Breim Kraft AS Mars 2009 Breim Kraftverk Informasjon om utbyggingsplanane
INNLEIING Breim Kraft AS (SUS) har planar om å søkje om konsesjon for å byggje og drive eit kraftverk i Storelva i Gloppen kommune. Det er utarbeidt ei førehandsmelding for prosjektet, og denne brosjyra gjev ein kortfatta presentasjon av utbyggingsplanane, forventa konsekvensar basert på tilgjengeleg informasjon, forslag til utgreiingsprogram og vidare saksgong. Breim, mars 2009 Breim Kraft AS (SUS) v / Per Jonny Moldestad PRESENTASJON AV TILTAKSHAVAR Breim Kraft AS (SUS) er eit selskap som er 100 % eigd av grunneigarane med fallrettar på den aktuelle elvestrekninga. Som overordna rådgjevar har selskapet engasjert Norsk Kraft AS, som vil bistå grunneigarane frå planleggingsstart til ferdig kraftverk. BAKGRUNN FOR SØKNADEN Kostnads- og produksjonsoverslag har vist at den planlagde utbygginga er økonomisk lønsam. Årleg middelproduksjon er utrekna til ca. 87,6 GWh, og ca. 30 % av dette er vinterkraft. Utbygginga vil koste i underkant av 260 mill. kr., noko som gjev ein utbyggspris på 2,94 kr/kwh. Breim kraftverk vil vere eit ytterlegare bidrag til kraftforsyninga både lokalt og nasjonalt. Ut frå den informasjon som er tilgjengeleg pr i dag, ser det ut til at utbygginga kan gjennomførast utan vesentlege negative konsekvensar for miljø, naturressursar og samfunn. Utbyggjar er av den oppfatning at negative konsekvensar for mellom anna landskap og fisk/ferskvassbiologi i stor grad kan avbøtast gjennom tiltak som minstevassføring og bygging av tersklar. Desse tiltaka ligg difor inne som ein del av utbyggingsplanane. Ei utbygging av Breim kraftverk vil gje inntekter til kommunen og skape arbeidsplassar og vekstvilkår lokalt. Kraftproduksjon vil kunne bli ei viktig attåtnæring for landbruket, noko som vil bidra til å sikre busetnaden i dette området. Gloppen kommune har uttalt at dei er positiv til kraftutbygging som ikkje har vesentlege skadeverknader for natur og miljø, og kommunen vil medverke til å utvikle kraftnæringa vidare. Tabell 1. Oversiktskart som viser utbyggingsplanene. - Side 1 -
OM UTBYGGINGSPLANANE Den planlagde utbygginga inneber bygging av inntak i Storelva enten ved Høylo (kote 125) eller Lunde (kote 114). Hovudalternativet, med inntak på Høylo, vil innebere bygging av ein 1 m høg og ca. 80 m brei terskel i Storelva, ein 120 m lang åpen kanal fram til inntak og sjakt ned til tunnel med lengde 4150 m ned til det planlagt kraftstasjonsområdet ved Breimsvatnet. Det er førebels ikkje teke stilling til om kraftstasjonen skal ligge i fjell eller i dagen. Begge alternativa vil bli vurdert i konsesjonssøknaden. Tabell 1. Nøkkeltal for det planlagde prosjektet i Storelva (kun hovudalternativet). Nedbørfelt (km²) 353,3 Restfelt mellom inntak og kraftstasjon (km²) 16,3 Middelvassføring (m³/s) ved inntaket 27,3 Alminneleg lågvassføring (m³/s) ved inntaket 2,58 Inntak (kote) 125,0 Senter turbin (kote) 59,0 Brutto fallhøgde (m) 63,0 Slukeevne, maks. (m³/s) 49,0 Installert effekt (MW) 24,0 Midlere energiekvivalent (kwh/m³) 0,137 Vassveg, lengde (m) 4150 Produksjon, vinter (1/10 30/4) (GWh) 25,4 Produksjon, sommar (1/5 30/9) (GWh) 62,2 Produksjon, årlig middel (GWh) 87,6 Utbyggingskostnad (mill.kr) 257,8 Utbyggingspris (kr/kwh) 2,94 Tippmassene frå tunnelen vil enten bli tippa i Breimsvatnet eller deponert og tildekt/revegetert på ein eigna stad i nærleiken til kraftverket. For å redusere effekten av tiltaket på landskap, naturmiljø, fisk og friluftsliv legg Breim Kraft opp til minstevassføring. I produksjonsberekningane er det kalkulert med 4,0 m 3 /s i sommarhalvåret og 1,0 m 3 /s i vinterhalvåret. I tillegg er det aktuelt å byggje tersklar på dei strekningane der fallforholda tilseier at dette er mogleg. Desse tiltaka ligg inne som ein del av utbyggingsplanane. Tabellen under viser framdriftsplanen for prosjektet. Tabell 2. Framdriftsplan Melding Konsesjonssøknad / KU Konsesjonsbehandling Prosjektering og bygging Drift 2009 2010 2011 2012 2013 2014 Kraftstasjonen vil få ein installert effekt på 23,6 MW. Den maksimal slukeevnen vil vere 49,0 m 3 /s, eller ca. 1,8 gonger middelvassføringa. Middelproduksjonen er utrekna til ca. 87,6 GWh pr år, fordelt på 25,4 GWh i vinterhalvåret og 62,2 GWh i sommarhalvåret. Kraftstasjon er planlagt tilkopla Reed sekundærstasjon ved hjelp av ein ca. 2 km lang 22 kv jordkabel. Det blir med andre ord ikkje nokon ny luftlinje i dette området. Figur 3. Nedre del av den berørte elvestrekningen. - Side 2 -
EKSISTERANDE TILHØVE I VASSDRAGET Det er ei rekkje vasskraftprosjekt i Breimsvassdraget. På strekninga mellom Breimsvatnet og utløpet i sjøen finn ein vasskraftverk både i Evebøfossen, Eidsfossen og Trysilfossen. Lenger oppe i vassdraget, ovanfor planområdet for Breim kraftverk, er det bygd kraftverk på Byrkjelo, ved Hjelle og ved Egge. Det er òg eit mindre anlegg under bygging i Teitafossen, ca 2,2 km ovanfor det planlagde inntaket. I tillegg til desse finst det fleire småkraftprosjekt videre oppover i vassdraget (i Stardalen og Myklebustdalen), samt at det vil bli søkt om konsesjon for eit større kraftverk i Stardalen i løpet av 2009. Hydrologiske forhold (vassføring) Ei utbygging vil naturleg nok medføre ein forholdsvis stor reduksjon i vassføringa på strekninga mellom inntaket og Breimsvatnet. Normalvassføringa ved det planlagte inntaket på Høylo er på ca. 27,3 m 3 /s. I dei periodane vassføringa er lågare enn slukeevnen (49,0 m 3 /s) vil det meste av denne vassføringa bli leia inn på overføringstunnelen. Frå utbyggjar si side er det imidlertid lagt opp til ei minstevassføring på 4,0 m 3 /s i sommarhalvåret og 1,0 m 3 /s i vinterhalvåret. I tillegg til dette vil restfeltet (0,6 m 3 /s i årsmiddel) og overløp i periodar med mykje nedbør eller bresmelting bidra til noko større vassføring på strekninga mellom Høylo og Breimsvatnet. Figur 4 viser vassføringa i Storelva i tørre år (5%), normale år og våte år (95%), samt slukeevnen til den planlagde kraftstasjonen. Elles renn det meste av den aktuelle elvestrekninga gjennom eit jordbrukslandskap med spreidt busetnad. Planområdet ber preg av eit aktivt landbruk gjennom fleire hundre år, og det er lite inntakt natur langs denne delen av vassdraget. FORHOLDET TIL SAMLA PLAN OG VERNEPLAN FOR VASSDRAG Utbyggingsplanane i Storelva har ikkje vore vurdert i Samla Plan, og det er difor søkt om fritak frå Samla Plan handsaming for dette prosjektet. Denne søknaden vil bli handsama parallelt med førehandsmeldinga for prosjektet. Vassdraget har ikkje vore vurdert i samband med suppleringa av verneplan for vassdrag, som vart gjennomført i 2005. Dette er ein indikasjon på at vassdraget berre har moderate verneverdiar samanlikna med dei vassdraga i fylket som er vedteke verna. m 3 /s 180 160 140 120 100 80 60 40 20 50 % 95 % 5 % Slukeevne MOGLEGE KONSEKVENSAR AV EI UTBYGGING I dei neste kapitla er dei forventa konsekvensane av ei utbygging kort vurdert på grunnlag av dagens kunnskapsnivå knytta til miljøforholda langs vassdraget. I samband med konsekvensutgreiinga vil det bli gjennomført meir detaljerte undersøkingar/feltarbeid for fleire fagområde. Vurderingane i denne brosjyra må derfor sjåast på som førebelse, og det kan bli justeringar i konfliktgrad, avbøtande tiltak, etc. etter at resultata frå desse undersøkingane ligg føre (i konsekvensutgreiinga). 0 01.jan 01.feb 01.mar 01.apr 01.mai 01.jun 01.jul 01.aug 01.sep 01.okt 01.nov 01.des 01.jan Figur 4. Vassføringa i Storelva i tørre (5%), normale (50%) og våte år (95%), samt kraftstasjonen sin planlagde slukeevne. Landskap Landskapet i influensområdet vil i første rekkje bli påverka gjennom redusert vassføring i Storelva over ei strekning på ca. 3,5 km (alt. 2) til 4,2 km (alt. 1). I midtre del er det ei rekkje mindre fossar og stryk, samt ein del kulpar skapt av naturlege tersklar. I dette området vil tersklane kunne oppretthalde delar av det vassdekte arealet sjølv om vassføringa blir vesentleg redusert. I øvre og nedre del av den aktuelle elvestrekninga renn - Side 3 -
elva noko rolegare. Her ligg tilhøva godt til rette for bygging av kunstige tersklar (sjå avbøtande tiltak). Ein kombinasjon av minstevassføring (4,0 m 3 /s om sommaren og 1,0 m 3 /s om vinteren er føreslege frå utbyggar si side) og terskelbygging vil kunne redusere den landskapsmessige effekten i vesentleg grad. I tillegg vil terrenginngrep i samband med bygging av inntak, kraftstasjon, anleggsveg og eventuelt deponering av tunnelmasser føre til meir lokale verknader for landskapet i anleggsfasen. Deponering av tunnelmasser i Breimsvatnet vil bli vurdert i konsesjonssøknaden, og dersom dette let seg gjennomføre vil dei landskapsmessige effektane av massedeponeringa bli svært små. Breim Kraft AS vil òg sjå på mogleg bruk av massene i samråd med kommunen, som eit alternativ til deponering. Når det gjeld tilhøvet til inngrepsfrie naturområde (INON), så er planområdet allereie sterkt påverka av busetnad, landbruk, vegar, kraftliner og liknande. Det er med andre ord ikkje noko inngrepsfritt areal igjen (iht. DN sin definisjon) i nærområdet til Breim kraftverk. Totalt sett er utbygginga vurdert å ha moderate landskapsmessige konsekvensar dersom avbøtende tiltak som minstevassføring og bygging av tersklar vert gjennomført. Kulturminne og kulturmiljø I følgje Riksantikvaren er det ei rekkje arkeologiske og nyare tids kulturminne i influensområdet til dette prosjektet. Desse kulturminna er imidlertid lokalisert i god avstand til anleggsområda, og dei fleste ligg òg utanfor det området som blir vesentleg påverka reint visuelt. Arealbeslaga i samband med den planlagde utbygginga er små og omfattar i stor grad utmark og noko dyrka mark med eit moderat potensial for funn av kulturminne. Det er ingen kjende vassdragstilknytta kulturminne i dette området. Basert på dagens kunnskapsnivå om kulturminne/kulturmiljø i dette området og utbyggingsplanane vurderer vi konsekvensane for kulturminne og kulturmiljø som relativt små. Naturmiljø (flora og fauna) Ei utbygging i Storelva vil kunne påverke kantsona langs vassdraget gjennom redusert vassføring. Sjølv om ein legg opp til ei relativt høg minstevassføring i vekstsesongen (4,0 m 3 /s pluss overløp i periodar med høg vassføring) og bygging av tersklar, så kan det ikkje utelukkast at artssamansetjinga i kantsona vil endre seg i retning av meir tørketålande artar. Endra straumforhold og erosjon vil òg kunne redusere mulegheitene for etablering av pionervegetasjon i elveløpet. Eit fåtal artar, som mellom anna fossekall og strandsnipe, er sterkt knytta til rennande vatn. Den føreslegne minstevassføringen i hekkesesongen (4,0 m 3 /s) bør vere tilstrekkeleg for å oppretthalde næringsgrunnlaget og hekkeplassane for desse artane. Eventuelt kan ein òg vurdere å plassere ut rugekasser for fossekall på eigna stader i og langs elva. Under føresetnad av at dei skisserte avbøtande tiltaka (minstevassføring og bygging av tersklar) vert gjennomført, er det mykje som tyder på at utbygginga kan gjennomførast utan store konsekvensar for det biologiske mangfaldet. Fisk og ferskvassbiologi Fiskebestanden i Breimsvatnet og Storelva er relativt godt kartlagt gjennom tidlegare undersøkingar. Det er i tillegg gjennomført nye gytefisktellingar i Storelva hausten 2008. Dei undersøkingane som er gjort indikerer at Storelva har ein tynn bestand av innlandsørret, og at gyte- og oppveksttilhøva er generelt dårlege. Dette skuldast i første rekkje at vassdraget er sterkt brepåverka og har svært dårleg sikt (høg turbiditet) i store delar av sommarhalvåret, at hastigheita på vatnet er høg samt at substratet er svært grovt (lite gytegrus). I dei to undersøkingane som er gjennomført vart det ikkje påvist gytefisk på den aktuelle strekninga. Fisken i elva er sannsynlegvis individ på beitevandring i periodar med god sikt. Så fort bresmeltinga og turbiditeten aukar på (tidleg i juni), vil fisken få problem med å finne næring og den vil då i stor grad trekkje ned i Breimsvatnet igjen. Breimsvatnet er kjend for storørreten sin. Dei undersøkingane som er gjort tyder på at storørreten i vatnet utelukkande gyt i utløpet av Breimsvatnet (strekninga Vassenden/Ryssdalsnes til Trysilfossen), og ikkje i Storelva. Ei utbygging med ei minstevassføring på 1,0 m 3 /s i vinterhalvåret og 4,0 m 3 /s i sommerhalvåret vil i liten grad endre dei allereie marginale tilhøva for ørreten i vassdraget. Minstevassføringa er vurdert som meir enn stor nok for å sikre den tynne bestanden av ørret. Ei fråføring av store delar av nedbørfeltet vil kunne betre sikten i nedre del av Storelva noko (ved at - Side 4 -
restfeltet står for ein større andel av vassføringa) og gje lågare vasshastigheit, noko som vil kunne ha ein marginal positiv effekt på gyte-/ oppveksttilhøva for fisk. Vasskvalitet og vassforureining Målingar i Myklebustelva og Stardalselva har vist at vasskvaliteten i øvre del av vassdraget er generelt god. Det er ingen indikasjonar på at noko anna er tilfelle i Storelva. Ei utbygging vil føre til redusert fortynning av utslepp langs den berørte elvestrekninga (pga lågare vassføring). Den høge minstevassføringa i sommarhalvåret (4,0 m 3 /s) vil likevel bidra til at avrenninga frå jordbruksareal og andre kjelder på denne strekningen ikkje blir spesielt merkbar verken for ferskvassøkosystemet eller for dei som ferdast langs elva. auke i turbiditeten dersom anleggsarbeidet rundt inntaket skjer tidleg i sommarhalvåret. I vinterhalvåret er slamtransporten i elva låg, og effekten av eventuelle tilførslar av partiklar frå arbeid ved inntaket vil vere meir synleg. I følgje grunneigarane blir ikkje vatnet i Storelva brukt til drikkevatn eller irrigasjon. Det er med andre ord ingen bruksinteresser som vil bli berørt dersom ein skulle få ei midlertidig endring i vasskvaliteten i elva. Støy og luftforureining Med unnatak av noko lokal støy i anleggsfasen knytta til tipping av tunnelmasser vil støy og luftforureing ikkje bli noko merkbart problem i samband med utbygginga. Det er generelt god avstand frå anleggsområda (kraftstasjon, massedeponi, inntak og liknande) til nærmaste busetnad. Jord- og skogbruk Arealbeslaga i samband med ei eventuell utbygging vil i svært liten grad berøre viktige jord-, skog- eller beiteområde, og utbygginga vil difor ikkje medføre negative konsekvensar for landbruket sitt ressursgrunnlag. Den viktigaste konsekvensen for landbruket i området vil vere at utbygginga styrkar næringsgrunnlaget i området og gjev gardbrukarane ei vesentleg tilleggsinntekt. Dette vil på sikt vere positivt for busetnaden i dalføret. Ei utbygging er difor vurdert å ha stor positiv verknad for landbruket i dette området. Ferskvassressursar Ferskvassressursane i elva blir ikkje brukt verken til drikkevatn eller irrigasjon. Utbygginga medfører difor ingen konsekvensar for noverande eller planlagt bruk av desse ferskvassressursane. Figur 5. Frå midtre del av den berørte elvestrekninga. I anleggsperioden vil arbeid med terskel, kanal og inntak kunne føre til auka tilførslar av sprengsteinstøv, jord o.l. til elva. Storelva har sine kjelder rundt Jostedalsbreen og er ei elv med høg transport av suspendert materiale (breslam), så anleggsarbeidet vil neppe føre til nokon vesentleg Andre naturressursar Ei utbygging vil ikkje ha negative konsekvensar for ei eventuell utnytting av mineral og masseførekomstar langs vassdraget. Næringsliv, sysselsetting, tenestetilbod og kommunal økonomi Ei eventuell utbygging vil ha ein positiv effekt på næringsliv og sysselsetting i anleggsfasen p.g.a. auka etterspørsel etter varer og tenester. Ein del av årsverka i anleggsfasen vil sannsynlegvis kome lokalsamfunnet til gode gjennom bruk av lokale underentrepenørar. Sidan - Side 5 -
anlegget vil bli automatisert/fjernstyrt vil utbygginga sannsynlegvis ikkje føre til nye heiltids arbeidsplassar lokalt, men det vil vere behov for noko ettersyn av tersklar, kanal, inntak og kraftstasjon. Grunneigarane ønskjer å utføre tilsyn og vedlikehald i eigen regi og forventar at dette vil medføre noko lokal verdiskaping. Den kommunale økonomien i Gloppen vil få eit positivt bidrag i form av bl.a. auka skatteinngong i anleggsfasen, samt eigedomsskatt, naturressursskatt og auka inntektsskatt frå fallrettshavarane i driftsfasen. Det er førebels ikkje gjort detaljerte utrekningar som viser kor store summar det dreiar seg om, men dette vil bli gjort som ein del av konsekvensutgreiinga for prosjektet. den nederste tredjedelen av den aktuelle strekninga, dvs. fra Rådabrua og ned til utløpsosen. Mellom det planlagde inntaksområdet og Rådabrua er det svært lite fiske. Ei utbygging vil føre til ein forholdsvis stor reduksjon i vassføringa mellom inntaket og utløpet i Breimsvatnet. Dette vil kunne redusere området sine landskapskvalitetar noko. Ei minstevassføring på 4,0 m 3 /s i sommarhalvåret, i kombinasjon med tersklar på enkelte strekningar, vil imidlertid kunne redusere konsekvensane når det gjeld landskapsoppleving. Når det gjeld jakt så er det utelukkande hjort det vert jakta på. Vi forventar ikkje nokon negative konsekvensar av ei utbygging for jaktopplevinga og jaktutbyttet i dalføret totalt sett. Dersom anleggsarbeidet pågår i jakttida, så vil ein kunne oppleve at hjorten trekkjer vekk frå anleggsområda. Effekten vil vere svært lokal og relativt kortvarig. Kva for effekt ei utbygging vil ha på fisket i elva vil avhenge av fleire faktorar. Dersom ein klarer å oppretthalde ein vesentleg del av det vassdekte arealet ved hjelp av avbøtande tiltak som minstevassføring og tersklar, så vil ein faktisk kunne oppleve ein marginal auke i produksjonen av botndyr og fisk på den aktuelle strekninga (som følgje av noko høgare temperatur og lågare vasshastighet). Sidan prosjektet legg opp til at desse avbøtande tiltaka vert gjennomført, er det sannsynleg at fiskebestanden (som er grunnlaget for fritidsfisket) ikkje vil endre seg i vesentleg grad (og då eventuelt marginalt i positiv retning). Med ei gjennomføring av dei føreslegne avbøtande tiltaka vurderer vi konsekvensane for friluftsliv, jakt og fiske som små. Figur 6. Storelva ovanfor Bø. Friluftsliv og reiseliv Strekninga mellom Reed og Byrkjelo har fleire kvalitetar med tanke på friluftsliv/rekreasjon, og då i første rekkje som nærturområde for innbyggjarane i området. Innanfor influensområdet til dette prosjektet er det fiske, jakt og korte spaserturar som er dei vanlegaste aktivitetane. Fiske skjer i hovudsak på Når det gjelder reiseliv, så er det nokre tilbod/aktivitetar i området. Reed camping ligg ved Storelva sitt utløp i Breimsvatnet, og Norsk Fjordhestgard på Råd tilbyr ridetimar, dagsturar, rideleirar m.m. Det er òg eit hotell på Reed. Reiselivsaktivitetane i området er i lita grad knytta opp mot Storelva, og vi forventar difor ikkje at utbygginga medfører vesentlege ulemper for reiselivsnæringa. FORSLAG TIL UTGREIINGSPROGRAM I dette kapitlet er det utarbeidt eit forslag til utgreiingsprogram. Breim Kraft AS legg opp til å involvere lokalbefolkninga og berørte partar i arbeidet med utbyggingsplanane og konsekvensutgreiinga. Dette er viktig for å få gjennomført utbygginga på ein mest mogleg skånsom måte der ein tek omsyn til miljøet, naturressursane og lokalsamfunnet. Breim Kraft AS - Side 6 -
ber difor om tilbakemelding dersom vesentlege moment er utegløymt. Hydrologiske forhold Den forventa effekten av ei utbygging på dei hydrologiske forholda i vassdraget må utgreiast. Vurderingane må omfatte både vassføring, vasstemperatur/isforhold og grunnvatn. Det må utarbeidast vassføringskurver som viser vassføringa i elva i tørre år, normale år og våte år. Utgreiinga må i tillegg vise alminneleg lågvassføring og 5- percentilar sommar og vinter som grunnlag for diskusjonar knytta til minstevassføring. Landskap Utbygginga sin påverknad på landskapet i dalføret må utgreiast. Vurderinga må ta føre seg konsekvensane av redusert vassføring, bygging av anleggsvegar, deponering av tunnelmasser og eventuelle andre inngrep i landskapet. Inngrepa og effekten av avbøtande tiltak som tersklar og minstevassføring bør i størst mogleg grad visualiserast ved hjelp av bilder, kart og eventuelt fotomontasjar. Kulturminne og kulturmiljø Etter utbyggjar si meining er det ikkje behov for ei meir detaljert kartlegging av automatisk freda og nyare tids kulturminne innanfor tiltaksområdet i denne fasen, og konsekvensutgreiinga vil då basere seg på eksisterande informasjon. Nærmare undersøkingar i tråd med 9 i kulturminnelova bør gjennomførast i ein seinare fase av prosjektet, dvs. etter at konsesjonsspørsmålet er avklart og lokaliseringa av dei enkelte anleggskomponentane (massetipp, riggområde m.m.) er fastlagd. Konsekvensane for kulturlandskapet/-miljøet og mogeleg avbøtande tiltak må utgreiast. Naturmiljø (flora og fauna) Utgreiinga knytta til flora og fauna må gje svar på om utbygginga får konsekvensar for verdifulle naturtypar, trua vegetasjonstypar og trua eller sårbare (raudlista) artar av plantar og dyr. Moglege avbøtande tiltak må vurderast. Fisk og ferskvassbiologi Det er gjennomført to gytefisktellingar i vassdraget (seinast i 2008), og det er difor ikkje naudsynt med fleire undersøkingar. Basert på desse teljingane må forventa konsekvensar og moglege avbøtende tiltak (bl.a. minstevassføring og bygging av tersklar) vurderast. Vasskvalitet/forureining Det bør gjennomførast målingar av vasskvaliteten for å kartleggje dagens situasjon. Analysen bør fokusere på ph og innhold av næringsstoff og tarmbakteriar. Konsekvensene for vasskvaliteten i elva må vurderast, og eventuelle avbøtende tiltak skisserast. Lokalklima Dei forventa konsekvensane av ei utbygging er så små at det etter utbyggjar sitt synspunkt ikkje er behov for detaljerte utgreiingar. Ei kort omtale av lokalklimaet og moglege konsekvensar vil bli inkludert i konsesjonssøknaden. Sedimenttransport og erosjon Konsekvensane av ei utbygging på sedimenttransport og erosjon i vassdraget må omtalast. Støy og luftforureining Dei forventa konsekvensane av ei utbygging er så små at det etter utbyggjar sitt synspunkt ikkje er behov for detaljerte utgreiingar. Ei kort omtale av støykjelder i anleggsfasen vil bli inkludert i konsesjonssøknaden. Jord- og skogbruk Dei forventa konsekvensane av ei utbygging er så små at det etter utbyggjar sitt synspunkt ikkje er behov for detaljerte utgreiingar. Ei kort omtale av temaet vil bli inkludert i konsesjonssøknaden. Ferskvassressursar Utfrå eksisterande kunnskap om brukarinteressene knytta til ferskvassressursane i vassdraget, er det mykje som tilseier at konsekvensane er så små at det ikkje er behov for nye, detaljerte utgreiingar. Ei kort omtale av temaet vil bli innarbeidt i konsesjonssøknaden. - Side 7 -
Mineral og masseførekomstar Dei forventa konsekvensane av ei utbygging er så små at det etter utbyggjar sitt synspunkt ikkje er behov for detaljerte utgreiingar. Ei kort omtale av temaet vil bli inkludert i konsesjonssøknaden. kvalitetar/attraksjonar med tanke på reiseliv. Konsekvensutgreiinga på friluftsliv og reiseliv må koordinerast med utgreiingane på bl.a. landskap, fisk/ferskvassbiologi og naturmiljø, sidan dette er er viktige aspekt knytta til området sine kvaliteter for friluftsliv og reiseliv. Folketal, bustadbygging og tenestetilbod Dei forventa konsekvensane av ei utbygging er så små at det etter utbyggjar sitt synspunkt ikkje er behov for vidare utgreiingar. Sosiale og helsemessige forhold Dei forventa konsekvensane av ei utbygging er så små at det etter utbyggjar sitt synspunkt ikkje er behov for vidare utgreiingar. Oppsummering av utgreiingsbehovet Tabellen under viser utbyggjar sitt forslag til utgreiingsomfang (detaljeringsgrad på dei ulike temaene). Figur 7. Storelva oppe ved det planlagte inntaksområdet (alt. 1). Næringsliv og sysselsetting, kommunal økonomi Effekten av utbygginga på lokalt næringsliv og sysselsetting i anleggs- og driftsfasen må vurderast på bakgrunn av erfaringar frå tilsvarande prosjekt. Konsekvensutgreiinga må òg gje ein oversikt over forventa inntekter til Gloppen kommune frå eigedomsskatt, naturressursskatt, inntektsskatt m.m. Friluftsliv og reiseliv Utgreiinga må sjå nærmare på konsekvensane av ei utbygging på bruken av området til friluftsliv og rekreasjon. Dagens bruk av området, dvs. brukstype, bruksomfang, brukargrupper m.m., og tilgongen på alternative friluftsområde må omtalast og vurderast. Det samme må området sine Tema Full utgreiing (fagrapport) Forenkla utgreiinga Hydrologi Landskap Kulturminne/-miljø Naturmiljø Fisk og ferskvassbiologi Vasskvalitet Lokalklima Sedimentransport/erosjon Støy og luftforurening Jord- og skogbruk Ferskvassressursar Mineral og masseførekomstar Næringsliv, sysselsetjing og kommuneøkonomi Friluftsliv, jakt og fiske Folketal, tenestetilbod m.m. Sosiale og helsemessige forhold - Side 8 -
VIDARE SAKSGONG Norges Vassdrags- og Energidirektorat (NVE) handsamar utbyggingssaka sentralt. Handsaminga av vassdragsreguleringssaker skjer i tre fasar: Fase 1 Meldingsfasen Det er fase 1 denne brosjyra gjev ein oversikt over. I meldinga gjer tiltakshavar greie for utbyggingsplanane og dei konsekvensutgreiingane han meiner er naudsynte. Føremålet med meldinga er å informere om planane og å få tilbakemelding om forhold som bør vurderast i den vidare planlegginga, og om moglege verknader som bør takast med når det endelege programmet for konsekvensutgreiinga skal utformast. Meldinga blir kunngjort i pressa og lagt ut til offentleg ettersyn. På same tid blir den sendt på høyring til sentrale og lokale forvaltningsorgan og sentrale interesseorganisasjonar. Alle som har interesser å ta vare på i denne samanheng, kan sende dette skriftleg innan ein frist på minst 6 veker etter kunngjeringsdato: NVE Konsesjonsavdelinga v / Jan Sørensen Postboks 5091 Majorstua 0301 OSLO med kopi til: Breim Kraft AS (SUS) v / Per Jonny Moldestad 6827 Breim I høyringsperioden vil NVE arrangere eit ope møte der det vil bli orientert om utbyggingsplanane og saksgongen vidare. Tidspunkt og stad for møtet vil bli kunngjort i lokalavisene. Ifølgje vassdragsreguleringslova kan grunneigarar, rettigheitshavarar, kommunar og andre berørte partar krevje at utbyggjar dekker utgifter til juridisk bistand og sakunnig hjelp i den utstrekning det er rimeleg. Ved usemje om kva som er rimelig kan saka leggast fram for NVE. Det er ein fordel at privatpersonar og organisasjonar med samanfallande interesser samordnar krava sine og at kravet om dekking av utgifter vert avklart med tiltakshavar på førehand. Meldingsfasen vert avslutta ved at NVE fastset det endelege konsekvensutgreiingsprogrammet. Fase 2 Utgreiingsfasen I denne fasen blir konsekvensane vurdert og utgreia i samsvar med utgreiingsprogrammet frå NVE, og dei teknisk/økonomiske planane blir vidareutvikla på bakgrunn av innspel frå meldinga og informasjon som kjem fram i konsekvensutgreiinga. Fasen vert avslutta ved at utbyggjar sender over konsesjonssøknad med tilhøyrande konsekvensutreiing til NVE. Fase 3 Søknadsfasen Når planlegginga er avslutta, vil søknaden med tilhøyrande konsekvensutgreiing bli oversendt til Olje- og energidepartementet (OED) v / NVE. Konsesjonssøknaden vil då bli handsama etter særskilte reglar. Ei ny brosjyre vil då orientere om vidare saksgong og dei endelege planane som konsesjonssøknaden byggjer på. Det vil òg bli arrangert eit nytt ope møte. Etter ein ny høyringsrunde vil NVE utarbeide ei innstilling i saka og oversende denne til OED. Det er Kongen i statsråd som tek den endelege avgjersla i saka. Store eller spesielt konfliktfylte saker blir lagt fram for Stortinget. I konsesjonen kan styresmaktene sette vilkår for drifta av kraftverket og det kan gjevast pålegg om tiltak for å unngå eller redusere skadar og ulemper. EIGNE NOTATER............... - Side 9 -
MEIR INFORMASJON Høyringsuttaler og spørsmål om sakshandsaminga kan rettast til: Norges Vassdrags- og Energidirektorat (NVE) Konsesjonsavdelinga Postboks 5091, Majorstua 0301 Oslo Kontaktperson: Jan Sørensen Tlf: 22 95 92 11 E-post: jaso@nve.no Spørsmål om utbyggingsplanane kan rettast til: Breim Kraft AS (SUS) Kontaktperson: Per Jonny Moldestad 6827 Breim Tlf: 415 32 148 (mob) E-post: pjmoldis@hotmail.com Melding og brosjyre er utarbeidd av: Multiconsult AS Kontaktperson: Kjetil Mork Serviceboks 9, 6025 Ålesund Tlf: 70 10 19 91 E-post: kjetil.mork@multiconsult.no