VEDTEKTER FOR BARNEHAGANE I SELJE KOMMUNE 2007 Vedtektene vart sist reviderte i K-sak 003/07. Teksten i 2-4 er oppdaterte i høve ny Lov av 17. juni 2005 om barnehagar. PARAGRAF 1: INSTITUSJON - EIGAR - DRIFT. Selje kommune eig og driv barnehagane. Barnehagane i Selje vert drivne i samsvar med «Lov av 17. juni 2005 om barnehagar» Selje kommune har desse barnehagane(2007): NAMN ADRESSE OPEN AVD. PLAS- SAR ALDER Ytre Stad skule 6750 18 t/v 1 15 1 6 ÅR og barnehage Stadlandet Stadlandet 6750 45 t/v 1 18 1 6 ÅR Oppvekstsenter Stadlandet Flatraket 6717 45 t/v 1 18 1 6 ÅR barnehage Flatraket Selje barnehage 6740 Selje 45 t/v 3 43 1 6 ÅR PARAGRAF 2: FØREMÅL. (I samsvar med 1 Føremål i Lov av 17. juni 2005 om barnehagar ) 1.Barnehagen skal gje barn under opplæringspliktig alder gode utviklingsog aktivitetsmulegheiter i nær forståing og samarbeid med heimen til barna. Barnehagen skal hjelpe til med å gje barna ei oppdraging i samsvar med kristne grunnverdiar. Eigarar av private barnehagar kan i vedtektene bestemme at andre ledd ikkje skal gjelde. Private barnehagar og barnehagar eigd eller drevne av menigheiter innen Den norske kyrkje kan i vedtektene fastsette særlege bestemmelsar om livssynsføremål. PARAGRAF 3: INNHALD. (I samsvar med 2 Barnehagen sitt innhald i Lov av 17. juni 2005 om barnehagar ) Barnehagen skal vere ei pedagogisk verksemd. Barnehagen skal bistå heimane i deira omsorg- og oppdragaroppgåver, og på den måten skape eit godt grunnlag for barn si utvikling, livslang læring og aktive deltaking i eit demokratisk samfunn. Omsorg, oppdraging og læring i barnehagen skal fremje menneskleg likeverd, likestilling, åndsfridom, toleranse, helse og forståing for berekraftig utvikling. Barnehagen skal gje barn mulegheit for leik, livsutfalding og meiningsfylte opplevingar og aktivitetar i trygge og samstundes utfordrande omgjevnadar. Barnehagen skal ta omsyn til barna sin alder, funksjonsnivå, kjønn, sosiale, etniske og kulturelle bakgrunn, herunder samiske barn sitt språk og kultur. Barnehagen skal gje barn grunnleggjande kunnskap på sentrale og aktuelle område. Barnehagen skal støtte barn si nyfikne, kreativitet og vitebegjær og gje utfordringar med utgangspunkt i barnet sine interesse, kunnskapar og ferdigheiter. Barnehagen skal formidle verdiar og kultur, gje rom for barn si eiga kulturskaping og bidra til at alle barn får oppleve glede og meistring i eit sosialt og kulturelt fellesskap. Departementet fastset ein rammeplan for barnehagen. Rammeplanen skal gje retningsliner for barnehagen sitt innhald og oppgåver. Barnehagen sin eigar kan tilpasse rammeplanen til lokale tilhøve. Med utgangspunkt i rammeplan for barnehagen, skal samarbeidsutvalet for kvar barnehage fastsette ein årsplan for den pedagogiske verksemda. 3 i Lov av 17. juni 2005 om barnehagar :
Barn i barnehagen har rett til å gje uttrykk for sitt syn på barnehagen si daglege verksemd. Barn skal jamleg få mulegheit til aktiv deltaking i planlegging og vurdering av barnehagen si verksemd. Barnet sine synspunkt skal tilleggast vekt i samsvar med barnet sin alder og modning. PARAGRAF 4: FORELDRERÅD OG SAMARBEIDSUTVAL. (I samsvar med 4 i Lov av 17. juni 2005 om barnehagar :) «For å sikre samarbeidet med barna sin heim, skal kvar barnehage ha eit foreldreråd og eit samarbeidsutval. Foreldrerådet består av foreldra/dei føresette til alle barna i barnehagen og skal fremje deira fellesinteresser og bidra til at samarbeidet mellom barnehagen og foreldregruppa skapar eit godt barnehagemiljø. Er det i forskrift etter 15 sett maksimalgrense for foreldrebetaling, kan berre foreldrerådet samtykke i foreldrebetaling ut over dette. Samarbeidsutvalet skal vere eit rådgjevande, kontaktskapande og samordnande organ. Samarbeidsutvalet består av foreldre/føresette og tilsette i barnehagen, slik at kvar gruppe er likt representert. Barnehagen sin eigar kan ta del etter eige ønskje, men ikkje med fleire representantar enn kvar av dei andre gruppene. Barnehageeigar skal syte for at saker av viktigheit vert lagde fram for foreldrerådet og samarbeidsutvalet.» Selje kommune har vald ein representant til kvar av barnehagane sine samarbeidsutval (sit val-bolken). Lov om barnehagar av 2005, 5: FELLES SAMARBEIDSUTVAL FOR BARNEHAGE OG SKULE Kommunen kan bestemme at det skal vere felles samarbeidsutval for kommunal barnehage og grunnskule. Der begge partar ynskjer det, kan det etablerast tilsvarande ordning for privat barnehage og kommunal eller privat skule. Samarbeidsutvalet vert i slike høve sett saman etter 4 tredje ledd, men slik at foreldre/ føresette og tilsette frå både barnehagen og skulen skal vere representert, jf. Opplæringslova 11-1 fjerde ledd. SELJE KOMMUNE: SAMARBEIDSUTVALET SKAL HA 3 (6) MEDLEMMAR: 1 -EIN- (2) VALD AV FORELDRERÅDET, 1 -EIN- (2) VALD AV DEI TILSETTE OG 1 -EIN- VALD AV KOMMUNEN. 3:Funksjonstid: Representantane for foreldra og dei tilsette vert valde for eitt år om gongen. Funksjonstida for eventuelle eigarrepresentantar vert fastsett av eigar. ( I Selje kommune 4 år). 4:Konstituering: Samarbeidsutvalet konstituerer seg sjølv. 5:Avstemming: Viss det må gjerast avstemming i samarbeidsutvalet, har kvar representant ei stemme, og vanleg fleirtalsvedtak gjeld. Ved stemmelikskap har leiaren dobbelstemme. 6:Rettar: Samarbeidsutvalet skal bli førelagd og har rett til å uttale seg i saker som er viktige for barnehagen sitt innhald, verksemd og tilhøvet til foreldra. Slike saker er m.a. framlegg til budsjett, driftsendringar, utnytting av ute- og inneareal m.m. 7:Tilhøvet til eigar og tilsynsmyndigheiter: Samarbeidsutvalet skal påpeike overfor eigar, og kan melde frå til kommunen eller fylkesmannen som tilsynsmyndigheiter, viss barnehagen ikkje vert driven innanfor dei rammene som vert sette av gjeldande lover, føreskrifter, barnehagen sine vedtekter og barnehagen sitt budsjett. 8:Styrar sine rettar: Styrar har møte-, tale- og forslagsrett i samarbeidsutvalet.
PARAGRAF 5: PERSONALET. Personalet skal vere i samsvar med lov om barnehagar med foreskrifter og gjeldande bemanningsplan for barnehagar i Selje kommune. Styrar er ansvarleg for den daglege drifta og er arbeidsleiar for dei tilsette. PARAGRAF 6: HELSEREGLAR Lov om barnehagar par. 23: Før eit barn byrjar i barnehage, skal det leggast fram erklæring om barnet si helse. Viss barnet har møtt til dei ordinære undersøkingane på helsestasjonen, kan slik erklæring gjevast av barnet sine føresette. Barnehagen sitt personale har plikt til å gjennomgå tuberkolosekontroll i tråd med gjeldande regelverk. Siste ledd i 23 er noko endra for å presisere at barnehagen sitt personale har plikt til å gjennomgå tuberkolosekontroll i den utstrekning helsemyndigheitene finn det naudsynt. Plikta gjeld også personar i praksis og hospitering, jf. Forskrift om tuberkolosekontroll 3-1 nr.2 I tråd med gjeldande regelverk : Distriktslækjar i Selje seier her at alle nytilsette i barnehagane skal gjennomgå ein slik kontroll. PARAGRAF 7: OPNINGSTID 1. Heildagsbarnehagane: Mandag - fredag kl. 07.30-16.30 2. Korttidsbarnehagen: kl.09.00-15.00 3. Heildagsbarnehagane stengjer 4 veker om sommaren -- er det behov, kan barnehagen halde ope ei ekstra veke. Kortidsbarnehagen føl skulen. Desse dagane er heildagsbarnehagane opne berre ved påmelding: julafta (til 12.00), romjula, nyttårsafta (til 12.00), onsdag før skjærtorsdag (til 12.00). Påmelding innan 2 veker før ferien startar. Andre dagar (knytt til feriar) der det erfaringsmessig er redusert barnetal, kan barnehagen føreta ei påmelding for å tilpasse bemanninga. PARAGRAF 8: AREALUTNYTTING. Netto leike- og opphaldsareal inne er 4 kvm. pr. barn over 3 år og 6 kvm. pr. barn under 3 år. Leike- og opphaldsareal ute må minst vere på 24 kvm. pr. barn. Med netto leike- og opphaldsareal meiner ein det areal som faktisk står til rådvelde for borna sine aktivitetar. PARAGRAF 9: BETALINGSSATSAR. Kommunestyret fastset opphaldstider og satsar for foreldrebetaling i tråd med gjeldande vedtak i Stortinget. Satsane kan endrast pr. 01.01 og 01.08 etter vedtak i kommunestyret. Foreldre/ føresette betalar for 11 månadar i året (10 månadar i korttidsbarnehagar). Foreldre/ føresette betalar fullt ut for den plassen barnet har fått tildelt. Plassen er bindande for kvart halvår. Ynskje om reduksjon i opphaldstid for 2. halvår i barnehageåret må settast fram seinast 1. november. Styrar i den einskilde barnehagen avgjer slike søknadar. Frist for oppseiing av plassen frå neste barnehageår er 1. mai og for vårhalvåret 1. november. Dispensasjon frå overnemnde kan innvilgast dersom barnet flyttar frå kommunen eller dersom helsemessige eller sosiale forhold tilseier det. Slik dispensasjon kan gjevast i den einskilde barnehage med oppseiingstid på 1 ein månad (etter felleskommunale retningsliner).
Betaling skal skje innan fastsett betalingsfrist. Betalinga blir kravd inn kvar månad på forskot. Ved manglande betaling misser barnet plassen dersom det ikkje er betalt innan 3 veker etter at betalingsvarsel er sendt. Kommunen kan likevel krevje inn pengane. Ved for sein eller manglande betaling, gjeld lov om renter ved forseinka betaling av 17.12.76 nr.100 samt innkassolova av 13.05.88 nr. 22 med forskrift fastsett i kongeleg resolusjon av 14.07.89. Vedtak etter 2. og 3. avsnitt kan påklagast ( 27, 28 og 29 i Forvaltningslova). Formannskapet er klageinstans. SYSKJENMODERASJON: *Full pris for det barnet som har det dyraste tilbodet. *30% moderasjon for barn nummer to. *50% moderasjon for dei øvrige borna. Moderasjonen gjeld sjølv om borna er i ulike barnehagar i kommunen. PARAGRAF 10: OPPTAK AV BORN. 1.Styrarane i den einskilde barnehagen tek opp barn til sin barnehage. 2.Ved opptak av barn, skal gjeldande kommunale opptakskriterium følgjast. 3.Klage på opptak skal sendast til styraren for den eiskilde barnehagen. 4.Opptaket skal samordnast, slik at der søkjar ikkje får første alternativ barnehage, skal søknaden sendast til den barnehagen som er neste alternativ. 5.Søknad om plass: Det er høve til å søkje slik plass: Heildagsbarnehagane: 3, 4 eller 5 dagar/ veke à 9 timar Korttidsbarnehagen: 2 eller 3 dagar/veke à 6 timar 6. Opptaksperioden er frå 1. august eller frå gruppa sin fyrste dag etter ferien. 7. Oppseiing av barnehageplass kan berre gjerast to gongar årleg. Barnet kan berre slutte ved nyttår og ved barnehageåret sin slutt om sommaren. Oppseiingsfristen er 1. november og 1. mai. Ynskje om endring i opphaldstidene må settast fram seinast 1. november 8. Borna har tildelt plass til dei byrjar i skulen eller til plassen vert sagt opp. OPPTAKSKRITERIUM BARNEHAGANE I SELJE KOMMUNE Etter vedtak i sak K-50/96, K-116/96 og K-8/97 Desse retningslinjene skal vere gjeldande for alle kommunale barnehagar i Selje kommune og vere ein del av vedtektene i kvar einskild kommunal barnehage. Styrarane i den einskilde barnhagen tek opp barn til sin barnehage. Ved opptaket skal det først og fremst takast omsyn til det behovet det einskilde barnet har for å komme i barnehage.opptaket skal samordnast, slik at der søkjar ikkje får første alternativ barnehage, skal søknaden sendast til den barnehagen som er neste alternativ. Ved hovudopptak om våren må alle som ikkje har fast plass søkje. Opptaket vert gjort etter gjeldande opptakskriterium, men vert gjort i tre omgongar etter denne prioriteringa: 1. Born som er 3 år og eldre vert først tekne opp (sjå definisjon på 3-åring). 2. Deretter vil 2-åringane bli tekne opp (sjå definisjon på 2-åring). 3. Ved ledig plassar etter punkt 1 og 2, vil det bli gjort opptak av born som fyller 1 år før 1. august. 4. Styrar i den einskilde barnehage avgjer om ein kan ta inn barn under 1 år.
Fysiske, bemannings og sosiale tilhøve vil kunne sette ei øvre grense for tal born under 3 år i barnehagen. * Definisjonen 3-åring er det kalendaråret barnet fyller 3 år.tilsvarande for 2-åring. I gradert orden skal ein ta desse omsyna ved opptak av barn: A-1 Funksjonshemma barn som kan ha nytte av opphaldet i vanleg barnehage. DOKUMENTASJON: Skriftleg attest frå lækjar, psykolog, PP-tenesta eller fagpersonar ved sosialmedisinske institusjonar. A-2 Barn der det vert fatta vedtak etter lov om barneverntenester (t.d. barn plassert i fosterheim, barnehageplass som førebyggande tiltak). DOKUMENTASJON: Utskrift frå møtebok (barnevernsak), skriftleg attestasjon frå sosialkontoret. A-3 Barn med særlege behov (t.d. språkvanskar, sosiale- og emosjonelle vanskar). DOKUMENTASJON: Uttale frå sosialkontor, helsesøster, PPR eller andre faglege instansar. B-1 Barn av einsleg forsytar. Sambuartilhøve vert i denne samanhang jamstilt med ekteskap. VEKTTALSYSTEM: Punkt A: 5 poeng Punkt B: 4 poeng Punkt C: 3 poeng Punkt D: 2 poeng Punkt E: 1 poeng For kvar søkjar vert det rekna poeng for kvart av punkta og summert. Når søkjarar etter gjeldande poengtildeling står likt, vert opptaket gjort ved loddtrekking. Tal born i barnegruppa : Ved opptak ved nyttår eller seinare i vårhalvåret (for inneverande barnehageår), tel born som fyller 3 år innan 30. juni som 3-åring. (jmf. brev frå Fylkesmannen av 14.02.95: «Kven er treåring i barnehagen?» og tilsvarande brev frå Dept. av 02.02.95).(Endringar i vedtak K-50/96:Opptakskriterium) Vert det tekne inn yngre born enn dette, legg dei beslag på to plassar. Viss barnehagen er fullsett, vert det sett opp venteliste. Nye søknadar om plass vert innarbeidde i ventelista i høve retningslinene for opptak. C-1 Barn av fagpersonale som kommunen har vanskar med å rekruttere. Dette punktet krev årleg vedtak i administrasjonsutvalet. D-1 Plass til 6-åringar. Gjeld for 6-åringar som etter søknad har fått innvilga utsett skulestart. E-1 Andre opplysningar: Der føresette meiner å ha særlege opplysningar som ikkje vert ivaretekne gjennom dei andre punkta i opptakskriteria, kan dei legge desse fram her.etter skriftleg tilråding frå kontaktgruppa for born, kan dei oppnå 1 opptakspoeng. Føresette som meiner å ha slike opplysningar, tek kontakt med kontaktgruppa (PPR, sosialkonsulent og helsesøster -- desse kan kontaktast einskildvis ) før dei søkjer.