Fylkesmannen i Møre og Romsdal atab

Transkript

1 Fylkesmannen i Møre og Romsdal atab Vår dato /6816/ANKL/471 Saksbehandlar, innvalstelefon Dykkar dato Dykkar ref. Overingeniør Anne Grete Kleven, Vår ref. Retura Søre Sunnmøre AS Torvmyrane Hovdebygda Retura Søre Sunnmøre AS - Vedtak om løyve til mottak og mellomlagring av farleg avfall Fylkesmannen i Møre og Romsdal har ferdigbehandla søknaden frå Retura Søre Sunnmøre AS av og har vedtatt å gi løyve til verksemda etter forurensningsloven på visse vilkår. Løyve med vilkår er vedlagt Verksemda vil bli pålagt gebyr for sakshandsaminga av løyve. Vi viser til søknad datert om løyve til mottak og mellomlagring av farleg avfall ved Hovden industriområde i Ørsta kommune. Vedtak Fylkesmannen i Møre og Romsdal gir med dette Retura Søre Sunnmøre AS løyve til mottak og mellomlagring av farleg avfall. Løyvet er gitt med heimel i lov om vern mot forurensning og om avfall (forurensningsloven) av , jf. 16 og 29 og forskrift om gjenvinning og behandling av avfall Fylkesmannen i Møre og Romsdal har ved avgjerda om løyve skal bli gitt eller ikkje, lagt vekt på dei forureiningsmessige ulempene ved tiltaket saman med dei fordelar som tiltaket elles vil medføre. Løyvet med vilkår er vedlagt dette brevet. Det kan gjerast endringar i løyvet i medhald av forurensningsloven 18. Endringane skal vere basert på skriftleg saksbehandling og forsvarleg utreiing av saken. Ein eventuell søknad om endring må difor føreliggje i god tid før endringa ønskjast gjennomført. I tillegg til dei krava som følgjer av løyvet, har verksemda plikt til å overhalde forurensningsloven og produktkontrolloven samt forskrifter som er heimla i desse lovene. Løyvet til forureinande verksemd gir ikkje fritak frå erstatningsansvar for skade og ulempe eller tap forårsaka av forureining, jf. forurensningsloven 56. Brot på løyvet er straffbart etter forurensningsloven 78 og 79. All forureining frå verksemda er i utgangspunktet ikkje ønska. Sjølv om utsleppa blir haldne innanfor fastsette utsleppsgrenser, pliktar verksemda å redusere sine utslepp så langt det er mogleg utan urimelege kostnader. Plikta omfattar også utslepp av komponentar det ikkje gjennom vilkår er satt grenser for. Verksemda skal vere spesielt oppmerksam på eventuell Postadresse: Postboks Molde Telefon: E-post: fmmrpostmottak@fylkesmannen.no Web: Org.nr:

2 side 2 av 4 fare for utslepp av stoff på prioritetslista. Utslepp av desse stoffa er berre lov om dei er så små at dei er utan miljømessig betydning. Bakgrunn Retura Søre Sunnmøre AS har søkt om løyve til å ta i mot og mellomlagre farleg avfall på eigedom gnr. 53 bnr. 212/213 og gnr. 55 bnr. 29 i Ørsta kommune. Frå tidlegare har verksemda løyve til å ta i mot og mellomlagre ordinært avfall (næringsavfall) på same lokalitet. Retura Søre Sunnmøre AS er samlokalisert med Volda og Ørsta reinhaldsverk (VØR). VØR har løyve til å ta i mot og mellomlagre farleg avfall på same lokalitet. Saksgang Søknaden har ikkje blitt sendt ut på offentleg høyring. Fylkesmannen i Møre og Romsdal har vurderert det som ikkje nødvendig, jf i forurensingsforskriften, då det omsøkte tiltaket vil vere av mindre miljømessig betydning. Dette blir grunngitt i at verksemda er lokalisert saman med VØR som har løyve til å ta i mot og mellomlagre farleg avfall. Søknaden er ein formalisering av farleg avfall som tas imot gjennom Retura Søre Sunnmøre AS og lagras på same stad som VØR. Fylkesmannen i Møre og Romsdal si vurdering Verksemder som tar i mot og mellomlagrar avfall som kan medføre forureining eller som kan virke skjemmande, må ha løyve frå forureiningsmyndigheitene. Dette er heimla i forurensningsloven 29. Det betyr at mottak og mellomlagring av farleg avfall ved Retura Søre Sunnmøre AS er regulert gjennom dette regelverket. Når forureiningsmyndigheitene avgjer om løyve skal gis og fastsett vilkår, skal det leggjast vekt på dei forureiningsmessige ulemper ved tiltaket saman med dei fordeler og ulemper tiltaket elles vil medføre, jf. forureiningsloven 11. Fordelen av å ha eit mottaksanlegg for farleg avfall lokalt, må vegast mot eventuelle ulemper eit mottak og lager av farleg avfall vil kunne gi. For alle saker som angår naturmangfald, følgjer det av lov om forvaltning av naturens mangfold (naturmangfoldloven) av 01. juli at prinsippa i 8-12 skal leggast til grunn som retningslinjer når avgjerder skal takast, det vil her seie om løyve til mottak og mellomlagring kan bli gitt. I denne saken vurderer Fylkesmannen i Møre og Romsdal at tiltaket ikkje vil kunne påverke naturmangfaldet, og at en vidare vurdering difor ikkje er nødvendig. Vi kan ikkje sjå at mottak og mellomlagring innandørs på eit allereie etablert avfallsmottak skal kunne påverke naturen rundt, verken direkte eller indirekte. I tillegg skal alle saker bli vurderast etter Forskrift om rammer for vannforvaltningen (vassforskrifta) som fastsett miljømål for vassførekomstar og inndeler vassførekomstar i fem tilstandsklassar. Miljømåla i vassforskrifta 4-6 går ut på at tilstanden i vassførekomstane skal sikrast mot forverring, og styrkjast med mål om å oppnå god økologisk tilstand og god kjemisk tilstand. Dersom utsleppet til resipienten endrar tilstandsklasse i negativ retning, vil det føreligge ein forverring. Miljømåla skal nås, og forverring er ikkje lov med mindre vilkåra for å gjere unntak er oppfylt, jf. vassforskrifta n 12. Fylkesmannen i Møre og Romsdal har derfor vurdert om krava i vassforskrifta er til hinder for å gi løyve etter forureiningslova. Sjølve mottak og mellomlagring av farleg avfall skal ikkje ha utslepp til vatn. Det er berre ved eventuell vask av bilar at det vil kunne vere utslepp til vatn. Det er kommunalt nett som er resipient for avlaupsvatn frå vaskeplass. Det er krav om oljeutskiljar

3 side 3 av 4 for avlaupsvatnet. Tiltaket er derfor vurdert til å gi minimalt med utslepp til vatn, og vassforskrifta er vurdert til ikkje vere til hinder for å gi løyve etter forureiningslova. Det er viktig at det finst mottaksanlegg for farleg avfall slik at farleg avfall ikkje kjem på avvege, men blir forsvarleg tatt hand om. For å oppnå eit passande transportvolum må Retura Søre Sunnmøre AS ha mellomlagring av farleg avfall ved anlegget. Fylkesmannen i Møre og Romsdal vurderer dei miljømessige fordelane med mellomlagring av avfall for å oppnå større transportvolum, er større enn ved at avfall blir transportert direkte frå kunden til sluttmottak. Lagring av farleg avfall må ikkje vare lenger enn til eit passande transportvolum er oppnådd. Det er uansett satt tak om at lagra avfall ikkje skal vere lagra lenger enn 12 månader. Fylkesmannen i Møre og Romsdal meiner derfor at det omsøkte tiltaket vil gi større miljømessige fordeler enn dei ulemper tiltaket medfører. Ved riktig handtering av avfall i tråd med vilkåra i løyve, vil mellomlagringa ikkje kunne påverke det ytre miljø. Risikoklasse Verksemda er frå tidlegare plassert i risikoklasse 3. Risikoklassen har betyding for tilsynsfrekvens og gebyrsats ved tilsyn. Konklusjon Fylkesmannen i Møre og Romsdal gir løyve til mottak og mellomlagring av farleg avfall på fastsette vilkår. Vilkåra som er satt i løyve vil bidra til at mottak og mellomlagring av farleg avfall ikkje vil medføre nemneverdig forureining. Varsel om gebyr På bakgrunn av omfanget av behandling av nytt løyve, varslar vi med dette at verksemda vil bli plassert under gebyrsats 4 (lågaste gebyrklasse) jf. forurensningsforskriften 39-4 som betyr at verksemda skal betale et gebyr på kr for saksbehandlinga. Vedtak om gebyr vil bli fatta før faktura blir sendt ut av Miljødirektoratet. I vedtaket vil det bli opplyst om klagerett. Eventuelle kommentarar til varselet om gebyrsats må sendes til Fylkesmannen i Møre og Romsdal innan 2 veker, jf. forvaltningsloven 16. Klagerett Løyvet kan klagast på til Miljødirektoratet av partane i saka eller andre med rettsleg klageinteresse innan 3 veker frå det tidspunktet underretning om avgjersla er komen fram til vedkomande part. Vedtaket om gebyr og risikoklasse kan påklagast til Miljødirektoratet innan same frist. Ein eventuell klage bør grunngjevast og skal sendast via Fylkesmannen i Møre og Romsdal. Klage på gebyr blir ikkje gitt oppsettande verknad, og det fastsette gebyret må derfor betalast i samsvar med det som er nemnt over. Dersom Miljødirektoratet aksepterer klagen, vil det overskytande beløpet bli refundert.

4 side 4 av 4 Offentliggjøring av tillatelsen Fylkesmannen i Møre og Romsdal vil kunngjere vedtaket på sine nettsider Kopi av dette brevet med vedlegg er sendt til Ørsta kommune. Med helsing Anne Melbø (e.f.) fagansvarleg Anne Grete Kleven Dokumentet er elektronisk godkjent og har ingen signatur. Vedlegg: Løyve etter forureiningslova til mottak og mellomlagring av farleg avfall Kopi: Ørsta kommune Dalevegen ØRSTA

5 Løyve etter forureiningslova til mottak og mellomlagring av farleg avfall for Retura Søre Sunnmøre AS i Ørsta kommune Løyve er gitt i medhald av lov om vern mot forurensninger og om avfall av 13. mars 1981 nr. 6, 11 jf. 16 og 29, jf. forskrift om gjenvinning og behandling av avfall Løyve er gitt på grunnlag av opplysningar i søknad av samt opplysningar framkomme under behandlinga av søknaden. Vilkåra er gitt frå side 2 til side 8. Løyvet gjeld frå dags dato. Ved endringar i løyve må verksemda sende inn søknad om dette. Dersom heile eller vesentlege delar av løyvet ikkje er tatt i bruk innan 4 år etter at løyvet er tredd i kraft, skal verksemda sende Fylkesmannen ei utgreiing om verksemda sitt omfang slik at vi kan vurdere eventuelle endringar i løyvet. Bedriftsdata: Bedrift Retura Søre Sunnmøre AS Stad/gateadresse Torvmyrane 29 Postadresse 6160 Hovdebygda Kommune Ørsta Organisasjonsnummer (bedrift) Euref 89, UTM sone 32 nord: aust: Gards- og bruksnummer 52/212, 52/213 og 55/29 NACE-kode og bransje Innsamling av ikkje farleg avfall Saksnummer Anleggsnummer Løyvenummer Risikoklasse 1 09/ T 3 Løyve gitt: Endringsnummer: - Sist endra: - Anne Melbø fagansvarlig Anne Grete Kleven overingeniør Dokumentet er elektronisk godkjend og har ingen signatur 1 Jf. forurensningsforskriften kapittel 39 om gebyr til statskassen for forurensningsmyndighetens arbeid med tillatelser og kontroll etter forurensningsloven

6 Side 2 av 8 1 Rammer for løyve til mottak og mellomlagring Løyve gjeld mottak og mellomlagring av farleg avfall. Løyve er gitt på bakgrunn i verksemda sin søknad av og krev at verksemda blir etablert og drive som omtalt i søknaden. Ved planer om vesentlege endringar, inkludert utskifting av relevant utstyr, skal det gis beskjed til Fylkesmannen i Møre og Romsdal. 1.1 Mengde og type avfall som kan takast i mot og mellomlagrast Total mengde mottak av farleg avfall er satt til 150 tonn per år. Mengde farleg avfall verksemda kan ha samtidig på lager er vist i tabellen under. Mengde Avfall Avfallsstoffnr. 1 EAL kode 2 3 m 3 spillolje tonn Impregnert trevirke, asbest, vinduer med klorparafin/pcb 6 tonn bilbatteri Norsk standard avfallskoder, NS 9431: Europeiske avfallslista Med lagring av farleg avfall meinast oppbevaring av farleg avfall på lager i påvente av transport til godkjend gjenvinning eller sluttbehandling, eller til anna anlegg godkjend av Miljødirektoratet eller Fylkesmannen i Møre og Romsdal. 2 Generelle vilkår 2.1 Plikt til å redusere forureining så langt som mogleg All forureining frå verksemda, som utslepp til luft og vatn, samt støy og avfall, er isolert sett uønskt. Sjølv om utsleppa blir haldne innanfor fastsette utsleppsgrenser, pliktar verksemda å redusere sine utslepp, så langt dette er mogleg utan urimelege kostnader. Plikta omfattar også utslepp av komponentar det ikkje gjennom vilkår er satt uttrykkeleg grenser for. Stoffa på prioritetslista, oppført i vedlegg 1, er blant dei mest helse- og miljøfarlege stoff som er i bruk. Utslepp av desse stoffa er berre lov om dei er så små at de må reknas å vere utan miljømessig betydning. Verksemda skal vere spesielt oppmerksam på eventuell fare for utslipp av stoff på prioritetslista. 2.2 Tiltak ved økt forureiningsfare Dersom det som følgje av unormale driftsforhold eller av andre grunnar oppstår fare for økt forureining, pliktar verksemda å sette i verk tiltak som er naudsynt for å eliminere eller redusere den økte forureiningsfaren, og om nødvendig redusere eller innstille drifta. 2

7 Side 3 av 8 Verksemda skal så snart som mogleg informere Fylkesmannen i Møre og Romsdal om unormale forhold som har eller kan få forureiningsmessig betyding. Akutt forureining skal varslast iht. punkt Internkontroll Verksemda pliktar å etablere internkontroll for si verksemd i samsvar med gjeldande forskrift 2 og halde internkontrollen oppdatert. Internkontrollen skal blant anna sikre og dokumentere at verksemda overheld krav i løyva, forureiningslova, produktkontrollova og relevante forskrifter til desse lovane. Verksemda pliktar å ha oversikt over alle aktivitetar som kan medføre forureining og kunne gjere greie for risikoforhold. Dette gjeld også vedlikehald av utstyr. Verksemda må halde seg oppdatert om endringar i regelverk og halde for eksempel sikkerheitsdatablad oppdaterte. 2.4 Krav til rekneskap ved lagring av farleg avfall Lagra farleg avfall skal takast med i verksemda sitt årlege rekneskap i tråd med regnskapsloven slik at de framtidige kostnader ved levering av dette avfallet kjem fram i rekneskapet. 2.5 Krav til kompetanse Alle som handterer farleg avfall i verksemda skal ha dokumentert opplæring i slik handtering. Verksemda skal råde over tilstrekkeleg kompetanse til å vurdere miljørisiko for si verksemd. 3 Handtering, mottak og mellomlagring 3.1 Informasjon til kundane Verksemda skal gi kundane nødvendig informasjon med kva farleg avfall som kan leverast til anlegget og korleis avfallet skal leverast. Ved eventuelle feil må dette meldast som avvik til kundane. 3.2 Handtering Handtering av farleg avfall skal foregå slik at forureining ikkje oppstår. Farleg avfall skal ikkje blandast med anna avfall. Verksemda skal sørgje for at handteringa av avfall ikkje medfører forureina utslepp til vatn ved søl og lekkasjar og andre liknande diffuse utslepp. Oppsamla spill og vatn som er forureina med farleg avfall skal handterast som farleg avfall. 3.3 Mottak Ved mottak av farleg avfall skal verksemda ha etablert et system som sikrar at mottatt farleg avfall er deklarert eller lovleg importert slik at den vidare handteringa kan skje på ein forsvarleg måte, jf. 10-5, og i avfallsforskrifta 3. 2 Forskrift om systematisk helse-, miljø- og sikkerhetsarbeid i virksomheter (Internkontrollforskriften) av nr Forskrift om gjenvinning og behandling av avfall (avfallsforskriften) av

8 Side 4 av Lagringstid Mottatt farleg avfall skal ikkje lagrast lenger enn til oppnådd transportvolum, og maksimalt i 12 månader. 3.5 Lagring av farleg avfall Farleg avfall skal lagrast på ein slik måte at det ikkje oppstår forureining. Lageret med farleg avfall skal til ein kvar tid ha tilstrekkeleg tilsyn. Som eit minimum skal følgjande tiltak vere oppfylt: All lagring av farleg avfall skal vere basert på risikovurdering Lagring av farleg avfall skal skje under tak og på tett fast dekke med oppsamling av eventuell avrenning. For lagring av farleg avfall på tank følgjer eigne krav: 1. Lagertankar for farleg avfall skal ha eit system som hindrar overfylling 2. Lagertankar/basseng for farleg avfall skal ha oppsamlingsbasseng som tar volumet til tanken/bassenget 3. Tankfarmar skal ha oppsamlingsanordning som tar minst 110 % av den største tanken sitt volum. 4. Lagertankar for farleg avfall skal ha alarm ved utilsikta nivåendring 5. Tankar for lagring av farleg avfall skal med jamne mellomrom tømmas og rengjerast for å til dømes hindre opphoping av slam og eller farlege stoffer og for å kunne tilstandsvurdere tanken Lagra farleg avfall skal vere merka slik at det framgår kva som er lagra Verksemda skal ha kart over lageret med farleg avfall kor det framgår kor forskjellige typar farleg avfall er lagra Forskjellige typar farleg avfall skal ikkje blandast saman Lageret skal vere sikra slik at uvedkommande ikkje kjem til Typar farleg avfall som ved samanblanding/kontakt kan gi fare for brann/eksplosjon og/eller som kan danne farlege stoff, skal lagrast med god avstand Lagring av brannfarleg/eksplosjonsfarleg avfall skal utstyrast med detektor for automatisk varsling av brann slik at også det lokale brannvesen blir varsla Lagring av brannfarleg avfall skal så langt mogleg vere utstyrt med automatiske ordningar for slukking. Brannvesenet skal ha tilgang til oppdaterte lister over lagra farleg avfall og telefonliste med kontaktpersonar frå verksemda 4 Utslepp til vatn 4.1 Grensar for utslepp Verksemda skal sørgje for at handteringa av avfall ikkje medfører forureina utslepp til vatn ved søl og lekkasjar og andre liknande diffuse utslepp. Oljekonsentrasjonen i utslippet frå oljeutskiljaren skal ikkje overstige 50 mg/l. 4

9 Side 5 av Utsleppsreduserande tiltak, reinseanlegg m.m. Eventuelt oljeholdig avløpsvann frå verkstader, vask av biler eller liknande skal reinsast tilfredsstillande i oljeutskiljar eller tilsvarande reinseanlegg, slik at utslippsgrensa fastsatt i pkt. 4.1 overhaldas. Nedstrøms for oljeutskiljaren skal det vere ein inspeksjons- og kontrollkum som gjer det mogleg å ta prøver av avlaupsvatnet utan at det er nødvendig å stige ned. 4.3 Overflatevatn Avrenning av overflatevatn frå verksemda sine uteareal skal handterast slik at det ikkje medfører skade eller ulempe for miljøet. 4.4 Sanitæravlaupsvatn Verksemda plikter å følgje dei krav kommunen stiller for utslepp av sanitæravløpsvatn. Løyve grip ikkje inn i kommunen sin rett til å stille krav ved eventuell tilknytning til kommunalt nett. 5 Utslipp til luft Diffuse utslepp til luft, for eksempel frå lagerområde og område for lossing/lasting, som kan medføre skade eller ulempe for miljøet, skal reduserast mest mogleg. 6 Grunnforureining Verksemda skal være innretta slik at det ikkje blir utslepp til grunnen som kan medføre nemneverdige skadar eller ulemper for miljøet. Verksemda pliktar å halde laupande oversikt over eventuell eksisterande forureina grunn på området, og då faren for spreiing, samt vurdere behovet for undersøkingar og tiltak. Er det grunn til å anta at undersøkingar eller andre tiltak vil vere nødvendig, skal forureiningsmyndigheita varslast om dette. Graving eller andre tiltak som kan påverke forureina grunn, treng løyve etter forureiningslova, eventuelt med godkjenning frå kommunen. 4 7 Kjemikal Med kjemikal meinast her kjemiske stoff og stoffblandingar som brukast i verksemda, for eksempel begroingshindrande middel, vaskemiddel, hydraulikkvæsker, og brannbekjempingsmiddel. 4 Jf Forurensningsforskriftens kapittel 2 Opprydning i forurenset grunn ved bygge- og gravearbeider 5

10 Side 6 av 8 For kjemikal som blir brukt på ein slik måte at det kan medføre fare for forureining, skal verksemda dokumentere at den har gjort ein vurdering av kjemikala sine helse- og miljøeigenskapar på bakgrunn av testing eller annan relevant dokumentasjon, jf. også punkt 2.3 om internkontroll. Verksemda pliktar å etablere eit dokumentert system for substitusjon av kjemikal. Det skal foretas en fortlaupande vurdering av faren for skadelege effektar på helse og miljø forårsaka av dei kjemikal som nyttas og av om alternativ finst. Skadelege effektar knytt til bruk og endeleg disponering av produktet, skal vurderast. Der betre alternativ finst, pliktar verksemda å nytte desse så langt dette kan skje utan urimeleg kostnad eller ulempe. 5 8 Støy Verksemda sitt bidrag til utandørs støy ved omkringliggande bustadar, sjukehus, pleieinstitusjonar, fritidsbustadar, utdanningsinstitusjonar og barnehagar skal ikkje overskride følgjande grenser, målt eller berekna som frittfeltsverdi ved mest støyutsatte fasade: Kvardager Laurdager Søn- og helligdagar Kveld (kl ), kvardager Natt (kl ), alle døgn Natt (kl ), alle døgn 55 Lden 50 Lden 45 Lden 50 Levening 45 Lnight 60 LAFmax Lden er A-veia ekvivalent støynivå for dag/kveld/natt med 10 db/5 db tillegg på natt/kveld. Levening er A-veia ekvivalent støynivå for kveldsperioden Lnight er A-veia ekvivalent støynivå for nattperioden LAFmax er A-veia maksimalnivå for de 5-10 mest støyande hendingar innanfor perioden, målt/berekna med tidskonstant Fast på 125 ms. Alle støygrenser skal bli overhaldt innanfor alle driftsdøgn. Støygrensene gjeld all støy frå verksemda sin ordinære drift, inkludert intern transport på bedriftsområdet og lossing/lasting. Støy frå bygg- og anleggsverksemd og frå ordinær persontransport av verksemda sine tilsette er likevel ikkje omfatta av støygrensene. 9 Førebyggande og beredskapsmessige tiltak mot akutt forureining 9.1 Miljørisikoanalyse Verksemda skal gjennomføre ein miljørisikoanalyse av sin verksemd og halde denne oppdatert. Verksemda skal vurdere resultata i forhold til akseptabel miljørisiko. Potensielle kjelder til akutt forureining av vatn, grunn og luft skal kartleggast. Miljørisikoanalysa skal omfatte alle forhold ved verksemda som kan medføre akutt forureining med fare for helseog/eller miljøskader inne på verksemda område eller utanfor. 5 Jf. Lov om kontroll med produkter og forbrukertjenester (produktkontrolloven) 3a av nr

11 Side 7 av Førebyggande tiltak Basert på miljørisikoanalysa skal verksemda sette i verk risikoreduserande tiltak. Både sannsynleg - og konsekvensreduserande tiltak skal vurderast. Verksemda skal ha ein oppdatert oversikt over dei førebyggande tiltaka. 9.3 Etablering av beredskap Verksemda skal, på bakgrunn av miljørisikoanalysen og dei iverksatte risikoreduserande tiltaka, om nødvendig, etablere og vedlikehalde ein beredskap mot akutt forureining. Beredskapen skal vere tilpassa den miljørisikoen som verksemda til ein kvar tid representerer. Beredskapen mot akutt forureining skal øvast i ein frekvens tilpassa verksemda. 9.4 Varsling av akutt forureining Akutt forureining eller fare for akutt forureining skal varslast i samsvar med gjeldande forskrift 6. Verksemda skal også så snart som mogleg underrette Fylkesmannen i Møre og Romsdal i slike tilfelle. 10 Målingar og rapportering 10.1 Kontrollmålingar Verksemda skal gjennomføre kvalitetssikra kontrollmålingar av oljeinnhaldet i utsleppet frå oljeutskiljaren e.l. reinseinnretning. Analysen skal utførast av akkreditert laboratorie. Målingane skal gjennomførast minst 4 gonger i året, en gang pr. kvartal. Måleprogrammet skal inngå i verksemda sin internkontroll Rapportering til Fylkesmannen i Møre og Romsdal Verksemda skal årleg utarbeide ein avfallsoversikt som viser mengde og type farleg avfall som er: lagra ved byrjinga av året (01.01) mottatt sendt vidare lagra på område ved slutten av året (31.12) I tillegg skal rapporten: Gjere greie for eventuelle avvik Innehalde resultat frå målingar av vatn frå oljeutskiljaren Denne oversikten skal sendes til Fylkesmannen i Møre og Romsdal årlig innan 1. mars. Skjema for rapportering finn de på 6 Forskrift om varsling av akutt forurensning eller fare for akutt forurensning av , nr

12 Side 8 av 8 11 Eigarskifte Om verksemda blir overdratt til ny eigar, skal verksemda sende melding til Fylkesmannen i Møre og Romsdal så snart som mogleg og seinast 1 månad etter eigarskifte. 12 Nedlegging eller stans i verksemda Om eit anlegg blir nedlagt eller ein verksemd stansar, skal eigaren eller brukaren gjere det som til einkvar tid er nødvendig for å motverke fare for forureiningar. Alt lagra farleg avfall skal leverast til godkjent mottak/behandling. Dei tiltak som treffast i denne forbindelse, skal rapporterast til Fylkesmannen i Møre og Romsdal innan 3 månader. Vi kan fastsette nærmare kva for tiltak som er nødvendig for å motverke forureining, samt pålegge eigaren eller brukaren å stille garanti for dekning av framtidige utgifter og mogleg erstatningsansvar. Ved nedlegging av verksemda skal den ansvarlege sørgje for at driftsstaden settas i miljømessig tilfredsstillande stand igjen. Dersom verksemda ønskjer å starte på nytt, skal det gis melding til Fylkesmannen i Møre og Romsdal i god tid før start er planlagt. 13 Tilsyn Verksemda pliktar å la representantar for forureiningsmyndigheita, eller dei som denne gir fullmakt til, føre tilsyn med anlegget til einkvar tid. 8