ALKOHOLPOLITISKE RETNINGSLINER FOR SUND KOMMUNE. Vedteke av Sund kommunestyre og saksnr. 075/16.

Transkript

1 SUND KOMMUNE Dok.dato: Vår Ref: 16/ Arkiv: ALKOHOLPOLITISKE RETNINGSLINER FOR SUND KOMMUNE Vedteke av Sund kommunestyre og saksnr. 075/16. Innhald 1. Målsetjing Definisjonar Alkoholgrupper Slutta selskap Ambulerande skjenkeløyve (AL 4-5) Skjenkeløyve for eit einskild høve (AL ledd) Daglegvarer Generelle reglar Behandling av søknader om faste sals- og skjenkeløyve Krav til søknaden Kontroll av opplysningar Uttale frå andre instansar Vilkår som må oppfyllast før løyvedokumentet vert utskrive Salsløyve for alkohol gr. 1 (øl /rusbrus) Sal i daglegvarebutikkar Skjerming Tidsavgrensing Vilkår for salsløyve opplæring Unntak Skjenkeløyve for alkohol gr. 1, 2 og 3 (øl, vin og brennevin) Allment skjenkeløyve Utandørs skjenking Skjenkeløyve for båtar/skip... 7 Side 1 av 15

2 6.4 Kantiner/kafeteriaer på arbeidsplassar Ambulerande skjenkeløyve Tidsavgrensa skjenking einskilde arrangement Skjenketid Krav til permanente skjenkestader Eigarane Vandel Vilkår om obligatorisk opplæring Fellesareal i kjøpesenter Speleautomatar Retningsliner for tildeling av ambulerande skjenkeløyve Kontroll og styring Kontrollar Samarbeid med politiet Kontroll av skjenkestader med faste løyver Kontroll ambulerande løyve/ ein enkelt anledning Kontroll av utsalsstader Brot på alkohollova og dei alkoholpolitiske retningslinene Tildeling av prikkar Kommunen sin reaksjon ved prikktildeling Delegasjon av mynde Kommunestyret Delegert avgjerdsmynde Løyveperiode og fornying Bruk av unntaksregelen Alkoholservering i særskilde bygg/institusjonar Skular og barnehagar Sundhallen Institusjonar Etablering av vinmonopol i Sund kommune Endring i retningslinene Side 2 av 15

3 1. MÅLSETJING Sund kommune sin alkoholpolitikk i perioden skal byggja på alkohollova sitt føremål slik dette er nedfelt i lova sin føremålsparagraf AL 1-1: «Reguleringen av innførsel og omsetning av alkoholholdig drikk etter denne lov har som mål i størst mulig utstrekning å begrense de samfunnsmessige og individuelle skader som alkoholbruk kan innebære. Som et ledd i dette sikter loven på å begrense forbruket av alkoholholdige drikkevarer.» Alkoholpolitikken i kommunen skal inngå som ein del av kommunen sin heilskapelege rusmiddelpolitiske handlingsplan. I denne planen har kommunen som mål å føre ein ansvarleg alkoholpolitikk. Korleis kommune utformar sine alkoholpolitiske retningsliner har innverknad på om ein når måla. Retningslinene er difor eit viktig verkemiddel. Andre tiltak skissert i den rusmiddelpolitiske planen knytt til desse måla: Vidareføre og formalisere samarbeid mellom kommunane i Region Vest og politiet Vidareføre samarbeid med Fylkesmannen om å tilby kurs til innehavarar av sals og skjenkeløyve, med supplerande informasjon om alkohollova Kommunen sin rus og alkoholpolitikk må sjåast i samanheng med folkehelse. Helsefremjande faktorar i kommunen er også førebyggjande i høve til ei eventuell uønska utvikling av folks alkohol og rusbruk. Som gjort greie for i kommunen sin ruspolitiske handlingsplan er det difor viktig at kommunen også prioriterer følgjande område: Auka satsing på generelt førebyggjande arbeid og nærmiljøtiltak Auka satsing på opplysningsverksemd og haldningsskapande arbeid, særleg blant barn, unge og foreldre Føra ein alkoholpolitikk som i størst mogleg grad hindrar ukontrollert alkoholomsetjing og alkoholbruk Oppfølging og behandling av rusmisbrukarar Gode ettervernstilbod 2. DEFINISJONAR 2.1 Alkoholgrupper Alkoholfri drikk: Drikk som inneheld under 0,7 volumprosent alkohol Alkoholsvak drikk: Drikk som inneheld mellom 0,7 og 2,5 volumprosent alkohol Alkoholhaldig drikk gr. 1: Drikk som inneheld over 2,5 og høgst 4,7 volumprosent alkohol (øl og rusbrus) Alkoholhaldig drikk gr. 2: Drikk som inneheld over 4,7 og mindre enn 22 volumprosent alkohol (vin) Alkoholhaldig drikk gr. 3: Drikk som inneheld mellom 22 og 60 volumprosent alkohol (brennevin) Side 3 av 15

4 2.2 Slutta selskap Med slutta selskap meiner vi at det allereie og før skjenkinga tek til, er danna ein slutta krins av inviterte personar som samlast for eit bestemt føremål i eit bestemt lokale på skjenkestaden, t.d. bryllaup, jubileum og liknande. Arrangementet må ikkje vera ope for utanforståande. Det er ikkje nok at ein før skjenkinga tek til, skriv seg på ei liste eller kjøper billett. Lag og organisasjonar med avgrensa medlemsskap vert i seg sjølv ikkje rekna som slutta selskap 2.3 Ambulerande skjenkeløyve (AL 4-5) Eit skjenkeløyve som vert gitt for eit enkelt arrangement for skjenking til deltakarar i slutta selskap. 2.4 Skjenkeløyve for eit einskild høve (AL ledd) Eit skjenkeløyve som vert knytt til eit bestemt arrangement ope for allmenta, t.d. konsertar, messer, dansetilstellingar o.l. 2.5 Daglegvarer Daglegvarer vert rekna matvarer og andre nærings- og nytingsmidlar, dyremat, vaske og reingjeringsmidlar, toalettartiklar, hushaldsvarer av papir, plast, bone-, reinse- og pussemidlar. Butikken må ha eit matvaretilbod som er klart breiare enn tradisjonelle kioskar. Det er omsetninga av vareslag som er avgjerande for om staden kan reknast som ein daglegvarebutikk, eller om det er ein kiosk. Vareutvalet i hyllene er ikkje nok. Vareutval retta mot spesielle forbrukargrupper vert rekna som tilstrekkeleg når det dekker alminneleg daglegvarebehov for desse gruppene. 3. GENERELLE REGLAR Dei som søkjer løyve skal ha skriftleg informasjon om retningsliner /forskrifter som gjeld for sals- og skjenkjeløyve Kommunen skal gje råd og rettleiing til løyvehavarane slik at omsetjing av alkohol kan skje i samsvar med regelverket, og på ein slik måte at alkoholpolitiske og sosiale omsyn vert ivaretekne på ein best mogleg måte Side 4 av 15

5 4. BEHANDLING AV SØKNADER OM FASTE SALS- OG SKJENKELØYVE 4.1 Krav til søknaden Søknad om sals- og skjenkeløyve skal innehalde følgjande opplysningar: Namn og adresse på den for hvis regning virksomheten drives, dvs. den som er økonomisk ansvarleg for drift av verksemda. Dersom verksemda skal drivast av ein juridisk person, skal det også følgja opplysningar om organisasjons nr. og eigarsamansetning Type verksemd, driftskonsept Stadfesting, adresse, på den staden verksemda skal drivast Namn og adresse på styrar og avløysar for styrar med opplysningar om deira tilknyting til verksemda Dokumentasjon av leigetilhøve/eigartilhøve for lokala der verksemda skal drivast Firmaattest for alle selskap som er involvert i verksemda. Attestane skal ikkje vera eldre enn to månader Skatte- og avgiftsattestar for den for hvis regning virksomheten drives og for den personkrets som er opprekna i alkoholloven 1-7b. Attestane skal ikkje vera eldre enn to månader Godkjente internkontrollrutinar etter alkohollova sine forskrifter kap. 8. Kommunen er godkjenningsinstans. Dersom søknaden gjeld skjenking i ei verksemd som allereie har serveringsløyve, skal serveringsløyvet leggjast ved søknaden. Båtar og skip som søkjer om skjenkeløyve skal leggja ved kopi av godkjenning frå skipskontrollen, passasjersertifikat og sikkerheitssertifikat. Teikningar der skjenke-/salsarealet er tydeleg avmerka. 4.2 Kontroll av opplysningar Kommunen kan kontrollera opplysningane i søknaden ved oppslag i Brønnøysundregistrene og ved å innhente opplysningar frå andre etatar etter behov. Søkjar må dokumentera at internkontroll er oppretta i bedrifta. 4.3 Uttale frå andre instansar Søknader om løyve skal føreleggjast sosialtenesta i NAV og politiet. Søknader om endringar i eksisterande løyve skal føreleggjast politiet. Uttale frå andre instansar t.d. skatteetat og arbeidstilsyn kan innhentast etter behov. 4.4 Vilkår som må oppfyllast før løyvedokumentet vert utskrive Etter at vedtak om å tildela løyve er gjort, må løyvehavar dokumentera følgjande før løyvedokumentet vert utskrive: Bruksløyve som viser at lokalet er godkjent for serverings/skjenkeverksemd Dokumentasjon på at verksemda er registrert i meirverdiavgiftsmanntalet Dokumentasjon på at styrar og avløysar har greidd kunnskapsprøven etter alkohollova 1-7c, 3. ledd Side 5 av 15

6 Innbetalt løyvegebyr for inneverande år Dokumentasjon på at verksemda har serveringsløyve Godkjende internkontrollrutinar etter alkoholforskrifta kap. 8 Kopi av melding om oppstart av verksemd som er sendt til Mattilsynet, kvittering på at skjemaet er send inn skal leggjast ved Stadfesting frå AA-registeret på at arbeidsforholdregistrering Dokumentasjon på at alle tilsette har lovlege arbeidskontraktar Dokumentasjon på at det er teikna yrkesskadeforsikring for alle tilsette 5. SALSLØYVE FOR ALKOHOL GR. 1 (ØL /RUSBRUS) 5.1 Sal i daglegvarebutikkar Det kan seljast alkohol i gr. 1 i daglegvarebutikkane i Sund. Salsløyve vert gjeve i samsvar med alkohollova 3-1, 2. ledd og Skjerming Løyvehavar skal gjennom praktiske tiltak i salslokala, skjerme barn og unge i størst mogeleg grad mot lettvint tilgang på alkoholvarer Tidsavgrensing Sal og utlevering av alkoholhaldig drikk i gr. 1 kan skje frå kl. 07:00 til kl. 20:00 på kvardagar og til kl. 18:00 på dagar før sun- og helgedagar, med unntak av dagen før Kristi Himmelfartsdag. Sal og utlevering av alkoholhaldig drikk kan ikkje skje på stemmedagar for stortingsval, fylkestingval, kommunestyreval og folkeavstemming vedteke ved lov. 5.4 Vilkår for salsløyve opplæring Kommunen si opplæring om regelverket i alkohollova og tilhøyrande forskrifter er obligatorisk. Kommunen avgjer kva type opplæring som skal haldast, opplæringsfrekvens og kven opplæringa er retta mot. 5.5 Unntak I spesielle tilhøve kan kommunestyret gjere unntak frå retningslinene dersom det er føremålstenleg ut i frå ein heilskapleg vurdering 6. SKJENKELØYVE FOR ALKOHOL GR. 1, 2 OG 3 (ØL, VIN OG BRENNEVIN) 6.1 Allment skjenkeløyve Sund kommune kan gje allment skjenkeløyve for alkohol gr. 1, 2, og 3 til følgjande serveringsstader: Hotell m/restaurant og selskapslokale Kafé/restaurant m/kjøkken Side 6 av 15

7 6.2 Utandørs skjenking Løyve til utandørs skjenking kan gjevast til serveringsstader med alminneleg skjenkeløyve og gjeld skjenking av alle alkoholgrupper. Der tilhøva ligg til rette for det, kan det utover dette gjevast løyve til utandørs skjenking i samband med konsertar, musikkfestivalar, kulturarrangement og liknande. Skjenking utandørs skal skje på ein måte som ikkje forstyrrar naboskapet. Skjenkeområdet skal vera tydeleg fysisk avgrensa og avskjerma, slik at det har like god inngangs-, alders-, og sosialkontroll som for innandørs skjenking. Kommunen skal godkjenne avgrensinga før arealet kan takast i bruk. Brann- og bygningsstyresmaktene skal ha godkjent området og sett ei øvre grense for tal sitjeplassar. Politiet skal ha høve til å uttale seg om søknaden. 6.3 Skjenkeløyve for båtar/skip Det kan gjevast allment skjenkeløyve for øl og vin til båtar og skip som driv turverksemd i nære fjordområde for turistar og slutta selskap Løyvet gjev berre rett til å skjenka til passasjerar om bord Dersom båten legg til lands undervegs, kan det ikkje skjenkast til andre enn dei som følgjer båten Ved endestasjonane må det i det ikkje skjenkast alkohol Krav om matservering gjeld ikkje for skjenkeløyve etter dette punktet 6.4 Kantiner/kafeteriaer på arbeidsplassar Kantiner/kafeteriaer på arbeidsplassar kan ikkje få fast skjenkeløyve, med mindre det blir nytta som selskapslokale etter ordinær arbeidstid (t.d. når lokalet vert leigt eller lånt ut til privatperson for eit enkelt bestemt høve til slutta selskap). 6.5 Ambulerande skjenkeløyve Det kan søkjast om ambulerande skjenkeløyve for øl, vin og brennevin til slutta selskap jf. AL 4-5 samt jf. kapittel 8 i retningslinene. 6.6 Tidsavgrensa skjenking einskilde arrangement Når tilhøva ligg til rette for det, kan det gjevast løyve til skjenking av alkoholhaldig drikk, for eit bestemt høve, eller ein bestemt del av året på ein stad som kan godkjennast for skjenking, jf. AL 1-6, 2. ledd. Side 7 av 15

8 Skjenkeløyve kan tildelast både innandørs og utandørs arrangement. For løyve gjeve til eit innandørs arrangement vert det som hovudregel ikkje utvida til også å gjelde utandørs. OPNE ARRANGEMENT Eingongsarrangement som er kunngjort opne for ein vidare krins av personar, utan krav om at arrangøren har fullstendig oversikt over deltakarane kan få skjenkeløyve for alkohol gr. 1, 2 og 3 (øl, vin og brennevin). Det kan ikkje gjevast skjenkeløyve til idrettsarrangement eller tilskipingar som har barn og unge som målgruppe. SPESIELLE ARRANGEMENT Arrangement som messer, lokale festivalar, stemne mv., og som oppfyller alle vilkåra for skjenking, kan få alminneleg skjenkeløyve for alkoholgruppe 1, 2 og 3 (øl, vin og brennevin) så lenge arrangementet varer. VILKÅR FOR TILDELING AV LØYVE Kan berre tildelast til personar over 20 år eller til ein juridisk person med ansvarshavande på minst 20 år Krav frå politi og brannvesen er innfridd Tilpassa internkontrollrutinar etter alkohollova Vakthald og skjenkepersonale det vert stilt krav om at vakter skal vere minst 20 år og vere rusfrie heile arrangementet, for skjenkepersonalet gjeld 18 års aldersgrense og rusfri heile arrangementet 6.7 Skjenketid Skjenketid alkoholgruppe 1 og 2 (øl og vin): kl Skjenketid alkohol grp. 3 (brennevin): kl I særlege høve kan skjenketida utvidast til kl for øl, vin og brennevin. 7. KRAV TIL PERMANENTE SKJENKESTADER Skjenkeløyve for alkoholhaldige drikk gruppe 1 3 kan tildelast: serveringsstadar, skjenkestadar med liten eller ingen matservering, hotell og selskapslokale Ved tildeling av skjenkeløyve skal det leggjast vekt på følgjande tilhøve: 7.1 Eigarane Eigarane må ha seriøs bakgrunn og driva staden seriøst med eit solid økonomisk fundament. Side 8 av 15

9 7.2 Vandel Søkjarane må ha ein uklanderleg vandel og fylla krava som alkoholloven og kommunen sine retningsliner set til løyvehavar og andre personar i verksemda. 7.3 Vilkår om obligatorisk opplæring Kommunen si opplæring om regelverket i alkohollova og tilhøyrande forskrifter er obligatorisk. Kommunen avgjer kva type opplæring som skal haldast, opplæringsfrekvens og kven opplæringa er retta mot. 7.4 Fellesareal i kjøpesenter Serveringsstader som har serveringsområde på fellesareal i kjøpesenter, kan ikkje få skjenkeløyve på dette arealet. 7.5 Speleautomatar På skjenkestader kan ikkje tillatast noko form for pengespel i lokalet eller i tilknyting til lokalet. 8. RETNINGSLINER FOR TILDELING AV AMBULERANDE SKJENKELØYVE Skjenking i medhald av ambulerande løyve kan berre skje til deltakarar i slutta selskap som vert halde i private eller offentlege lokale Ambulerande skjenkeløyve for alkohol gr. 1, 2 og 3 (øl, vin og brennevin) kan gjevast til person over 20 år, eller til ein juridisk person, som det er grunn til å tru ikkje vil misbruka løyvet Det kan berre gjevast ambulerande skjenkeløyve til fysisk eller juridisk person som frå før ikkje har skjenkeløyve for den alkoholtypen som skal skjenkast Ambulerande skjenkeløyve for alkohol gr. 3 (brennevin) kan berre gjevast dersom det også er/vert gjeve skjenkeløyve for alkohol gr. 1 og 2 (øl og vin) Skjenketid alkoholgruppe 1 og 2: kl Skjenketid alkoholgruppe 3: kl Søknad og vedtak om ambulerande skjenkeløyve skal vera skriftlege Avslag på søknad om ambulerande skjenkeløyve skal vera skriftleg og grunngjeve i samsvar med reglane i forvaltningslova Eit vedtak om ambulerande skjenkeløyve kan påklagast til Forvaltningsstyret, klagenemda har ikkje oppsetjande verknad (klageinstans er Fylkesmannen) Løyvegebyr vert sett etter dei til ei kvar tid gjeldande satsar i alkoholforskriftene (jf. Side 9 av 15

10 6-2 2.ledd) Det skal ikkje betalast eingongsgebyr for bruk av ambulerande skjenkeløyve for alkohol gr. 3 (brennevin), dersom løyvet er utstedt til person som frå før har skjenkeløyve for alkohol gr. 1 og 2 (øl og vin) Bruk av ambulerande skjenkeløyve skal kontrollerast etter vanlege kontrollrutinar Kontrollørane og Lensmannen skal ha melding om utskriving av løyve 9. KONTROLL OG STYRING 9.1 Kontrollar Sund kommune har ansvaret for kontroll med utøving av sals- og skjenkeløyve, jf. Alkoholforskrifta kap. 9. Kontrollen skal utførast av kontrollør/-ar godkjende av Sund kommune, i samsvar med avtale i høve dette med Fjell kommune. Sals- og skjenkestader med løyve skal kontrollerast så ofte det er behov. Kvar stad skal kontrollerast minst ein gong årleg. Det skal utførast minst tre gonger så mange kontrollar som det er sals- og skjenkestader jf. alkoholforskrifta 9-7. Kontrollrapportane går som melding til forvaltningsstyret. 9.2 Samarbeid med politiet Kommunen skal samarbeide med politiet for å sjå om det er problem i høve utøving av sals og skjenkeløyve. Dersom det vert avdekka særlege utfordingar og problem, skal kontrollen intensiverast på den gjeldande staden. 9.3 Kontroll av skjenkestader med faste løyver Kontroll av skjenkestader skal utførast av to personar. Kontrollane skal varierast. Serveringsstadar med lav alkoholomsetning kan få både open og anonym kontroll. Stader med høg alkoholomsetning, 18 års aldersgrense, med sein opningstid og maksimal skjenketid, vil i hovudsak få anonyme kontrollar. Sistnemnde skal også ha intensiverte kontrollar. Kontrollane kan skje på alle vekedagar, men med hovudvekt på fredagar og laurdagar. Kontroll av skjenkestader skal m.a. omfatta: Skjenking til synleg rusa person Aldersgrensereglementet for gjester og skjenkepersonalet Skjenketid/opningstid Kontroll av alkohollova sine føresegnar om internkontroll Eventuelt forbod mot skjenking Side 10 av 15

11 Skjenking utover omfanget av løyvet Skjenkestaden si plikt til å føre alkoholsvak og alkoholfri drikke Tilhøvet mellom talet på personell og gjester i høve til skjenkestaden/lokalet Om skjenkestaden held reklameforbodet Generell orden i lokalet med m.a. omsyn til branntryggleik Det skal utførast dialogbaserte kontrollar. Kontrollørane skal i tillegg til å utføre ordiner kontroll, også ha god dialog med løyvehavar for å rette opp i forhold på staden. Dialogen skal bidra til førebygging av brot på regelverket. 9.4 Kontroll ambulerande løyve/ ein enkelt anledning Det skal på årsbasis førast kontroll med minst 20% av dei innvilga ambulerande skjenkeløyvene og skjenkeløyve for ein enkelt anledning. Desse kontrollane skal også vere dialogbaserte og omfatte same tema som kontroll på stader med fast løyve. Dialogen skal redusere faren for brot på regelverket ved tilsvarande arrangement med same arrangør/ ansvarshavande. 9.5 Kontroll av utsalsstader Kontrollar av utsalsstader skal som utgangspunkt føretakast av ein kontrollør. Dersom det oppstår spesielle forhold, kan kontrollen utførast av to kontrollørar. Det skal særskild fokuserast på kontrollar i område nær skular og andre stader der ungdom ferdast. Kontroll av utsalsstader skal m.a. omfatte: Sal til synleg rusa personar Aldersgrensereglementet for kundar som kjøper alkohol og for personalet som sel alkohol Sal utover løyvet sitt omfang som til dømes salstidene Om reklameforbodet vert halde Brot på alkohollova sine reglar om internkontroll 10. BROT PÅ ALKOHOLLOVA OG DEI ALKOHOLPOLITISKE RETNINGSLINENE Frå 1 januar 2016 er det innført nasjonale sanksjonsreglar for brot på alkohollova jf. 1-8 og i alkoholforskrifta. Endringane inneber at kommunen no er forplikta til å gje sals og skjenkestader eit bestemt antal prikkar ved brot på lova. Konsekvensane av brot vil vere tydelege og føreseielege, og kan vere til hjelp for løyvehavarane når dei skal utarbeide rutinar og internkontroll for si verksemd. Tildeling av prikkar skal vere enkeltvedtak etter forvaltningslova 2. Det skal tildelast prikkar etter eit fast system. Systemet gjer klare reglar for lengda og tidspunkt for inndraging av løyve. Sakshandsamingsreglane er like for alle kommunar. I samband med slike vedtak skal løyvehavarane verte orientert om moglege konsekvensar av eventuelt tildeling av fleire prikkar. Side 11 av 15

12 Der det er grunnlag for prikktildeling, skal kommunen sende ut førehandsvarsel om tildeling av prikkar jf. forvaltningslova Tildeling av prikkar Alkoholforskrifta 10-1 har reglar for tildeling av prikkar. Her følgjer ei oversikt over talet på prikkar i høve til type brot: ÅTTE PRIKKAR Sal, utlevering eller skjenking til personar som er under 18 år Brot på bistandsplikta Brot på kravet om forsvarleg drift Hindring av kommunal kontroll FIRE PRIKKAR Sal og utlevering til personar som er openbert påverka av rusmidlar Skjenking til person som er eller må antakast å bli openbert påverka av rusmildar Brot på sals-, utleverings- og skjenketidsføresegnene Skjenking av alkoholhaldig drikk gruppe 3 til personar på 18 eller 19 år Brot på alderskravet til den som sel, utleverer eller skjenkar alkoholhaldig drikk TO PRIKKAR Det vert gjeve tilgang til lokalet til person som er openbert påverka av rusmidlar, eller løyvehavar sørgjer ikkje for at person som er openbert påverka av rusmidlar forlet staden Manglar ved løyvehavar sin internkontroll Manglande levering av omsetningsopggåve innan for kommunen sin frist Manglande betaling av løyvegebyr innan kommunen sin frist Brot på krav om styrar og avløysar Gjentatt narkotika omsetning på skjenkestaden Gjentatt diskriminering EIN PRIKK Brot på krav om alkoholfrie alternativ Brot på reglar om skjenkemengde Konsum av medbrakt alkoholhaldig drikk Gjester tek med alkohol ut av lokalet Brot på krav om plassering av alkoholhaldig drikk på salsstaden Brot på vilkår i vedtaket Brot på reklameforbodet Andre brot som vert omfatta av alkohollova 10.2 Kommunen sin reaksjon ved prikktildeling Kommunen føl alkohollova og alkoholforskrifta sine føresegner i høve til brot og sanksjonar. Her følgjer nokon av saksjonane: Dersom løyvehavaren i løpet av ein periode på to år er tildelt tilsaman 12 prikkar skal kommunestyret inndra løyvet for eit tidsrom på ei veke Side 12 av 15

13 Dersom det i løpet av perioden på to år vert tildelt fleire enn 12 prikkar skal kommunestyret auke lengda på inndraginga tilsvarande Dersom det føreligg svært skjerpande eller svært formildande omstende jf. alkohollova 10-4, kan kommunen tildele fleire eller færre prikkar for eit brot, enn det som følgjer av alkoholforskrifta I alkoholforskrifta er det lagt til grunn at desse omstende skjeldan oppstår. Reglane er meint å fungere som ein «tryggleiksventil» for å fange brot som avviker frå «normaltilfella» 11. DELEGASJON AV MYNDE 11.1 Kommunestyret Kommunestyret tek avgjerd i saker som gjeld: Tildeling av faste sals- og skjenkeløyve, herunder skjenkeløyve til båt/skip Fastsetjing av sals- og skjenketider for faste løyve Inndraging av sals og skjenkeløyve 11.2 Delegert avgjerdsmynde Kommunestyret delegerer avgjerdsmynde elles så langt Alkohollova/kommunelova tillet. Delegerte oppgåver: Rådmannen tek avgjerd om tildeling av løyve for en enkelt anledning etter ledd Rådmannen tek avgjerd om tildeling av ambulerande skjenkeløyve Rådmannen tek avgjerd i søknad om å utvida skjenkelokalet for løyve gjeve for eit einskild høve (opne arrangement) Rådmannen fastset årleg løyvegebyr for sals- og skjenkeløyve i samsvar med satsar fastsett av Sosial- og helsedirektoratet Rådmannen godkjenner skifte av styrar og avløysar for sals- og skjenkeløyve Rådmannen godkjenner internkontrollrutinar etter alkoholforskrifta kap. 8. Rådmannen får delegert mynde til å tildele prikkar etter alkoholforskriftene kap. 10 Rådmannen får delegert mynde til å godkjenne utviding og justering av skjenke- og salslokale, som ikkje utløyser krav om nytt løyve 12. LØYVEPERIODE OG FORNYING Kommunalt løyve kan gjevast for periodar på inntil 4 år med slutt seinast 30. september året etter at nytt kommunestyre har teke til, jfr. AL og 2. ledd. Kommunen kan vedta at sals- og skjenkeløyva likevel ikkje skal opphøyre, men gjelde vidare for ein ny periode på inntil 4 år, og med opphøyr seinast 30. september året etter at nytt kommunestyre tiltrer. Føresetnaden for at kommunen skal kunne nytte seg av unntaksregelen er at alkoholpolitikken er gjennomgått for den neste 4 års perioden Bruk av unntaksregelen Salsløyve unntaksregelen kan nyttast dersom Side 13 av 15

14 Salsstaden ikkje er tildelt prikkar etter kontroll i gjeldande løyve periode. Dersom det er tildelt inntil 4 prikkar i kategori 3 og 4 (mindre alvorleg brot) i same periode, kan likevel unntaksregelen nyttast Det ikkje er andre særskilte forhold ved salstaden som gjer at ordinær søknadsrunde bør gjennomførast Skjenkeløyve Unntaksregelen kan nyttast dersom Skjenkeløyve er innvilga med mindre enn eit år i gjen av gjeldande løyveperiode, under føresetnad av at det ikkje er tildelt prikkar ved kontroll. Dersom det er tildelt inntil 4 prikkar kategori 3 og 4 (mindre alvorleg brot) i same periode, kan unntaksregelen likevel nyttast. Det må heller ikkje vere andre forhold ved staden som gjer at ordinær søknadsrunde bør gjennomførast Skjenkestaden inngår i ein kjede, så fremt det ikkje er tildelt prikkar etter kontroll i gjeldande løyveperiode. Dersom det er tildelt inntil 4 prikkar i kategori 3 og 4 (mindre alvorleg) i same periode, kan unntaksregelen likevel nyttast. Det må heller ikkje vere andre forhold ved staden som gjer at ordinær søknadsrunde bør gjennomførast. Skjenkestaden er eit hotell, så fremt det ikkje er tildelt prikkar etter kontroll i gjeldande løyveperiode. Dersom det er tildelt inntil 4 prikkar i kategori 3 og 4 (mindre alvorleg) i same periode, kan unntaksregelen likevel nyttast. Det må heller ikkje vere andre forhold ved staden som gjer at ordinær søknadsrunde bør gjennomførast 13. ALKOHOLSERVERING I SÆRSKILDE BYGG/INSTITUSJONAR 13.1 Skular og barnehagar Det er ikkje tillate med alkoholservering/skjenking i kommunen sine skular og barnehagar, med følgjande unntak: Det kan i særlege høve gjevast løyve til alkoholservering i kombinerte anlegg skule/grendahus når anlegget vert nytta til arrangement utanom skuletida og elles innanfor ramma av dei reglar som er gjevne i andre aktuelle lover Sundhallen Det kan gjevast alminneleg løyve til alkoholservering/-skjenking i Sundhallen ved arrangement der målgruppa er vaksne Institusjonar Det kan gjevast alminneleg skjenkeløyve til institusjonar dersom staden har eit tilbod om middagsservering alle dagar det vert halde ope. Staden må ha ei målgruppe og ein profil som er retta inn mot dei som bur i institusjonen eller i nærliggjande servicebustader. Side 14 av 15

15 14. ETABLERING AV VINMONOPOL I SUND KOMMUNE Kommunestyret vil stilla seg positiv til ev. etablering av vinmonopolutsal i Sund kommune. 15. ENDRING I RETNINGSLINENE Kommunestyret kan gjera endringar i retningslinene i løyveperioden Vedtekne av Sund kommunestyre. Side 15 av 15