BARNEHAGETILBODET I LEIKANGER 2012 Leikanger kommune
TIL FORELDRE/FØRESETTE Leikanger kommune ønskjer med denne foldaren å gjera barnehagetilbodet i kommunen kjent. Foldaren inneheld informasjon om kvar barnehage, opptaksreglar, søknad, foreldrebetaling m. m. Er det meir de ønskjer svar på, kan de kontakta Leikanger kommune, tlf. 57 65 56 00/57 65 56 31, eller barnehagane på dei telefonnummera som står på siste sida. Med helsing Leikanger kommune, 01.02.2012 2
BARNEHAGETILBODET I LEIKANGER KOMMUNE 4 PRESENTASJON AV BARNEHAGANE. HENJAHAUGANE BARNEHAGE... 4 NYBØ BARNEHAGE... 5 ASKEDALEN BARNEHAGE A/S. 5 BEMANNING 6 VEDTEKTER for dei kommunale barnehagane 7 1 EIGAR.... 7 2 FØREMÅL.... 7 3 LOV M.M.... 7 4 FORVALTNING, UTVAL OG RÅD.... 7 5 OPPTAKSMYNDE.... 8 6 OPPTAKSREGLAR.... 9 7 OPPTAKSTIDER OG OPPSEIINGSFRIST.... 10 8 OPNINGSTID.... 10 9 FORELDREBETALING.... 11 10 BARNEHAGELOKALA... 12 PRAKTISKE OPPLYSNINGAR - kommunale barnehagar 11 TILVENJING I BARNEHAGEN... 13 FRAMMØTE... 13 BETALING... 13 MAT... 14 FORSIKRING... 14 ANSVAR... 14 FERIE... 14 PLANLEGGINGSDAGAR... 15 SAMARBEID... 15 SJUKDOM... 15 TEIEPLIKT... 16 SØKNAD... 16 PLASSAR... 16 3
BARNEHAGETILBODET I LEIKANGER KOMMUNE Leikanger kommune har i dag 3 barnehagar. Henjahaugane og Nybø er kommunale, Askedalen barnehage er privat. Barnehagane er opptekne av å gi borna ei god pedagogisk oppseding med vekt på tryggleik, sosiale ferdigheiter, leik og moro, samt opplevingar og deling av kunnskap i kvardagen. Kvart år gir barnehagen ut ein årsplan som er utarbeidd av styrar og personalet og godkjent av samarbeidsutvalet. Planen gjev opplysingar og anna informasjon som det er viktig at både eigarar og brukarar kan lese. I tillegg er planen eit viktig arbeidsdokument for dei tilsette i barnehagen. PRESENTASJON AV BARNEHAGANE HENJAHAUGANE BARNEHAGE Barnehagen ligg mellom Seberg og Henja/Røysa bustadfelt og er den største barnehagen i kommunen med tre avdelingar og inntil 48 barn eller 60 plassar for barn i alderen 0-6 år. Huset er bygd i 1990 og oppført i miljøvenlege materialar. Uteområdet er romsleg med gode tilhøve for både sommar- og vinteraktivitetar. Det er lett tilgjenge til frie naturområde, og rimeleg gangavstand til Barneskulen. 4
NYBØ BARNEHAGE Barnehagen ligg på Fylkesmannsgarden. Den har 2 avdelingar for barn i alderen 0-6 år med inntil 20 barn på kvar avdeling og til saman 54 plassar. Barnehagen er ombygd og fullt oppussa i løpet av 2010 og våren 2011. Uteområdet er opparbeidd og barnehagen har eit fint nærområde med skog og strand. Barnehagen er godt skjerma for trafikk. Der er eigen romsleg og nyasfaltert parkeringsplass nær riksvegen. Sorenskrivargarden er kommunen sin reservebarnehage. Den er organisert som ei avdeling under Nybø barnehage når den er i bruk. Den gamle Sorenskrivargarden ligg i tilknytning til Tinghusanlegga, og vart fint oppussa før den vart teken i bruk til småbarnsbarnehage i august 2005. Andre høgda vart ombygd i 2010 med eigen utvendig tilkomst. 1. høgda i barnehagen er godkjend med 12 for barn under 3 år, eller 18 barn i blanda gruppe 0-6 år. 5
ASKEDALEN BARNEHAGE A/S Askedalen barnehage er ein privat barnehage som ligg i Hermansverk sentrum mellom Fylkeshuset, Statens vegvesen og Statens hus. Her kan ein boltre seg i variert miljø heile året. Med fjord og strand, store naturområde, arbeidsplassar, bibliotek, butikkar, fleirbrukshall og kort avstand til skule og sjukeheim er det mange alternativ å velja mellom. Barnehagen starta opp i november 2008, og held til i lokala til gamle Hovland bakeri. Huset vart bygd i 1971. Andre etasje vart fullt opprusta hausten 2008, og har fått eit lyst og trivelig miljø. Barnehagen har eit variert uteområde med gode muligheiter for ulike aktivitetar. Barnehagen har eigen parkeringsplass. Hausten 2009 vart det starta opp ny avdeling i første etasje. Her er store og spennande rom med muligheiter til allsidige aktivitetar. Bustaddelen et hovudsakleg for dei minste barna, medan første etasje et bygd med tanke på dei store. Askedalen barnehage har 2 avdelingar som samla gir tilbod til 42 barn i alderen 0-6 år. Barnehagen har eigne vedtekter som stort sett samsvarar med dei kommunale. Det er felles samordna barnehageopptak for heile kommunen. Foreldrebetaling og søskenmoderasjon er lik for private og kommunale barnehagar. Det er inngått eigen samarbeidsavtale mellom kommunen og Askedalen barnehage A/S. 6
BEMANNING I KOMMUNALE BARNEHAGAR Kommunen føl pedagognorma for barnehagane med 100 % ekstra pedagog/førskulelærar kvar gong ein overstig 18 plassar i barnehagen sett under eitt, medan assistentressursen vert redusert tilsvarande. Små barn tel for to fram til den månaden dei fyller 3 år. Barnehagane er tilknytte den kommunale vaktmeistertenesta. VEDTEKTER FOR DEI KOMMUNALE BARNEHAGANE 1 EIGAR. Leikanger kommune eig og driv Henjahaugane barnehage og Nybø barnehage med avdelingar i Sorenskrivargarden og Fylkesmannsgarden. Henjahaugane barnehage er godkjend med 3 avdelingar for aldersgruppa 0-6 år og eit leike- og opphaldsareal på 264 kvm. Nybø barnehage i Fylkesmannsgarden har 2 avdelingar for aldersgruppa 0-6 år og eit leike- og opphaldsareal på 247,2 kvm. 2 FØREMÅL. Barnehagen skal i samarbeid og forståing med heimen ivareta barna sine behov for omsorg og leik, og fremme læring og danning som grunnlag for allsidig utvikling. Barnehagen skal bygge på grunnleggande verdiar i kristen og humanistisk arv og tradisjon, slik som respekt for menneskeverdet og naturen, på åndsfridom, nestekjærleik, tilgjeving, likeverd og solidaritet, verdiar som kjem til uttrykk i ulike religionar og livssyn og som er forankra i menneskerettane. Barna skal få utfolde skaparglede, undring og utforskartrong. Dei skal lære å ta vare på seg sjølv, kvarandre og naturen. Barna skal utvikle grunnleggande kunnskapar og ferdigheiter. Dei skal ha rett til medverknad tilpassa alder og føresetnader. 7
Barnehagen skal møte barna med tillit og respekt, og anerkjenne barndommen sin eigenverdi. Den skal bidra til trivsel og glede i leik og læring, og være ein utfordrande og trygg stad for fellesskap og vennskap. Barnehagen skal fremme demokrati og likestilling og motarbeide alle former for diskriminering. 3 LOV M.M. Barnehagane i Leikanger skal drivast i samsvar med Lov om barnehagar, forskriftene til lova, og til ei kvar tid gjeldande rammeplan og retningsliner frå Kunnskapsdepartementet, reglar for internkontroll, kommunale vedtekter og årsplan for den einskilde barnehagen. 4 FORVALTNING, UTVAL OG RÅD. Kommunestyret er forvaltningsorgan for barnehagane i kommunen, m.a. når det gjeld tilsyn. Barnehagane vert administrerte av rådmannen. Barnehagane skal ha samarbeidsutval og foreldreråd, jfr. Lov om barnehagar 4 og 6 og forskriftene pkt.2. Dei kommunale barnehagane har felles samarbeidsutval. Kommunestyret er overordna samarbeidsutvalet. Foreldre/føresette og tilsette vel sjølve representantane sine. Kommunestyret vel kommunen sine representantar. Askedalen barnehage A/S har eige samarbeidsutval der kommunen har 1 representant. 5 OPPTAKSMYNDE Rådmannen tildeler kommunale og private barnehageplassar i eit samordna opptak etter samråd med styrarane. Formannsskapet er klageorgan etter forvaltingslova. 8
6 OPPTAKSREGLAR. Barnehageplass er eit frivillig tilbod til alle barn i kommunen. Ved hovudopptaket vil alle som fyller eitt år før 1. september og som har søkt innafor fristen, ha rett til barnehageplass. Barn som er inne på prosentplass i barnehagane, får tilbod om full plass før det vert tekne opp nye barn. Sysken skal så langt det er mogeleg få plass i same barnehage. For dei som ikkje har lovfesta rett til plass, samt ved suppleringsopptak og løpande opptak gjennom året, skal desse prioriteringane gjelde: 1. Barn med fysiske og/eller psykiske funksjonsskadar og/eller som har foreldre/føresette med slike skader. 2. Barn frå familiar med særlege sosiale/helse - eller miljøtilhøve som gjer at barnet kan ha nytte av opphald i barnehage. 3. Barn med framandspråkleg bakgrunn. 4. Barn med einslege foreldre/forsytarar som er i arbeid/ under utdanning. 5. Utover dette skal alder vere hovudkriterium. Når det er fagleg tilrådd, kan barn etter opptaksregel 1 tildelast ledig plass utan utlysing, og framfor dei som står på reservelista. Tildelt plass skal takast i bruk innan ein månad frå tildelingsdato. Ved alle opptak skal det setjast opp reserveliste etter same reglar som ved opptak, ei for 0 3 år, og ei for 3-6 år. Opptak til kvar barnehage vert til vanleg gjort ut frå prioriteringar på søknadsskjema, men etter pedagogisk heilskapsvurdering eller andre grunnar er det høve til å fråvika prioriteringa. Ved opptaket skal det leggast vekt på å sikra god og kostnadseffektiv drift av barnehagane i kommunen.
Administrasjonsutvalet disponerer inntil 2 heile plassar. Desse plassane skal berre nyttast som eit hjelpemiddel ved rekruttering til viktige stillingar i kommunen. Unytta plassar vert nytta på vanleg måte etter at ev. klagehandsaming for hovudopptaket er over. 7 OPPTAKSTIDER OG OPPSEIINGSFRIST. Det vert gjort hovudopptak i februar/mars, og suppleringsopptak i november. Barnehageåret tek til 15. august. Barn som skal ta til i skulen disponerer plassen sin ut barnehageåret før skulestart. Plassen er då ledig for opptak utan oppseiing. Ledige plassar til nytt barnehageår vert lyst ut samla. Alle andre har plassen sin til den vert skriftleg oppsagd. Suppleringsopptaket vert lyst ut i oktober. Oppseiingstida er 2 månader. Oppsagd plass, eller når barn fyller 3 år, skal lysast ut når reservelista er oppbrukt eller ugyldig. Den gjeld i 4 månader frå dato for opptak. Oppseiing skal skrivast på fastsett skjema som ein får i barnehagane eller i Serviceekspedisjonen i Tinghus 1. Oppseiingsfristen kan avkortast når ein har barn på venteliste. 8 OPNINGSTID. Barnehagane er opne frå kl. 07.30 til kl. 16.30 kvar yrkedag heile året bortsett frå helgeaftene då det er ope til klokka 12.00. Opningstida i barnehagane i romjula skal vere frå kl. 08.00 15.45. Barnehagane er stengde dei 2 siste vekene i juli - veke 29 og 30. I ferieperioden f.o.m. veke 27 t.o.m. veke 32 vert barna samla i den eine av dei to barnehagane. 10
9 FERIE Barnet skal ha 4 veker ferie i barnehageåret. Desse kjem i tillegg til dei 5 planleggingsdagane. Minimum 3 av ferievekene skal takast ut i ferieperioden f.o.m. veke 27 t.o.m. veke 32. den 4. veka skal som hovudregel takast samla. Foreldra skal ha levert ferieplan innan 1. mai. 10 FORELDREBETALING. Kommunestyret fastset foreldrebetalinga for kvart budsjettår fordelt med lik sum kvar månad i 11 månader i året. I hausthalvåret betalar ein for 5 månader, og i vårhalvåret for 6 månader. Betalinga skal ordnast på forskot den 15. i kvar månad, første gong 15. august eller den næraste påfølgjande kvardag. I spesielle høve kan det søkjast om dispensasjon. Søknaden må sendast kommunen i god tid. Det vert tillagt renter ved for sein betaling. Ved manglande betaling kan kommunen seie opp plassen med 1 månads varsel dersom skuldig beløp ikkje er betalt innan 3 veker etter 2. purring, eller at det er inngått avtale med kommunen v/økonomiavdelinga om nedbetalingsplan. 11 OPPTAK AV BARN FRÅ ANDRE KOMMUNAR Dersom det er ledige plassar i dei kommunale barnehagane etter at hovudopptaket er over, kan ein ta inn barn frå andre kommunar. Før ein tildeler plass skal det vere inngått avtale med bustadkommunen om rett til refusjon etter sentrale satsar. 12 FRITAK FOR BETALING I BARNEHAGEN Det vert innvilga betalingsfritak for følgjande søknader: 11
1. Barn som på grunn av sjukdom eller skade ikkje kan nytte plassen sin i barnehagen, kan få fritak frå 1. dag i etterfølgjande månad som barnet vert teke ut av barnehagen. Det må liggja ved tilråding frå lege. Rådmannen får fullmakt til å ta avgjerd i slike saker. Det vert ikkje innvilga betalingsfritak for: 1. Søknader om å ta barnet ut grunna ferie. 2. Søknader om fritak der barnet er fleirkulturelt og skal tilbake til heimlandet for kortare eller lenger tid. 3. Søknader frå foreldre med delt foreldreansvar der barnet har trong for barnehageplass i enkelte veker eller periodar. Det må betalast full månadspris med mindre eit anna barn nyttar seg av plassen i den perioden barnet bur hjå den andre av foreldra. 13. BARNEHAGELOKALA. Når det ikkje hindrar den daglege drifta av barnehagen, kan lokala leigast eller lånast ut til andre aktivitetar. Avgjerd om dette vert teke av styrar etter delegert mynde. Kommunestyret har fastsett satsar for utleige. SØKNADSFRISTAR TIL BARNEHAGANE I LEIKANGER Søknadsfrist til hovudopptaket er 1. februar. Søknadsfrist til suppleringsopptaket er 1. november. Det vert elles gjort løpande opptak til ledige plassar gjennom heile året. Hovudopptaket og suppleringsopptaket vert lyst ut på kommunen si heimeside og gjennom annonse i Sogn Avis. 12
PRAKTISKE OPPLYSINGAR OM TILVENJING I KOMMUNALE BARNEHAGAR. Når barnet tek til i barnehagen, må foreldre eller andre det er trygg på, vera med i barnehagen dei 2-3 første dagane. Dagane må vera korte fordi barnet treng tid til å bearbeide nye opplevingar og gradvis kunne ta i mot nye inntrykk. FRAMMØTE Dersom barnet kjem seinare enn kl. 9.30, må barnehagen få beskjed. Det må ha klede tilpassa ver og årstid. Til innebruk er det fint om det kan ha med seg tøfler eller sandalar. Klede og skotøy må merkast godt med namn. BETALINGSSATSAR i kommunale barnehagar Frå 01.01.94 vart det innført inntektsavhengige satsar med ein låg og ein høg sats. Grensa mellom låg og høg sats er frå 01.01.12 sett til 327 922 kroner med grunnlaget i familien si brutto skattbare inntekt ved siste skattelikninga - for 2010. I utgangspunktet vert alle rekna ut frå høg sats. Den som meiner dei har rett til å betale etter låg sats må sjølve gjere krav om dette, samt dokumentere at inntekta ikkje overstig det fastsette beløpet. Det vert gjeve søskenmoderasjon med 30% for barn nr. 2 og 50% for barn nr. 3 eller fleire. Elles skal betalinga skje i samsvar med 9 i vedtektene. Betaling for mat kjem i tillegg med 308 kr. for heil plass per månad, og vert justert prosentvis etter opphaldstid. 13
Betaling for kjøp av einskilddagar vert sett til kr 265, - pr. dag. I dei kommunale barnehagane skal det betalast for heile eller halve månader. Juli månad er betalingsfri. Kommunen ønskjer at betalinga skjer ved avtalegiro. Satsar for foreldrebetaling frå 01.01.12 Høg sats Låg sats 100% plass 2.330 2.100 60% plass 1.800 1.620 40% plass 1.500 1.350 MAT Barnet får mjølk, mat og frukt som foreldra/føresette betaler for. Barnehagane gjev til vanleg tilbod om lunsj og fruktmåltid. FORSIKRING Kommunen har ulukkesforsikring som gjeld til/frå og i barnehagen, under utflukter som vert haldne i barnehagen sin regi, hjå lege, tannlege og under transport til og frå desse. ANSVAR Foreldre/føresette har ansvaret for barnet på veg til og frå barnehagen. Personalet har ansvaret i barnehagen. FERIE Barnet skal ha 4 veker ferie i barnehageåret. Desse kjem i tillegg til dei 5 planleggingsdagane. Minimum 3 av ferievekene skal takast ut i juli månad. Den 4. veka skal og som hovudregel takast samla. 14
PLANLEGGINGSDAGAR Personalet har 5 planleggingsdagar i barnehageåret. Barnehagane er då stengde. Dagane er samordna for alle, er med i årsplanane til barnehagen, og ligg på skulefrie dagar. Planleggingsdagar våren 2012: Måndag 2. januar Fredag 20. april Planleggingsdagar hausten 2012: Måndag 13. august og tysdag 14. august Måndag 8. oktober SAMARBEID For barnehagen er den daglege kontakten med heimen ein særs viktig del av samarbeidet. Det er difor ønskjeleg at barnet vert følgt inn om morgonen. Foreldre/føresette og personale kan då utveksle informasjon om hendingar heime og i barnehagen, og om spesielle ting ein bør vera merksame på. Alle foreldre/føresette er medlemmar av foreldrerådet. Barnehagelova gjev nærare retningsliner for foreldrerådet sine oppgåver og funksjonar. SJUKDOM Smittefaren er stor i barnehagen. Barnet må difor vera heime når det er sjukt. Det er ønskjeleg med melding til barnehagen. Dersom barnet vert akutt sjukt eller utsett for skade, tek barnehagen kontakt med lege og gjev melding til heimen. Barnehagen ønskjer informasjon om særskilde tilhøve som kroniske sjukdomar, bruk av medisinar, diett o.l. Styraren i barnehagen avgjer om eit barn grunna sjukdom, 15
mellombels inntil ei veke, ikkje kan vera i barnehagen av omsyn til barnet sjølv eller dei andre. TEIEPLIKT Alle som arbeider i barnehagen har teieplikt. SØKNAD Søknadsskjema for barnehageplass får ein ved å venda seg til Leikanger kommune si heimeside: http://www.leikanger.kommune.no, eller Leikanger kommune, tlf. 57655600. Det skal søkjast på eige skjema for kvart barn og til fristen som er sett i lysinga. Søknad som kjem for seint inn, vert vurdert etter dei som kjem til rett tid, dersom det ikkje ligg føre tilråding frå PPR, sosialkontor eller helsesyster/lege. PLASSAR Barnehagane gjev tilbod om 40, 60, og 100% plassar. Søkjaren må krysse av på søknadsskjemaet for %-plass utfor den/dei barnehagen/barnehagane ein søkjer plass i, i prioritert rekkefylgje. Når barnet har fått plass, tek barnehagen kontakt om tid for inntak/start. Administrasjonen kan, etter opptak og klagehandsaming, leige ut einskilddagar så lenge det er ledig plass. VELKOMMEN SOM SØKJAR OG BRUKAR AV BARNEHAGANE I LEIKANGER! 16
HENJAHAUGANE BARNEHAGE Telefon: Styrar Mona Himle Henjahaugane 1 57 65 43 30 6863 LEIKANGER E-post: mona.himle@leikanger.kommune.no ******* NYBØ BARNEHAGE Telefon: Styrar Ingebjørg Breisnes Sognefjordvegen 92 57 65 19 80 6863 LEIKANGER Avdeling Trost: 57 65 19 81 Fax.: 57 65 19 89 Avdeling Stare: 57 65 19 82 E-post: ingebjorg.breisnes@leikanger.kommune.no Askedalen barnehage A/S Styrar Hilde Valvik Menes Askedalen 1, 6863 Leikanger Telefon: 57654412 eller 90956720 E-post: post@askedalenbarnehage.no 17