Roleg fjordvandring i UNESCO verdsarvområdet Vandring, sightseeing på Geirangerfjorden og ein smak av lokal produsert mat! Dag 1: 15.00: Innsjekk på Petrines Gjestgiveri. Gjestgiveriet ligg i bygda Norddal, som ligg ein kort avstikkar frå den tradisjonelle turistruta Geiranger-Trollstigen. Her overnattar ein i trivelege rom med god komfort i nostalgisk Carl Larsson stil. Ein perfekt stad for å kunne slappe av og nyte stillheita, smake på den lokalproduserte maten, og skue mot fjella, fjorden og bygda. 17.00: Roleg vandring i det historiske kulturlandskapet i Norddal. Eige kart over området The Happy Norddal vert utlevert ved innsjekk. 19.00: Det vert servert 3-rettars middag i den heimekoselege restauranten. Rettar av hjort, kjekjøt (geitekilling), herdalskre (småaure frå Herdalsvatnet), laks samt freistande dessertar som heimelaga karamellpudding, eplekake og jordbærkake står på menyen. Til maten kan ein få heimelaga eplesaft, men Petrines Gjestgiveri har også alle rettar i baren, om ein skulle ønskje edlare dråpar. Dag 2: 09.00: Frukostbuffet på Petrines Gjestgiveri. 11.30: Avgong frå kaia i Geiranger for eit eksklusivt fjordcruise på den berømte Geirangerfjorden, kombinert med ein fottur til fjellgarden Skageflå. Skageflå ligg på ei fjellhylle om lag 270 meter over havet. Dette er den mest kjende fjordgarden i geirangerfjorden, mykje på grunn av at Kong Harald og Dronning Sonja feira sølvbryllaupet sitt her i 1993.
Det er også her på Skageflå den offisielle plaketten frå UNESCO er plassert. Oppstiginga startar ved Skagehola, der M/S Geirangerfjord slepp dykk av, og hentar dykk igjen etter turen opp til fjellgarden. Ein går på eige ansvar på oppmerka sti. Vis hensyn til naturen og omgivnadane. Hugs godt fottøy, drikke og ver varsam! 19.00: Det serverast 3-rettars middag på Petrines Gjestgiveri. Dag 3: 09.00: Frukost og avreise frå Petrines Gjestgiveri Geirangerfjorden er ein av Noregs einaste naturarvområde på den prestisjetunge lista over verdas kultur- og naturarv. Naturområdet vart innskrive 14. juli 2005 og femnar noko av dei lengste, djupaste, smalaste og vakraste fjordane i verda! Pris pr. person kr 2295,- Overnatting i dobbeltrom med dusj og WC ( 2 netter) Frukost og 3 retters middag 2 dagar Lunchpakke til utflukt; Fjordcruise / Skageflå Vandrekart The Happy Norddal Tilgong til trådlaust internett.
Opplev Geirangerfjorden med omland - UNESCO Verdsarvområdet Overnatting på historiske Hotel Union i Geiranger. Her vil du oppleve ypperleg service, god, lokal mat laga av utsøkte råvarer, spa for velvære og ro, og verdas vakraste fjord rett utanfor vindauga. Inngong til Geiranger Fjordsenter, som bla. Byr på: Verdsarvinformasjon, historisk utstilling, multimediashow, kunstutstilling, butikk og kafè. Ferjetur med Fjord 1, på Geirangerfjorden, kombinert med besøk til Peer Gynt Galleriet på Hellesylt. Galleriet er det nye, store kunstsenteret på Vestlandet. Her kan du oppleve dei makelause utskjæringane til den kjente, norske treskjæraren Oddvin Parr, med scener fra Henrik Ibsens "Peer Gynt". Treskjæraren har sidan tenåra via livet sitt til å formidle historia om Peer Gynt, og har brukt dei siste ti åra til å skjere ut scener frå skodespelet i tre. Leige av nordic walking stavar, samt kartpakke med ulike turforslag frå området, bla. til Storseterfossen og Vesteråsfjellet. Dersom de ynskjer eigen nordic walking guide kan dette bestillast mot eit lite tillegg. Pris kr 2685,- Overnatting med halvpensjon på Union Hotel, 2 netter Inngong til bad og spa avdelinga på Union Hotel Inngong til Geiranger Fjordsenter Ferjetur t/r Geiranger/Hellesylt Leige av Nordic Walking stavar og kartpakke
Fjord og Fjell hotellpakke i Geiranger Her kan ein kose seg med halvpensjon på Hotell Geiranger, som ligg idyllisk plassert heilt nede i fjordkanten. Hotellet har tradisjonar tilbake til 1860- talet, men framstår i dag som eit moderne hotell. Kombiner det store aktivitetstilbodet vi kan by på i området, med nokre av Verdsarvområdets høgdepunkt. 2 netter i dobbeltrom, med halvpensjon på Hotell Geiranger Ekslusivt fjordcruise på Geirangerfjorden kombinert med fottur til Skageflå (lunchpakke frå Hotell Geiranger) Inngong til Geiranger Fjordsenter, der de bla. får ei innføring i fjordfolket si historie og sjå eit flott multimediashow. Vi inkluderar også vår eigen kartpakke der de finn ulike turforslag de kan ta på eigahand i nærområdet som bla. Dalsnibba, Trollstigen, Storseterfossen osv. Pris frå Kr 1950,- per person i dobbeltrom (Gyldig i perioden frå 1. mai 1. september) Overnatting med halvpensjon på Hotell Geiranger, 2 netter Fjordcruice på Geirangerfjorden Inngong til Geiranger Fjordsenter Lunchpakke Kartpakke
Familieopplevingar Fjord og Fjell Overnatting i høgstandardhytte i verdsarvområdet (3 netter) Besøk på Hotel Union Her kan de nytte dykk av barnebasseng, utandørs terapibasseng, innandørs symjebasseng og leikeland. Fjordcruise på den berømte Geirangerfjorden, kombinert med ein fottur til fjellgarden Skageflå. Fjellgarden ligg på ei fjellhylle om lag 270 meter over havet. Besøk på Herdalssetra. Her kan ein bla. oppleve moderne mjølkeproduksjon i eit over 300 år gamalt stølsmiljø eit levande museum. Setra ligg om lag 500 m.o.h, like ved det vakre Herdalsvatnet. Setra er opa for drift i tre månader, frå jonsok til september. Inngong til Geiranger Fjordsenter, som bla. byr på: Verdsarvinformasjon, historisk utstilling, multimediashow, kunstutstilling, butikk og kafè Kartpakke med ulike turforslag frå området, bla. til Storseterfossen og Vesteråsfjellet. Ta med borna på ei vandring i verdsarven vår! Familietilbod frå kr 3500,- (2v + 2B) Overnatting i hytte, 3 netter (uspes.) Fjordcruice på Geirangerfjorden Inngong til Geiranger Fjordsenter Inngong til bad og spa avdelinga på Union Hotel Besøk på Herdalssetra Kartpakke
Adrenalin i UNESCO Verdsarvområdet Geirangerfjorden Overnatting (3 døgn) i heilt nye hytter på Kragebakk i Valldalen,- midt mellom Trollstigen og Geiranger. Her bur de i ein spektakulær natur, i førsteklasses hytter. Gubrandsjuving juvinga foregår rett ved Gubrandsjuvet, 15 km frå Valldal i retning Trollstigen. Gubrandsjuving byr på leik og utfordringar i og rundt juvet. Hopping og stuping ned i juvet frå høgder opp mot 10 m, rappelering og taubane ned i elva er noko ein kan få utfordre seg på. Rafting i Valldøla - raftinga startar frå Hoel bru. Der vert ein fordelt i flåtar og instruert i teknikken, før ein startar ferda nedover Valldøla. Etter omlag 12 km med vakker natur, opplevingar og spenning, flyt flåtane roleg ut i den vakre Nordalsfjorden ved Valldal sentrum. Ein fantastisk sykkeldag på landevegen Heile 3500 høgdemeter vert forsert denne dagen. Vi syklar Ørnevegen, ned til Geiranger, og frå Geiranger t/r Dalsnibba. Dei som ikkje vil sykle heile vegen, får sitje på med vår service bil. Ta med vener, kollegaer og familie til nokre fartsfylde og spanande dagar i fjordane! Pris kr 2900,- pr. person Overnatting i høgstandardhytte på Kragebakk, 3døgn. (3 soverom i kvar av hyttene. Kjøken, bad, ekstra WC, TV og breiband). Gubrandsjuving Rafting Landevegssykling Alt utstyr ein treng til dei ulike aktivitetane
Opplev vinterparadiset i Fjord Norge - Strandafjellet Vi tek deg med på skiopplevingar i eit av Norges mest spektakulære alpin anlegg. Våre erfarne guider tek deg med på ein skidag tilpassa dine ferdigheiter. På Strandafjellet byr vi på gode snøforhold og herleg utsikt over fjell som stuper ned i ein blå fjord. Her byr vi på alt frå rolege bakker med perfekt underlag til bratte skrentar med pudder under skia eller brettet. Kombiner den perfekte skidagen med varm lunsj i den nye paviljongen, som ligg ved toppenstasjonen til stolheisen på 786 moh. Her kan de nyte ei fantastisk utsikt og nydeleg mat og drikke. Pris kr 780,- pr. person Heiskort (1 dag) Guiding i skianlegget Lunch i paviljongen
Informasjon: Lake tilrettelegg heile eller deler av din reiselivsopplevelse i Fjord regionen. Vi kjenner til dei små stadane med dei lokale hemmeligheitene, samt våre kjende og kjære turistattraksjonar. Vi kan skreddersy ei reise som inkluderar overnatting, servering, spanande aktivitetar og attraksjonar. Regionen har alt du treng for eit vellukka opphald med minnerike opplevingar! Kontakt oss for bestilling av våre ferdige pakkar - eller for ei reise spesielt laga for dykkar behov. For ytterlegare informasjon ver venleg å ta kontakt med: Lake DA Tinggt. 3 N- 6783 Stryn Tlf.: +47 400 70 666 info@lake.no www.lake.no Destinasjon Geirangerfjord er reisemålselskapet som dekkjer heile det attraktive området frå Geirangerfjorden til Trollstigen. Hovudformålet til selskapet er å fremje reiselivet i området og utføre marknadsaktivitetar, stimulere til produktutvikling og løyse andre fellesoppgåver for reiselivsnæringa innanfor selskapet sitt aktivitetsområde. For ytterlegare informasjon om reisemålselskapet ver venleg å ta kontakt med: Destinasjon Geirangerfjord-Trollstigen AS N-6216 Geiranger Tel.: 70 26 38 00 info@visitgeirangerfjord.com www.visitgeirangerfjord.com