Reglar for god etisk åtferd i Nord-Fron Kommune «Dine handlingar skapar Nord-Fron Kommune sitt omdømme» Folk som bur i Nord-Fron har krav på at offentleg tilsette og folkevalde forvaltar ressursane til fellesskapet på ein tilfredsstillande måte. Ein føresetnad for eit godt fungerande demokrati er at folk har tillit til den jobben som som tilsette og folkevalde gjer. Tillit og omdømme handlar om å innfri forventningar. Nord-Fron Kommune sitt etiske regelverk er meint som ei rettesnor for personleg åtferd. Handlingane frå tilsette og folkevalde dannar grunnlaget for Nord-Fron Kommune sitt omdømme. Det skal leggjast stor vekt på at all verksemd skjer på ein ryddig, open og ærleg måte. Reglane for god etisk åtferd gjeld for alle tilsette, folkevalde og andre som opptrer på vegne av Nord-Fron kommune. Verdiane for Nord-Fron Kommune er også styrande for korleis tilsette og folkevalde skal opptre. Nord-Fron Kommune kommunen der vi: Samhandlar Viser omsorg Tar og gir ansvar Fokuserer på utvikling Nedafor er det lista opp etiske retningsliner som er viktige for å ivareta og styrke innbyggjarane sin tillit til den kommunale forvaltninga. 10 OM ETIKK 1 Service Tilsette i Nord-Fron Kommune skal ha fokus på å gje god service og informasjon til innbyggjarane. Tilsette skal oppfattast som effektive og kvalitetsbevisste. Du skal opptre vennleg, korrekt og imøtekommande i så vel skriftleg som munnleg kommunikasjon. Det er særleg viktig å respektere den personlege integritet og alltid halde seg innafor lovbestemte reglar om teieplikt og personvern. Alle spørsmål til kommunen skal behandlast profesjonelt, vennleg og effektivt. Når du omtalar publikum eller brukarar skal det skje på ein respektfull måte. Du skal lytte til innbyggjarane sine interesser, arbeide for likebehandling og opptre med respekt ovanfor det enkelte individ. Folk som tek kontakt med kommunen for å få hjelp skal ha svar så raskt som råd. 2 Lojalitet Det er ein gjensidig lojalitetsplikt mellom dei tilsette og kommunen som arbeidsgjevar. Lojalitetsplikten går ut på at:
- 2 - o Du skal opptre i samsvar med kommunen sine interesser og lojalt fremje desse o Du skal ikkje urettvis omtale kommunen på ein negativ måte Du skal kunne reise nødvendige motforestillingar før ei avgjerd blir tatt. Du skal bruke din kompetanse og posisjon til å sikre gode prosessar og diskusjonar. 3 Arbeidsmiljø og menneskeverd Du skal vise respekt og omtanke for andre og arbeide for eit godt arbeidsmiljø prega av likeverd og mangfald. Du skal ikkje setje andre i eit dilemma i høve til reglar for god etisk åtferd. Du skal vise openheit ovanfor andre kollegaer for å få samhandling og effektive tenester til det beste for brukarar, innbyggjarar og publikum. Du skal utføre arbeidsoppgåvene dine slik at du ikkje set ditt eige eller andre sitt liv og helse i fare. Som leiar har du eit spesielt ansvar for å gå framfor som eit godt eksempel når det gjeld å følgje reglar for god etisk åtferd. Du har også ansvaret for at andre er kjent med og følgjer reglane. 4 Kommunikasjon Nord-Fron skal vere ein open og inkluderande kommune. Innbyggjarar og publikum skal på ein enkel måte få innsyn og innsikt i korleis oppgåver blir følgt opp. Som tilsett skal du bidra til at innbyggjarane får mest mogeleg utfyllande informasjon om sine rettar og pliktar. All kommunikasjon skal vere profesjonell og bidra til å skape gode relasjonar og godt omdømme. Delta gjerne i diskusjonar i sosiale medier og andre elektroniske kanalar. Ved open om at du er tilsett dersom du uttalar deg om forhold i kommunen. Du skal ikkje urettsvis omtale andre tilsette eller folkevalde i kommunen på ein negativ måte. Nord-Fron Kommune sine etiske reglar og teieplikt gjeld også ved bruk av sosiale medier. Som tilsett og folkevald i Nord-Fron Kommune har du teieplikt for å hindre at uvedkommande får tilgang til informasjon som kan skade kommunen eller brukarar. Du må vise varsemd når kommunal e-postadresse blir brukt i privat samanheng, og slik bruk skal som hovudregel skje utanom arbeidstid. Når kommunal e-post adresse blir nytta i privat samanheng skal ikkje stillingstittel, kommunelogo eller liknande brukast. Kommunen sin logo eller brevhode skal heller ikkje nyttast i private brev. All korrespondanse skal handterast i samsvar med reglar for arkiv, journalføring og innsyn. Reglane gjeld også for elektronisk korrespondanse. 5 Habilitet Du skal ikkje bruke din posisjon til personlig vinning. Alle tilsette og folkevalde skal arbeide for å unngå å kome i situasjonar som kan føre til konflikt mellom kommunen sine interesser og personlege interesser. Du er til dømes innhabil i saker der familiemedlemmer er den eine parten. Du har sjølv ansvar for å melde frå om situasjonar der det kan vere tvil om eigen habilitet. Ved tvil om habilitet eller interessekonfliktar skal du varsle din næraste leiar. Ved innhabilitet på rådmannsnivå skal saken handterast av det næraste kompetente politiske organet. Ordføraren skal i slike tilfelle vurdere om ein annan kommune bør lage saksframstilling. - 2 -
- 3-6 Økonomi Alle innkjøp innafor drift, investeringsbudsjett og anbod skal følgje lov og forskrift om offentlige anskaffelser. Det blir vist til eige innkjøpsreglement. All finansforvaltning skal følgje gjeldande lover, reglement og god forretningsskikk. Det blir vist til eige reglement for finansforvaltning. Reglar for korleis økonomiforvaltninga skal skje er nedfelt i eige økonomireglement. Det blir også vist til administrativt delegeringsreglement. Når arbeidsgjevar fullt ut dekker utgifter til bruk av mobil/datakommunikasjon skal arbeidstakar/folkevald skatte av denne fordelen. 7 Bruk av kommunen sine ressursar Du pliktar å forvalte kommunen sine ressursar på ein mest mogleg økonomisk og rasjonell måte. Ressursar er arbeidstid, budsjettmidlar, arbeidskraft, bygningar, bilar, maskiner, materiell og elektroniske tenester. Kommunen sine eigendelar skal i hovudsak ikkje lånast ut i privat samanheng til tilsette, folkevalde og innbyggjarar. Dette gjeld ikkje kommunale bygg med tilhøyrande utstyr der det er lagt til rette for utleige etter særskilte reglar / betalingsordningar. Det er eit absolutt forbod mot utleige av bil og traktor. 8 Gåver Du skal ikkje ta i mot gåver, godtgjersle, tenester, provisjonar eller andre fordelar som av andre kan vurderast til å påvirke ein sak som blir behandla i kommunen. Nord-Fron Kommune har null-toleranse i forhold til korrupsjon. Du skal ikkje bruke posisjonen din i kommunen for å oppnå private fordelar for deg sjølv eller andre. Innbyggjarane skal kunne føle seg trygge på at avgjerder blir tatt upåverka av omsyn som ikkje vedkjem saka. Mottak av gåver eller fordelar i kraft av å vere tilsett og/eller folkevald i kommunen vil kunne bli sett på som korrupsjon, og kan medføre straff i følgje straffelova (f.t. 276 a-c). Deltaking i arrangement i regi av leverandørar eller andre samarbeidspartnarar i næringslivet skal avklarast med næraste leiar. Reiser og overnatting skal dekkast av Nord-Fron Kommune. Kommunalt tilsette og folkevalde skal ikkje gi eller tilby gåver, tenester eller andre fordelar som er meint til å påverke handlingane til mottakaren. Det kan bli rekna for å bidra til korrupsjon dersom tilsette eller folkevalde i kraft av si stilling / ombodsrolle tilbyr nokon ei gåve eller fordel, for eks. for å få gjennomslag i forhandlingar om kjøp eller levering av varer eller tenester. 9 Verv eller deltaking i anna virksomheit Det skal vere openheit om tilsette og folkevalde sine tilleggserverv, styreverv og økonomiske interesser. For å unngå interessekonfliktar er det oppretta eit styrevervregister der det er lagt opp til at alle folkevalde, administrasjonssjefen, medlemer i rådmannsleiinga, - 3 -
- 4 - virksomhetsleiarar og tilsette (som har oppgåver knytt til innkjøp), skal registrere verv, anna jobb og/eller økonomiske interesser Tilsette skal ikkje ha/utøve verv, økonomiske interesser eller anna jobb som kjem i direkte konflikt med kommunen sine interesser, som kan medverke til illojal konkurranse med tenestetilbodet i kommunen. Det same gjeld verv eller jobb som: o er forbode gjennom lov, forskrift og/eller tariffavtale. o ikkje kan kombinerast med dei interesser vedkommande skal ivareta for kommunen. o kan kome i konflikt med arbeidstakaren sin lojalitetsplikt overfor kommunen. o kan hemme, sinke eller komme i konflikt med arbeidstakaren sin stilling i kommunen. 10 Oppfølging, varsling og kontroll Ved å følgje reglane for god etisk åtferd bidreg du til å skape og vidareutvikle gode relasjonar, og du med på å bygge Nord-Fron Kommune sitt omdømme. Alle tilsette og folkevalde pliktar å melde frå om kritikkverdige forhold som kan skade arbeidsgjevaren sine interesser. Kritikkverdige forhold kan vere til dømes lovbrot eller brot på etiske retningsliner. Kritikkverdige tilhøve skal først takast opp med næraste overordna, og det skal leggast vekt på å få til ein god dialog om dei tilhøva som er tatt opp. Stillinga eller posisjonen til den som uttalar seg, vil kunne vere eit moment i vurderinga av om ei ytring om avgjerd/vedtak er eit brot på lojalitetsplikta. Tvil om habilitet, tilbod om gåver eller brot på etisk regelverk skal rapporterast: o Tilsette skal rapportere via næraste leiar til rådmannsleiinga. o Administrasjonssjef rapporterer til ordførar o Ordførar rapporterer til formannskapet o Kommunestyremedlemmer rapporterer til ordførar Brot på etisk regelverk blant tilsette blir sett på som brot med arbeidsavtalen, og kan føre til disiplinære reaksjonar. Avhengig av alvorsgrad kan brotet føre til oppseiing eller omplassering. Det er eit leiaransvar å følgje opp at tilsette er kjent med og arbeider etter kommunen sine etiske retningsliner og fremmer arbeidet med omdømmebygging. Etiske dilemma og haldningar skal jamleg vere tema på alle arbeidsplassar via personalmøte og faglege samlingar. Både leiarar og folkevalde skal ha temasamlingar knytt til etikk, åtferd og omdømme. Endringar Kommunestyret skal behandle etiske retningsliner ein gang i løpet av kommunestyreperioden. Mindre justeringar av desse retningslinene kan gjerast av administrasjonssjefen. VEDLEGG - 4 -
- 5 - Retningsliner for gåver Ved tvil skal følgjande leggjast til grunn: Strengt forbode å ta i mot - raud sone: Pengar, lån, rabattar, eller tenester/gjenstandar som lett kan omsettast i pengar. Gåver med vilkår. Gåver som blir gitt i det skjulte for å påverke vedtak i ei sak. Invitasjonar til overnatting, måltid, framsyning, sports- eller kulturarrangement som blir betalt fullt ut av andre og som skjer i samband med forhandlingar om kontraktar og avtaler, eller for å få demonstrere produkt og/eller tenester. Dekning av andre utgifter enn overnatting og nødvendig bevertning på hotellrekninga. Rabattordningar som ikkje har karakter av å vere ei ordning som gjeld for alle tilsette. Må vurdere nøye og ta opp med overordna - gul sone: Faglege arrangement der alle utgifter til reise og/eller opphald blir betalt av andre. Personlege gåver av større verdi ved feiring av ulike anledningar på arbeidsplassen, for t.d. fødselsdag, avskjedsfest og andre jubileum. Takk-for-hjelpa gåver av større verdi. Større verdi er her meint utover det som er vanleg høflegheit. Invitasjonar til måltid, sports- eller kulturarrangement, som ikkje er ein del av eit fagleg opplegg eller som krev reise og opphald. Kan ta i mot grøn sone: Profilgåver med ubetydeleg verdi. Gåver med verdi innafor det som er vanleg høflegheit. Arbeidslunsj og arbeidsmiddag. Faglege arrangement der kommunen dekker reise og opphald. Betaling og reisekostnader som foredragshaldar. Billettar og bevertning til arrangement av mindre omfang. - 5 -