Forskrift om vass- og avløpsgebyr i Høyanger kommune

Transkript

1 Høyanger kommune Forskrift om vass- og avløpsgebyr i Høyanger kommune Denne forskrifta er vedteken av Høyanger kommunestyre den i sak 085/11 med heimel i Lov om kommunale vass- og kloakkavgifter av 31. mai 1974 nr. 17 og forureiningsforskrifta 11-4 og GENERELLE BESTEMMINGAR Abonnentane betaler for vatn og avløpstenester levert av kommunen. Forholdet mellom abonnentane og kommunen er regulert av fleire lover og forskrifter. Dei viktigaste er: Lov av 31. mai 1974 nr. 17 om kommunale vass- og kloakkavgifter Lov 13. mars 1981 nr. 6 om vern mot forureining og om avfall (Forureiningslova) Forskrift 1. juni 2004 nr. 931 om begrensning av forureining (forureiningsforskrifta) Plan- og bygningslova av 27. juni 2008 (PBL) med tekniske forskrifter og vegleidning Forskrift om vass- og avløpsgebyr i Høyanger kommune (dette dokumentet) Lov av 8. februar 1980 nr. 2 om pant (pantelova) Lov av 18. mai 1979 nr. 18 om forelding av fordringar Gjeldande Normalreglement for sanitæranlegg (Tekniske og administrative føresegner) 1 Forskrifta sitt formål Forskrifta fastset utrekningsmåte og innbetaling av gebyr for dei kommunale vatn- og avløpstenestene. 2 Virkeområdet Denne forskrifta gjeld alle abonnentar i Høyanger kommune, sjå definisjon av abonnent i 3. 3 Definisjonar Abonnent: - Eigar/festar av eigedom som er tinglyst med eige gards- og bruksnummer, eller eige festenummer eller seksjonsnummer (under felles gards- og bruksnummer), som er tilknytt kommunal vatneller avløpsleidning direkte eller gjennom felles stikkleidning. - Festar av eigedom der festeavtalen ikkje er tinglyst, men der festaren eig dei bygningane som er plassert på tomta, og bruker festerett slik det går fram av lov om tomtefeste. - Eigar eller festar av eigedom som kommunen i medhald av 27-1, 27-2 og 27-3 i plan- og bygningslova har krevd tilknytt kommunal vatn- og avløpsleidning.

2 Eining: Med eining i denne forskrifta er meint bueining. Bueining er husvære med separat inngang, eit eller fleire opphaldsrom og i tillegg eige bad/wc og kjøkkendel. Kombinasjonsbygg: Bygg med både bustader og næringsverksemd. Fritidshus: Bustadhus der det ikkje bur folk i delar av året vert ikkje definert som fritidshus. Med fritidshus er det meint hytter eller hus som er bygde og vert nytta til fritidshus. Kommunal vatn- og avløpsleidning: Leidningar som er kommunal eigedom ved at dei er kosta eller overteke av kommunen. Ansvar for stikkleidningar avløp: Ved tilkopling av nye anlegg til kommunal leidning er kommunen ansvarleg for påkopling på leidningen og legging av stikkleidning ut av grøftetrasé/vegområde 2-6 meter lengde ut frå kommunal leidning. Den einskilde huseigar eig og er ansvarleg for vedlikehald av stikkleidningen fram til kommunal kum eller kommunal hovudleidning. Ansvar for stikkleidningar for vatn: Ved tilkopling av nye anlegg til kommunal leidning er kommunen ansvarleg for påkopling på leidningen og legging av stikkleidning ut av grøftetrasé/vegområde 2-6 meter lengde ut frå kommunal leidning. Den einskilde huseigar eig og er ansvarleg for vedlikehald av stikkleidningen fram til anboring på kommunal hovudleidning. 4 Gebyrtypar Følgjande gebyrtypar gjeld for både vatn og avløp: - Tilknytingsgebyr for vatn - Tilknytingsgebyr for avløp - Årsgebyr for vatn (sum abonnementsgebyr og forbruksgebyr) - Årsgebyr for avløp (sum abonnementsgebyr og forbruksgebyr) - Gebyr for leige av vassmålar - Gebyr for mellombels tilknyting 5 Tilknytingsgebyr Tilknytingsgebyret skal betalast: - Når eigedom med hus på blir tilknytt offentleg vatn- og/eller avløpsleidning - Ved førstegongs oppføring av bygg som blir tilknytt offentleg vatn- og/eller avløpsleidning. - Ved utviding av eksisterande bygg dersom utvidinga fører til eit samla bruksareal større enn 350 m 2. Tilknytingsgebyret blir fastsett i høve til storleiken på huset og blir rekna ut i 2 klassar: - Bruksareal inntil 350 m 2 skal betale minimumsgebyr. - For bruksareal over 350 m 2 skal ein betale ei avgift pr. m 2 i tillegg til minimumsgebyret. Storleiken på gebyret går fram av gebyrregulativet som kvart år blir fastsett av kommunestyret.

3 6 Årsgebyr Årsgebyr for vatn og avløp skal betalast av alle som er abonnentar. Gebyret er sett saman av to delar: - Abonnementsgebyr - Forbruksgebyr Samla abonnementsgebyr for høvesvis vatn og avløp skal dekkje dei faste kostnadene som kommunen har på desse sektorane. Forbruksgebyret skal dekkje dei variable kostnadene. Fordelinga mellom faste og variable kostnader for vatn er vurdert til 50/50, dvs. at abonnementsgebyret skal dekkje 50 % og forbruksgebyret 50 % av kostnadene (sjølvkostgrunnlaget) for vassforsyninga i Høyanger. Fordelinga mellom faste og variable kostnader for avløp er vurdert til 50/50, dvs. at abonnementsgebyret skal dekkje 50 % og forbruksgebyret 50 % av kostnadene (sjølvkostgrunnlaget) for avløpssektoren i kommunen. Årsgebyret skal reknast frå og med månaden etter at eigedomen er tilknytt kommunalt leidningsnett. Storleiken på abonnementsgebyr og forbruksgebyr går fram av gebyrregulativet som kvart år blir fastsett av kommunestyret. Abonnementsgebyr Abonnementsgebyret skal dekke 50% av kommunens faste kostnader for vatn og avløp. Abonnementsgebyret for bustader er delt inn i 3 gebyrklassar etter bruksareal (< 80m 2, m 2 og >350m 2 ). For bustad- og fritidshus skal det betalast abonnementsgebyr pr. bueining. For einebustad med inntil ei ekstra bueining skal det berre betalast eitt abonnementsgebyr. For offentlege verksemder, industri og næring vil det også bli differensiert abonnementsgebyr etter størrelsen på verksemda. Forbruksgebyr Abonnentar med bustad- og fritidshus betaler anten etter faktisk (målt) vassforbruk og pris pr. m 3, eller stipulert forbruk basert på utrekna bruksareal i samsvar med NS 3940 og pris pr. m 3. Omrekningsfaktor for stipulert forbruk er sett til 1,2 m 3 /m 2 for bustader og 0,6 m 3 /m 2 for fritidshus. Følgjande bruksareal og vassforbruk skal leggjast til grunn for stipulert forbruk: Bruksareal 0-79 m². Stipulert forbruk vert: - bustadhus: 130 m³ - fritidshus: 65 m³ Bruksareal m². Stipulert forbruk vert: - bustadhus: 200 m³ fritidshus: 100 m³

4 Bruksareal over 350 m². Grunnlag for utrekning og stipulert forbruk: - bustadhus: 200 m³ + 1,2 m 3 /m 2 (areal > 350m 2 ) - fritidshus: 100 m³ + 0,6 m 3 /m 2 (areal > 350m 2 ) Næringseigedomar, offentlege verksemder og kombinasjonsbygg betaler forbruksgebyr etter faktisk (målt) vassforbruk og pris pr. m 3. Forbruket blir målt med installert vassmålar. For abonnentar gjeld at avløpsmengda blir rekna lik vassmengda, sjå likevel 7. Både abonnent og kommune kan krevje at forbruksgebyret blir rekna ut frå målt forbruk. 7 Frådrag eller tillegg i årsgebyret Dersom avløpsmengda ein abonnent har er vesentleg større eller mindre enn det målte vassforbruket, kan årsgebyret (forbruksgebyret) for avløp bli rekna ut på grunnlag av stipulert avløpsmengde, ev. kan avløpsmengda målast særskilt. Dersom avløpsmengda skil seg vesentleg frå vanleg hushaldsavløp, kan det reknast tillegg eller frådrag i årsgebyret (forbruksgebyret). Dersom ein eigedom i lenger tid blir fråkopla det kommunale vass- og/eller avløpsnettet, kan abonnenten etter søknad fritakast frå årsgebyret i denne perioden. Kommunen kan krevje betaling til å dekkje kostnaden med fråkopling/tilkopling. Storleiken på betalinga går fram av gebyrregulativet som kvart år blir fastsett av kommunestyret. Restriksjonar for vassforbruk eller kortare avbrot i leveranse eller mottak av avløpsvatn gjev ikkje grunnlag for reduksjon i gebyra. 8 Gebyr for vassmålar Rådmannen fastset reglar for installering og bruk av vassmålar. 8.1 Gebyr for leige av vassmålar (alternativ 1) Vassmålaren er kommunen sin eigedom. Kommunen fastset type og storleik på målar. Abonnenten betaler ei årleg leige. Installasjon og bruk av vassmålar skal vere i samsvar med regler for bruk av vassmålar. Storleiken på gebyret går fram av gebyrregulativet som kvart år blir fastsett av kommunestyret. Abonnenten må betale kostnaden med installasjon av målaren. 8.2 Gebyr for administrasjon av ordninga med vassmålar (alternativ 2) Abonnenten må sjølv koste innkjøp og installasjon av vassmålar. Kommunen fastset type og storleik på målar.

5 Installasjon og bruk av vassmålar skal vere i samsvar med reglar for bruk av vassmålar. Abonnenten betalar eit gebyr til dekking av kommunen sine kostnader med å administrere ordninga med vassmålar. Storleiken på gebyret går fram av gebyrregulativet som kvart år blir fastsett av kommunestyret. 9 Mellombels tilknyting Mellombels tilknyting gjeld for bygg/anlegg som har innlagt vatn og/eller utslepp av avløpsvatn til kommunalt nett, men der bygget/anlegget berre skal nyttast i ein avgrensa periode. Gebyret blir fastsett etter reglane som gjeld for årsgebyr for næringsverksemd. Mellombels tilknyting gjeld for opp til eitt år, med høve til å søkje om lenger tid. Gebyr for mellombels tilknyting går fram av gebyrregulativet som kvart år blir fastsett av kommunestyret. 10 Innbetaling av gebyr Abonnenten er ansvarleg for betaling av gebyra. Eingongsgebyr for tilknyting må vere innbetalt før tilknyting skjer. Årsgebyr blir kravd inn saman med andre kommunale gebyr, og blir som hovudregel fordelt over 2 terminar pr. år. Ved bruk av vassmålar skal forbruksgebyret betalast à konto basert på forbruket året før. Målaravlesing skjer kvart år, og avrekning vil skje i 1. termin året etter. Gebyr for mellombels tilknyting og tilleggsgebyr blir fakturert særskilt. Dersom vassforbruket til abonnenten har endra seg vesentleg frå siste målaravlesing, kan kommunen endre à konto beløpet. Abonnenten skal varslast før slik endring finn stad. 11 Innkrevjing av gebyr Krav på årsgebyr er sikra med pant i eigedomen etter pantelova sin 6-1. Gebyra kan krevjast inn av kommunen etter reglar for innkrevjing av skatt. 12 Vedtaksmyndigheit Vedtak etter denne forskrifta blir gjort av rådmannen.

6 13 Sakshandsaming/klage Avgjerd etter denne forskrifta som er einskildvedtak følgjer bestemmelsane i kap. IV-VI i forvaltingslova. Slike vedtak kan påklagast. Klagen skal sendast til formannskapet og fristen til å klage er 3 veker. Storleik på gebyra (gebyrregulativet) blir fastsett av kommunestyret. Dette er ei forskrift som ikkje kan påklagast, jfr. kap. VII i forvaltingslova. 14 Iverksetjing Forskrifta trer i kraft Frå same dato vert føresegnene av oppheva.