Vurderingsrettleiing 2012 ENG0012 Engelsk 10.trinn Til sentralt gitt skriftleg eksamen Nynorsk
ENG0012 Engelsk 10. trinn Vurderingsrettleiing til sentralt gitt skriftleg eksamen 2012 Denne vurderingsrettleiinga gir informasjon om sentralt gitt eksamen og korleis han skal vurderast. Vurderingsrettleiinga skal vere kjend for elevar, lærarar og føresette i god tid før eksamen. Sensorane skal bruke vurderingsrettleiinga som ei felles referanseramme i arbeidet sitt. Sensorrettleiinga og læreplanen i engelsk utfyller denne generelle rettleiinga. 1. Organisering av sentralt gitt skriftleg eksamen Forebuingstid: 1 dag Eksamen: 5 timar sentralt gitt eksamen med sentral sensur På førebuingsdagen er alle hjelpemiddel tillatne, inkludert bruk av Internett. Førebuingsdagen er obligatorisk skuledag. I førebuingstida kan eleven samarbeide, hente informasjon og få rettleiing. Til eksamen er heile læreplanen aktuell. Det inneber at elevane til eksamen også kan prøvast i fleire og relevante delar av læreplanen enn det som kan lesast direkte ut av førebuingsdelen. Det er derfor viktig at elevane får rettleiing i å sjå dei moglegheitene som førebuingsdelen rommar, slik at dei kan møte eksamensoppgåver som koplar innhaldet i førebuingsdelen til heile læreplanen. Førebuingstid: Førebuingsdagen er obligatorisk og elevane har krav på rettleiing. Skulane skal organisere denne dagen med eit innhald som legg til rette for at elevane er godt førebudde til skrivedagen. Skulane er pliktige til å leggje eksamen til rette, slik at elevane får best mogleg høve til å vise kva dei kan. Tekstar: Tekstane som er å finne på Internett, har eit overordna tema som igjen er ordna i to delar med lenker. Den første delen, Part A, gjev elevane tre alternativ å velje mellom. Ved å ha tekstar på Internett, kan elevane finne tekstar som handlar om det temaet dei er interesserte i. Elevane finn heile tekstutvalet på Internett. Tekstutvalet er gjort i høve til eit hovudtema. Hovudtemaet er vidare delt inn i to delar med tekstar og lenker, Part A og Part B. Part A inneheld tre alternativ. Elevane kan arbeide med fleire enn eitt alternativ viss dei vil. Part B inneheld samanhengande tekstar som tematisk knytte til hovudtemaet. Eksamen Eksamenstid Førebuingsdagen Organisering av tekstane på Internett Eksamen har ein førebuingsdag og ein eksamensdag. 5 klokketimar. Førebuingsdelen er open på Internett. Part A: Alternativ 1 Alternativ 2 Alternativ 3 Vurderingsrettleiing til sentralt gitt skriftleg eksamen I ENG0012 Engelsk 10 trinn, 2012 Side 2 av 8
Førebuingsdel Part B, samanhengande tekstar. Denne delen av eksamen skal elevane bruke til å førebu seg. Elevane må både lese, studere og sortere ukjent stoff. Elevane skal arbeide med eitt av dei tre alternativa i Part A. Elevane kan velje å fordjupe seg i fleire enn eitt alternativ viss dei vil. Det er ikkje nødvendig for elevane å lese grundig gjennom alle tre alternativa for å kunne svare på oppgåvene på eksamensdagen. Alle elevane skal arbeide med Part B. Part A og Part B har lenker som gjer at elevane kan velje om dei berre vil ta utgangspunkt i tekstane som ligg i kvar del, eller om dei vil bruke både tekstar og lenker. Elevane vil ha tilgang til lenka vurderingsrettleiing i førebuingsdelen. Eksamensoppgåver Eksamensdagen Eksamen har to delar: Del A og Del B. I del A skal elevane svare på to obligatoriske oppgåver. I del B skal elevane svare på ei av seks langsvaroppgåver. Denne dagen skal elevane både svare på to oppgåver og skrive ein lengre tekst. Alle oppgåvene er knytte til arbeidet elevane gjorde på førebuingsdagen. Elevane skal svare på engelsk. Dersom elevane siterer frå andre tekstar (inkludert Internett), må dette kome tydeleg fram i svaret. Hugs at alle kjelder skal oppgjevast! Hjelpemiddel Alle kjelder som blir nytta til eksamen, direkte eller indirekte, skal oppgjevast på ein slik måte at lesaren kan finne fram til kjelda. Dersom elevane har med seg utskrifter eller sitat frå nettsider, skal adresse og nedlastingsdato oppgjevast. Alle hjelpemiddel er tillatne i førebuingsdelen. Andre opplysningar Alle hjelpemiddel unntatt Internett og andre verktøy som tillett kommunikasjon er tillatne på eksamensdagen. For norsk og framandspråka er heller ikkje omsetjingsprogram tillatne. Alle skal skrive inn topptekst og tekst på botn av arket. Topptekst: Kandidatnummer og skule Botntekst: Sidenummer og antal sider Skriftstorleik: 12 Skrifttype: Verdana Linjeavstand: 1,5 Vurderingsrettleiing til sentralt gitt skriftleg eksamen I ENG0012 Engelsk 10 trinn, 2012 Side 3 av 8
Sitat skal skrivast i kursiv For elevar som skriv for hand Elevane bør lagre ofte. Elevane skal bruke godkjende innføringsark. 2. Hjelpemiddel til sentralt gitt eksamen Alle hjelpemiddel er tillatne, unntatt Internett og andre verktøy som kan brukast til kommunikasjon. For ENG0012er heller ikke oversettelsesprogram tillatne. Gjennom opplæringa i det enkelte fag skal elevane ha fått rettleiing i å vurdere kva hjelpemiddel dei vil ha nytte av i arbeidet med å løyse oppgåver av ulik type. Det er eleven sjølv, gjerne i samråd med læraren, som finn fram til kva hjelpemiddel som er føremålstenlege. 3. Bruk av kjelder Dersom det er aktuelt for eleven å bruke kjelder i svaret, må kjeldene førast opp på ein etterretteleg måte. Det finst ulike måtar å føre opp kjelder på. Det er viktig at kjelder som blir brukte til eksamen, blir førte opp på ein slik måte at lesaren kan finne fram til dei. Eleven skal føre opp forfattar og fullstendig tittel på så vel lærebøker som annan litteratur. Dersom eleven bruker utskrift eller sitat frå nettsider, skal han/ho føre opp nøyaktig nettadresse og nedlastingsdato. Dersom sensor mistenkjer at eit svar inneheld kopiert materiale utan kjeldetilvising, kan svaret sendast til plagiatkontroll. 4. Vurdering av eksamenssvar Læreplanane og forskrift til opplæringslova er grunndokument for vurderingsarbeidet. Forskrift til opplæringslova 3-25 og 4-18 slår fast: Eksamen skal organiserast slik at eleven/deltakaren eller privatisten kan få vist kompetansen sin i faget. Eksamenskarakteren skal fastsetjast på individuelt grunnlag og gi uttrykk for kompetansen til eleven/deltakaren eller privatisten slik den kjem fram på eksamen. Kompetanse er i denne samanhengen definert som evna til å møte ei kompleks utfordring eller utføre ein kompleks aktivitet eller ei kompleks oppgåve. 1 Eksamensoppgåvene blir utforma slik at dei prøver denne kompetansen. Grunnlaget for å vurdere kompetansen elevane viser i eksamenssvaret, er kompetansemåla i læreplanen for fag. 2 Dei grunnleggjande ferdigheitene er integrerte i kompetansemåla i alle læreplanane for fag. Grunnleggjande ferdigheiter vil derfor kunne prøvast indirekte til sentralt gitt eksamen. Grunnleggjande ferdigheiter utgjer ikkje eit sjølvstendig vurderingsgrunnlag. 1 St.meld. nr. 30 (2003 2004) Kultur for læring. 2 Forskrift til opplæringslova 3-3 og 4-3. Vurderingsrettleiing til sentralt gitt skriftleg eksamen I ENG0012 Engelsk 10 trinn, 2012 Side 4 av 8
5. Karakterar Forskrift til opplæringslova 3-4 og 4-4 har generelle karakterbeskrivingar for grunnopplæringa: a) Karakteren 6 uttrykkjer at eleven har framifrå kompetanse i faget. b) Karakteren 5 uttrykkjer at eleven har mykje god kompetanse i faget. c) Karakteren 4 uttrykkjer at eleven har god kompetanse i faget. d) Karakteren 3 uttrykkjer at eleven har nokså god kompetanse i faget. e) Karakteren 2 uttrykkjer at eleven har låg kompetanse i faget. f) Karakteren 1 uttrykkjer at eleven har svært låg kompetanse i faget. 6. Kjenneteikna på måloppnåing Kjenneteikna på måloppnåing beskriv nærmare kva for eksempel god kompetanse i faget vil seie for ENG0012 til skriftleg eksamen. Karakterane vert beskrivne innafor tre nivå i høve til kompetansemåla. Se vurderingsmatrisa på neste side. Vurderingsrettleiing til sentralt gitt skriftleg eksamen I ENG0012 Engelsk 10 trinn, 2012 Side 5 av 8
Kultur, samfunn og litteratur S k r i f t l e g k o m m u n i k a s j o n Kjenneteikn på måloppnåing engelsk 10.trinn ved sentralt gitt skriftleg eksamen våren 2012 Karakter 1 2 Eleven kan: Innhald Tekststruktur Språk Lågare kompetanse enn nivå 2 Lågare kompetanse enn nivå 2 Lågare kompetanse enn nivå 2 svare på oppgåva på ein enkel måte skrive ein tekst der det kan hentast ut eit innhald setje saman setningar etter kvarandre til ein enkel tekst bruke eit svært enkelt ordforråd uttrykkje ei mening, sjølv om språket kan innehalde mange feil bruke enkel ortografi og teiknsetjing 3-4 Eleven kan: svare på oppgåva, men ikkje nødvendigvis med eit fullstendig relevant innhald formidle ein bodskap skrive om eit emne med eit relativt enkelt innhald og med ein viss grad av sjølvstende bruke innhald frå kjelder på en ansvarleg måte en viss grad av grunnstruktur og bruk av avsnitt som til ein viss grad er tilpassa kommunikasjonssituasjonen skrive ein samanhengjande tekst enkel tekstbinding bruke eit ordforråd som er stort nok til å skrive ein tekst om eit kjent tema i nokon grad bruke språkets grunnleggjande formverk i nokon grad variere setningsbygnaden 5-6 Eleven kan: besvare oppgåva på ein relevant måte presentere ein bodskap på ein sjølvstendig og tydeleg måte gjere rede for eit emne på ein utfyllande måte bruke innhald frå ulike kjelder på ein kritisk og ansvarleg måte ein passande struktur og ein føremålstenleg bruk av avsnitt som er tilpassa kommunikasjonssituasjonen logisk oppbygging og god flyt en rimelig variert bruk av tekstbinding bruke eit ordforråd som er stort nok til å uttrykkje det meste om eit gitt tema bruke språkets grunnleggjande formverk med ein del presisjon variere setningsbygnaden bruke ortografi og teiknsetjing med noko presisjon bruke ortografi og teiknsetjing med ein del presisjon Vurderingsrettleiing til sentralt gitt skriftleg eksamen I ENG0012 Engelsk 10 trinn, 2012 Side 6 av 8
Vurderingsrettleiing til sentralt gitt skriftleg eksamen I ENG0012 Engelsk 10 trinn, 2012 Side 7 av 8
Schweigaards gate 15 Postboks 9359 Grønland 0135 OSLO Telefon 23 30 12 00 www.utdanningsdirektoratet.no