Årsmelding 2018 Eldrerådet i Møre og Romsdal
Oppnemning og samansetting av rådet I med hald av lov om kommunale og fylkeskommunale eldreråd av 8. november 1991, 5, skal fylkestinget vel eldreråd. Fylkestinget avgjer sjølv kor mange medlemer eldrerådet skal ha. Fleirtalet av rådsmedlemene skal vere alderspensjonistar frå fylket. Fylkespensjonistforeiningar har rett til å kome med forslag til medlemer. Eldrerådet peikar sjølv ut leiar og nestleiar. For valperioden 2015 2019 har eldrerådet slik samansetjing: Medlemar Frå fylkestinget: Mellvin Steinsvoll, AP 1. Elisabeth Jørgenvåg, NML 2. Tor Larsen, SV 3. Iren Aambø, MDG Ann Elida Solheim, FRP 1. Kåre Fjørtoft, FRP 2. Jonas Falch, FRP 3. Fredmøy Wollen, FRP Alderspensjonistar: Jakob Strand Kari Ristesund Jon Skarvøy, leiar Anne Lise Hessen Følsvik, nestleiar Gerd Misfjord Varamedlemar (ikkje personlege): 1. Norunn Heggbakk Steinnes 2. Jan Silseth 3. Johannes J. Vaag 4. Asbjørg Kvalvåg 5. Jens Peter Jelle Fagansvar og sekretariat Paula Næss Skår, kulturavdelinga var rådgivar for rådet første halvår. Marita Helene Halvari tok over som rådgivar, kulturavdelinga, andre halvår. Sekretærfunksjonen er lagt til organisasjonsavdelinga, administrativ seksjon. Økonomi Eldrerådet sitt budsjett ligg innanfor ramma for Politisk verksemd. For 2018 var ramma for eldrerådet 350 000 kroner. I følgje rekneskapen har eldrerådet brukt 304 000 kroner. Konferansen for kommunale råd og fylkeseldrekonferansen vart arrangert utan meirkostnader for eldrerådet.
Handlingsprogram for 2016 2019 Eldrerådet har vedteke følgjande handlingsprogram for fire års perioden: Tema: Befolkningsutviklinga korleis førebur kommunane seg på dette Bustadgjering av eldreomsorga Brukarorientert resultatvurdering av eldreomsorga/brukarmedverknad Førebygging, folkehelse og kultur (levevanar, kosthald, fysisk aktivitet, rusvanar, betyding av møtestadar for eldre) Helsepersonell, utdanning, lærlingar og rekruttering Kollektivtransport Psykisk helse hos eldre (dop, sjølvmord, vold) Samhandlingsreforma vegen vidare Tannhelse Velferdsteknologi Verdigheit og forsvarlegheit i eldreomsorga klageordningane I sak E 14/17, møte 20.09.2017 gjorde eldrerådet vedtak om følgjande nye punkt til handlingsprogrammet: Kommunereforma sentralisering herunder legevakt Brukarmedverknad, brukarinnflytelse eldreråd Eldre som ressurs Utadretta verksemd Innhenting av kunnskap: Fagfolk orienterer på møta i eldrerådet Ekskursjonar til andre delar av landet Orientering frå fagfolk ved besøk i kommunar Orientering frå eldreråda i besøkskommunane Samarbeid med dei kommunale eldreråda i fylket: Fylkeseldrekonferansen Protokoll frå fylkeseldrerådet blir sendt til dei kommunale eldreråda i fylket Protokollar som kjem inn frå kommunale eldreråd blir sendt vidare til fylkeseldrerådet Fylkeseldrerådet vil halde fram med å ta opp aktuelle saker og gi uttaler.
Aktiviteten 2018 Det er valt eit arbeidsutval som er samansett av leiar og nestleiar i eldrerådet og sekretariatet. Arbeidsutvalet har møte ca. 14 dagar føre kvart møte i eldrerådet for å sette opp saklista og førebu sakene. I 2018 har eldrerådet hatt 5 møte. Det var gjennomført eit ekstraordinært møte 22. november. 4 av møta er haldne på fylkeshuset og eit på Molde rådhus. Eldrerådet har behandla 16 saker og 10 referatsaker i 2018. I samband med møta i eldrerådet, har det blitt gitt følgjande orienteringar: Orientering om betre kopling mellom plan og budsjett v/ass.fylkesplansjef Ingunn Bekken Sjåholm Orientering om digitale rutehefter, om informasjonskampanjen og fremtidsplanane v/seksjonsleiar Konrad Lillevevang Orientering om «Eldre som samfunnsressurs» seniorgrunderskap/mentorordning v/rådgivar May Britt Roald Orientering om «Den kulturelle spaserstokken» v/rådgivar Camilla Wiik Informasjon om arbeid med «Anleggspolitikk i Møre og Romsdal» v/rådgivar Hans Roger Tømmervold Informasjon/innspel til utvida TT-ordning ved rådgivar Silje Nerland Sættem Orientering om tilbodet fylkeskommunen legg opp til etter vedtaket om å slutte å trykke opp rutehefter frå 1.mai 2018 v/mellvin Steinsvoll (AP). Orientering om utdanningstilbodet innanfor pleie- og omsorg i Møre og Romsdal v/leiar økonomistab, utdanningsavdelinga, Melvin Tornes Orientering om Molde kommune sitt samarbeid med Molde eldreråd og om samarbeid kring helse- og omsorgsplan for Molde kommune 2018-2025 v/ordførar Torgeir Dahl Orientering om arbeidet med ny helse- og omsorgsplan for Molde kommune for 2018-2025 v/helsesjef Henning Fosse Orientering om den vedtekne nye strukturen for nye Molde kommune og om ein samordna felles uttale for organisering og arbeidsmåtar i nye Molde kommune frå eldreråda i Molde, Nesset og Midsund. Orientering om notat for eldre v/ass fylkesplansjef Ingunn Bekken Sjåholm Orientering om «program for folkehelsearbeid i kommunene» v/rådgivar Marita Helene Halvari Orientering om omlegging av bestilling av pasientreiser v/jakob Strand
Økonomisjef Willy Sægrov orienterte om økonomiplan 2019-2022 med budsjett for 2019 på Quality Hotel Alexandra, Molde, måndag 12. november 2018. Det er gitt følgjande uttaler/innspel: Omfang av leveringspliktige posttenester Oppgradering-rehabilitering av sjukehusa m.m på Sunnmøre. Tema til landskonferansen for fylkeskommunale eldreråd i Telemark 2019 «Digitalisering av fylkeskommunale tjenester og informasjon.» Økonomiplan med handlingsplan 2019-2022 med budsjett for 2019 Høyringsnotat- etablering av nasjonalt Eldre-,pasient- og brukerombud mv. Eigne arrangement Konferanse for kommunale eldreråd 2018 Eldrerådet arrangerte for første gong i år konferanse for dei kommunale eldreråda. Utgangspunktet for konferansen var å følgje opp kartlegginga av rammevilkåra for dei kommunale eldreråda. Denne kartlegginga vart gjennomført våren 2017. Hovudtema for konferansen var gjennomgang av kartleggingsresultata. I tilknytning til denne gjennomgangen vart det satt av tid til gruppearbeid. På programmet var også ei orientering frå Vestnes kommune om planleggingsprosessen for å byggje Helsehus i kommunen. Invitasjonen vart sendt til eldreråda og 69 personar meldte seg på. Tilbakemeldingane frå deltakarane er udelt positive med omsyn til tema som var valt for konferansen. Fylkeseldrekonferansen 2018 Saman med Pensjonistforbundet i Møre og Romsdal og Nasjonalforeningen for folkehelse, avdeling Møre og Romsdal, har fylkeseldrerådet arrangert konferansen «Aktiv alderdom leve heile livet» Leiar i Kultur- og folkehelseutvalget, Marit Nerås Krogsæter opna konferansen. Eldre- og folkehelseministeren Åse Michaelsen heldt eit innlegg knytt til Meldt.st. 15 (2017-2018) «Leve hele livet En kvalitetsreform for eldre». Tone Torgersen, fagsjef i Nasjonalforeningen for folkehelse snakka om «Sosial ulikskap i helse kan vi gjere noko med det? Bjarne Jensen, professor hadde eit innlegg om «ødelegg dei eldre samfunnsøkonomien?». Det vart haldt eit innlegg frå Liv Synnøve Hoel, prosjektleiar Nasjonalforeningen for folkehelsen med tema «Utløyse frivilligheitsressursen for god folkehelse for alle». I tillegg var eit innlegg frå Carina Stokke, Møre og Romsdal fylkeskommune og
Linda Cecilie Furulund, Kunstgjødsel AS/KulturBiz med tittelen: «Sølv i håret, gull for Møre og Romsdal- Mentorprogram for kreativ næring». Nokre erfaringar». I overkant av 110 personar meldte seg på konferansen som vart arrangert i Molde. Tilbakemeldingar frå deltakarane var positive. Fylkeseldrekonferansen 2018. Eldre - og folkehelseministeren saman med leiar og nestleiar i eldrerådet. Samarbeid med kommunale eldreråd Eit av møta i eldrerådet i 2018 vart arrangert i kommunane i Molde kommune. Eldreråda i Midsund og Nesset vart inviterte til å delta på desse møta. Deltaking på seminar/konferansar Landskonferansen i Tromsø 4.juni 6.juni 2018. 5 medlemar og sekretariatet deltok. Seminar «Saman om forsking- og kompetanseutvikling» 5.oktober 2018. Volda. 2 medlemar deltok. Representasjon i brukarutvala i helseregionen/klinikkråd ved sjukehusa i fylket I brukarutvalet for Helse Møre og Romsdal sitt Jakob Strand frå eldrerådet. Følgjande representantar er valt inn i ulike klinikkråd ved sjukehusa i fylket: Jakob Strand, klinikk for kirurgi, Ålesund sjukehus og klinikk for kirurgi, Volda sjukehus Jon Skarvøy, klinikk for kirurgi, Kristiansund sjukehus Sluttord Eldrerådet har teke utgangspunkt i dei tema som er set opp i handlingsprogrammet når programma for dei store arrangementet som er avvikla i 2018 er planlagt. Dette er tema som befolkningsutvikling og korleis kommunane førebur seg og utdanning av helsepersonell. I tillegg kan digitalisering av fylkeskommunale teneste og omsyn til innbyggarar i Møre og Romsdal som ikkje er digitale brukarar nemnast som tema.
Det har også vore viktig for eldrerådet å sette Meld. St. 15 (2017-2018) Leve hele livet En kvalitetsreform for eldre på dagsorden. Og dermed ble tema for årets fylkeseldrekonferansen satt til «Aktiv alderdom leve heile livet. I 2019 vil eldrerådet arbeide vidare med dei tema som er omtala i handlingsprogrammet. Dette vil skje gjennom eigne konferansar, møter, ved å gi uttalar og i direkte kontakt med dei kommunale eldreråda. Eldrerådet og rådet for likestilling av funksjonshemma har i tillegg vedtatt å gå vidare med planlegging av ei felles regional samling for begge råda og råda i Trøndelag fylkeskommune.
Postboks 2500, 6404 Molde (postadresse) Julsundvegen 9, 6412 Molde (besøksadresse) Tlf: 71 28 00 00 E-post: post@mrfylke.no Web: mrfylke.no