VEDTEKTER FOR BARNEHAGEN I SANDØY KOMMUNE

VEDTEKTER FOR BARNEHAGEN I SANDØY KOMMUNE VEDTEKTER FOR BARNEHAGANE I SANDØY Vedtektene er utarbeidd i samsvar med Lov om barnehagar av 17. juni 2005 med siste endring Lov om barnehager 21.06.2013 1 EIGARTILHØVE. Sandøy kommune eig og driv barnehagen i Sandøy kommune, og skal sjå til at verksemda vert drive i samsvar med gjeldande lover og regelverk, samt vedtekter og kommunale vedtak. 2 LOKAL BARNEHAGEMYNDE I samsvar med 8, 10 og 16 i Barnehageloven med forskrifter er kommunen lokal barnehagemynde, og skal godkjenne barnehagen, samt rettleie og føre tilsyn med at barnehagen vert drive etter gjeldande lover, forskrifter, vedtekter og kommunale vedtak. 3 FØREMÅL. Barnehagen i Sandøy kommune skal drivast i samsvar med Lov om barnehagar med forskrifter, Rammeplan for barnehagen og Årsplan for kvar barnehage. 4 SAMARBEID MED HEIMEN. Foreldreråd. Barnehagen skal ha eit foreldreråd i samsvar med 4 i Barnehagelova med forskrifter. Alle foreldre med barn i barnehagen er medlemmer i foreldrerådet. Foreldrerådet vel leiar og nestleiar, desse er foreldra sine representantar i barnehagen sitt samarbeidsutval. Foreldrerådsstyret skal ha slik samansetting: Leiar Nestleiar 3 medlemmer Foreldrerådstyret veljast på ein slik måte at ein arbeider for kontinuitet i styret. Foreldrerådet skal i tillegg velje 2 varamedlemmer til styret 2 revisorar for foreldrekonto 2 medlemmer i valnemnd Styrar møter i foreldreråd etter ønskje frå foreldra, for å legge fram og informere om saker.

Saker som er viktig for foreldre sitt tilhøve til barnehagen skal leggast fram for foreldreråd Foreldrerådet skal fremje foreldre/føresette og barn sine fellesinteresser og bidra til at samarbeidet mellom barnehagen og foreldregruppa skaper eit godt barnehagemiljø. Oppgåver til foreldrerådsstyre, leiar og nestleiar vert beskreve i eigne rutiner. Samarbeidsutval. Barnehagen skal ha eit samarbeidsutval (SU) i samsvar med 4 i barnehagelova med forskrifter. SU skal ha slik samansetting: 2 representantar for eigar, valt av kommunestyret for kvar valperiode på 4 år. 2 representantar for foreldre, leiar og nestleiar i foreldrerådsstyret 2 representantar for tilsette, valt frå dei tilsette SU konstituerer seg sjølv med leiar. Styrar er sekretær for SU og har møte-, tale- og forslagsrett. Samarbeidsutvalet skal vere eit rådgjevande, kontaktskapande og samordnande organ mellom heimane og barnehagen. Saker som er viktig for barnehagen sitt innhald og verksemd, samt saker som er viktig for tilhøvet til foreldra skal leggast fram for SU. SU sine oppgåver er m.a. Sikre foreldra sin rett til medverknad. Godkjenne årsplan for barnehagen. Uttale seg om budsjettframlegg m.a. satsar for foreldrebetaling. Uttale seg om driftsendringar. FUB Foreldreutvalget for barnehager FUB er forkorting på Foreldreutvalget for barnehager, og er eit nasjonalt utval for foreldre med barn i barnehage. FUB er eit sjølvstendig rådgjevande organ for og med foreldre med barn i barnehagen. FUB er og høyringsinstans for Kunnskapsdepartementet i saker om samarbeid mellom heim og barnehage. Gjennom informasjon og rettleiing ovanfor foreldre, skal FUB styrke foreldreengasjementet og foreldremedverknad i barnehagen. FUB skal arbeide etter følgjande hovudmål: «Samarbeidet mellom hjem og barnehage skal bidra til at alle barn i barnehage får et best mulig tilbud» Meir informasjon kan ein finn på heimesidene til FUB: http://www.fubhg.no/

5 OPPTAK AV BARN Kommunen skal i samsvar med 8 og 12 a i Barnehageloven med forskrifter sørgje for at rett til barnehageplass vert oppfylt. Retten gjeld ved søknad om barnehageplass til ordinært opptak for barn som fyller eitt år seinast innan utgangen av august det året ein søkjer barnehageplass. Overordna reglar for opptak er gitt i Forskrift om saksbehandlingsreglar ved opptak i Barnehage, samt i 12, 12 a og 13 i Barnehageloven med forskrifter. A PROSEDYRE 1. Ein søkjer om barnehageplass berre ved 1. gongs opptak. Seinare søkjer ein om endringar i opphaldstida. 2. Søknad om opptak og endring i opphaldstid skal førast på fastlagd elektronisk skjema og sendast til Sandøy kommune. Frist for søknad til hovudopptak er 1. mars. 3. Søknader som kjem inn etter søknadsfristen 1. mars vert ikkje vurdert før hovudopptaket er gjort. 4. Hovudopptak av barn vert gjort ein gong i året og supplerande opptak elles når det er ledig kapasitet. Det same gjeld for endringar i opphaldstid. 5. Barnehageadministrasjonen gjer innstilling om opptak. 6. Hovudopptak vert lagt fram som referatsak for formannskap. 7. Barn som ved ordinær søknadsfrist ikkje får plass, skal etter handsaming av eventuelle klager førast på venteliste, og får plass etter prioritet ved ledig kapasitet. 8. Styrar skal sjå til at ledig kapasitet ikkje vedvarer og gjennomføre supplerande opptak administrativt. Prioritert venteliste og dei fastsette opptakskriteria er retningsgjevande for slike opptak. 9. Omsynet til barns beste, samt faglege omsyn skal vurderast ved behov for flytting av barn mellom avdelingar midt i barnehageåret. 10. Det er ikkje klagerett på supplerande opptak med mindre ein ventar på plass etter 13 i barnehagelova. 11. Det er ikkje klagerett på kva avdeling barnet får plass på, heller ikkje på opphaldsdagar ved søknad om deltidsplass. 12. Ved søknad på deltidsplass, får ein tildelt opphaldsdagar for kvart einskild barnehageår og barnehagen har høve til å tildele andre opphaldsdagar ved overgang til nytt barnehageår. Endring midt i barnehageåret på opphaldsdagar kan gjerast med samtykke frå foreldra

B OPPTAKSKRETS OG KRITERIA FOR OPPTAK AV BARN I BARNEHAGEN Alle førskulebarn i Sandøy kommune kan søkje om plass i barnehagen. Personar som kan dokumentere tilflytting til kommunen, har høve til å søkje om plass. Dersom barnehagen har ledig kapasitet, kan ein ta inn barn frå andre kommunar. Tildeling av plass skjer først etter fylgjande prioriterte kriterie: 1. Barn med rett til plass etter Barnehagelovens 12 a 2. Barn som kjem inn under Barnehagelovens 13, første og andre ledd, skal ha prioritet ved opptak. Sakkyndig vurdering skal ligge til grunn. 3. Barn som etter Opplæringslova har rett til spesialpedagogisk tilbod i barnehage, har rett til opptak dersom det er tilrådd av sakkunnig instans. 4. Barn/familiar med særskilte behov der barnehageplass er tilrådd av fagleg instans som PPT, lege, helsesøster, barnevern. Dokumentasjon skal følgje med søknaden og bli vurdert under opptaket. Vidare vert tildeling av plass gjort etter ei samla vurdering av fylgjande kriterie: Fødselsdato prioritering etter alder på barnet eldste først. Barn som kjem frå minoritetsspråklege eller fleirspråklege heimar. Einslege forsørgjarar i arbeid/utdanning. Moment i barnehagen slik som alders- og gruppesamansetting og utnytting av plassane. 6 FORELDREBETALING I samband med budsjettbehandling kvart år vedtek kommunestyret satsar for foreldrebetaling med bakgrunn i Stortinget si fastsetting av maksimalpris for opphald i barnehage. Søskenmoderasjon er fastsett etter gjeldande forskrift om foreldrebetaling i barnehagar. Foreldrebetalinga vert kravd inn månadleg og ein betaler for 11 månader i året. Foreldrebetalinga tek til frå den datoen barnet får plass. I tillegg til opphaldsbetalinga vert det kravd betaling for måltid o.l. som vert servert i barnehagen etter satsar fastsett av kommunestyret Det vert ikkje gjeve fråtrekk for tilfeldig fråvær, heller ikkje for fridagar barnehagen er stengd. Ved lengre fråvær grunna alvorleg sjukdom, kan det søkjast om fritak for foreldrebetaling. Søknaden om fritak for foreldrebetaling vert behandla administrativt. Ved misleghald av foreldrebetalinga sender Økonomikontoret ut 2 påminningskrav. 14 dagar etter 2. gongs påminning vert saka sendt til rettsleg inkasso. Dersom kjøparar av barnehagetenesta ikkje er villig til å gjere opp for seg, kan ein bli nekta vidare plass i barnehagen.

7 OPPSEIING AV BARNEHAGEPLASS/REDUKSJON AV OPPHALDSTID I LØPET AV BARNEHAGEÅRET Det skal gjevast skriftleg melding om permanent oppseiing av ein barnehageplass eller endring av opphaldstid til Sandøy kommune. Oppseiingstida er minimum ein - 1 månad Foreldrebetalinga gjeld i oppseiingstida. 8 OPNINGS- OG OPPHALDSTID Barnehagen si opningstid er frå kl. 7.00 16.15. Det kan vere ulike avdelingar som har ope tidleg og stenger seint, slik at barn som kjem før kl 8.00 og vert henta etter kl 16.00 må rekne med å vere på andre avdelingar enn den faste i desse tidsromma. Barna si opphaldstid bør ikkje vere over 8,5 timar pr dag. Barnehagen er open måndag fredag heile året, med unntak av fem lovpålagte planleggingsdagar pr år, jule- og nyttårsaftan, romjula og onsdag i påskeveka. 9 FERIE Barna skal ha minimum fire veker ferie i løpet av eit barnehageår. Sommarferie Barnehagebarna skal ha minimum tre veker samanhengande ferie i perioden frå 1. juni til 1. september. Frist for melding om ferie: 01.april Barn som skal starte på skulen etter ferien, må ta ut ferie innan barnehageåret sluttar i veke 32. Dette gjeld og barn som seier opp plassen sin til nytt barnehageår. Juleferie: Barnehagen har stengt i romjula, jule og nyttårsaftan. Påskeferie: Barnehagen har vanleg opningstid måndag og tysdag i påskeveka. Foreldre må melde frå om barnet kjem i barnehagen desse dagane. Onsdag i påskeveka er barnehagen stengt. Romjula, jule og nyttårsaftan, samt onsdag i påskeveka vert rekna som den 4. ferieveka til barna, då dette maksimalt vil utgjere 5 virkedagar. 10 OPPHALDSAREAL Opphaldsarealet i barnehagane skal ikkje vere mindre enn nasjonal standard, dvs 4 m² pr barn over 3 år og 5,3 m² pr barn under 3 år. Opphaldsareal pr barn i barnehagen for Sandøy kommune er sett til: 5 m² pr barn.

Uteområdet skal vere seks gonger leikearealet inne. 11 INTERNKONTROLL Barnehagen skal ha eit internkontrollsystem. Styrar har ansvaret for oppdatering, at kontrollrutinane vert følgde, og at personalet vert kjent med kontrollsystemet og sine ansvarsområde. Barnehagen skal ha eit eige kvalitetsutval. 12 HELSE Før eit barn begynner i barnehagen, skal det leggast fram erklæring om barnets helse. Dersom barnet har møtt til ordinære undersøkingar på helsestasjonen, kan slik erklæring bli gitt av barnets foreldre, jmf barnehagelova 23. Dette gjerast på eige skjema i barnehagen. Sjuke barn må ikkje møte i barnehagen. Med sjuke barn meiner ein: barn med smittsame sjukdomar, barn med feber, omgangssjuke, utslett eller andre sjukdomar som gjer at barnet ikkje kan vere ute eller må ha ro. Ålmenntilstanden til barnet må vere så god at det kan fylgje vanlege aktivitetar inne og ute. Faglege råd frå Folkehelseinstituttet skal leggast til grunn. Vert eit barn borte frå barnehagen på grunn av sjukdom eller andre årsaker, må det meldast frå til barnehagen første fråværsdag. Medisinering av barn i barnehagen må avtalast med barnehagen. Barnehagen har skriftlege medisineringsavtalar som skal fyllast ut. 13 MAT OG MÅLTIDER Barna tek med seg nistepakke til frukost. Barnehagen sørgjer elles for variert og sunt kosthald med to måltid utanom frukost i tråd med nasjonale retningsliner for mat og måltid i barnehage. Ved fødselsdagsfeiring får barna ekstra merksemd med fødselsdagskrone, vere med å velje aktivitetar og velje frå eigen meny, mat til måltidet. 14 KLEDE/UTSTYR Barna må ha klede, sko/ støvlar som er tilpassa ver og årstid. Barna må også ha med ekstra skift og dei minste har med bleier. Barnehagen held leiker og anna utstyr. Dersom barna har med leiker er det på eige ansvar. 15 PROSEDYRE VED ENDRING AV VEDTEKTER 1. Framlegg til endringar i vedtektene må leggjast fram for samarbeidsutvalet til uttale før dei går til politisk behandling. 2. Desse vedtektene er godkjende av Sandøy kommunestyre sak 15/18 i møte den 22.04.15 og vert sett i verk frå 10.08.15.

MELLOM ANNA SLIK ØNSKJER POLITISK FOLKEVALDE AT BARNEHAGETILBODET SKAL FUNGERE Ved sida av dei overordna målsetjingane som er nedfelt i Lov om Barnehagar og barnehagen sine handlingsplanar, er følgjande arbeidsmål aktuelt: Barnehagen skal ha fokus på å bidra til eit godt oppvekstsamfunn for barn, samt å gje barna kjennskap og tilknytning til lokalsamfunnet Barnehagen skal ha fokus på samspel mellom barn og vaksne, og utvikle relasjonskompetanse Barnehagen skal bidra til å førebyggje, avdekke og hjelpe barn som har det vanskeleg Barnehagane sin kvalitet og opptakskapasitet skal vere eit attraktivt tilbod som er med på å skape stabilitet, rekruttering og tilflytting.