Reguleringsføresegner

Lom kommune Reguleringsføresegner Reguleringsplan for bustadområde B1 og B2 i Trondssonstuggu - Nereggje Lom kommune, MTN 11/5/2012

Side 1 av 4 PlanID: 5140064 Planføresegner datert: 05.11.2012 Dato for siste revisjon av føresegnene: Dato for godkjenning i kommunestyret: xx.xx.2012 xx.xx.2012 1-3 GENERELT 1 GYLDIGHEITSOMRÅDE Desse reguleringsføresegnene gjeld for det området som på plankartet er vist med reguleringsgrense. Innanfor desse grensene skal areala nyttast slik som planen (plankartet og føresegnene) fastsett. 2 ANDRE FØRESEGNER a. Desse føresegnene kjem i tillegg til dei til ei kvar tids gjeldande sentrale og kommunale lovar og føresegner. b. Dersom det ved tiltak i marka blir funne automatisk freda kulturminne, skal arbeidet straks stansast i den grad det rører ved kulturminna eller sikringssona kring dei på fem meter, jfr. Lov om kulturminne 8. Melding skal snarast sendast til kulturminnestyresmaktene i Oppland fylkeskommune slik at vernestyresmaktene kan komme på synfaring og ta stilling til om tiltaket kan halde fram og eventuelt vilkåra for dette. 3 REGULERINGSFORMÅL Bygningar og anlegg (PBL 12-5 nr. 1) - Bustader frittliggjande småhus (B1-5) - Felles leikeplass (f_ LEIK1) Samferdselsanlegg og teknisk infrastruktur (PBL 12-5 nr. 2) - Køyreveg, offentlege (o_v1-3) - Køyreveg, privat (o_v4) - Gang- og sykkelveg (o_gs1) - Annan veggrunn teknisk anlegg Grønstruktur (PBL 12-5 nr. 3) - Turveg (o_tur1-2) - Friområde (o_f1) Omsynssone med særskilt angjeve omsyn (PBL 11-8 nr. 6, jf. 12-6) - Omsynssone for bevaring av nyare tids kulturminne (H550_1) Infrastruktursone (PBL 11-8 nr. 4, jf. 12-6) - Rekkefølgekrav for etablering av felles leikeplass (H450_1)

Side 2 av 4 4 Fellesføresegner a. Alle bygningar, uterom og trafikkanlegg skal utformast i samsvar med Miljøverndepartementets rundskriv «Tilgjengelighet for alle». b. Innanfor byggjeområde kan det oppførast trafokiosk og andre tekniske innretningar der dette er naudsynt. Frittståande bygg til slike formål skal ha dimensjon, form og farge som er tilpassa bebyggelsen elles i området. c. Vatn- og avlaupsplan, inklusive plan for handtering av overvatn skal vera godkjent av Lom kommune, og arbeidet vera gjennomført innan ein tek til bygging i byggjeområda. 5 Arealbruk a. I område merkt B1, B2 og B4 kan det byggjast frittliggjande småhusbustader med to (2) bueiningar på kvar tomt. I område merkt B3 og B5 kan det byggjast frittliggjande småhusbustader med inntil to (2) bueiningar på kvar tomt. Det skal ikkje førast opp plasthallar, skur eller midlertidige konstruksjonar innanfor områda som denne planen omfattar. b. Grad av utnytting av tomtene er bestemt av tillatte prosent utbygd areal (% BYA): Maks BYA for dei enkelt delområda: - B1 og B2: maksimum 40 % - B3, B4 og B5: maksimum 30 % Tillatt bebygd areal (BYA) vert definert i samsvar med NS 3940:2007. BYA gjev tillatt bebygd areal i prosent av tomta sitt nettoareal. Dersom garasje ikkje vert bygd tilsvarande krav til tal parkeringsplassar, skal parkeringsplass reknast inn i grunnlaget for BYA med 20 m2 pr. bilplass. Oppgjeve maksimum bebygd areal samsvarar med avgrensing i formålsgrense. Parkeringsbehovet er føresett dekt på eige areal. 6 Bebyggelse og anlegg (PBL. ( 12-5, nr. 1) a. Søknad om løyve for oppføring av bustad i desse områda skal innehalde samla situasjonsplan for kvart område i målestokk 1:200. Det skal gjerast greie for plassering av bygg, avkøyringsforhold, parkeringsplass, leikeareal, støttemurar, gjerde og andre detaljar for utforming og «møblering» av uteareal. Det skal utarbeidast tverrprofil med plassering av bygg og ferdig planert terreng, og lengdeprofil som visar tilkomst frå offentleg veg. b. Lom kommune ønskjer å sjå til at bygningar får ei plassering, form, materialbruk og farge som er tilpassa bygningsmiljøet i Fossbergom og går harmonisk inn blant husa i same område. - Bygningen si form skal samsvare med bygningen sin funksjon og gje uttrykk for tida sin arkitektur med grunngjeve materialval. - Ved plassering av byggverk på eiga tomt, skal ein legge vekt på god terrengtilpassing - Ved val av takvinkel skal denne vera mellom 22-34 grader. Dette skal likevel ikkje vera til hinder for arkitektoniske uttrykk frå vår tid. Nye bygg skal framheve vår tid sin byggjeskikk og medverke til utviklinga av denne. - Garasje skal som hovudregel plasserast min. 5 m frå regulert trafikkareal, dersom garasjen har direkte innkøyring mot veg. Kommunen kan, om utbygginga på tomta gjer det naudsynt,

Side 3 av 4 gje løyve til oppføring av garasje med innkøyring parallelt med veg. Avstanden skal da ikkje vera nærmare enn 2,5 meter frå regulert trafikkareal. c. I område merka B1-5 skal bygningar i ein etasje ikkje ha større gesimshøgd enn 4,5 m og mønehøgd ikkje høgare enn 7,0 m. Bygningar i 2 etasjar skal ikkje ha større gesimshøgd enn 5,5 m og mønehøgd ikkje høgare enn 8,0 m. d. I område merkt B1 og B2 og B4 skal så mange bustadeiningar som mogleg, minimum 50 % byggjast med tilgjengelege bueiningar (bustader med alle funksjonar på inngangsplanet). e. I område merka B1-5 kan det oppførast carport/garasje inntil 55 m2 grunnflate (dobbel garasje med bod). Maksimum gesimshøgde 4,0 og maksimum mønehøgde 5,5 m for garasje. For B1, B2 og B4 skal dette løysast med felles parkeringsanlegg og vera vist på situasjonsplan ved byggjesøknad. f. Felles leikeplass f_leik1 er felles for område B1-3. Leikeplassen skal samtidig ved utbygging, setjast i ein slik stand at arealet er eigna for leik og opphald, jf. TEK 10-2 og REN 10-2. Leik for born i alderen 1-7 år skal prioriterast. Areal mot veg skal vere inngjerda. 7 Uteareal tilhøyrande byggjeareal a. Ikkje utbygd del av tomta skal vere utforma tiltalande. Skjeringar og fyllingar skal i størst mogleg grad unngåas. Skjeringane som følgjer av utgraving/planering av tomt skal plantast til med vegetasjon tilpassa føresett arealbruk. b. Uteareal skal opparbeidast og ferdigstillast samstundes med bygningane/anlegget elles i samsvar med byggjeløyve. c. Ved trinnvis utbygging skal utbyggingsareal som ikkje vert teken i bruk med ein gong opparbeidast med vegetasjon. Uteareal skal opparbeidast og ferdigstillast samstundes med bygningane/anlegget elles. d. Innafor kvar tomt må utbyggjar syte for naudsynt drenering for overvatn og grunnvatn, og føre dette til avløp ved drenering eller til kommunalt overvassnett. e. Kommunen skal ha rett til å nytte uteareal i samband med naudsynt vedlikehald av kommunaltekniske anlegg som kryssar eller ligg inntil byggeområda. f. Terreng, gjerde og hekkar langs veg og kryss skal ikkje vera høgare enn 0,7 meter over vegnivå. Ved avkøyrsle gjeld krava ovanfor, men høgda skal ikkje vera over 0,5 meter. Jf. føresegner om frisiktliner. g. Som minste opphaldsareal ute (MUA) skal det på område merkt B1-5 opparbeidast min. 20 m2 areal eigna til leik pr. bueining. Areal mot veg skal vera inngjerda. 8 Samferdselsanlegg og teknisk infrastruktur (PBL. 12-5, nr. 2) I trafikkområde skal det byggjast: - Køyreveg (o_v1-v3 og a_v4) - Gang- og sykkelveg (o_gs1) - Annan veggrunn teknisk anlegg o_v1, o_v2 og o_v3 er offentlege vegar, og er dimensjonert for 30 km/t (jf. siktkrav). a_v4 er privat tilkomst til bustadeigedom utanfor planområdet.

Side 4 av 4 9 Grønstruktur (PBL 12-5, nr. 3) a. I områdane merkt o_tur1 og o_tur2 kan det opparbeidast turveg, så langt det er mogleg skal turvegen kunne nyttast av alle (jf. reguleringsføresegnene 4a). Tiltak i grunnen ved etablering og naudsynt vedlikehald av tekniske anlegg er tillatt dersom området gjerast i stand etter gjennomføring. b. I område merkt o_f1 kan utformast i tråd med dei sentrale retningslinene som nærleikeplass for aktivitetstypar som fri leik, akebakke og liknande, primært for aldersgruppe 5-13 år. Mot veg kan det fyllast opp voll, kombinert med gjerde som tryggar bruken av arealet. 9 Sone med særskilt angitt omsyn bevaring av nyare tids kulturminne (PBL. 11-8 nr. 6) Innanfor omsynssone (H550_1) er det ikkje tillatt å gjere inngrep i eller vesentleg endre strukturen av rydningsrøys og steingjerde. 10 Infrastruktursone krav om opparbeiding av felles leikeplass (PBL. 11-8 nr. 4) Som infrastruktursone er det vist krav om opparbeiding av felles leikeplass (H450_1), jf. krav om rekkefølgje i reguleringsføresegnene 11.) 11 Krav om rekkefølgje (PBL 26) a. Felles leikeplass f_leik1 skal opparbeidast og ferdigstillast samtidig med bustadarealet, (B1-3) jf. reguleringsføresegnene 6 d. Bruksløyve, ut over nemnde utbygging, skal ikkje gjevast før tilhøyrande leikeplass er ferdig opparbeidd. b. Før utbygging skal kommunen opparbeide dei tekniske anlegga som er naudsynt for å gjere områda eigna for bygging. Tekniske anlegg omfattar vegar, leidningsnett til vatn, avlaup og overvatn, samt el- og teleforsyning. Lom kommune, xx/xx/2012 Ordførar Administrasjonssjef