Fylkesmannen i Møre og Romsdal atab

Fylkesmannen i Møre og Romsdal atab Vår dato 20.11.2014 2007/3293/GUGJ/472 Saksbehandlar, innvalstelefon Dykkar dato Dykkar ref. Overingeniør Guro Eidskrem Gjenstad, 71 25 84 29 06.03.2014 Vår ref. J.E. Ekornes AS 6222 IKORNNES Vedtak om løyve etter forureiningslova til utslepp frå forbrenningsanlegg på Ikornnes - J.E. Ekornes AS Fylkesmannen i Møre og Romsdal har ferdigbehandla søknaden frå J.E. Ekornes AS av 06.03.14 og har vedtatt å gi løyve til verksemda etter forureiningslova på visse vilkår. Løyvet med tilhøyrande vilkår følger vedlagt. Det er også fatta vedtak om gebyr for saksbehandlinga. Vi viser til søknad av 06.03.14 om utsleppsløyve for forbrenningsanlegg. Fylkesmannen i Møre og Romsdal gir med dette løyve på visse vilkår. Løyvet med tilhøyrande vilkår følger vedlagt dette brevet. Løyvet er gitt med heimel i forureiningslova 11, jf. 16. Fylkesmannen har ved avgjerdsla av om løyve skal gjevast og ved fastsettinga av vilkåra lagt vekt på dei ulempene tiltaket vil få når det gjeld forureining samanlikna med dei fordelane og ulempene som tiltaket elles vil føre til. Ved fastsettinga av vilkåra har Fylkesmannen også lagt til grunn kva som kan oppnåast med dei beste tilgjengelege teknikkane. Løyvet gjeld frå dags dato. Dei utsleppskomponentane frå verksemda som ein reknar med vil ha størst påverknad på miljøet, er uttrykkeleg regulert gjennom spesifikke vilkår i pkt. 3 flg. i løyvet. Utslepp som ikkje er uttrykkeleg regulert på denne måten, er omfatta av løyvet i den grad opplysningar om slike utslepp blei lagt fram i samband med saksbehandlinga eller må reknast for å ha vore kjent på annan måte da vedtaket blei treft. Dette gjeld likevel ikkje utslepp av prioriterte stoff oppført i vedlegg 1. For verksemder der slike stoff blir nytta som innsatsstoff eller danna under produksjonen, er utslepp av stoffa berre omfatta av løyvet dersom dette går uttrykkeleg fram av vilkåra i pkt. 3 flg. i løyvet eller utsleppa er så små at dei må reknast for å vere utan påverknad på miljøet. Det blir understreka at all forureining frå bedrifta isolert sett ikkje er ønska. Sjølv om utslepp blir haldne innanfor fastsette utsleppsgrenser, har bedrifta plikt til å redusere Postadresse: Fylkeshuset 6404 Molde Telefon: 71 25 84 43 Telefax: 71 25 85 10 E-post: postmottak@fmmr.no Web: www.fylkesmannen.no

side 2 av 6 utsleppa så langt dette er muleg utan urimelege kostnader. Det same gjeld utslepp av komponentar det ikkje uttrykkeleg er sett grenser for gjennom særskilte vilkår. Det kan gjerast endringar i dette løyvet i medhald av forureiningslova 18. Endringar skal vere basert på skriftleg saksbehandling og ei forsvarleg utgreiing av saka. Ein eventuell endringssøknad må derfor sendast i god tid før ei endring er ønska gjennomført. At forureininga er tillate, hindrar ikkje erstatningsansvar for skade, ulemper eller tap forårsaka av forureininga, jf. forureiningslova 56. I tillegg til dei krava som følger av løyvet, har bedrifta plikt til å overhalde forureiningslova og produktkontrollova samt forskrifter som er heimla i desse lovene. Enkelte av forskriftene er nemnt i løyvet. For informasjon om andre reglar som kan vere aktuelle for bedrifta, viser vi til nettsida www.regelhjelp.no. Brot på utsleppsløyvet er straffbart etter forureiningslova 78 og 79. Også brot på krav som følger direkte av forureiningslova og produktkontrollova samt forskrifter fastsett i medhald av desse lovene, er straffbart. Saksframstilling og grunngjeving Om saka Ekornes ASA søkte 06.03.14 om utsleppsløyve for nytt flisfyringsanlegg ved fabrikkanlegget til J.E. Ekornes AS på Ikornnes i Sykkylven. I anlegget vil verksemda nytte flis frå eigen produksjon og kryssfiner frå Ekornes sin fabrikk på Grodås. Brensla vil omfatte flis frå laminat av bjørkefiner, kryssfiner, palletrevirke og treemballasje i tillegg til heiltre av bøk, bjørk og gran. Ekornes ASA sendte 14.08.14 inn retting når det gjeld avstandar frå anlegget til skole og barnehage. Høyring Søknaden låg ute til offentleg høyring i perioden 07.07.-18.08.14. Naboar nær anlegget fekk i tillegg varsel i eige brev. Sykkylven kommune fekk utvida sin frist til å uttale seg til 29.08.14. Det kom uttaler frå Erling Ekornes på vegner av Lennart Ekornes, frå Jorunn Ekornes, ei naboliste med 41 underskrifter med kontaktperson Vegard Ekornes Johannessen, familien Støylen, Nicolai Ekornes, Johannes Håskjold, Advokatfirmaet Engelsen DA på vegner av Herdis Johannessen og frå FAU ved Sørestranda barneskole i tillegg til uttale frå Sykkylven kommune. Ekornes ASA skreiv sin kommentar til uttalene 20.10.14. Erling Ekornes skriv at anlegget vil føre til luftforureining og støy ved naboeigedomane. Han etterlyser vurderingar av utslepp av aluminium og eventuell ufullstendig forbrenning av lim med innhald av aluminium og urea-formaldehyd. Han viser også til at røyk frå anlegget kan bli liggande over området på dagar med lite vind og meiner at anlegget bør plasserast på Jarnes. Jorunn Ekornes viser til at det vil bli meir støy, røyk og transport i eit område med bustadfelt, skole og barnehage. Ho ønskjer ikkje at anlegget blir bygd.

side 3 av 6 Naboane som har skrive under på nabolista, viser til at dei er uroa for støv, støy og utslepp frå forbrenninga. Dei er usikre på om det i framtida kan bli aktuelt å brenne avfall frå f.eks. hushald. Dei ønskjer at anlegget blir plassert i større avstand til bustadområder. Familien Støylen er uroa over mulege helseeffektar av røyk og støy og meiner at eit forbrenningsanlegg ikkje må byggast i nærleiken av bustader og skole. Nicolai Ekornes har fritidsbustad nær anlegget. Han ønskjer ikkje at anlegget blir bygd og er utrygg på kor mykje støy det vil bli frå knusing og forbrenning i tillegg til lukt, støv og eksplosjonsfare. Johannes Håskjold skriv at herdaren til limen som blir nytta, inneheld aluminium og at utslepp av aluminium ikkje er nemnt i søknaden. Han etterlyser også vurderingar av utslepp av nitrogenoksidar og formaldehyd frå limen. Han meiner også at eit forbrenningsanlegg ikkje bør etablerast der det er svært mange som oppheld seg like ved, og han meiner at fabrikken vil brenne flis for å bli kvitt avfallet og utan at all energien blir nytta. Advokatfirmaet Engelsen DA skriv på vegner av Herdis Johannessen som har gardstun ca. 80 m frå anlegget. Advokatfirmaet meiner det er uklart kor mange pipeløp det vil bli og kor høge pipene vil vere. Visuell forureining, støy og utslepp vil føre til helseplager, og eit forbrenningsanlegg bør lokaliserast utanfor fabrikkområdet. Det er også nemnt at eit anlegg bør vere så stort at andre kan levere avfall dit og at anlegget bør levere energi til andre enn eiga verksemd. FAU ved Sørestranda barneskole skriv at foreldra ved skolen er sterkt uroa over avgassane som blir danna under brenning av det aktuelle avfallet. Pipene vil ligge under 200 m frå skolen, og utvalet krev at anlegget blir plassert ein annan stad. Fleire av dei som har sendt inn uttale, nemner at dei er uroa for muleg brann- og eksplosjonsfare. Nokre skriv at det er helsefarlege materialar som skal brennast. Enkelte er også opptekne av at pipene i anlegget vil påverke det estetiske inntrykket av området og at eigedomane i nærleiken vil få lågare verdi som følgje av forbrenningsanlegget. Nærings- og utviklingsutvalet i Sykkylven kommune skriv i sitt vedtak av 25.08.14 at kommunen ser positivt på at J.E. Ekornes AS vil bruke flisfyring som erstatning for olje og elektrisk kraft. Kommunen ønskjer at anlegget blir etablert og ber om at det blir sett vilkår om at oljefyr og det gamle flisfyringsanlegget blir sanert så snart det nye anlegget er innkøyrt. I rådmannen sitt framlegg til vedtak er det opplyst at det aktuelle tiltaket ligg i eit område som er regulert til industri. I framlegget skriv rådmannen at Fylkesmannen spesielt må vurdere folkehelse og nærleik til bustader og skole. Ekornes ASA fekk oversendt uttalene. I sin kommentar til uttalene skriv verksemda at installasjonar i bygget er laga for å hindre eksplosjonsfare. Verksemda vil følge lovverk og vedtak frå Fylkesmannen når det gjeld utslepp til luft. Det er tre fyrkjelar som av tekniske årsaker må ha ei pipe kvar. Etablering av fjernvarmeanlegg på Jarnes har vore vurdert saman med bl.a. Sykkylven kommune og Tafjord Kraft, men planane har ikkje ført fram. Verksemda ønskjer å fase ut herder med aluminium og har kontakta leverandøren om dette. Analyser av prøver frå fabrikken viser at aluminium kjem ut i røykgassen ved ein forbrenningstemperatur under 300 grader. Normal forbrenningstemperatur vil vere minimum 810 grader. Spor av kjemikaliar som inngår i lim, vil kunne finnast i avgassen ved lave

side 4 av 6 forbrenningstemperaturar. Det vil derfor bli etablert rutinar slik at kjelane berre blir fyrt med reint trevirke ved oppstart og nedkøyring. Det vil bli utført periodiske målingar av verdiar i røykgassen, og unormale driftstilhøve gir utslag i alarmar. Grunnen til at fabrikken nyttar elektrisitet og olje, er for lav kapasitet på fliskjelen. Det vil ikkje bli brent anna enn den typen brensel som er omfatta av søknaden. Fylkesmannen sine vurderingar For alle saker som angår naturmangfald, følgjer det av lov om forvaltning av naturens mangfold (naturmangfaldlova, nml.) 7 at prinsippa i nml. 8-12 skal leggast til grunn som retningslinjer når avgjerder skal takst. Naturmangfaldet gjeld artar sin bestandssituasjon, utbreiing av naturtypar, økologisk tilstand og effekten av påverknader. Kravet til kunnskap skal stå i eit rimeleg forhold til saka sin karakter og risiko for skade på naturmangfaldet. Ifølge databasen Naturbase er det ingen verneområde eller utvalte naturtypar i det aktuelle området. Det er registrert eit yngleområde for fossekall i nærleiken i tillegg til at nokre andre fugleartar er observerte. Alle desse artane er klassifiserte som livskraftige i Artsdatabanken. Etter Fylkesmannen si vurdering er det lite sannsynleg at utslepp til luft frå det forbrenningsanlegget det er søkt om og støy knytt til anlegget, vil kunne føre til endringar i naturmangfaldet. Eit potensielt uhell som i en kort periode vil gi utslepp ut over det som er sett som grenser i løyvet, vil også medføre liten fare for skade på naturmangfaldet i området. Vi meiner at det ikkje er grunnlag for å avslå søknaden i tråd med føre-var-prinsippet i nml. 9 og at dei grenseverdiane som er sett i løyvet, vil vere tilstrekkelege til å beskytte naturmangfaldet frå negativ påverknad. Det skal ikkje vere utslepp til vatn frå anlegget. Sykkylven kommune ber om at Fylkesmannen vurderer tilhøve knytt til folkehelse sidan forbrenningsanlegget vil ligge nær skole og bustader. Dei privatpersonane som har uttalt seg i saka, har også effektar på folkehelse som eit hovudmoment i sine brev. Når anlegget ligg svært nær der mange bur og elles oppheld seg store deler av døgnet, vurderer Fylkesmannen det slik at det er rimeleg å nytte dei grenseverdiane som står i kapittel 7 om luftkvalitet i Forskrift om begrensning av forurensning (forureiningsforskrifta). Desse verdiane er sett med tanke på å beskytte helsa til menneske. I løyvet har Fylkesmannen sett grenser for konsentrasjonar av CO, NO x og partikulært materiale (støv) i form av PM 10 ved mest utsette nabo. Dette betyr at bedrifta må måle sine utslepp og deretter nytte berekningar av spreiing for å vise sannsynlege konsentrasjonar ved den bustaden, skolen eller anna bygg der folk oppheld seg over lenger tid som blir mest påverka av utsleppet. Det er grensene for disse berekna konsentrasjonane som må overhaldast. Målingar og berekningar skal utførast årleg i vinterhalvåret da energibehovet vil vere størst slik at ein får målt når belastninga truleg er størst. Dersom målingar og berekningar viser konsentrasjonar over grensene i utsleppsløyvet, må det settast i verk tiltak for å redusere utsleppa. Deretter må det gjennomførast nye målingar for å dokumentere effekten av tiltaka. Det er i løyvet sett krav til utslepp av støy. Dette er standard krav til støyutslepp frå industri. Det er i tillegg tatt med eit krav om at bruk av fliskuttar skal skje mellom klokka 08 og 16 måndag til fredag. Måling og berekning av støy vil kunne bli kravd dersom det kjem klager på støyplager. Det lokale brannvesenet og Direktoratet for samfunnssikkerhet og beredskap (DSB) er myndigheit når det gjeld brann- og eksplosjonsfare. Estetiske omsyn blir vurdert av kommunen etter plan- og bygningslova.

side 5 av 6 Forbrenningsanlegget skal berre brukast for å dekke bedrifta sitt behov for energi. Brenning ut over dette vil bli rekna som avfallsforbrenning utan energigjenvinning, og slik brenning er ikkje tillate etter dette løyvet. Når det nye forbrenningsanlegget er kome i drift, skal dette erstatte bruk av olje som energikjelde. Fylkesmannen ser positivt på at flis frå eigen produksjon kan nyttast til energi i fabrikken. Verksemda bør i størst muleg grad nytte flis frå eigen fabrikk. Tilleggsbrensle frå fabrikken på Grodås bør berre nyttast dersom det ikkje er tilstrekkeleg med den mengda som kjem frå fabrikken på Ikornneset. Slik vil utslepp knytt til transport av brensle bli så små som muleg. Risikoklasse Det skal ikkje vere andre utslepp til luft enn frå den aktiviteten det er søkt om. Ut frå krava som er sett i løyvet, vil utsleppa bli moderate. Verksemda blir plassert i risikoklasse 3. Risikoklassen har betyding for tilsynsfrekvens og gebyrsats ved tilsyn. Konklusjon Fylkesmannen gir løyve til utslepp frå forbrenningsanlegg etter fastsette vilkår. På bakgrunn av vilkåra meiner Fylkesmannen at verksemda det er gitt løyve til, ikkje vil føre til uakseptabel forureining. Vedtak om gebyr Som varsla i brev av 30.06.14, skal Ekornes ASA betale eit gebyr på kr. 20 100 for Fylkesmannen i Møre og Romsdal si behandling av søknaden, jf. forureiningsforskrifta sitt kapittel 39 «Gebyrer til statskassen for arbeid med tillatelser og kontroll etter forurensningsloven». Saksbehandlinga knytt til søknaden er plassert i gebyrsats 4, jf. forureiningsforskrifta 39-4. Faktura med innbetalingsblankett vil bli ettersendt frå Miljødirektoratet. Mulegheit for klage Vedtaket om å gi løyve, inkludert plassering i risikoklasse, og vedtaket om gebyrsats kan klagast inn til Miljødirektoratet av partane i saka eller andre med rettsleg klageinteresse innan 3 veker frå underretning om vedtak er kome fram eller frå vedkomande fekk eller burde ha skaffa seg kjennskap til vedtaket. Ein eventuell klage skal angi kva det blir klaga over og den eller dei endringane som ein ønskjer. Klagen bør grunngjevast, og andre opplysningar av betyding for saka bør nemnast. Klagen skal sendast til Fylkesmannen i Møre og Romsdal. Ein eventuell klage på vedtaket om å gi utsleppsløyve fører ikkje automatisk til at gjennomføringa av vedtaket blir utsett. Fylkesmannen eller Miljødirektoratet kan etter oppmoding eller av eige tiltak bestemme at vedtaket ikkje skal gjennomførast før klagefristen er ute eller klagen er avgjort. Avgjerdsla av spørsmålet om gjennomføring kan ikkje klagast inn. En eventuell klage på vedtaket om gebyrsats vil ikkje føre til at iverksettinga av vedtaket blir utsett, og det fastsette gebyret må derfor betalast i samsvar med det som er nemnt over. Dersom Miljødirektoratet aksepterer klagen, vil det overskytande beløpet bli refundert. Med visse avgrensingar har partane rett til å sjå dokumenta i saka. Nærare opplysningar om dette får ein ved å vende seg til Fylkesmannen. Andre opplysningar om saksbehandlingsreglar og andre reglar av betyding for saka vil Fylkesmannen også kunne gi til den som ber om det.

side 6 av 6 Offentliggjering av løyvet Vedtaket skal gjerast offentleg kjent, jf. 36-11 i forureiningsforskrifta. Den som har fått løyve, skal så snart som muleg kunngjere dette i dagspressa. Kunngjeringa skal innehalde ei kort orientering om løyvet, kvar ein kan vende seg for å få innsyn i saksdokumenta og opplysningar om klageinstans og frist for eventuell klage på vedtaket. Bedrifta kan gjerne nytte sin eigen logo i kunngjeringa. Fylkesmannen sin logo skal ikkje nyttast. Fylkesmannen ber om å få tilsendt ein kopi av kunngjeringa. Fylkesmannen vil kunngjere vedtaket på sine nettsider www.fylkesmannen.no/mr under «Miljø og klima», «Forureining», «Kunngjeringar». Kopi av dette brevet med vedlegg er sendt til dei som saka rører ved etter adresselista under. Med helsing Anne Melbø (e.f.) fagansvarleg Guro Eidskrem Gjenstad Dokumentet er elektronisk godkjent og har ingen signatur. Vedlegg: Løyve etter forureiningslova til utslepp frå forbrenningsanlegg Kopi: Naboar v/vegard Ekornes Knutsenvegen 7A 6230 SYKKYLVEN Johannessen Herdis Johannessen v/advokatfirmaet Engelsen DA Postboks 16 sentrum 6001 ÅLESUND FAU v/sørestranda barneskole v/alte Wærøy 6222 IKORNNES Nicolai Ekornes Ikornnesvegen 54 6222 IKORNNES Familien Støylen Sørestrandvegen 627 6222 IKORNNES Kjetil Ekornes Bergåsen 17 6222 IKORNNES Lennart Ekornes v/erling Ekornes Storfjordvegen 35 6013 ÅLESUND Jorunn Ekornes Sylte 6210 VALLDAL Johannes Håskjold Sørestrandvegen 637 6222 IKORNNES Sykkylven kommune 6230 SYKKYLVEN Petrine og Jens Ekornes minne AS Høgvollvegen 8 6018 ÅLESUND

Løyve etter forureiningslova til utslepp frå forbrenningsanlegg for J.E. Ekornes AS Løyvet er gitt i medhald av lov om vern mot forurensninger og om avfall av 13. mars 1981 nr. 6, 11 jf. 16. Løyvet er gitt på grunnlag av opplysningar gitt i søknad av 06.03.14 samt opplysningar som er komne fram under behandlinga av søknaden. Vilkåra går fram av dei følgande sidene. Løyvet gjeld frå dags dato. Bedrifta må på førehand avklare skriftleg med Fylkesmannen endringar som den ønskjer å gjere i høve til opplysningar som blei gitt i søknaden eller under saksbehandlinga og som kan ha påverknad på miljøet. Dersom heile eller vesentlege delar av løyvet ikkje er tatt i bruk innan 4 år etter at løyvet har tredd i kraft, skal bedrifta sende ei utgreiing av omfanget til verksemda slik at Fylkesmannen kan vurdere eventuelle endringar i løyvet. Data om bedrifta Bedrift J.E. Ekornes AS Lokalitet/gateadresse Industrivegen 1 Postadresse 6222 Ikornnes Kommune Sykkylven Org. nummer (bedrift) 971681489 Euref 89, UTM sone 32 nord: 6919386 aust: 373632 Gards- og bruksnummer 41/41 og 41/43 NACE-kode og bransje 31.090 Produksjon av møbler ellers Fylkesmannen sine referansar Løyvenummer Anleggsnummer Saksnummer Risikoklasse 1 2014.0602.T 1528.0012.01 07/3293 3 Løyve gitt: 20.11.14 Endringsnummer: Sist endra: Anne Melbø (e.f.) fagansvarleg Guro Eidskrem Gjenstad overingeniør Dokumentet er elektronisk godkjent og har ingen signatur. 1 Jf. forureiningsforskrifta kapittel 39 «Gebyr til statskassen for Fylkesmannens arbeid med tillatelser og kontroll etter forurensningsloven»

Side 2 av 8 1 Produksjonstilhøve/utsleppstilhøve Løyvet gjeld forureining frå anlegg for energigjenvinning med 2 MW innfyrt effekt. I flisfyringsanlegget til bedrifta kan det årlig brennast inntil 1800 tonn avkapp frå eigen produksjon. Ved vesentlege endringar skal bedrifta søke om endring av løyvet, sjølv om utsleppa ligg innanfor dei fastsette grensene. 2 Generelle vilkår I tillegg til dei vilkåra som er sett i dette løyvet, gjeld kapittel 27 i forureiningsforskrifta («Forurensninger frå forbrenningsanlegg med rene brenlser») for verksemda. 2.1 Avgrensingar i utslepp Dei utsleppskomponentane frå verksemda som ein reknar med har størst påverknad på miljøet, er uttrykkeleg regulert gjennom spesifikke vilkår i pkt. 3 flg. i dette løyvet. Utslepp som ikkje er uttrykkeleg regulert på denne måten, er omfatta av løyvet så langt opplysningar om slike utslepp blei lagt fram i samband med saksbehandlinga eller må reknast for å ha vore kjent på annan måte då vedtaket blei fatta. Dette gjeld likevel ikkje utslepp av prioriterte miljøgifter oppført i vedlegg 1. Utslepp av slike komponentar er berre omfatta av løyvet dersom dette går uttrykkeleg fram av vilkåra i pkt. 3 flg. eller dei er så små at dei må reknast for å vere utan betydning for miljøet. 2.2 Plikt til å overhalde grenseverdiar Alle grenseverdiar skal overhaldast innanfor dei fastsette midlingstidene. Variasjonar i utsleppa innanfor dei fastsette midlingstidene skal ikkje avvike frå det som følger av normal drift i ein slik grad at det kan føre til auka skade eller ulempe for miljøet. 2.3 Plikt til å redusere forureining så langt som muleg All forureining frå bedrifta, inkludert utslepp til luft og vatn, samt støy og avfall, er isolert sett uønskt. Sjølv om utsleppa blir haldne innanfor fastsette utsleppsgrenser, har bedrifta plikt til å redusere sine utslepp, inkludert støy, så langt dette er muleg utan urimelege kostnader. Plikta omfattar også utslepp av komponentar det ikkje gjennom vilkår i pkt. 3 flg. uttrykkeleg er sett grenser for. 2.4 Plikt til førebyggande vedlikehald For å halde dei ordinære utsleppa på eit lavast muleg nivå og for å unngå utilsikta utslepp, skal bedrifta sørgje for førebyggande vedlikehald av utstyr som kan ha påverknad på utslepp. System/rutinar for vedlikehald av slikt utstyr skal vere dokumentert, jf. internkontrollforskrifta 5 punkt 7 2. 2.5 Tiltak ved auka fare for forureining Dersom det som følge av unormale driftstilhøve eller av andre grunnar oppstår fare for auka forureining, har bedrifta plikt til å sette i verk dei tiltaka som er nødvendige for å eliminere 2 Systematisk helse-, miljø- og sikkerhetsarbeid i virksomheter forskrift av 06.12.1996 nr. 1127 (internkontrollforskrifta) 2

Side 3 av 8 eller redusere den auka faren for forureining. Dette omfattar om nødvendig å redusere eller innstille drifta. Bedrifta skal så snart som muleg informere Fylkesmannen om unormale tilhøve som har eller kan få betydning for forureining. Akutt forureining skal varslast som skildra i pkt. 8.4. 2.6 Internkontroll Bedrifta har plikt til å etablere internkontroll for si verksemd etter gjeldande forskrift om dette 3. Internkontrollen skal blant anna sikre og dokumentere at bedrifta overheld krav i dette løyvet, forureiningslova, produktkontrollova og relevante forskrifter til desse lovene. Bedrifta har plikt til å halde internkontrollen oppdatert. Bedrifta skal til ei kvar tid å ha oversikt over alle tilhøve som kan føre til forureining og kunne gjere greie for risikotilhøve. 3 Utslepp til vatn Det skal ikkje vere utslepp til vatn frå forbrenningsanlegget. 4 Utslepp til luft 4.1 Avgrensingar av utslepp Følgande grenser gjeld: Utsleppskomponent Konsentrasjonsgrense Midlingstid Målefrekvens CO 10 mg/m 3 8 timar Minimum årleg NO 2 200 µg/m 3 Time Minimum årleg PM 10 50 µg/m 3 Døgn Minimum årleg Konsentrasjonsgrensene gjeld verdiar berekna ved mest utsette nabo. I tillegg må dei komponentane som er omfatta av kapittel 27 i forureiningsforskrifta, målast slik forskrifta krev. Det skal ikkje vere utslepp av aluminium eller aluminiumforbindelsar. Dette skal dokumenterast ved årlege målingar utført samtidig med dei andre målingane av utslepp til luft. Diffuse utslepp frå produksjonsprosessar og frå uteareal, for eksempel lagerområde, område for lossing/lasting og reinseanlegg, som kan føre til skade eller ulempe for miljøet, skal avgrensast mest muleg. For eventuelle nye utsleppspunkt skal det lagast berekningar av spreiing som viser maksimale bakkekonsentrasjonar av relevante forureinande komponentar under dei mest ugunstige 3 Systematisk helse-, miljø- og sikkerhetsarbeid i virksomheter forskrift av 06.12.1996 nr. 1127 (internkontrollforskrifta) 3

Side 4 av 8 spreiingstilhøve som kan oppstå. Både bidraget frå nye utsleppspunkt og frå eksisterande kjelder, samt bakgrunnsnivå, skal synleggjerast. Konsentrasjonane skal vurderast etter forureiningsforskrifta sitt kapittel 7 eller andre relevante normer og retningslinjer for luftkvalitet. Berekningar av spreiing skal gjerast av ein uavhengig og kompetent aktør og skal sendast Fylkesmannen i god tid før byggestart. Fylkesmannen kan om nødvendig stille nærare krav til plassering og høgd på nye utsleppspunkt. 4.2 Krav til brensle I forbrenningsanlegget kan det nyttast brensle i form av avkapp frå bedrifta sin møbelproduksjon slik den er skildra i søknaden. Det blir ikkje gitt løyve til å brenne flis frå impregnert material eller frå trevirke som er behandla med stoff som kan innehalde halogenerte organiske forbindelsar eller tungmetall. Avkappet kan vere heiltre, pallevirke, ubehandla treemballasje, kryssfiner og laminat av bøkefiner. Ved mottak av kryssfiner frå ein annan av Ekornes sine fabrikkar, må J.E. Ekornes AS sørge for mottakskontroll. Kontrollen skal sikre at den mottatte brensla er rein kryssfiner og eigna til bruk i forbrenningsanlegget. 4.3 Krav til drift av forbrenningsanlegget Plassering av brennar og tilførsel av brensle skal vere slik at forbrenninga blir optimal. Forbrenningsanlegget skal berre nyttast når bedrifta har behov for den energien anlegget produserer. Forbrenningstemperaturen skal være minst 850 ºC ved brenning av anna ein reint trevirke. 5 Støy Bidrag frå forbrenningsanlegg og fliskuttar til utandørs støy ved ikringliggande bustader, sjukehus, pleieinstitusjonar, fritidsbustader, utdanningsinstitusjonar og barnehagar skal ikkje overskride følgande grenser, målt eller berekna som frittfeltsverdi ved mest støyutsette fasade: Kvardagar Laurdagar Søn- og helligdagar Kveld (kl. 19-23), kvardagar Natt (kl. 23-07), alle døgn Natt (kl. 23-07), alle døgn 55 Lden 50 Lden 45 Lden 50 Levening 45 Lnight 60 LAFmax Lden er A-vege ekvivalent støynivå for dag/kveld/natt med 10 db/5 db tillegg på natt/kveld. Levening er A-vege ekvivalent støynivå for kveldsperioden 23-07. Lnight er A-vege ekvivalent støynivå for nattperioden 23-07. LAFmax er A-vege maksimalnivå for dei 5-10 mest støyande hendingane innanfor perioden, målt/berekna med tidskonstant Fast på 125 ms. Alle støygrenser skal haldast innanfor alle driftsdøgn. Fliskuttar kan nyttast i perioden måndag-fredag mellom kl. 08 og 16. 4

Side 5 av 8 6 Energi Bedrifta skal ha eit system for kontinuerlig vurdering av tiltak som kan settast i verk for å oppnå ein mest muleg energieffektiv produksjon i anlegga. Energistyringssystemet skal vere i samsvar med norsk standard for energileiing og inngå i bedrifta sin internkontroll, jf. pkt. 2.6. 7 Avfall 7.1 Generelle krav Bedrifta har plikt til å unngå at det blir danna avfall som følge av verksemda så langt det er muleg utan urimelege kostnader eller ulemper. Særleg skal ein forsøke å avgrense innhaldet av skadelege stoff i avfallet mest muleg. Bedrifta har plikt til å sørge for at all behandling av avfall, inkludert farleg avfall, skjer etter gjeldande reglar for dette fastsett i eller i medhald av forureiningslova. Dette omfattar også avfallsforskrifta 4. 7.2 Forbrenningsrestar Mengda av forbrenningsrestar frå drifta av anlegget skal avgrensast mest muleg. Støv, flygeoske og botnoske frå forbrenninga blir rekna som avfall. Avfallet skal lagrast i tette behaldarar og sikrast mot spreiing under behandling og transport. Avfallet skal leverast til godkjent mottakar. 8 Beredskap og førebyggande tiltak mot akutt forureining 8.1 Miljørisikoanalyse Bedrifta skal gjennomføre ein miljørisikoanalyse av verksemda si. Bedrifta skal vurdere resultata i forhold til akseptabel miljørisiko. Potensielle kjelder til akutt forureining av vatn, grunn og luft skal kartleggast. Miljørisikoanalysen skal dokumenterast og skal omfatte alle forhold ved verksemda som kan føre til akutt forureining med fare for helse- og/eller miljøskadar inne på bedrifta sitt område eller utanfor. Ved modifikasjonar og endra produksjonstilhøve skal miljørisikoanalysen oppdaterast. Bedrifta skal ha oversikt over dei miljøressursane som kan bli påverka av akutt forureining og dei helse- og miljømessige konsekvensane slik forureining kan føre til. 8.2 Førebyggande tiltak På basis av miljørisikoanalysen skal bedrifta sette i verk risikoreduserande tiltak. Tiltak for å redusere både sannsyn og konsekvensar skal vurderast. Bedrifta skal ha ei oppdatert oversikt over dei førebyggande tiltaka. 8.3 Etablering av beredskap Bedrifta skal, på bakgrunn av miljørisikoanalysen og dei risikoreduserande tiltaka som er sett i verk, om nødvendig, etablere og vedlikehalde ein beredskap mot akutt forureining. Beredskapen skal vere tilpassa den miljørisikoen som verksemda til ei kvar tid representerer. 4 Forskrift om gjenvinning og behandling av avfall av 01.06.2004, nr. 930. 5

Side 6 av 8 8.4 Varsling av akutt forureining Akutt forureining eller fare for akutt forureining skal varslast etter gjeldande forskrift 5. Bedrifta skal også så snart som muleg underrette Fylkesmannen i slike høve. 9 Utsleppskontroll og rapportering til Fylkesmannen 9.1 Utsleppskontroll Bedrifta skal gjennomføre målingar av utslepp til luft. Målingane omfattar måling av volumstrøm, prøvetaking, analyse og berekning. Målingane skal utførast i vinterhalvåret når belastninga mest sannsynleg vil vere størst. Målingar skal utførast slik at dei blir representative for verksemda sine faktiske utslepp og skal som eit minimum omfatte: komponentar som er uttrykkeleg regulert gjennom grenseverdiar i løyvet eller forskrifter aluminium og aluminiumforbindelsar andre komponentar som er omfatta av rapporteringsplikta etter Miljødirektoratet sin rettleiar til bedriftene si eigenkontrollrapportering. Rettleiaren er lagt ut på www.miljodirektoratet.no. Bedrifta skal ha eit måleprogram som inngår i bedrifta sin dokumenterte internkontroll. 9.2 Måleprogram Når bedrifta utarbeider måleprogrammet, skal den: velje frekvensar for prøvetaking som gir representative prøver vurdere bidraga til usikkerheit ved dei ulike trinna i målingane (måling av volumstrøm, prøvetaking, analyse, berekning) og velje løysingar som reduserer den totale usikkerheita til et akseptabelt nivå Måleprogrammet skal skildre dei ulike trinna i målingane og grunngi dei metodane som er valt. Det skal gå fram av måleprogrammet kva for bidrag til usikkerheit dei ulike trinna gir. 9.3 Kvalitetssikring av målingane Bedrifta er ansvarleg for at metodar og utføringar er forsvarleg kvalitetssikra bl.a. ved å: utføre målingane etter Norsk standard. Dersom det ikkje finst, kan internasjonal standard nyttast. Fylkesmannen kan vidare godta at annan metode blir nytta dersom særlege omsyn tilseier det. bruke akkrediterte laboratorium/tenester når prøvetaking og analyse blir utført av eksterne. Tenesteytar skal vere akkreditert for den aktuelle tenesta. 9.4 Rapportering til Fylkesmannen Bedrifta skal innan 1. mars kvart år rapportere utsleppsdata frå det føregåande året via www.altinn.no. Rapportering skal skje etter Miljødirektoratet sin rettleiar til bedriftene si eigenrapportering, sjå www.miljodirektoratet.no. 5 Forskrift om varsling av akutt forurensning eller fare for akutt forurensning av 09.07.1992, nr. 1269 6

Side 7 av 8 10 Utskifting av utstyr Dersom det skal skiftast utstyr i verksemda slik at det teknisk er muleg å motverke forureiningar på ein vesentleg betre måte enn da løyvet blei gitt, skal Fylkesmannen på førehand ha melding om dette. All utskifting av utstyr skal baserast på dei beste tilgjengelege teknikkane med sikte på å motverke forureining. 11 Eigarskifte Dersom bedrifta blir overdratt til ny eigar, skal melding sendast til Fylkesmannen så snart som muleg og seinast ein månad etter eigarskiftet. 12 Nedlegging Dersom eit anlegg blir nedlagt eller ei verksemd stansar for ein lengre periode, skal eigaren eller brukaren gjere det som til ei kvar tid er nødvendig for å motverke fare for forureiningar. Dersom anlegget eller verksemda kan føre til forureiningar etter nedlegginga eller driftsstansen, skal det i rimeleg tid på førehand sendast melding til Fylkesmannen. Fylkesmannen kan fastsette nærare kva for tiltak som er nødvendig for å motverke forureining. Fylkesmannen kan pålegge eigaren eller brukaren å stille garanti for dekning av framtidige utgifter og muleg erstatningsansvar. Ved nedlegging eller stans skal bedrifta sørge for at råvarer, hjelpestoff, halvfabrikat eller ferdig vare, produksjonsutstyr og avfall blir tatt hand om på ein forsvarleg måte. Dette omfattar at farleg avfall blir behandla etter gjeldande forskrift 6. Dei tiltaka som blir treft i denne samanhengen, skal rapporterast til Fylkesmannen innan 3 månader etter nedlegging eller stans. Rapporten skal også innehalde dokumentasjon av disponeringa av kjemikalierestar og ubrukte kjemikaliar og namn på eventuell(e) kjøpar(ar). Ved nedlegging av ei verksemd skal den ansvarlege sørge for at driftsstaden blir sett i tilfredsstillande stand igjen med tanke på miljøet. Dersom ein ønskjer å begynne verksemda på nytt, skal det sendast melding til Fylkesmannen i god tid på førehand. 13 Tilsyn Bedrifta har plikt til å la representantar for forureiningsmyndigheita eller dei som denne gir mynde, føre tilsyn med anlegga til ei kvar tid. 6 Avfallsforskrifta sitt kapittel 11 om farleg avfall 7

Side 8 av 8 VEDLEGG 1: Liste over prioriterte miljøgifter, jf. punkt 2.1 Utslepp av desse komponentane er berre omfatta av løyvet dersom dette går uttrykkeleg fram av vilkåra i pkt. 3 flg. eller dei er så små at dei må reknast for å vere utan påverknad på miljøet. Metall og metallforbindelsar: Arsen og arsenforbindelsar Bly og blyforbindelsar Kadmium og kadmiumforbindelsar Krom og kromforbindelsar Kvikksølv og kvikksølvforbindelsar Forkortingar As og As-forbindelsar Pb og Pb-forbindelsar Cd og Cd-forbindelsar Cr og Cr-forbindelsar Hg og Hg-forbindelsar Organiske forbindelsar: Bromerte flammehemmarar: Penta-bromdifenyleter (difenyleter, pentabromderivat) Okta-bromdifenyleter (defenyleter, oktabromderivat) Deka-bromdifenyleter (bis(pentabromfenyl)eter) Heksabromcyclododekan Tetrabrombisfenol A (2.2`,6,6`-tetrabromo-4,4`isopropyliden difenol) Klorhaldige organiske forbindelsar 1,2-Dikloretan Klorerte dioksinar og furanar Heksaklorbenzen Kortkjeda klorparafinar C 10 - C 13 (kloralkaner C 10 - C 13 ) Mellomkjeda klorparafinar C 14 - C 17 (kloralkaner C 14 - C 17 ) Klorerte alkylbenzenar Pentaklorfenol Polyklorerte bifenylar Tensidane: Ditalg-dimetylammoniumklorid Dimetyldioktadekylammoniumklorid Di(hydrogenert talg)dimetylammoniumklorid Triklorbenzen Tetrakloreten Trikloreten Triklosan (2,4,4'-Trichloro-2'-hydroxydiphenyl ether) Nitromuskforbindelsar: Muskxylen Alkylfenolar og alkylfenoletoksylatar: Nonylfenol og nonylfenoletoksilatar Oktylfenol og oktylfenoletoksilatar Dodecylfenol m. isomerar 2,4,6tri-tert-butylfenol Polyfluorerte organiske forbindelsar (PFCs) Perfluoroktansulfonat (PFOS) og forbindelsar som inneheld PFOS Perfluoroktansyre Tinnorganiske forbindelsar: Tributyltinn Trifenyltinn Polysykliske aromatiske hydrokarbonar Dietylheksylftalat (bis(2-etylheksyl)ftalat) Bisfenol A Dekametylsyklopentasiloksan Vanlege forkortingar Penta-BDE Okta-BDE, octa-bde Deka-BDE, deca-bde HBCDD TBBPA EDC Dioksinar, PCDD/PCDF HCB SCCP MCCP KAB PCF, PCP PCB DTDMAC DSDMAC DHTMAC TCB PER TRI NF, NP, NFE, NPE OF, OP, OFE, OPE PFOS, PFOS-relaterte forbindelsar (PFOA) TBT TFT, TPT PAH DEHP BPA D5 8