttige kurs i mellom anna eksamensmeistring, ta ordet eller stressmestring. Heilt gratis. Ta kontakt på studentradgivningen@sib.no 20
Studentenes psykiske helsetjeneste (SPH) Gratis psykologtilbod til studentar. Kort ventetid. Besøk oss på Studentsenteret eller bestill time på telefon 55 54 51 45. Refusjon av legeutgifter SiB refunderer dine legeutgifter når dei overstig 350 kr i løpet av eit år. Hos legen får du Folketrygdens Kvitteringskort, ta vare på kortet og ta det med til SiB for å få pengane dine tilbake. Tilbakebetalinga skjer på Studentsenteret. Dersom du har større utgifter til kiropraktor, fysioterapi og liknande kan du søkje om støtte frå Helsefondet. Les meir om retningslinjer på sib.no/helse Tannhelseteneste Studentane har fått ei eiga tannhelseteneste på Årstad. Her får du tannundersøkingar og tannbehandling til prisar på linje med offentlege satsar. Telefon 55 20 64 58/59. Helsestasjon SiB og Engen Helsestasjon samarbeider om å gi eit gratis helsetilbod med fokus på studentar si seksuelle helse. På Engen Helsestasjon får du gratis reseptar og kondom, test av kjønnssjukdommar og råd om sex og samliv. Opent måndag, tysdag, onsdag 15.30 18.00. Inga timebestilling, trekk kølapp når du kjem. Karrieresenteret Lurer du på kva du skal bruke utdanninga di til? Kom gjerne på Karrieresenteret tidleg i studia og drøft det med ein karriereveileder. Senteret hjelper deg også med CV, jobbsøknader, intervjutrening og tips om arbeidsmarknaden. Karrieresenteret driv traineeprogrammet Trainee vest, som kvar vår lyser ut traineestillingar. Les meir om tilboda på sib.no Studentprestane Når livet blir for stort eller for lite Treng du ein å dele tankane dine med, har studentprestane tid. Du bestemmer kva vi skal snakke om. Studentprestane er tilsette av Den Norske Kyrkja. Adresse: Studentsenteret, Parkveien 1 Kontakt: Kan treffast etter avtale Telefon: 55 58 47 14 Inge Høyland 55 58 94 45 Marie Grindheim E-post: inge.hoyland@prest.uib.no marie.grindheim@prest.uib.no Nettside: www.studentprest.no 21
6. IKT-tenester uib.no/utdanning På nettsida uib.no/utdanning finn du mellom anna oversikter over fagtilbod, studieplanar, delstudium i utlandet og rettleiings- og velferdstenester. Brukarstøtte På uib.no/utdanning finn du oversikt over PC-stover, brukarrettleiing for oppkopling av heime-pc, oversikt over tilrådd utstyr og annan nyttig brukarinformasjon. Vi rår deg til å gjere deg kjent med innhaldet på desse sidene. Eiga e-postadresse Når du har oppretta ein brukarkonto, får du automatisk ei eiga, personleg tilpassa e-postadresse; vanlegvis namn.etternamn@ student.uib.no. Det er denne e-postadressa UiB bruker for å sende ut e-post til deg personleg. På webmail.uib.no kan du lese og sende e-post frå ein vanleg nettlesar. Webmail. uib.no har god lagringskapasitet i tillegg til spam- og viruskontroll. Ein del av e-posten du får frå UiB inneheld store vedlegg med forelesingsnotat, tekstar og artiklar osv. Ikkje gløym at adressa også kan brukast i MSN Messenger. Hugs å lese e-posten din dagleg! Oppkopling til UiB frå eigen PC Alle som har ein brukarkonto kan kople seg opp mot UiB heimanfrå med eigen PC eller Mac. Studentbustadene til Studentsamskipnaden i Bergen har gratis oppkopling til UiB. I tillegg kan du bruke din eigen berbare PC på universitetsområdet og kople deg opp til UiB, anten i trådlause soner eller på faste punkt plassert rundt om på universitetsområdet. Dersom du ønskjer å ta i bruk desse tenestene, kan du finne meir informasjon om dette på uib.no/utdanning. Skal du bruke eigen PC må du sjå til at han er fri for virus. Maskiner som er virusinfiserte blir utestengde frå UiB sitt nettverk. Som student kan du laste ned og installere gratis virusvern. PC-vaktene kan rettleie ved installasjon av virusbeskyttelse og oppkopling mot UiB sine tenester, men gir ikkje generell brukarstøtte på private maskiner. 22
Universitetet i Bergen har ei rammeavtale for breiband, slik at alle studentar kan få dette til gunstige prisar. Detaljane om dette finn du på nettsidene våre. PC-stover Alle fakulteta har eigne PC-stover og plassar for oppkopling av eigen PC. I tillegg kan du nytte deg av tenestene ved læringssentra til Universitetsbiblioteket. Det matematisknaturvitskaplege fakultetet har PC-stover 3 stader: 4 PC-stover i 1. etasje på Realfagbygget + 3 opne web-pc-ar som ikkje krev innlogging 4 PC-stover i kjellaren i Auditoriefløyen i Allégaten 66 4 PC-stover i datablokka på Høgteknologisenteret (HIB). Realfagbygget og HIB er ope frå 08.00 til 18.00, og i Auditoriefløyen slepp du inn med studentkortet ditt heile dagen. PC-vakter PC-vakt har arbeidsplass på FAKLAB 1004 i Realfagbygget og FAKLAB 4 på Høgteknologisenteret. Dei er tilgjengelege frå kl. 08.00 18.00. Vaktene skal kunne hjelpe deg med spørsmål som gjeld bruken av anlegget eller oppkopling av eige berbart utstyr. Dei kan også hjelpe deg med dataøvingar når du står fast og det ikkje er gruppeleiar til stades. Fellesteneste for utskrift, kopiering og skanning (pullprint) Dette er ei betalingsbasert teneste der du betalar for kvar kopi eller utskrift. Skanning er gratis. For å få tilgang til tenesta må du ha ein brukarkonto og gyldig studentkort, som fungerer som betalingskort. I tillegg må du fylle pengar på utskriftskontoen via ei webteneste der du kan betale med kredittkort (Visa/Mastercard). Ver merksam på at det kan ta opptil ei veke før du kan ta tenesta i bruk, avhengig av kor raskt du klarar å opprette brukarkonto og skaffe deg studentkort. Les meir her: it.uib.no/pullprint 23
7. Universitetsbiblioteket Universitetsbiblioteket (UB) er eit moderne læringssenter, og er ein del av det faglege og pedagogiske tilbodet ved UiB. UB har avdelingar ved alle fakulteta. Biblioteket tilbyr arbeidsplassar med Internett tilgang til store boksamlingar tilgang til elektroniske tidsskrift, oppslagsverk og annan faglitteratur på nettet kurs og rettleiing i informasjonssøking og støtte til oppgåveskriving Bibliotek for realfag Adresse: Johannes Bruns gt. 12 Opningstid i semesteret: Måndag + onsdag fredag: kl. 08.30 19.00 Tysdag: kl. 09.00 19.00 Det meste av det som finst av både trykt og elektronisk materiale ved UB kan du søkje fram via UB sin elektroniske katalog BIBSYS eller Bibliotekportalen. Studentkortet fungerer også som lånekort ved UB. Bruk det aktivt! Du er velkomen som lånar ved Universitetsbiblioteket. For meir informasjon om UB, sjå uib.no/ub. 24
8. Det første semesteret ved UiB 16. 20. august: Oppstartveke Bli kjent med medstudentar, studieprogram og Universitetet i Bergen. Få på plass alle formalitetane. Noko undervisning startar. Kort sagt: Legg grunnlaget for eit vellykka studium! Startar du på eit bachelorprogram, bør du ikkje bruke tid på langsiktige studieplanar dei første vekene. Det tek vi opp i full breidde under informasjonsveka i oktober. Då kan du i ro og mak setje deg inn i andre studieprogram og eventuelle fag du vil velje inn i fagkrinsen. Det er fullt mogleg å skifte program etter nyttår dersom det er ledige plassar! 23. august Undervisninga startar for fullt. Førebu deg og delta aktivt frå første stund det er lett å kome på etterskot. Eit vellykka fulltidsstudium krev at du bruker minst 40 timar per veke til studia. Du har ikkje tid til å ordne praktiske ting og formalitetar no, det bør du allereie ha gjort unna i oppstartsveka. 1. september Siste frist for registrering og oppmelding til eksamen. Men dette bør du allereie ha gjort i oppstartsveka. 19. 22. oktober (Veke 42) Fakultetet si informasjonsveke: «PÅ VEI». Denne veka gir deg høve til å planleggje studiet ditt vidare. Du skal blant anna setje opp din eigen studie- og karriereplan og delta på eit programmøte for ditt studieprogram der fagtilbodet for vårsemesteret blir presentert. Vidare blir det arrangert informasjonsmøte om alle studieprogramma. Du vil få informasjon om studium i utlandet, lærarutdanninga og du får presentert yrkesmoglegheiter som studia leier fram mot. Målet er at informasjonsveka skal gi deg eit godt utgangspunkt for å leggje opp din eigen langsiktige studieplan. Desember Eksamen JULEFERIE! Han kjem før du anar! Ta deg ein velfortent pust i bakken og lad opp til vårsemesteret. 10. januar 2011 Oppstart av vårsemesteret 2011. 26
9. Fadderpro grammet for Det matematisk-natur vitsk aplege fakultet I byrjinga av semesteret vert det arrangert eit mangfald av sosiale, kulturelle og sportslege aktivitetar for dei nye studentane. Men hugs du treng ikkje delta på alle arrangement! Les meir om fadderveka her uib.no/ utdanning. Måndag 16. august 12.00 Fadrane møter klassene til lunsj 15.00 Faddergruppene møter fadrane 18.00 Opningsseremoni. Auditorium 1 Realfagbygget (varer ca. 1 time) 22.00 Opningsfest på Kvarteret, meir informasjon gitt på opningsseremonien. Tysdag 17. august 17.30 Nattevandring på Akvariet. Oppmøte ved Den blå steinen. Onsdag 18. august 17.00 Nattevandring! «Besøk på utvalde plassar i Bergen». Her blir det poeng for originalitet og gjennomgåande god stemning i gruppa. Oppmøte ved Realfagbygget. 18.00 Spelekveld. Auditorium 5, Realfagbygget Torsdag 19. august 15.00 Fottur for dei som ikkje vil på blåtur. Anten Løvstakken eller Ulriken: leik, mat og mykje anna kos. Hugs godt fottøy! 17.00 Blåtur! Oppmøte ved Den blå steinen. Meld deg på til fadderstyret individuelt(!) Fredag 20. august 15.00 Idrettsarrangement i Studentsenteret! Turneringar i fotball/kanonball/innebandy. Påmelding lagvis eller individuelt i forkant (til fadderstyret). 17.30 Nattevandring på Akvariet. Oppmøte ved Den Blå Steinen Laurdag 21. august 12.00 Rebusløp! Start ved hovudinngangen til Realfagbygget. Instruks blir delt ut av fadderstyret. 20.00 Fest på universitetet! Søndag 22. august Eige opplegg i faddergruppa for dei som framleis heng med. Kva med ein tur på kino eller grilling i parken om fint vêr? Forresten: Gruppene treng ikkje å følgje programmet slavisk, det er ope for eigne arrangement i kvar av faddergruppene. Opplev VilVite 29. august! Gratis inngang mot å syne fram fadderband. 27
10. Romoversikt Realfagbygget, U.etg. Hovedinngang Infosenteret Lesesal Auditorium 2 Auditorium 1 Seminarrom 1 Aud. 3 Møterom 1 Grupperom 1 6 Ikonenes betydning: Inngang Dør Heis Trapp WC Damer WC Herrer 28
Notatar