Notat Vår ref LITO 14/382-1 Arkiv A10, Dato 15.04.2014 Vedtekter for barnehage 1. EIGARTILHØVE Jølster kommune eig og driv følgjande barnehagar: Langhaugane barnehage, 0-6 år. 144 plassar. Skei barnehage, 0-6 år. 36 plassar. Barnehagane skal drivast som heildagsbarnehagar og er opne for barn i alderen 0-6 år. 2. FØREMÅL Barnehagen skal drivast i samsvar med Lov om barnehagar, gjeldande føresegner og retningslinjer. Sitat frå 1 i Lov om barnehagar: Barnehagen skal i samarbeid og forståelse med hjemmet ivareta barnas behov for omsorg og lek, og fremme læring og danning som grunnlag for allsidig utvikling. Barnehagen skal bygge på grunnleggende verdier i kristen og humanistisk arv og tradisjon, slik som respekt for menneskeverdet og natuen, på åndsfrihet, nestekjærlighet, tilgivelse, likeverd og solidaritet, verdier som kommer til uttrykk i ulike religioner og livssyn og som er forankret i menneskerettighetene. Barna skal få utfolde skaperglede, undring og utforskertrang. De skal lære å ta vare på seg selv, hverandre og naturen. Barna skal utvikle grunnleggende kunnskaper og ferdigheter. De skal ha rett til medvirkning tilpasset alder og forutsetninger. Barnehagen skal møte barna med tillit og respekt og anerkjenne barndommens egenverdi. Den skal bidra til trivsel og glede i lek og læring og vere et utfordrende og trygt sted for fellesskap og vennskap. Barnehagen skal fremme demokrati og likestilling og motarbeide alle former for dikriminering.
3. STYRINGSVERKET A. Kommunen Rådmannen har det overordna ansvaret for Langhaugane og Skei barnehagar. B. Den enkelte barnehage Styrarane har det faglege og administrative ansvaret for drifta av barnehagane. Barnehagen skal ha foreldreråd og samarbeidsutval, jfr. Lov om barnehagar 4. Foreldrerådet utgjer alle foreldre/føresette som har barn i barnehagen. Ved røysting gjeld ei røyst for kvart barn. Samarbeidsutvalet skal ha 5 medlemmar, 2 valde av foreldrerådet, 2 mellom dei tilsette og 1 medlem oppnemnd av eigar. Saker til samarbeidsutvalet skal meldast inn skriftleg. Styrar har møte-, tale- og forslagsrett. 4. OPPTAK A. TILRETTELEGGJE SØKJARPROSESSEN Ventelistene vert sletta i starten av januar kvat år. Søkjarar som har søkt om barnehageplass frå nytt barnehageår før 01.01 vert sletta frå ventelistene. Søkjarane som vert sletta frå lista får informasjon via brev om at dette er gjort. Søkjarar som ønskjer plass til nytt barnehageår kan søkje på nytt. B. OPPTAKSMYNDE Rådmann har det overordna ansvar for samordna opptak i kommunen. Etter delegert mynde tildelar styrar ledige plassar i sin barnehage i samsvar med lovverk og vedtekne retningslinjer for opptak. C. RETNINGSLINJER FOR OPPTAK I Jølster kommune er det samordna opptak som omfattar alle barnehagar i kommunen, jamfør lov om barnehagar 12. Barnehagen sine vedtekter regulerar opptaket. Søknad om opptak skal skje elektronisk. Det er eit hovudopptak kvart år om våren. Søknadsfrist for hovudopptak er 01.03 og vert kunngjort gjennom oppslag, annonse og internett. Frå og med 01.01.2009 er det innført lovfesta rett til barnehageplass. Barn som fyller eitt år innan utgangen av august det året det vert søkt om barnehageplass, har etter søknad rett til å få plass i barnehage frå august. Tildeling av plassar ved hovudopptak vert gjort i mars/april. Søkjarar som flyttar til kommunen etter tidspunktet for oppstart i barnehage, ikkje har søkt
innan hovudopptaket eller søknad er kome inn etter fristen for hovudopptak, vert registrert på venteliste etter opptakskriteria. Søknadene vert handsama etter kvart som ein får ledige plassar i barnehagen. Styrar har fullmakt til å vurdere inntak utanom hovudopptaket. Barnet har rett til plass i barnehage i den kommunen det er busett. Kommunale barnehagar har Jølster kommune som opptakskrets. Ved endring av barnet/familien sin livssituasjon i løpet av året jamfør 13. Lov om barnehagar, kan søkjarar ved framlegg av dokumentasjon, krevje ny handsaming av søknaden. D. KRITERIUM FOR OPPTAK Kommunale barnehagar har Jølster kommune som opptakskrets. Tildeling av plass i barnehage skal skje etter følgjande kriterium: 1. 13 i lov om barnehagar. Barn med nedsett funksjonsevne og barn som det er fatta vedtak om etter lov om barneverntenester 4-12 og 4-4 andre og fjerde ledd. 1. Prioritering etter alder. Ved søknad om opptak etter kriteria 1 skal det leggjast ved dokumentasjon av nyare dato frå sakkunnig instans som barnevern, lækjar eller PPT. I dokumentasjonen skal det klart gå fram kvifor barnet har særleg trong for barnehageplass. E. KLAGE PÅ OPPTAK Utval for oppvekst, kultur og helse er klageorgan ved klage på tildeling av kommunal barnehageplass. Klage skal sendast den enkelte barnehage. Forvaltningslova sine reglar for enkeltvedtak er gjeldande. 5. OPPTAKSPERIODE OG OPPSEIINGSFRIST Vi reknar eit barnehageår frå 15. august i opptaksåret til 14. august det påfølgjande året. Tildelt barnehageplass gjeld frå det tidspunkt som står på tildelingsbrevet/kontrakta, og til den vert sagt opp skriftleg, eller ut barnehageåret det året barnet byrjar på skulen. Ved oppseiing av plass eller reduksjon i opphaldstid gjeld det ein oppseiingsfrist på 3 månader, oppseiingsmånaden samt dei 2 påfølgjande månadene. Plassar som blir ståande ledige over tid, utan grunngjevnad, kan seiast opp. Ved flytting frå kommunen blir plassen sagt opp med 3 månader oppseiingstid.
6. REGLAR FOR FORELDREBETALING Barn som har fått plass i barnehage frå nytt barnehageår og som går heile året, betaler for 11 månader. 15. juli til 15. august er betalingsfri. Foreldrebetalinga for ein heil månad vert rekna frå den 15. i månaden og forfell til betaling i slutten av same månad. Foreldrebetaling og søskenmoderasjon vert regulert gjennom 15 i lov om barnehagar og til ei kvar tid gjeldande forskrifter. Kommunestyret fastset foreldrebetalinga og søskenmoderasjon. Når barnet sluttar i barnehagen, skal det betalast for oppseiingsmånaden samt dei 2 påfølgjande månadene. Dersom barnet/barna vert henta etter ordinær stengetid, må foreldra betale eit gebyr for kvar påbegynt halvtime. Føresette blir kalla inn til møte. Matpengar: Foreldra skal betale for mjølk, frukt og mat. Pris og tilbod blir fastsett av samarbeidsutvalet for kvar av barnehagane. Matpengane blir kravd inn kvar månad på faktura for foreldrebetaling. Manglande/uregelmessig betaling fører til at barnet misser plassen. Det er rådmannen som gjer vedtak om oppseiing av barnehageplassen i slike tilfelle. 10. OPNINGSTIDER OG FERIE Kommunale barnehagar har ope frå måndag til fredag. Opningstider: Skei barnehage frå kl. 07.00 til kl. 16.45. Langhaugane barnehage frå kl. 07.00 til kl. 16.45. Det kan vedtakst endra opningstid gjennom året. Endringar skal godkjennast i samarbeidsutvalet, og føresette skal varslast om endringar. Ferieopning: Skei barnehage har stengt to veker mellom veke 26 og 32 - dei to vekene det er ferrast barn i barnehagen. Langhaugane barnehage har sommarope. Barnehagane har stengt på offentlege helge- og høgtidsdagar samt 5 planleggingsdagar i løpet av barnehageåret. Alle barn skal ha minst 20 dagars ferie. Barna skal ha minst 3 veker samanhangande ferie i vekene 26-32. Ei veke er valfri. Føresette skal innan 1. mai melde frå kva tid barnet skal ha ferie. I særskilte høve kan føresette søke barnehagen om å flytte ei av ferievekene.
11. MÅLFORM Nynorsk målform skal, så langt råd er, nyttast i songar og litteratur i barnehagen. 12. AREALNORMER Følgjande netto leike og opphaldsareal per barn er lagt til grunn for kommunale barnehagar: 4 m 2 for kvart barn over 3 år, ved heiltidsplass. 5.5 m 2 for kvart barn under 3 år, ved heiltidsplass. Eit uteareal på 25 m 2 for kvart barn. 13. ENDRINGAR Eigar av barnehagen kan gjere endring i vedtektene. Endring skal leggjast fram for samarbeidsutvalet til uttale og sendast eigar til godkjenning. Utval for Oppvekst, Kultur og Helse vedtek endringar i vedtektene. Med helsing Lise Toverud Kommunalsjef 57726102