Forskrift om avløpsgebyr, Vestnes kommune, Møre og Romsdal

Transkript

1 Forskrift om avløpsgebyr, Vestnes kommune, Møre og Romsdal Heimel: Vedtatt av Vestnes kommunestyre dd. mm 2016 med heimel i lov 16. mars 2012 nr. 12 om kommunale vassog avløpsanlegg 3 og forskrift 1. juni 2004 nr. 931 om begrensning av forurensning (forurensningsforskriften) 16-1 andre ledd. 1. Generelle reglar Kommunen sine abonnentar betalar for avløpstenester levert av kommunen. Forholdet mellom abonnenten og kommunen er regulert av statlege lover og forskrifter, og dessutan av kommunale forskrifter og reglement. Dei viktigaste dokumenta er lista opp nedanfor: Lov 16. mars 2012 nr. 12 om kommunale vass- og avløpsanlegg. Forskrift 1. juni 2004 nr. 931 om begrensning av forurensning (forurensningsforskriften), kapittel 16. Forskrift dd. mm 2016 nr. xxxx om avløpsgebyr i Vestnes kommune (dette dokumentet). Gebyrregulativ for det einskilde år. Standard abonnementsvilkår for vann og avløp, tekniske og administrative bestemmelser. Retningslinjer for beregning av selvkost for kommunale betalingstjenester (H-3/14). 2. Føremålet med forskrifta Forskrifta fastset berekningsmåte og gebyrplikt for kommunen sine avløpstenester. 3. Definisjonar I denne forskrifta meinast med: a) Abonnent: Eigar eller festar av eigedom som er tilknytt kommunen sitt avløpsanlegg, eller som er godkjend eller kravd tilknytt. b) Eigedom: Fast eigedom registrert med eige gards- og bruksnummer, eige festenummer, seksjonsnummer eller med sjølvstendig brukseining i matrikkelen. c) Abonnement: Avtale mellom abonnent og kommunen om avløpstenester gjennom tilknyting av sanitærinstallasjonar og private avløpsanlegg til kommunen sine avløpsanlegg. Det er ikkje ein føresetnad at avtalen er skriftleg. Avtale om tilknyting via privat fellesleidning vert rekna som abonnement. d) Sanitærinstallasjonar: Abonnenteigde røyr, installasjonar og utstyr innanfor husets yttervegg, som er tilknytt avløpsanlegg. e) Privat avløpsanlegg: Abonnenteigde private leidningar (stikkleidningar) og utstyr utanfor husets yttervegg. f) Bygg: Konstruksjon/byggverk med eige bygningsnummer i matrikkelen. g) Bustad: Bygg som vert brukt til bustadføremål, medrekna fritidsbustad. (Bygningstype etter NS ) h) Kombinasjonsbygg: Bygg som er samansett av ei eller fleire bueiningar, i tillegg til ei eller fleire brukseiningar som ikkje er bueining. i) Næringsbygg: Bygg som ikkje er bustad, fritidsbustad eller kombinasjonsbygg. Bygg for offentlege føremål vert klassifisert som næringsbygg. j) Bueining: Bustad eller fritidsbustad med eitt eller fleire rom, separat inngang, og dessutan eige bad/wc og kjøkkendel. k) Brukseining: Bygning eller del av bygning (lokale), til dømes bustad, kontor, forretning, verkstad og lager. l) Bruksareal (BRA): Bruksareal for ei bygning eller brukseining som er registrert i matrikkelen og berekna med utgangspunkt i NS Garasje, uthus, anneks og utvendig bod, naust, båthus og sjøbu vert ikkje medrekna i gebyrgrunnlaget. m) Avløpsvatn: Både sanitært og industrielt avløpsvatn og overvatn. 4. Generell gebyrplikt Plikta til å betale avløpsgebyr gjeld følgjande abonnentar: a) Eigedom som er tilknytt kommunal avløpsleidning, direkte eller gjennom privat samleleidning. b) Eigedom som kommunen i medhald av plan- og bygningslovens 27-2 har kravd tilknytt kommunal avløpsleidning.

2 5. Gebyrtypar Gebyrtypane er: a) Eingongsgebyr for tilknyting til kommunalt avløp. (tilknytingsgebyr) b) Årsgebyr for avløp (summen av fast og variabel del). c) Frammøtegebyr for avlesing av avløpsmålar. d) Gebyr for plombering, stenging og gjenopning. 6. Gebyrsatsar Gebyrsatsane vert årleg vedteke av kommunestyret, og trer i kraft frå det tidspunktet kommunestyret bestemmer. Gebyra skal fullt ut dekkje kommunen sine kostnadar ved levering av tenesta regulert av denne forskrifta. Gebyrsatsane kjem fram av gebyrregulativet, og er tilgjengelege på Vestnes kommune sine heimesider. 7. Arealberekningsmetode Dersom gebyrberekninga vert gjort avhengig av bustaden sin storleik, skal det vere bruksarealet (BRA) berekna etter NS-3940 som dannar grunnlaget for gebyrfastsettinga. 8. Tilknytingsgebyr 8-1. Gebyrplikt Tilknytingsgebyr for tilknyting til avløp skal betalast for: a) Nybygg. b) Tilknyting av eksisterande bygg, eller bygg som kommunen krev tilknytt. c) Tilbygg, ombygging eller påbygg som fører til ei auke i talet på brukseiningar, jamfør 3 bokstav k. d) Eksisterande bygg med tilknyting som ikkje er godkjent. e) Anna permanent tilknyting til kommunalt avløpsanlegg. Tilknytingsgebyr for tilknyting til avløp skal ikkje betalast for: f) Bygg som har mellombels tilknyting i opptil eitt år, til dømes brakkerigg. Dersom tilknytinga varer i meir enn eitt år, skal det verte kravd tilknytingsgebyr Ansvar og betaling Den som er abonnent på det tidspunktet gebyrplikta oppstår, er ansvarleg for betaling av gebyret, og vil få tilsendt faktura. Gebyret vert fakturert etter gjeldande sats når igangsettingsløyvet vert gjeve. Tilknytingsgebyr skal vere betalt før tilknyting. For eksisterande bygg med tilknyting som ikkje er godkjend, vert tilknytingsgebyr betalt etter gjeldande sats på det tidspunktet kravet vert framsett. 9. Årsgebyr 9-1. Gebyrplikt Årsgebyr skal betalast for alle eigedomar som: a) Er tilknytt kommunalt avløpsanlegg. b) Er pålagt tilknyting i medhald av lov og fristen for tilknyting er utgått. For nybygg vert årsgebyr berekna frå dato frå ferdigattest /mellombels bruksløyve er gjeve, eller frå dato eigedomen vert teken i bruk. For eksisterande bygg vert årsgebyr berekna frå dato for tilknyting Gebyret si samansetting. Årsgebyra for avløpstenesta er samansett av to delar: a) Abonnementsgebyr (fast del). b) Forbruksgebyr (variabel del). Samla abonnementsgebyr skal særleg dekkje kommunen sine forventa kapitalkostnadar. Resten av kostnadane vert dekt inn gjennom forbruksgebyret. Kor stor del av årsgebyret som skal vere fast- og variabel del, vert kvart år fastsett i gebyrregulativet Abonnementsgebyr Alle abonnetar skal betale abonnementsgebyr som ein fast sats per eigedom etter fastsette kategoriar i gebyrregulativet. Einebustad eller våningshus med inntil ei sokkelleilegheit, eller hybel skal betale eitt abonnement. (Bygningstype 112 og 113 etter NS-3457.)

3 9-4. Forbruksgebyr Abonnentane skal betale forbruksgebyr etter målt eller stipulert forbruk, som avløpsmengd per m 3. Både kommunen og abonnenten kan krevje at forbruksgebyret vert fastsett ut frå målt forbruk. Som hovudregel gjeld at avløpsmengda vert rekna lik vassmengda ved berekning av forbruksgebyr. Unntak frå dette er nemnt i 9-7, femte ledd Betaling etter målt forbruk Forbruksgebyr etter målt forbruk skal betalast for: a) Næringsbygg og andre bygningar som ikkje vert brukt som bustad. b) Anlegg med varig eller mellombels tilknyting i samband med oppføring av bygg eller anlegg. Dette gjeld også for anlegg på ein ikkje utbygd eigedom som kunne vore kravd tilknytt etter plan- og bygningsloven 27-2 dersom den hadde vore utbygd. For mellombelse tilknytingar kan kravet om vanleg avløpsmålar fråvikast dersom avløpsmengda kan verte fastsett på andre måtar. Dersom det ikkje er mogleg å installere avløpsmålar kan kommunen fastsette eit stipulert forbruk Betaling etter stipulert forbruk Bustadar som ikkje har vass- eller avløpsmålar, skal betale forbruksgebyr etter stipulert forbruk. Likevel kan både abonnenten og kommunen krevje at det skal betalast etter målt forbruk. Stipulert forbruk vert berekna ut frå bustaden sitt bruksareal etter ein omrekningsfaktor mellom bruksareal og avløpsmengd. Forholdstalet går fram av gebyrregulativet Reduksjon av eller tillegg til årsgebyr Avbrot i mottak av avløpsvatn gjev ikkje grunnlag for reduksjon av gebyra. Fråflytting eller fråvær gjev ikkje grunnlag for reduksjon av gebyra. Er bustad/bygg på eigedomen fjerna, eller øydelagd slik at den ikkje kan verte brukt, betalast årsgebyr inntil stikkleidning er fråkopla (plugga) ved hovudleidninga. Ved søknad til kommunen kan abonnenten få fritak for årsgebyret når eigedomen fysisk vert fråkopla kommunalt leidningsnett. Abonnementet tek slutt når melding om plombering er motteke. Ny tilknyting av eigedomen utløyser ikkje ny betaling av eingongsgebyr for tilknyting. Både arbeidet med å kople frå og ny tilknyting vert utført for abonnenten sin kostnad. For eigedom som ikkje vert brukt som bustad, og der avløpsmengda er vesentleg større eller mindre enn vassforbruket, kan avløpsgebyret verte berekna ut frå målt eller stipulert/utrekna avløpsmengd. Der avløpsvatnet si samansetting avvik frå vanleg hushaldsavløp og verkar fordyrande på drift og vedlikehald av kommunen sitt avløpsanlegg, kan kommunen fastsette eit tillegg til avløpsgebyret til dekning av meirkostnadane. Dersom avløpsvatnet gir ein lågare reinsekostnad kan kommunen fastsette eit frådrag i avløpsgebyret. I slike tilfelle vert det inngått ein separat avtale mellom kommunen og abonnenten Pålegg om utbetring Kommunen kan krevje dekt alle kostnadar direkte knytt til tiltak som følgje av at abonnent har unnlate å etterkome pålegg om å utbetre lekkasjar på eigedomen sin avløpsleidning eller manglar ved avløpsanlegg eller sanitærutstyr. Ved omlegging eller utbetring av avløpsleidningar kan kommunen krevje at eigar av tilknytt stikkleidning set i verk tilsvarande omlegging eller utbetring. Gebyrpliktig som unnlèt å etterkome pålegg om utbetring av lekkasjar som medfører forureining kan verte kravd tvangsmulkt etter forurensingsloven Ansvar for opplysingar om abonnement Abonnenten skal melde frå til kommunen om endringar i abonnementsforholdet Ansvar for gebyra Abonnenten har ansvar for betaling av årsgebyret, uansett om gebyrkravet er retta mot abonnenten eller annan rekningsmottakar. Abonnentar som samarbeider om felles vass- eller avløpsmålar, er solidarisk ansvarlege for gebyra. Gjeld slikt samarbeid eit sameige etter lov om eigarseksjonar, er kvar abonnent ansvarleg for mengdevariabel del av gebyret i samsvar med sin eigarpart, dersom ikkje anna fordeling er fastsett i sameiget sine vedtekter eller bindande vedtak i sameiget Retting av feil gebyrberekning Har mangelfulle eller feil opplysingar ført til feilaktig gebyrberekning, skal berekninga rettast og differansen verte gjort opp. Krav som er forelda etter reglane om forelding av fordringar, vert normalt ikkje dekt.

4 10. Installasjon og bruk av avløpsmålar Installasjon Kommunen bestemmer kor mange avløpsmålarar den einskilde eigedom skal ha, og dessutan type, storleik og plassering på avløpsmålaren. Berre autorisert røyrleggar skal stå for installasjon og vedlikehald, og dessutan eventuell flytting, utskifting eller fjerning av avløpsmålaren. Dersom eksisterande eigedom med avløpsmålar blir oppdelt i nye eigedomar, skal kvar av dei nye eigedomane ha eigen avløpsmålar. Abonnentar kan samarbeide om felles avløpsmålar der det vil vere uforhaldsmessig kostbart å installere eigen avløpsmålar for kvar eining. Årsgebyr vert fordelt på abonnentane etter reglane i 9-10, 2. ledd. Pålagt avløpsmålar for ny eigedom skal vere installert seinast når det vert gjeve ferdigattest/mellombels bruksløyve eller eigedomen vert teken i bruk, og for eksisterande eigedom når den vert tilknytt. Dersom dette vert unnlate, skal abonnenten betale stipulert årsgebyr etter 9-6. For installasjon og bruk av avløpsmålar gjeld elles kommunen sine tekniske bestemmelser Eigarforhold og kostnadar Den einskilde abonnent eig sjølv avløpsmålaren og kostar sjølv installasjon, drift og utskifting av avløpsmålar Avlesing av avløpsmålar Abonnenten skal lese av avløpsmålaren så nær fastsett tidspunkt for avrekning som mogleg og sende resultatet til kommunen innan fastsett frist. Unnlèt abonnenten å lese av avløpsmålaren kan kommunen etter purring fastsette årsgebyret etter skjønn. Kommunen kan også sjølv lese av avløpsmålaren utan ytterlegare varsel til abonnenten og kan krevje særskild gebyr for dette Tilsyn og vedlikehald Abonnenten skal halde avløpsmålaren lett tilgjengeleg for avlesing, tilsyn og vedlikehald. Abonnenten skal føre tilsyn med avløpsmålaren. Abonnenten er også ansvarleg for å følgje med på forbruksutviklinga, slik at lekkasjar eller feil vert oppdaga snarast mogleg. Vert ein avløpsmålar skadd eller går tapt, skal abonnenten straks melde frå til kommunen. Broten plombering av avløpsmålaren vert også rekna som skade. Kommunen kan føre tilsyn med avløpsmålaren. Kontrollør frå kommunen skal legitimere seg uoppfordra Nøyaktigheitskontroll Både kommunen og abonnenten kan krevje nøyaktigheitskontroll av avløpsmålaren. Dersom kontrollresultatet ligg utanfor feilmarginen etter 10-6, vert det utført ei justering, eventuelt utskifting av avløpsmålaren, utan utgifter for kommunen Avrekning ved feilmåling Dersom avløpsmålaren ved kontroll viser meir enn 5 % for høgt forbruk, har abonnenten krav på tilbakebetaling av for mykje betalt årsgebyr som følgje av feilmålinga. Er plomberinga broten, har abonnenten ikkje krav på tilbakebetaling. Tilbakebetalinga vert rekna frå det tidspunkt ein legg til grunn at feilen må ha oppstått. Krav som er forelda etter reglane om forelding av fordringar, vert normalt ikkje dekt. Viser avløpsmålaren meir enn 5 % for lågt forbruk, har kommunen krav på tilleggsbetaling etter tilsvarande reglar Utskifting og flytting Er målenøyaktigheita for dårleg, bestemmer kommunen om avløpsmålaren skal verte justert eller utskifta. Når vanleg levetid for ein avløpsmålar er nådd, kan kommunen bestemme at avløpsmålaren heilt eller delvis skal skiftast ut. Kommunen kan krevje flytting av avløpsmålar som er plassert i strid med kommunen sine krav til plassering. Abonnenten kostar slik flytting Vassmålar Kommunen tillet at vassmålar blir brukt i staden for avløpsmålar. Reglane i denne forskrifta gjeld då tilsvarande.

5 11. Innbetaling av årsgebyr Når det gjeld renteplikt ved for sein betaling, tilbakebetaling og inndriving av avløpsgebyr gjeld reglane i lov 6. juni 1975 nr. 29 om eigedomsskatt til kommunane 26 og 27 tilsvarande Innbetaling Abonnementsgebyr og forbruksgebyr vert innkravd på felles faktura. Avlesing av målt avløpsmengd vert gjort éin gong per år. Forbruksgebyret vert betalt à konto basert på forbruket året før. Avrekning skjer på 1. termin (faktura) året etter. Dersom abonnenten sitt vassforbruk, eller avløpsmengd, har endra seg vesentleg frå siste målaravlesing, kan kommunen endre à konto beløpet. Abonnenten skal verte varsla før slik endring finn stad. Faktura vert sendt til abonnent, eller til annan rekningsmottakar etter avtale. Eigedommar med felles avløpsmålar som har avtalt med kommunen at dei skal fakturerast felles, vert fakturert via ein eigar/festar av eigedomen eller særskild avtalt rekningsmottakar. 12. Klage og omgjering Det er ikkje høve til å klage på gebyr som er fastsett i kommunen sitt gebyrregulativ, jamfør forvaltningslova sine reglar. Enkeltvedtak gjort i medhald av denne forskrifta, kan påklagast til særskild klagenemnd, jamfør forvaltningslova sin 28 andre ledd. Gebyr må betalast innan forfallsdato sjølv om gebyrvedtaket er påklaga. 13. Ikraftsetting Forskrifta trer i kraft 1. januar Frå same tid vert Sanitærvedtekter fori Vestnes kommune av 14. mars 1989 med seinare endringar og tillegg oppheva.