Årsmelding Sunnmør skyttarsamlag 2018

Transkript

1 Årsmelding Sunnmør skyttarsamlag 2018 Året 2018 har vore eit innhaldsrikt år med mykje spenning og gode minner på skytebanen. Mange sterke sportslege prestasjonar blant både ungdommane, seniorane og veteranane. Styret Samlagsstyret har hatt sju styremøter, og følgande personar har hatt verv i styret: Ola Vangen, Sunnylven (Leiar) Ola Kåre Dybvik, Langevåg (Nestleiar) Stian Aleksander Skog-Karlsen, Aalesund (Ungdomsleiar) Helge Hollund Surdal, Aalesund (Kasserar) Kjell Oddvar Frøysa, Sunnylven (Utdanningskontakt) Bjørn Egil Larsen, Hildre og Brattvåg (Styremedlem) Rolv Arne Ljøen, Sunnylven (Styremedlem) Paul Moen, Langevåg, har vore møtande vara og blitt innkalla til alle styremøter. Mørekretsen har hittil i år hatt tre styremøter der leiaren har møtt som kretsstyremedlem frå Sunnmør. I tillegg blei det kjørt eit terminliste møte tidleg i sommar og eit leiarmøte i slutten på september der styret ville ha ein open diskusjon mellom skyttarlaga på gjeldande saker som var aktuelle då. Resultat Landsskyttarstemnet Stjørdal I år, slik som fleire år før, så har Sunnmørsskyttarane markert seg under Landsskyttarstemnet. Der ungdommane har gjort det sterkast. I klasse rekrutt hadde vi tre rekruttar i banefinala med Nora Sæterøy Høybakk (Langevåg) med fult hus 250p og delt første plass etter innleiande skyting (!) og Andreas Valde (E/S) og Ørjan Frøysadal Hauge (Sunnylven) med sterke 247p. Etter endt finale stod Nora til tredje plass og ungdomsmedalje mens Andreas og Ørjan mista medalja med eit nødskrik. Nora skaut seg også inn til finaleplass på felten, og tok ein delt 8.plass og berre ein fattig sentrumstiar frå medalje også der. I eldre rekrutt klassa var der også mange som gjorde det sterkt på bane og fleire kom seg til finale. Blant dei som skaut seg dit var det Isak Frøysadal Hauge (Sunnylven) og Martin

2 Nykrem (Sykkylven) som gjorde det sterkast. Etter 250p på begge etter innleiande skyting så sikra begge seg ungdomsmedalja med 100p i finaleomgangen. Men ikkje nok med det, så imponerar Martin sterkt med å vinne omskytinga om andre plassen! Og det stoppar ikkje der.. Isak og Martin skaut seg også inn i felt finala. Det gjorde også Ola-Johan Dybvik (Langevåg). Alle klarte 12 treff i finala, med Martin som beste sunnmøring også her. I omskyting om tredjeplassen denne gong. Det haldt til fjerde plass samanlagt og medalje også her. I juniorklassa i år hadde vi ein soleklar storfavoritt. Bjørnar Rasmussen Aurdal (Sykkylven) har i år, som sitt siste år i juniorklassa, vore nærmast uslåeleg. Men også han kunne vise nervar når det gjaldt. Under baneskytinga så nådde han ikkje heilt opp og endte på 248p etter innleiande skyting. Og etter ein veldig sterk finaleomgang med 100 9* så haldt det akkurat ikkje til medalje. Heller ikkje på felten greidde Bjørnar medalja, som glapp med ein sentrumstreff. Men sjølv om medalja ikkje blei vunne så viste han dyktigheit med å innta skive 1 i finala med poengsummen 30/25 etter innleiande skyting. Men han var ikkje einaste Sunnmøring i feltfinala. Kristian Frøysadal Hauge (Sunnylven) greidde også å kome seg til finala med sin poengsum på 30/18. Han fekk det ikkje heilt til i finala og stod til slutt med 38/4 i sitt meisterskap. Blant 2.klassingane våre så hadde vi også her nokre som skaut godt nok til finaleplass. Synnøve Berget og Camilla Hjelmen, begge frå Aalesund, fekk ære av å skyte banefinale mens Rikard Reiten frå Hildre og Brattvåg fekk skyte feltfinale etter ein sterk grovfeltrunde på 28/10. Seniorane klarte ikkje heilt å følgje opp fjorårets prestasjonar av Trine Ramsvik Stette (E/S) på baneskytinga, dessverre. Beste senior i år blei Ivar Fivelstad (Sunnylven) med poengsummen 339 mens Tor Gaute Jøingsli frå Lom og Skjåk blei skyttarkonge med 347p. Men på felten gjekk det betre! Dag Andre Hauge (Sunnylven), som tok medalje på sin første feltfinale nokon gong i fjor, klinka til med 12/7 i finala i år og klatra raskt oppover listene. Til slutt stoppa det på ein veldig sterk delt 6.plass og stjerne til sunnylvingen, som også er far til dei tre rekruttane Frøysadal Hauge. Neste Sunnmøring på listene er Trine med 41/8 og stjerne. Og vinnar av klasse 3-5 blei Tor Arnfinn Homme frå Kristiansund og Omegn. Veteranane våra gir også lyd i frå seg. Her kan vi nemne at Bjørn Vidar Giske (E/S) greidde seg til finale i baneskyting i V55 klassa mens Lars Slyngstad (E/S) fekk med seg finala i feltskyting i same klasse. Oddmund Nilsen frå Langevåg skaut seg til finale i felt i si klasse, V65 og Harald Reiten tok seg til finale i bane i V73. Beste skyttarane frå Sunnmør i stang og felthurtigskyting blei Karl Tore Gjengstø (Aalesund) med 22 treff på stangen og Torbjørn Høybakk (Langevåg) med 9,24sek på felthurtingen. Under Landsskyttarstemnet så blir det også arrangert NM Skogsløp, og fleire frå Sunnmør var med og sprang i år. Kristian Frøysadal Hauge (Sunnylven) sprang inn til NM Gull i klassa Junior Gutar mens Trygve Aaland Tryggestad tok NM Sølv i Senior klassa for menn. Det er også verdt å ta med at ungdommane kjempa seg til ein stolt 5.plass under samlagsskytinga. På laget skaut Isak Frøysadal Hauge (Sunnylven), Ola-Johan Dybvik (Langevåg), Andreas Riksheim Oldeide (Sykkylven) og Bjørnar Rasmussen Aurdal (Sykkylven).

3 Det deltok 69 skyttarar frå Sunnmør på årets Landsskyttarstemne. Midt-Norsk Meisterskap (MNM) Årets meisterskap blei arrangert i Romsdal med skyttarlaga Malmefjorden, Kleive og Nesjestranda og Skaala som arrangørlag. Også sist gong dette blei arrangert i Romsdal var det desse laga som stod for eit flott meisterskap, så forhåpningane for eit flott stemne var verkeleg til stades i år. MNM er ikkje noko offisielt stemne, så på baneskytinga på 200m er det bestemt at det skal skytast ein noko spesiell finaleomgang på bane. Seniorane skyt fem skot kne i ein serie og så fem enkle ståande skot, kneskyttarane skyt fem skot liggande i serie og fem enkle kne skot og liggandeskyttarane skyt fem skot liggande i serie og avsluttar med fem enkle liggande skot. Og under feltskytinga så skyt alle skyttarane med meisterskap fortløpande meisterskap. Beste senior på bane blant Sunnmøringane i år var Trine Ramsvik Stette som delte 5.plassen med Ingeborg Rosøy frå Heim/Hemne, begge med 244p etter innleiande skyting og 339p etter den noko spesielle finala. På feltskytinga tok Trine ein sterk 2.plass med 42/19 og Ivar Fivelstad ein 5.plass med 41/12. Beste skyttar i stang og felthurtig øvelsane var Bjørn Vidar Giske med 21 treff på stangen og Are Hestetun (E/S) med tida 9,10sek på felthurtigen. I juniorklassa var Bjørnar Rasmussen Aurdal beste frå Sunnmør med sin 4.plass på bane med 348p og sigar på felten med imponerande 42/37! Nestemann på lista er Kristian Frøysadal Hauge med 244p på bana og ein 6.plass på felten med 41/33 treff. Ola-Johan Dybvik visste kor tiaren står i Malmefjorden og vant klasse eldre rekrutt med fult hus 350p. Isak Frøysadal Hauge tok 3.plassen med 349p bak Liv Marit Sætre frå Tresfjord også med 350p. Dybvik var også beste eldre rekrutt i feltrunda frå Sunnmør med poengsummen 42/32 og ein 5.plass. Rekruttane sparkar også hardt frå seg på baneskytinga under meisterskapet. Nora Sæterøy Høybakk vinn klasse rekrutt med 349p, Teodor Klokset Lilleng (E/S) kaprar 3.plassen med 346p mens Andreas Valde sikrar seg ein 5.plass med poengsummen 345. Beste rekrutten i feltløypa blir Andreas med 40/26 og ein 4.plass. Nora er einaste rekrutten frå Sunnmør med 30 treff før finala, men får ei svak finaleskyting som gjer at ho til slutt ende på 38/27. Det er også å nemne at ungdommane gjorde reint bord under samlagsskytinga i både felt og bane. På vinnarlaga deltok følgjande skyttarar: Felt: Ola-Johan Dybvik (Langevåg), Sunniva Høybakk (Langevåg), Kristian Frøysadal Hauge (Sunnylven) og Bjørnar Rasmussen Aurdal (Sykkylven) Bane: Nora Sæterøy Høybakk (Langevåg), Ola-Johan Dybvik (Langevåg), Kristian Frøysadal Hauge (Sunnylven) og Bjørnar Rasmussen Aurdal (Sykkylven)

4 Landsdelskretsstemne 15m (LDKS) LDKS 15m i år blei i år arrangert av Søre Sunnmør med Hovdebygda og Ørsta som arrangørlag. Beste senior frå Sunnmør var her Finn Atle Oldeide (Sykkylven) med 4.plass og 344p. Rikard Reiten (Hildre og Brattvåg) tok 3.plassen i klasse 2 med poengsummen 338. Ein annen som også tok bronse var Harald Reiten (Aalesund) med 348p. Blant juniorane var det Karen Snekvik frå Surnadal som tok 1.plassen mens gutane Andreas Riksheim Oldeide (Sykkylven) og Kristian Frøysadal Hauge (Sunnylven) tok hhv 2. og 3.plassen med 349 og 347poeng. Øverste del av resultatlista i eldre rekrutt var fylt med skyttarar frå Sunnmør. Vinnaren blei Martine Sve (Stranda) med 350p framfor Ola-Johan Dybvik (Langevåg) også han med 350p. Vidare finn vi Robin Lade Lie (Sykkylven) på ein 4.plass med 349p og Isak Frøysadal Hauge (Sunnylven) med sine 348p. Rekruttane stod også sterkt i Ørsta. Øverst står Vegard Fjærli frå Bæverdalen med sterke 349p etterfølge av Nora Sæterøy Høybakk (Langevåg) med sine sterke 349 poeng. 3.plassen gjekk til Andreas Valde (E/S) med 347 poeng og 4.plassen tok Teodor Klokset Lilleng (E/S) der han oppnådde 345p. Landsdelskretsstemne felt I LDKS felt var det Nordmør som stod for arrangementet, der Aspøy og Straumsnes var arrangørlaget. Blant seniorane var Sunnmørsskyttarane godt markerte. Ivar Fivelstad (Sunnylven) trakk det lengste strået i finala og vant klasse 3-5 med 42/4 treff, to innartreff meir enn Trine Ramsvik Stette (E/S) som tok 2.plassen. Tredje plassen blei delt mellom Karl Tore Gjengstø (Aalesund) og Jakob Nørbech frå arrangørlaget, begge med 41/7. Wilfried Kruger (Sykkylven) tok 2.plassen i klasse V65 med 42/8 treff og Harald Reiten tok 3.plassen også i dette meisterskapet i klasse V73 med sine 41/7 treff. I klasse eldre rekrutt var spenninga høg når Martine Sve og Isak Frøysadal Hauge skulle inn i omskyting mot Liv Marit Sætre frå Tresfjord og Mathias Bakk frå Årvågsfjord etter at alle fire hadde gjort 42/11 i finala. Martine gjekk seirande ut og tok då sigaren i klassa mens Isak haldt seg til ein fin 3.plass. Robin Lade Lie og Sunniva Høybakk skaut også sterkt i finala og delte 5.plassen bak desse fire med 42/10. Nora Sæterøy Høybakk tok revansj frå miniatyren og stakk av med sigaren i klasse rekrutt etter ei sterk finale også ho med 42/10. Teodor Klokset Lilleng kapra her 3.plassen med sine 42/6 treff bak Vegard Fjærli frå Bæverdalen med 42/8 treff. Landsdelskretsstemne bane

5 Sunnmør skulle i år stå for LDKS i baneskyting, og denne gongen med Sykkylven skyttarlag som arrangør. Arrangementet såg ut til å gå heilt knirkefritt fram til finaledagen der det var store problem med tåke som øydelag mykje av sikten. Det resulterte i at alle samlagsskytingar og alle finalar utanom klasse 3-5 si blei gjennomført. Juryen for stemnet bestemte så at dei innleiande skytingane til 3-5 skulle telje som endt meisterskap. Etter den avklaringa så kunne Ivar Fivelstad juble for å ha blitt landsdelskretsmeistar i både felt og bane. Han var åleine på skive 1 med 246p og stakk då av med sigaren. Trine Ramsvik Stette tok tredje plassen rangert først av dei med 244p. Dag Andre Hauge fekk 5.plassen han også med 244p. Synnøve Berget (Aalesund) tok ein knusande sigar i klasse 2 med 337 poeng, fem poeng framfor nr 2. Daniel Blindheim (E/S) vann den nye klassa eldre junior med 232 poeng. Heimebanefavorittane Andreas Riksheim Oldeide og Bjørnar Rasmussen Aurdal i klasse junior tok hhv 1. og 2.plass med poengsummane 350 og 349 poeng. I klasse eldre rekrutt var det denne gong Ola-Johan Dybvik som klinka til med 350p og sigar i klasse eldre rekrutt framfor Erling Waag frå Surnadal, Robin Lade Lie og Martine Sve alle tre med 349p. Langevågsskyttaren Nora Sæterøy Høybakk visar god form og vinn klasse rekrutt med fem poeng meir enn 2.plassen Andreas Valde som oppnår 342 poeng. Samlagsmeisterskapet 15m Stranda skyttarlag stod for samlagsstemnet i år, med ei beskjeden deltaking på ikkje meir enn 71 skyttarar. Det er 33 færre deltakarar enn i fjor. Dei klassevise meistarane i år blei: Klasse 3-5 Trine Ramsvik Stette (E/S), 347p Klasse 2 Rikard Reiten (Hildre og Brattvåg), 340p Klasse 1 Kristian Myskja (Hildre og Brattvåg), 242p Klasse V55 Lars Slyngstad (E/S), 338p Klasse V65 Oddmund Nilsen (Langevåg), 345p Klasse V73 Harald Reiten (Aalesund), 348p Klasse Junior Bjørnar Rasmussen Aurdal (Sykkylven), 347p Klasse Eldre rekrutt Martine Sve (Stranda), 350p Klasse Rekrutt Nora Sæterøy Høybakk (Langevåg), 349p Klasse AG3 Tom Olav Moldskred (HV), 232p Samlagsmeisterskapet felt I år blei samlagsstemne i feltskyting arrangert i Engesetdalen av Engesetdal/Skodje skyttarlag. Det deltok 64 skyttarar i dette meisterskapet.

6 Dei klassevise meistarane i år blei: Klasse 3-5 Kjell Oddvar Frøysa (Sunnylven), 41/8 Klasse 2 Rikard Reiten (Hildre og Brattvåg), 29/3 Klasse 1 Tommy Kalvø (E/S), 27/11 Klasse V55 Lars Slyngstad (E/S), 37/6 Klasse V65 Reidulf Hjellen (Aalesund), 42/8 Klasse V73 Harald Reiten (Aalesund), 41/12 Klasse Eldre Junior Daniel Blindheim (E/S), 35/3 Klasse Junior Bjørnar Rasmussen Aurdal (Sykkylven), 42/11 Klasse Eldre Rekrutt Ola-Johan Dybvik (Langevåg), 42/10 Klasse Rekrutt Andreas Valde (E/S), 42/7 Klasse AG3 Tom Olav Moldskred (HV), 15/1 Samlagsmeisterskapet bane Skytinga under samlagsstemne i baneskyting skjedde i Hyttehola på Hellesylt med Sunnylven skyttarlag som arrangørlag. Også her i dette meisterskapet var det stusseleg deltaking med forsiktige 61 deltakarar. Dei klassevise meistarane i år blei: Klasse 3-5 Ola Vangen (Sunnylven), 344p Klasse 2 Rikard Reiten (Hildre og Brattvåg), 337p Klasse 1 Kirsti Frøysadal Hauge (Sunnylven) 242p Klasse V55 Ottar Hauge (Ørskog), 330p Klasse V65 Oddmund Nilsen (Langevåg), 349p Klasse V73 Noralf Giske (E/S), 349p Klasse Junior Bjørnar Rasmussen Aurdal (Sykkylven), 350p Klasse Eldre Rekrutt Ola-Johan Dybvik (Langevåg), 350p Klasse Rekrutt Nora Sæterøy Høybakk (Langevåg) 344p Klasse AG3 Tom Olav Moldskred (HV), 231p Felthurtig Trine Ramsvik Stette (Engestedal/Skodje), 13,08sek Stang Lars Høybakk (Langevåg), 22 treff Beste over 55 år Finn Atle Oldeide (Sykkylven), 337p Sykkylven vant lagskytinga for ungdom, i veteran var det Aalesund som vant og på 200m var det Engesetdal/Skodje som vant seniorane si lagskyting. Organisasjonsmedaljen I år blei det prøvd ut noko nytt der skytinga om organisasjonsmedaljen blei haldt for seg sjølv og ikkje under samlagsstemnet i baneskyting. Det blei arrangert to skytingar for å prøve å få med flest mogleg. Første skytinga var på bana til Engesetdal/Skodje mens andre skytinga var

7 i Sykkylven. Det var totalt 10 skyttarar som skaut skytinga der Monica Sæterøy blei beste skyttar med 294 poeng. Gylt medalje gjekk til Kåre Henriksen frå Engesetdal/Skodje. Serieskyting bane Totalt 13 lag deltok i årets serieskyting. Fordelt utover så var det seks lag blant ungdommane, fire i senior og tre i veteran. Vinnarlaga blei: Ungdom: Sykkylven 1 Senior: Engesetdal/Skodje Veteran: Engesetdal/Skodje Miniatyrcupfinala Miniatyrcupfinalane i år blei arrangert av laga Ørskog, Stranda, Langevåg og Sunnylven. Desse blei klassevinnarar: Rekrutt: Nora Sæterøy Høybakk (Langevåg) Eldre Rekrutt: Ola-Johan Dybvik (Langevåg) Junior: Andreas Riksheim Oldeide (Sykkylven) Nybegynnar vaksen: Gert Are Hildrestrand (Hildre og Brattvåg) Klasse 1: Diogo Valente (Aureosen) Klasse 2: Rikard Reiten (Hildre og Brattvåg) Klasse V55: Øystein Solbakken (Vestnes) Klasse V65: Anton Jon Aarskog (Sundnes) Klasse V73: Harald Reiten (Aalesund) Klasse 3-5: Trine Ramsvik Stette (Engesetdal/Skodje) Fylkescupen I år gjekk fylkescupen ut. Økonomi Sjå vedlagt rekneskap. Inspeksjon av skytebaner Det er mykje slurv når det er snakk om inspeksjonar av skytebaner. Dette bør gjerast for å oppretthalde sikkerheita blant skytebanene i samlaget. I langtidsplanen frå DFS sentralt så er 2019 satt av spesielt til skytebane anlegg og banekontaktar. Dette må styret sette meir fokus på i året som kjem. Kurs og samlingar

8 I år er det arrangert eit kurs av samlaget. Dei siste åra har det vore etterspørsel til å få MegaLink opp til samlaget for å halde kurs, derfor valte styret i år å prøve å få Kongsberg Target System opp frå Kongsberg for å halde kurs. Dette var stor suksess med god deltaking både frå eige samlag og nabosamlag. I tillegg har ungdomsgruppa hatt ei ungdomssamling med ungdommane slik dei gjer kvart år. Ungdomsutvalet Sjå eiga årsmelding frå ungdomsgruppa Styret ser fram mot 2019 med opne auge. Styret får stadig tilbakemelding om ting som må jobbast med og som bør bli tatt opp. Dette er bra. Samlagsstyret skal jobbe for skyttarlaga og for å kunne klare det så må skyttarlaga og skyttarane snakke til styret. Elles så vil styret fortsette å jobbe med standardsakene i samlaget og fokusere på å få saker og arrangement til å gå mest mogleg smertefritt. Minneord I haust fekk vi ei trist melding frå Sunnylven om at Knut Frøysa var gått bort. Knut har, i fleire tiår, vore ein av få som har jobba hardt får å profilere sporten vår i media. Han har vore samlaget si kontakt opp mot Sunnmørsposten for å få skyteresultat og andre skyterelaterte artiklar inn i avisa. Han har dekt lokale stemne og meisterskap og også meisterskap i landsdelskrets, landsdel og nasjonalt. Styret Ola Vangen Ola Kåre Dybvik Kjell Oddvar Frøysa Helge Hollund Surdal Rolv Arne Ljøen Bjørn Egil Larsen