SAMNANGER KOMMUNE 1 av 7 MØTEPROTOKOLL Utval: Kommunestyret Møtedato: 28.08.2014 Møtetid: 17:00-20:20 Møtestad: Kommunehuset Av 21 medlemmer møtte 21, inkludert varamedlemmer. Desse medlemene møtte ikkje: Anja Marken (Bl) Birthe Skar-Moum (Ap) Heidi Totland Arnesen (Ap) Karl Bård Kollbotn (Frp) Roy Vegar Hope (H) I staden møtte: Janne Drevsjø (Bl) Odd Lønnebakken (Ap) Gunnveig Loe (Ap) Norvald Gjerde (Frp) Arild Røen (H) Andre som var til stades på møtet: Rådmann Tone Ramsli Assisterande rådmann Hilde-Lill Våge Stabssjef Jan Erik Boge Pleie- og omsorgsleiar Grete Lill Hjartnes Avdelingsingeniør John Inge Sandvik Møteleiar: Møtesekretær: Marit Aase (Krf) Jan Erik Boge Merknader: Ordførar Marit Aase (Krf) orienterte om at det etter at møteinnkallinga vart sendt ut, har kome inn to dokument vedrørande sak 045/14 om utbygging ved Samnangerheimen: 1. Underskriftsliste med 343 underskrifter på Bjørn Sævild og Geir Markhus sitt initiativ Ja til ny Samnangerheimen, nei til framlagte forslag. 2. Brev frå dei hovudtillitsvalde i tre av fagforeiningane i kommunen, med tittelen Ha tillit til den planlagte Samnangerheimen! Begge dokumenta vart sendt til kommunestyrerepresentantane på e-post før kommunestyremøtet. Dokumenta vart også lagt ut i kommunestyresalen i starten av møtet. Orienteringar/meldingar: Møtedato og møtetidspunkt for kommunestyret Ordføraren orienterte om at det har kome spørsmål om å endra vekedag for møta i kommunestyret. Spørsmålet vil verta drøfta på neste møte i kommunestyret. Klokkeslettet for kommunestyremøta vil også verta
drøfta då. 2 av 7 Utvalet sitt kvarter: Mellombels drift i pleie- og omsorgstenestene Rådmann Tone Ramsli orienterte om planane for mellombels drift i pleie- og omsorgstenestene i rive- og byggeperioden for nytt sjukeheimsbygg. Rådmannen og pleie- og omsorgsleiar Grete Lill Hjartnes svara også på spørsmål frå kommunestyret. Avløpsanlegg Monica Tjønna (Sp) viste til at ho hadde fått informasjon om at kapasiteten for kloakkutslepp i Bjørnefjorden er sprengt. Ho meinte at dette måtte bety at det er behov for nytt reinseanlegg, eventuelt at kommunen må pumpa kloakken opp mot anlegget i Eikedalen. Ordføraren og rådmannen viste til dei planane som teknisk eining har under arbeid med å kartlegga status for avløp. I tillegg til å gje status skal planarbeidet gje oversikt over kostnader med opprusting. Reduksjon i kommunen sine inntekter John Magne Bogevik (Frp) viste til at det får økonomiske konsekvensar for kommunen at BKK har trekt søknaden om utbygging i Aldalselva, samt at kommunen truleg får reduserte inntekter frå sal av konsesjonskraft. Bogevik påpeika at inntektssida av økonomiplanen som kommunestyret vedtok i juni, er redusert som følgje av dette. Lærarstreiken Øyvind Røen (Sp) sette fram ønske om at kommunen kjem med ein uttale vedrørande konflikten mellom KS og lærarorganisasjonane. Han viste til at Odda kommune har kome med ein uttale. Røen bad ordføraren om å senda signal til KS om at dei må besinna seg og koma til semje med lærarorganisasjonane. Ordføraren orienterte om at ho støttar KS i denne saka, samstundes som ho er skuffa over at KS og lærarorganisasjonene ikkje har kome til semje.
3 av 7 Underskrift frå utvalsleiar og møtesekretær: Tysse, 04.09.2014 Underskrift utvalsleiar Underskrift møtesekretær
4 av 7 Desse sakene vart handsama: SAKLISTE Saker til handsaming på møtet Sak nr. Arkivsak Sakstittel Merknad 044/14 14/612 Faste saker 045/14 09/635 Utbygging ved Samnangerheimen - godkjenning av innkome tilbod og fullfinansiering
5 av 7 SAKNR. 044/14 FASTE SAKER Rådmannen sitt framlegg til vedtak: Møteinnkallinga og saklista vert godkjent Delegerte vedtak/referatsaker vert tekne til orientering 28.08.2014 KOMMUNESTYRET Handsaming i møtet: Sjå side 1 og 2 i møteprotokollen for informasjon om kva tema som vart teke opp under Orienteringar/meldingar og Utvalet sitt kvarter. Samrøystes vedtak. KS-044/14 VEDTAK: Møteinnkallinga og saklista vert godkjent Delegerte vedtak/referatsaker vert tekne til orientering SAKNR. 045/14 UTBYGGING VED SAMNANGERHEIMEN - GODKJENNING AV INNKOME TILBOD OG FULLFINANSIERING Rådmannen sitt framlegg til vedtak: Samnanger kommune inngår kontrakt med HENT for bygging av ny sjukeheim. Oppstart av arbeidet vert sett til 1.11.2014. Før oppstart av arbeid vert det føreteke ein del mindre korrigeringar i prosjektet for å redusera kostnaden. Fylgjande finansieringsplan vert gjeldande: Total kostnad 122.000.000 Tilskot 34.900.000 Refusjon mva 24.500.000 Lån 62.600. 000 21.08.2014 FORMANNSKAPET Handsaming i møtet: Øyvind Røen (Sp) og Karl Kollbotn Frp sette fram følgjande framlegg: Kostnaden ved å riva dei eldste delane av Samnangerheimen og i staden reisa eit nytt bygg er no rekna til 122 millionar kroner, jf. saksutgreiinga frå rådmannen. Denne summen er langt over 100 millionar, som kommunestyret tidlegare har sett som øvre grense for byggjekostnadene. Her kjem det til at alle kostnader med prosjektet enno ikkje er kjende. Det gjeld særleg utgiftene til mellombels drift i byggjeperioden. Samnanger kommune godtek difor ikkje nokon av tilboda som har kome på bygging av ny sjukeheim på Haga. I staden skal det undersøkjast om det er mogleg å finna andre og rimelegare
6 av 7 løysingar for å få bygt ny sjukeheim. Her må det sjåast både på tilbygg til / rehabilitering av den noverande sjukeheimen på Haga og bygging av ny sjukeheim på ei anna tomt. Særleg må "Erikajorda" vurderast. Då må det takast med i arbeidet at det skal vera mogleg å utvida talet på sjukeheimsplassar når det trengst. Rådmannen legg fram sak om vidare arbeid med dette til kommunestyremøtet 24. september, inkl. finansiering av ny utgreiing. Det vart røysta alternativt over framlegg til vedtak og Røen (Sp)/Kollbotn (Frp) sitt framlegg. Rådmannen sitt framlegg vart vedteke med 5 røyster og 2 røysta for Røen/Kollbotn sitt framlegg. Desse røysta for rådmannen sitt framlegg til vedtak; Brigt Olav Gåsdal (Ap) Birthe Skar-Moum (Ap) Ragnfrid Olsnes (bl) Eva Hellevang (H) Marit Aase (Krf) Desse røysta for Røen (Sp) sitt framlegg: Øyvind Røen (Sp) Karl Kollbotn (Frp) FORM-046/14 VEDTAK: Samnanger kommune inngår kontrakt med HENT for bygging av ny sjukeheim. Oppstart av arbeidet vert sett til 1.11.2014. Før oppstart av arbeid vert det føreteke ein del mindre korrigeringar i prosjektet for å redusera kostnaden. Fylgjande finansieringsplan vert gjeldande: Total kostnad 122.000.000 Tilskot 34.900.000 Refusjon mva 24.500.000 Lån 62.600. 000 28.08.2014 KOMMUNESTYRET Handsaming i møtet: Under den innleiande debatten varsla Øyvind Røen (Sp) om at han ønska eit gruppemøte seinare i møtet. Gruppemøte vart halde kl. 19.55 20.05. Etter gruppemøtet sette Monica Tjønna (Sp) fram følgjande framlegg til vedtak, på vegner av Sp, Frp og Arild Røen (H): Samnanger kommune godtek ikkje nokon av tilboda som har kome på bygging av ny sjukeheim på Haga. I staden skal det undersøkjast om det er mogleg å finna andre og rimelegare løysingar for å få bygt ny sjukeheim. Her må det sjåast både på tilbygg til/rehabilitering av den noverande sjukeheimen på Haga og bygging av ny sjukeheim på ei anna tomt. Særleg må "Erikajorda" vurderast. Då må det takast med i arbeidet at det skal vera mogleg å utvida talet på sjukeheimsplassar når det trengst. Rådmannen legg fram sak om vidare arbeid med dette til kommunestyremøtet i november, eller ev. i eit ekstraordinært kommunstyremøte dersom arbeidet er ferdig tidlegare. Rådmann må samstundes be om ei utsetjing til å svara på anbodet til etter kommunestyremøtet.
7 av 7 Framlegget frå Sp, Frp og Arild Røen vart sett opp mot formannskapet si tilråding. 14 representantar røysta for formannskapet si tilråding. 7 representantar røysta for framlegget frå Sp, Frp og Arild Røen. Følgjande representantar røysta for formannskapet si tilråding: Brigt Olav Gåsdal (Ap) Liv Berit Befring (Ap) Heidi Gjerde (Ap) Gunnveig Loe (Ap) Odd Lønnebakken (Ap) Vidar Tveiterås (Ap) Jens Harald Abotnes (Krf) Bodil H. Øpstebø (Krf) Sigmund Dyrhovden (Krf) Marit Aase (Krf) Ragnfrid Aadland Olsnes (Bl) Øyvind Strømmen (Bl) Janne Drevsjø (Bl) Eva Hellevang (H) Følgjande representantar røysta for framlegget frå Sp, Frp og Arild Røen: Monica Tjønna (Sp) Øyvind Røen (Sp) Gunnar Bruvik (Frp) Norvald Gjerde (Frp) Svein Røseth (Frp) Jon Magne Bogevik (Frp) Arild Røen (H) Protokollmerknad frå Jon Magne Bogevik (Frp): Frå 2017 mangler tilsammen ca 2 500000,- i inntekter for å drive med dagens drift. Dette medfører att det vanskeleg kan forsvarast eitt opptak på 62 600000,- i lån. 1900000,- konsesjonskraft. 625000,- eigedomsskatt ny samnangerkons. 280000,- skatt Sandelva. KS-045/14 VEDTAK: Samnanger kommune inngår kontrakt med HENT for bygging av ny sjukeheim. Oppstart av arbeidet vert sett til 1.11.2014. Før oppstart av arbeid vert det føreteke ein del mindre korrigeringar i prosjektet for å redusera kostnaden. Fylgjande finansieringsplan vert gjeldande: Total kostnad 122.000.000 Tilskot 34.900.000 Refusjon mva 24.500.000 Lån 62.600. 000