Luster kommune. Handsama: Rådmannen sitt framlegg

Transkript

1 Luster kommune Handsama: Rådmannen sitt framlegg

2 Innhald: 1. VEDTAK OG PRINSIPIELLE UTGANGSPUNKT POLITISK STYRINGSMODELL GENERELT GRUNNLAG OG DELEGERINGSPRINSIPP Kommunalt mynde, hovudprinsipp for delegasjon Målsetjing KVA ORGAN DET NO VERT DELEGERT TIL Politisk nivå Kommunale føretak, IKS og vertskommunesamarbeid INTENSJONAR VED DELEGERING AV MYNDE FRÅ KOMMUNESTYRET TIL POLITISKE ORGAN/RÅDMANNEN Definisjonar Hovudprinsipp Tilrådingsmynde Signaturmynde Generelt VAL, OPPNEMNINGAR OG REPRESENTASJON GJELDANDE REGLEMENT/VEDTEKTER... 8 Side 2 av 8

3 1. Vedtak og prinsipielle utgangspunkt 1.1 Politisk styringsmodell Luster kommune har ein politiske styringsmodell som består av kommunestyret, formannskapet og plan- og forvaltningsstyret. I tillegg vil medlemene i formannskapet ha kompetanse til å fungera som valstyre, næringsutval og kommunal klagenemnd. I tillegg kjem kontrollutvalet og det at kommunestyret har høve til å oppnemna mellombelse komitear. 1.2 Generelt grunnlag og delegeringsprinsipp Kommunalt mynde, hovudprinsipp for delegasjon Etter kommunelova av 1992 er all mynde lagt til kommunestyret, mynde som tidlegare via særlov låg til einskilde utval eller til administrasjonen vart tilpassa dette prinsippet. Kommunestyret kan delegere mynde til andre politiske organ, til selskap eller til rådmannen, med mindre det er lovbestemt at mynde ikkje kan delegerast Målsetjing Delegasjon av mynde er å gjere arbeidsformer og vedtaksprosessar tenlege og effektive. Ut frå vedtak/tidlegare vedtak i kommunestyret skal fylgjande prinsipp leggjast til grunn ved utarbeiding av delegeringsreglementet: Tydeleg ansvar og mynde. Avgjerdsmynde skal vere på lågast mogleg nivå. Det skal vere ein effektiv vedtaksprosess. Ivareta/sikre likskap og rettar til publikum. Det må lagast gode rutinar for rapportering ved utøving av mynde. 1.3 Kva organ det no vert delegert til Politisk nivå Organiseringa i Luster kommune omfattar følgjande politiske organ for handsaming av saker, med eige mynde til å treffa vedtak/gje innstilling til: formannskapet, valstyret, næringsutvalet, plan og forvaltningstyret. Formannskap, valstyret og næringsutval har identiske medlemar. Mellombelse komitear har mandat frå kommunestyret og skal levere innstilling til kommunestyre. Formannskapet er klagenemnd etter forvaltningslova 28. Er det eit formannskapsvedtak som er påklaga, blir kommunestyret klagenemnd Kommunale føretak, IKS og vertskommunesamarbeid. Luster kommune har eit kommunalt føretak, driftsselskapet Lustrabadet KF, med eige styre. Kommunestyret vedtek årsbudsjett, handsamar årsrapport og vel styremedlemmar. Utover dette ligg kompetanse/fullmakt til styret i føretaket. Luster kommune har andel i fire ulike IKS-selskap; Simas IKS, Sogn Brann og Redning IKS, Sogn og Fjordane Revisjon IKS og Alarmsentralen IKS. Kommunestyret oppnemner representant/ representantar til selskapa sitt representantskap. Representantskapet har fått delegert mynde til styring av selskapa. Side 3 av 8

4 Luster kommune er medlem i tre vertkommunesamarbeid; Sogn barnevern m/sogndal som vertskommune, Sogn kulturskule m/leikanger som vertskommune og Sogn PPT m/sogndal som vertskommune. Mynde er delegert frå kommunestyret til rådmann som har vidaredelegert mynde til rådmann i vertkommunen Rådmann. Luster kommune nyttar i utgangspunktet maksimal delegasjon til rådmannen. Der lovverket gir høve til avgjerd av administrativt nivå så vert det delegert slikt mynde. Mynde skal likevel forvaltast slik at prinsippielle saker vert lagt fram for politisk handsaming. 1.4 Intensjonar ved delegering av mynde frå kommunestyret til politiske organ/rådmannen Definisjonar Organ: Eit organ er definert som ordførar, kommunestyret, formannskapet, eit politisk utval/komité eller rådmannen. Delegering: Overføring av mynde frå eit organ til eit anna. Det rettslege innhaldet av eit delegeringsvedtak er at den ein delegerer til kan treffe avgjerd innan vedtaket sine rammer på vegne av det delegerande organet. Delegering av mynde inneber ikkje at det delegerande organet gjev frå seg ansvar. Luster kommune er ein fleksibel organisasjon, der mynde og arbeidsoppgåver vil endrast over tid. Den som delegerer mynde kan når som helst ta tilbake mynde som er delegert. Kurante saker: Avgjerder som er fagleg prega og følgjer lov, føresegn/regelverk og kommunen sine eigne plan- og retningslinevedtak, og ut frå dette har lita grad av skjønn, vert rekna som kurante saker. Sakene må ikkje ha økonomiske konsekvensar utover dei vedtekne økonomiske rammene for planlagt aktivitet. Prinsipiell sak: Avgjerd som krev ei breiare skjønnsmessig vurdering. Avgjerd der det er politiske vurderingar eller prioriteringar. Avgjerd der ein innleier ein ny praksis. Avgjerd som medfører økonomiske konsekvensar utover planlagt aktivitet. Dersom det er uklårt om ei sak er prinsipiell eller kurant, skal rådmannen avklare dette med ordførar. Dei avklaringar som vert gjort, gjev ein praksis som supplerar reglane i delegeringsreglementet. Side 4 av 8

5 Hovudprinsipp Når kommunestyret fastset oppgåvefordeling i organisasjonen, skal fylgjande gjelde som hovudprinsipp: Kommunestyret: Handsaming av saker der det i lov er fastsett at kommunestyret skal handsame saka. Vedtaksmynde i overordna planar, budsjett og økonomiplan. Vedtaksmynde ved fordeling/fastsetjing av ressursar mellom/til ulike rammeområde.(jf definisjon/inndeling i rammeområde som går fram av økonomireglement) Vedtaksmynde i reglement som er vesentleg for prioritering av tenesteproduksjonen. Vedtaksmynde i reglement for politisk styringssystem. Vedtaksmynde i alle prinsipielle saker som ikkje er positivt delegert. Vedtaksmynde i reglement/hovudprinsipp for kommunale tilskotsordningar. Uttaleorgan på vegne av kommunen på høyringssaker av stor politisk interesse. Formannskapet: Arbeid med overordna plan- og økonomiforvaltning og strategisk viktige saker, inklusive næringssaker. Framlegg til vedtak i budsjett og økonomiplan. Vedtaksmynde ved prinsipielle saker innanfor tenestetilbod. Definere nivået på tenestetilbod. Vedtaksmynde i reglement for prioritering av tenesteproduksjonen Vedtaksmynde ved prinsipielle saker innanfor gjeldande driftsbudsjett. Vurdere utvikling av dei ulike tenestetilboda. Uttaleorgan på vegne av kommunen på høyringssaker, som ikkje går til kommunestyret. Gjere framlegg til vedtak i saker som skal til kommunestyret, innafor eige saksfelt. Vedtaksmynde som klagenemnd. Vedtaksmynde som valstyre og etter ev delegasjonar frå vallova. Næringsutvalet: Vedtaksmynde i næringssaker etter reglement og elles slik kommunestyret fastset. Vedtaksmynde/tilrådingsrett til eksterne i prinsipielle tilskotssaker innanfor landbruk. Innstillingsrett til kommunestyret i næringssaker. Plan- og forvaltningsstyret: Vedtaksmynde i einskildsaker innanfor forvaltning der sakene er av prinsipiell art. Vedtaksmynde i einskildsaker der mynde ikkje er delegert til rådmannen. Det er her føresett at det gjennom lov, forskrift, retningsliner eller reglement er trekt retningsliner for handsaminga. Vedtaksmynde i prinsipielle saker etter særlover. Uttaleorgan på vegne av kommunen på høyringssaker etter særlover som PFS forvaltar. Administrasjonsutvalet: Vedtaksmynde i samsvar med kommunelova 25 Side 5 av 8

6 Rådmannen: Vedtaksmynde i kurante saker, med unnatak av der kommunestyret i reglement har lagt myndet til politiske organ. Vedtaksmynde i alle saker som gjeld tilhøve mellom kommune som arbeidsgjevar og den einskilde tilsette, inkl. oppretting/nedlegging av stillingar og oppseiing/avskjed/ suspensjon. Mynde til å disponere budsjett innanfor kvart rammeområde. Mynde til å inngå innkjøps- og driftsavtalar innanfor normal drift. Mynde til å gi uttale på vegne av kommunen på høyringssaker, fagleg prega innanfor kommunen sine gjeldande plan- og retningslinevedtak. Rådmannen har høve til å handsame saker som ikkje er kurante. Rådmann kan då: Leggja dei fram for formannskapet eller plan- og forvaltningstyret som ei einskildsak. Trekkja ut dei prinsipielle spørsmåla og leggje dei fram for politisk handsaming før einskildsaka vert avgjort administrativt. Rådmannen handsamar i utgangspunktet klagesaker på administrative vedtak. Ved klage på eit administrativt vedtak kan saka gå direkte frå administrasjonen til eksternt klageorgan - dvs at rådmannen er underinstans på administrative vedtak. Dette føreset at saka er kurant. Det skal i desse sakene gjerast ei eiga vurdering av dette slik saka framstår i klageomgangen. Ordføraren kan fastsetja saksgangen for prinsipielle saker. Dersom kommunestyret ikkje spesifikt har delegert, skal saka handsamast i tråd med prinsippa i Tilrådingsmynde. Kommunestyret har plikt til å ta stilling til korleis tilrådingsmynde skal praktiserast. Kommunelova 23 nr 2 pålegg administrasjonssjefen/rådmann å sjå til at saker som vert lagde fram for politiske organ er forsvarleg utgreidde og at vedtak vert sette i verk. Det følgjer av dette at i alle saker skal det liggja føre saksutgreiing og som hovudregel rådmannen sitt framlegg til vedtak (tilråding) i samsvar med kommunens ordning for fullført saksbehandling. Rådmann har i utgangspunktet ikkje tilrådingsmynde til kommunestyret. Kravet om tilråding, frå rådmannen, gjeld ikkje i saker om val. Etter avtale med ordførar treng heller ikkje rådmann leggje fram tilråding i særlege tilfelle. I uttale/høyringssaker kan rådmann, etter avtale med ordførar, førebu og leggja fram tilråding direkte for kommunestyret. Ved vedtak av økonomiplan og årsbudsjett er det særlige regler for sakshandsaminga. Ansvaret for å leggje fram tilråding ligg på formannskapet. Formannskapet har direkte tilrådingsmynde til kommunestyret i saker kor formannskapet er første handsamingsinstans. Plan og forvaltningsstyret har direkte tilrådingsmynde til kommunestyret dersom PFS er første handsamingsinstans og saka ikkje medfører økonomiske konsekvensar utover vedteke budsjett. Mellombelse komitear har direkte tilrådingsmynde til kommunestyret etter mandat. Kontrollutvalet har direkte tilrådingsmynde til kommunestyret Om ikkje anna er bestemt har ordførar tilrådingsmynde på val/oppnemningar. Side 6 av 8

7 Ordførar har tilrådingsmynde i uttale/høyringssaker. Leiar i PFS har tilrådingsmynde i uttale/høyringssaker for uttalesaker innan PFS sitt saksfelt. Styret i Lustrabadet KF har tilrådingsmynde i overordna saker for drifta av Lustrabadet. Når det gjelder Eldrerådet, Rådet for menneske med nedsatt funksjonsevne og Brukarutvalet for samhandlingsreforma føl det av reglementa at møteprotokoll/rådet sin uttale skal følgja saksdokumenta til kommunalt organ som tek endelig avgjerd i saka Signaturmynde Ordfører er rettsleg representant for kommunen og skriv under på kommunen sine vegne der mynde ikkje er tildelt andre. Rådmannen pliktar kommunen med si underskrift i saker der avgjerdsmynde er delegert og i saker innanfor vedteke budsjett. I saker med politiske vedtak har rådmannen, eller den rådmannen delegerer til, fullmakt til å signere kontrakt/avtale i tråd med vedtaket på vegne av kommunen Generelt All delegering frå kommunestyret føreset budsjettmessig dekning innanfor kvart rammeområde. Når det vert delegert frå politiske organ til administrasjonen, går denne delegeringa alltid til rådmannen. Dette med unnatak av der det i særlover spesifikt seier at ev delegering skal leggjast til andre fagfunksjonar (kommuneoverlege, brannsjef m.fl.). All delegert mynde skal utøvast i samsvar med dei sakshandsamingsreglar som fylgjer av lover, forskrifter, reglement og god forvaltningsskikk, og elles innanfor plan- og budsjettrammer som er fastsett av kommunestyret eller anna overordna organ. Det organ som utøve delegert mynde, har til ei kvar tid ansvaret for at myndet er innanfor gjeldane lov, forskrift, reglement og overordna vedtak. Delegert mynde kan når som helst trekkjast attende. Eit organ med vedtaksmynde kan på eige initiativ gjere om eige eller underordna organ sine vedtak, jf. forvaltningslova 35. Eit overordna organ som har mynde kan såleis krevja å få ei sak til avgjerd. Det organ som har fått mynde kan i særskilte høve be overordna organ om å gjere vedtak. Overordna organ kan instruere den som har fått delegert mynde til å nytte dette. Eit organ med vedtaksmynde kan, så lenge det ikkje er hinder som er fastsett i lov, retningsliner eller i overordna vedtak, vidaredelegera mynde. I delegeringsvedtaket frå kommunestyret/politiske organ til rådmannen, føreset kommunestyret at det vert utarbeida eit eige reglement for delegering av mynde internt i administrasjonen Legg administrasjonen ei sak fram for politisk nivå, der mynde i utgangspunktet er delegert, kan organet avgrensa seg til å gje generelle retningsliner for handsaminga. Tek organet avgjerd i saka, skal det så langt som mogleg og gjevast retningsliner for seinare vurdering av tilsvarande saker slik at administrasjonen kan gjera vedtak. Side 7 av 8

8 1.5 Val, oppnemningar og representasjon Formannskapet har valretten til å oppnemna medlemmer til utval, styre, råd og legat der kommunen deltek og ikkje valretten konkret er lagt til andre organ. Ordføraren har mynde til å representere kommunen i generalforsamlingar og årsmøte i selskap der kommunen har interesser. Ordføraren kan delegere denne fullmakta til anna representant. Ordføraren er kommunen sin rettslige representant. 1.6 Gjeldande reglement/vedtekter Alle tidlegare vedtekne reglement/vedtekter og retningsliner gjeld framleis i den grad dei kan tilpassast delegeringsreglementet. Dersom mynde i gjeldande reglement/vedtekter og retningsliner ikkje samsvarer, gjeld delegeringsreglementet framfor desse. Ved revisjon av reglement/vedtekter og retningsliner må ein sikra samsvar. Side 8 av 8

9 Luster kommune - organisasjonsmodell Politiske organ Kontrollutval Formannskapet/ Næringsutvalet Kommunestyret Mellombelse komitear Plan- og forvaltningsstyret Kommunestyret (25 representantar) er kommunen sitt øvste organ. Alle store/viktige saker vert avgjorde her, etter tilråding frå formannskapet/næringsutvalet (7) eller plan- og forvaltningsstyret (7). Dei to sistnemnde organ avgjer sjølv ein del saker etter fullmakt frå kommunestyret. I tillegg får kommunestyret også nokre saker frå eige kontrollutval (5) og frå mellombelse komitear (særskilde saker). Alle val til faste politiske organ er for 4 år. Ordføraren er kommunen sin fremste representant. Han leiar møta i kommunestyret og formannskapet/næringsutvalet. Rådmannen Rådmann Rådmannen leiar administrasjonen, har tilrådingsrett i alle saker til politiske organ og har ein overordna oppfølgings- og støttefunksjon for alle underliggjande tenesteeiningar. Rådmannen avgjer sjølv ein del saker etter fullmakt frå kommunestyret. Rådmannen har 11 ulike stabseiningar til å hjelpe seg i dette arbeidet. Dette er personal/organisasjon, økonomi, eigedom, oppvekst, kultur, folkehelse, plan, næring, IKT og kvalitet, omsorg og servicetorget. Rådmannen, kommunalsjef Oppvekst og kommunalsjef Helse og Omsorg, er kontaktpersonar for tenesteeiningane. Kommunale foretak Lustrabadet KF Lustrabadet KF er organisert som eit kommunalt foretak med eit styre som rapporterar til Formannskapet / Kommunestyret 5 oppvekstsenter 1) Helse 3 grunnskular 2) 3 barnehagar 3) Bibliotek Teknisk drift Sogn kulturskule SIMAS NAV Luster 4) Sogn PPT Omsorgstenesta 5) 3 omsorgssenter 1 busenter Arbeids- og treningssenteret Landbruk og naturforvaltning Sogn brann og redning Sogn barnevern Tenesteeiningane Kommunen har 21 tenesteeiningar som primært yter tenester til innbyggjarane. Kvar eining har ein eigen leiar som rapporterar til rådmann, då primært til ovannemnde kontaktperson. Desse leiarane arbeider med grunnlag i eit eige administrativt delegeringsreglement, fastsett av rådmannen. 1) Kommunen har fylgjande oppvekstsenter: Skjolden oppvekstsenter, Luster oppvekstsenter, Jostedal oppvekstsenter, Indre Hafslo oppvekstsenter og Solvorn oppvekstsenter. 2) Kommunen har fylgjande grunnskular: Gaupne skule, Luster ungdomsskule og Hafslo barne- og ungdomsskule (administrerer også Veitastrond) 3) Kommunen har fylgjande barnehagar: Gaupne barnehage, Gamlestova barnehage og Hafslo barnehage. 4) NAV Luster er leia i partnarskap mellom stat og kommune. 5) Luster omsorgssenter, Gaupne omsorgssenter, Hafslo omsorgssenter og Grandmo busenter Interkommunalt samarbeid Kommunen har fylgjande interkommunale samarbeid: - Sogn kulturskule (Leikanger er vertskommune) - Sogn barnevern (Sogndal er vertskommune) - SIMAS (IKS) - Sogn brann og redning (IKS) - Sogn PPT I tillegg kjem fleire mindre interkommunale samarbeid