Konfirmant 2016 Informasjonshefte om konfirmasjon i Fjell, Foldnes og Landro kyrkje Tema for året: "Loved"
Velkommen til konfirmasjonstida i Fjell 2016! Det nærmar seg konfirmasjonstid for dykk som er fødde i 2001. Vi i kyrkja held på å planlegge konfirmantåret, og håpar at du vil vere med! Kva er konfirmasjon eigentleg? Konfirmasjonstida heng saman med dåpen. I dåpen fekk du trua som gåve, og i konfirmasjonen får du moglegheit til å stadfeste at du vil leve i denne trua. Gud ønskjer også å stadfesta at han har omsorg for deg og elskar deg. Det vil vi snakke mykje om i konfirmasjonstida. Konfirmanttida er ei spennande tid der du får vere med på mykje gøy, får anledning til å samtale og grunne på dei store spørsmåla i livet, og moglegheit til å bli kjend med mange nye ungdommar og vaksne. Konfirmantåret er eit år du seint vil gløyma! Individuell tilrettelegging Vi vil gjere det mogleg for alle som ønskjer det, å vere konfirmant. Det kan vere mange årsaker til at det kan vere vanskeleg å følgje det ordinære opplegget som er sett opp. Om det er funksjonshemmingar, sosiale vanskar, sjukdom, eller anna som gjer det utfordrande for konfirmanten å følgje opplegget, ønskjer vi svært gjerne å kome i kontakt med foreldre/føresette og konfirmanten slik at vi saman finn ei god løysing for di konfirmasjonstid. Ulike tiltak kan til dømes vere: ein-til-ein undervising, undervising i mindre grupper eller anna tilrettelegging. Registrering For å bli registrert som konfirmant i Fjell må du fylle ut registreringsskjemaet på nettsida www.fjellkonfirmant.no Før du gjer det anbefaler vi både konfirmanten og foreldre/føresette å lese infoheftet slik at du har eit godt inntrykk av kva det vil seie å vere konfirmant i Fjell. Registreringa er noko konfirmanten og foreldre/føresette bør gjere saman. Registreringa opnar 1. juni og frist for registrering er 20. juni! - 2 -
Kontakt med heimen Foreldresamlingar Det blir nokre samlingar med foreldre/føresette i konfirmasjonstida: Infomøte i Foldnes kyrkje torsdag 11. juni kl. 19.00. Velkommen! T14-dagen 2.september. Fokus på interessegruppene. Tema- og informasjonssamling i januar. Fokus på T15-Fasteaksjonen T15 Wrap-up i april. Kappeutdeling og info om konfirmasjonsdagen. Informasjon De vil få tilsendt viktig informasjon i Konfirmantposten som Kyrkjekontoret sender ut 2 til 4 gonger, og på nettsida vår (www.kyrkja.no/fjell) skal det alltid ligge oppdatert informasjon. Semesterplan for undervisingsgruppene blir sendt ut til konfirmantar og foreldre/føresette i august og desember. Informasjonen vil hovudsakleg bli sendt ut via e-post, men påminning om viktige samlingar kan òg kome på sms direkte til konfirmanten og foreldre/føresette. Undervisningssamlingar Alle konfirmantane får undervisning i den kyrkja dei tilhøyrer, og blir fordelte etter skule og barneskulekrins. Undervisninga er som regel rett etter skuletid. Har de spesifikke ønskje om kva gruppe konfirmanten skal gå i, eller kven han/ho skal gå saman med, må dette presiserast på registreringsskjemaet. Ved registrering etter 20. juni er det ikkje sikkert at vi kan innfri desse ønskja. Undervisninga tek til i byrjinga av september. Interessegrupper Alle konfirmantane er med i ei interessegruppe i tillegg til undervisingssamlingane. I desse gruppene får konfirmantane vere ein del av ungdomsarbeidet og andre aktivitetar i kyrkja. Etter T14-dagen vil konfirmantane kunne registrere kva interessegrupper dei helst vil vera med i. I tillegg til nye interessegrupper vil desse gruppene vere Leir, TenSing Lukas, KRIK, Basement, Landroklubben, Lysmesse m.m. Det kjem meir informasjon om desse gruppene på T14-dagen. - 3 -
Gudstenester Gudstenesta er kyrkjelyden si storsamling. Gud møter oss, vi møter Gud og vi møter kvarandre. Konfirmantane skal delta på minimum åtte gudstenester i tillegg til konfirmasjonsgudstenesta i mai. På kvar gudsteneste skal konfirmantane fylle ut eit gudstenesteark for å registrere frammøte. Dette arket skal leverast til presten eller kyrkjevertane når gudstenesta er slutt. Viss konfirmantane går på gudsteneste andre stadar enn Fjell, Foldnes og Landro kyrkje, må dei få underskrift på at dei har vore til stades, og levere denne til konfirmantlærar. Vi oppfordrar foreldre/føresette til å slå følgje med konfirmanten til gudstenestene. Ung messe I løpet av året vil det bli arrangert fleire "Ung Messe" i alle tre kyrkjene. Dette er gudstenester spesielt tilpassa ungdom, og vi vil anbefale desse for konfirmantane. Ungdom er med i planlegging og gjennomføring av gudstenesta, noko som gjer at all musikk, forkynning og liturgi er meir ungdommeleg enn det vil vere på ei alminneleg gudsteneste. Etter gudstenesta er det kyrkjekafé; eit sosialt møtepunkt med noko godt å ete. Lysmesse Søndag 6. desember skal nokre av konfirmantane vere med på å lage lysmesse i alle tre kyrkjene. Dette er stemningsfulle gudstenester der alle konfirmantar og foreldre er særskild velkomne. Vi tenner lys i mørkret og les tekstar som fortel om frelsaren som kjem. Ei flott adventsgudsteneste for heile familien. - 4 -
Presentasjonsgudsteneste I september skal alle konfirmantane presenterast for kyrkjelyden i den kyrkja dei høyrer til. Alle konfirmantar må møte på si presentasjonsgudsteneste. Dette er ei heilt vanleg gudsteneste, men som ein del av forbøna blir alle konfirmantane lest opp og bedt for. På presentasjonsgudstenesta vil alle konfirmantane òg få utdelt sin konfirmantbibel. Fjell kyrkje Søndag 13. september kl. 11.00 Ekerhovd, Knappskog og Kolltveit krins. Søndag 20. september kl. 18.30 Algrøy, Skålevik, Syltøy, Tellnes og Ulveset krins Foldnes kyrkje Søndag 13. september kl. 11.00 Brattholmen, Bjorøy og Hjelteryggen krins Søndag 20. september kl. 11.00 Foldnes og Liljevatnet krins Landro kyrkje Søndag 13. september kl. 11.00 Knappskog, Landro, Misje og Ågotnes krins. Konfirmasjonsgudsteneste Konfirmasjonsgudstenesta er ei høgtideleg avslutning på konfirmasjonstida. Konfirmantane blir fordelte etter barneskulekrins, men dersom de ønskjer å ha konfirmasjonsgudstenesta i ei anna kyrkje eller på ein annan dag enn det som er sett opp her, ber vi om at de seier ifrå på registreringsskjemaet. Fjell kyrkje Laurdag 30.april kl. 10.30 Kolltveit kl. 12.30 Ekerhovd og Knappskog Torsdag 5. mai kl. 10.30 Ulveset kl. 12.30 Algrøy, Skålevik, Syltøy og Tellnes Foldnes kyrkje Torsdag 5. mai kl. 10.30 Hjelteryggen kl. 12.30 Liljevatnet Laurdag 7. mai kl. 10.30 Brattholmen og Bjorøy kl. 12.30 Brattholmen Søndag 8. mai kl. 10.30 Foldnes kl. 12.30 Foldnes Landro kyrkje Laurdag 7. mai kl. 10.30 Ågotnes kl. 12.30 Ågotnes Søndag 8. mai kl. 10.30 Knappskog og Misje kl. 12.30 Landro Dersom det blir for mange konfirmantar på ei gudsteneste, kan det bli endring på klokkeslett. - 5 -
Arrangement T14 Kick-off! Onsdag 2.september kl. 18.00 i alle tre kyrkjene Konfirmantåret startar med ei høgtideleg og festleg samling i kyrkja di. Denne dagen er for både konfirmantane og foreldre/føresette. På T14 vil du få info om konfirmantåret og om alle dei ulike interessegruppene. I august vil de få eit brev i posten med invitasjon til T14-dagen. T15 Fasteaksjonshelga: 12.-13. mars T15 Storsamling Laurdag 12. mars blir det ei storsamling i Foldnes kyrkje for alle konfirmantane i Fjell! Denne kvelden er det kick-off til Kirkens Nødhjelp sin fasteaksjon som skal vera dagen etter. Kvelden blir fylt med underhaldning, viktig info om Fasteaksjonen, konsert, kiosk og god stemning! T15 Fasteaksjonen Fasteaksjonen er Kirkens Nødhjelp sin årlege innsamlingsaksjon. Alle konfirmantane er med på å gå med bøsse i sitt nærområde søndag 13. mars 2016. Foreldrehjelp Til T15 treng vi hjelp frå foreldre både på laurdag og søndag til mellom anna baking, praktisk hjelp og vakthald. Meir info om dette kjem på foreldresamlinga i januar. Foto: Erlend Angelo/Kirkens Nødhjelp T15 Wrap-up! Omlag ei veke før konfirmasjonen er det Wrap-up for alle konfirmantar og konfirmantlærarar i kyrkjene. Det blir underhaldning, kake og brus, og ein sjanse til å sjå tilbake på konfirmantåret. På slutten av kvelden inviterer vi alle foreldre/føresette til ei kort infosamling om konfirmasjonsdagen. Under denne infosamlinga vil konfirmantane få utdelt kappane dei skal bruke under konfirmasjonen. - 6 -
Praktisk informasjon Økonomi Alle konfirmantane betalar ein kontingent på kr. 750,- Dette dekkjer utgifter i samband med undervisning og arrangement, og reingjering av konfirmantkappene. I tillegg til kontingenten kjem utgifter til interessegruppene. Prisen på desse vil variere. Kyrkjelyden har kjøpt økonomiske tenester hos kommunen, så rekninga blir sendt frå Kommunekasseraren i Fjell. Kommunekasseraren treng personnummer til den av foreldra som skal betale. Vi ber derfor om at dette blir oppgitt på registreringa. Rekninga blir sendt ut i mars/april/mai. Dåpsattest Er konfirmanten døypt andre stader enn i Fjell sokn (Fjell, Foldnes eller Landro kyrkje), må de sende kopi av dåpsattest til oss, slik at det formelle er i orden. Dersom du ikkje har dåpsattesten tilgjengeleg, kan du bestille ein kopi frå kyrkja der konfirmanten er døypt. Dåpsattesten kan sendast som brev eller e-post, eller leverast til konfirmantlærar. Ikkje døypt? Dåpen er ein føresetnad for konfirmasjon. Dersom du ikkje er døypt, kan du vere med i konfirmasjonstida, bli kjend med trua og velje om du vil bli døypt undervegs. Kvart år blir ei handfull konfirmantar døypte i samband med konfirmasjonstida, og vi set opp dåpskurs og dåpsgudsteneste for desse konfirmantane i februar/mars. Avtale for konfirmasjonstida Konfirmantlærarane skal syte for: godt førebudde samlingar å gi viktig informasjon skriftleg at dei obligatoriske utgiftene ikkje blir høgare enn det som er fastsett i infoheftet at programmet ikkje blir endra utan særleg viktige grunnar å gi melding ved endring av semesterprogrammet Konfirmanten skal: møte til dei samlingane som planen føreskriv gjere sitt til at det blir eit positivt miljø under samlingane gi melding dersom det er noko ein vil endre på Foreldre må gi melding på førehand dersom konfirmanten ikkje kan møte til dei oppgitte samlingane. For at konfirmanttida skal bli ei god tid, er vi avhengige av at foreldra motiverer konfirmanten, går saman med dei til gudsteneste, deltek på foreldresamlingane og les den informasjonen som blir sendt ut. Stadig uro under samlingane vil bli tatt opp med foreldre/føresette. Ved meir enn 20% fråvær blir det kalla inn til ekstraundervising. I verste fall kan det bli grunnlag for utsetjing av konfirmasjonen. Ved registrering på www.fjellkonfirmant.no stadfestar konfirmanten og foreldre/føresette at dei er kjende med og aksepterer avtalen. - 7 -
Ansvarlege for konfirmasjonstida Soknerådet er ansvarleg for konfirmasjonsopplegget, og har vedteke konfirmantplanen for Fjell. Kateketen, kyrkjelydspedagogen, prestane og andre tilsette har saman ansvar for konfirmantundervisninga. Har de noko å utsetje på opplegget, så ta gjerne kontakt med ansvarleg konfirmantlærar eller Kyrkjekontoret så vi kan ta ein prat om det du tenkjer på. Vi håpar dette informasjonsheftet gir svar på det meste omkring konfirmasjonstida som kjem, og inviterer til eit godt samarbeid mellom heim og kyrkje. Har de spørsmål: ver frimodige og ta kontakt! Venleg helsing konfirmantteamet i Fjell Mildred Heggernes, Terje Aannerød, Bjarte Nese, Petter Ekerhovd-Ottersen, Maria Tveten, Kristine Hopland, Eivind Kausland Lie og Beate Sørhus - med ønskje om ei minnerik konfirmasjonstid! Er det noko du ikkje får svar på i dette heftet, ta gjerne kontakt med kyrkjelydspedagog Beate Sørhus. Tlf.: 55 09 74 63/ E-post: beate.sorhus@fjell.kommune.no Besøksadresse: Temahuset (Tytebærbrekko 2), Straume. (2.etg., over Jysk) Opningstider: måndag-fredag, kl.9-15 www.fjellkonfirmant.no www.kyrkja.no/fjell - 8 -