Side 1 av 16 Sak 2: ÅRSMELDING 2015 KVINNHERAD SKYTTARLAG Kvinnherad skyttarlag har i 2015 hatt følgjande tillitsvalde: Styret: Leiar: Arnt Orholm Nestleiar: Unni Gorm-Hansen Kasserar: Elisabet Epland Næs Sekretær: Annbjørg Fossberg Leiar Ungdomsutvalet: Leif Skeie Leiar Jegerutvalet: Lars Lidvard Øyjord 1. varamedlem: Dagfinn Mehl 2. varamedlem: Terje Hus Informasjonsutval: Leiar: Økonomiutval: Leiar: Ungdomsutval: Leiar: Foreldrerepresentant: Foreldrerepresentant: Lagsinstruktør: Unni Gorm-Hansen Marit Mehl Ada Margrethe Seim Audun Fossberg Elisabet Epland Næs Bjarte Naterstad Synneva Seim Trond Steinsvik Leif Skeie Håvard Stensletten Eik Åshild Mehl Samson Olai Kvame Henriette Seim Sigmund Hjelmeland Paul Are Ljosnes Anne Helen Kaldestad Bjørn Helge Skåle Magne Wollheim
Side 2 av 16 Jegerutval: Leiar: Material- og Anleggsutval: Leiar: Medlem/Ammunisjonsforvaltar: Stemneutval: Leiar: Revisorar: Lars Lidvard Øyjord Trond Bjørke Tore Nerhus Sigurd Hatteberg Johannes Hjelmeland Dag Olav Horvei Dagfinn Mehl Kjetil Mehl Jens Åge Fossberg Jens Petter Fossberg Terje Hus Håkon Leganger Oddvar Mehl Joar Hjelmeland Arvid Tufta Per Inge Naterstad Jens Oddvar Eikeland Valnemd: Leiar: Lars Børge Sæberg (2015) Jan Fredrik Einvik (2015-2016) Eirik Skåla (2015-2017) Instruktørar: (Utpeikt på styremøte 25.01.2012, under sak 12-010 Instruktørar: Leiar: Magne Wollheim Terje Hus Elisabet Epland Næs Åshild Mehl Jan Fredrik Einvik Margrete Gjerald Mehl Per Fausk
Side 3 av 16 Medlemmer: 2012 2013 2014 2015 Jeger 200 203 206 205 Klasse 1 47 42 50 55 Klasse 2 23 25 22 22 Klasse 3 12 8 11 11 Klasse 4 10 10 10 9 Klasse 5 1 3 2 4 V55 3 1 0 1 AG-3 2 2 1 1 Åpen 1 1 1 1 Aspirant 35 30 42 46 Rekrutt 2 3 2 3 Eldre Rekrutt 11 7 8 9 Junior 12 11 8 7 V65 4 6 6 6 V73 5 5 4 4 Totalt 368 357 373 384 Støttemedl. 15 Styremøte: Vi har hatt 8 styremøte etter siste årsmøte, og det er handsama 95 saker. Styremøta har i år og vore onsdag kveld med møtestart kl. 19.00. Vi har i år hatt litt fråfall til møta, og ved enkelte høve har fråfall blitt meldt så seint at ikkje varamedlem har blitt kalla inn. Styret har hatt rolege møte, og ingen store saker der det har vore stor ueinighet i styret. Styremøtet som var fastsett til 06.05.2015 vart avlyst p.g.a. få saker, og stort arbeidspress på enkelte i styret. Kanskje bør styremedlemane bli flinkare til å melda inn saker til møta, slik det har fungert i år, er det stort sett leiar som kjem med saker som vert tekne opp på møta. Stemne i laget: Miniatyrstemnet vart arrangert over fleire dagar i veke 47: Miniatyrstemnet som vart arrangert 18. 23.11.2014 var liksom testen på om den nye miniatyrbanen fungerte eller ikkje. Heile 164 deltakarar møtte opp og skaut, noko som vi er veldig godt fornøgde med. Vi hadde live-visning i gymsalen, der det i tillegg var både kafe og påmelding. Arild Røyseth, Åsane/Hordvik vart vinnar av stemnet med gode 347 poeng, som og er banerekord for den nye banen. Audun Kvandal, Røldal vart nr. 2 med 346 poeng, medan tredjeplassen gjekk til Liv Sollesnes, Jondal med 345 poeng. Andre klassevinnarar: Morten Øyeflaten, Strandebarm vann Rekruttklassen med 347 poeng, Tjerand Ruben Røgenes, Vindafjord og Mats Aadland Flatås, Stord, delte sigeren i Eldre Rekrutt med 350 poeng. Zack Ruben Waldorf Sele, Sveio vann Juniorklassen med 347 poeng. I V65 var Johs. S Bakke, Strandebarm som vann med 349 poeng, medan Magne Nordvik, Tysse vann V73,
Side 4 av 16 han og med 349 poeng. Per Jan Sandven, Ullensvang vann V55 med 344 poeng. Klasse 1 vart vunnen av Jarle Larsen, Time med 247 poeng. Einaste klassesigeren til vårt lag sto Elisabet Epland Næs og Arnt Orholm for då dei delte sigeren i klasse 2 med 342 poeng. Heile 24 Aspirantar deltok, og 19 av dei kom frå vårt lag. Heile 45 skyttarar frå vårt lag deltok i stemnet, Alt i alt eit flott arrangert stemne, som viste at det nye flotte anlegget vårt fungerte bra. Samlagsstemnet 15 m vart arrangert over fleire dagar i veke 5: Ungguten Sander Hustad Engevik, Stord vart årets Samlagsmeter 15 m som vart skipa til i Kvinnherad miniatyrbane i månadskiftet januar/februar. Sander hadde 345 poeng. Faren, Arne Engevik, måtte denne gongen nøya seg med 2. plassen med 344 poeng. 3. plassen gjekk og til ein skyttar frå Stord, Håvard Sørheim, med 342 poeng. Andre klassevinnarar: Anna Innvær, Bremnes, i Eldre Rekrutt var vel ein av dei skyttarane som var mest fornøgd med si skyting denne helga, 350 poeng, og heile 25 innertiarar. Her vart Helene Bennæs frå oss nr. 2 med 349 poeng. Olve Grønås Birkeland, Sveio vann Rekruttklassen med 347 poeng. Samme poengsum hadde Mats Aadland Flatås, Stord som vann Juniorklassen. To klassesigrar til skyttarane våre. Morten Sæther Sundal vann 1. klassen med 248 poeng, medan Håkon Leganger vann V65 med 347 poeng. Morten Røssland, Husnes vann V73 med 346 poeng. Leiv Håkon Kaldestad, Husnes vann V55 med 342 poeng. Eivind Larsen, Husnes vann klasse 3 med 337 poeng, medan Thorbjørn Samland, Skånevik vann klasse 4 med 338 poeng. Lagskytinga for Ungdom vart vunnen av Sveio skyttarlag med 741 poeng. Her kom laget vårt på ein 2. plass med 737 poeng. Lagskyting klasse 3 5 vart vunnen av Stord skyttarlag, her vart laget vårt nr. 7 med 708 poeng. I lagskytinga for Vetreran vann laget frå Husnes med 737 poeng, to poeng føre laget vårt som vart nr 2. Heile 28 Aspirantar frå vårt lag var med og skaut årets Samlagsmesterskap, og totalt var det 57 skyttarar frå Kvinnherad skyttarlag som deltok. Trur det må vera deltakarrekord frå eit lag i Sunnhordland på eit Samlagsmeisterskap? Som vanleg eit godt gjennomført stemne frå eit solid mannskap. Rosendalsfelten vart arrangert søndag 15. mars. 88 skyttarar møtte opp i finveret for å skyta årets Rosendalsfelt. Vinnar vart Frode Markhus, Husnes med 39/16. Nr. 2 vart Johannes Seim, Seim med 30/15, medan tredjeplassen gjekk til Per Jan Sandven, Ullensvang. Han vann dermed klasse V55. Laget vårt fekk 3 klassevinnarar denne gongen, Helene Bennæs vann Eldre Rekrutt med 30/19, Morten Sæther Sundal vann klasse med 28/17, medan Håkon Leganger vann V65 med 30/24. Andre klassevinnarar: Sigurd Olav Lynghammer, Røldal vann Rekruttklassen med 30/18, medan Martin Aadland Vad, Stord vann Juniorklassen med 30/25. Morten Røssland, Husnes vann V73 med 30/23. Klasse 2 vart vunnen av Tor Meidell, Hatlestrand og Ølve med 27/12. Eivind Larsen, Husnes vann klasse 3 med 29/15 og Arne Birkeland, Sveio vann klasse 4 med 28/12. Det var ein Aspirant som skaut, og det var Maria Endresen Bråtveit, Bråtveit som fikk 6/1. 88 skyttarar er alt for lite på eit slikt opplegg i strålande flott vårver. Kanskje går det mot slutten for ærverdige Rosendalsfelten? Midthølstemnet vart i år arrangert helga 9. 10. mai. Ho som seinare på året skulle bli Landets andre skyttardronning, Eileen Torp, Sartor vann årets
Side 5 av 16 utåave av Midthølstemnet med 345 poeng. 2. plassen gikk til John Olav Ågotnes, med 344 poeng, medan vår eigen Frank Vik tok 3. plassen med 343 poeng. Han vart og best i klasse 4. Dagfinn Mehl fikk ein 2. plass i klasse 4 med 337 poeng. Denne gongen måtte vi nøya oss med to klassevinnarar, Helene Bennæs vann Eldre Rekrutt med 347 poeng, medan Morten Sæther Sundal vann klasse 1 med 247 poeng. Andre klassevinnarar: Magnus Øglend, Ølen vann Rekruttklassen med 340 poeng. Mats Aadland Flatås, Stord vann Juniorklassen med 347 poeng. V65 vart vunnen av Reidar Dahl, Os med 349 poeng, medan Nils Lothe, Jondal vann V73 med 349 poeng. 2. klassen vart vunnen av Kjetil Måkestad, Tørvikbygd med 337. Klasse 3 vart vunnen av Eivind Larsen, Husnes med 335 poeng. 9 skyttarar deltok i Aspirantklassen, der Maria Hatteberg var den einaste frå vårt lag. Ho hadde 208 poeng. Krinsstemne felt vart arrangert på Midthølen skytesenter laurdag 18.4.: Berre 29 skyttarar møtte fram for å skyta årets Krinsstemne i felt. 4. klasseskyttaren Arvid Tufta frå arrangørlaget vann med 30/15 føre 3. klasseskyttaren Eivind Larsen, Husnes med 29/15, medan beste 5. klasseskyttar var Frode Markhus, Husnes med 28/13. Andre klassevinnarar: I tillegg til at Arvid vann grovfelten, fikk vi 5 klassevinnarar frå vårt lag denne gongen. Det vart: Andreas Hansen vann Rekruttklassen 25/5, Juniorklassen vart vunnen av Audun Fossberg med 26/6, Håkon Leganger vann V65 med 30/26, Morten Sæther Sundal vann klasse 1 med 29/13, medan Åshild Mehl vann klasse 2 med 22/6. Håkon Bjørn Førland, Husnes vann V73 30/21. V55 vart vunnen av Atle Presthus, Hatlestrand og Ølve med 25/12. Ingen skyttarar i Aspirant og Eldre Rekrutt. Treningscup: Det vart arrangert Treningscup i år og. Cupen vart arrangert i alt 12 tirsdagar, både på 100 og 200 meter. I år var det 49 skyttarar på 100 meter, litt over 4 skyttarar i snitt pr. gong. På 200 meter var det 110 skytarar, som gir ein snitt på litt over 9 skyttarar pr. gong. Kanskje bør cupen endrast på ein eller annan måte, slik at det kan verta meir attraktivt for skyttarane for å vera med. Å stilla med så mykje vakter gjennom heile sommaren, og så er det så få som stiller, kanskje er det feil bruk av frivillege ressursar? Som åra før vart det trekt ut premiar på Treningscupen, denne gong vart dei trekt under middagen som vart arrangert under Ungdomssamlinga. I år hadde vi og fått 500 cal. 22 skot frå Husnes skyttarlag som skulle trekkast blant alle som hadde delteke. Som vanleg stilte vi med to gåvekort på kr. 500,- kvar, der eit vart trekt mellom dei som hadde skote på 100 meter, og den heldige vinnaren der vart Erika Paulona Nylund Nygaard frå Høylandsbygd skyttarlag. Frode Markhus, Husnes skyttarlag vann gåvekortet på 200 meter, medan Arvid Tufta vann dei 500 cal. 22 skota. Vi gratulerer alle vinnarane. Landsskyttarstemnet på Lesja: Heile 40 stk frå vårt lag reiste til årets Landsskyttarstemne på Lesja, 27 av dei for å skyta. Resten var med som lagleiarar/moralsk støtte/publikum. Det som er mest gledelig med så mange er at heile 10 stk er rekrutteringsskyttarar, 3 Rekruttar, 4 Eldre Rekrutt og 3 Juniorar. 5 av dei var debutantar, det var Andreas, Dina, Oskar, alle Rekruttar, medan Lars Ole og Mats August var debutantar i ER. Vi hadde og 3 skyttarar i klasse 1, der Samson Olai var med for første gong.
Side 6 av 16 Dei fleste av oss budde i flotte hytter/leilegheiter som Unni hadde skaffa på Bjorli, eit stykke å kjøra, men både hyttene og leilegheitene var topp. 5 finalister frå vårt lag. Det som kanskje overraska mest var at Rekrutten Andreas skulle skyta 30/18 i sin feltrunde og dermed hamna i feltfinale under debuten på eit LS. Det var berre heilt topp. Fekk 9/5 i finalen, og vart nr 44 til slutt. Flott gjort av ung gut på sitt første LS. Den som gjorde det best, og vart nr 3 i Junior Felt var Audun, 30/17 på hovedskytinga, 12/9 i finalen, og fekk skyta om om 2. plassen. Her vart det 10/8, og 3. plassen var sikra. Gratulera Audun. Begge V65 skyttarane våre til finale. Kåre kom til finalen på banen etter å ha skote fullt hus, 250 poeng. Fekk 99 poeng i finalen, og enda dermed på ein 29. plass. Håkon hadde figur 1 i finalen, etter å ha skote 30/29 på den innleiande skytinga. Håkon var uheldig i finalen og fekk ein bom på siste skotet. Enda opp med 41/11. Hadde han i staden fått ein innertreff til i finalen, hadde han fått skote om med ein om 1. plassen, hadde han fått ein yttertreff til, hadde han fått vore med og skote om om 3. plassen. Så tett er det i V65. Magne kom og til finalen på bane. Første gong han var i finalen på bane var i Førde i 1988, og dette var hans 18. finale på bane. Han hadde 241 på hovedskytinga, og fekk 96 på omgangen, noko som vart eit stykke ned på lista denne gongen. Nesten for jentene i ER. Både Helene og Martine skaut 249 poeng på banen i Eldre Rekrutt. Her gikk finalen på 250 poeng. På felten hadde begge 29 treff, og her gjekk finalen på 30 treff. Nærare finale går det nesten ikkje an å koma. Men, begge jentene var som vanleg like blide. Morten, klasse 1, var den som fekk med seg flest premiar heim, då han fekk beger på alle øvelsane, i tillegg til Minnemedalje. Totalt vart det med 33 beger og 8 Minnemedaljer heim til Kvinnherad. Nokre var i tillegg så gode at dei fekk gåvepremie og. Dette må vera det beste Landsskyttarstemnet etter at vi vart til Kvinnherad skyttarlag. Trur alle som var med hadde ein kjekk og minnerik tur, om dei var skyttar, eller berre var med for turen sin del. Hordastemnet Bane: Vart i år arrangert av Voss skyttarlag 13. 14. juni. Frå vårt lag deltok 15 skyttarar. Kåre vann V65 med 350 poeng, forøvrig med 9 innertiarar i finalen. Håkon hadde og 350 poeng, med 4 innertiarar i finalen, og enda på ein 5. plass. Audun fekk ein 8 plass i Juniorklassen med 345 poeng, medan Helene vart nr 13 i Eldre Rekrutt, ho hadde 347 poeng. I lagskyting i Veteranklassane kom laget vårt på ein delt 2. plass med 299 poeng. I lagskyting for Seniorklassane kom laget vårt på ein 4. plass, etter at dei hadde skive 1 i finalen. Håkon var med på Samlagsskyting for Veteran, der laget enda på ein 2. plass med 398 poeng, her skaut Håkon 100 med 8 innertiarar. Helene var på 2. laget til Sunnhordland skyttarsamlag i Samlagsskytinga for Rekrutteringsklassane, skaut 100 poeng, og laget enda på ein 3. plass. Hordastemnet Felt: Vart i år arrangert i Søndre Krins. 9 skyttarar frå vårt lag deltok. Morten Sæther Sundal vann klasse 1 med 25/12. Dagfinn best av våre på grovfelt med 35/4, medan han hadde 27/12 på hovedskytinga. Håkon nr 11 i V65 med 40/8, han hadde forøvrig 29/18 på hovedskytinga.
Side 7 av 16 Samlagsstemnet Bane: 24 skyttarar frå vårt lag deltok på årets Samlagsstemne bane som vart arrangert av Stord skyttarlag søndag 23. august. Dette skulle visa seg å bli eit godt stemne for mange av skyttarane våre. Håkon vann V65 med 348 poeng, eitt poeng føre Kåre som vart nr 2. Dobbeltsiger og i klasse 1, der Morten vann med 247 poeng, her var det debutanten på Samlasstemne, Samson Olai, som tok andreplassen med 240 poeng. Nok ein klassesiger, den gikk til Arvid i klasse 4 med 237 poeng. Den som kanskje var mest glad då vi reiste frå Stord var nok Dina etter å ha blitt nr. 2 i Rekruttklassen med 329 poeng, ho som ikkje hadde lyst til å skyta finale eingong. 2. plass vart det og til Audun i Juniorklassen med 345 poeng. I klasse 2 vart Jens Petter nr. 2 med 338 poeng. I lagskyting for rekrutteringsklassane gikk laget vårt heilt til topps. På laget skaut Martine, Helene og Audun. Samlagsstemnet Felt: Samlagsstemnet felt vart i år arrangert i Søre Krins med Ølen skyttarlag som arrangør. 8 skyttarar frå vårt lag deltok. Ikkje nokon suksess denne gongen for våre skyttarar. Kåre vart nr 2 i V65 med 42/10 etter 30/21 på hovedskytinga. Håkon vart nr. 4 i samme klasse med 41/9 etter 30/19 på hovedskytinga. Ungdomssamling Midthølen skytesenter/kvinnherad miniatyrbane: Vi søkte Sparebank1 Stiftinga Kvinnherad om kr. 50 000,- til samling for våre ungdommar, og jammen fekk vi det. Samlinga vart arrangert helga 10. 11. oktober med 16 ivrige deltakarar, 15 frå vårt lag og ei frå Høylandsbygd. Deltakarane vart delt inn i to grupper, der dei yngste var med berre laurdag. Dei hadde teori og feltskyting på elektronikk på Midthølen skytesenter med Terje Hus og Ørjan Almeland Sjo som instruktørar. Eldste gruppe var samla på Kvinnherad miniatyrbane på laurdag der dei hadde teori og skyting på 15 m. Søndag flytta dei seg til Midthølen skytesenter der dei først hadde teori, før det var innskyting til feltskyting. Før dei fikk sleppa til på Stang- og Felthurtigskyting var det avstandsbedøming. Stang- og Felthurtigskyting var verkeleg noko som ungdomane likte, det var vanskeleg å få dei til å slutta av. Dei eldste vart instruert av Magne Wollheim, som hadde planlagt samlinga, i tillegg var Anders Hundseid frå Etne leigd inn som instruktør. Laurdagskvelden var alle invitert til fellesmåltid i gymsalen i Kvinnherad miniatyrbane. Her vart det servert taco med tilbehør, noko som fall i smak hos alle. Ellers vart det servert lunch på Midthølen begge dagar, i tillegg til at det og var lunch på Seim laurdagen. Under samlinga laurdagskvelden vart det delt ut 350-diplom og merke til Helene etter at ho skaut 350 poeng på det siste stemnet under ungdomsturen til Numedal. Vidare fekk Audun eit gåvekort av laget for 3. plassen i Juniorklassen under årets Landsskytterstemne. Etter bordseta var det leik og spel blant alle deltakarane, noko som det såg ut at dei likte veldig bra. Kanskje ei slik samling er noko vi bør gjenta ved seinare høve? Kvinnherad miniatyrbane: Skytinga på den nye miniatyrbanen har fungert heilt fint. Her er det skyttarar som trenar både seint og tidleg. Sjølve testen på at anlegget er ok fikk vi under det opne miniatyrstemnet vårt i fjor haust. Heile 164 skyttarar møtte fram og skaut, og anlegget og arrangøren besto prøven med glans. I månadsskiftet januar/februar arrangerte vi Samlagsstemnet 15 m, denne gong med 165 skyttarar.
Side 8 av 16 Likså no, anlegget og arrangørane fungerte fint. No har vi møtelokale både til større og mindre møter og samlingar, noko som fungerer heilt fint. Alle rom kan brukast sjølv om det er skyting på banen. Det nye kjøkkenet er no nesten heilt ferdig. Det vart eit fint og funksjonelt kjøkken vi har fått mykje skryt for frå mange. Kjøkkengjengen er no i gang med innkjøp av utstyr. Det vart bestemt at overskotet frå den opne dagen 25. oktober skulle gå til innkjøp av utstyr. Ellers er det ikkje gjort noko større dugnad i inneverande år. Ny shingel til taket over kjøkken/garderobar er kjøpt inn, men ikkje lagt. Avtale er underteikna med laga på Seim, slik at skyttarlaget no har overteke alt utstyr i huset. Utleige av huset går sin gang, ikkje den heilt store etterspurnaden, men så har vi ikkje vore ute og annonsert heller. Vi har fast avtale med bedriftsidrettslaget til Harding som trenar ein time onsdag ettermiddag. Det samme gjer Judogruppa til Rosendal Turnlag, men seinare på onsdagskvelden. Ellers så leiger laga på Seim møterom ein gong iblant. Det er og litt sporadisk utleige av gymsalen til div. arrangement. Å leiga ut krev ganske mykje oppfølging, det skal vera reint, det skal vera varmt og alt skal vera på plass. Skal skyttarlaget driva med utleige i større skala, må nok ein eller annan ta på seg "Vaktmeisterrollen", og vera disponibel når det er nødvendig. Midthølen skytesenter: Midthølen skytesenter kom i drift igjen siste veka i april etter flaumen som var 28. oktober året før. Takka vera kjempeinnsats av Jens Åge + andre, var standplass 200 meter klar til bruk. Montør frå Megalink kom, og vi var med og monterte utstyr, og i løpet av nokre timar var anlegget klart til bruk igjen. Anlegget har fungert heilt fint gjennom heile sesongen. Tirsdag 1. september fikk vi følgjande e-post frå SKL: "Natt til tirsdag 1.9. gjekk Blåfalli Vik kraftstasjon i Matre i driftsstans. Dette fører til overlaup i Fjellhaugvatn i periodar med mykje nedbør og tilsig. Det er ikkje klart kor lenge driftsstansen i kraftstasjonen vil vara. Men det kan ta noko tid. Ein må difor vera budd på at det vil vera overlaup frå Fjellhaugvatn i periodar med mykje nedbør og tilsig. Overlaupet fører til auka vasstand i Midthølen, og at det vel vera vatn i det gamle elvefaret mot indre Matre. Me vil difor be dykk om å sjå etter utstyr i bygningar og på standplass i Midthølen som kan stå i fare for å verta skada av vatn." Etter det har vi teke inn alle stavar og ledningar, både i 100- og 200 meter grav. Fikk ny e-post frå SKL 10. november der det står: "Vedr. dritstansen i Blåfalli Vik i Matre, vil den vara til sommaren 2016. Nære dato for oppstart vil me kunngjera seinare, men det vert ikkje før juni/juli." Ser ut med normal nedbør at vatnet held seg ca ein halv til ein meter under vegen ved 100 meter grava. Blir det ikkje verre enn det kan vi leva med det. SKL følgjer med og tappar unna ved melding om mykje nedbør. Men blir det like mykje nedbør som det kom 28. oktober 2014, vil nok heile anlegget stå under vatn. Då vil det koma 70m³ meir vatn i sekundet enn det gjorde då. I såfall kan det bli store øydeleggjingar. Alt utstyr til skivene, både på 100- og 200 meter, er no trygt lagra i Kvinnherad miniatyrbane. Ellers har det vore normal aktivitet på Midthølen skytesenter dette året og. Vi har arrangert
Side 9 av 16 Krinsstemne felt, Midthølstemnet, lagstemne både i felt og bane der. Sjølvsagt har vi og arrangert Skytingens Dag, men heller ikkje dette året var det det store frammøtet. Vi har og som vanleg hatt treningscup og trening på 100 meter ein dag i veka med vakt/instruktør. Det viser seg at det er ikkje lett å få ungdomar opp til Midthølen for trening, det er berre dei mest aktive som møter ein og annan gongen. Det spørs om vi legg ned for mange timar med vakter/instruktørar og så kjem det så få og nyttar seg av tilbodet? Kanskje bør ein gå ned til organisert trening annakvar veke med vakter/instruktørar, og så får dei som vil trena meir trena med kort ilag med vaksne? Som vanleg har det vore 15-skot/jaktprøvar med Jegerutvalet. Viser her til årsmelding frå Jegerutvalet. Politiet har bruka banen flittig i år, i tillegg har HV vore der i 5 dagar no i haust. Maling til standplass 200 meter vart kjøpt inn, men ein kom ikkje så lang at ein kom i gang med malinga. Dette må takast opp igjen til neste år. Likeså må det meir sand i begge nedlslagsfelta, pengar til dette er sett av på budsjettet for 2016. Det er og sett av pengar til ny kontor-pc til Midthølen skytesenter. Årsmelding Informasjonsutval: MEDLEMMER: UNNI GORM-HANSEN (LEIAR), AUDUN FOSSBERG, ADA MARGRETHE SEIM OG MARIT MEHL. Utvalet har ikkje hatt møte i 2015, men vi har hatt ein gjennomgang av våre oppgåver i utvalet og hadde orientering og opplæring på innlogging og bruk på Heimesida og Facebook. Elles så har vi hatt info pr tlf, mail og elles på treningar. Nettside: Denne blir flittig brukt og det er ei av dei mest oppdaterte nettsidene i Sunnhordland og generelt. Ser at det ligger mellom 800-3000 besøkende pr 30 dager. Unni har ansvar for at den heile tida er oppdatert og får mykje av infoen som skal legges ut frå leiar i skyttarlaget. Alle i utvalet har mulighet til å legge ut bilder og info på Heimesida, som for eksempel ved stevner ol. Facebook: Her legger vi ut info som vi ønsker at fleire enn dei som er inne på Heimesida skal lese. Dette er stort sett informasjon som vi har lagt ut på Heimesida da legger vi ut link til Heimesida. Elles så vert det lagt ut resultater og bilder frå stemner som medlemma i laget er med på. Her kan alle i utvalet legge ut. Vi har 566 som liker Kvinnherad Skyttarlag si facebook-side pr 10.11.2015. (Mot 422 på samme tid i 2014) Skyttarfest: Utvalet har og eit ansvar å lage til skyttarfest. Denne har ikkje blitt noko av i 2015. Men vi har hatt Open dag både i 2014 og i 2015 til stor suksess. Unni Gorm-Hansen -Leiar informasjonsutvalet-
Side 10 av 16 Årsmelding Økonomiutval: Utvalget har vore samansett av: Trond Steinsvik, Bjarte Naterstad, Synneva Seim og Elisabet E. Næs Utvalget har ikkje hatt møte. Det har vore kontakt på Seim og pr tlf, sms og diskutert kor me kan søkja om midlar til drift og investeringar. Synneva har gjort ein kjempe jobb med å skaffa gevinstar til den opne dagen vår på Seim Me har hatt god hjelp av Unni Gorm-Hansen som hadde kontakt med Harding og der fekk me kr 10 000.- i sponsormidla Annbjørg Fossberg har hatt kontakt med Norsafe og der fekk me kr 25 000.- i sponsormidlar Nokre i laget var og vakter på opninga på Norsafe og der fekk me inn kr 3 025.- Og så var 10 stk vakt på ei dansetilstelling i Omvikdalen og der fekk me kr 10 000.- Det er søkt om stønad frå: Kommunen (driftstilskot) innvilga med kr 42 200.- Byggetilskot frå Kommunen innvilga med kr 70 000.- Frifond DFS Sparebank1Stiftinga Kvinnherad Energi innvilga med kr 16 768.- (fekk i oktober ikkje brukt) innvilga med kr 50 000.- (ungdomssamling gjennomført) innvilga med kr 20 000.- (skyteutstyr til ungdommane) Me har og dette året fått kr 10 000.- i sponsorstøtta hos Magne Landrø AS Elles har ein fått kr 20 000.- frå 17.mai komiteen i 2015 øyremerkt kjøkken (brukt) Me har vore heldige dette året og fått inn ein god del midlar Når det gjeld premiepenger så går det greitt i det nye DFS sitt medlemsprogram. Stort sett har laga vore flinke med å betala ut premiepengane. Det har vore 351 betalande medlemer dette året. Har vore sendt ut vel 390 medlemsgiroar for 2015 Det har ikkje vore sendt ut nye støttemedlemsbrev dette året Rekneskapen er ført via Tveit Regnskap as sitt dataprogram Duett Økonomiutvalget 2015 Elisabet E Næs
Side 11 av 16 Årsmelding Ungdomsutval: Ungdomsutvalet har i år bestått av; Leif Skeie (leiar), Åshild Mehl, Paul Are Ljosnes, Håvard S. Eik, Samson Olai Kvame, Sigmund Hjelmeland, Henriette Seim. Forelderepresentantar; Anne Helen Kaldestad, Bjørn Helge Skåla Instruktør; Magne Wollheim Vi begynte året med ein fellestur til Jondal på miniatyrstemnet deira. Der det var 18 aspiranter og ungdomsskyttarar med. Helga 7.-8.mars var det ungdomssamling i regi av samlaget på Fikse skytebane. Der deltok 3 av rekrutteringsskyttarane fra Kvinnherad skyttarlag. På Landsskyttarstemnet på Lesja var det med 10 rekrutteringsskyttarar der 5 av dei skaut sitt første LS. Det var mykje god skyting av ungdommane blant anna Andreas som kom i felt-finalen i klasse Rekrutt, og Audun som vart nr 3 i felt-finalen i Jjuniorklassen. Helga 4.-6. september var det fellestur med samlaget til Ungdomsstemna i Numedal. Der var det 4 skyttarar og 3 vaksne som reiste frå Kvinnherad skyttarlag. Når utesesongen startar forsvinner mykje av rekrutteringsskyttarane, så der er ein jobb å gjere for å behalde dei med oss gjennom heile sesongen. Inneskytinga er blitt svært populær og der har vi mange skyttarar med oss, både nybegynnarar og tidligare deltakarar på treningane. Det har ikkje vore tid til skyteskule denne hausten, men vi satser på å få det til over nyttår. I Matre er det Stein Morten Hegland som har ansvar for inneskytinga. Det er veldig mykje kjekk ungdom som er med oss på miniatyrskytinga, så vi må jobbe med å få dei med på utendørssesongen før fotballen tar dei! Leif Skeie leiar Årsmelding Material- og anleggsutval: Anlegg: Utvalet har fungert veldig bra, og har i år hatt en god del telefonmøter. På midthølen har det i år blitt gjort nødvendig vedlikehald av skiver front å bakskiver i forkant av Midthølstevnet. Vi fikk i vår nye sensorstaver å motorfremtrekk til skivene på 100 og 200m, samt elektronikk skap på 200m, etter vannskaden i fjord høst. Megalink var med å monterte utstyret. Det ble også lagt ned en god del dugnadstimer på 200m stpl etter uttørkinga med å isolere å kle igjen og legge nytt gulv i standplasslederbua. Vi tok i høst ned igjen, sensorstavene og en del sensitiv elektronik på 100 og 200m, etter at Skl fikk havari på stasjonen i vik å varslet tidvis høg vanstand i midthølen en lang tid fremover. Men vi kryser fingre og tær for at det ikke blir så høgt som i fjor høst.
Side 12 av 16 Det har ellers i høst blitt laget nytt kjøkken på Kvinnherad miniatyrbane på Seim, der har vert en handfull nøkkelpersoner som har lagt ned mange dugnads timer å gjort en kjempe jobb! Material: Sal av ammunisjon har gått som normalt. Omsetningen kjem fram av rekneskapen. Det er per 20.11.15 mykje jaktammunisjon på lager, detta grunna dårleg kommunikasjon med jaktutvalet. Det vert bestilling på ladekomponentar og ferdig ammunisjon 6.desember. Ber dykk om å bestiller for heile sesongen no. Vil oppfordre medlemmene til å nytta produkt frå Magne Landrø (lapua, vithavouri), då Kvinnherad skyttarlag har avtale med dei om sponsing. Ring Kjetil på førehand, når du skal ha noko frå lageret Annlegs og Materialutvalet: Dagfinn Mehl Jens Åge Fossberg Jens Petter fossberg Kjetil Mehl Årsmelding Jegerutval: Jegerutvalet for 2015 har vore samansatt slik: Leiar: Lars L. Øyjord (14/15) Trond Bjørke (14/15) Tore Nerhus (15/16) Sigurd Hatteberg (15/16) Johannes Hjelmeland (15/16) Dag Olav Horvei (14/15) Saman med mange gode medhjelparar har jegerutvalet utført om lag 220 dugnadstimar i 2015. Aktivitetar: Hålandshjorten 2015 Kvinnherad Skyttarlag arrangerte søndag 26.april den 13.utgåva av Hålandshjorten. Frank Vik vann jaktfelten for 5.gong, denne gong med 145 poeng av 150 moglege. Han vart tett fulgt av Åsmund Hjelmeland og Hermann Skromme, begge med 142 poeng. Det var 56 jegrar som trassa det dårlege veret i vind og sludd. Arrangørlaget hadde laga til ei variert feltløype der det vart skote mot fem ulike dyrefigurar på ulike avstandar og frå varierande skytestillingar. Det er òg lagt inn ei uhøgtideleg lagskyting der ein kårar beste tremannslag. Her var det Matre, med Frank Vik, Hermann Skromme og Sigurd Hegland som vann suverent med heile 422 poeng, 35
Side 13 av 16 poeng føre Hjelmeland med 387 poeng og EMK med 380 poeng. Premien til den med høgast poengsum på hjortefiguren vann Åsmund Hjelmeland med 48 av 50 mogelege poeng. Treningskot Treningskyting for jegrane har i år vore arrangert hovedsakleg på onsdagane. Det har vore gjennomført 7 onsdagskveldar med treningsskot. I tillegg vart det arrangert to 15 skots treningskveldar på fredager. Treningskytingane starta opp 6.mai, hadde pause frå 26.juni til 5.august, før det heile vart avslutta 28.august. På treningskveldane får ein dokumentasjon på 15 treningskot pr. kveld. I tillegg har ein del jegrar delteke på andre skytingar i laget og fått dokumentert dei 30 treningskota. Jaktfeltar Det har vore arrangert 1 jaktfelt. Ein 30 skots jaktfelt i Muradalen. Dette er skyting som fengar jegrane, men som krever litt meir av arrangørane. Det blir stadig fleire aktive jaktfeltskyttar som reiser aktivt på stemner. Det blir jamnlig etterspurt når utbygginga av viltmålbanen startar på Midthølen. Skyteprøve Det har på treningskveldane vore mulig å ta skyteprøven. Jegrane gjer gode tilbakemeldingar på gjennomføringa. Det er nesten ikkje ventetid, og god kapasitet. Ein del jegrar byrjar seint å tenkja på treningskot og skyteprøve. Ved utsending av kontingent og medlemsinfo bør ein oppfordra til å koma tidlig igong med treningskot. Oppsumering Det har vore arrangert 10 dagar med jegerskytingar. Totalt har 236 jegrar (193-14) (242-13) delteke på jegerskytingar i 2015. Av desse er 13 (19-14) (54-15) ikkje-medlemmar (2 av desse under 24 år), dei fleste er medlemmar i andre lag som Mauranger, Husnes m.m. 226 (169-14) (198-13) jegrar har i år skote treningskot før skyteprøven for storviltjegrar. Det er skreve ut 119 (193-14) (234-13) beståtte skyteprøvar. Totalt er det avfyrt omlag 6000 skot Tilbakemeldingane er i stor grad veldig positive til tilbod, opplegg og gjennomføring. Ammunisjon Kvinnherad Skyttarlag har i år lagerført og solgt ammunisjon i dei mest nytta kalibera. Ved salg av kaliber 6,5 x 55,.308 win og 30.06 til både trening og jakt dekkjer vi 95% av behovet. Tilsaman er det selt trening/jakt-ammunisjon til jegrane for kr. 36 700,- (68 400-14) (61 000-15) Av dette utgjer kr. 18 200,- treningsammunisjon og kr. 28 500,- jaktammunisjon Skyttarlaget har bare lov å selgja ammunisjon til medlemmer i laget. Ikkje-medlemmer kan kjøpa ammunisjon, men då kun det antall som vert nytta ved gjennomføring av skytinga. Medlemskort med kvittering for betaling skal framvisast saman med våpenkort for aktuelt kaliber. Skyttarlaget er pålagt å registrera med våpenkortnr. kven som kjøper ammunisjon. Det vert arbeida med eit betre regime for kontroll av medlemskap og registrering av ammunisjonskjøp. Forslag til betring på dette er å laga påmeldingslister og ammokjøplister der skyttarid (medlemsnr) skal registrerast Prisar på jegerskytingar På årsmøte 2013 vart det vedteke satsar for jegerskytingar. Pris pr. 15 treningskot er kr. 50, oppskyting til storviltprøven er inkl. i medlemskontingenten. For ikkje-medlemmer er prisen kr 250,- pr 15 skot, og oppskytinga er kr 250,- pr kveld.
Side 14 av 16 Pris pr 15 treningskot utanom oppsette dager medlemmar/ikkje medlemmar kr. 250/500 Pris oppskyting utanom oppsette dager er for medlemmar/ikkje-medlemmar kr. 250/500 Opplegget har fungert bra bortsett frå at vi har nokre gratispassasjerar som har skote som medlemmar uten medlemskap i laget. Ikkje-medlemmar bør oppfordrast til å melda seg inn. Det er stadig mykje kreativitet for oppskyting utanom oppsette skytetider. Totalt utgjer inntektene frå påmelding jegerskytingar kr. 20 300,- fordelt på kr. 16 550,- frå medlemmar og kr. 3 750,-frå ikkje-medlemmar Økonomi Jegrane er ei stor gruppe i laget. Det er i år 168 (174-14) (188-13) jegrar som har delteke på jegerskytingar i regi av laget, noko som utgjer om lag 48% av medlemsmassen. Bidraget frå jegrane er hovudsakleg medlemskontigent, påmelding treningskot og ammunisjonskjøp. Bidraget utgjer i år totalt 141 000 (173 950-14) (155 000-13), noko som utgjer 8,8% (18 %-14) (21,5 %-13) av dei totale brutto inntektene i laget. Bidraget frå ikkje-medlemmar som deltek på jegerskytingane utgjer kr. 3 750 (10 000-14) (13 200-13), noko som utgjer 0,2 % (1,0 %-14) (1,8 %-13) av bruttoinntektene i laget. Det har dei siste åra vore ein generell nedgang i antall jegrar som har nytta seg av tilbodet på Midthølen. Dette kan ha samanheng med prisane for jegerskyting vart auka i 2013. Forslag til tiltak for auka aktivitet Jegerutvalet prøver fortløpande å tilpassa seg medlemmane sine interesser og ynskjer. Det er i løpet av sesongen kome mange konstruktive og velmeinte tilbakemeldingar og forslag til tiltak for å betra tilbodet til jegrane og såleis auka aktiviteten. Det er i 2015 gjort fleire tiltak for å auka interessa. Det er fleire konkrete planar i året som kjem. Det nye styret bør saman med jegerutvalet jobba aktivt for fylgjande tiltak: - Utarbeide ein konkret plan for viltmålbane. Ta kontakt med KJSFL om dei ynskjer å bidra. - Få på plass skytesimulator som innandørs aktivitet for jegrane i vinterhalvåret. - Eiga jaktfeltgruppa som organiserer trening og konkuranseskyting i jaktfelt mot NJFF - Fleire arrangement for jegrane t.d. lysbildeforedrag, kurs, gevirutstilling m.m. - Meir direkte informasjon ut til jegrane. Pr. i dag får jegrane i stor grad passiv informasjon frå heimeside. Ein bør oppdatera medlemslistene med e-post, mobil og facebookprofil. Meir info skaper aktivitet. Det er tilnærma gratis å senda ut meir informasjon. - Premieskyting eventuelt med finaleskyting med skyteprøven som innleiande skyting. - Jegerprøvekurs i eigen regi eller eventuelt i lag med KJSFL. - Få fleire jegrar med som klasse 1 og 2 skyttar innandørs og utandørs. Bør vera eit stort potensial. Dette også vil dra med seg fleire rekrutteringskyttarar. Når vi no har fått på plass eit lagshus med innandørs miniatyrbane så er det viktig å auka tilboda til jegrane slik dei får tilhøyrighet og opplever auka kvalitet på medlemskapet. Leiar jegerutvalet 2015
Side 15 av 16 Årsmelding Stemneutval: Stevneutvalet for 2015 har vore: Terje Hus(Leiar), Håkon Leganger, Arvid Tufta, Oddvar Mehl og Joar Hjelmeland. Vi har arrangert Samlagstevnet Miniatyr, 3 lagsmeisterskap, Dugleiksmerket, Rosendalsfelten, Krinsstevnet felt, Midthølstevnet og Rosendalsminiatyren. Stevna har vore arrangert på ein bra måte slik vi i Kvinnherad Skyttarlag kan. Antal pr stevne: Samlagstevnet Miniatyr: Lagsmeisterskap Miniatyr: Lagsmeisterskap Bane: Lagsmeisterskap Felt: Rosendalsfelten: Krinsstevnet Felt: Midthølstevnet: Rosendalsminiatyren: 165 stk 54 stk 19 stk 15 stk 88 stk 29 stk 174 stk 158 stk Antall deltakarar var for dårleg på lagsmeisterskapa våre på midthølen. Feltstevnet må flyttast til mars/april for å få meir deltakarar. Banestevnet må flyttast til medio Juni på ein vekedag. Har ikkje vore noko problem med å få folk med til å arrangere, men alle må bli flinkare til å bekrefte e-postar som dei får om mannskapslister mm. Som eg har skrive og sagt mange gangar tidlegare so treng vi fleire som kan bruka programma i Megalink. Rosendal 08.11.2015 Terje Hus
Side 16 av 16 Oppsummering: 2015 har vore eit bra år for Kvinnherad skyttarlag. Fleire gode resultat er oppnådd av medlemane våre i året som snart er til ende. Sjølvsagt kunne vi ønskja oss fleire toppresultat, men det kjem. Mange av medlemane våre legg ned ein del treningstimar gjennom året, noko som vil gje resultat på sikt. Eit stort antal dugnadstimar er lagt ned i år og. I det nye kjøkkenet i Kvinnherad miniatyrbane vart det mange dugnadstimar, likeeins oppbygging av standplass 200 meter vart det og lagt ned mange timar, her stort sett av Jens Åge. I tillegg kjem alle timane vi legg ned som vakter/instruktørar på skytingane, både på Midthølen og på Seim. Det vert og lagt ned mange timar i drift av laget, bl.a. i føring av rekneskap går det med mange timar. Kanskje hadde det vore ein ide å ført alle dugnadstimane som blir lagt ned i løpet av eit år, slik Jegerutvalet har gjort i år? Vi er så heldige å ha flotte ungdommar i laget vårt. Dei representerer laget på ein flott og verdig måte. Alltid positive, sjølv om ikkje alltid resultata deira er heilt i toppen. Laget fungerer bra, medlemane stiller seg bak dei vedtak som blir fatta. Kanskje har vi ei utfordring på Midthølen skytesenter fram til SKL får reparert kraftstasjonen i Vik i Matre, men det gjenstår å sjå? Arnt Orholm Unni Gorm-Hansen Elisabet Epland Næs Leiar Leiar Informasjonsutvalet Leiar Økonomiutvalet Annbjørg Fossberg Leif Skeie Lars Lidvard Øyjord Sekretær Leiar Undomsutvalet Leiar Jegerutvalet