Løyve etter forureiningslova til utslepp frå tunneldriving på Fv 53 Ljoteli for Statens vegvesen Region vest

Transkript

1 Løyve etter forureiningslova til utslepp frå tunneldriving på Fv 53 Ljoteli for Statens vegvesen Region vest Fylkesmannen gir Statens vegvesen Region vest løyve med heimel i forureningslova 11, jf. 16. Løyvet er gitt på grunnlag av opplysningar i søknad mottatt 13. februar 2019 og opplysningar som kom fram under handsaminga av søknaden. Løyvet gjeld frå dags og fram til anleggsarbeidet er avslutta. Dersom verksemda ønskjer endringar utover det som er opplyst i søknaden, eller under handsaminga og som kan ha miljømessig verknad, må verksemda på førehand avklare dette skriftleg med Fylkesmannen. Dersom heile eller vesentlege delar av løyvet ikkje er teke i bruk innan fire år, skal verksemda sende ei utgreiing om omfanget til verksemda. Fylkesmannen vil då vurdere eventuelle endringar i løyvet. Data om verksemda Verksemd Statens vegvesen Region vest Stad/gateadresse Askedalen 4 Postadresse 6863 Leikanger Kommune og fylke Årdal kommune i Sogn og Fjordane Org. nummer (verksemd) (eigd av: ) Lokalisering av anlegg UTM sone 32, aust: , nord: NACE-kode og bransje Offentleg administrasjon tilknytt til næringsverksemd og arbeidsmarknad Fylkesmannenens referansar Løyvenummer Anleggsnummer T Løyve gitt første gang: Løyve sist revidert i medhald av fl 18 tredje ledd: Løyve sist endra: Grete Hamre senioringeniør Ingrid Torsnes senioringeniør Endringslogg Endringsnummer Endringar av Punkt Endringar E-postadresse: fmvlpost@fylkesmannen.no Sikker melding: Postadresse: Njøsavegen Leikanger Besøksadresse: Njøsavegen 2, Leikanger Statens hus, Kaigaten 9, Bergen Fjellvegen 11, Førde Telefon: Org.nr

2 1 Rammevilkår Løyvet gjeld forureining frå anleggsarbeid i samband med utbetring av vegstrekningen mellom Ljoteli og Holsbru langs fv. 53 i Årdal kommune. Dette gjeld utslepp av tunneldrivevatn, avrenning frå vaskeplassar, lagring av steinmassar og anleggsarbeid. Heile prosjektet har ei byggetid på om lag 2 år, og forberedande arbeid starta i april Det skal byggjast ny vegtunnel på om lag 1080 meter ved Ljoteli, og planlagt oppstart for tunneldrivinga er desember Figur 1: Oversiktskart som viser planområdet ved Ljoteli og Holsbru Dersom det skal etablerast sikteverk, sorteringsverk eller knuseverk i samband med anleggsarbeidet, så er dette meldepliktig etter forureningsforskrifta kapittel 30. Meldeskjema skal sendast til Fylkesmannen i Vestland Generelle vilkår Utsleppsavgrensningar Dei utsleppskomponentane frå verksemda som er forventa å ha størst verknad på miljøet, er uttrykkeleg regulert gjennom spesifikke vilkår i løyvet. Utslepp som ikkje er uttrykkeleg regulert på denne måten, er også omfatta av løyvet så langt opplysningar om slike utslepp vart kome fram i samband med sakshandsaminga eller må reknast for å ha vore kjent på annan måte då vedtaket vart gjort. Dette gjeld likevel ikkje utslepp av prioriterte miljøgifter oppført i vedlegg 1. Utslepp av slike komponentar er berre omfatta av løyvet dersom dette går fram uttrykkeleg av vilkåra i løyvet. 2.2 Plikt til å halde grenseverdiar Alle grenseverdiar skal haldast innanfor dei fastsette midlingstidene. Variasjonar i utsleppa innanfor dei fastsette midlingstidene skal ikkje avvike frå det som følgjer av normal drift i ein slik grad at dei kan føre til auka skade eller ulempe for miljøet. Tillatelse nr T Side 2 av 12

3 2.3 Plikt til å redusere forureining så langt som mogleg All forureining frå verksemda, under dette utslepp til luft og vatn, støy og avfall, er isolert sett uønskt. Sjølv om utsleppa blir haldne innanfor fastsette grenser, pliktar verksemda å redusere sine utslepp, dette gjeld også for støy, så langt det er mogleg utan urimelege kostnadar. Plikta omfattar også utslepp av komponentar som det ikkje er sett tydelege grenser for gjennom vilkår i løyvet. For produksjonsprosessar der utsleppa er proporsjonale med produksjonsmengd, skal ein eventuell reduksjon av produksjonsnivået som er lagt til grunn i samband med saksbehandlinga, føre til ein tilsvarande reduksjon i utsleppa. 2.4 Plikt til førebyggjande vedlikehald For å halde dei ordinære utsleppa på eit lågast mogleg nivå og for å unngå utilsikta utslepp, skal verksemda sørgje for førebyggjande vedlikehald av utstyr som kan føre til endring av utsleppa. System og rutinar for vedlikehald av slikt utstyr skal være dokumentert. 2.5 Tiltaksplikt ved auka forureiningsfare Dersom det som følgje av unormale driftstilhøve eller av andre grunnar oppstår fare for auka forureining, pliktar verksemda å setje i verk tiltak som er nødvendige for å eliminere eller redusere den auka forureiningsfaren. Om nødvendig må verksemda redusere eller innstille drifta. Verksemda skal så snart som mogeleg informere Fylkesmannen om unormale tilhøve som har eller kan få forureiningsmessige følgjer. Akutt forureining skal i tillegg varslast i samsvar med punkt Internkontroll Verksemda pliktar å etablere internkontroll for verksemda si i samsvar med gjeldande forskrift 1. Internkontrollen skal mellom anna sikre og dokumentere at verksemda held krava i dette løyvet, forureiningslova, produktkontrollova og relevante forskrifter til desse lovene. Verksemda pliktar å halde internkontrollen oppdatert. Verksemda skal alltid å ha oversikt over alt som kan føre til forureining og kunne gjere greie for risikoen med forureining. Plikt til å gjennomføre risikoanalyse med omsyn til akutt forureining følgjer av punkt Forskrift om systematisk helse-, miljø- og sikkerhetsarbeid i virksomheter (internkontrollforskriften) av , nr Tillatelse nr T Side 3 av 12

4 3 Utslepp til vatn 3.1 Utsleppsavgrensningar Utsleppspunkt for reinsa anleggsvatn er i terreng nedanfor anleggsområdet. Utsleppspunktet skal vere hensiktsmessig plassert, slik at vegetasjon og sideterreng ikkje tar skade av utsleppet. Utsleppet skal ikkje føre til erosjon og partikkelavrenning til Tya. Tabell 1: Utsleppsgrenser Parameter Grense ut frå reinseanlegg Grense målt i resipienten Resipient Suspendert 100 mg/l 50 mg/l* stoff ph olje 5 mg/l 2 mg/l Tya/Storelvi *Kortvarige periodar der konsentrasjonsgrensa blir overstigen er tillate ved spesielle arbeidsforhold. I desse periodane skal konsentrasjonen av suspendert stoff likevel ikkje overstige ei grense på 80 mg/l i resipienten. Den naturelege bakgrunnsverdien ved ulike vassføringar skal registrerast som ein del av måleprogrammet. 3.2 Utsleppsreduserande tiltak ved anleggsarbeid Det skal etablerast rutinar for påfylling av drivstoff, vedlikehald av maskinpark mv. Med føremål å redusere forureining til grunn og resipient. Ved eventuelle punktutslepp av olje eller drivstoff skal mest mogleg samlast opp. Absorbentar skal vere tilgjengeleg på stadar der oljesøl kan oppstå. Det skal ikkje etablerast verkstadar og vaske/spyleplassar med direkte avrenning til Tya. Ein eventuell vaskeplass skal ha tett dekke og oljeutskiljar, og tilfredsstille utsleppskrava i tabell 1. Det er heller ikkje tillate å vaske betongbilar utan reinsing og med utslepp direkte til elva, då dette kan medføre høge ph-verdiar. Vaskevatn frå betongbilar skal leiast til reinseanlegg og phjusterast, jf. tabell 1. Reinseanlegga må dimensjonerast for å tilfredsstille utsleppskrava ved maksimale vassmengder. Ekstreme vêrforhold må være inkludert i risikovurderinga og beredskapsplanen jf. kapittel 9 i dette løyvet. Det må førast jamleg kontroll med reinseanlegg og eventuelle infiltrasjonsgrøfter. Desse må tømmast og reingjerast ved behov. Det skal setjast i verk effektive tiltak for oppsamling av eventuelle plastrestar og skytestrengar før utslepp til resipient. Dersom plastrestar når Tya, Storelvi eller Årdalsvatnet, må det setjast i verk avbøtande tiltak. Mellomlagring og bruk av jord og sprengstein skal skje på ein slik måte at ein ikkje får partikkelavrenning til vassdrag. Tillatelse nr T Side 4 av 12

5 Det skal etablerast skriftlege rutinar for å følgje opp reinseanlegga i anleggsperioden. Rutinane må skildre tømming og prøvetaking slik at krava til utslepp frå reinseanlegga blir haldne. Dersom ein nyttar vatn frå Holsbruvatnet, så skal det gjerast tiltak for å hindre spreiing av ørekyt. 3.3 Sanitæravløpsvatn Kommunen er mynde for regulering av sanitæravløpsvatnet frå verksemda. 4 Grunnforureining og forureina sediment Verksemda skal vere innretta slik at det ikkje skjer utslepp til grunnen som kan føre til nemneverdige skader eller ulemper for miljøet. Verksemda pliktar å gjennomføre førebyggjande tiltak som skal hindre utslepp til grunn og grunnvatn. Verksemda pliktar vidare å gjennomføre tiltak som er egna for å avgrense verknaden på miljøet av eit eventuelt utslepp til grunn og grunnvatn. Utstyr og tiltak som skal hindre utslepp til grunn og grunnvatn, eller hindre at eventuelle utslepp medfører skade eller ulempe for miljøet, skal overvåkast og haldast ved like regelmessig. Plikta gjeld tiltak som står i eit rimeleg forhold til dei skadar og ulempar som skal hindrast. Verksemda pliktar å halde kontinuerleg oversikt over eventuell eksisterande forureina grunn på anleggsområdet. Det same gjeld faren for spreiing, og om det er trong for granskingar og tiltak. Dersom det er nødvendig å setje i verk granskingar eller andre tiltak, skal Fylkesmannen varslast om dette. Graving, mudring eller andre tiltak som kan påverke forureina grunn, må ha godkjent tiltaksplan etter forureiningsforskrifta kapittel 2 2, eventuelt løyve etter forureiningslova. Tiltak i forureina sediment må ha løyve etter forureiningslova eller forureiningsforskrifta kapittel Kjemikaliar Med kjemikaliar meiner vi her kjemiske stoff og stoffblandingar som blir brukt i verksemda, både som råstoff i prosess og som hjelpekjemikaliar, til dømes groehindrande middel, vaskemiddel, hydraulikkvæsker og brannsløkkingsmiddel. For kjemikaliar som blir brukt på ein slik måte at det kan føre til fare for forureining, skal verksemda dokumentere at ho har gjort ei vurdering av helse- og miljøeigenskapar til kjemikaliane på bakgrunn av testing eller annan relevant dokumentasjon, jf. også punkt 2.6 om internkontroll. Verksemda pliktar å etablere eit dokumentert system for substitusjon av kjemikaliar. Verksemda skal gjere ei kontinuerleg vurdering av faren for skadelege effektar på helse og miljø valda av dei 2 Jf. forurensningsforskriftens kapittel 2 om opprydning i forurenset grunn ved bygge- og gravearbeider Tillatelse nr T Side 5 av 12

6 kjemikaliane som blir brukt, og av om alternativ finst. Skadelege effektar knytt til produksjon, bruk og endeleg disponering av produktet, skal vurderast. Der betre alternativ finst, pliktar verksemda å bruke desse så langt dette kan skje utan urimeleg kostnad eller ulempe. 3 Stoff åleine, i stoffblandingar og/eller i produkt, skal ikkje framstillast og seljast, eller bli brukte utan at dei er i samsvar med krava i REACH-regelverket 4 og andre regelverk som gjeld for kjemikaliar. 6 Støy og støv 6.1 Grenseverdiar For støy i anleggsperioden skal retningslinje for behandling av støy i arealplanlegging (T-1442/2016) leggjast til grunn. Verksemda sitt bidrag til utandørs støy ved omkringliggjande bustader, sjukehus, pleieinstitusjonar, fritidsbustader, utdanningsinstitusjonar og barnehagar skal ikkje bryte følgjande grenser, målt eller rekna ut som frittfeltsverdi ved mest støyutsette fasade: Tabell 2: Støygrenser i anleggsfasen Bygningstype Støykrav på dagtid (L paeq12h 07-19) Bustader, fritidsbustad, sjukehus, institusjonar Skule, barnehage Støykrav på kveld (L paeq4h 19-23) eller sundag/heilagdag (L paeq16h 07-23) Støykrav på natt (L paeq8h 23-07) i brukstid Støygrensene gjeld all støy frå anlegget, medrekna intern transport og lossing/lasting. 6.2 Avvik frå grenseverdiar Grenseverdiane for støy på dagtid kan fråvikast i kortare periodar. Det er ikkje tillate å avvike grenseverdiane på kveld og natt eller sundagar og heilagdagar. 6.3 Støv Verksemda må leggje opp aktiviteten på ein slik måte at sjenerande støv ikkje blir spreidd i omgjevnadane. 3 Jf. lov om kontroll med produkter og forbrukertjenester (produktkontrolloval) av , nr. 79, om substitusjonsplikt 3a 4 Forskrift om registrering, vurdering, godkjenning og begrensing av kjemikalier (REACH-forskriften) av 30. mai 2008, nr. 516 Tillatelse nr T Side 6 av 12

7 7 Avfall 7.1 Generelle krav Verksemda plikter så langt det er mogeleg utan urimelige kostnader eller ulemper å unngå at det blir danna avfall som følgje av anleggsdrifta. Verksemda skal avgrense innhaldet av skadelege stoff i avfallet mest mogeleg. Avfall som oppstår i verksemda, skal primært søkast ombrukt i verksemda sin produksjon eller i andre sin produksjon. Dersom dette ikkje er mogeleg eller fører til urimelege kostnadar, skal det fortrinnsvis materialgjenvinnast. Dersom dette heller ikkje er mogeleg utan urimelege kostnadar, skal avfallet så langt det er mogeleg gjenvinnast på annan måte. Verksemda pliktar å sørgje for at all handtering av avfall, inkludert farleg avfall, skjer i samsvar med gjeldande reglar for dette, fastsett i eller i medhald av forureiningslova og avfallsforskrifta 5. Farleg avfall kan ikkje fortynnast med den verknad at det blir rekna som ordinært avfall. Ulike typar farleg avfall kan ikkje blandast dersom dette kan medføre fare for forureining eller skape problem for den vidare handteringa av avfallet. Farleg avfall kan heller ikkje blandast saman med anna avfall, med mindre det lettar den vidare behandlinga av det farlege avfallet og dette gir ein miljømessig minst like god løysing. 7.2 Handtering av avfall All handtering av avfall skal skje slik at det ikkje medfører avrenning til grunn eller overflatevatn. Sjenerande støving skal unngåast. Farleg avfall skal ikkje lagrast lenger enn 12 månader. I tillegg gjeld følgjande: a. All handtering av avfall skal vere basert på ei risikovurdering, jf punkt 2.6 og 9 b. Verksemda skal ha kart der det går fram kor ulike typar avfall er lagra c. Avfallslager skal vere sikra slik at uvedkommande ikkje får tilgang. Lagra farleg avfall skal ha forsvarleg tilsyn. Lagra avfall skal vere merka slik at ein ser kva som er lagra d. Avfall som ved sammanblanding kan gi fare for brann, eksplosjon eller at farlige stoff bli danna, skal lagrast med nødvendig avstand e. Alt farleg avfall, uavhengig av mengde, skal lagrast innandørs og på tett dekke 6 med oppsamling av eventuell avrenning. Annan lagringsmåte kan godtakast dersom verksemda kan dokumentere at den valde lagringsmåten gir minst like lav risiko og like godt vern 7.3 Handtering av botnrensk frå tunnel og slam frå reinseanlegg Botnrensk frå tunnelen og slam frå grøfterensk og reinseanlegg skal handterast i tråd med forureiningslova 32. Innhald av forureining skal avklarast på grunnlag av representativ prøvetaking og vere grunnlag for vidare handtering av massane. Dersom analyser viser at 5 Forskrift om gjenvinning og behandling av avfall (avfallsforskiften) av , nr Med tett dekke er meint fast, ugjennomtrengeleg og tilstrekkeleg slitesterkt dekke for dei aktuelle materialar/avfallstypar. Tillatelse nr T Side 7 av 12

8 innhald av helse- eller miljøfarlege stoff er under normverdien i forureiningsforskrifta kapittel 2, vedlegg 1, så kan massane disponerast i tråd med faktaark M-1243/ Er innhaldet over normverdien skal massane leverast til lovleg avfallsanlegg. 7.4 Handtering av jord- og steinmassar Jord og steinmassar skal disponerast i tråd med faktaark M-1243/ Utsleppskontroll og rapportering til Fylkesmannen 8.1 Utsleppskontroll Verksemda skal kontrollere og dokumentere utsleppa ved å gjennomføre målingar. Det skal utarbeidast og setjast i verk eit måleprogram med tilhøyrande skriftlege internkontrollrutinar og driftsinstruksar for å følgje opp instrument for måling i anleggsperioden. Plassering av målepunkt skal baserast på fagleg vurdering utført av fagfolk med kompetanse. Målingar skal utførast slik at dei blir representative for verksemdas faktiske utslepp. Verksemda skal utarbeide eit måleprogram for dei paramterane som er nemnt i vilkår 3. Måleprogrammet skal beskrive metode for å etablere samanheng mellom suspendert stoff og turbiditet, forslag til midlingstider mm. Når det er etablert ein lineær samanheng mellom prøveresultat for suspendert stoff og turbiditet, så kan målingane baserast på turbiditet med alarmgrenser og midlingstider. Forslag til dette skal beskrivast i program for utsleppskontroll. Prøvetaking skal utførast av personar med nødvendig kompetanse. Prøvetaking og analyse skal utførast etter Norsk Standard (NS), og laboratoriet skal vere akkreditert for analysane. Verksemda skal jamleg utføre kontroll og kalibrering av måleutstyr. Programmet for utsleppskontroll skal sendast til Fylkesmannen. 8.2 Overvaking av resipient Verksemda skal sørge for overvaking av verknaden anleggsarbeidet har på resipienten. Overvakingsprogrammet skal vere utarbeidd av fagfolk med kompetanse på fiskebiologi. Overvakinga skal omfatte verknaden av tiltaket på elvesedimenta som habitat og gyteområde for laks og sjøaure. Elvesedimenta før, undervegs og etter tiltaket skal undersøkast, slik at justeringar kan gjerast undervegs og uønskt utvikling kan stoppast. Dersom overvakinga viser redusert kvalitet på Tya og Storelvi som habitat for fisken, så skal de gjennomføre restaurering og habitatforbetrande tiltak for å rette opp forholda. Overvakinga og eventuelle tiltak i elva skal gjerast av personell med kompetanse på området. Dersom det allereie ligg føre tilstrekkeleg dokumentasjon om dagens tilstand kan de sjå bort frå kravet om nye 7 Mellomlagring og sluttdisponering av jord- og steinmasser som ikke er forurenset Tillatelse nr T Side 8 av 12

9 undersøkingar i forkant av oppstart. Dette må de då dokumentere og argumentere for i overvakingsprogrammet. Overvakingsprogrammet skal sendast til Fylkesmannen for eventuelle merknader. Data frå overvaking i vatn, inklusiv sediment og biota, skal registrerast i databasen Vannmiljø ( Data skal rapporterast på Vannmiljø sitt importformat. Importmal og oversikt over kva informasjon som skal registrerast etter Vannmijøs kodeverk finst på Der det går føre seg overvaking i regi av Fylkesmannen eller vasstyresmakt må Statens vegvesen Region vest bidra i eit felles overvakingsprogram med data for dei kvalitetselementa i vassførekomsten som kan vere direkte eller indirekte påverka av verksemdas utslepp. Resultata frå overvakinga skal sendast til Fylkesmannen innan 3 månader etter at overvakinga er avslutta. 8.3 Sluttrapport Verksemda skal sende rapport til Fylkesmannen innan seks månader etter at anleggsarbeidet er sluttført. Rapporten skal innehalde følgjande: Omtale av utført arbeid Samla omtale og dokumentasjon på effekt og avbøtande tiltak som er gjennomført for å hindre forureining Samla utgreiing for eventuelle vilkår i løyvet som ikkje er oppfylt, inkludert grunngjeving for avvik 9 Tiltak for førebygging og beredskap mot akutt forureining 9.1. Miljørisikoanalyse Verksemda skal gjennomføre ein miljørisikoanalyse av sin aktivitet. Verksemda skal vurdere resultata med tanke på akseptabel miljørisiko. Potensielle kjelder til akutt forureining av vatn, grunn og luft skal kartleggast. Miljørisikoanalysen skal dokumenterast og skal omfatte alle tilhøve ved verksemda som kan føre til akutt forureining med fare for helse- og/eller miljøskadar inne på området til verksemda eller utanfor. Ved modifikasjonar og endra produksjonstilhøve skal miljørisikoanalysen oppdaterast. Verksemda skal ha oversikt over miljøressursar som kan bli råka av akutt forureining og dei helse- og miljømessige konsekvensane slik forureining kan føre til. Tillatelse nr T Side 9 av 12

10 9.2 Førebyggjande tiltak På basis av miljørisikoanalysen skal verksemda setje i verk risikoreduserande tiltak. Både sannsynsreduserande og konsekvensreduserande tiltak skal vurderast. Verksemda skal ha ein oppdatert oversikt over dei førebyggjande tiltaka. 9.3 Etablering av beredskap Verksemda skal, på bakgrunn av miljørisikoanalysen og dei risikoreduserande tiltaka som er sette i verk, om nødvendig, etablere og vedlikehalde ein beredskap mot akutt forureining. Beredskapen skal vere tilpassa den miljørisikoen som verksemda til ei kvar tid representerer. 9.4 Varsling av akutt forureining Akutt forureining eller fare for akutt forureining skal varslast i samsvar med til gjeldande forskrift 8. Verksemda skal også så snart som mogleg underrette Fylkesmannen gjennom fmvlpost@fylkesmannen.no i slike tilfelle. 10 Tilsyn Verksemda pliktar å la representantar for forureiningsstyresmakta eller andre som har mynde, føre tilsyn med anlegget når som helst. 8 Forskrift om varsling av akutt forurensning eller fare for akutt forurensning av , nr Tillatelse nr T Side 10 av 12

11 Vedlegg 1 Liste over prioriterte miljøgifter, jf. punkt 2.1. Utslepp av desse komponentane er berre omfatta av løuvet dersom dette går uttrykkeleg fram av vilkåra i punkt 3 til 10. Metaller og metallforbindelser: Arsen og arsenforbindelser Bly og blyforbindelser Kadmium og kadmiumforbindelser Krom og kromforbindelser Kvikksølv og kvikksølvforbindelser Forkortelser As og As-forbindelser Pb og Pb-forbindelser Cd og Cd-forbindelser Cr og Cr-forbindelser Hg og Hg-forbindelser Organiske forbindelser: Bromerte flammehemmere Penta-bromdifenyleter (difenyleter, pentabromderivat) Okta-bromdifenyleter (defenyleter, oktabromderivat) Deka-bromdifenyleter (bis(pentabromfenyl)eter) Heksabromcyclododekan Tetrabrombisfenol A (2.2`,6,6`-tetrabromo-4,4`isopropyliden difenol) Klorerte organiske forbindelser Dekloran pluss (syn og anti isomere former) 1,2-Dikloretan Klorerte dioksiner og furaner Heksaklorbenzen Kortkjedete klorparafiner C 10 - C 13 (kloralkaner C 10 - C 13 ) Mellomkjedete klorparafiner C 14 - C 17 (kloralkaner C 14 - C 17 ) Klorerte alkylbenzener Pentaklorfenol Polyklorerte bifenyler Triklorbenzen Tetrakloreten Trikloreten Triklosan (2,4,4'-Triklor-2'-hydroksydifenyleter) Tris(2-kloretyl)fosfat Enkelte tensider Ditalg-dimetylammoniumklorid Dimetyldioktadekylammoniumklorid Di(hydrogenert talg)dimetylammoniumklorid Vanlige forkortelser Penta-BDE Okta-BDE, octa-bde Deka-BDE, deca-bde HBCDD TBBPA DP (syn-dp, anti DP) EDC Dioksiner, PCDD/PCDF HCB SCCP MCCP KAB PCF, PCP PCB TCB PER TRI TCS TCEP DTDMAC DSDMAC DHTMAC Nitromuskforbindelser Muskxylen Alkylfenoler og alkylfenoletoksylater Nonylfenol og nonylfenoletoksilater NF, NP, NFE, NPE Oktylfenol og oktylfenoletoksilater OF, OP, OFE, OPE 4-heptylfenoler (forgrenet og rettkjedet) 4-HPbl 4-tert-pentylfenol 4-t-PP 4-tert-butylfenol 4-t-BP Dodecylfenol m. isomerer DDP 2,4,6 tri-tert-butylfenol TTB-fenol Tillatelse nr T Side 11 av 12

12 Per- og polyfluorerte alkylforbindelser (PFAS) Perfluoroktansulfonsyre (PFOS), inkl. salter av PFOS og relaterte forbindelser Perfluorheksansulfonsyre (PFHxS), inkl salter av PFHxS og relaterte forbindelser Perfluorobutansulfonsyre (PFBS), inkl. salter av PFBS og relaterte forbindelser Perfluoroktansyre Langkjedete perfluorerte karboksylsyrer C9-PFCA C14-PFCA PFOS, PFOS-relaterte forbindelser PFHxS, PFHxS-relaterte forbindelser PFBS, PFBS-relaterte forbindelser PFOA PFNA, PFDA, PFUnDA, PFDoDA, PFTrDA, PFTeDA Tinnorganiske forbindelser Tributyltinnforbindelser Trifenyltinnforbindelser Dibutyltinnforbindelser Dioktyltinnforbindelser Polysykliske aromatiske hydrokarboner Ftalater Dietylheksylftalat (bis(2-etylheksyl)ftalat) Benzylbutylftalat Dibutylftalat Diisobutylftalat Bisfenol A Siloksaner Dodekamethylsykloheksasiloksan Dekametylsyklopentasiloksan Oktametylsyklotetrasiloksan Benzotriazolbaserte UV-filtre 2-Benzotriazol-2-yl-4,6-di-tert-butylphenol 2,4-di-tert-butyl-6-(5-chlorobenzotriazol-2-yl)phenol 2-(2H-benzotriazol-2-yl)-4,6-ditertpentylphenol 2-(2H-Benzotriazol-2-yl)-4-(tert-butyl)-6-(sec-butyl)phenol TBT TFT, TPT DBT DOT PAH DEHP BBP DBP DIBP BPA D6 D5 D4 UV-320 UV-327 UV-328 UV-350 Tillatelse nr T Side 12 av 12